رواية حين يقع النمر في الحب الفصل الثاني عشر12بقلم ملك ابراهيم عبد الجيد
صلوا علي سيدنا محمد صلى الله عليه وسلم يا حلوين💗💗
فارس اتصدم ولسا هيتكلم لقي ناس كتير من اللي شاغلين عنده دخلت مكتبه
ديما بعيط ودموع تماسيح: الحقوني فارس باشا كان عايز وانهارت في العياط واكنو فعلا كدا و واحده من الموظفين قربت من ديما وخدتها في حضنها في محاوله انها تهدي
وفي واحد اتكلم بحده وقال:احنا هنطلب البوليس
فارس بعصبيه: بوليس اي انت اتجننت يا عمر انا معملتش حاجة هتصدقوا البت الجرب*وعه دي
ديما بدموع وعصبيه: انا مش جربو*عه وانا هوديك في ستين داهي*ه عشان تعرف مين هي ديما البحراوي
بعد وقت
كان فارس واقف هو وديما في القسم ومستنين المحقق اللي هيجي يحقق معاهم
فارس بحده: اي اللي هببتي ده
ديما ببرود: عملت الصح يا حليتها كنت فاكرني هقولك تعال يا بابا وهجي والدنيا لذيذه لا يروح امك فوق انا لما بقلب محدش بيعرفني
فارس بتوعد: ماشي يا ديما وحياه امي لو مخرجت انهارده لهفضحك فنتي تجي معايا بذوق احسن قبل ما الظابط يجي
ديما ببرود: ده عندها ان شاء الله واه نسيت اقولك تلفونك معايا
فارس بصدمه: انتي كدابه
ديما بأبتسامه بارده: وهكدب لي تحت في عربيتي
فارس بصلها بحده وتهديد وديما مهتمتش وبعدين قال بهدوء: خلاص انا اسف اتنزلي عن المحضر وانا اوعدك اني مش هعملك حاجه
ديما بصتله ببرود وقالت: وانا ايش ضماني
فارس بهدوء: كلمتي
ديما ببرود: يا راجل هو انت ليك كلمه
فارس بعصبيه: قولت خلاص مش هتحايل علي اهلك انا
ديما تنهدت بخوف بس حاولت متبينش وقالت بجمود: تمام هسيبك تتربه شويه يعم الحلو عشان اللي ربه بتاع مربي باين كدا
ووقفت بعيد عنو شويه وفارس توعد لها في سره
عند نمر وملك
صحيت ملك قبل نمر المره دي
وراحت خدت دش وصلت الضحي وبعدها صحته
ملك برقه: نمر اصحي يلا
نمر بأبتسامه: صبحو عسل
ملك بخجل: صباح النور يلا قوم عشان تصلي وننزل نفطر سوا عشان باباك بيحب يفطر بدري
نمر : يستي سيبك نبقي نفطر لوحدنا احسن كفايه اني اقعد مع القمر ده لوحدنا
ملك بخجل: نمر لم نفسك يحبيبي ويلا عشان باباك ميزعلش
نمر بحب وهو بيلعب في خدودها: قلب حبيبك ده يناس اللي مهون عليا كتير عنيا حاضر
وقام دخل الحمام خد شاور وصلي
بصراحه مش هكدب لو هقولكم مش حاسه بي حد اكتشف ان امه بتاجر في المخدرات وبتخون ابو اكيد مصدوم وبيحاول يداري بس انا كنت حاسه بي وبي وجعه وكنت عايزه اخده في حضني واكلمه براحه واهون عليه وفي وسط منا سرحانه لقيته خلص صلاه وبيمدلي ايدوه عشان نطلع من الاوضه وننزل تحت
عند حياه كانت لسا صاحيه من النوم قامت دخلت الحمام واتوضت وصلت ولبست وكانت لسا هتخرج من الاوضه سمعت فونها بيرن لقت قاسم اللي بيرن ابتسمت بعفويه وردت عليه: السلام عليكم
قاسم بأبتسامه: وعليكم السلام ورحمة الله وبركاته علي احلي واجمل حياه
حياه بخجل: خير يا قاسم
قاسم بحب: كنت عايز اطمن عليكي يا قلبو
حياه بأبتسامه: الحمد الله كويسه وزي القرد يسطا بس مينفعش نتكلم دلوقتي عشان حرام لما نكون مخطوبين احسن
قاسم بحب: دايما يارب بخير ياحياتي ماشي يقمري انا قلت لبابا عليكي اني هخطبك اخر الشهر واحنا هنيجي انهارده عشان نطلبك بشكل رسمي واتفقت مع عمي منصور كمان وكلمت عبدالرحمن قولتله يجي هو وطنط عشان نخلص منو هو ورغد كمان
حياه بفرحه: اشطا يا باشا تنوروا مش عارفه بجد ازاي هكون عمتو وخالتو في نفس الوقت حاجه
قاسم بضحك: حاله نادره وحاجه حلوه في نفس الوقت طب يلا صباحك عسل اطير انا بقا
حياه بمزح: اشطا يا معلم
قاسم بحب: بحبك يقلب المعلم
حياه بعصبيه مصطنعه: طب امشي بقى عشان ما تعصبش عليك قلنا الكلام ده مش دلوقتي يا ضنايا بعد ما تيجي تخطبني ان شاء الله
قاسم اتصدم من هذا بينما قال: ضناكي مين؟
ده انا قد الشحط يوليه
حياه بأبتسامه بارده: عارفين ويلا بقا طرقنا
وقفلت وقالت بعشق: وانا كمان بحبك يا قاسم
عند رغد صحيت علي صوت حياه
حياه: اصحي يعروسه عبدو هيجي يتقدملك انهارده وغمزتلها
رغد قامت بفرحه وحضنت حياه: بحبك يا حياتي ههيهيهيهيه
وفضلت تتنتطط علي السرير بفرحه
حياه بحب: وانا بموت فيكي يروحي
والكل نزل علي الفطار والباب خبط فجأه والداده فتحت لقت فريده وهي منهاره
فريده بعيط: الحقوني بابا مات بعد معرف اللي عمتو عملته وفارس اتقبض عليه
عند يوسف
جاله تلفون من قاسم
يوسف بأبتسامه: اي ياسطا عامل ايه
قاسم بحزن: الحمدلله يا جو احم انا كنت عايز ابلغك حاجه يمكن هتكون صعبه عليك بس للاسف هو ده اللي حصل
يوسف بأستغراب: في اي قول بسرعه قلقتني
قاسم بحزن: بص يا يوسف انا عايزك تهدى والله نمر اتعرض لنفس الصدمه وقدر يقاوم ومداري وجعه ابوك ومدام ليلي ام نمر كانوا في علاقه مع بعض وكانوا كمان بيتاجروا في المخدرات وابوك طلع اكبر بوص بيدي اوامر لأكبار تجار مخدرات بأن الشاحنات تخرج امتا وازاي واكبر تاجر مخدرات وتم القبض عليهم امبارح
يوسف بصدمه......