رواية حين يقع النمر في الحب الفصل الخامس والعشرون25بقلم ملك ابراهيم عبد الجيد
صلوا علي سيدنا محمد صلى الله عليه وسلم 😍💗💗
جان نزل وفتح التابوت شاف في الخدامه واتصدم لما لقها مقتوله ومضروبه جامد ووشها بايظ حرفيا
شويه والفون رن برقم غريب
جان رد بعصبيه وقال: مين
نمر بخبث: اي رأيك في المفأجاه اللي قدامك حلوه صح
جان بتوعد: ورحمه مراتي وابني مهرحمك يا نمر
نمر ببرود: وانت بروح أمك عايزني ابعتهالك سليمه وانت حاططها جاسوسه عندي في البيت عشان تحط لمراتي منوم وتخطفها وتجيبها لك وعايزك ما تحلفش برحمه مراتك وابنك كثير عشان بس ما يتعذبوش في القبر عشان اوعدك الكلبشات الحلوه اللي في جيبي دي هتبقى في ايدك ان شاء الله قريب
جان بخبث: هتبقي في ايدك انت والمدام وقريب يا نمر اوعدك وانا عمري ما وموفتش وعمري مهسيب حق مراتي ولا حقي منك
وقفل في وشه ونده رجالته وقال بعصبيه: شيلوا البت دي واخفوها مش عايز الدبان الازرق يعرفلها طريق جره فاهمين
الرجاله خافوا جدا من صوت جان العالي وشالوا البنت ومشيوا بيها على طول
جان بغضب جحيمي: ماشي يا نمر اقسم بالي خلقني لهنتقم منك وقريب
عند نمر وملك
نمر كان صاحي قبلها وراح عشان يصحيها عشان تروح الكليه
نمر بحنيه: ملوكه اصحي يقلبو
ملك قامت علي طول وقالت بأبتسامه: يا صباح العسل
نمر بأبتسامه وهو بيبوس رأسها: صباح الفل علي اجمل بنوته في الدنيا يلا قومي عشان اوديكي الجامعه
ملك بكسل: مش قادره حاسه اني مكسله اروح انهارده
نمر بأبتسامه: لا ملاكي لازم يروح عشان الامتحانات قربت وعايز اشوفها من الأوائل
ملك بحب: عشان خاطر عيونك والله
نمر ابتسم ولسا هيرد لقها قامت بسرعه وراحت الحمام
خدت شاور واتوضت وخرجت من الحمام لقت نمر لبس ابتسمت علي سرعته دخلت اوضه اللبس لبست وصليت
ملك بأستغراب بعد مخلصت صلاه: مصلتش معايا لي يعيوني
نمر بحب وابتسامه: عشان صليت قبلك يقلب عيونك يا كسوله
ملك ابتسمت بحرج وخجل وقامت وقالت:احم ماشي مكنوش هما الشويه الصغننين اللي نمتهم يعني
نمر بضحك: قصدك الساعتين اللي نمتيهم زياده دول
ملك بمزح: ينهار ابيض بتعدهم كمان عليا يا نمر احم فدايا علي فكره
نمر بمزح: هو احنا قولنا حاجه يناس فداه ست الكل كلهم
ملك بأبتسامه وخجل: طب يلا عشان متأخرش
نمر بضحك: يلا
ونزلوا هنا الاتنين لقوا لسا الكل نايمين وخرج بره ركب عربيته هو وملك ومشيوا
وشويه ووقفوا عن هايبر كبير نزل وخد ملك معاه
ملك بأستغراب: هو احنا جايين هنا لي
نمر: هجيبلك فطار عشان انتي مفطرتيش
ملك: كنت هجيب عادي من الكافيه بتاع الكليه يا نمر
نمر : لا هخاف عليكي ما تاكليش اي حاجه في الكليه هجيب لك فطار من هنا وهجيب لك اي حاجه انتي عايزاها من هنا ولو حد قال لك تعالي روحي معايا اوعي تروحي مع حد
ملك بتعجب: نمر هو انا عيله صغيره اكيد يعني مش هطله عشان لما حد يقول لي تعالي معايا اروح معاه
نمر بأبتسامه: انتي ست البنات يا قلبه بس انا حبيت بس انبهك وافكرك يعني
ملك بغيظ: طيب ماشي على فكره بعرف ادافع عن نفسي يا استاذ نمر ما حدش هيعرف يجي جنبي عشان هقول له ايه
نمر بمزح وخبث: اي
ملك بعشق: انا مرات نمر الكيلاني
نمر ابتسم بعشق وباسها من رأسها ودخلوا الهايبر جابوا اللي عايزينه وراحوا الكليه
نمر بحب: خدي بالك من نفسك يا قلبه ولما تطلعي طمنيني عليكي عشان اجي اخدك
ملك بأبتسامه وحب: حاضر عيوني يأمر واحنا ننفذر وراحت علي طول من قدامه
تسريع احداث بقا يا حلوياتي
بعد مرور شهر تعالى بس اما اقول لك حصل ايه في الشهر ده
بالنسبه لرغد اشتغلت هناك في السعوديه وفتحت صيدليه كبيره بمساعده من باباها طبعا واشتغلت كمان في مستشفى قريبه من الشقه اللي هي اشتريتها كانت كل شويه بترن على نمر ومنصور وملك وفريده وديما كل شويه تطمن عليهم كان قلبها وجعها من فراقها على عبد الرحمن اللي اكيد دلوقتي بقى لوحده تماما وهي حاسه بده على الاقل هي معاها ابوها واخوها لكن هو بقى لوحده تماما
اما بالنسبه لي قاسم فهو اتجوز جوري وعاش معاها بيعمل لها كل اللي هي عايزاه وبيعملها حلو وهما عايشين مع محمد اللي اصر انهم يعيشوا معاه وهي برده كانت بتكلمه حلو وبرده اتفقوا انهم مش هيخلوا جوازهم بشكل رسمي بينهم غير لو حد فيهم حب التاني وقاله وباين كدا الصناره غمزت 😉
اما بالنسبه لعبدالرحمن هاله ماتت من زعلها علي حياه وهو زعل جدا عليها ولما منصور ونمر وقاسم عرفوا فضلوا وافقين جنبه وبما انه دكتور نفسي قدر ميبينش وجعه لحد وقرار يشتغل يشتغل اكتر لحد ما يسافر السعوديه هو كمان عشان يشتغل هناك وما كانش يعرف ان اللي وحشته وهو وحشها موجوده هناك او بمعنى اصح سافرت هناك يعني
اما بالنسبه لملك ونمر فكل يوم نمر بيوصلها ويطمن عليها وما بيزهقش و كل يوم حبهم بيزيد لبعض اكتر ملك بقت حامل في الشهر الثالث وكانت في الشهر اللي فات بتتوحم وهرمونات كده نمر عانها منها ولحد الان
بالنسبه لفريده ويوسف وفارس وديما اتفقوا هم الاربعه هيعملوا خطوبتهم في يوم واحد وهو كان يوم الخميس وكان الكل بيستعد النهارده الاربعاء يا ولاد عندهم يعني مش عندنا
بليل
عند فريده كانت قاعده في اوضتها بتقرأ روايه ولقت يوسف بيرن عليها
فريده بخجل: السلام عليكم ازيك يا يوسف
يوسف بأبتسامه وحب: وعليكم السلام ورحمة الله وبركاته
انا تمام يا حبيبي انتي عامله ايه
فريده بخجل: تمام الحمد الله
يوسف بفرحه: اخيرا خطوبيتنا بكرا مين يصدق ان بعد اللي حصل خطوبتي انا وانتي تكون مع فارس اللي مكنتش اتوقع اننا نبقي صحاب كدا واخته احبها كدا
فريده بأبتسامه: ممكن عادي عدوك يبقي حبيبك في يوم وليله يعم جو ويلا بقا امشي روح شوف بتعمل اي وبطل تكسفني كدا
يوسف بمزح: كسوف مين يبنتي اومال لما نتجوز هتعملي اي
فريده بخجل: تصدق انك قليل الادب يا يوسف مكنش اعرف انك كدا افتكرتك زي يوسف حبيب مريم في روايه انجاني حبها اخص بجد علي دي ناس
يوسف بضحك: قليل الادب اه بس معاكي انتي وبس وبعدين نحن نختلف عن الآخرين
فريده بغيظ: طيب ماشي معاك حق امشي ياض روح شوف بتعمل اي
يوسف ضحك وقال: قلب الواد حاضر يا فوفا نامي كويس وبلاش روايات كتير يوليه عشان متهيسيش مني مش هتبقي انتي و ديما عليا سمو عليكو
فريده بضحك: هههههههه مجنون والله
عند ملك ونمر كانت ملك قاعده بتتفرج علي التلفزيون هي ونمر وفجأه بصتله كدا وقالت بطفوله: احم نمر ممكن اطلب منك طلب
نمر بأبتسامه اكنو عارف هي هتطلب اي: الحمد الله عملت حسابي وانا جاي وجبت حاجات الطوارئ اللي ممكن نحتاجها او تدبسيني فيها في نص الليل
ملك بمزح : احم بص هو مش في فسيخ بصراحه ولا حاجه ساقعه ولا مكسرات ولا اندومي ولا الكلام ده ولا حتى شوكولاته
نمر بقلق: امال ايه وحياه امك ما تطلبيش مني حاجه مستحيله
ملك ببراءه مزيفه: انا انا بطلب منك حاجات مستحيله يا نمر اخص عليك ده هي حاجات بسيطه خالص
نمر بقلق: الفسيخ مش مستحيل يا شيخه حرام عليك اتقي الله في طلباتك اللي انت بتطلبيها مني دي المره الجايه هتطلبي مني ايه خنزير وتقولي لي ابنك او بنتك اللي عايز الحاجات دي ما بتلاقيش غير الساعه 12 او واحده بالليل وتطلبي مني الحاجات دي ولو ما جبتهاش بتقعدي تعيطي وتعملي لي حاجات غريبه كده انا ما اعرفش انتم مالكم بصراحه انتم كبنات مالكم
ملك بمزح: يسطا دي هرمونات حمل مشي الدنيا بقا عشان انا ما ازعلش وعشان ابنك او بنتك ما يزعلش
نمر بخيبه امل مزيفه: يا اسطا ربنا يتوب عليا يا رب اتفضلي يا حاجه ملك ايه الجديد ابهريني
ملك وهي هتستعد تقوم تجري: احم هقولك انا عايزه فراولة
نمر بصدمه: نعم يا ضنايا ده عندها انتي عارفه احنا فين احنا في الصيف اجيب لك الفراوله منين وهي فاكهه شتويه اصلا
ملك بزعل طفولي: مليش دعوه اتصرف عشان معيطش يرضيك اعيط يعني ده انت بتصعب عليا والله من كتر ما بنكد عليك من ساعه ما حملت يعني
نمر بحزن مصطنع: اديك قلتي بتنكدي عليا اهو وبتزعلي كمان ارحمي اهلي شويه يا حبيبتي وحتى اطلبي الحاجات دي في وقت صباحي مش في نص الليل
ملك بأبتسامه: ان شاء الله هحاول بس اتصرف وهات لي الفراوله
نمر بأبتسامه خبيثه: طيب ممكن يا قلبه الصبح عشان انتي وحشتيني وغير كدا جاي تعبان انهارده ده لو سمحت يعني لو ما فيهاش اساءه ادب
ملك بمزح: خلاص ماشي مدام تعبان روح نام وانا هقعد اتفرج على الفيلم ده وهنام بعدك على طول بس هنام على الكنبه
نمر خلاص كان عايز يصوت منها وقال بي نفاذ الصبر: بقولك اي يوليه قولنا بكرا هجيب لك جيش فراوله بس ارحمي اهلي وخليني انام وانتي كمان تنامي ده انتي بقيتي شبه البطيخه يا وليه وانتي لسه اصلا في الثالث هتعملي ايه تاني هتخلفي لي عجل او عجله
ملك بضحك: خلاص بهزر يعم انت بتخد الهزار جد لي محدش ينفع يهزر معاك يعني وبعدين هخلفلك مز او مزه شبهك وغمزتله بمزح
ونمر ضحك عليها وقام شالها وهو بيطفي التلفزيون: يلا يوليه عشان ننام في ناس خطوبتهم بكره وعايزين نبقي معاهم من بدري
ملك بحب: اشطا يلا بس نصلي قيام الليل الاول
نمر بحب: اشطا
ووداها الحمام واتوضوا سوا وراحوا صلوا وبعدها قعدوا يسبحوا شويه وناموا
عند قاسم وجوري
قاسم جه من شغله ودخل اوضته لقي جوري قاعده مستنيه زي كل يوم وهي مبتسمه وبتقول: حمدالله علي السلامه اخيرا جيت
قاسم بمزح: اه يا جوجو كان عندي شغل كتير اوي بس خلصته وجيت
جوري بأبتسامه: ربنا معاك يا رب يا قاسم روح غير هدومك وتعال اكون قولت لداده تطلعلك العشا
قاسم بأبتسامه: قولتلها يا جوجو وانا طالع اتعشيتي ولا لسا
جوري بخجل: لا مكنش ليا نفس وكنت مستنيك بس نزلت قعدت مع عمو محمد شويه بعدها الداده طلعتني
قاسم بأبتسامه: خلاص هنتعشي سوا هروح اغير واجي
وفعلا غير وجه وكانت الداده طلعت العشا
جوري بتسأل: قاسم انا عايزه اسألك سؤال
قاسم بستعداد: لو السؤال بتاع كل يوم بلاش عشان هتلقي مني نفس الرد
جوري بمزح: لا منا هغير بقا عشان مش تزهق
قاسم: اسأل يجميل
جوري بقلق: هو انت لسا بتحب حياه
قاسم: اولا يا جوري حياه ماتت الله يرحمها ويغفر لها يمكن لما عرفت انها ماتت زعلت عليها بس كنت مخدوع فيها وفي نفس الوقت مش هكدب عليكي انا سامحتها بعد مشوفت حالتها قبل متموت بس انا دلوقتي مش بحب حد ولا قلبي قادر يحب حد خايف اتخدع تاني وكملت بصدق بس معاكي القاعده اتكسرت
جوري بصدمه حاولت متبينهاش: يعني اي القاعده اتكسرت
قاسم بحب: يعني انا حبيتك يا جوري وربنا يعلم اني مش متجوزك شفقه زي منتي فاكره يمكن لو كانت حياه فضلت عايشه كنت هفضل معاها بس انا اكتشفت معاكي انك احسن منها بكتير
جوري بخجل: شكرا يا قاسم بس انا حاسه اني حمل كبير عليك عشان كدا بعفيك
قاسم بحب: مش عايز اسمع منك الكلام ده تاني انت مش حمل كبير ولا حاجه انا السبب في اللي حصل لك ولازم اكون معاكي في كل اوقاتك الوحشه قبل الحلوه ومش عايز اسمع منك الكلام ده تاني تمام
جوري بأبتسامه: حاضر
ونسيبهم يتعشوا
في صباح اليوم التالي
عند رغد
كانت في الصيدليه بتاعتها بتخلص شغل دخل شخص وكانت مديه له ظهرها
الشخص: لو سمحت يا دكتوره عايز الدوا ده
رغد لفت لصاحب الصوت اللي حست ان هي سمعته قبل كده واتصدمت اول ما شافته وهو شافها