رواية لعبة ست الحسن الفصل العاشر10بقلم مصطفي جابر
العريس اللي جيبهولك ده يبقى أبويا وناوي يستر عليكي ويهنيكي يحماتي.
إسراء بصدمه : أبوكي؟ أنت عاوزاني ابقا ضرة امك هو انتي جنس مليتك اي بالظبط.
سجدة ببرود : مالك اتخضيتِي كده ليه يا حماتي ده أبويا راجل يملى العين وهيهنيكِ ويستر عليكي بدل القعدة اللي ملهاش لازمة دي.
إسراء بغضب : برا يا فوراً غورِي من وشي الله يأخذك أنتِ وأبوكي واهلك كلهم شيطانه علي شكل بني ادمه.
سجدة خرجت من الأوضة ببرود .
بعد شوي..
نادر دخل لاقي مريم واقفة في الصالة ولابسة طقم أسود كامل ووشها أصفر ومخطوف
نادر يبتسم بمرح : إيه يا جميل الأسود ده كله هو فيه حد مات ولا إيه يا مريم.
مريم بجمود : أنا لابسة الأسود ده عشان نازلة دلوقتي أرفع عليك قضية خلع يا استاذ نادر
نادر بمرح : خلع مرة واحدة كده! ليه بس يا حبيبتي أنا عملت إيه لكل ده ده إحنا كنا كويسين من شوية
مريم بجمود : أنا مش بهزر يا نادر وأنا نازلة للمحامي حالا وهخليه يخلعني منك باي شكل مم الاشكال.
نادر بصدمه : أنتِ بتتكلمي جد يا مريم فيه إيه وإيه اللي جرى لعقلك مرة واحدة كده
مريم بمرارة ودموعها نازلة : بتسأل جرا إيه ليك عينك ترفعها فيا بعد عملتك دا.
نادر يقرب منها بذهول : عملت إيه بس فهميني أنا مش فاهم حاجة خالص.
مريم بدموع وجع : ليه ما قولتليش على علاقتك بسجدة قبل ما تتجوزني وبُعد ما اتجوزتني كمان ليه استغفلتني كل السنين دي وعشت معايا بالكدب والتمثيل وانت عمرك ما حبتني ولا هتحبني اصلا ها لييي.
نادر باستغراب : علاقة إيه يا مريم أنتِ اتجننتِ علاقة إيه اللي بيني وبين سجدة مرات اخوكي دي
مريم بدموع : هي قالتلي كل حاجة يا نادر وقالتلي إنك اتجوزتني أنا بالذات عشان تفضل قريب منها وتحت سقف واحد معاها وتشوفها كل يوم يعني انا كنت سلم ليك وليها.
نادر يضرب كف بـ كف باستغراب وغضب : محصلش والله العظيم ما حصل ودي كدابة وواحدة متسواش عاوزة توقع بيننا وتخرب بيتنا .
مريم تصرخ بغضب : أنت كداب كلكم كدابين وخاينين
نادر بجمود وزعل : أنتِ للدرجة دي مش واثقة فيا يا مريم للدرجة دي تصدقي واحدة زي دي وتبيعي جوزك في لحظة.
مريم تنزل دموعها بحسرة.
نادر يتنهد بجمود : على فكرة أنا كنت بحميكي وبحمي أخوكي منها ومن قرفها ده كله انا معملتش حاجة غلط ولا اقدر اعمل معاكي انتي بالذات كدا.
مريم بسخرية : بتحميني بقا بتغفلني وتقولي بتحميني.
نادر مسك تليفونه وطلعه من جيبه بهدؤء : طب تعالي شوفِ بنفسك شاشة التليفون وشوفِ هي اللي كانت بتقعد ترن عليا كام مرة في اليوم وتتحجج بأي حاجة عشان تتكلم معايا علي طول وانا اقعد اصد فيها ياما ابلكها يا اما مردش اصلا.
نادر فتح تسجيلات الصوت ويشغل تسجيل لسجدة وهي بتتمسكن وبترجاه يتقابلوا في السر وبيحاول يتكلم معاها بدلع ونادر بيرد عليها بجمود وبيصدها
مريم تسمع التسجيل وتقف بذهول وصدمة وعينيها تنزل منها الدموع ومش مصدقة اللي بتسمعه.
نادر يقفل التسجيل بحزن : أنا عارف إن عبد الرحمن أخوكي معمي بحبها وما بيشوفش بلاويها عشان كده كنت بسجل لها كل مكالمة وكل حركة عشان لما أواجهه بمراته يكون في إيدي دليل قوي يخرسه وما يقدرش ينكره لا هي ولا هو لانها مسيطرة عليها.
مريم بذهول وندم والدموع مالية عينها وما بتنطقش بكلمة.
وفجأة يسمعوا صوت صويت وصرخات عالية جاية من الشارع برة العمارة.
مريم ونادر يخرجوا جري للشارع يلاقوا بنت غريبة ومضروبة ومستخبية ورا عبد الرحمن ومسكة في هدومه برعب.
وقدامهم محمود صاحب عبد الرحمن واقف وفي إيده عصاية وعيونه بتطلع شرار وغل حارق وبيصرخ عليهم هما الإتنين بصوت رج الشارع.
محمود بغل وغضب : أقسم بالله لأشرب من دمك يا عبد الرحمن يا خاين انا مش هسيبك تهرب بعملتك المرة دي مش هسيبك تعلم عليا اسكت لك كدا.
عبد الرحمن بغضب : أنت اتجننت يا محمود جاي لحد بيتي وفي وسط حارتي وتعمل الشويتين دول روح اتربى وتعال اتكلم معايا زي الرجالة .
محمود بضحكة غل وهستيرية : أتربى أتربى من مين يا راجل يا اللي ناقص ربيا بقا بتقل معايا انا .
البنت بدموع : الحقني يا عبد الرحمن يا حبيبي ده عايز يقتلني ده اتجنن ومستحيل أرجع له تاني أقسم بالله يقتلني.
محمود أول ما يسمع كلمة "حبيبي" من مراته عينيه تطير بشرار ويتنفض ويزق الناس اللي ملمومة في الشارع : حبيبي ها بتسميه حبيبك قدامي يا بت يا اللي مفيش في وشك نقطة دم واحدة ده أنتِ وإياه مطلعين عليا العيب وبتلعبوا بيا من ورا ضهري وأنا يا حبة عيني المغفل اللي مش داري بحاجة يا خاينه.
عبد الرحمن زق محمود في صدره رجعه لورا خطوتين : اقفل بوقك ده يا محمود وما تجيبش سيرة مراتي على لسانك تاني هي دلوقتي حرمي وعلى ذمتي وورقتي هي اللي ماشية مش ورقتك أنت خلاص.
محمود يضحك بسخرية وغل ويرمي العصاية على الأرض ويدوس عليها برجله : حرمك أه قولي بقى من إمتى وهي حرمك ومن إمتى الحب ده داير بينكم من ورا ضهري يا أبو الأصول يا بتاع ربنا دي مراتي كانت على ذمتي .
نادر مسك محمود : استهدى بالله يا محمود وافهم الموضوع بالراحة بلاش الفضايح دي في الشارع قدام الناس والرايح واللي جاي.
محمود زق نادر بغضب : ابعد أنت يا نادر ما تدخلكش في القرف ده الراجل ده خاين وسرق مراتي من بيتي
عبد الرحمن بغضب : أنا ما سرقتش حد يا محمود أنت اللي طلقتها بالتلاته وجيتلي تحت رجلي تترجاني أسترك عشان ترجعها وأنا وافقت كخدمة وصحوبية بس أنت طلعت مش راجل ولا تستاهل أضحي عشانك
محمود بدموع وغضب : أنا مش راجل ولا أنت اللي طلعت عينك كانت منها من زمان وأول ما مسكتها في إيدك رفضت تطلقها وقفت قدامي وعشت اللحظة معاها ..
البنت بغضب : أيوة بيحبني وأنا بحبه وأحسن منك ألف مرة وما صدقت أخلص من قرفك وعيشتك السودة اللي كانت كلها ضرب وإهانة ويا عبد الرحمن أوعى تسيبني له ده هيقتلني والله العظيم.
عبد الرحمن يبصلها بحنان ويرجع يبص لمحمود بجمود : سمعت بنفسك أهي مش عايزاك وما بتموتش فيك ولا على ذمتك وأنا مستحيل أطلقها ولا أرجعهالك لو السماء انطبقت على الأرض وأعلى ما في خيلك اركبه يا محمود.
محمود بتهديد : ماشي يا عبد الرحمن وحياة كل نقطة دم في جسمي لأحرق قلبك على كل حاجة عندك وهتدفع تمن الخيانة دي غالي أوي والايام بيننا.
عبدالرحمن بقرف: انت اخرك فاضي يا محمود يلا متورنيش وشك هنا تاني.
محمود بص له بغل: ماشي خاليك فاكر انا نصحتك و انت براحة راحتك سلام يا هه صاحبي.
سابه ومشي..
نادر بزعيق للناس: خلاص الفرجه خلصت هوونا بقا دلوقتي.
الناس مشيوا..
قمر بحزن ل عبدالرحمن: انا اسفه عشان لبستك تهمه وقولت اننا بنحب بعض بس والله العظيم مكنش قدامي حل تاني دا مش هيسيبني في حالي وممكن ياذيني باي شكل كان لازم اعرفه انه معايت راجل بيحبني وبحبه.
عبدالرحمن بحنان: محصلش حاجة تعالي ادخلي.
مريم باستغراب: تدخل اي و في اي ومين دي.
قمر بهدؤء: انا قمر ابقا مرات عبدالرحمن التانية يا هانم مش حضرتك سجدة.
مريم بتريقة: لا يا حبيبتي انا مش سجدة سجدة زمانها نازلة تطربق البيت علي دماغنا واحد واحد لما تسمع الكلام دا.
سجدة من وراهم: واطربق لي ما دا شرع ربنا يا مريم انه جوزي يتجوز عليا مرة واتنين بس هو غلط في حاجة واحدة انه مسالش عن اصلها.
عبدالرحمن ببرود: انا عارف اصلها كويس اوي.
سجدة بسخرية: يسلام؟ يعني عارف انها كانت ممسوكه آداب مرتين وشغاله رقاصة وعادي؟.
عبدالرحمن بصدمه: اييييييي؟