سليم : ازيك يا رقيه؟
رُقيه: تمام الحمد لله..مبروك علي الشغل الجديد..
سليم بابتسامة: الله يبارك فيكي..
ضحي: انت هتعمل ايه دلوقتى؟
سليم: مفيش همشي..انتي خلصتي ولا ايه؟
ضحي: كان في محاضرة..بس قالوا انها اتلغت..ايه رايك نروح نشرب حاجه؟
سليم: اوكيه..
ضحي: ماشي..يلا بينا..
رقيه: لا انا مش هعرف اجي..
ضحي: ليه..لسه بدري اصلا..
رقيه: مش عايزه اروح في حته هروح احسن..
ضحي قربت منها وقالت: انتي مكسوفه من الواد ده..
رقيه: يعني اه..
ضحي: عادي يا رُقيه بعدين انتي عارفه سليم يعني..
سليم: يلا ولا ايه..
ضحي بصت لرقيه وقالت: يلا..
رقيه هزت رأسها وقالت: تمام..
وراحوا الكافيه وقعدوا..
ضحي: هتشربوا ايه؟
سليم: عايز قهوه مظبوطه.
رُقيه: وانا كمان..
سليم بصلها وابتسم وقال: جه في بالي دلوقتى الموقف عند عربيه القهوه..
رُقيه ضحكت وقالت: ايوا..الصراحه لما انت ختها كنت متغاظه اوي قبل معرف انها بتاعتك يعني..
سليم ضحك وقال: عارف كان باين اوي..وانتي مش بتسيبي حقك.
رُقيه بابتسامة: احيانا اه..
ضحي: احيانا ايه بس استني هحكيلك موقف اللي احنا اتصاحبنا بسببه كتت في سنه اولي غلبانه ومش عايزه اعمل مشاكل وكان فيه بنت رخمه كده عملت معايا كزا موقف مش حلو..بس جات مره وزودتها عشان تبان جامده قدام صحابها..
رُقيه: ياه انتي لسه فاكره البنت دي..
ضحي كملت : ودي تتنسي يومها يا سليم البنت دي كان معاها قهوه في ايديها وانا كنت واقفه لوحدي هي وصحابها زي اللي اتفقوا ولقيت البنت جات وقالتلي ممكن اشوف الكتاب اللي معاكي قلتلها اتفضلي وطبعا مسكته وعملت نفسها بتشرب القهوه بس وقعتها من ايدها وجات علي الكتاب وباظ وصحابها ضحكوا وده المطلوب بقي..
سليم: ينهار ابيض..وبعدين..
ضحي: وبعدين البنت دي ضحكت ومشيت مين اللي كانت شايفه ده كله بقي رقيه طبعاا..جات وقالتلي انتي مينفعش تسكتي وكده وقلتلها هعمل ايه قالتلي بكره هتردهالها قلتله لا مش هعمل مشاكل وكده غمزتلي كده وقالتلي غصب عنك..
انا فهمتها بقي..
سليم باهتمام: وبعدين..
ضحي : كملي انتي بقي يا رُقيه..
رقيه: طيب..وبعدين تاني يوم بقي انا وضحي كنا مع بعض من اول اليوم وبعدين في نص اليوم كان معانا قهوه والبنات دول كانوا واقفين..فبصيت لضحي كده وقلتلها يلا..كنا متفقين قبلها..رحت انا وضحي بقي وعملنا اننا بنتكلم ومش مركزين وخبطت البنت دي كتابها وقع..وضحي نزلت تجيبلها الكتاب..بس ميلت كوبايه القهوه ووقعت كلها علي الكتاب..البنت طبعا اتنرفزت وكده وايه ده ولازم تجيبي واحد تاني..قلتلها مكنش قصدها ويلا يا ضحي قالتلي يعني ايه مكنش قصدها..قلتلها زي مانتي مكنش قصدك امبارح كده..وخدت ضحي ومشيت..والبنت مقدرتش تقول كلمه..
سليم ضحك وقال: برافوا والله..انتي معلمه بجد..
رقيه: اصلي مش بحب الظلم..
سليم: في ناس كده بس مش بتقدر تتكلم ولا تعمل حاجه بس انتي قلبك جامد..
رُقيه ضحكت وقالت: ايوا من صغري كده بعرف اجيب حقي بس مش بتسرع..
سليم: جدعه مش زي اختي الهبله..
ضحي ضحكت وقالت: ربنا يكرمك يا اخويا..بس متخافش رُقيه بتجيبلي حقي..
رُقيه ضحكت وقالت: متقلقش في ايد امينه..
سليم ضحك وقال: انا كده اطمنت علي اختي..
" وفضلوا يتكلموا ويهزروا وسليم كان اول مره يرجع لطبيعته من بعد اللي حصل"
>>>>>>>>>>>>>>>>>
تاني يوم في الكليه..
رُقيه كانت راحه المكتب عند الدكتوره بتاعتها..
وخبطت ودخلت..
الدكتوره: تعالي يا رُقيه..
رقيه دخلت لقت سليم قاعد مع الدكتوره..
سليم بابتسامة: ازيك يا رقيه..
رُقيه بابتسامةهاديه: تمام الحمد لله..
الدكتوره: انتوا تعرفوا بعض؟
سليم: ايوا رقيه صاحبه ضحي اختي..
الدكتوره: ايوا فعلا.. رُقيه وضحي صحاب فعلا ومستواهم كويس جدا..بس عارف رقيه اكتر حد بيفكرني بطموحك وشطارتك..وبتحب تفيد زمايلها شكلك..ان شاءالله توصل لحاجه وتبقي كويسه..
سليم بابتسامة: ان شاء الله..ربنا يوفقك يا رقيه..
رقيه بابتسامة: شكرا ليك..وشكرا علي دكتوره علي الكلام الحلو ده..
الدكتوره: دي الحقيقة..
رُقيه: ربنا يخليكي..حضرتك كنتي محتاجاني في حاجه؟
الدكتوره: ايوه اتفضلي الورق ده..اطلبوا منهم ان هما يطبعوه..دي فيها المحاضرات كلها..
رقيه: تمام..فيه حاجه تاني..
الدكتوره: لا بس كده..
سليم بص في الساعة وقال: انا هستأذن انا بقي عشان المحاضره ومبسوط قابلت حضرتك يادكتوره..
الدكتوره: انا اللي ببقي مبسوطه والله لما اشوف حد ناجح زيك خاد حقه فعلا..
سليم بابتسامة: ربنا يخليكي..عن اذنك..
الدكتوره: اتفضل..
سليم خرج هو و رقيه..
سليم: واضح انك شاطره فعلا..
رقيه بابتسامة: شكرا..انت هتبدأ دلوقتي؟
سليم: اه هبدأ اشرح اول محاضره لسنه تانيه..
رُقيه بابتسامة:ربنا معاك.
سليم بابتسامة: شكرا..انا هدخل انا بقي..
رقيه:تمام..وفضلت باصه عليه وهي مبتسمة..
>>>>>>>>>>>>>>>>>
رُقيه وصلت العماره عشان ميعاد الحصه، وطلعت للشقه وخبطت علي الباب.
ضحي فتحت لها بابتسامه وقالت: تعالي يا رُقيه.. ادخلي.
رُقيه: معلش اتأخرت شويه.
ضحي: ولا يهمك...تعالي علي ما سليم يجي بيتكلم مع ماما شويه بس..
رُقيه: تمام..
ضحي: هدخل بس اشوف الاكل اللي علي النار..
رُقيه: ماشي براحتك..
رُقيه دخلت وقعدت في الصاله، وضحي دخلت المطبخ..
جوا الاوضه كان صوت ساميه وهي بتتكلم مع سليم ورقيه كانت سامعه الكلام..
ساميه: يا سليم انا مش فاهمه انت لحد دلوقتي مخبي علينا ليه؟
سليم : يا ماما مفيش حاجه مستخبيه.. الموضوع خلص.
ساميه: خلص ازاي؟! انت كنت خاطبها والفرح كان المفروض يبقي النهارده سليم! كان المفروض تكون دلوقتي في بيتك مع مراتك..مش تيجي فجأه وتقول كل حاجه خلصت..
سليم سكت شويه، وبعدين قال: انا قولتلك يا ماما خلاص اللي بينا خلص..
ساميه: طب ليه؟! ايه اللي حصل؟ كل ما اسألك تقولي مفيش.. طب انت سبتها ليه؟
سليم: عشان حصل حاجات خلتني اخد القرار ده.
ساميه: حاجات ايه؟ قولي..
سليم بضيق: يا ماما مش عايز اتكلم في الموضوع!
ساميه: وانا امك.. من حقي افهم! انت من يوم ما سبتها وانت متغير، لا بتتكلم ولا بتقول حاجه..
سليم: مفيش حاجه تستاهل كل ده..انا كويس ومفيش حاجه..
ساميه: لا تستاهل! دي كانت خطيبتك وبتحبوا بعض وليك حق تزعل بس عايزه افهم يمكن نصلح الموضوع..
سليم بصوت متضايق: قولتلك خلاص يا ماما مفيش حاجه تتصلح اصلا وانا مش ندمان علي قراري.
ساميه: بس انا مش مصدقه انك سبتها كده من غير سبب!
سليم: لا صدقي يا ماما.
ساميه بصتله بضيق وقالت: طيب.. انت هتفضل ساكت لحد امتي؟
سليم : معنديش حاجه اقولها..اقولك انا ماشي..
خرج من الاوضه وهو متعصب، واول ما شاف رُقيه واقفه في الصاله وقف للحظه.
رُقيه بصتله باستغراب، وهو حاول يخبي توتره.
سليم: انتي هنا؟
رُقيه: ايوه.. انا جيت عشان الحصه.
سليم سكت ثواني، وبعدين قال بضيق: مفيش حصه النهارده.
رُقيه فهمت انه متضايق وقالت: تمام..
ضحي خرجت من المطبخ وقالت: في ايه يا سليم؟
سليم: مفيش يا ضحي.. انا نازل.
ضحي: نازل فين؟ طب ورُقيه؟
سليم: قولتلها مفيش حصه النهارده.
رُقيه بصتله وقالت بهدوء: تمام..عادي ولا يهمك.
سليم هز راسه ومشي من غير ما يقول حاجه، ونزل بسرعه.
رُقيه فضلت باصه ناحيه الباب، ولسه الكلام اللي سمعته من ساميه بيدور في دماغها..
"كان المفروض النهارده يكون فرحه."
وسألت نفسها لاول مره بجد:
يا تري ايه اللي حصل بين سليم وخطيبته وخلاه يسيبها؟
>>>>>>>>>>>>>>
ضحي نزلت مع رُقيه عشان توصلها، وبعد ما رُقيه مشيت ضحي كانت لسه طالعه العماره..
وهي طالعة سمعت صوت حد بينادي عليها.
سيف: ضحي!
ضحي لفتت وقالت: سيف؟ فيه حاجه؟
سيف: كنت جاي آخد سليم عشان خارجين مشوار.. هو فوق صح؟
ضحي : هو نزل من شوية.
سيف باستغراب: نزل؟ طب راح فين؟
ضحي: معرفش.. نزل فجأة وكان متضايق شويه..
سيف: طب مقلش رايح فين؟
ضحي: لا.. وأنا أصلاً مش فاهمة فيه إيه من الصبح وهو متضايق كده..
سيف هز راسه وقال: متقلقيش.. أنا عارف هو راح فين.
ضحي: فين؟
سيف: سيبيه شوية، هو محتاج يقعد لوحده.
ضحي: تمام..بس اصعب حاجه انه بيحب يخبي في قلبه..
سيف: لما يحب يحكي هيحكي.. متضغطيش عليه.
ضحي: طيب..لما توصله خليه يكلمني..
سيف: حاضر.. متقلقيش.
ضحي: تمام.
سيف: يلا اطلعي إنتي، وأنا هشوفه.
ضحي: ماشي.. سلام.
سيف: سلام.
وسيف ركب عربيته ومشي..
" اما رقيه فكانت روحت وقعدت تفكر فيه ومتضايقه عشانه وعماله تفكر في السبب اللي خلي ده يحصل"
>>>>>>>>>>>>>>>>>
تاني يوم في الكليه..
رُقيه كانت ماشية في الممر وهي ماسكة شوية ورق في ايديهاوفجأة سمعت صوت بينادي عليها.
سليم: رُقيه!
رُقيه لفتت وبصتله وقالت: ايوه
سليم قرب منها وقال: عامله ايه؟
رُقيه بابتسامة هاديه: بخير الحمد لله..
سليم بابتسامة: أنا حبيت أعتذرلك عن امبارح.. انتي جيتي مخصوص عشان الحصة وأنا مشيت فجأة من غير ما أديكي حتى فرصة أفهمك.
رُقيه: لا عادي.. متعتذرش أنا فهمت إنك كنت متضايق.
سليم: برضه كان المفروض أقولك حاجة أحسن من مفيش حصةوأمشي كده.
رُقيه بابتسامة: خلاص حصل خير.
سليم: بس انتي متضايقتيش مني؟
رُقيه: لا طبعًا...قلقت بس..
سليم سكت لحظة وبصلها وقال بابتسامة هاديه : قلقتي عليا؟
رُقيه اتوترت شوية وقالت: يعني لا اصل..قلقت من الموقف قصدي..وانت نزلت متضايق وكده
سليم: الحمد لله أنا كويس دلوقتي.. متقلقيش.
رُقيه: أكيد؟
سليم: أكيد.. متقلقيش.
رُقيه بابتسامة: كويس..
سليم: أنا داخل المحاضرة دلوقتي..اشوفك بعدين..
رقيه بابتسامة: تمام..