رواية عودة عاشق الجزء الثالث3 الفصل السابع7بقلم منة الله الجزار

ورد بفضول.. كمل يا أبيه مايا عملت فيك إيه أكيد ضربتك. 

مراد ضحك.. هي بصتلي بصدمة وهمست بصوت مليان غضب.. أنت اتجننت أنت بتقول إيه أهلي وأهلك جوه لو دلوقتي صوت مش هتخرج من هنا عايش. 

ـــــــــفلاش باك. 

مراد.. باستفزاز.. صوتي ونادي بأعلى صوت عنك هتاكلي علقة مني على الفستان ده مش لاقية حاجة أقصر منه عشان تلبسيها لا وكمان ضيق وعاملة شعرك وميكب ده أنتِ هتاكلي علقة موت مني افرضي ما كنتش أنا العريس وكان واحد تاني كنتي هتخرجي كدا. 

كان بيكلم بغيره واضحة وغضب واستفزاز ليها. 

مايا بغيظ.. أه كنت هخرج كدا وبعدين أنا أصلاً ما أعرفش إنك أنت العريس اللي جاي بابا ما قالش ليا هنفخك يا مراد وأصلاً مش موافقة عليك. 

وربعت إيديها ولفت وشها بغضب. 

مراد برفع حاجب.. بت اتلمي عشان ما أتهورش على أمك وأنتِ حلوة كدا أنا ماسك نفسي بالعافية. 

مايا فتحت عينيها بصدمة وبصتله.. وات؟. 

مراد بسخرية.. زي ما فهمتي بالظبط اتلمي بقا وعدي اليوم على خير ولما باباكي يسألك هتقولي ليه إيه موافقة عشان ما أكسرش راسك. 

مايا بغيظ.. لا، نو، استحالة أتجوزك يا بتاع البنات.. وكملت بسخرية.. أوافق عليك وتقرطسني مع مرام. 

مراد اتعصب.. بت أنا ما بقرطسش حد وعندك الفون أهو تقدري تشوفيه براحتك لو عاوزاني أسيبه ليكِ أسبوع معاكي خديه وبعدين لو أنا بالعقل كدا وفيكي عقل بحب مرام وبقرطسك معاها هاجي لحد الجامعة عندك ولا كنت زماني موجود عندكم انهاردة وقاعد بتخانق معاكي. 

فضل يتنفس بغضب. 

جميلة كانت متابعاهم.. وهي الوحيدة اللي كانت عارفة بالحكاية بتاعتهم في سرها.. ربنا يستر ومايا ما تعفرتوش هو أصلاً باين عليه إنها عفرتته. 

مايا بغيظ.. طبعاً تلاقيك مبلكها أو سبتوا بعض عشان كدا قلبك جامد. 

مراد عض شفته بغضب وغيظ... مايا قسم بالله لو ما قفلتي الموضوع ده بجد هتزعلي مني. 

مايا.. بغضب.. هتعمل إيه يعني... 

مراد غمض عينه بغضب وبعدين فتحهم وشد مايا من راسها قربها ليه وسكتها مايا بصتله بصدمة وبصت على الحاجز الزجاجي الفاصل بينهم وبين أهلها وأمها اللي بصت ليها بصدمة وخوف إن أبوها أو حد يشوفهم. 

مراد بعد عنها.. بابتسامة.. حلو كدا أهو سكتي ما كانش في طريقة غير دي عشان تسكتي. 

مايا فضلت تبص ليه بذهول..... وهو بصلها برفع حاجب وابتسامة. 

جوه.. 

جميلة بتوتر.. هقوم أشوف مايا وجاية. 

أحمد.. تمام. 

جميلة مشيت بسرعة وراحت عندهم واتكلمت بغضب.. إيه اللي حصل ده أنتم الاتنين مجانين ده لو أبوكي كان لمحكم كان هيخرب الدنيا. 

مراد ببرود.. عادي كنت هكتب عليها دلوقتي ونكمل اللي كنا بنعمله. 

جميلة فتحت عيونها بصدمة من جرأته.. طيب اتكسف مني حتى. 

مراد ضحك.. عادي أنتِ عارفة باللي بينا وبعدين أتكسف ليه ما هي هتبقى مراتي وده شيء طبيعي بينا. 

جميلة بصتله بذهول ومايا في سرها.. سافل. 

جميلة.. طيب يلا أنتم الاتنين تعالوا معايا.. عشان الناس اللي جوه دول. 

مراد.. بضحك.. أنا هدخل الأول وهمس لمايا قبل ما يمشي.. الروج ده طعمه حلو بس ما تحطيش تاني غير لما تكوني في بيتي منه. 

مايا فتحت عيونها من الصدمة... وهو ضحك ومشي. 

جميلة بغيظ.. ده أنا هربي أمك بس لما الناس يمشوا. 

مايا بزعل.. وأنا مالي يا لمبي عملت إيه؟ 

جميلة بغيظ.. عملتي إيه عدلي نفسك يا ماما عشان بابا ما يلاحظش حاجة ويهد الدنيا على دماغنا والروج باظ. 

مايا.. طيب أنا هروح الحمام وجاية وراكي. 

جميلة بغيظ.. ما تتأخريش. 

مايا مشيت وراحت الحمام وجميلة دخلت لقت مراد قاعد وبيهزر وبيضحك ولا كأنه كان عامل حاجة جميلة قعدت.. شرفتونا.. مامته ما جتش معاكم ليه؟ 

جاسر.. الشرف لينا احنا.. معلش تعبانة شوية وبعدين الأيام جاية كتير.. وإن شاء الله تبقى عروستنا ونزهقكم مجيات. 

أحمد.. ها يا مراد عندك كام سنة عرفنا عن نفسك. 

مراد بجدية... وبدأ يعرفهم عن نفسه وجاسر طلب إيد مايا لمراد والقعدة كانت جدية. 

عند مايا.. 

راحت الحمام وفضلت واقفة قدام المراية تستوعب اللي حصل بصت على نفسها ومرة واحدة ضحكت ونطت من الفرحة وبدأت تغني.. وجاي يخطبني ولولوي. 

عدلت نفسها ونزلت تاني وعيونه كانت عليها والكل ركز معاهم مايا قعدت جانب جميلة.. قصاده وكانت مكسوفة وبتبتسم. 

مراد بابتسامة.. عمو أنا بقول تسأل الآنسة مايا لو موافقة نقرا الفاتحة ونتفق والزيارة الجاية إن شاء الله هيكون الشبكة. 

مايا اتوترت. 

أحمد بابتسامة.. مش لازم نسيبها تفكر ولا إيه شكلك مستعجل. 

كايا.. بضحك.. عمو خير البر عاجله وما صدقنا إنه يخطب ونخلص منه. 

جاسر بضحك.. أيون فعلاً ما صدقنا إنه يقول يا جواز. 

أحمد بابتسامة.. ها يا ميو إيه رأيك. 

مراد بصلها بنص عين مفتوحة وكان بيتوعد ليها لو قالت كلمة تانية غير الموافقة. 

مايا.. وهي بتفرك في إيديها بتوتر.. اللي حضرتك تشوفه يا بابا. 

جاسر.. بفرحة.. يبقى نقرا الفاتحة. 

مراد بصلها بحب وضحك.... 

بدأوا يقروا الفاتحة وكايا صورهم سوا والكل بارك ليهم. 

مراد قام وطلع علبة من جيبه وكان فيها دبل. 

مراد بجدية.. استأذنك يا عمو نلبس الدبل لحد يوم الشبكة ودي تبقى هدية للعروسة من العريس. 

أحمد بابتسامة.. تمام يا ابني. 

راح جانب مايا ومسك إيديها كانت إيديها بتترعش حط الدبلة في إيديها وبصلها بحب وهي مسكت الدبلة بتاعته وحطتها في إيده وهي بتترعش من كتر الفرحة. 

كايا بفرحة.. لولولوي بصوا ليا يلا عشان أصوركم يا حلوين. 

بصوا ليه وصورهم صور كتيرة أوي وقعدوا فرحانين وكانت حسناء معاهم وشغلت أغاني ورقصت مع كايا والبيت كله كان فرحان وفي عيون كانت بتراقب هبل حسناء وبتبتسم كانت لأول مرة تشوفها طبعاً عرفته مين مازن كان أول مرة يشوف حسناء.. ومن هنا بدأت حكاية حسناء ومازن. 

ــــــــــــــباك. 

شوق.. أوعى يعني أنت بوست البت وخطبتها كمان ده لو أبوها كان شافكم كان هيلبسكم في حيطة أنتم الاتنين 😂. 

ورد بصدمة.. أبيه ما كنتش أعرف إنك جرئ كدا. 

كايا بسخرية.. أديكِ عرفتي يا أختي. 

مراد بضحك.. حصل معانا كتير لو قعدت أحكيلك مش هنخلص. 

مراد بص في الفون تاني يشوف لقى حالة ابتسم 😊 وفتحها وياريته ما فتحها. 🙆🏻‍♀️. 

كانت الحالة محطوطة لصورة مايا وجاك ومكتوب في الوصف تحت "ميرسي يا جاك على اليوم العسل ده بجد أنا محظوظة أوي إنك في حياتي 🫶 وحابة أبدأ معاك حياتي الجديدة my life" 

مراد قام وقف واتعصب أوي وملامحه اتغيرت الكل اتفاجأ من شكله وبعت ليها الرسالة. 

ورن عليها والفون يديله رن وما تردش طلع جنانه أكتر وأكتر. 

سكر.. بخوف.. في إيه؟ 

شوق بخضة.. خير يا رب في إيه قلبت 360 درجة كدا ليه؟ 

كايا وقف بخوف.. مراد في إيه؟ 

الكل كانوا مستنين إنه يرد عليهم.. بس هو كان الجنان راكبه.... ودخل على جوه ينادي على حسناااء. 

الكل دخلوا وراه باستغراب.. 

حسناء اتخضت من صوته ومازن ضحك.. الحلو وقع في المصيدة. 

حسناء برعب.. أنا خايفة منه على جاك. 

مازن.. ما تخافيش أنا معاكي يلا ننزل نشوف التور ده عاوز إيه؟ 

مراد بزعيق أكتر.. حسناااااااااااااااء. 

حسناء نزلت هي ومازن. 

حسناء.. في إيه بتزعق ليه؟ 

مراد بجنون.. مايا فيييين؟ 

حسناء اتخضت من صوته.. معر معرفش. 

مازن.. بغضب.. وطي صوتك وأنت بتكلم معاها وبطل زعيق ما تنساش إنها مرات أخوك الكبير. 

مراد بجنون.. مازن ما تعصبنيش على أمك دلوقتي حسناء مايا فين لآخر مرة. 

مازن بقوة.. قالتلك معرفش محدش يعرف أصلاً مكانها. 

مراد.. بغضب.. لا حسناء عارفة مكانها مايا وحسناء ما بيتفرقوش عن بعض فين مايا يا حسناء بدل ما هخليه يجي ليكِ على نقالة. 

سكر.. طيب اهدا يا ابني ومالها حسناء ومين ده اهدي وفهمنا

مراد بجنون.. اهدا إيه الهانم بتبدأ من جديد مع جاك أخو الست حسناء وتقولولي اهدااااااااا. 

الكلام وقع على الكل بصدمة وبقوا يبصوا لبعض. 

مازن وقف في النص بين حسناء ومراد واتكلم بقوة.. وإيه يعني من حقها تبدأ من جديد أنت إيه مزعلك 

مراد بجنون.. مايا بتاعتي. 

مازن بسخرية.. بجد بتاعتك من أنهي جهة لما اتجوزت أختها وأخدتها وسافرت وسبت مايا ولما أختها ماتت رجعت ليها تاني تدور عليها ولا لما كدبت علينا كلنا وقولت عندك بنت ولا لما هند حبستك وتهمتها في مايا وأنت ما سمعتهاش أنهي جهة فيهم بتاعتك يا مراد منها أنت تبقى ظالم معاها أوي مش ملاحظ كدا مين فينا بيعامل مراته أو حبيبته كدا اسمحلي أقولك الشخصية دي اسمها إيه توكسك يا مراد حبك أناني بتوجع اللي قدامك من غير ما تحس كأنك بتيجي تقول ليه أموتك وتضربه بالسكينة وترجع تقوله معلش أصلها مموتتكش فوق يا مراد. 

مراد اتعصب أوي.. هموت أي حد يقرب منها وهحاسب الكل يا مازن وأحب أقولك يا حسناء إني هعرف مكان مايا ووقتها مش هرحم أي حد وأولهم جاك أنت فاهمة هموته ليكي. 

وسابهم ومشي..... حسناء مسكت في إيد مازن برعب على مايا وجاك. 

مازن حط إيده على إيدها.. بمعنى ما تخافيش. 

ــــــــــــــــــــــــ

*عند عمر* 

فضل يضرب في نادر لحد ما نادر صوته اتقطع وائل شال عمر من عليه ومريم راحت بسرعة تشوف نفس نادر لقت في نفس بس ضعيف. 

مريم.. في نفس بس ضعيف لازم يتنقل على جهاز أكسجين فوراً. 

أخدوا نادر وعمر وائل قعده في مكتبه وقعد كان بينهج من كتر الغضب. 

وائل جاب ليه ماية وإداه.. روق. 

عمر بغضب.. كنت سبني أخلص عليه. 

وائل بهدوء.. ولما تخلص عليه هتستفاد إيه ها ولا حاجة هتودي نفسك في داهية بس ده واحد ما بيستاهلش أصلاً إنك تتعصب عشانه. 

عمر بجنون.. جاي وعاوز ياخد مراتي عاوزني أسكت ليه. 

وائل.. لا مش تسكت بس فهمني في إيه؟ 

عمر.. بغضب.. وائل أنا همشي عشان لو فضلت دقيقة واحدة هموته. 

وائل.. تمام روق بس. 

عمر أخد مفاتيحه ومشي وائل.. أكيد في سر بينهم الاتنين. 

ــــــــــ

*عند مايا* كان جاك وصل وطلع على فوق جري وشافها كدا جري عليها بلهفة.. Maya, are you okay? "مايا هل أنتِ بخير؟" 

مايا كانت بتترعش.. 

جاك بقلق.. مايا ماذا حدث ما هذه الحالة التي أنتِ عليها؟ 

مايا كانت خايفة... م ر ا د. 

جاك بغضب.. ماذا فعل هذا الحقير لكِ؟ 

مايا.. برعب.. وقعدت تعيط. 

جاك أخدها في حضنه.. اهدي مايا أنا هنا ولن أدع أحد يقترب منكِ. 

وفضل يهدي فيها. 

ــــــــــــــ

*عند مراد* راح المكان اللي فيه هند. 

كانت مربوطة ومرمية زي الكلبة. 

هند أول ما شافته فضلت تضحك.. هزمتك يا ابن جليلة ههههه. 

مراد كان بيبصلها بغضب وبيتكى على سنانه جامد. 

هند بشماتة.. بعدتها عنك مش هترجعلك تاني أنا وأنت خسرنا بس أنت خسارتك أكبر هههه. 

مراد نزل لمستواها ومسكها من فكها بجنون.. هرجعها ليا يا هند بس أنتِ مش هتكوني موجودة لليوم ده. 

هند بضحك.. هههه متأكد هي لما تعرف الحقيقة مش هترجع تاني ليك. 

مراد بسخرية.. حقيقة إيه؟ 

هند بشماتة.. حقيقة موت أختها. 

مراد بصلها بصدمة.. 

هند بشماتة وسخرية.. لما تعرف مين القاتل الحقيقي مش هترجعلك استحالة. 

مراد.. جبتي الكلام ده منين؟ 

هند.. أنا مجرد حجر صغير في اللعبة دي ولو حصلي حاجة هي هتموت. 

مراد بصلها بصدمة وجنون.. مين اللي هيموتها. 

هند.. فكني الأول وأنا أقولك هو مين؟ 

مراد بسخرية.. مفكرني عبيط عشان أصدقك. 

هند بشماتة.. خلاص خليها تضيع منك للأبد. 

مراد بغضب.. هند مين هو. 

هند بتعب من مسكة إيده وهو بيضغط عليها.. هو السبب في كل حاجة حصلت. 

مراد.. بجنون.. مين هو؟ 

هند.. هو بيكون... وطلعت طلقة جات في دماغ هند مراد اتصدم ومحدش غيرهم في المخزن ده رجالته دخلوا وقالهم.. امسكوه. 

طلعوا يجروا ورا اللي ضرب. 

مراد مسك راس هند.. برجاء.. اعملي حاجة حلوة في حياتك قبل ما تموتي وقوليلي مين هو. 

هند كانت فارقت الحياة. 

مراد.... بجنوون..