رواية عودة عاشق الجزء الثاني2 الفصل السادس عشر16 بقلم منة الله الجزار
عند شوق فضلت هي وحسناء يصوتوا والناس بتطفي النار وجات عربية الإسعاف وعربية المطافي وفضلوا يطفوا النار لحد ما قدروا يطفوها وعمر ومازن دخلوا جوه وشافوا مراد والعِرق واقع على ضهره وحاضن مايا في حضنه عشان ما يقعش عليها حاجة وتتعور وكان بيتوجع أوي ودموعه نازلة عليها مازن كسر الباب برجله هو أصلاً كان مولع وعمر نط وعدا عند مراد وشال العِرق من عليه وإيده اتحرقت مازن راح ليهم وسند مراد وعمر شال مايا وخرج بيها والأربعة خرجوا بره الدكاترة جريوا عليهم وحسناء وشوق برعب.
حسناء برعب.. ماله مراد وبعدين ضهره محروق هو في إيه حصل ليه؟
عمر بوجع في إيده حط مايا على السرير عشان يكشفوا عليها.. لازم تتنقل على المستشفى فوراً وتتحط تحت جهاز أكسجين هي ومراد بسرعة.
حسناء.. أنا مش فاهمة حاجة وإنت كمان إيدك محروقة.
كانت بتتكلم برعب عليهم.
شوق برعب.. إيده محروقة فين وريني إيدك.. ومسكت إيده غصب عنه ودموعها نزلت.. عمر إيدك لازم تتعالج ولا هتلتهب أكتر لازم نروح المستشفى.
عمر.. بجمود.. أنا بخير أنا هرن على المستشفى يبعتوا كمان عربية إسعاف عشان مراد ومازن لازم تيجي عشان يكشفوا عليك ليكون حصلك حاجة.
حسناء برعب.. مازن حصل إيه ليه؟
مازن بحزن.. ما تخافيش يا حسناء أنا كويس.
شوق.. بزعيق.. إنتوا بقيتوا دكاترة ما شاء الله كل واحد فيكم عارف يعتني بنفسه الكل هيروح المستشفى نطمن عليه وأولكم عمر.
عمر بصلها برفع حاجب.. إنتي بتزعقيللي.
شوق بغضب.. أه بزعقلك يا دكتور وبزعق للحمار التاني ده والأستاذ اللي بين الحياة والموت وإنتوا قاعدين كدا من غير ما تعملوا أي حاجة.
مراد بص لها بعين نصها مفتوحة من التعب.
شوق بغيظ.. بتبصلي كدا ليه إنت كمان الكل هيروحوا المستشفى وخلص الكلام لحد هنا ولا إيه يا حسناء؟
حسناء بدعم.. أيون يلا مفيش كلام وإنت يا سبع رجالة في بعض انجز قوم عشان نشوف مايا الإسعاف واقفين مستنينا.
سندوا مراد وجات عربية إسعاف تانية وأخدتهم وراحوا على المستشفى.
ــــــ
عند شربات كانت فاقت من البنج.
كانت متربطة ومحطوط لازقة على بقها فتحت عيونها برعب.. وفضلت تحاول تفك نفسها بس ما عرفتش بصعوبة وكان صوتها مكتوم من اللازقة وقعدت تعيط وتدعي ربنا إن حد يلحقها أو مين اللي عمل فيها كدا افتكرت ورد وإن ممكن اللي خطفها هي كمان يكون الشبح عشان شافته وهو بيخطف ورد عشان كدا خطفها...
شربات برعب في سرها.. يحرق اليوم اللي عرفتك فيه يا ورد يا رب الحقني من هنا يا رب.
ـــــــــــــــ
عند كايا راح على بيت مغاوري فضل يخبط بعنف ويضرب برجله الباب عشان يكسروا بس مفيش حد رد عليه سأل حد من الشارع.
كايا.. ما تعرفش مغاوري فين؟
الست.. مش إنت اللي وقف قدامه قبل سابق عشان بنت الست ثنية الخياطة.
كايا بغيظ.. مش وقته الكلام ده ما تعرفيش هو فين.
الست.. لا والله يا ولدي تلاقيه في أي غرزة ولا بيعمل مصيبة ربنا يبعدك عنه يا ولدي.
فون كايا رن وكان بلال.
الست مشيت وكايا رد عليه بلهفة.. عرفت حاجة؟
بلال.. عرفت إن مغاوري ده ليه حد من رجالته اسمه عصفورة عصفورة ده هو اللي بيبقى عارف كل بلاويه.
كايا بتذكر.. أه افتكرت الواد ده دراعه اليمين.
كان بيتكلم وهو بيفتح باب العربية عشان يدخلها ويمشي بيها.
بلال.. هو دلوقتي في السجن اتقبض عليه امبارح وهو بيسرق.
كايا مشي بالعربية..
كايا بغضب.. أكيد عارف بالخطة وعارف مكان ورد فين؟
بلال.. إنت عارف إن من الصعب أوي يا كايا إننا نعرف ندخل ليه السجن ونقرره.
كايا.. بلال أنا هتصرف سلام.
بلال.. كايا كايا رد عليا.. ألو.
حد كان سامعهم.. وبهمس كايا.
ـــــــ
عند ورد
فضلت تصوت برعب.. إنتوا مين وعاوزين مني إيه؟
واحد منهم.. تعرفي إنك حلوة أوي والمعلم قالنا علموها الأدب.
ورد بخوف.. وحياة عيالكم محدش يقرب مني وحياة أغلى حاجة عندكم.
الاتنين بصوا لبعض وفضلوا يضحكوا وبعدين بصوا ليها هي وكانوا بيقربوا منها وهي بترجع لورا برعب.
ورد بصويت.. الحقووووني يا ناااس.
واحد منهم.. صوتي براحتك يا حلوة محدش هيجي يلحقك من هنا إنتي في حتة مقطوعة.
ورد برعب.. طيب طيب عاوزين مني إيه إنتوا ما عندكمش ولايا في البيت.
الاتنين.. لا وفضلوا يقربوا عليها وهي تصوت..
ـــــ
كايا.. فكر يا كايا فكر هتلاقيها إزاي يا رب ساعدني.
رن على حد وهو بيسوق.
.. ألو.
كايا.. معاك كمال البحيري عاوز أشوف سجين باسم عصفورة محبوس عندكم امبارح في جريمة سرقة.
.. إنت عارف إنه ممنوع من غير إذن نيابة.
كايا.. بشر وهو بيسوق بسرعة.. عديها إنت وأنا هدلعك.
.. يا باشا إنت يهمك بإيه الواد ده؟
كايا.. يعرف مكان حد أنا عاوز أعرفه.
.. طيب أنا ممكن أخدمك.
كايا.. إزاي؟
.. إنت ممكن تقولي عاوز مين وأنا أعرف منه ويبقى ليا الحلاوة.
كايا بشر.. اتفقنا عاوز أعرف مكان ورد.
.. ساعة ويكون العنوان عندك.
كايا.. ساعة كتير معاك خمس دقايق بس وكل ما عرفت أسرع كل ما زادت الحلاوة ليك.
.. ماشي يا باشا.
وقفل.
كايا بخوف.. ما تخافيش هلاقيكي.. حتى لو كان التمن حياتي.
وفجأة.
ــــــــــ
عند مايا.
نقلوها المستشفى واتحطت تحت جهاز أكسجين عشان استنشقت دخان كتير وعلقوا ليها محاليل.
ومراد دخل عمليات وشوق وعمر كانوا معاه جوه
حسناء ومازن فضلوا بره وحسناء كانت بتعيط ومازن واقف بعيد مش قادر ياخدها في حضنه.. ويهديها.
جوه في العمليات.
شالوا الجلد اللي اتحرق من مراد وكانوا بيركبوا ليه جلد صناعي مكانه عشان الحرق دخل على اللحم الحرق كان الله أكبر كبير وإيد عمر كانت بتترعش من كتر الخوف هو عمل عمليات قبل كدا من دي كتير بس ده أخوه برضو.. شوق حطت إيدها على كتفه بدعم وهو بص لها.
شوق.. بدعم وهدوء.. إنت قدها وهو هيكون إن شاء الله بخير أنا جانبك ما تخافش.
دكتور تاني اسمه وائل.. عمر عارف إنه صعب عليك بس لازم إنت اللي تعملها هو محتاجك.
دكتورة تانية اسمها مريم.. صح يا دكتور وكلنا معاك دي مش أول عملية تعملها وبعدين لو احتاجنا دكاترة من أي مستشفى تانية هيكونوا موجودين بس إن شاء الله مش هنحتاج.
شوق بهدوء.. دكتور اعتبره أي مريض مش أخوك هو دلوقتي محتاجك وواجبك بيلزمك تنقذ المريض ده يلا يا عمر مراد محتاجك.
عمر مسك المشرط تاني وغمض عيونه بألم وبعدين فتحهم وكان بيشيل الجلد وهو حاسس إنه بيشيل جلده هو..... مش هسيبك يا حبيب أخوك.
وكمل العملية والكل كانوا على أتم الاستعداد.
ـــــ
عند هند.
كانت قاعدة وبتشرب قهوة ومرتاحة ولا كأنها قتلت قتيل..
جاسر كان داخل وهو بالعكاز بغضب.. هند.
هند اتخضت.. نعم يا خوي.
جاسر بغضب.. فين شربات؟
هند بتوتر.. أنا هعرف منين كانت الصبح بتقول إنها هتخرج هي والبت بنت الخياطة ما أعرفش بقى هي فين؟
جاسر بصدمة.. ورد.
وخرج بره ينادي على ورد.
هند قعدت وحطت رجل على رجل براحة ومسكت فنجان القهوة وقعدت تشرب باستمتاع.. ورد زمان مغاوري خلص منها ههههه بحبك يا بت يا هند وإنتِ منتصرة عليهم كلهم.
ــــــــــ
جليلة.. بتنادي عليها ليه في إيه؟
جاسر بغضب.. فين ورد البت أمانة وإنتوا سبتوها تخرج عادي أكيد.
جليلة.. ده كنا قاعدين الصبح عادي وهند قالت لشربات تاخدها ويخرجوا عشان تفك.
جاسر بجنون... هند.
جليلة.. أيون هند.
جاسر بزعيق... هههههههند..
هند خرجت باستغراب ونزلت تحت.. في إيه؟
جاسر بجنون.. مش قولتلي شربات هي اللي خدتها ما قولتليش يعني إنك إنتِ اللي اقترحتي أكيد عليها.
هند بتمثيل الدموع.. وبخبث.. كذب يا خوي اللي قالك أكيد كداب وعاوز يوقعني في الغلط عشان يفوز هو.
جليلة بصدمة.. وإني هكدب ليه يا هند أنا واحدة حجة بيت ربنا تلات مرات.
هند بخبث.. كدابة أيون كدابة لو إنتِ صادقة هاتي شاهد واحد يقول إنك بتقولي الحقيقة مش طباخة إنتِ وولدك عشان تخلوا جاسر يطردني من البيت ويطلقني عشان عاوزين تخلصوا مني.
جليلة بصدمة.. لا والله العظيم دي هي اللي بتكدب يا أبو مراد وإني بيني وبينك إيه عشان أعمل أكيد وبعدين لو عاوزة أعمل أكيد كنت عملتها من زمان يا هند عيب تقولي أكيد.
هند بمكر.. شوفت شوفت يا جاسر شوفت أهي الحرباية ظهرت على حقيقتها والله أعلم مدبرة لينا إيه تاني يمكن تحت السواهي دواهي.
جليلة بغضب.. احترمي حالك يا بت المركوب إنتِ والا بجزمتي وهديكي على دماغك إنتِ ناسية أصلك ولا إيه إنك كنتِ حتة خدامة هنا وكلنا خابرين زين ليه جاسر اتجوزك عشان يداري على فضيحتك مع أخوه بعد ما هربتي من بيت أهلك عشانه وحملتي منه وبعدتيه عن بيته ومراته نسيتي ولا لأ لو نسيتي أفكرك مين هنا الست ومين هنا الخدامة.
هند بغضب.. شوفت يا جاسر بتذلني كيف وبتقول عني خدامة وإني هربت مع أخوك مكرم ما شوفتوهمش وهما بيقتلوني وبيقتلوه وبيقتلوا اللي كان في بطني منه عشان هو ابن العزايزي وأنا كنت واحدة على قدي.
جليلة بسخرية.. إنتِ واحدة خطافة رجالة يا هند الأول كان مكرم خطفتيه من مراته والتاني كان جاسر اللي أبوه حكم عليه يتجوزك عشان يداروا على الفضيحة بتاعتك يا هند.. بس إنتِ مقامك هنا خدامة.
هند مسكت جليلة من رقبتها وجاسر حاول يبعدها عنها بس ما عرفش وجليلة كانت ست كبيرة ما لهاش قادرة تقاوم هند وهند لسه بصحتها جاسر شد هند من على جليلة وهب قلم نزل على وشها.
هند بصدمة.. بتضربني عشانه.
جاسر بجنون..........
ــــــ
في السجن.
كان قاعد عصفورة ومعاه الأمين.
عصفورة.. بكدب... ما أعرفش حد بالاسم ده يا بيه؟
أمين.. بجد والله هتقول يا عصفورة مكان ورد فين ولا لأ.
عصفورة.. بخوف.. قولتلك يا بيه ما أعرفش مين ورد دي؟
أمين طلع فونه وطلع صورة ورد وحط الفون قدام وشه.. دي.
عصفورة بتوتر ويتبع.
عاوزة رأيكم فيها......... وتفاعل.
رأيكم مين سمع بلال وكايا هيلاقي ورد ولا حصل معاه إيه ومراد هيقوم من العملية الكبيرة دي ولا لأ وحسناء ومازن إيه نظامهم وعمر هيسامح شوق ولا لأ
وهند جاسر هيعمل فيها إيه؟