رواية وراء اسم مستعار الفصل الثالث3والاخيربقلم مريم سمير
_ وانت عاوز تطلب مني ايه؟
° تيجي معايا
_ ايه؟؟؟؟؟ عاوزني اروح تل أ_بيب!
° بشكل مؤقت وهنرجع تاني
_ أنا مستحيل أروح هناك يديفيد ، أنا مبعرفش أطلع برا البلد هنا عشان اطلع برا مصر ويوم ما اطلع اروح هناك! ، روح انت وانا مستناك
° مش هعرف أروح وانتي مش معايا ، هفضل قلقان ومش هعرف أعمل اي حاجة هناك ، انتي مش واثقة فيا ؟
_ واثقة فيك بس.. انت بتطلب طلب صعب أوي
° أنا معاكي ، هتخافي من ايه وانا موجود ؟
_ طيب سيبني أفكر ، اديني وقتي
° خدي راحتك ، السفر هيبقي اخر الاسبوع
_ بعد تلت أيام!
° مش كفاية؟
_ لاء كفاية ، ربنا يقدم الي فيه الخير
طلعت اوضتي بليل ف لقيت فوني بيرن ف لقيته رقم أحمد ، رديت وانا متعصبة _ فيه حاجة ؟؟
= يا مريم افهميني انتي كده بتدمري كل حاجة ، ديفيد لو سافر برا مصر عمره ما هيرجع تاني ، فيه معلومات مأكدة أنه راجع تل أ_بيب خلال أيام ، لازم نوصل لملف مهم جدا هو حاطه في خزنته في المكتب، محدش عارف يوصل للاوراق دي ، الاوراق دي فيها كل الاتفاقيات والمخططات الي ناوين يعملوها ضد مصر
_ ديفيد هيسافر عشان يخلص نفسه منهم وهيرجع تاني ويعيش معايا في مصر ، أنت ليه مش قادر تصدق أنه ممكن يتغير؟ هو مش وحش اوي كده ، هو عاوز يبقي كويس وانا هساعده
= ازاي عرف يضحك عليكي وتصدقيه؟ مصدقة مين؟ واحد من مكان مبيعملوش حاجة غير الاحتلال وأخد الحق و الأرض ؟ فوقي يا مريم هو مستحيل يتغير ، مفيش حد هيقدر يجيب الاوراق دي غيرك
_ وانا مش هعرف أساعدك انك تأذي جوزي
= أنا عارف انك طيبه وقلبك طاهر ويمكن بتصدقي كل الي حواليكي عشان كان دايما مقفول عليكي ومعندكيش أي خبرات ، بس انتي لازم تشغلي دماغك إركني قلبك علي جمب وبصي للموضوع بنظرة تانية ، لو الأوراق دي بقت معانا هنمنع عمليات كبيرة اوي ناويين يعملوها في مصر زي تفجير مباني فيها اعداد سكانية كبيرة ، ذنبهم ايه ساعتها أنهم يموتوا؟ ذنب الاطفال ايه أنهم يتقتلوا أو يتيتموا؟ ، فكري يمريم أنتي اقرب واحدة ليه والي ممكن ميتشكش فيها لو دخلت مكتبه
رديت بعياط _ بس انا كده هكون بخونه ، هو واثق فيها وانا بوديه لحبل المشنقة!
= الخاين ميتأمنش ولا ينفع يتوثق فيه
_..
= مقالكيش أي حاجة طيب؟
_..
= قولي يمريم أرجوكٍ
_ راجع تل أ_بيب بعد تلت أيام
= كويس اوي قدامنا وقت ، طيب مقالش حاجة تاني؟
_ عاوزني أسافر معاه
= ماشي وانتي رفضتي ، وبعدين؟
_ لاء مهو أنا مرفضش ، قولتله هفكر
= أفندم؟؟؟؟ انتي كنتي هتسافري معاه ؟
_ هو قالي أننا هنرجع تاني أول ما يظبط أموره
= وانتي صدقتيه؟ لو طلعتي برا مصر عمرك ما هترجعي هنا تاني ، عاوز ياخدك هناك عشان يأكدلهم إن ممكن مصرية مسلمة تعيش مع إس_رائيلي عادي ، واخدك عشان يعرف يصلح شغله تاني الي فيه مشاكل بسبب جوازكم ، لو فتح معاكي موضوع السفر تاني قوليله انك لسه بتفكري
_ هو انا المطلوب مني ايه؟
= مفاتيح خزنة ديفيد مبتفارقوش أبدا، هتلاقيها معاه في لبسه أو أوضته ، اهم حاجة المفاتيح تبقي معاكي بكرة ب الكتير وانا هبلغك بالظبط تعملي ايه ، اول ما تبقي معاكي كلميني فوراً
_ وانا هعرف أخدها ازاي؟
= انتي المفروض مراته يعني لو دخلتي أوضته ف دا شيء طبيعي!
_ اه ، طيب ، هحاول بس توعدني ب حاجة
= حاجة ايه ؟
_ متأذهوش ، أنا هجيبلك الورق الي انت عاوزه بس ديفيد ميجرالوش حاجة
= مستحيل ، هو ضلع من الضلوع ازاي هنسيبه؟
_ يبقي أنا مش هقدر اساعدك
= استني استني
_ ها قولت ايه ؟
= خايفة عليه؟ دا لو حس انك هتيجي علي شغله مش هيفكر دقيقتين أنه يخلص عليكي
_ مش حقيقي ، ديفيد بيحبني ومستعد يعمل اي حاجة عشاني ، توعدني؟
= طيب ، اتفقنا
_ تمام
قفلت معاه وانا باخد نفس طويل ، هاخد المفتاح واطلع علي طول مش هيحصل حاجة يعني! ، خدت مخدة وخبطت علي اوضته ف فتحلي وبصلي ورفع حاجبه
° أيوة؟؟
_ أنا كنت عاوزة انام في الاوضة دي النهارده
° هي اوضتك مش عجباكي؟
_ أصل.. بخاف انام لوحدي ، ينفع ؟
° اه اكيد، ادخلي
دخلت وقعدت علي السرير ف قعد جمبي وبصلي
_ انت مش هتنام؟
° هستناكي تنامي الاول
_ ليه؟؟ انت فاكرني ايه؟ أنا بنت ناس علي فكرة
° ها؟
_ انت قاريني غلط خالص ، دا انت تقتلني ولا إني انام قبلك دي
° اه انتي مختلة صح؟
حطيت المخدة بيني وبينه _ نام يديفيد أنا عندي أرق مش هنام دلوقتي
° عندك أرق؟ ليه مقولتليش؟
_ لاء أصل..
° أنا هتصل ب دكتور شاطر جداً يجيلنا يكتبلك حاجة تريحك
_ ملوش لزوم أنا بس مش عارفة انام دلوقتي ، مفيش حاجة
° انتي متأكدة انك كويسة؟
فضلت أبصله ف حرك أيده قدامي
° مريم؟ بتفكري في ايه؟
_ ديفيد ، انت بتحبني ؟
° كل دا ولسه بتسألي؟
_ أنت علي طول كنت بتقولهالي بس انا عمري ما سألتك
° مبحبش حد في الدنيا كلها قدك ، أنا من غيرك معرفش أعيش يمريم
_ ابويا كان دايما بيخاف عليا عشان كده مكنش بيرضي انزل من البيت ، كنت دايما ببقي عاوزة أخرج وأشوف الدنيا بس هو كان علي طول رافض ، رغم خوفه عليا إلا أن بسبب رفضه كل مرة دا خلاني محسش بالأمان واني مسجونة ومليش أي حق في حياتي ، لحد ما جيت انت وحسيت معاك ب الأمان الي كنت عاوزة أحس بيه ، حسيت ان ليا حق أختار وانت كنت اول حاجة اختارها ، حتي بعد ما قولتلي الحقيقة معرفتش أكرهك ، ديفيد أنا عاوزة بس اعيش مبسوطة مش حاسة اني مهددة طول الوقت ، مينفعش حد يعيش خايف علي طول!
° أنا عملت الي ميتعملش عشان ابقي معاكي ، انا هفضل أمانك يمريم ، مش عاوزك تخافي مني
حط أيده علي وشي مسح عياطي ف حطيت المخدة في وشه ° اه ، انتي عبيطة يمريم ؟
_ نام ، نام عشان لو وراك شغل بكرة
° طيب ، لو حسيتي انك لسه تعبانة قوميني
_ ماشي
° حسيتي ب صداع ناديلي
_ طيب
° حسيتي اني واحشك صحيني
_ ديفيد ، نام
نام ف فضلت باصة قدامي ، بعد كلامه دا هعرف أعمل الي المفروض اعمله؟ ، بس هو مش هيأذيه هو هيأذي الي بيشتغل معاهم في تل أب_يب ويرجع ديفيد هنا تاني ويأسلم والموضوع ينتهي وساعتها هيسامحني عشان ميبقاش فيه حد يخاف منه هناك .
فضلت أبص حواليا في الاوضة ، فتحت الدرج بتاع الكوميدينو الي جنبي ف لقيت مفاتيح كتير مع بعض ، خدت المفاتيح ومشيت براحة وفتحت باب الاوضة ، نزلت المكتب بسرعة في الدور الي تحت ، فتحت الباب ووقفت قدام الخزنة ، فضلت اجرب كل المفاتيح الي معايا ، سمعت صوته وهو بينادي عليا ف قلبي وقع من الخوف ، جربت اخر مفتاح وفتح ، طلعت الاوراق الي موجودة وفتحت فوني بسرعة وصورتهم، بعتهم علي الواتس ل احمد ولفيت وشي لقيته قدامي ، بص علي الاوراق ورجع بصلي
_ انتي بتعملي ايه هنا ؟
= أنا كنت..
_ انتي بتتجسسي عليا؟ مديلك ضهري ف تطعنيني؟
= ديفيد اسمعني الموضوع مش زي منتا فاكر، أنا بس..
ضربني فجأة بالقلم ف وقعت علي الارض ، نزل لمستوايا
_ كنتي بتعملي ايه هنا بالظبط؟ متفقة مع مين ضدي؟
=..
_ افتحي موبايلك دا
كان متعصب جداً وفجأة ظهر قدامي وش منه عمري ما شوفته ، وش كان مستخبي ورا كلامه ليا! ، كنت خايفة وبترعش لمجرد نظرته ليا
_ افتحي الموبايل يمريم متخلنيش أفقد اعصابي أكتر من كده
خدت الفون منه ورزعته علي الارض ف مسكني من شعري _ انتي بتلعبي لعبة انتي مش قدها ، أنا غلطان اني وثقت فيكي ، كان المفروض اسمع كلام كل الي حواليا
= واتجوزتني ليه؟ ليه مثلت عليا كل دا ؟
_ كان لازم تبقي ليا ، انتي الوحيدة الي بحس وانا معاكي إن فيا حاجة نضيفة
= يعني اتجوزتني عشانك؟ حب تملك وشايف مصلحتك انت في كل حاجة ؟ أنا وثقت فيك وصدقتك!
_ وانا كنت مغمي عيني معاكي وانتي خونتيني ، عاوزة مين يشوف الاوراق دي ؟ ، بعتيها لمين انطقي؟
سكتت ف مسك ايدي ب قوة
_ لو مجاوبتيش هخليكي تندمي علي عملتك دي ، انطقي بعتيها لحد؟
= لاء
_ وانا مش مصدقك
= يبقي براحتك
_ أحنا هنسافر بكرة مش هستني ل اخر الاسبوع انتي سامعة؟
= يبقي هتاخدني معاك جثة عشان أنا مستحيل اجي معاك
_ مش بمزاجك ، لو مجتيش صدقيني هخليكي تتحسري علي أهلك واحد واحد
سكت وانا بشهق من الخضة = ديفيد! انت..
_ أنا بقولك الي هعمله ، لو مسافرتيش معايا بكرة أنسي إن كان ليكي أهل ودي حاجة بالنسبالي بسيطة بعملها علي طول
= القتل؟ انت قولتلي انك عمرك ما قتلت
قرب مني _ مش قولتلك لما تبقي معايا بحس ان فيا حتة نضيفة؟ انك بتصدقي كل الي بيتقالك وشايفة كل الناس كويسة، أنا كنت كده قبل ما اروح هناك ونفسي القديمة بشوفها فيكي عشان كده مقدرش استغني عنك
= انت مريض! مستحيل تكون بني آدم
_ ومين قالك اني بني آدم؟ لو بقيت بني ادم للحظة واحدة مش هيرحموني
بعدت عنه = طب سافر واعمل الي انت عاوزه ، بس سيبني أنا واهلي في حالنا
_ أنا هسافر وانتي هتيجي معايا
= مش هاجي
_ يبقي هنفذ وعدي ليكي وهتشوفي أبوكي وامك وأخواتك وهما بتقتلوا قصاد عينك وانتي مش قادرة تعملي حاجة
قام ف مسكت أيده = عشان خاطري متعملش كده ، خلاص خلاص هعمل الي انت عاوزه ، ياريتني فضلت محبوسة طول عمري
نزل تاني لمستوايا _ أنا مبحبش اشوفك بتعيطي
=..
زعق _ قولتلك متعيطيش
مسحت وشي وحطيت ايدي علي بوقي بسرعة
_ برافو عليكي ، بس انا معتش بثق فيكي ف مش هتقضي اليوم دا هنا للأسف
مسك ايدي ونزلني علي البدروم ، قعدني علي الارض وبصلي _ هنمشي اول ما الصبح يطلع
مشي خطوات ف اتكلمت = هو احنا مش هنرجع مصر تاني؟
ضحك _
انتي طيبة اوي يا مريم
سابني ف استوعبت اني لو روحت معاه هتبقي حياتي انتهت ، مش هرجع هنا تاني ومفيش حاجة هتنقذني منه أو تمنعه أنه يبقي جوزي .
فضلت أعيط طول الليل ، معرفتش نمت ازاي، صحيت علي صوته _ الطيارة هتبقي جاهزة كمان ساعة
= أنا كنت عاوزة أودع أهلي قبل ما نمشي
_..
= بس انا مبيحصلش أي حاجة عوزاها ، لما حصلت كانت أنت وياريتها ما حصلت ، أنا بكرهك وبكره نفسي اني صدقتك
_ مع الوقت هتنسي كل دا ، هنعيش مع بعض وهحققلك كل الي نفسك فيه
= احنا عمرنا ما هنبقي مع بعض ولو حصل هيبقي غصب عني ولا عمري هختارك مرة تانية حتي لو قتلتني
_ بطلي عند ، انتي لما تسافري وتشوفي كم التحضر الي موجود هناك هتكرهي العيشة الي كنتي عيشاها هنا
= اوعي تفتكر انك هتاخدني هناك عشان مصالحك تمشي وتثبتلهم انك عرفت تتجوز مسلمة عادي وعايش معاها مبسوط ؟ أنا طول منا عايشة هفضل أهرب منك
خبط أيده في الحيطة _ هنشوف لما نوصل مين فينا الي هيكسب يمريم
مسك ايدي وطلعنا علي فوق ، كان محضر الشنط وكل حاجة ، فتح البوابة بس لقينا قدامنا عربيات شرطة كتير ، الجارد بتاعه بدأوا يضربوا نار عليهم ف قفل الباب بسرعة ، طلع المسدس الي في جيبه وحطه علي دماغي ف صوتت = متخافيش أنا مستحيل أذيكي ، بس مش هنعرف نخرج من هنا الا بالطريقة دي
_ نزل السلاح وسلم نفسك يديفيد ، خلاص معتش فيه حاجة تقدر تعملها
= لاء فيه ، أنا هسافر وكل حاجة هتمشي زي ما أنا عاوز ، هما جم هنا ازاي ؟
_ ورقك مع ظابط فيهم
= ايه؟؟؟ انتي الي بعتيه ؟
_ دا الي كان المفروض أعمله من اول يوم
الباب اتفتح وكل رجالة الشرطة كانوا رافعين السلاح
= سلم نفسك يا ديفيد ، المكان كله محاصر
كان ماسكني وحاطط المسدس علي دماغي
° الي هيقرب مني هقتلها ، نزلوا سلاحكم
كانوا بيبصوا كلهم ل احمد وأحمد كان بيبصلي ف إدالهم الأمر = نزلوا السلاح
° الشيال طلع ظابط؟ دا انتوا مرتبين كل حاجة أهو بس نسيت حاجة واحدة ، اني مش غبي
= نزل سلاحك ، مش هتعرف تهرب من هنا
° مراتي جواز سفري من هنا ، الي هيقرب مني مش هسمي عليها وعليكم كلكم
كنت بحاول أفلت نفسي بس معرفتش
° ادي أمر ليهم يحضرت الظابط أنهم يخلوا المكان حالا
=..
° أنت لسه هتفكر؟
عمر المسدس ووجهه علي راسي تاني ° بقولك هقتلها
= كله ينصرف
' يفندم دي خطورة كبيرة ، لو سافر هتبقي مصيبة
= ولو مسافرش هتبقي مصيبة ، اسمعوا الكلام
_ أحمد انت شغلك هيبوظ ، انت كده هتترفد
= المهم ميحصلكيش أي حاجة
° يحبايبي! ، هو دا بقي الي بعتيله الورق وكنتي علي تواصل معاه؟
رجع وجه المسدس علي احمد ، فلت نفسي منه بسرعة ووقفت قدامه وطلق طلقة جت فيا
° مريم؟ لاء يمريم لاء ، مش انتي الي المفروض تموتي
_ محدش كان يستاهل يموت ، محدش ليه ذنب غيري
° لاء متغمضيش عينك ، مريم مش هتموتي ، مريم؟
رجال الشرطة مسكوه ، معرفش يقاوم حتي ، كان باصصلي وقاعد ينادي ب إسمي ، فجأة مسمعتش أي صوت تاني .
صحيت وانا علي سرير في مستشفى، بصيت لقيت احمد نايم علي السرير الي جنبي ، ضغطت علي الزرار ف الممرضة دخلت
° حمدالله على السلامه
_ الله يسلمك ، هو ايه الي حصل ؟
° الحمد لله الرصاصة جت في كتفك ، اه نزفتي كتير بس قدرنا نعملك اللازم ونقلنالك دم ، علي فكرة حضرت الظابط الي اتبرعلك ب دمه
ابتسمت وانا ببصله _ ممكن تصحيه؟
° اه أكيد ، يباشا؟
قام مخضوض = ايه ماتت؟ ، لااااااا
بصيناله أنا وهي ب استغراب = ايه دا مريم ازيك؟
ضحكت _ الحمد لله
الممرضة خرجت ف شد كرسي وقعد قدامي
= حاسة انك كويسة؟
_ اه الحمد لله احسن ، هو ايه الي حصله؟
= قبضنا عليه، والورق كان دليل صارم عشان يثبت كل الي كان ناوي يعمله هو وكل شركائه ، مكنش كل دا هيحصل لولاكي
_ بس انا خسرت كل حاجة
= مفيش حد بيخسر كل حاجة ، هتقومي تاني وتشتغلي وتعيشي حياتك وهتنسي
_ أنسي؟ أنا عمري ما هعرف اثق في حد تاني
= بتهيقلك مش كل الناس وحشين ، مش انتي شايفة الدنيا كلها حلوة ؟
_ كنت، مهو بسبب دا حصلي الي حصل
= متتغيريش يمريم ، محدش زيك دلوقتي ، خليكي بني ادمة زي منتي يمكن الي حواليكي يتعلموا منك
_..
= حمدالله على السلامه، علي فكرة اتصرفلك مكافأة كبيرة اوي
_ بجد؟
= ايوة ، ممكن تفتحي بيها مشروع وتبدأي من جديد
كان بيحيلي كل يوم ، يجيبلي اكل من الي بحبه ونفضل نتكلم لحد ميعاد الزيادة ما يخلص ، كانت مامته محجوزة في نفس المستشفى ف كنت بروح أقعد معاها كانت طيبة اوي ومؤمنة جدا أنها هتبقي كويسة رغم مرضها الخطير وحاجتها للعملية في اسرع وقت قبل ما الورم ينتشر في جسمها!
، فضلت ايام في المستشفى وبعد كده خرجت لما حالتي استقرت خالص
روحت استلمت المكافأة وروحت بعدها المستشفى تاني ورنيت علي احمد، جه بسرعة ودخل علينا الأوضة
_ ايه ؟ فيه حاجة ؟ انتي كويسة يا ماما ؟
مامته كانت بتعيط ف قعد جنبها
_ فيه حاجة وجعاكي طيب يحبيبتي ؟
° مريم دفعت فلوس العملية وهعملها كمان شوية
_ ايه؟ انتي عملتي كده فعلاً؟
هزيت راسي ب اه _ بس انتي محتاجة الفلوس دي ، انتي لازم تثبتي لأهلك انك هتعرفي تعملي حاجة
= مامتك أهم ، لولاك كنت هتفضل عيني متغمية ، دي اقل حاجة ممكن اعملها
_ أنا عمري مهنسالك الي عملتيه ، هرجعلك المبلغ في اقرب وقت
الممرضة دخلت وبدأت تجهز مامته للعملية ، عمري ما شوفت حد قلقان علي حد كده ، فضل ساعات العملية واقف علي رجله مقعدش لحظة ، وقفت قدامه
= هتبقي كويسة
_ اتأخروا اوي
= خير إن شاء الله متقلقيش
الدكتور خرج وطمنا إن العملية نجحت ، ساعتها عرف يتنفس تانى ، مامته راحت غرفة الافاقة وفضلنا مستنينها تفوق
_ مريم
= انت بتبصلي كده ليه ؟
_ مهو استني هقولك
= ماشي
_ هو هينفع اقول هنا؟
= وسط ريحة البنج دا مستحيل
ضحك _ يبقي بكرة الساعة تمانية؟ في مطعم هبعتلك اللوكيشن علي الواتس
اطمنا علي مامته والحمد لله كانت حالتها مستقرة والورم اتشال بس هتفضل في المستشفى كام يوم يتابعوا حالتها ، استأذنت بعد ما سلمت عليها عشان أروح البيت
_ هوصلك
= خليك مع مامتك النهارده
_ طب ابقي طمنيني عليكي
رفعت حاجبي = هو فيه ايه يا احمد ؟
_ والله ما عارف
ضحكت = ماشي ، همشي عشان متأخرش
روحت البيت ونمت ، بعتلي اللوكيشن الصبح ، فضلت أدور علي فستان رقيق ألبسه ، مش عارفة كنت عاوزة أطلع بشكل مختلف ليه النهارده؟
بليل خلصت لبس ونزلت ، روحت المطعم وكان مستنيني
_ شكلك حلو اوي
= متشكرة
شدلي الكرسي وقعدت _ تحبي تشربي ايه؟
= ربع فرخة
ضحك وطلبلنا عشا ، كان كل شوية يبصلي ويسكت
= منا كده مش هلحق أبلع اللقمة يا احمد هو فيه ايه؟
_ لاء مفيش
خلصنا أكل ف رجع بصلي
= مش هنخلص النهارده انا عارفة
_ عاوز اقولك حاجة
= يعني ياريت تقول بدل النظرات المريبة بتاعتك دي
_ هي نظرات مريبة؟ بتهزري هي مش رومانسيه؟
= رومانسية ايه يا احمد أنا حاسة انك بتستجوبني!
_ معلش والله اصل اخر مرة عرفت بنت كنت في تالتة اعدادي
= لاء مهو باين
_ مريم أنا..
= اه
_ بصي هو.. أنا كنت عاوز..
= أيوة؟؟
_ كنت عاوز أشكرك علي الي عملتيه معايا
= بجد؟ أحمد انت شكرتني فوق الميت مرة و..
_ مريم أنا بحبك
= ايه؟؟
_ بحبك وعاوز اتجوزك
ارتبكت وقومت بسرعة من مكاني
= أنا عاوزة أروح
_ طيب استني بس ، هوصلك
خرجت ف وقف قدامي في الشارع
= فيه ايه ، ايه الي حصل ؟
_ أنا مستحيل اعمل كده تاني
= تعملي ايه؟
_ اثق في راجل تاني
= بس انا والله بحبك بجد
_ هو كمان كان بيقول كده ، انت عارف كل حاجة ، ليه عاوز تعمل فيا كده؟
= مريم انتي تستاهلي كل حاجة حلوة ، أنا شايفك احسن ست في الدنيا، اديني فرصة ، فرصة واحدة بس وعمري ما هخليكي تندمي والله
_..
= خدي وقتك ، أنا مش مستعجل
_ بجد؟
= خمس دقائق أنا راكن صف تاني إخلصي
ضحكت = ايه دا هو دا اسمه عرض جواز بذمتك؟ طب مش موافقة
_ كنت عامل حسابي وجايب مسدسي معايا ، قولي بقي وسمعيني؟
= مش موافقة قولتلك
طلع المسدس _ طب خدي كده اربط الجذمة بس واطلعلك ، فكرى في الأربع ثواني دول أنا بربط الجذمة بسرعة
= علي جثتي ، مهما تعمل مش هتجوزك
_ حلو ، هنشوف
..
° ماما ؟؟؟؟
_ أنا زهقت يحبيب قلبي ، انت مش هتبطل شقاوة؟ احمد شوف ابنك
= فيه ايه يا مراد يحبيبي حصل ايه؟
° المس قالتلي هات بابا وانت جاي بكرة
= بجد المس قالتلك كده
_ أحمد!!!!!!
= قصدي ، ليه يعني عملت ايه ؟
° عمر زقني ف زقيته
= غلط يمراد يحبيبي
_ أيوة كده قوله ، قوله
° بالديسك وفي دماغه هو انت ليه مسالم اوي كده؟
كنت بصاله وانا علي أخري ف قال بسرعة
= طب أنا هحل الموضوع دا بكرة إن شاء الله
_ مراد ، علي اوضتك
دخل أوضته ف رجعت بصيت ل احمد
= الواد طالع طيب ليكي ، طب دا اسمه كلام ؟
_ أنا معتش عندي طاقة ليكم خلي بالك
مراد طلع من أوضته وبصلنا ° مامي نسيت اقولك حاجة
_ حاجة ايه ؟
= أنا كمان ضربت زين
_ ضربته ازاي يحبيبي بالظبط احب اسمع تفاصيل ؟
= احمد ، طلقني
تمت