رواية حين يقع النمر في الحب الفصل التاسع عشر19بقلم ملك ابراهيم عبد الجيد

صلوا علي سيدنا محمد صلاة الله عليه وسلم 💗🫶🏻

فلاش باك 

ملك كانت نايمه علي نمر ولقته بيتحرك صحيت بسرعه وقالت بخوف: نمر حبيبي انت كويس 

نمر ابتسم بحزن لما شافها هي اول واخر حد بيكون معاه علي طول وقال: الحمد الله يا ملك كويس طول منتي معايا 

ملك بدموع: اي اللي حصل خالك كدا انا خوفت عليك بجد واول معرفت جيت جري ومعرفتش حد 

نمر مسح دموعها بي ايده بحب وقال بوجع وحب: مش عايز اشوف دموعك دي تاني انا كويس طول مبشوف ابتسامتك دي 

ملك بحب وهي بتطبع قبله علي ايده برقه: حاضر بس في اي مالك صوتك متغير واغم عليك لي قولي

نمر بوجع: اتصدمت في واحدة قذ*ره اتسببت في موت امي يا ملك وامي طلعت بريئه وماتت ظلم

ملك بصدمه وحزن علي نمر: ينهار ازاي حصل كدا ومين الواحدة دي ولي تعمل كدا ده

نمر بوجع: حياه اختي

ملك بصدمه قامت وقفت ونزل عينيها دموع: ايي حياه مستحيل ازاي يا نمر اكيد انت غلطان 

نمر: عارف انك هتقولي كدا عشان انتي دايما اللي بدافعي عنها بس انا هوريكي وهي بتزور امي قبل متموت وكمل كلامه بسخريه وحتي كانت قايله انها راحه لدكتوره عشان تعبانه

ملك بدموع: لي كدا بس لي تعمل كدا 

نمر ضمها لي جامد وقال بهدوء: متستهلش دمعه واحدة منك ولا من حد مننا 

وفجأه الباب اتفتح بسرعه وملك بعدت عن نمر بكسوف ونمر بص للي دخل بعصبيه وقبل ميتكلم قاسم قال: احم اسف اني مخبطش بس انا جاي في حاجة مهمه وصح انت كويس اي اللي حصلك حامد كلمني وقالي انك تعبت وودوك المستشفى 

نمر بجمود: انا كويس هحكيلك بعدين اي اللي حصل

قاسم حكي له كل حاجة بخصوص قضيه حور الحواس وكمان خطف جوري 

نمر قام بسرعه وقال: ومستني اي يلا بينا 

ملك بسرعه: استنوا خدوني معاكوا

نمر: روحي البيت احسن يا ملك 

ملك بعند: لا مش هسيبك لوحدك انت لسا تعبان

قاسم بغيظ: يلا بسرعة اخلصوا بقولكوا خطفت جوري يعني ممكن تعمل فيها حاجة 

وراحوا كلهم وهما في الطريق طلبوا دعم يجي معاهم وفعلا وصلوا

باك الوقت الحالي 

حياه اتصدمت هي والجارحي لما شافت نمر وقاسم وملك داخلين عليها 

وقاسم جري علي جوري اللي كانت بتعيط من الوجع وقال بعصبيه لحياه 

:  عملتي فيها اي يا شيط*انه انتي 

نمر راح وقف قدام حياه بهدوء اللي كانت كل اما يقرب تبعد خطوه بخوف وتوتر لحد ما وقف وشاور لحامد وباقي الرجاله يكلبشوا الجارحي 

وبعدين ادها قلم من قوته وقعت علي الارض وبوقها جاب دم وفضلت تعيط

قاسم لما شافها كدا كان عايز يروح يخدها في حضنه بس مين اللي يخدها في حضنه حياه ازاي بصلها بحزن وخذلان ومشاعر كتير وبعدين طلب الاسعاف لجوري اللي كانت اغم عليها من شدة الالم

اما ملك فبصت لحياه بانكسار وحزن ودموعها غصب عنها غلبتها وقالت: لي يا حياه ده انا اكتر واحدة كنت بدافع عنك لي وكنتي عايزه تأذيني لي عملتلك اي ده انا مكنش ليا حد غيرك وحمدت ربنا اني عرفتك ولما نمر طلب مني اساعده رفضت ومقدرتش لي حرام عليكي عمري مهسامحك يا حياه عمري

وحياه زادت في البكاء ومبقتش عارفة ترد تقول اي ونمر نزل لمستواها ومسك ايدها وطلع الكلابشات من جيبه وحطها في ايدها وهو ملامحه بارده وخاليه من اي مشاعر وحياه بتبصله بأسف وحزن وندم بس بعد اي بعد اي الندم جه في وقت غلط

بعد وقت

كانوا موجودين في المستشفى اللي جوري موجوده فيها بعد ما تم القبض على حياه والجارحي والناس كمان اللي كانت معاهم بتهمه قت*ل الكاتبه حور الحواس وتهمة المخدرات وحاجات كتير قوي حياه عملتها

نمره كان قاعد جنب ملك اللي كانت باين على ملامحها التعب من كتر العياط والصدمات اللي خدتها النهارده كان قاعد ضميمها ليه وعمال يطبطب عليها

اما قاسم فمش مصدق ان حب طفولته تطلع بالقذا*ره دي حرفيا كلمه مصدوم فيها دي كانت قليله جدا وحاسس في نفس الوقت انه متلخبط حس بالخوف حقيقي على جوري اللي اول ما شافها بتتالم جري عليها صحيح زعل على حياه

 وقلبه انكسر منها بس هتيجي اللي تصلح قلبه من تاني؟ 

الدكتوره خرجت بعد وقت وكان باين علي ملامحها التعب والحزن

قاسم بخوف: خير يا دكتوره جويريه مالها هي كويسه دلوقتي

الدكتورة بحزن: الحمد لله كويسه بس هي في حاجه المفروض تعرفوها بس هو حضراتكم مين وفين اهلها

قاسم بسرعه: انا خطيبها وده اخويا ومراته وباباها ومامتها هيجوا ان شاء الله بس هي كويسه ارجوكي طمنيني 

نمر وملك بصلوله باستغراب لكن معلقوش

الدكتورة بحزن: للاسف مش هتقدر تشوف تاني

نمر وملك اتصدموا وزعلوا علي جويريه اللي مكنش ليها ذنب في اللي حصلها

قاسم بصدمه: يعني اي مش هتشوف تاني انتي بتهزري

الدكتوره بحزن: حضرتك انا ما بهزرش هي هتحتاج معايا متابعه لحد ما عنيها تهدى شويه لان الفحم دخل في عينيها جامد وللاسف ما ينفعش خالص نعمل عمليه دلوقتي لازم على الاقل يعدي سنتين او سنه عشان عينيها ترجع كويسه زي الاول عشان نقدر نعمل لها العمليه وبرده هتحتاج متابعه وحضرتك لو رحت لاي دكتور بره هيقول لك نفس الكلام انا اسفه جدا عن اذنك

ومشيت 

وقاسم قال بحزن:حصل لها كده بسببي يا نمر بسببي لو كنت قلت لها نقبض على حياه دلوقتي ما كانتش عملت فيها كده لكن انا قلت لها بالليل انا السبب هي عمرها ما هتسامحني يا رب انا الاقيها منين ولا منين انا تعبت 

وقعد علي الارض ولي اول مره يعيط من بعد موت والدته

نمر قرب عليه بجمود وحنيه وقوامه من على الارض وقال: انت اقوى من كده يا قاسم فاهم احنا الاتنين اتعرضنا لصدمات مش انت لوحدك عارف ان الصدمه تقيله عليك وتقيله عليا انا كمان اقسم بالله عارف يعني ايه تكتشف ان اختك شيطانه طب عارف يعني ايه حد يموت بسببك على الاقل هي مش هتشوف ثاني بس تقدر تعمل عمليه بعد مده لكن انا امي ماتت بسببي بسبب اني ما فكرتش ولا رحت لها حتى زرتها وسالتها ليه عملت كده واختي كنت مخدوع فيها وكنت هأذي اكتر انسانه حبيتها في حياتي فوق يا قاسم جويريه محتاجاك تكون قوي وكل اللي حواليك عايزينك قوي وقال اخر كلامه بوجع بس حاول ما يبينش

ملك قربت عليه ومسكت في هدومه وقالت بقوه وحب: وانت كمان يا نمر لازم تكون قوي عشاني وعشان ابنك 

نمر بصدمه... 

في البيت عند رغد 

كانت قاعدة في اوضتها جالها تلفون من فريده 

رغد: الو يا فريدة عامله ايه وحشتيني 

فريدة بسرعه: افتحي التلفزيون بسرعه وشوفي موجود اي عليه

رغد قامت وفتحت التلفزيون وفي نفس الوقت كان عبدالرحمن وهو في عيادته مشغل الاخبار

وهاله في بيتها نفس الكلام

ومنصور اللي كان قاعد في مكتبه في شغله 

ومحمد اللي كان في بيته ومشغل الأخبار برضو 

وكلهم اتصدموا بي خبر القبض على حياه والجارحي وصوره نمر وقاسم وهما بيقبضوا عليهم بالتهم اللي قولنا عليها ويي....