رواية عودة عاشق الجزء الثالث3 الفصل التاسع9بقلم منة الله الجزار
بلال كسر الباب واتصدم لما لقى شربات محبوسة ومكتفة وعلى وشها علامات التعب دخل فكها بسرعة وراح شالها وطلع بيها...
كايا جري عليه وبلال حطها على الكنبة.. بقلق.. لقيتها فين وإيه حصل معاها؟
بلال.. معرفش حصل معاها إيه بس هي كانت مربوطة تحت وحد حاطط على بقها قماشة عشان متتكلمش.
شوق.. طيب ابعدولي كدا أشوفها.
بعدوا الاتنين وشوق كشفت عليها.. حد يجيب ليها مية وهاتوا ورقة وقلم أكتب ليكم حقن ومحاليل لازم تيجي بسرعة لأن عندها جفاف وباين عليها ما كلتش من زمان عندها إجهاض مضاعف.
حسناء.. راحت جابت ليها كوباية مية.. واديتها لشوق وشوق شربتها ليها وبلال راح يجيب العلاج.
ورد.. شوق لو هي محتاجة مستشفى نوديها.
شوق بغيظ ضربت شربات في كتفها.. لا ما هي زي القردة أهي مفيش هي عاوزة بس شوية راحة
شربات اتوجعت.. ضربة في قلبك يا بعيدة.
شوق بغيظ.. بتدعي عليا يا حيوانة إنتي طيب شوفي مين هيعلقلك المحاليل.
شربات بتعب.. موري هيعلقلي الدكتور بتاع العيلة بتاعتنا مش مجرد خدامة زيك مهمتها إنها تشتغل وتاخد بالها من عمي وبس.
شوق بغيرة.. مين يا أختي لا كدا كتير إنتي مش فيكي خبطة اتلمي وبعدين إنتي متعرفيش إني أبقى حرم الدكتور عمر.
شربات فتحت عيونها بصدمة.. إيييي؟
شوق باستفزاز.. زي ما سمعتي أنا وموري اتجوزنا عقبالك.
شربات بغيظ.. إزاي عمر ينزل للمستوى ده؟
حسناء بقرف.. ما تتلمي بقى يا بت يعني البت كشفت عليكي وبتساعدك وإنتي تتكلمي معاها كدا ارقي شوية.
شوق باستفزاز.. معلش يا نونا أصل يا حبيبتي قلة الأصل دي بتبقى في الدم مش تربية.
شربات بقرف.. مش عارفة ولاد عمامي مالهم ذوقهم كله حلو لحد الجواز وبيبقى ذوقهم وحش.
حسناء.. كانت هتضربها بس ورد اتكلمت وبردت نارها.
ورد بجدية.. هما عشان ما بصوش ليكي يبقى ذوقهم انحدر أوي كدا لا بالعكس زي ما قولتي ذوقهم حلو في كل حاجة حتى الجواز اتجوزوا أميرات مش مهم عندهم فلوس أو لا المهم الغنى بتاع النفس.
شوق بتنشكاح.. تسلمي يا بت يا روز.
ورد بضحك.. قلب روز خدي بوسة 😘.
شوق بضحك.. تعالي يا أختي.. وقامت وباستها من خدها وطلعت لسانها لشربات.
سكر بضحك.. مجانين.
شوق بغيظ.. اللي يدخل العيلة دي عاقل بيخرج منها على العباسية عدل.
الكل ضحك عليها.
كايا جه هو وبلال ومعاهم الأدوية.
شربات أول ما شافت كايا.. بتبصله أوي.
كايا.. خدي يا مرات أخويا شوف ده المطلوب.
شربات.. باستغراب.. مرات أخوك كيف؟
حسناء بسخرية.. فايتك كتير يا عدلات يا أختي ما تعرفيش إن كمال ده هو نفسه كايا.
شربات بصدمة.. كايا
وشدت كايا من القميص وكانت رايحة تحضنه ورد شدته كان هيقع ووقفت في النص بغيرة.
ورد بغيرة.. رايحة فين يا طنط ابعدي عنه عشان ما أخليش الأطباء يحتاروا يخيطوا فيكي إيه الأول.
كايا كان بيبصلها بذهول وبلال بيضحك وحسناء وشوق بيدعموها.
شربات بغيظ.. ما نلقيش غير بت الخياطة تتحدث يا ك.. ده ولد عمي وملكيش صالح إنتي أهنه آخرك يومين تلاتة وهتغوري في داهية أما ولد العم بيفضل.
ورد بغيرة وغضب.. غورة لما تاخدك وتقطع حواجبك وبعدين مالها الخياطة يا اللي مش لاقية حد يعبرك ولا يتف في وشك.
شربات بغضب وكانت عاوزة تضرب ورد.. بس كايا مسك إيديها.. إيدك عنها وإلا هقطعها ليكي ورد تبقى بنت البيت ده وهتبقى مراتي قريب واللي يمد إيده على مراتي ولا حتى يفكر مجرد تفكير أنسفه من على وش الدنيا.
ونطر إيديها بقوة وورد بصلها بسخرية.
كايا بتحذير.. أوعك ها أوعك تفكري مجرد تفكير إنك تأذي حد أهنه عشان هتلاقي وشوش أول مرة تشوفيها وياريت تحترمي إنك في بيت ولاد حامد العزايزي ولازم تحترمي اللي موجودين هنا الصغير قبل الكبير إنتي فاهمة.
شربات كانت خايفة من كايا وورد كانت بتبصله بحب وشوق وحسناء بيضحكوا عليها وبلال واقف متنح.
كان باين على كايا إنه ما بيهزرش وإن فعلاً هي هتشوف وشوش جديدة غير المألوفة ليها.
كايا.. هنا كلنا لينا حريم ومتفكريش إن مراد مالهوش لا ليه مايا اللي لو عرفت إنك بتقربي منه مش بعيدة تيجي تطبخك أو تاكلك نية البت دي بتحب تاكل لحم البشر.
حسناء بضحك.. في دي عندك حق مايا مش بعيدة تدبحها فعلاً.
شوق بحزن.. والله البيت ما ليه ريحة الطعم من وقت ما مشيت الواحد كان حاسس إن ليه أخوات بنات.
ورد.. بحزن.. فعلاً معاكي حق كانت عاملة جو في البيت هي وأبيه مراد حتى لو أغلب الوقت عراك بس كنا بنضحك معاهم وحتى بنسمع صوت في البيت دلوقتي تحسيه من غير لون ولا ريحة.
حسناء بقوة.. دلوقتي بقت حلوة ما هو مرات عمك يا ما سمعتها كلام وده مش من دلوقتي لا ده من وقت خطوبتها هي ومراد وكانت دايماً تقول بنت بحري متنفعش في دارنا مانا أهو وبنت بلاد بره واتجوزت مازن.
شوق بصدمة.. إيه ده إنتي مش مصرية؟
حسناء.. لا أنا من كندا بس بابي من هناك ومامي من مصر وكنت أغلب الوقت هنا مع مايا وخالتو في مصر كنت باجي في الإجازة وبسافر في الدراسة وعلى فكرة مايا هكذا كنا مش بنفترق عن بعض يا ما هي عندنا يا ما أنا قارفاهم في عيشتهم.
ورد.. عشان أكيد لبسك غربي أنا فكرت بتلبسي كدا عشان إنتي من القاهرة وكدا وبتوع إيچيبت والناس الحلوة دي.
حسناء ضحكت.. لا حبيبتي أنا كندية من أصل كندي.
شوق خدت حسناء.. تعالي يا بت يا ورد معانا نقر البت دي ههههه.
حسناء باستغراب.. تقرروني على إيه؟
شوق بتنشكاح.. بكله.
حسناء راحت معاهم وبلال بص لكايا بقلة حيلة وسابوا شربات تولع من الغضب.
شربات كانت هتتكلم وتلمس دراع كايا بس بص لها بقرف واخد بلال ومشي.
شربات بغضب.. هخلص منك يا بت الخياطة وكايا هيكون خاتم في صباعي.. وبتاعي أنا وبس.
ــــــــــــــ
عند كايا ومراد
مازن كان اتصل على كل واحد فيهم وراحوا الشركة.
كان في اجتماع ليهم ولجاسر وعمر ومازن.
كايا.. خير يا بوي؟
جاسر.. في خاين في وسطينا.
مراد بصله بغموض.. خاين كيف؟
مازن.. في حد خلى عمي يوقع على تحويلات بالملايين بره مصر لدول وبنوك مختلفة.
كايا بصدمة.. كيييف؟
مراد.. مين ده وإيه الدول اللي التحويلات دي راحت عليهم.
عمر.. شوف الورق أهو.
مراد خد الورق واتصدم.
عمر.. لازم نعرف مين ده وبسرعة؟
مراد.. باستغراب.. أنا قارئ اسم الشركة دي قبل كدا.
كايا.. شركة مين؟
مراد.. KFC.. دي شركة إيطاليا لواحد اسمه كيليان فوريتك بس الشركة دي كبيرة في إيطاليا مش محتاجة يتحول ليها مبلغ زي ده.
مازن.. إنت تعرفه.
مراد.. آه كيليان اشتغلت معاه قبل كدا بس مرة واحدة وأنا متأكد إن التحويل ده ما راحش للشركة دي لأنها شركة عالمية أصلاً لصناعة السيارات.
مازن.. طيب ما تكلمه وتشوف عشان نعرف إذا بتتحول لشركات موجودة ولا بأسماء فقط الشركات عشان الفلوس تعدي من الجمارك.
مراد.. أوك.
وطلع فونه ووصل المكالمة بجهاز العرض كانت مكالمة فيديو.
في إيطاليا...
كيليان فونه رن وابتسم وفتح.. Hello Murad, how are you? "مرحبا مراد كيف حالك؟"
مراد بابتسامة.. I'm fine, how are you? "أنا بخير كيف حالك أنت"
كيليان ... I'm fine, I miss you, man. Why don't you come visit me?
"أنا بخير اشتقت إليك يا راجل لماذا لا تأتي لزيارتي"
مراد.. You know work takes up all my time, but I'll come visit you soon.
"تعلم العمل يأخذ جميع وقتي ولكن عن قريب سآتي لزيارتك"
كيليان.. Okay, Murad, I'll wait for you.
"حسناً، مراد سوف أنتظرك"
مراد Kilian, I want to ask you a question: large sums of money were transferred to your parent company by an Egyptian company.
"كيليان أريد أن أسألك سؤال تم تحويل مبالغ إلى الشركة الأم التي تخصك من قبل شركة مصرية"
كيليان باستغراب.. What are you talking about? There's no such thing as nonsense.
"عما تتحدث لا يوجد مثل هذا الهراء" وكمل.
.. You know very well that I don't work with just anyone.
"أنت تعلم جيداً أنني لا أعمل مع أي أحد"
مراد.. "أعلم ذلك ولكن تم تحويل مبالغ كثيرة من شركة ولدي إلى إحدى شركاتك"
I am aware of that, but large sums of money were transferred from my son's company to one of your companies.
كيليان بصدمة.. يا راجل أرسل لي الأوراق هناك خطب ما
Hey man, send me the papers, there's something wrong.
مراد.. أوك.. وبعت لكيليان الورق وكيليان شافه واتصدم.
كيليان بصدمة.. هناك خطب ما أيعقل هذا هناك خائن بالتأكيد.. يعبث معاك ليوقع بيننا لكن أنا لم تستقبل أحد شركاتي هذا ولو استقبلت لكنت عرفت.
كيليان بخبث.. لدي خطة مراد للإيقاع بالفاعل.
مراد بنفس الخبث.. تحدث.
ـــــــــــــــــــــ
عند حسناء والبنات.
شوق بفضول.. يعني سلفتي كندية.
حسناء بابتسامة.. أيون.
ورد.. عندك إخوات ولا إنتي وحيدة.
حسناء.. عندي أخ واحد اسمه جاك.
ورد.. واو اسمه حلو.
شوق باستغراب.. إزاي اسمه جاك وإنتي حسناء اسم مصري يعني مش اسم أجنبي زيه هو إنتي الكبيرة.
حسناء ابتسمت.. لا هو عادي أنا كنت على اسم تيتة مامت ماما يوم ما اتولدت تيتة قبلها بأسبوع اتوفت فا بابي عشان بيحب مامي وكدا سماني حسناء على فكرة جاك أكبر مني.
شوق بفضول.. شبهك ولا أحلى منك؟
حسناء ضحكت.. لو عمر سمعك هيعلقك بس لا هو أحلى بكتير مني جاك عيونه زرقة بصي عارفة هو شبه مين في شبه كبير بينه وبين أنور اللي كان عامل أخو مراد في الحب لا يفهم الكلام عارفينه المسلسل التركي ده بس جاك شخصية وأنور شخصية تانية خالص.
ورد.. أوبا يعني مش اسمه حلو لا كمان هو حلو وبعدين إزاي مش نفس الشخصية يعني مش بيضحك ومرح زي أنور.
حسناء بغيظ.. جاك ومرح لا الاتنين ميعرفوش حاجة عن بعض جاك طول عمره شخصيته قوية جداً حتى رجال المافيا لو اجتمعوا في مكان بيعملوا ليه ألف حساب.
شوق بصدمة.. أخوكي من ضمن المافيا.
حسناء.. لا جاك مالهوش علاقة بالمافيا بس كندا فيها مافيا كتير فعشان كدا لازم تبقي شخصية قوية وتحمي أهلك عشان متروحيش إنتي وهما في خبر كان فاهمة.. جاك أنا بشوفه في مراد بجبروت زيه.
ورد.. أحيه بتهزري.
حسناء.. لا والله مش بهزر بس جاك أذكى عن مراد مراد بيدمر العلاقات وبعدين يرجع يندم أما جاك مش بيعمل حاجة غير لما يكون دارسها كويس أوي ومتوقع إيه ممكن يحصل وبيبقى عامل حسابه ليه أوقات بخاف منه بجد تعرفي إن في مرة كانت إنجي عندنا هي ومايا وخالتو واتخانقت مع حد وكدا كنا في مطعم وراحت اتخانقت مع صاحب المكان واتاري عشان حظنا الحلو طلع من تبع المافيا الكندية وخلونا مشينا وتاني يوم كانت راجعة البيت عندنا استنوها وخطفوها ولما جاك عرف في خلال 5 دقايق كانت إنجي سليمة وقاعدة في وسطنا.
كانت بتحكي عنه وبتضحك.
شوق بصدمة.. أخوكي شكله جامد.
حسناء.. فعلاً جاك مفتري بس اللي بيقرب على عيلته بياكله بصراحة.. جاك شخصية مش زي بابي لا جاك خد جبروت العيلة بتاعتنا كلها 😂.
ورد.. بجد خوفتيني منه.. يكون في عون مراته.
حسناء.. بضحك.. ما تخافيش يا وردتي... جاك مش متجوز.
شوق.. نعم ليه يعني؟
حسناء.. بتنهيدة.. كان بيحب بنت بس جبروته وكبريائه منعوه إنه يعترف ليها والبنت دي كانت معجبة بيه وأنا الوحيدة اللي كنت عارفة بالعلاقة دي كل ما كان يتكلم معاها يقولها إحنا إخوات إحنا إخوات لحد ما البنت دي فقدت الأمل منه ومعترفتش ليه وأهو بكدا خلصت الحكاية قبل ما تبدأ حتى.
شوق بزعل.. ليه كدا طيب لو البنت دي لسه بتحبه وهو لسه بيحبها ما يروح يعترف ليها ويبطل كبرياء شوية بدل ما تضيع منه.
حسناء بحزن.. البنت دي اتخطبت وهو شافها وحضر كتب كتابها ويا قلبي عليه كان واقف في جانب لوحده وبيبص عليها من بعيد.
ورد بدموع.. اتجوزت يا وجع القلب.
حسناء.. فعلاً يا وجع القلب عليه وعليها أصلاً خايفة عليه أوي من اللي جاي.
شوق باستغراب.. إيه اللي جاي؟
حسناء بتوتر.......
ـــــــــــــــ
عند مايا.. كانوا بليل.
قفلت اللاب واترمت بضهرها ورا على السرير كانت تعبانة لقت رسالة جاية ليها واتصدمت و...