رواية العشق المجنون الفصل الثامن عشر18 بقلم هنا حسين
عدى يومين وباقي يوم على الفرح كانت حياه
بتتكلم جاسر
حياه : ممكن تخلي هايدي تيجي
تقعد معانا
جاسر : لا يا حببتي خليكي انتي واختك على راحتكم
حياه : بالعكس هنبقا مبسوطين مع بعض جاسر : خلاص هقولها واخليها تجهز واجيبها
ملاك : بتتكلمي مين
حياه : جاسر كنت بكلمه عشان
يجيب هايدي تفرح معانا
ملاك : اوكي
حياه : هو انتي وحسن متخاصمين
ملك : لا ابداً ليه بتسألي
حياه : اصل مش بشوفك بتتكلمي معاه ملك : اصل هو مشغول شويه في الشغل قاطع حديثهم خبط على الباب قامت ملاك فتحت الباب لقيت واحد أداها شنطة ومشي بعد ما قال لها انها من حسن
حياه: افتحي بسرعة شوفي فيها إيه فتحت ملاك الشنطة لتنصدم بأنبهار كان فستان أزرق مرصع بالألماس الأبيض بجميع مستلزماته
حياه: الله إيه الجمال ده
ملاك: أنا مش عاوزه منه حاجة
حياه: إيه اللي بتقوليه ده يعني الراجل مكلف نفسه ومهتم بيكي وباعتلك فستان تحضري بيه الفرح تقومي تقولي مش عايزة تقومي يا ختي كلميه واشكريه على الفستان
وسابتها وقامت
اذكروا الله
كان مالك قاعد قدام التلفزيون وبياكل بطيخ وقفت قدامه ريحانه
مالك: ابعدي عاوز اتفرج
ريحانه : عاوزه فلوس اجيب فستان احضر بيه الفرح
مالك : عاوزه كام
ريحانه : يعني في حدود ٥٠٠٠ آلاف
مالك بصدمه : كام ياختي ليه ماتكونيش انتي العروسه
ريحانه : ومالي بقا ان شاء الله مش من حقي البس يعني
مالك : لا البسي بس ابعدي عاوز اسمع اللقطه دي
ريحانه : يعني هتديني الفلوس
مسح ايده فى الكنبه تحت نظرات الاشمئزاز من ريحانه وطلع لها ٢٠٠ جنيه مالك : بس كده اتفضلي
مسكتها ريحانه بصدمه
ريحانه : اي دي
مالك:٢٠٠سلامتك اول مره تشوفي ٢٠٠ جنيه ريحانه: لابس اول مره اشوف راجل بخيل اعمل بيها اي ٢٠٠ جنيه انا
مالك: اشتري فستان من الوكاله اتحلت اهه ريحانه : بقا انا ريحانه البس من الوكاله ليه كنت شافتني شحاته
مالك : ليه هما الشحاتين اللى بيلبسو من الوكاله يا اميره بعدين ده اللي عندي ريحانه: و ٢٠٠ جنيه يعملوا اى دلوقتي مالك : والله ده اللي عندي وقبل ما تقول حاجه انا نازل اقعد على القهوه مع صحابي ونزل وسابها تموت من غيظها
اذكروا الله
ملاك: ممكن اعرف ليه بعتلى فستان
حسن: انت رجعتى الفيزا ومسحبتش منها حاجه واكيد مش معاك فستان تحضري بيه، ملاك بضيق: ليه شايفنى متسولة بعدين انا معايا شكراً ليك
حسن: مرات حسن الحوت لازم تلبس احسن حاجه عندها
ملاك: اه قولتلى عشان برستيجك يعنى لاشكراً يا سيدي مش عاوزه منك حاجه
حسن: براحتك يا ملاك
وقفل في وشها
ملاك بغيظ ماشي يا حسن وقررت شئ في بالها وقررت تنفيذه
خبط احمد وسمح ليه بالدخول،
احمد: مالك يا عم بقالك كم يوم سرحانا على فكره أنا عارف السبب
حسن: وإيه بقا السبب يا عم الذكي
أحمد: أكيد مشتاق لملاك لأنها مش موجودة في البيت
حسن باستغراب: وأنت إيه عرفك إنها مش موجودة
أحمد: في إيه يا عم لونك اتغير ليه أصل بسمة كلمتها وقالتلها إنها عند أختها عشان فرحها
حسن: آه فهمت بعدين، مين قالك إني مشتاق
أحمد: باين أوي على فكرة، أنت شكلك حبتها يا حسن، يا ريت متخسرش مراتك، اعترف بحبك وعيش حياتك
حسن: سيبك مني قولي أنت عملت إيه
أحمد: خلاص اعترفت وهنتجوز.
بعد ما اخلص جامعة،
حسن: ربنا يسعدك
أحمد: عقبال ما تحن على البت وتعترف لها بحبك
حسن: طب امشي احسن ما اقوملك طلع احمد يجري بخوف
اذكروا الله
كانت بتبص حواليها بانبهار وقفت مرة واحدة لما خبطت في شخص
احمد:أنا آسف بس إيه ده ملاك ازيك
ملاك: الحمد لله انت عامل إيه
احمد: تمام في حاجة معاكي
ملاك: لا مافيش بس جيت أشوف حسن، أحمد:تمام اتفضلي
وقفت ملاك قدام السكرتيرة
اللى كانت بتبص عليها بتكبر
ملاك: ممكن ادخل لحسن
السكرتيرة: حسن كده حاف
ملاك: لا بالجبنه
السكرتيرة: وكمان بيستظرفي امشي يا حلوة من هنا،
ملاك بصوت عالي: ليه يا حبيبتي كنت جاية أشحت منك يا اختي أنا جاية لجوزي وشركة جوزي
طلع حسن على الصوت العالي اتصدم لما شاف ملاك سحبهامن إيديها ودخلها المكتب وقفل الباب فضل يتفحصها بقلق واضح. حسن: ملاك فيكي حاجة طمنيني عنك
ملاك بابتسامة: أنا كويسة
حسن: أمال إيه اللي جابك دي أول مرة تعمليها
ملاك: جيت أتفرج على الشركة بلاش يعني
حسن: لا والله انتي إزاي نزلتي من غير إذني
ملاك: واستاذنك ليه مرام هتنطلق
حسن: ملاك بطلي جنان
ملاك: وأبطل ليه مرام هتنطلق
ضحك حسن غصب عنه وبص على ملامحها اللي كانت وحشاه بص نحيت شفايفها
لاحظت ملاك ده وقالت
ملاك بتوتر: الصراحة جيت عشان ارجعلك الفستان
حسن كان بيقرب منها
حسن: بس انا مش شايف معاكي اي فستان ملاك: ما انا ما جبتوش معايا عشان الناس وكده انا جيت عشان اخدك معايا تاخده حسن: يعني ده آخر كلام عندك
ملاك: ايوه مدام هتنطلق
اسكتها حسن بلحظه
جميلة وهي استجابت بعد وقت معه ابتعد عنها حتي يتركها تتنفس وجدها مغمضه عيونهابتخجل
حسن بهمس: ملاك
ملاك فتحت عيونها ببطئ
ملاك بخجل: امم
حسن:البسي الفستان يوم الفرح عايز اشوفه عليكي
هزت راسها بالإجابة
حسن بضحك:على فكرة دي مش أول مرة بس في الاوضة بتجري تستخبي في الحمام هنا ما فيش مكان
ارتمت ملاك في حضنه مستخبية فيه شدد حسن من احتضانه لها
حسن : ملاك انا مش هطلقك انتِ خلاص بقيتي ملكي ملك حسن الحوت