رواية حين يقع النمر في الحب الفصل الاول1بقلم ملك ابراهيم عبد الجيد
كنت قاعدة في المدرج اول يوم كليه ليا وكنت بصراحه متوتره جات بنت قعدت جنبي وقالت
: اهلا
: اهلا بيكي يا قمر
: احم بصي انا اول يوم لينا هنا اي رأيك نتعرف
: اشطا مفيش مشكلة انا ملك
: عاشت الاسامي اسمك تحفه زيك وانا حياه
ملك بأبتسامه: تسلمي يقلبي انتي احلي
حياه: الله يسلمك يارب من كل شر
قعدنا اتكلمنا شويه واتعارفنا وطلعت بيتها جنبي جدا واتفقنا نروح مع بعض
شوفنا شاب داخل قاعد علي كرسي متحرك وحولياه تلات رجاله ماشاء الله اي كبار اوي احم بتريق بصراحه الواد شكلو امور وكل حاجة بس غضيت بصري علي طول واستغفرت ربنا في سري وحياه لاحظت ده وقالتلي
: اي يا ملك في اي
ملك بخجل: مفيش
حياه بخبث: شايفكي مركزه مع الولد ده
ملك: انا لا علي فكرة انا بس استغربت
حياه بضحك: عموما عادي
وبس شويه الدكتور دخل وبدأنا المحاضرة
بعد وقت المحاضرة الاولي خلصت طلعت اجيب حاجة اكلها انا وحياه اللي الحمدلله نفس شخصيتي تقريبا
ملك: انا هجيب كريب و نسكافيه
حياه بتفكير: وانا هجيب ساندوتش كفته وكابتشينو
ملك بمزح: اشطا يلا
روحنا جايبنا الحاجه وقعدنا علي بنش في الجنينه بتاعت الكليه
ولقينا الواد اللي شوفنا في المدرج ده جاب قهوه من المطعم وقعد في حته قريبه مننا
نمر: حضرتك انا مش عيل وبعدين قولت مش عايز معايا حرس انا بعرف اتحرك لوحدي
منصور: نمر انا خايف عليك وبعدين يسيدي هما بيخدو بالهم منك مش اكتر ولا اقل يعني
نمر: تمام يا بابا
وقفل
عند ملك وحياه
ملك: هروح اغسل ايدي وجايه يا حياه تجي معايا
حياه: اشطا يلا
وروحوا الحمام وخلصوا والمحاضره التانيه كانت بدأت وطبعا روحنا المحاضرة بسرعة والحمدلله الدكتور مهزقناش مهو اول يوم عبال منعرف الاحوال اي بقا
ملك بصت علي مكان نمر وملقتهوش وقالت في سرها: هو فين محضرش المحاضرة لي يمكن يكون معرفش يجي او الناس اللي معاه مشيوا بجد صعبان عليا اوي ربنا يشفي يارب وبعدين انا مالي بي خليني في حالي اوفف
واخيرا اليوم خلص وكنا مروحين انا وحياه
حياه بأبتسامه: متيجي معايا تسلمي علي ماما هتحبك اوي بجد يا ملك
ملك بأبتسامه: معلشي يا حياه خليها مره تانيه
حياه: لا انا كدا هزعل منك
ملك بقلت حيله: خلاص يستي هجي
حياه بفرحه: اشطا يروحي
وروحنا بيت حياه وفتحت الباب لقينا مامتها قاعده وبصراحه كان باين عليها ست كويسه
هاله بأبتسامه: اي ده مين القمر اللي معاكي دي يا حياه
حياه بأبتسامه: دي ملك اتعرفت عليها النهارده في الكليه وحبيتها خالص وهي بصراحه تتحب فجبتها عشان تسلم عليك وتتعرفي عليها
هاله بأبتسامه وهي بتسلم علي ملك: ازيك يا ملوكا عامله ايه نورتي يحبيبتي
ملك بأبتسامه:الحمدلله بنور حضرتك يطنط تسلمي والله حياه مسكت فيا اسفه لو ازعجتكم يطنط
هاله: لا يحبيبتي متقوليش كدا ده انتي نورتينا وبصت لحياه وقال بت يا حياه روحي سخني الاكل جاهز بس برد
حياه بأبتسامه: حاضر يامي امال في عبدالرحمن
هاله: في الشغل زمانه جاي روحي بقا
حياه بمزح: يسلام علم وينفذ يا فندم
وراحت
وملك ضحكت وقالت: بجد حياه عسل اوي وحبت حضرتك جدا يطنط بجد
هاله بأبتسامه: تسلمي يحبيبتي ده من ذوقك يجميل كلمي مامتك طمنيها قوليلها انك هتقعدي معانا شويه عشان متقلقش عليكي
ملك بحزن: ماما ميته يطنط وانا اصلا مليش حد وعايشه لوحدي في البيت
هاله بحزن: انا اسفه يبنتي والله معرفش وقالت بمزح ده انتي بقا تنورينا علي طول عشان القمر ميقعدش لوحده
ملك بأبتسامه: ربنا يخليكي يطنط انا برتاح في بيت بابا وماما وانتم خلاص بيقتوا اهل وان شاءلله هبقي اعدي اقعد معاكم
هاله بأبتسامه: ده انتي تنوري في اي وقت يحبيبتي
وبعد شويه حياه جهزت الغذا وقعدوا يكلوا في جو مليان حب وهزار وفي الوقت ده دخل عبدالرحمن
عبدالرحمن: السلام عليكم
الكل: وعليكم السلام ورحمة الله وبركاتة
عبدالرحمن بمزح: بتاكلوا من غيري اخص عليكوا اخص الدم بقا مياه خلاص كدا
هاله بمزح: معلشي بقا منت اللي اتأخرت وبعدين ملوكا خدت مكانتك
ملك قامت بسرعة من علي الاكل وقالت: انا اسفه جدا لحضرتك
هاله بسرعة: اقعدي كملي اكلك يا ملك انا بهزر يحبيبتي
عبدالرحمن بمزح: انا وامي علي طول كدا عادي ويستي ولا تزعلي نفسك هجيب كراسي واقعد
ملك بأحراج: لا انا لازم امشي لاني اتأخرت معلشي يطنط هاله معلشي يا حياه هبقي اجي تاني
حياه بزعل: طب اقعدي شويه يا لوكا
ملك بأبتسامه: معلشي يقلبي هبقي اجي تاني
وسلمت علي هاله وحياه تحت استغراب عبدالرحمن اللي لما جي هي مشيت
عبدالرحمن بتسأل: مين ده يا حياه
حياه: ده ملك صحبتي اتعرفت عليها انهارده في الكليه
عبدالرحمن: غريبه لما شفتني مشيت علي طول
هاله: ممكن تكون اتكسفت يابني
عبدالرحمن: ممكن
عند ملك روحت بيتها وهي بتفتح الباب لقت....