رواية الزواج قسمه ونصيب الفصل الخامس عشر15بقلم نور ربيع
الحمد لله 🤍
ريتال وقعت في الارض مغمى عليها وهي ماسكه بطنها ودموعها بتنزل منها بألم
اسيل بصراحه وخوف : ريتاااال ريتاااال
بقت تفوق فيها وتخبط على وشها بالراحه علشان تفوقها
واحد من الشابين بغضب: انتوا جايين متسلطين بقى
الشاب التاني بغضب شديد: دا انتوا يومكم مش فايت معانا
والشابين اللي تبع رحيم نزلوا ضرب . في بنات ..
تالا كانت واقفه مصدومه جدا من اللي عملته في ريتال وانها طلعت حامل رجعت لورا وهربت بسرعه على البيت
والكل اتلم حواليهم من الطلاب والمدرسين
ـــــــــــــــــــــــــــــــــــــــــــــــــــــــ
في جامعه خديجه
خديجه كانت قاعده وفي وسط المحاضره كانت شغاله كانت سرحانه جدا في ايشان والوعود الكدابه بتاعته ليها و جواها حزينه موجوعه جدا من خيانته
زميله خديجه مايا اللي قاعده جنبها بصتلها باستغراب: خديجه مالك انتي سرحانه في اي المحاضره شغاله
خديجه بصتلها وانتبهت ليها: ها لا مش سرحانه ي قلبي انا مع الدكتور
مايا بسخرية: والله ما هو واضح باين على عينيك زعلانه و من صوتك
خديجه بتحاول تتجاهل النقاش: هششش دكتور هيزعق لينا بس بقى اسكتي ي بنتي
مايا: تمام يا ختي _ بالصدفه جت عيونها على ايدها وما لقيتش الدبله
مايا بدهشه: فين يا بنتي الدبله انتي خلعتيها ليه ما تغلعهاش يا خديجه عشان ما ينفعش
خديجه بحزن شديد جواها: الخطوبه فركشت خلاص
مايا بصدمه: ايه ليه يا بنتي هو انتي لحقتو وبعدين بقى شهرين على الفرح ازاي بس
خديجه بعصبيه وهمس: اللي سمعتيه واسكتي بقى
مايا سكتت وهي مصدومه فعلا وانتبهت للدكتور والمحاضره
فضلت مستنيه المحاضره تخلص على نار عشان تعرف منها الحكايه
خديجه بهموم وحزن جواها: يارب هونها يا رب
ــــــــــــــــــــــــــــــــــــــــــــــــــــــــ
في مستشفى مدينه 6 اكتوبر
دخل رحيم بسرعه وهو بيجري بــكل لهفه وخوف شديد على ريتال
رحيم بلهفه: اسيل ريتال فين يا اسيل
اسيل بصت وراها بسرعه لما سمعت صوته انه جاه
اسيل بدموع: رحيم تالا اختك بهدلتنا وكانت مسلطه علينا بنات ضربت ريتال وكانو هيموتوها
رحيم بتوعد وغضب: تالا دي انا مش هرحمها مش هرحمها من ايدي كده
اسيل بحزن شديد: ربنا يسترها ما يحصلهاش حاجه هي والبيبي
رحيم دار ضهره وقدم خطوتين لورا وحط ايديه الاتنين بشتات وهموم جواه ، على راسه
رحيم بغل وتوعد لنفسه: مش هرحمك يا تالا مش هرحمك كده صدقيني عشان خاطر اللي انتي عملتيه في ريتال ده انهارده
في الوقت ده جاه سيف ليهم دخل بسرعه على المستشفى
سيف بقلق على البنات: رحيم
رحيم بصله هو و اسيل
سيف قرب منه: في اي يا رحيم اي اللي حصل يا اسيل
اسيل بحزن و دموع: ريتال اتبهدلت النهارده وكانت هتموت يا سيف
سيف بقلق عليها: حصلها اي بالظبط الدكاتره قالوا ايه طيب هي كويسه وانتي كويسه با اسيل
اسيل: الحمد لله انا كويسه
رحيم بعدم صبر وجنون: رحيم خليك مع اسيل وريتال هنا على ما اجي انا
سيف: رحيم اهدي استهدى بالله وادعيلها
رحيم راح بسرعه اتجاه الباب: خد بالك من بنات يا سيف _ وخرج بسرعه
ـــــــــــــــــــــــــــــــــــــــــــــــــــــــــ
في مكان اخر
ادم كان موجود في المكان ده بدا يفوق من المنوم اللي كان في المنديل
بدا يفوق ادم ويستوعب لكل حاجه حواليه وكان دايخ جدا والرؤيه كانت منغمشه قدامه
ادم بألم ودوخه في راسه: اااه انا فين
كان في شخص قدامه قال بشر
" انت في مكانك الصح يا نسيبي الغالي
ادم رفع راسه وبص للشخص ده
ادم بصدمه: جواد هو انت خطفتني
" ضحك بكل شر جواد: اه جواد جواد اللي اختك حبيبت قلبك اللي هشرب من دمها هي وجوزها حبسوني وسجنوني من سنه
ادم قام وهو بيحاول يمسك نفسه من الدوخه مش قادر يتحكم في نفسه وهو النار شايله منه وغضبان جدا
ادم بدموع وتعب: انا انا هقتلك هقتلك يا جواد اختي اياك تقرب منها هي ولا جوزها مش هرحمك على اللي انت عملته في ابويا يا مجرم يا مريض
جواد بكل برود قرب منه: وانا قدامك. اهو يلا اقتلني اقتلني يا ادم
ادم في اللحظه دي ما كانش شايف حاجه قدامه من كتر الغضب بص شمال ويمين عشان يضربوا بأي حاجه لاقي كرسي قدامه رفعه وكان هيضربو بيه على راسه
راح جواد مسك ايده بسرعه وزقه لورا .. بشر
جواد بشر في عيونه: الدور عليك انت بقا وانت اللي جبته لنفسك
بص جنبه وجواد وكان في سكينه كبيره جدا حاده
ادم بخوف منه: انت هتعمل ايه يا مجنون _ قام بسرعه ادم جري مسك السكينه قبل ما جواد يلحقو وياخدها هو
ادم بغضب شديد: انت اي يا اخي اقسم بالله انت شر كده عارف يعني اي شر _ وحاول ادم بالهجوم عليه عشان يضربو بالسكينه
ادم كان لحق وماسك ايده وكان بيحاول ياخدها منه لكن ادم كان ماسك فيها جدا وبيحاول يضربه بيها لكن للاسف مش قادر عليه
وفي لحظه جواد دار السكينه عليه وراح ضربه طعنتين في قلبه بيها
ادم بألم شديد: ااااااه _ وقع ادم لورا وهو سايح في دمه من طعنات السكينه
جواد بشر: انت لعبت مع الشخص الغلط يا ادم مع السلامه يا غالي ابوك منتظرك
ادم كان بيطلع اخر انفاسه دموعه كانت بتنزل منه بشده ألم في قلبه من الطعنات السكينه جواه على قد ما هو خلاص مش حاسس بالدنيا حواليه على قد ما هو خايف وزعلان على امه وريتال ورحيم وهما دول اللي باقيين في الدنيا وبيحبهم ومتمسك فيهم اوي وبالفعل عايل همهم لما يعرفو انه مات
ادم بدموع في عيونه وجع: يا يا يارب ص صبر امي واختي ع على فراقي و و واحميهم _ واستشهد في نفسه وطلعت اخر انفاسه واتوفى
ــــــــــــــــــــــــــــــــــــــــــــــــــــــــــ
عند رحيم في منزل اهله
رحيم دخل بغضب شديد: تاااالا تاااالا
امه قامت بسرعه: في اي يا رحيم مالها تالا ومالك غضبان كده ليه
رحيم بصوت عالي كله غضب: اما تالا فين
امه بعصبيه: ما تقوليلي في اي عايز منها اي
رحيم بغضب شديد: بنتك المحترمه كانت هتموت مراتي النهارده وهي حامل بنتك انهارده الكبيره المحترمه العاقله ضربت ريتال في قلب الدرس وسلطت عليها بنات وكانت هتموت في ايديهم
امه بعدم صدق و غضب: ضربتها؟؟ وهي تضربها ليه اصلا يا رحيم انت بتتبلى على اختك
رحيم بدهشه: بتبلى ياما
خرجت تالا من غرفتها بخوف شديد منه وهي عيونها عليه
رحيم راحلها والنار شايلاه من ناحيتها وراح جابها من شعرها
رحيم بغضب معمي قلبه: تعالي مالك و مال ريتال هاااا؟
تالا بعياط وخوف منه: والله العظيم والله العظيم ما كنت اعرف انها حامل يا رحيم
رحيم بصوت عالي جدا: وانتي تضربيها ليه اصلا ليه بتمدي ايدك عليها وتجيبي بنات يضربوها ليه دا انا قولتلك الا ريتال الا ريتال يا تالا ابعدي عنها
تالا بعياط: انا اسفه يا رحيم اخر مره
امها مسكتها من درعها وراحت ضربتها جامد بالقلم
امها بصدمه فيها وغضب: مالك و مال ريتال تضربيها ليه وكمان وهي حامل اعمل فيكي ايه ريتال اللي ضعيفه وحملها ضعيف و بينزل كل ما تحمل
رحيم بغضب شديد: مع اني حذرتك بس برضو وقفتي قصادي وقمتي انتي عملتي فيها كل ده لا بجد برافو عليكي يا تالا …
ورفع ايده ونزل على وشها باقوى ما عنده وهو مغلول منها بسبب اللي عملته في ريتال
تالا بصرخه وعياط: رحيم انا اسفه والله العظيم اسفه مش هعيدها تاني انا اسفه يا رحيم
رحيم ما رحمهاش نهائي وكان نازل على وشها بالضرب وخلع الحزام بتاعه نزل عليها بيه و صرخه تالا كانت جايبه لاخر الدنيا وكانت بتتالم جدا
رحيم بــ نار في قلبه: عشان تعرفي تمدي ايدك حلو على مراتي وتيجي عليها وتحطي راسك في راسي يا تالا هانم
امه بحزن شديد: رحيم خلاص يا رحيم سيبها حقك عليا انا
رحيم بجنون وصوت عالي: و مراتي دي والعيل الثاني اللي انا مستنيه من زمان اللي زمانه نزل. هيتعوض ازاي والضرب اللي اخدته
تالا بسرعه بعياط: ما جيناش يم بطنها والله احنا ضربناها علي وشها بس
امها شدتها من رحيم: قومي قومي منك لله يا شيخه على كل اللي بتعمليه ده
رحيم زقها بعنف: اقسم بالله العظيم لو اروح والاقيها فيها اي حاجه ولا ان لقيت العيل نزل هخنقك كده بايدي الاتنين
ام رحيم بتفائل خير: لا لا مفيش حاجه فيها باذن الله ولا هي ولا العيل روح يا يا رحيم روح اطمن عليها يا بني وانا جايه وراك عشان اطمن عليها
رحيم بغضب: انا ولا عايز منك حاجه الا انتي ولا عيالك ولا مرات ابنك اللي فوق دي عاوزكم بس تبعدو عن مراتي بالله عليكم ياما
واخد بعضه وراح ماشي
ام رحيم بزعيق وغضب: يا رب تكوني اتبسطتي يا تالا هانم لو جرلها حاجه هي ولا العيل ما تلومش اللي نفسك
تالا بألم في جسمها .وترعبت منه
كانت بتعيط: ماما ماما خليه يسامحني يا ماما والله العظيم ما كان قصدي يا ماما بس انا كنت متضايقه منها جدا عشان كده عملت فيها انا والبنات خايفه منه اوي: وعيطت اكتر وهي مرعوبه منه و خايفه يكون حصل فيها حاجه بسبب الضرب
♡♡♡♡♡♡♡♡♡♡♡♡♡♡♡♡♡
"استغفر الله العظيم الذي لا اله الا هو الحي القيوم واتوب اليه 🎀..»"
كل ده سلفه ريتال كبيره كانت واقفه متابعه كل حاجه من بعيد لبعيد ومغلوله جدا من رحيم واللي بيعملو عشان ريتال
سلفه ريتال بغل: امتي امتي هياخدها زفته دي من حياتنا بقى اللي اسمه جواد
ورنيت عليه هو فتح علطول
سلفه ريتال بغضب: انت يا زفت انت مستني اي لحد دلوقتي ما اخدتش اللي اسمها ريتال دي ليه
جواد بغضب: احترمي نفسك يا مدام انتي هتاخدي عليا ولا ايه
سلفه ريتال بحقد جواها: ما انت لو ما اخدتهاش انا هقتلها بايدي
جواد بتحذير: قسما بالله العظيم لو ايدك اتمدت عليها ما هحذرك ولا هقولك اعمل فيكي ايه
" خلي تهديداتك ليك يا حلو انا
جواد قطع كلامها: ريتال اعتبري انها طلعت من حياتكم من دلوقتي الليله هتكون عندي
سلفه ريتال اخدت نفسها براحه: يا رب يجي الليل عليا اسمع احلى خبر عن ريتال وهي انها راحت ما رجعتش من حياه رحيم _ بحقد عليها؛ خدها خدها وطلعها من حياتنا للابد بقى
جواد بشر: اعتبري حصل
ــــــــــــــــــــــــــــــــــــــــــــــــــــــــــ
في المستشفى
ريتال الدكاتره طمنوهم عليها انها بقت كويسه وما حصلش ليها اي ضرر ولا هي ولا البيبي
في الغرفه اللي فيها ريتال
ريتال بدموع وتعب شديد: اسيل خرجيني من هنا يا اسيل انا مش قادره اخد نفسي ريحه المستشفى كلها بينج ورحتها وحشه جدا انا بتعب جدا من الريحه دي خرجيني بالله عليكي
اسيل: ريتال اهدي لما الدكتوره تكتبلك على خروج يا قلبي استني شويه كمان
ريتال عيطت اكتر: لا لا مش قادره طلعوني منها بالله عليكم يا سيف خرجني من هنا يلا
اسيل بصيت لسيف بحيره: استني طب لما رحيم يجي
سيف: يا ريتال رحيم نص ساعه هيكون هنا اهدي لحد ما يجي ويدفع حساب المستشفى وهنخرج يكون الدكتوره كتبت على خروج ليكي
ريتال بعياط وتعب: لا لا طلعوني من هنا يلا يلا _ وكانت بتقول وهي بتزعق وتعيط جامد
سيف نفخ بزهق شديد: اسيل هرن علي رحيم خليكي قاعده معاها لحد ما اشوفه
اسيل: حاضر _ طلعت مناديل من الشنطه وبقت تمسح ليها وشها من جروح بتاعت الضرب
ريتال بألم ودموع: اه كفايه يا اسيل كل حاجه وجعاني اوي فيا
حطيت ايدها على بطنها بعياط: لو كان حصل حاجه للبيبي كنت هموت فيها والله العظيم حسبنا الله ونعم الوكيل فيكي يا تالا حسبنا الله ونعم الوكيل
اسيل بحزن: اهدي ي حبيبت قلبي انتي زي فل الحمدلله اهدي
ـــــــــــــــــــــــــــــــــــــــــــــــــــــــ
عند سيف بره الغرفه
سيف: رحيم ريتال مراتك مش راضيه تقعد لحد ما تيجي
رحيم اتنهد بخنقه جواه: الدكتوره مش قالت انها كويسه الحمد لله
سيف: اه الحمدلله حمدالله على سلامتها
رحيم: الله يسلمك يا سيف تعبك معايا انت و اسيل انا عارف
سيف بزعل من كلامه: اي اللي انت يا جدع انت اخويا و ريتال دي اختي يا رحيم علي فكرة زعلتني بــكلامك ده
رحيم ابتسم ابتسامه كلها حزينه: تسلم يا غالي يارب المهم مش عايزك تقول حاجه قدام ريتال علي موضوع ادم
سيف بحزن: رحيم هتعمل ايه دلوقتي اخوها هيروح كده خلاص بسبب المجنون اللي اسمه جواد ده
رحيم: قدمت في بلاغ على موضوع الخطف ده كده قضيه قتل وقضيه خطف الحكومه مش ساكتين بيلفو عليه الدنيا كلها
سيف بتنهيد: ربنا يحميه يا رب ويصبر قلب امه
ــــــــــــــــــــــــــــــــــــــــــــــــــــــــــ
في منزل الهواري
تحديدا في شقه زينب
زينب كانت نايمه وكانت في حلم والحلم ده كان في اسيل بنتها
زينب بنوم في الحلم: اسيل اسيل
ليث ابنها كان قاعد جنبها كان بيلعب بالتليفون بتاعها بصلها
ليث: مالك يا ماما ماما _وبقى يهز فيها عشان تصحى
زينب فتحت عيونها وهي مفزوعه جدا وقلبها كان بيهدم جامد ومخضوضه عليها
زينب وهي تاخد نفسها بقلق: بسم الله الرحمن اسيل اسيل
ليث باستغراب: مالك يا ماما في ايه وبعدين اسيل ما هي في الدرس
زينب بخضه: اسيل فيها حاجه يا ليث هات الفون بسرعه ارن عليها عشان اطمن عليها
سمعت صوتك جرس بيرن
راحت قامت تفتح بسرعه كانت أمنه
زينب: أمنه ادخلي في حاجه
أمنه: انتي كنتي نايمه ولا ايه؟
زينب اخدت نفسها بتعب: اه هي اسيل لسه ما جتش لحد دلوقتي
أمنه بحزن: ما انا طالعلك عشان كده ريتال اخت رحيم ضربتها شويه بنات في الدرس وهي حامل عاوزين نروح نطمن عليها و نفضل معاها شويه لحد ما رحيم يجي اللي اسمه جواد ده رجع وخرج من السجن
زينب حزنت عليها: ولا حول ولا قوه الا بالله اهل رحيم دول يا ساتر عليهم ربنا يهديهم عليها
أمنه: يارب طيب اي هتيجي معايا
زينب بتعب: والله مانا قادره روحي انتي وعد وانا اروح مره ثانيه بكره حتى مش قادره وهاتي اسيل معاكي بالله عليكي لاني قلقانه عليها اوي
أمنه بلطف: ماشي يا حبيبتي ما يجراش حاجه حاضر اجيبها معايا اول ما نطمن عليها
ــــــــــــــــــــــــــــــــــــــــــــــــــــــــــ
في منزل احمد
خديجه وليلى كانو قاعدين يتغدو سوا
ليلي بعتاب: مش هتقولي برضو في اي في موضوع ايشان
خديجه بصتلها بعيون متعبه: اقولك اي بس يا ماما عاوزاني اقولك ان ايشان ما تطلعش الانسان اللي انا كنت بحلم بيه من زمان
ليلي بعدم فهم قالت بعصبيه: ازاي ازاي فهميني وضحي كلامك اكتر
خديجه مسحت ايدها بالفوطه وقالت " الحمد لله "
خديجه بدموع وحزن: ايشان يا ماما بيكلم واحده مرتبط بيها وبيتقابلو سوا هو بيتصورو ويخرجوا في مكانات عامه لوحدهم وبيجيبلها هدايا وكل حاجه وعايش حياته يعني بــمعنى الكلمه بيخوني بيصيع وعيش حياته طلع شاب طايش من بتاع اليومين دول مش اللي انا عايزه ده يا ماما والله
ليلي بصدمه: يا بنتي ازاي ده انتي متاكده من كلامك ده يا خديجه
خديجه عيطت اكتر بقهره: والله العظيم حقيقي يا ماما شوفت الصور مع بعضيهم شوفت هديه كان جايبها ليها و و و
ليلي حزنت من قلبها منه و بصدمه: ازاي ايشان يطلع كده معقول كنا مخدوعين فيه معقول يا بنتي
خديجه بعياط وحزن شديد: مصدومه وحزنتي اومال انا بقا يوجع قلبي منه انا ياللي صاحبه الشان
ليلي بتنهيده حزينه: صلي على النبي يا حبيبتي في قلبك و احمدي ربنا انك ما تدبستيش فعلا فيه وانك عرفتي حقيقته. قبل ما تتجوزو
خديجه سمحت دموعها بهموم: عليه افضل الصلاة والسلام بس الحمدلله انا راضيه راضيه يا امي وانا ان كنت بموت في خلاص علي كده مش عايزه
ـــــــــــــــــــــــــــــــــــــــــــــــــــــــــ
في منزل مرات ابو ريتال
ام ادم بخوف شديد: ادم اتاخر اوي
اخت جوزها بقلق: طب رني عليه طيب تاني
ام ادم بتعب: ما بيردش ما بيردش خالص تليفونه مقفول
عمت ادم: رني تاني بس يلا يمكن فتحه دلوقتي
ام ادم: كان جت رساله ان تليفون اتفتح
عمت ادم بتنهيده: طيب اهدي اهدي باذن الله خير هو يمكن يكون راح عند حد من اصحابه راح عند ريتال صاحب الشغل رن عليه وراح لي اي حاجه
قعدت بقلق وحيره جواها عليه
ام ادم بوجع في قلبها: يارب احميه ليا يا رب ما توجع قلبي عليه يا رب يا رب
عمت ادم: متخافيش استهدي بالله خير خير ان شاءلله
ــــــــــــــــــــــــــــــــــــــــــــــــــــــــــ
سيف جاب اسيل وريتال على الشقه
بعدها راح يجيب امه و مرات عمه وعد من القاهره
اسيل لريتال: ريتال يلا عملت ليكي الاكل ده يا قلبي كلي علشان تاخدي العلاج
ريتال بتعب: مش قادره اكل حاجه يا اسيل والله سيبيني عايزة انام
اسيل: حبيبتي هخليكي تنامي ولله بس لازم تاكلي يلا
ريتال بتعب شديد: مش قادره بقولك والله بس عاوزه اغير هدومي دي ساعديني اغير
اسيل: حاضر ي قلبي هقوم اطلعلك بيجامه كده كده سيف مش هيطلع هنا بس تاكلي تمام
ريتال: حاضر
و قامت بالفعل طلعت ليها هدوم وساعدتها حتى تغير وبعدها اكلت وخدت العلاج
اسيل قعدت جنبها علي السرير
وبدات تكلمها وتفتح في مواضيع عشان تنسى اللي حصل ريتال
اسيل: ريتال العيل لعب ولا لسه
ريتال ابتسمت بتعب: لسه بدري انا لسه كده يعتبر شهرين بس
اسيل: ياااه لسه بدري اوووي انتي و ماما يارب امتى بقى تجيبو النونات دي علشان العب معاهم
ريتال باستغراب: هي مامتك حامل؟
اسيل ضحكت بسيط: اه حامل يا ختي و زيك و لسه في الشهر الثالث
ريتال بابتسامة تعب: ماشاء الله ربنا يحفظها يا رب وتقوم ليكم بالسلامه
اسيل: يارب يارب يروحي وانتي كمان
ريتال بزهق: يارب يارب، اسيل رحيم اتاخر كده ليه وعماله تقوليلي جاي جاي جاي فين رني عليه عشان اتكلم معاه و اقوله تعال زهقت بقا انا عاوزه رحيم
اسيل بهدوء: والله جاي في طريق يا قلبي دلوقتي ما تقلقيش
ريتال: طيب هاتي ارن عليه يلا
اسيل: حاضر اهدي
الجرس رن في الوقت ده ، بتاع شقه
اسيل قامت: اهو ده هو جاه يا مرات عمي دي يا رحيم يا ستي اهدي
وراحت تفتح
________________________
رحيم كان قريب من شقته
كان ماشي باقوى سرعه علشان يوصل على طول من شده قلقو على ريتال عايز يطمن ويشوفها كده وياخدها في حضنه
رحيم لاقي مره واحده العربيه عطلت وقفت
رحيم بعصبيه: في اي مالك انتي كمان مش وقتك خالص
ودور فيها مرت ما كانتش راضيه تشتغل ولا كانت نافعه
رحيم بغضب شديد جواه: ولا حول ولا قوة الا بالله يعني جايه تعطلي على اخر لحظه يا رب
ونزل بسرعه يشوف مالها
رحيم بتنهيده حزن: يعني هو ده وقت تبوظي
اخد الفون من عربيه و رن علي. ريتال
ــــــــــــــــــــــــــــــــــــــــــــــــــــــــ
اسيل راحت تفتح و مكنش تعرف اللي مصيبه على الباب مستنياهم
ريتال فتحت مكالمه.. مع رحيم
ريتال بدموع وتعب: حبيبي رحيم انت فين
رحيم بحنان: حقك عليا يا حبيبت قلبي انا قريب من الشقه اهو متزعليش منى
ريتال بملل ودموع: طيب يلا تعال
رحيم: جاي جاي حاضر المهم انتي كويسه طمنيني عليكي
ريتال: الحمدلله
اسيل فتحت ولقيت اللي مره واحده زقها جامد راحت رجعت لورا وقعت علي الارض
اسيل صرخت من الخضه: ااااه