رواية روح الروح الفصل الثالث والعشرون23بقلم نوره عبد الرحمن
خسرت أمه لما ولدته مكنتش مستوعب خسارتي ليها سبت عمر ابني اللي مكملش ايام وهربت من خسارتي لأمه كنت محمله ذنب خسارتها .. لحد ما مر الوقت وعرفت استوعب أن ده مش ذنبه ده قدرنا لكن للأسف رجعت متأخر
مي : مش فاهمه ازاي
كريم سكت شويه وكمل كلامه بغصه : عمر عاش طفوله مشوهه كان بابا جايبله مربيه كانت بتضربه وتعذيبه على اي غلطه
مي بصدمه : بس عمر كان طفل وقتها
كريم : ماهي المربيه كانت مريضه وخرجت مرضها على عمر .. لحد مابقى يدافع عن نفسها بعنف وياخد حقه بالقوه
مي : يعني ازاي
كريم : عمر مرت عليه ايام صعبه اووي كان بيتعامل مع أي موقف بالعنف والضرب والبهدله ولما رجعت حاولت اصحح غلطتي كان خلاص فات الاوان وبصعوبه عرفت اقنعه يتعالج والحمدلله خف لكن سكت كريم ومكملش كلامه ..
مي : لكن ايه
كريم : بعد ما محمد خطفك وعمل اللي عمله معاكي عمر بدأ يرجع للحاله بتاعت زمان
مي :يعني هو عمل حاجه لمحمد
كريم : ملحقش لكنه كان هيعمل مي .. بنتي انا دلوقتي هديك خيارين تاخدي بعضك وتمشي وصدقيني مش هلومك ابدا لكن لو مشيتي متفكريش ترجعي تاني. ابدا عشان هيكون نسيان عمر ليكي مش سهل ...
أما الخيار التاني تكملي مع عمر و تبدأوا رحلة علاجه تاني .. هو هيسمع منك عشان الوحيده اللي محاولش يتعامل معاها بعنف هي انتي انا متأكد أنه بيحبك لكنه بيكابر ومش عارف يعترف بده انا بكلامي ده مش عايز اضغط عليكي لكن عاوزك تعرفي قرارك اللي هتاخديه هيحدد مصيركم أما تكملووو أو خلاص كل حي يروح لحاله
مي بضياع : مش عارفه اقولك ايه
كريم لسا هيتكلم اتصلوا بيه وبلغوه أن لمار خدوها بالعافيه من القصر بتاعه اتجنن وبص لمي اللي سالت بقلق: في ايه
كريم : مفيش شوية مشاكل فكري يامي لو رجعت مشفتكيش هنا يعني اخترتي تبعدي وده حقك ..بعد اذنك ومشي وسأبها بتبص بأثره ..
*********
ساق عربيته بسرعه واتصل برجالته يحصلوه على العنوان اول ما وصل بيت لمار خبط زي المجنون محدش فتحله
الرجاله اللي معاه كسروا الباب ودخل بيدور عليها ملهاش اثر ..
خرجت ست متوسطه في عمرها وقالت: بتدوروا على مين
كريم الانسه لمار القيها فين
الست : البنت مش وش مشاكل يابيه جوز امها اكيد هو اللي عمل مشاكل
كريم بنفاذ صبر: ياخالتي انا عاوز اعرف هما فين مفيش مشاكل ولا حاجه
الست : النهارده فرح لمار جوز امها هيجوزها لواحد صايع من رجالته البنت زي القمر ومش حمل بهدله
اتجنن كريم لما سمع الكلام ده وقال هلاقيهم فين
الست : مش عارفه دول مفيهمش خير حتى أنهم معزمونيش على الفرح
كريم سأبها تكمل كلامها ومشي بسرعه ورجالته وراه ..
اتصل بجوز امها كتتير معرفش يوصله راح المدرسه عند اخواتها الصغيرين ودخل المدرسه واتكلم مع اختها الصغيره وعرف مكان الفرح .. خد بعضه وراح مستعجل لكنه اتصدم لما شافها لابسه فستان الفرح وووشها كله كدمات من الضرب وعينيها حمره اتجنن ونده اسمها لفت وشها للصوت اول ما شفته قعدت على الأرض وعيطت جامد ...