رواية حين يقع النمر في الحب الفصل العاشر10بقلم ملك ابراهيم عبد الجيد

يلا بينا نصلي علي النبي كدا قبل منبدأ💗

ملك بصدمه وخوف: ليلي هانم

ليلي ببرود: اه يا حبيبتي ليلي هانم ليلي هانم اللي انتي فكرتي بس تراقبيها كنتي بترقبيني لي يا بت هاا انطقي والا  هدفنك مكانك ومحدش هيعرفلك طريق 

ملك بخوف وتوتر: مفيش 

ليلي ببرود: طالما مفيش يبقي مفيش ونده لرجالتها وقالت خلصوا عليها بعد متصوروا فيديو لطيف معاها عشان نبعته لنمر ويشوف الحلوه اللي جابها من الشارع في حضن واحد غيره

ملك بسرعه وتوتر: لا لا خلاص استني هقولك هقولك كل حاجه انا سمعتك وانت بتتكلمي في التليفون بالغلط وعرفت انك بتجري في المخدرات بس قبل اي حاجه عايز اسالك سؤال واحد بس انتي ليه كده انتي فيكي كل حاجه ما كنتش  اتخيلها انتي جوزك خلاكي عايزه حاجه عشان تعملي كده انتي عملتي كل حاجه تغضب ربنا يا ليلى هانم ذنبها ايه حياه تعملي فيها كده حرام عليكي ليييي 

ليلي ببرود: اولا كده ده شيء ما يخصكيش ثانيا حياه وامها دول اكتر اتنين بكرههم في حياتي وطبعا انتي ما لكيش علاقه تعرفي انا ليه بكرههم ثالثا انا ممكن اخليكي تطلعي من هنا حيه بس بعد ما اوريكي شويه حاجات حلوين قوي هيبسطوكي بس انا المره دي مش مركبه انا جايبه لك حاجات حقيقيه عايزه تروحي تكشفي عليهم عند اي مبرمج خديهم مع انها حاجات ما يتكشفش عليها يا ملوكه

ملك بتوتر: حاجات اي

ليلي بخبث: بصي يا حبيبتي نمر ما كانش متجوزك عشان سواد عيونك لا يا عينيا كان متجوزك عشان غرض معين وهو انه يهددك عشان تساعديه في القبض على حياه وابوه هو اللي طلب منه كده ولو مش مصدقاني هسمعك وهفرجك كمان

ليلي شغلي الفيديو صوت وصوره لنمر وهو واقف في المكتب مع ابوه في الوقت اللي كان ابوه بيطلب منه ان هو يهدد ملك بفيديو يتصور بيه معاها عشان تساعده انه يقبض على حياه وكان قبل ما نمر يرن على ملك ويقول لها انه عايز يتجوزها 

ملك وهي بتسمع دموعها نزلت على خدها بحزن وصدمه من اللي بتسمعه وقالت: انتي جبتي الفيديو ده منين انتي كدابه نمر مستحيل يعمل معايا كده نمر هو الشخص الوحيد اللي حبني بجد مستحيل يعمل كده انت كدابه وعايزه توقعي بيننا زي ما عملتي مع حياه هو اللي زيك هيحب الخير للناس اكيد لا

ليلي ببرود: طيب يا عمري واضح ان الدليل الاول ما نفعش معاكي هوريكي بعينك الدليل الثاني وهو الفيديو اللي اتصور لك يا حبيبتي وانتي مش واخده بالك لما جيتي تتجوزي نمر اه ما هو كان حاطط لك كاميرا في اوضتكم يا حبيبتي بس انتي ما شفتهاش يا حرام 

وليلي شغلت الفيديو وملك مصدومه ودموع بتنزل من عنيها علي اللي بتشوفه وتسمعه ازاي نمر اللي بتحبه يكون كده ازاي هو عرف يكذب عليها قوي كده 

عارفين احساس ملك دلوقتي اي ان هي لوحدها كلو راح حواليها كله خدعها كله مشي وسابها ذكريات بتمر قصاد عينيها وهي بتشوف الفيديو والتسجيل بيتردد في ودنها كانه بيقول لها فوقي انتي كنتي فين من ده كله

ليلي بأبتسامه مستفزه: اظن دلوقتي صدقتي

ملك بدموع وكسره: ايوا ولو سمحتي خليني امشي من هنا وانا اوعدك مش هتشوفي وشي تاني حتي في الشارع صدفه مش هيحصل خلاص كدا خلصت

ليلي بأبتسامه بارده: نصيحه مني بقا يروحي متثقيش في حد بسرعه عشان هتزعلي اوي واديكي زعلتي اهو 

ملك بصويت هستري: عايزه امشي من هنا 

البحراوي ببرود ليلي: من رأيي نخلص عليها بدل متفضحنا

ليلي : لا مظنش بعد اللي عرفته ده يا بحراوي مش هتكلم صح يا لوكا ولا اي 

ملك بعياط: ايوا مش هيحصل بس سيبني لو سمحتي امشي

وفي لحظه دخل قوه من الشرطه ومعاهم قاسم ونمر وملك اتعدلت وقالت بضحك: هههههههه فاكره يوليه اني هصدقك ما نمري حبيبي قالي كل حاجه فريحي بقا

ليلي والبحراوي اتصدموا ونمر وقاسم قلابشوهم وخلوا العساكر يوديهم البوكس 

ونمر جري علي ملك فكها وملك اترمت في حضنه وهو حضنها جامد وقاسم ابتسم عليهم 

نمر بخوف وهو بيتفحص ها بعنايه: حد من الكلاب دول عمل فيكي حاجه 

ملك بأبتسامه فيها دموع: لا مفيش حد يتجرأ يجي جنب مرات نمر الكيلاني واكملت بمزح مهو اكيد شرسه زيك يعني 

نمر ضحك عليها وقام شالها وكان لسا ماشي وقفه صوت قاسم: استني يعم روميو في حد جاي معاك علي فكره 

ملك بضحك: معلشي بقا لو اخدت الجو

قاسم بحزن مصطنع: لا عادي بقا مخلاص الجو بتاعي هيطلع انهارده 

نمر بحده: لم نفسك يالا دي اختي برضو 

ملك وهي بضحك عليها: خلاص بقا يخوايا انت وهو نزلني يا نمر انا بعرف امشي علي فكره وكمل خناقتك 

نمر بمزح وحده مصطنعه: يلا يا قاسم غور من قدامي

قاسم ببرود مصطنع: انا غلطان اني جيت معاك اصلا يا ندل 

وطلع يجري بمزح

وملك ونمر ضحكوا عليه ونمر خد ملك وركبها العربيه ومشي

نمر بتفكير: معرفش لو مكنتش شوفتك كان هيحصل اي دلوقتي ليا انا وانتي 

ملك بأبتسامه: الحمد لله ان انت شفتني يا نمر والا ما كانش زماني موجوده معاك دلوقتي غير كده كنت هبقى مش عايزه ارجع لك تاني اي حد مكاني هيسمع كلام كده هيصدق بس انت لوله ان انت عرفتني الحقيقه ما كانش زماني موجوده معاك دلوقتي اصلا

نروح فلاش باك ونفهم اللي حصل

ملك قامت من جنب نمر بعد ما نام وخدت هدوم من الدولاب واسحبت علي الحمام تغير وبعد مخلصت لسا هتخرج من الاوضه

واقفها صوته وهو بيقول بحده: راحه فين يا ملك 

وفقت لحظه وهي بتستوعب انو صحي وبعدين بصتله وقالت بتوتر: كنت كنت هروح اجيب حاجة وجايه علي طول ومكنتش عايزه ازعجك

نمر بأستغراب: حاجه اي اللي الساعه ١٢بليل يا ملك ومن غير متقوليلي و بعدين لو عايزه حاجه كنتي قلت لي او قلتي للحرس ايه اللي خلاكي تنزلي انتي في الوقت ده قوليلي الحقيقه

ملك بخوف: هو انا انت مش هتصدقني يا نمر 

نمر: ومين قال اني مش هصدقك انتي جربتي انا عايز افهم في اي يا ملك

ملك بخوف وتوتر: هو هو وكملت بسرعه انا سمعت مامتك وهي بتكلم في الفون بالغلط واخدت نفس هادي وقالت وانا نازله اجيب مايه ويارتني مسمعت نمر مامتك طلعت هي السبب في كل اللي بيحصل ده هي سبب حبس حياه هي اللي بتتاجر في المخدرات مش حياه ولو مش مصدقني هي قالت ان في اجتماع النهارده بالليل مع البوس اللي انا ما اعرفش هو مين اصلا فهما الاثنين اكيد هيكونوا موجودين فانا كنت رايحه اشوفهم عشان اثبت براءه حياه بس ما كنتش عايزاك تعرف عشان هي مهما كانت مامتك كنت هروح اصورهم او اسجل لهم وهبعت الفيديو لاي حد او ليك بس من غير ما تعرف انا مين ما كنتش عايزه صوره مامتك تتهز قدامك يا نمر بسببي غير لما تتاكد بس انا سمعتها بودني وكنت رايحه عشان اعرف الحقيقه

نمر اتصدم من اللي سمعه وقال: معقول معقول امي بتكره حياه قوي كده معقول امي تعمل كده هو انا ازاي ما فكرتش ابويا كان بيقول لي ان الدليل اللي لقاه ضد حياه كان مبعوت لامي على موبايلها من رقم غريب ازاي ما فكرتش في الموضوع ده بس اللي خلي الموضوع حقيقي اكتر ان لما رحت كشفت على الادله لقيتها حقيقيه

ملك :عادي بتحصل ممكن تكون شايفه مبرمج شاطر عامل لها الكلام ده انا عارفه ان انت مصدوم دلوقتي وعارفه ان الكلام اللي انا قلته صعب عليك بس هي دي انسب فرصه نثبت بيها براءه حياه يلا بسرعه البس وتعال معايا عشان تشوف بنفسك 

نمر بحزن: ملك استني قبل ما نروح انا عايزه اقول لك انا كمان حاجه بس كنت خايف اقولها لك عشان خايف تسيبيني بس والله العظيم انا ما كنتش في  نيتيني اؤذيكي

ملك بأستغراب: نمر بطل هزار هو انت عمرك اذيتني ده انا من ساعه ما عرفتك وانت بتحميني وبعدين خايف ده انا اول ما شفتك يا ابني خدت عنك انطباع البرود لا مؤاخذه يعني في الكلمه بس مش فاهمه في اي

نمر بحزن : ملك في الاول خالص قبل ما اقول لك ان انا عايز اتجوزك قبل ما اكلمك على طول واقول لك الموضوع ده ابويا طلب مني اتجوزك عشان اضغط عليكي انك تساعديني اقبض على حياه بي فيديو صغير اتصوره معاكي و اهددك بيه بس والله العظيم ما كنت هعمل كده

ملك بصدمه من كلامه: ايه انت كنت هتعمل كده يا نمر كنت هتعمل فيا كده ليه

نمر بخوف: اقسم بالله لا انا من ساعه معرفتك وانا حبيتك حتى لو ابويا ما كانش فتح معايا الموضوع ده كنت هاجي واتجوزك وبعدين لو انا كان في نيتي اي تهديد كنت هطلب منك ان انا اقابل اي حد من اهلك يا ملك ملك صدقيني والله ما كنت هعمل كده انا اعترفت لك دلوقتي عشان ما تعرفيش من بره وساعتها عمرك ما هتصدقيني

ملك بدموع وقعدت علي الارض: كنت هتكسر والله لو سمعت الكلام ده من بره نمر انت اكتر شخص انا حبيته في حياتي مكنتش اتخيل انك في يوم تأذيني بجد 

نمر بحب وهو بينزل لمستواها ويضمها لي : عمري مكنت هأذيكي عشان بحبك 

ملك بدموع وحب: وانا كمان بحبك بجد 

نمر بحب وهو بيمسح دموعها 

: دموعك دي غاليه عليا اوي ممكن خلاص كفايه عياط

ملك بأبتسامه مابين دموعها: حاضر وقامت وقفت بسرعه اكنها نسيت كل حاجه وقالت يلا يا نمر بسرعه البس واخلص الاجتماع الساعه ١ تقريبا

نمر بمزح وهو بيحاول يداري وجعه وصدمته في امه: حاضر يا باشا ثواني واكون جاهز

وملك لحظت كدا وقالت في سرها: مش وقته يا ملك ما فيش وقت تهوني عليه دلوقتي اكيد لما نعرف الحقيقه هتعرفي تهوني عليه اكيد هو دلوقتي موجوع ومصدوم في امي ده اذا كان انا نفسي مصدومه ربنا يكون في عونه بجد

وفي وقت قياسي كان نمر جاهز وتحركه هو وملك ويركب لها جهاز صغير مسجل متوصل بالتليفون عشان يسمع كل حاجه كان راكن عربيته في حته بعيده شويه عشان ما حدش يلاحظ ولما ضربوا ملك على دماغها طلب قوه من الشرطه تيجي وكلم قاسم حكى له على اللي حصل وبس كده ايه حلويتي ده فلاش باك للي حصل

باك الوقت الحالي

نمر بمزح: بس يا بت يا ملك بتعرفي تمثلي مثلتي عليهم انك مصدمه وعياط بقا واي

ملك بغرور مصطنع: عيب عليك ياسطا هو انا اي حد ده انا ملكه الدراما 

ونمر ضحك عليها وقال: تقريبا كدا متجوز سواق توك توك 

ملك بفرحه: فرحانه قوي ان احنا عرفنا نثبت براءه حياه انت مش متخيل فرحتي قد ايه بجد يا نمر واه متجوز سواق توك توك عندك مانع

نمر بضحك: لا يا برنس معنديش مانع وكمل بجديه وحزن وانا كمان زعلانه عليها جدا يا ملك بجد مش متخيل ان امي تطلع كده وابويا لسه عارف برده حالا لاني كلمته لما انت اضربتي على دماغك وحكيت له كل حاجه بس ما تقلقيش هي كده كده هتخرج النهارده او بكره بالكتير ان شاء الله احنا هنروح دلوقتي مبنى الداخليه ونحقق في اللي حصل ان شاء الله حياه تخرج وتروح معانا النهارده

ملك بفرحه: يارب ان شاء الله 

نمر بحزن : غير كده كمان البوس طلع البحراوي البحراوي ده ابو واحد صاحبي انا و اسمه يوسف حقيقي هيتصدم في ابوه جدا ازاي ابوه يطلع كده ربنا يكون في عونه بجد 

ملك بحزن: اه بجد حاجه صعبه قوي لما تتصدم في اقرب الناس ليك وتكتشف ان هم مش اللي انت تعرفهم او مش اللي انت عايش معاهم لا دي ناس تانيه ناس تانيه ما اعرفهاش ناس تانيه ما شفتهاش قبل كده بجد ربنا برده يكون في عونه لانها حاجه صعبه جدا يعني  

نمر حاول يمسك نفسه لحد ميروحوا وقال: فعلا معاكي حق احنا قربنا نوصل اهو

ملك بأبتسامه: اشطا 

وبعد شويه وصلوا

في بيت البحراوي 

في غرفه ديما

كانت قاعده عامله تعيط وفجأه لقت فارس برن عليها: 

نعم 

فارس ببرود: هااا فكرتي

ديما بدموع: لا بجد حرام عليك يا فارس انت عندك اخت ترضى حد يعمل فيها كده 

فارس ببرود: على فكره احنا هنتجوز

ديما بدموع: ايوه بس عرفي ودي حاجه صعبه عليا جدا ارجوك حتى نكتب عند ماذون وتيجي تطلب ايدي من اهلي وبعدها بشهر طلقني حتي

فارس بعصبيه: انا مش هتكلم كتير اللي قولته هيتنفذ تمام 

وردك يوصلي بكره 

وقفل السكه وديما فضلت قاعده تعيط

عند فريده كانت ماشيه ولقت عربيه لسا هتخبطها وقفت مصدومه وغمضت عنيها وييي