رواية العشق المجنون الفصل الرابع عشر14 بقلم هنا حسين
وقرب منها وهي غمضت عنيها باستسلام
لاكن فاق علي رنينالهاتف وبعد عنها حست ببعده عنها فتحت عنيها وجريت علي الحمام
حسن: دي بقيت خطر عليا لا مستحيل احبها دي مجرد رغبه مش اكتر
بدء الفون يرن من جديد
حسن بغضب: في اي
السكرتيرة: في اجتماع يا فندم كمان ساعه
حسن: انا جاي في الطريق وقفل الخط وطلع من الاوضه متوجه للشركه
كانت بداخل تنظر لنفسها بالمرأة وتلعن نفسها علي استسلمها الدائم له
حياه: وانا اخر من يعلم مش كده
ريحانه: افهميني انت هتتجوزي وملاك اتجوزت وانا هبقي لوحدي
حياه: يعني انت شايفه ان الجوازه دي فيها مصلحتك
ريحانه: ايوه
حياه: خلاص وانا اهم حاجه عندي مصلحتك بس ليه مش عاوزه تعملي فرح
ريحانه: كده احسن انا حابه كده
حياه: ربنا يهنيكي يا حبيبتي
اذكروا الله
في المساء
كانت ترتدي دريس جميل مع حجاب
وحسن لبس لبس كاجول
راحوا لفله احمد
رحبت بيهم ام احمد
ام احمد: كده يا حسن ماتسألش عليا
حسن: والله غضب عني مشغول شويه
ام احمد: معاك اللي يبقا معاه القمر دي لازم يبقا مشغول
ملاك بخجل: مرسي يا طنط
في اثناء حديثهم دخلوا نور ونورا وجريوا علي حسن اللي استقبلهم بالاحضان
تحت نظرات الغيره من ملاك
ملاك في نفسها: وانا مالي مايحضنوه ولا يبوسهم حتي
فاقت من شرودها علي سؤال نور لحسن
نور: دي مراتك
حسن: اه
نورا: الله دي جميله اوي
نور: جميله اي دي عسل خالص
ملاك بكسوف: شكراً
نورا بضحك: دي بتتكسف
نور: دي لازم نعلمها وندخلها في عالمنا زي ماعملنا في بسمه ونشيل الكسوف ده
دخل احمد عليهم وسلم عليهم
احمد: بطلوا رغي اكيد صدعتوا حسن
حسن: أبداً دول وحشوني اوي
ملاك بصتلوا بغيظ وهو لاحظ انها غيرانه
نور راحت حضنت حسن
نور: مدام وحشينك جبتلي اي معاك
نورا: وانا كمان
نور: انا اللي قولت الاول
نورا: بس يا بارده
حسن بضحك: خلاص ولا تزعلوا جبت ليكوا حاجات كتير اوي برا في العربية خلي حد من الخدم يجيبهم
ملاك بهمس: امال مش بنشوف الضحك ده ليه
حسن: علي شان انت نكديه
ملاك بصدمه: انا نكديه
قاطع حديثهم ام احمد
يلا العشا جاهز
راحوا قعدوا علي السفره بعد ملاك اتعرفت علي بسمه اللي لاحظت عليها حبها لاحمد
ام احمد: مش بتاكلي ليه يا حبيبتي
ملاك بخجل: انا باكل اهو
حسن بهمس: اه عامله نفسك كيوت هنا وفي البيت عاوزه تكليني افضحك دلوقت
ملاك بغيظ: انا اكلي كده برا البيت
قاطعهم ام احمد
ام احمد: بس مشاء الله يا حسن عرفت تنقي
ملاك: شكراً يا طنط
نور: هو ابيه حسن مانعك تتكلمي معانا
ملاك: لا ليه
نور: اصلك من اول ماجيتي مرسي يا طنط شكراً يا طنط
حسن بضحك: دي قدامكم بس دي رغايه جداً
ملاك: لا مش صح انا مش بتكلم كتير
ام احمد: خليها علي راحتها يا ابني وانتوا يا بنات خفوا كلام
اذكروا الله
بعد وقت رواحوا علي بيتهم
دخل حسن ياخد شاور
طلع انصدم من اللي شافوا
ملاك جايبه اكل كتير وبتاكل بشهيه
حسن: امال كنت عند الجماعه متمنعه ليه
ملاك بفم ممتلئ: انت عاوزهم يقولوا عليا مفقوعه
حسن: لا اقول عليكي انا
فجأه زعلت
حسن: في اي مالك كملي اكلك انا كنت بهزر معاكي
ملاك: لا انا مش بعيط عشان كده
حسن: امال اي
ملاك: انت حضنت نور ونورا وانت عمرك ماعملت كده معايا
حسن بضحك وفهم مقصدها
حسن: هو انت عوزاني احضنك
ملاك بعد ما ادركت ماتفوهت به
ملاك: لا انا اقصد اني مراتك وماينفعش اللي انت عملته معاهم
حسن: اه ومن امتي بقا وانا بعتبرك مراتي
ملاك بزعل: فعلاً تعديت حدودي
حسن حس بزعلها وزعل من نفسه
لاكن فضل السكوت وراح نام
وهي بعد وقت لمت الاكل وراحت نامت
بعد ايام جه يوم الخميس
تم عقد قران ريحانه ومالك
كانوا في العربية في طريقهم على بيتهم
ريحانه: ماتنساش الاتفاق اللي مابينا
مالك: ريحانه احنا اتكلمنا قبل كده في الموضوع ده ماتخفيش انا عمري مازعلك مني ولا اخليكي تكرهيني
بعد وقت وصلوا الشقه
فتح مالك البابوبعدمادخلوا
ريحانه:مالك افتح النور انا مش شايفة حاجه
مالك: حاضر بس لحظه ادخل الشنط
دخل الشنط وفتح النور
ريحانه بصرخه قويه من الصدمه
من اللي شافته
ريحانه بهمس وصوت خافت
ريحانه: حسن