رواية خادمتي الصامته الفصل السادس عشر16بقلم اسماعيل موسي
امشى يا بت يا مفعوصه من هنا، لو مسكتك هسيح دمك ،والى خلق الخلق لاربطك فى شجرة التوت وإجلدك لحد ما اقطع جلدك.
عايزة اقابل الباشا، ركضت وفاء بين الأشجار بخفه، انتى فاكره انى مش هعرف اطولك يا بنت عويس ؟
يا قليلة الربايه لكن هقول ايه هتفرقى ايه عن اختك الحراميه يا بيت خربان.
سيبها يا محروس أمره نوح باشا من الشرفه، تعالى يا شاطره
انتى بنت مين؟
اقتربت وفاء انا اخت تقى يا بيه
تقى رن الاسم فى أذن نوح باشا ،تقى ؟
ايوه يا بيه
وعايزه ايه يا اخت تقى؟
انا واقعه فى عرضك يا بيه ،اختى تقى قبضو عليها وحبسوها وهى مظلومه والله، بكت وفاء
ونزل نوح باشا من الشرفه
حصل ايه؟
رد محروس بسرعه سرقت يا باشا، البت طلعت حراميه الحمد لله انها غارت من هنا.
لصه؟ يعرف نوح ان تقى لا يمكن أن تكون لصه، ربما رحلت بلا سبب لكن ان تكون سارقة ؟ لا يمكن أن يخيب ظن نوح إلى هذا الحد.
سرقة ايه يا محروس ؟
سرقة دهب مرآة العمده والعمد قبض عليها متلبسه وابوها تبرى منها ومعاون الشرطه قال للعمده اعمل فيها إلى انت عايزه.
صمت نوح دقيقه، ثم امر الفتاه الصغيره ان تنتظره ريثما يبدل ملابسه
ثم ركب عربته آلتى يجرها الخيل والى جواره وفاء الطفله الصغيرة آلتى كانت تلح ان تقى مظلومه والله مظلومه
متخفيش يا شاطره انا هعرف الحقيقه لما نوصل دوار العمده
وصل نوح دورا العمده واستقبلة الغفر باجلال
حتى ان العمده نفسه ركض ليستقبله
عرض العمده على نوح باشا قهوه لكنه رفض
وسأل عن تقى
قال العمده البت سرقة دهب مراتى يا باشا
قبضنا عليها متلبسه ،إياك يغرك مسكنتها يا باشا انا اعرف الصنف دا كويس.
سرقة كام يا عمدة؟
سرقة الدهب كله يا باشا ،عشر غوايش دهب
ودول يساوى كام يا عمده ؟
يساوى يجى عشرين جنيه يا باشا
اخرج نوح محفظته ووضع في يد العمده النقود
البت تروح بيتها النهرده يا عمده قبل ما الليل ما ينزل
قال العمده وانا هعمل بيها بنت الرفضى ؟يا غفير غورها من وشى
مكشن ليه لازمه والله يا نوح باشا ،للموضوع مش موضوع فلوس موضوع عداله اصل انا ميعحبنيش الحال المايل ولو سبت كل شخص يسرق العزبه هتبوظ
مفهوم يا عمده مفهوم همس نوح وهو يركب عربتها ويقودها إلى القصر
خرجت تقى من الحجز ومشت تجاه منزلها ووفاء تسرد لها ما فعله نوح باشا
وانه دفع للعمده تمن الذهب كله ،لم ترد تقى كان فيها ما يكفيها من ألم وانكسار وحزن
لما وصلت البيت جمعت ملابسها كلها وقصدت قصر نوح باشا تحت نظر والدها وجدتها والعروس الجديده
يتبع