رواية حين يقع النمر في الحب الفصل الثاني والثلاثون32والاخيربقلم ملك ابراهيم عبد الجيد
نمر مسكه هو والشباب بعصبيه وفضل يضرب في بغل وغضب وهو شايف ملك قدامه وهو مش عارف ينقذها
ماسه جريت عليه وقفت قصاد جان وقالت ببكاء: ارجوكم سيبه هو جاي يسلم نفسه
نمر بعصبيه: ابعدي من وشي يبت انتي واهه انتي طلعتي جاسوسه من جواسيسه ورحمه امي لهحبسك معاه
ماسه كانت لسا هتتكلم لكن جان قال بجمود رغم وجعه من الالم: انا خطفتها واجبرتها تعمل كدا يا نمر هي ملهاش دعوه بحاجه
نمر ببرود وغضب: عجبني شهامتك وانا اي اللي هيخليني اصدقك اصلا
ماسه بعياط: دي الحقيقه بس انا حبيته ايوا حبيته وعارفه انو مكنش ينفع بس غصب عني ارجوك سيبه هو جاي يسلم نفسه ليك حتي
نمر بسخريه وغضب: اسيبه وهو لي ماسبش مراتي اللي مفروض كانت صحبتك
ماسه بدموع ووجع: انا اكتر حد موجوع بينكم انا حبيت ملك بجد وربنا يعلم بده وحبيت جان كمان مع انو مينفعش وكنت عارفه انو غلط مني بس حصل غصب عني وانا اللي طلبت منو يسلم نفسه عشان اسامحه علي اللي عمله مع ملك انت مش حاسس بالوجع اللي جوايا يا نمر باشا انا بين نارين اسوء من بعض
جان بهدوء: امشي يا ماسه من هنا واكيد هتكوني عارفه مكاني وانا طلبت منك متجيش معايا وتروحي لي اهلك مسمعتيش الكلام لي روحيي
ماسه بدموع: مش عايزه
نمر طلع من جيبه كلابشات وحطها في ايد جان بعصبيه تحت عياط ماسه اللي مش قادره تعمل حاجه ونمر همس لي جان بصوت يخوف وقال : لسه ما خلصتش حسابي معاك بس عشان الاموره دي هراعي برده انها حبت حد زيك ما اعرفش حبيتك ازاي
وكل ده وحياه بصه من شباك بلكونتها مصدومه وبتعيط وبس وصعبان عليها جدا حاله ماسه في حد شافها واتسمر مكانه من الصدمه بعدها بدقائق استوعب وطلع فوق من غير ما حد يلاحظ ان هو طلع عشان يتاكد فتح باب الاوضه اللي هي فيها بهدوء عشان محدش يسمع لاقها واقفه قرب منها وحط ايده على كتفها عشان يتاكد ان هي حقيقيه هي عايشه بعد ما افتكر نفسه ان هو بقى لوحده لفت تشوف مين واتصدمت اول ما شافته وقالت: عبد الرحمن
عبدالرحمن بذهول: حياه انتي بجد انتي واقفه قدامي ولا انا اللي بيتهيألي
حياه بخوف: عبد الرحمن ارجوك اخرج دلوقتي حالا
عبدالرحمن بعند : مش هخرج غير لما افهم فهميني هنا انتي عايشه ازاي ونمر ازاي ما يقول لناش وازاي حصل كده
حياه بخوف: عبد الرحمن ارجوك انا مش عايزه حد يلاحظ ان انت هنا او يعرف اني عايشه ما حدش يعرف اني عايشه غير نمر ونمر ما كانش عايز يعرف حد عشان خاطري اخرج وانا هفهمك كل حاجه بس مش دلوقتي عشان ده ولا وقته ولا مكانه انت شايف احنا فين وبيحصل ايه صح ارجوك اخرج
عبد الرحمن بحنين: وحشتيني
حياه بشوق: يا عبد الرحمن بقول لك مش وقته انت كمان وحشتني والله بس انت شايف اللي بيحصل تحت هقابلك قريب انت ورغد بس ما تعرفش اي حد ان عايشه ماشي اتفقنا
عبدالرحمن بأبتسامه: اتفقنا يحبيبت قلبي
حياه ابتسمت وهو خرج ورجعت شردت تاني في ماسه وزعلت عليها
في مبني الدخليه
كان في زنزانه انفردي موجود فيها نمر وجان ونمر رابط جان من ايده ورجله بحديد وكان عمال يضرب في لحد مبقي وشه حرفيا متشلفط وجان قال بتعب: علي فكره انا جيتلك بمزاجي يا نمر سيبني بقا
نمر كان لسا هيكمل بس في واحده منتقبه دخلت بعد مسألت عليه حد من العساكر
نمر بصلها بتفحص وبص لعينها الزيتوني وقال بصدمه وغضب: اي اللي جابك هنا
حياه بجنون: سيبه والا وربنا لهقلع النقاب بره وهفضحك يا نمر
نمر شدها من ايديها وقفل الباب علي جان وخرجها بره المبني ودخل هو وهي عربيته وصرخ فيها بعصبيه: انت مجنونه يبت بتخرجي بره القصر من غير اذني لي وجيتي هنا ازاي
حياه بمزح: اهدي بس يابو النمور انا هفهمك اصل انا بعون الله اتكشفت
نمر بأستغراب: اتكشفتي ازاي مش فاهم
حياه: عبدو شافني
نمر ببرود: عبدو مين
حياه بمزح: عيب عليك يابو النمور دخليه وجيم ومش عارف ان دلع عبدالرحمن عبدو
نمر كان عايز يرميها من البحر من كتر جنانها وهي لحظت وقالت بسرعه: بس انا سيطرت طبعا وقولته يخرج وهو خرج
نمر بهدوء: والهانم عايزه اي دلوقتي
حياه: عايزك توديني الشقه اللي انت كنت مقعد فيها ملك قبل متتجوزها وغمزته بمزح واه ويايت تمشيلي موضوع السفر بسرعه بعد اذنك يعني لو مشفهاش اسأت ادب
نمر بهدوء: حاضر يا حياه حاجه تاني
حياه بقلق: اه اخر طلب
نمر بنفاذ صبر: يا مسهل ياريت ننجز عشان عايز اروح اشوف ملك
حياه بمزح: ايوا يعم من لقي احبابه نسي صحابه المهم عاوزك تخف شويه علي الجثه اللي جوه دي وكملت بحزن عشان ماسه كانت صعبانه عليا اوي
نمر بهدوء وبرود: ان شاء الله وبعدين ماسه مش شايفه يا حياه فريحي بقا
حياه بمزح: يسطا يموت في ايدك مش مستغنين عنك
نمر : انا عرفت ملك بتجيب الألفاظ دي منين
حياه بفخر: تربيتي
نمر ببرود وقص جبهه: روحي ربي نفسك الاول
حياه بغضب طفولي: انا متربيه احسن من
نمر: من مين
حياه بتوتر: من من من الجاموسه
نمر بنفاذ صبر وهو بيدور العربيه: اقسم بالله مفي جاموسه زيك ويمكن الجاموسه متربيه احسن منك
حياه بمزح: يا يسطا بنهزره معاك اي مبتهزرش يا فوزي
نمر اكتفي بسكوت
وحياه شغلت اغاني بدون موسيقى وفضلت تغني وراها وكان صوتها حلو اوي نمر بصلها وابتسم علي جنانها وبعد شويه وصلوا
وحياه نزلت ونمر نزل وكان شايل شنطه حياه اللي فيها هدومها وطلعها الشقه وادها المفتاح
وقالها وهو بيديها شيك: لو حد خبط متفتحيش والشيك ده في مبلغ كويس عشان اكيد هتحتاجي فلوس هناك وفي برده في البلد اللي انتي هتروحيها حساب ليكي في البنك واجهزي عشان هتسافري بكره خدي بالك من نفسك الليله دي ماشي
حياه بحزن: حاضر هتوحشني على فكره وانا اسفه علي كل اللي عملته اتمني تسامحني زي ما انا سامحتك
نمر بأبتسامه: هو انا لو ما كنتش سامحتك يا وليه انتي كنت هسفرك طب كنت ههربك روحي نامي روحي نامي امشي
حياه بحب ومزح: بحبك يا سيد النمور كلهم وعمهم واللي بيهم كلهم
نمر ضحك عليها وقال: وانا كمان بحبك يا هبله وربنا يشفيك من الهبل اللي انت فيه ده يلا سلام
ومشي وهو بيضحك عليها ونزل ركب عربيته وراح المستشفى
عند قاسم
كان في مكتبه وبيكلم الشباب في مكالمه جماعيه
يوسف: عملتوا اي مع الواد ده
فارس: مات صح ده اللي اتوقعه
عبدالرحمن: مظنش الصراحه اكيد نمر عمل معاه الصح والغلط
قاسم بضحك: حصل ويخلي مينفعش لحاجه تاني يلا لكل ظالم نهايه المهم هتقول اي لرغد يا عبدو انا عن نفسي هقول لجوجو ان احنا لقينا نمر وحصل اللي حصل
عبدالرحمن : ده اللي كنت هعمله يضنايا
يوسف ضحك هو وفارس وقاسم قال بمزح: طب ياما عايزه حاجه
عبدالرحمن بحزن مصطنع: هتقطع بيا يا واد
قاسم بتأثر مصطنع: لا ياما ده هما سنتين غربه بس وهرجعلك
يوسف بضحك وهو بيقلد صوت جوري: طب وانا ههون عليك يابيبي
كلهم ضحكوا وقاسم قال بغضب: وربنا لو انت قدامي دلوقتي لهعمل معاك الغلط يا جو الكلب
يوسف بضحك وهو مكمل: لا كده ما ينفعش انا هجيب لك بابي يتصرف معاك
قاسم خلاص كان هيقوم يروح له لكن وقفه فوق صوت فارس وهو بيقول بمزح: لا وحياه ابوك اختي لسه ما دخلتش دنيا
قاسم بغضب: اما اشوفكم بس يكلاب
عبدالرحمن: الواد واخد الموضوع على اعضائه قوي وكده غلط
نسيبهم بقى ويستحسن ندعي لهم بالراحمه بعد اللي هما عملوا ده 😂
عند نمر وصل المستشفى بعد معدي علي محل ورد وجاب ورد لملك وكمان عدي علي ماركت كبير وجاب شوكولاته كتير لملك
طلع ولقي رغد قاعده معاها وهي نايمه اثر المهدئ
رغد اول ما شافته جريت عليه حضنته بخوف واشتياق وقالت: انت كنت فين كل ده بعد خضتنا عليك يأخي وحشتني
نمر بأبتسامه وحب: انتي اكتر يحبيبتي بس كان لازم ابعد شويه عشان اجيب حقي وحق ملك وحصل الحمد الله
رغد بفرحه اتنططت بفرحه في الاوضه وكانت: يعني خلاص النهايه هتبقي حلوه يعني
نمر بأبتسامه: لا دي كانت البدايه بس النهايه لسا مجاتش
رغد بمرح: امممم ده حكايتنا مطوله بقا
نمر بضحك: يمكن يلا خدي شوكولاتيه واطلعي سبيني مع ملوكتي عشان وحشتني
رغد غمزتله بمزح وخدت منو الشوكولاته وخرجت
وكلمت عبدالرحمن
نمر حط الحاجه علي السرير وقعد جنب السرير وقال بعشق: قولولي انك هتصحي فقولت اجي يمكن لما تحسي بيا تصحي عايز اقولك كلام كتير اوي يعيون نمر واولاهم وحشتيني
ملك بدأت تفتح عينها براحه وشافته قدامها قامت عدلت نفسها لقته قدامه عيطت بحرقه وفرحه وهو حضنها جامد بشتياق وحب
صمت حل بينهم شويه مش كتير هي مش عارفه تقوله اي وهو عايز يقول كتير
قال هو بعشق : وحشتيني يملاكي
ملك خرجت من حضنه وبصتله شويه وقالت بدموع: وانت كمان وحشني وعارف وحشني اي كمان اني احس بالامان بحسه معاك بس اللي حصل خلاني تعبت انا لي بيحصلي كدا يا نمر انا تعبت والله انا عايزه حق عيالي مش هقولك حقي ولا حقك لا حق عيالي
نمر بحزن: من غير متقولي جبته بس عايزك تهدي ممكن انا عارف اني معرفتش احميكي بس وربي انا
ملك بمقاطعه: حميتني وحاولت بس مقدرتش وانا مقدره انك كان غصب عنك يا نمر
نمر بحنيه: وانا جبت حقك وحقي وحق عيالنا يعيون نمر مش عايزك من انهارده تخافي من حاجه لأن من انهارده في حلو وبس مفيش زعل تاني اوعدك وحقك عليا انا السبب في كل وجعك ده ياريتني انا اللي مكانك ولا انك تزعلي او تتوجعي وانا موجود تاني
ملك بحب ودموع: اتمني بجد مكنتش اعرف ان الحب غالي اوي كدا
نمر بعشق: هيحصل مفيش حاجه غاليه عليكي يغاليتي
ملك بأبتسامه حزينه: اكتر حاجه زعلانه عليها عيالنا
نمر بعشق: هنجيب غيرهم عادي متقلقيش بس الجميل يقوم بالسلامه بس
ملك بخجل: طب بطل قلت ادب عشان مقوملكش وعلي كدا بقا انا هفضل موجوده هنا علي طول عادي
نمر بخبث: طب متقوميلي يا ست الشرسه
ملك قامت وقفت علي السرير فجاه وحدفت بالمخده وفضلت تطنطط علي السرير لحد ما نمر وقعها وهي وقعت عليه وهو قال بضحك: اهي القطه وقعت ومحدش سم عليها اهو
ملك بغيظ: رخم علي فكره
نمر بضحك: عارف علي فكره بس معاكي وبس
وفي الوقت ده دخل محمد وشاهنده
وملك قامت من جنب نمر علي طول بخجل ونمر بصلها بأستغراب وقال: اي الوليه متقلبه المزاج دي
شاهنده بمزح: بتحصل يا نمر باشا اسألني انا بس ملوكا واضح انها بقت عال قوي وهتروح انهارده صح
ملك بأبتسامه وخجل: ربنا يخليكي يدكتوره الحمد الله بقيت بخير لما شوفت نمر
محمد ضحك: طب كونا جبنهولك من بدري بقا
نمر بمزح: منا كنت موجود علي فكره يا دكتور
ملك بغيظ: بارد
نمر بخبث: هحاسبك علي كلامك ده علي فكره يست ملك وهتشوفي حاضر
شاهنده بأبتسامه لمحمد: كدا ملوكا خلاص بقت كويسه وتقدر تخرج يدكتور محمد
محمد بحب: طب بم ان العيال دي موجوده وهيشهدوا علي كلامي انا بطلب ايدك يا شاهنده
ملك بحماس : وفقي وفقي يلا
نمر بمزح: اخص عليك متخدنيش معاك نخطب
محمد: لاااا خطوبه مين الخطوبه دي للعيال الفافي اللي زيكم انما احنا جواز علي طول ياخويا
شاهنده بخجل: احم تنورنا بليل يدكتور محمد انت واخوك والعيله وتقابل عمي ان شاء الله عن اذنكم
وخرجت
اه شاهنده عندها ٤٣ سنه ولسا متجوزتش يشباب ومحمد عنده ٥٤ ومع ذلك مش باين عليه
بعد شويه نمر كان شايل ملك ورايح بيها عند العربيه بتاعته بعد ما خلصوا كل الاجراءات وخرجت معه
ملك بأبتسامه: عارف يا نمر بعد كل اللي حصل ده انا بحبك قوي وحبي ليك بيزيد كل يوم انت نور وسط ضلمه عشتها انت رفيقي ورفيق روحي اللي كنت بحلم بيه وشايفاه كتير عليا كمان بس اللي واجعني قوي هو موت عيالنا هو صحيح انا ما حملتش فيهم كثير بس انا زعلانه قوي عليهم
نمر بعشق: اولا كده سيبنا من الجانب السيء وخلينا في الجانب الحلو عموما وانا بعشقك يا روح وعيون وحياة نمر خلينا متفقين ان انا بعشق ملوكه قشطه وعمري ما هسيبها وعيالنا وانتي وانا حقكم اتجاب وزياده و جان كده كده هيموت ده واحد قتل وسرق وعمل كل الغلط اللي في الحياه اكيد هيتعدم وقلت لك عيالنا هنجيب غيرهم يا قلب نمر وعايزهم شبهك كده وعايز حد فيهم ياخد لون عينيك القمر دول الا قولي لي مين فاعلتكم القمر كان لون عينه رمادي
ملك ابتسمت بخجل وقالت: بابا خد الصفه دي من تيته تيته كان لون عينيها رمادي وكانت حلوه قوي بابا كان بيقول لي اني حلوه شبها
نمر بمزح: ما شاء الله الصفات الوراثيه لما بتجتمع بتطلع كوكتيل يا ناس وعمي مكدبش لما قال حلوه لا واحلي من تيته كمان
ملك بمزح وخجل: طيب سوق وانت ساكت بقى يا عم نمر عشانبتكسف
نمر بمزح: انا اتكلمت يا وليه انت اللي بتجري شكلي اهو وبعدين بتكسفي من نمرك حبيبك
ملك بجنون: بص بقى انا مجنونه وممكن اضربك دلوقتي عادي واطلع اجري ونعمل حادثه وبص يعني تبقى حاجه تحفه كده فيا ريت تتخطى جنوني وتسوق وانت هادي يا عم نمر قشطه
نمر بهدوء: هتضربيني ده امي نفسها ما عملتهاش هتيجي انتي وتعمليها يا قطه
ملك بثقه: اه عادي وكملت بجرأه مصطنعه بس لما ننزل عشان انا خايفه بس نعمل حادثه مش اكثر يعني
نمر بضحك: هنشوف
ملك بعشق: بعشقك يا نمري
نمر بعشق: وانا بموت فيكي يا قلبه
وبالليل كانوا كلهم بلا استثناء موجودين في بيت عم شاهنده
كان عم شاهنده للواء متقاعد من زمان عنده 60 سنه واسمه فاروق
اتكلم منصور بأحترام: احنا جايين يا فندم نطلب ايد الانسه شاهنده لمحمد اخويا وهم الاثنين دكاتره في مستشفى الكيلاني اكيد حضرتك تسمع عنها
فاروق بأبتسامه هاديه: اكيد يا سياده اللواء اسمع عنها هي شاهنده اتقدم لها كثير ورفضت كانت بتفضل الشغل عن اي حاجه بس المره دي ان شاء الله حاسس ان هي هتوافق باذن الله بس ابن الدكتور محمد عنده اي اعتراض او رافض الموضوع
قاسم بابتسامه وهو بيقول باحترام: بابا دايما بيفضل سعادتي عن اي حاجه ورفض يتجوز بعد والدتي عشان يربيني وانا دلوقتي اهو الحمد لله عملت كل حاجه بمساعدته وقفته جنبي واتجوزت اكيد مش هاجي دلوقتي واقف قدام سعادته
محمد ابتسم لي قاسم بامتنان وحب
وفاروق كمل كلامه وقال: تمام ناخد راي العروسه ونكمل كلامنا انت ايه رايك يا شاهنده
شاهنده بخجل: والله يا عمي انا شايفه ان دكتور محمد كويس وما ميترفضش بس اللي حضرتك تشوفه
فاروق بمزح: بعد كل دول حضرتك تشوفه ماشي يا اختي على بركه الله شوفوا حابين تحددوا الفرح امتى انا شايف ان خطوبه ملهاش لازمه اكيد الدكاتره عارفين بعض في الشغل وغير كده يعني هم مش صغيرين على الخطوبه
منصور بأبتسامه: معاك حق ايه رايك يا محمد انت والعروسه طبعا تحبوا تحددوا الفرح امتى
نمر قال بأحترام: لو سمحتوا انا اسف اني بتدخل في الموضوع بس ينفع تسيبوا لي موضوع الفرح ده عليا انا ان شاء الله هعمل فرح انا ومراتي كمان شهر عقبال ما نجهز لكل حاجه وكده ورغد و عبد الرحمن برده هيعملوا فرحهم معانا وفارس وديما ويوسف وفريده هيعملوا الفرح معانا برده فلو ما فيهاش مشكله لو عمي محمد هو والدكتوره شاهنده يعملوا الفرح معانا ويبقى فرح جماعي لطيف كده لو ما فيهاش مشكله بالنسبه لكم يعني
شاهنده بفرحه: انا ما عنديش مشكله وسعيده كمان بالفكره دي
محمد بأبتسامه: فكره زي الفل ومقبول بيها ان شاء الله ايه راي حضرتك يا فاروق باشا
فاروق بأبتسامه: موافق اكيد مبارك عليكم جميعا نقرأ الفاتحه
وقراوا الفاتحه وهم فرحانين وفي جو سعيد والزراغيط ملت المكان
قاسم حمحم واتكلم باحترام وقال: لو ما فيهاش مشكله الفرح يكون بعد شهر واسبوع لان ان شاء الله مراتي هتعمل عمليه بعد شهر فحابب ان هي تبقى شايفه في الفرح والفرحه هتبقى فرحتين يعني
شاهنده بفرحه: اكيد موافقه واكيد هبقى عايزه جوجو تشوف كل الدنيا وتشوفنا كلنا وترجع احلى مقدمه في الداخليه زي الاول
جوري عيطت بفرحه وقالت: مش عارفه اقول لكم ايه بجد شكرا قوي ليكم ولي دعمكم ده
الكل كان قاعد في الجو جميل ومليان فرحه وسعاده وكانوا عمالين يتكلموا والبنات راحوا يتكلموا مع شاهنده شويه ويتعرفوا عليها وشاهنده حبيتهم جدا واعتبرتهم اخواتها الصغيرين وخدوا على بعض بسرعه
في صباح اليوم التالي
عند ملك ونمر
نمر صحي الساعه ٦ لان ميعاد طياره حياه كان الساعه 8:30 فهو كان عايز يلحقها ويجيب لها ملك وعبد الرحمن ورغد دخل الحمام وخد شاور واتوضا وصلى ولبس وبعدها صحي ملك بحب وقال: صباح الفل يا ملوكه اصحي يا حبيبي عايزك تيجي معايا مشوار ضروري
ملك بنوم: يا ماما سيبيني نايمه انا عايزه انام
نمر بذهول: ماما ماما مين يأختي اصحي يوليه
ملك قامت وقالت بغضب طفولي: ايه بتصحيني بدري ليه انا ما نمتش ما لحقتش انام احنا جايين متاخر واحنا نايمين متاخر يسي نمر
نمر بضحك علي شكلها: قومي يا خالتي البسي عايزك تيجي معايا مشوار ضروري وهفهمك كل حاجه في الطريق والمشوار حلو على فكره وهيعجبك يلا اخلصي
ملك قامت وقالت بغيظ: استعنا على الشقه بالله وقومنا اما نشوف اخرتها
وخدت هدوم ودخلت خدت شاور ولبست وصلت ونزلت هي ونمر ونمر اتصل على عبد الرحمن وقال له يجهز هو ورغد ويروحوا على العنوان اللي هيبعته له ده وهو كان مفهمه كل حاجه بالليل وحكى له كل حاجه كمان ما عدا اللي عمله في حياه عشان ما يزعلش منه وكل ده وملك نايمه و عبد الرحمن كان معرف رغد كل حاجه بالليل وهي طبعا كانت مصدومه وفي نفس الوقت متحمسه للمشوار ده لدرجه ان هي ما نامتش خالص بالليل
عندي نمر وملك في العربيه نمره حكى لملك كل حاجه عن اللي حصلت مع حياه وعن اللي عمله فيها كمان وهي كانت مصدومه وفي نفس الوقت زعلانه على اللي حصل لحياه
ملك بعتاب: كده تعمل معاها كده يا نمر من غير ما تسمعها هانت عليك دي برده اختك
نمر بحزن: سامحيني يا ملك انا كنت فاكرها خاينه بس انا عوضتها وهي دلوقتي مسامحاني وانا كمان مسامحها
ملك بتعجب: انا مش فاهمه بجد انت ازاي قدرت تعمل كل ده وما فيش حاجه تبان عليك ده انا كنت منهاره يا اخي لما افتكرت ان هي فعلا ماتت
نمر بثقه: انا نمر الكيلاني برضو مستقليه بجوزك بقا ولا ايه
ملك: لا العفو يباشا احنا نقدر
نمر ضحك عليها وكمل طريقه
في عربيه عبدالرحمن
رغد بغيظ من عبدالرحمن: انت عارف وسايبني منهاره ده انا خليت سفري في اقرب وقت عشان اللي حصل عشان هي كمان ماتت اخص عليك يا عبد الرحمن شايفني بتعذب وما تقوليش
عبدالرحمن بنفاذ صبر: يا وليه انا لسه عارف امبارح اقسم لك بالله في بلاوي سوده حصلت امبارح وانا عرفت بالصدفه اصلا ما انا حكيت لك اللي حصل في القصر وحكيت لك اللي نمر قاله لي
رغد بشتياق: وحشتني اوي بجد كنت فاكره اللي بيموت ما بيرجعش انا عايزه اشوفها قوي يلا سرع سرع اكثر من كده انا عايزه اوصل بسرعه
عبدالرحمن بغيظ: نعمل حادثه يا اختي عشان تستريحي
رغد بصتله بغيظ وسكتت وديرت وشها للشباك في حركه انها تستفز عبد الرحمن وما تردش عليه
عبدالرحمن بمزح: خلاص يا وليه ما تزعليش انتي يا بت يا واد يا بت خلاص بقى انا اللي كنت هعمل لك مفاجاه يا بومه
رغد لفت بسرعه وشها وقالت بحماس طفولي: مفاجاه ايه مفاجأة اي قول
عبدالرحمن بضحك: اكيد مش هقول لك يعني عشان مش هتبقى مفاجاه كده بس هعرفها لك يوم فرحنا ان شاء الله بحبك يا رغدي
رغد بخجل وحب: وانا كمان بحبك
بعد شويه كلهم وصلوا في وقت واحد وطلعوا في الشقه اللي موجود فيها حياه
ونمر خبط فتحت حياه وهي بشعرها ولبسه بجامه وكان باين علي ملامحها النوم وتقريبا لسا نايمه
نمر بغضب: انتي اي اللي مطلعك كدا يمتخلفه
عبدالرحمن بضحك: دي لسا نايمه يا نمر استني انا هصحيها
وعبدالرحمن ادها علي قفاها وهي اتخضت وقالت بصياح: انتم مين انتم مين بتصحوني لي وركزت وقالت بصدمه نمر انت جبتهم يا نمر وراحت حضنتهم كلهم
رغد كانت جنب ملك وعبدالرحمن جنب نمر حضنتهم وبقت هي في النص حضن استمر خمس دقايق من غير ميحسوا
حياه بدموع: وحشتونيي انا اسفه بجد سامحونيي
رغد بدموع: انا مسامحاكي يا حياه بس اتمني تكوني صادقه بجد
ملك بحب: وانا كمان مسامحاكي يا حياه وربنا يوفقك في حياتك اللي جاي
عبدالرحمن بحب: مسامحاك يا قرده واتمني تكوني اتغيرتي بجد
نمر بأبتسامه: علي فكره انا قولتها بس معنديش مشكلة اقولها تاني مسامحاك يا حياه وعارف هتتغيري بجد
حياه بدموع وندم حقيقي: انا بحبكم كلكم بجد وبوعدكم ان التغير فعلا حقيقي
نمر بمزح: انتي يوليه نامسيتك كحل احنا جاينا صحناكي المفروض تكوني صاحية وبتلبسي وتجهزي نفسك صح
حياه بمزح: المفروض عند المكوجي مش عندي
كلهم ضحكوا عليها ونمر قال بغيظ: طب انا غلطان يلا امشي اخلصي اجهزي وخلي البنات تروح معاكي
حياه : اشطا الا قولي هو انا هسافر فين وازاي
نمر: هتسافري فرنسا وبطيارتي الخاصه وكل حاجه جاهزه ليكي هناك واول متنزلي من الطياره هتلقي حد مستنيكي هناك وهيوديكي بيتك الجديد وكمان في حساب ليكي هناك متحولك عليه فلوس وانتي اسمك متسجل في الجامعه اللي هناك حياه محمد مغاوري
حياه بضحك: كتر خيرك انك مغيرتش حياه وبصت لرغد وملك يلا تعالوا معايا نجهز
وراحوا فعلا
وبعد شويه خلصوا ونزلوا كلهم
رغد وعبدالرحمن وحياه مع بعض في عربيه عبدالرحمن
وملك ونمر في عربيه نمر
وكانوا مشيين ورا نمر
وبعد شويه مش كتير وصلوا
وكلهم ودعوا حياه وبكدا حياه سافرت خلاص وهتبدأ حياتها من جديد
بعد مرور شهر
في مستشفى في سويسرا كانوا كلهم موجودين عشان عمليه جويريه ومحمد وشاهنده كانوا مع الدكاتره جوه عشان يطمنوا عليها ويتابعوا العمليه
نمر وعبدالرحمن ورغد وملك وخالد وحنان ومنصور وفاروق كانوا بيقرأولها قرأن
وفريده ويوسف وديما وفارس كانوا بيدعولها
انما قاسم كان بيدعهالها وعمال يروح ويجي وهو خايف ومتوتر
بعد ساعات عدتت عليهم كأنها سنين خرجت الدكتوره ومعاها محمد وشاهنده وكان باين عليهم التعب
قاسم جري عليهم بقلق ومعاه الباقي وهو بيقول بالانجليزي: اطمئيني هل نجحت العمليه
الدكتوره بتعب وهي بتكلم بالإنجليزي:حمد لله يا سيدي قد تكون نجحت بنسبه كبيره وهذا ما سنحدده عندما تفيق زوجتك
خالد بتسأل وقلق: متي ستفيق
الدكتوره بهدوء: بعد ساعات قليله
ومشيت
وجوري انتقلت غرفه عاديه
وبعد ٤ ساعات من قرأت القرأن والدعاء لجوري والكل حرفيا كان قلقان فاقت جوري والكل كان موجود في الاوضه والدكتوره بدأت تشيل الشاش من علي عنيها وهي بدأت تفتحها براحه وهدوء وبصت لقاسم والدموع في عنيها وقالت بفرحه: انا شايفه شايفكم كلكم
الدكتوره فرحت وباركتلهم وخرجت
وقاسم حضنها بفرحه وعينه دمعت وقال: الحمد الله يارب الف حمد وشكر لك يا رب
وكلهم باركوا لجوري وهما فرحانين وجوري بعد مخرجوا من الاوضه دخلت اتوضت وصلت ركعتين شكر لله وهي بتعيط
الخاتمه 😍💗💗
بعد مرور اسبوع رجعوا مصر وجهزوا كل حاجه لفرحهم وكانوا بليل في اكبر فنادق القاهره بيعملوا فرحهم وكان موجود اكبر رجال الاعمال وناس مهمه جدا بيباركولهم
وبعدها علي طول هيسفروا يعملوا عمره كلهم 🤍
كانوا بيرقصوا كلهم
وملك مسكت الميك وغنت لنمر بصوتها العذب اغنيه وياه وهي بتقول : ده اللي كان نفسي فيه لو تيجي صدفه تجمعني بيه فرصه عمري اضيعها ليه مش معقول عيني قدام عينيه ده اكتر من اللي حلمت بيه ده اليوم اللي انا مستنيه عشان اقول وياه الحياه هتحلى وانا معاه هو ده اللي انا بتمنى واللي عيني شايفه احساس انه احلى واغلى الناس خلى قلبي يقول لي خلاص اهدى بقى لقينااااا
نمر فرح جدا وشالها ولف بيها قدام الناس وقلبي صوت عالي: بحبكككك يا ملاكي
رغد مسكه المايك بعد ملك وغنت لي عبدالرحمن اغنيه حلم سنين
: عشنا وشفناه اليوم اللي اشتقنا له واحضني قصاد الناس يا حبيبي وماله ما بقينا لبعض خلاص زاد العشاق 2 اكتبنا سنينه كان حلم سنين وسنين نبقى لبعضنا الله على ده احساس ليله وانت جنبي ليله تسوى عمري ليله بالف ليله معاااااااك
وعبد الرحمن شال رغد وقال بعشق وهيام: بحبك يا مجنونتي
وجوري خدت من رغد المايك وغنت لقاسم اغنيه بيت كبير
وفريده ويوسف برده عملوا نفس الكلام
بس فارس وديما تقريبا لهم راي ثاني
فارس قال لي ديما قصيده شعر كامله وهي عيطت من الفرحه وحضنته جامد
ومحمد وشاهنده بقى كانوا بيتابعوا الجو بهدوء وحب بس محمد فجاه شاور لحد من اللي شغالين في القاعه وهو فهم
وفجاه انوار كتير قادت على المكان اللي بيقفوا فيه الفنانين وظهر من عليه رامي صبري وغنى اغنيه حلوه لشاهنده محمد كان عارف ان شاهنده بتحب رامي صبري قوي فعشان كده جابه هالها
ارجوا اي حد حابب يسمع الاغاني اللي انا كتبتها للابطال دي يا ريت يسمعها بدون موسيقى عشان ولا انا ولا انتم تاخدوا ذنب وبس يا حبايب قلبي💗
وبعد شويه خلصوا الفرحه وركبوا طياره نمر الخاصه وطلعوا السعوديه عشان يعملوا عمره🤍🤍
بعد مرور خمس سنين
كان نمر وملك ورغد وعبد الرحمن وقاسم و جوري ومحمد وشاهنده ومنصور عايشين مع بعض في قصر
اما فريده ويوسف وفارس وديما كانوا عايشين في قصر جنبهم على طول
تعالوا نقول بسم الله الرحمن الرحيم كده واقول لكم عيالهم اسمهم ايه
نمر وملك جابوا كنان وكنده ودول لهم حكايه كبيره معانا في الجزء الثاني ان شاء الله وكنان الكبير
ورغد وعبد الرحمن جابوا حياه وماريا
وقاسم وجوري جابوا اسد وكيارا
وفارس وديما جابوا مالك وليث
ويوسف وفريده جابوا ران و مراد
تمت