رواية وردة وعزيز الفصل الثاني2بقلم جيجي
..البارت ٢... عزيز دخل بضيق وقفل الباب وهو بيقول ..
ليه ما بتسمعيش الكلام...
اتنهد بيأس.. وكتم ضحكتو بالعاغيه وقال...
على فكره رجلك باينه من تحت الستاره...
ورد طلعت دماغها وبصت لتحت على رجلها وقالت...
صح عندك حق باينه...
عزيز.. نازله تحت بالمنظر ده قدام الرجاله.. عايزه تشليني وبعد كده تقولي عصبي وغبي...
ورد... انا كنت قاعده هنه.. وقالو البنت بتموت نزلت اشوفها...
عزيز.. ما تموت هى من بقيت عيلتك...
ورد... هي لازم تكون من عيلتي عشان اخاف عليها.. حرام البنت تروح...
عزيز... تحرم عليكى عيشتك... ده انا هطلع روحك دلوك..
ورد بدموع.... ليه بتعمل فيا كده... انت ليه محسسني ان انا جاريه عندك.... ليه.. انا انسانه وليا الحق لما اشوف ان في حد بيستغيث ومحتاج مساعده منى... انزل اساعده .. مش لازم اخد اذن منك... انت مش بتاخد اذني وانت طالع وانت نازل...
عزيز.... اه... واضح ان قعده البندر خليتك تنسي الصعيد وعوايدها.. انا الراجل يا هانم.. وعندي الحق انزل براحتي كيف ما انا عايز.. مش محتاج منك اذن.. لاكن انتى حرمه والمفروض تاخدي اذنى قبل ما تطلعي...
ورد.. انا نزلت شفت البنت اللي كانت بتموت.. ما روحتش اصيع...
عزيز بغضب.. ولو كان المفروض تاخدى رأيى برضو... كان ناقص تصيعى... طب حتى البسى عبايه سودة لفى طرحتك عدل
ورد... مخدتش بالى. نزلت بدون وعى وبعدين كفايه بقى تحكم في حياتي.. حياتى كلها متوقفه عليك... اوف... كان يوم اسود يوم ما اتجوزتك... كان يوم اسود.... ناس كدابين... ما شفتش في كذبكم واصل..
عزيز... احنا كدابين.... كدابين فى ايه بقى ان شاء الله !!
ورد.. ضحكتو عليا بعد ابويا وامي ما ماتوا... قولتو مش هينفع تقعدى لحالك تعالي عندنا... احنا نشيلك على كفوف الراحه.... وجبتوني.. وجوزوني ليك.. على اساس ان انت هتحميني وتخليني معاك بدل ما اقعد لحالي.. بعد ابوي.. بس حبستني بين الاربع حيطان دول... ومش راضي تطلعني منهم...
عزيز كان بيبصلها بستغراب.. كانت بتتكلم بحرقه.. والدموع فى عنيها.. بس اتفاجأ اكتر لما ورد قالت...
بقيت كيف عربيتك اللي مشتريها... باذنك امشي وباذنك اقعد... حتى حلمي اللي درست عشانه انى ابقي الدكتوره ورد... اخدته مني... في يوم وليله.. علشان مرت العمده ما ينفعش تشتغل.. وحبستني هنا.. لا خليتني روحت شغلي... ولا فتحت العياده بتاعتى.. ولا نزلتني حتى من البيت غير بأذن منك... بقيت حاسه اني ما ليش قيمه... انت لغيت شخصيتي.. لغيتك كيانى.. انا حاسه اني ولا حاجه. انا مستنيه اذنك لكل حاجه... يمكن حتى عشان اكل مستنياه...
عزيز... بس.. انا ما عملتش ولا حاجه.. غير انى حابسك ومش مخليكي تشتغلي.. ومستعبدك... بس ما فيش ولا حاجه زينه فاكرهالى فى اللي عدتيه ده... ماشي متى ما عايزه تطلقى قوليلي وهطلقك.. اذا مش مرتاحه معايا كد كده....
وساب الاوضه وطلع... وهي قعدت على السرير وبقت تعيط... وقالت... الله يرحمك يا ابوي اتبهدلت قوي من بعدك...
عزيز راح على الاوضه التانيه..... وكان فيها شاب فى العشرين.. ده ادم اخوه.. كان قاعد على السرير وبيقول....
شفتك قلبي سلم... ما قدرتش غير اسلم...
عزيز.... انت.. يا استاذه نانسي يا عجرم.. اصحف خدنى جمبك..
ادم... ايه ده مالك بيا !!
عزيز.. عايز انام جارك.
ادم... هتنام جاري ليه.. ما تروح تنام مع مزتك !!
عزيز..... اسمها مرتى.. بلاش تخلينى الراجل اللى قتل اخوه.. اوف.. اكيد لو انا ينفع انام هناك مش مشتاق يعني عشان اجي انام جارك انت... هى زعلت تانى انا مش عارف اعملها ايه عشان ترضى.... مش بتشوف غير سلبياتي... حتى مش بتشوفها من وجهه نظرى...
الرجاله كانو واقفين عم يتلفتوا فيها هياكلوها بعينيهم...
وهى شايفه ان انا حبسها عشان انا عايز احبسها مش عشان بغير عليها... نفسى فى عيل منها مش راضيه.. قال هى مش مبسوطه معايا.. خايفه الواد يتشحطط تخيل... بتفكر تسيبنى..
ادم.. سألتها ايه اللى مزعلها..
عزيز... قالت انا لسه ما اتعودتش عليك سبتها.. ولحد دلوقت لسه ما تعودتش... اعمل ايه تاني بجيبلها كل اللي بتطلبه لحد عندها.. اما ابوها مات وتجوزتها قعده تبكي تقول اخر سنه ليا في الجامعه... اخر سنه في الجامعه وديتها الجامعه.... كنت سايب شغلي وبوديها وارجعها...
ادم قال بمقاطعه... وضربت المواعيد... واعتذرنا عشان ترجع تدخل الجامعه تاني.. بعد ما اخدت فصل... اصحابها ما حدش بيقولها صباح الخير... عشان انت اللي بيقولها صباح الخير بتخليه صباح زي الزفت والقطران على اللي جابوه..
عزيز... فاكر.. فاكر.. خلاص... انت هتعمل زيها.. انا بغير عليها عشان بحبها..
ادم.. ده مش حب... ده تملك ما يصحش كده.. هى مش عايزه تخرج خرجها... يعني هتنقص حته لما تطلعها وتفسحها.. خط يدك في يدها واتمشى بيها...
عزيز.. واه اخدها امشيها كده فى البلد !!
ادم.. وفيها ايه..
عزيز... فيها طبعا.. ما ينفعش..
ادم.. ليه !!
عزيز... عشان.. عشان.. ايوه صح انا ليه ما طلعتهاش ولا فسحتها !!
ادم... ولا مره جبتلها هديه في يدك.. وقلتلها اتفضلى يا ورده قلبي...
عزيز... ايه يا ورده القلب دي.. انا اقول وردة قلبى..
ادم.. اه.. ورده قلبي...زرعتك في قلبي وسقيتك حنانى.. مشيتك في شرياني... عشقتك وفى عشقى انانى... لا عشقو حد قبلي ولا حد هيعشقه بعدى تاني...
عزيز... اقولها شعر.. احيه.. هى كمان عايزه تبقى دكتوره...
ادم.. ما تبقى انت عمده ومرتك دكتوره انت مش اقل منها.. سيبها تشتغل...
عزيز.. بغيييير.. تكشف على رجاله وتروح وتاجى.. بغييييير...
ادم.. اش خلاص نام اتخمد.. ما فيش فايده اصلا.. كنت مصلطن نكدت عليا...
عزيز.. كنت بتغنى لمين..
شوفت خطيبتى فى السوق مع ابوها.. كل اللى قدرت اقولو... مساء الخير.. قالت... مساء النور.. وطلعت هنا وبغنيلها....
عزيز.. يا محنو.. عارف... انا بفكر اجيبها في الاوضه بتاعتك دي.. بتزود المحن... يمكن ربنا يفك المربوط..
ادم... معاك انت لو راحت.. مش عارف ايه اكتر مكان للرومانسيه..
عزيز.. باريس بلد الرومانسيه..
ادم.. والله لو رحت باريس ما انت فالح.. نام.. نام..
في صباح يوم جديد كانوا قاعدين على طاوله الفطار وكانت مهجه قاعده معاهم..
عزيز... صباح الخير...
مهجه كانت بتبصلو باعجاب وقالت بدلع..
صباح النور يا عمده..
ورد.. انت مش بتاكل ليه..
عزيز بضيق... عادي باكل اهو..
مهجه.. دي مرتك يا عمده..
ورد بضيق... مرتو يا حبيبتي اه.. فى حاجه..
مهجه.. لا انا بسأل بس.. اصل انا كنت فاكراه مش متجوز..
ورد.. ليه مش شايف الدبله اللي في يدو..
مهجه... لا اصل انا الصبح شفته طالع من الاوضه اخوه فكرتو كان نايم هناك يعني...
ورد بزهق... لا هو كان راح يصحي اخوه بس....
وحطه ايدها على ضهره.. وقالت...
كل عشان انت معاك شغل...
عزيز بخبث..... مش هروح... قاعد اليومين دول..
ورد.. وايه اللي هيقعدك اليومين دول...
عزيز بخبث وهو بيبص لمهجه بصطناع الاعجاب...
احنا عندنا ضيوف ولازم ناخد بالنا منهم.. وندللهم.. ولا ايه...
مهجه بابتسامه... شكرا يا عمده... مش عايزين نعطلك.. انا تمام..
عزيز.. لا تعطيل ايه.. لا عطله ولا حاجه.. احنا نشيلك على راسنا..
مهجه... تسلم يا عمده...
ورد بصتلو بضيق وووو
ورد خبطت بيدها على الترابيزه وطلعت فوق.. عزيز ابتسم بسعاده وطلع وراها.. وكانت قاعده على السرير وبتهز رجلها بضيق قعد جمبها وقال...
اقدر اعرف ايه اللي زعلك !!
ورد.. والله فيك الخير اخدت بالك اني زعلت اصلا..
عزيز.. خدت بالي انك زعلتى.. بس ايه اللي زعلك تحت..
ورد بغضب... ايه اللي زعلني. انت مش شايفها قاعده تبصلك كيف.. واخده بالها انت طالع من انهي اوضه... وعلى الاكل عينيها مانزلتش من عليك.. البت عنيها بتطلع قلوب... وانت عنيك يندب فيها رصاصه وبتبصلها وتعدل شنبك.. انت اصلا ايه مقعدك من الشغل.. ها.. قاعد تحرس الهانم طبع.. ما تبقاش جوز الدكتوره بس تبقى حارس الهانم عادي...
عزيز... استني كده..
ورد.. في ايه !!
عزيز... فى ريحه حاجه حلوه.. لو هي هنط من البلكونه دي...
ورد.. ريحة ايه.. ده وقتو..
عزيز.. اه ريحة غيره..
ورد.. غيره.. هئ... انا مش مجنونه زيك.. عشان اغير من الهوا... ما فيش حاجه اغير منها اصلا... هغير على ايه..
عزيز... عليا.. مش انا جوزك..
ورد.. لاه دى احلام العصر.. ومش متغطي كويس كمان.. على رأى المثل يغيروا مننا الناس.. ونغير احنا من القرد والنسناس..
عزيز.. طالما وصلت للنسناس... هقوم اروح شغلي..
ورد.. جد رايح الشغل.. انت مش قلت مش رايح..
عزيز.. صح بس طالما حبيبتي بتغير عليا وعايزاني اروح الشغل.. هروح..
ورد بغيظ.. حبك برص...
عزيز... مقبوله منك يا وردة بستانى الوحيده..
ومشى.. وورد قالت بصوت عالى قاصده تسمعه..
كداب على فكرة.. ما فيش بستان فيه وردة واحده...
عزيز ضحك وكمل... عند مهجه كانت فى الاوضه.. بتتكلم فى الفون.. وبتقول..
ايه عمال ترن.. ترن.. في ايه !!
المتصل... عملتى ايه !!
مهجه.. لسه ما عملتش حاجه انى يا دوب قعدت معاه ولاغيته على السفره.. بس مرته قاعده ومش طايقه كلمه عليه.. اللى بيكلمو بترد هى.. وهو ساكت ما بيقولش ولا كلمه في وجودها...
المتصل... انتى غبيه بتلاغى الراجل قدام مرته..
مهجه.. مش انت عاوزها تشوفو معايا..
المتصل.. اه بس يبان كأنو بيخونها... يعنى يبان شافتكم صدفه... امال قولتى فاهمه على ايه..
مهجه.. هى ما بتسيبهوش دقيه.. بس هحاول تانى.. اصلا مرته شكلها بتحبه...
المتصل.... هى ما بتحبوش.. وحتى لو بتحبه.. انتى مالك انت هتعملى اللي مطلوب منك وبس.. انتى واخده كومة فلوس عشان تدخلى البيت ده.. عشان تعملى اللي انا عايزه.. وما تنسيش دي خبطه بسيطه... يعني مش هتقعدي في دوار العمده كتير.. اول ما تخفي هتقولك توكلي على الله.. حاولى تكونو سوا الليله...
مهجه... ماشي..
بالليل كانت قاعده مستنيه عزيز في الجنينه.. وورد كانت كل شويه بتبص عليه من البلكونه.. ومتضايقه من مهجه جدا.. جيه عزيز داخل من الباب.... وكان شايل معاه علبه صغيره وكرتونه متوسطه وكان.. مخبيها تحت العبايه بتاعه... وبيبص حواليه.. وقال بتوتر..
الله يخرب بيتك.. يا ادم.. حاسس انى بعمل عمله..
بس شاف مهجه قال...
بسم الله.. انتى قاعده هنا ليه !!
مهجه بدلع.. ما جاليش نوم واصل...
عزيز... الف سلامه..
مهجه.. ممكن تقعد معايا شويه.. ولا مستعجل.. اصلى متلخبطه شويه..
عزيز.. لا مش مستعجل.. خير في حاجه !!
مهجه بدلع.. لاه.. بس من كتر ما حكولي عن شهامتك ورجولتك.. كان نفسى اشوفك.... انت عمده بجد يعني مش كلام.. هيبه في نفسك كده...
عزيز.. احم.. شكرا..
مهجه قربت منو وقالت.... يا بخت مرتك بيك... الصراحه انا هموت على واحد زيك...
عزيز.. زي انا..
واتنهد بحزن وقال.. انا اعصابي.. وشكاك ...وغيور.. وعندى عقليه رجعيه... ومتملك... ومتحكم.. انتى بتقولي كده.. على ليله ولا تنين شفتينى فيهم...
مهجه.. لاه... الرجاله اللي بجد.. بتبان في المواقف اللي بجد.. وانت راجل قوي يا عمده... قوى..
وقربت منه وحطت ايدها على كتفه وقالت..
ما فيش راجل تاني زيك واصل..
لاه... في منه بجيلاتي.. وفى بكريم فنيليا.. اغرفلك من انهي واحد..
قالتها ورد.. من وراها.. وهى حاطه اديها فى وسطها بغيظ شديد.. مهجه بعدت بخضه.. وعزيز وقف بسرعه وقال..
..ورد..
ورد بغضب.. تعال ورايا عيزاك...
ومشيت فى وشها.. عزيز اتنهد بضيق وقال..
تعال ورايا دي بتاعتي انا...
واخد حاجته وراح الاوضه وقال..
ورد على فكره انتى فهمتى الموضوع غلط..
مسكته متلبس يا ترى هتصدقو وهتعمل ايه مين مكمل باذن الله