رواية كانها لوزة الفصل الرابع4بقلم اسراء حسن
ـ بحسك مراتي يا خالد!! ايه اقعد ساكت وروح على شغلك
ـ حاضر يا حضره الظابط..ادهم
ـ روح على شغلك يا خالد وحِل عن دماغي
ـ المزة عامله اي!!
ـ ولا اتلم دي هتبقي مراتي
ـ خلاص خلاص...تزعلش..الآنسه لوزة عامله اي...تصدق اسمها غريب
ـ اصلا.........
ـ ادهم ....فى بلاغ فى بلاغ فى قضيه..حادثه ......ادهم يا مراري
كان صاحبي ...ايمن ظابط معايا برده ..كان داخل ينهج ومش عارف ياخد نَفَسه
ـ ايمن..اهدي..ادخل اقعد وخد نَفَسك وقول فى اي
دخل وقعد وشرب شويه مياه واتكلم
ـ جه بلاغ أن فى عربيه خبطت واحده وهي ماشيه فى الشارع وهي دلوقتى فى المستشفى ومحدش عارف حالتها ايه!!
حسيته عايز يقول حاجه تاني ..بصيت ليه
ـ ها!!!؟
ـ العربيه مشت ومحدش عارف هي بتاعت مين والبنت دي اسمها.....اسمها أريج عاطف عبدالهادي
ـ نعم!!!!؟
قولتها وانا بقوم من مكاني ومش عارف اي اللى بسمعه ده
ـ حصل امتي الكلام ده!
ـ من ساعه....الدكتور اتصل وبلغنا عن الحاله دي وجيت قلت ليك عشان أنا عارف أريج بالنسبه ليك اي!!؟
ـ ادهم....لما تروح..روح على اساس انك الظابط ادهم مش ادهم اللى عرفينه
قالها خالد وهو ماسك كتفي
ـ وهو ده اللى هيحصل...ورايا
لميت حاجاتي ومشيت أنا وخالد وأيمن...مكنتش بفكر فى حاجه غير حاله لوزة دلوقتى...بعد دقائق كنت قدام المستشفى واللى عرفت عنوانها عن طريق البلاغ....
وصلت المستشفى..وقفت قدام ممرضه كانت ماشيه فى الممر...
ـ فين الأوضة اللى فيها أريج عاطف عبدالهادي
ـ اوضة رقم تسعه الدور التالت..بس حضرتك فى حاجه
مشيت من قبل ما تكمل كلامها..وصلت ..وقفت قدام الاوضة اخدت نفس طويل وبصيت ورايا لقيت خالد وأيمن ودخلت الاوضة
لقيت امها قاعده قدامها وأبوها قاعد على الكنبه اللى ورا وأخوها قاعد جمبه واتنين الظاهر انهم صحابها أو اخواتها...شافوني..جه ابوها وقف قدامي
ـ أنا الظابط ادهم..جاي عشان احقق فى الحادثه
ـ هو انت ظابط!!؟
ـ آه والله يا والدي تحب تشوف الكارنيه بتاعي
قام اخوها و وقف قدامي...
ـ لوش انك ظابط كنت هتصرف معاك تصرف تاني....تخلص شغلك وتمشي خالص يا ادهم
ـ أنا مش فاهم...قصدك اي!!
ـ هيثم!!! خلصنا...ادخل يا ادهم باشا
دخلت فعلاً وقعدت قدامها..كنت عايز امسك ايديها بس الوقت الحالى مش سامح خالص أن اتكلم بره الشغل
ـ حد عارف هي ازاى اتخبطت بالعربيه
ـ أنا!!
ـ ورقه يا ايمن....اسمك..
ـ حسناء كرم احمد...كانت جايه ليا عشان نخرج سوا أنا وهى ونور
ـ مين نور!!؟؟
ـ دي.....صحبتنا برده!! كانت لوزة...قصدي أريج بتتكلم معايا فى الفون ومره واحده سمعت صراخ وخبطه جامده..نزلت الشارع اشوفها لقيت العربيه خبطتها ومشت كلمت امها عشان اقول ليها اللى حصل وبعد كده جينا المستشفى
ـ عرفتي تشوفي رقم العربيه!؟
ـ لأ للأسف...
ـ الدكتور قال هتفوق امتي!!!؟
ـ وده يهم الشرطه فى حاجه!!؟؟
كان سؤال من هيثم....سكت شويه وبعد كده رديت عليه ب كل هدوء
ـ جدآ ..هيهم الشرطه جدآ ممكن تكون الآنسة أريج شافت رقم العربيه وبالتالى هنعرف نوصل للى خبطها
ـ والله أنا مكنتش موافقه أصلا انها تنزل من البيت كفايه اللى حصل ليها كمان تعمل حادثه
ـ قدر الله وماشاء فعل يا امي...قولى الحمدلله
ـ الحمدلله...الدكتور بره يا بني..فيك تسأله
ـ تمام.....أنا خارج..يلا يا خالد وأيمن
خرجنا....كان خالد وأيمن بيتكلموا مع بعض وانا ماشي وعايز اشوف الدكتور فين
ـ ها يا ادهم...اى رأيك!!؟
ـ رأي فى ايه!!!؟
ـ اصلا!!؟
ـ انجز يا ايمن...انتوا بتقولوا ايه!!؟
ـ هم ليه كانوا بيتكلموا معاك بالطريقه دى!!!؟
رفعت كتفي لِـ فوق
ـ معرفش....ولكن تقريبا هو عمل حاجه
ـ هو مين!!؟؟
ـ اي!! أنا قولت هو!!؟ بس بس متهيألك
ـ ادهم...الدكتور اهو غور اسأله وريح دماغي
اتجهنا للدكتور وبدأت اتكلم
ـ دكتور.....أريج عاطف اى حالتها دلوقتى
ـ أريج!!!؟ اللى جت ب حادثه عربيه ؟
ضميت ايدي وانا مانع نفسي اني اقلب عليه دلوقتى
ـ آه..هي....اى حالتها دلوقتى
ـ الحمدلله...حصل بس كسر فى ايد وده بسبب الخبطه الجامده وهتقعد بالجبس 15 يوم
ـ 15 يوم!!!!؟ طب هتفوق امتي
ـ يعنى.....شويه وقت وهتلاقيها فاقت
ـ تمام!! عن اذنك يا دكتور
مشينا وانا فى غايه الانبساط...قعدنا فى جنينة المستشفى عشان لما تفوق نروح ناخد منها شويه اسئله على إجابات ونص كيلو كفته ...احممم نرجع ل موضوعنا
ـ الساعه كام...!؟
ـ 11,5
ـ طب يلا بينا ....تلاقيها فاقت عشان ناخد ام الاسئله دي ونرجع بقي الشغل
ـ ولا عشان تشوفها..
ـ خالد ...بلاش الكلام ده انت عارف انها طارت من دماغي
ـ ما أنا عشان عارف كدا كويس بقول كدا ..ولا ايه يا ايمن
ـ ها!!!؟ بتقولوا حاجه!!؟
ـ شوف يا عم...يلا بينا واحنا ساكتين
وفعلاً دخلنا الاوضة وانا مش مستعد خالص اني اشوفها من ده كله....دخلت وقعدت قدامها وطبعا تحت أنظار ابوها وأخوها وهمسات صحبتها..كانت بصه الناحيه التانيه..ب اتجاه ابوها
ـ احمممم..ازيك يا آنسه أريج...أنا الظابط ادهم وجاي عشان استجوب حضرتك فى....كام ...
بدأت تبص عليا وانا لما شوفت عينها معرفتش اكمل باقي كلامي....خالد قرصني من ايدي وانتبهت ليه
ـ احمم..الظابط ادهم جاي عشان يستجوب حضرتك المحضر ده
بدأت تتكلم ب كلمات متقاطعه
ـ مح......محضر ايه!!!؟
ـ انتم قدمتم بلاغ أن فى عربيه خبطتك وجينا نحقق فى الموضوع ده
ـ موضوع ايه!!؟
ـ جماعه..انتم متأكدين أن أنها فاقت
كان خالد بيتكلم معاها وانا مركز فى عيونها..بقالى فتره ماشفوتش عيونها ولا سمعت صوتها
ـ حضرتك دلوقتى كويسه ولا لأ...احنا ممكن نيجي بكره لو انتي مش قادره تتكلمي
حطت أيدها على رأسها وفضلت تقول كلمها "اه" من التعب
ـ خلاص يا جماعه...احنا هنيجي بكره نستكمل التحقيق لغايت ما الآنسه أريج تكون ارتاحت شويه..يلا يا ادهم يلا يا خالد ...نستأذن احنا بقي
اتجهنا ناحية الباب وقبل ما أمشي ندهت على ابو أريج
ـ يا والدى...ممكن كلمه
ـ طبعا.....عايز ايه!!!؟
ـ لما سألت الدكتور قال ليا أن حصل كسر فى ايد وهتقعد بالجبس 15 يوم
ـ ايوه في حاجه!!!؟
ـ هيثم!!...ما خلاص بقي انت مصمم تعمل اللى فى دماغك
ـ اقدر افهم فى ايه؛!!؟ من ساعه ما جيت وانا شايف منه معالمه مش لطيفه نهائيًا
ـ اقدر افهم أنا انت ايه اللي جابك...يعنى مفيش غيرك فى الشرطه المصريه عشان يجي يحقق فى حادثه اختي....طب والجته اللى وراك دي...زينه مثلا!!؟؟
ـ لأ ظباط يا خفيف...واتكلم عدل بدل ما اقلبك محشي بالكفته وانت واقف
ـ وعلى ايه!!؟ احنا سحبنا البلاغ بتاعتنا ومش عايزين نعرف مين خبط اختي..تقدروا تتكلوا على الله
ـ هيثم معاه حق يا ادهم باشا.....احنا خلاص سحبنا البلاغ ومش عايزين نكمل فى القضيه دي
ـ يعنى اي مثلا!!!؟ هو لعب عيال
مسك ايدي ايمن وخالد وهمس ليا ايمن
ـ هم حريين يا عم احنا مالنا....يسحبوا البلاغ يزفتوا البلاغ احنا مالنا يلا نمشي بقي
ـ يلا يا ادهم والعصبيه دي طلعها علينا احنا مش عليهم
اخدت نفس وانا باصص على هيثم
ـ عن اذنكم
ومشينا احنا الكل..كنت ساكت تماما واحنا ماشيين لغايت ما ركبنا العربيه...كنت أنا اللى بسوق وهم برده ساكتين...وقفت فى مكان ما مش عارف ايه هو وبدأت اضرب الدركسيون
فضلت اضربه جامد لغايت ما حسيت ان اعصاب ايد مش حاسس بيها......كنت بحاول انظم نَفَسي واتكلمت وانا بمدنع دموعي أنها تنزل
ـ هو السبب...هو اللى عمل كل حاجه.....بعد كل ده اخيرا شوفتها وفى الاخر ببساطه سحبوا البلاغ ومش عايزين حد يحقق فى الموضوع...ازاى!!!؟
كنت جمبها....كانت ....كانت عينيها فى عيني بصتلي وانا سمعت صوتها اه والله سمعت صوتها...كنت هستغل 15 يوم واجي عندها كل يوم بس اخوها بوظ كل حاجه. .تؤ ...مش اخوها هو السبب وانا هعرف اتصرف معاه
ـ خلصت!!!!؟
ـ انت عايز ايه يا خالد انت التاني
ـ محدش عارفك قدي ومحدش عارف اللى خلصك زيّ ولا حتي ايمن... بس كل ده طبيعي يحصل فيها ايه لما الناس سحبت البلاغ...فيها ايه!!؟
ـ فيها ايه!!؟؟ فيها أن دي كانت الطريقه الوحيده عشان اعرف اشوفها تاني بس..بس....هو السبب
ـ هو مين!!؟ بطّل تقول كلمه هو!!!؟ محدش السبب فى حاجه...كله كان بسببك متجيش فى الاخر ترمي الحِمل على حد مش موجود
ـ لأ موجود... والله العظيم موجود.....والدليل أنهم شافوا عشان كده اتعاملوا معايا كدا
ـ تمام!!!؟ مدام هو موجود..تقدر تقول مين هو!!!؟
ـ لو قلت كل حاجه هتبوظ
ـ يادي النيله...يابني ارحم امي العيانه واتحرك عشان أنا مش قادر اتكلم معاك اصلا
ـ طب ممكن اتكلم ولا لأ
ـ لأ
ـ تمام....هم ليه كانوا بيتكلموا معاك بالطريقه دي جوه!؟
ـ أصله كان بياكل اكل بنتهم فى الحضانه...اتحرك يا ادهم أنا هيجيلي شلل خماسي منكم !
اتحركت العربيه ورجعت الشغل أنا وخالد وأيمن....عدي اليوم ورجعت البيت قابلت فى وشي سوكه الجعانه "اختي"
ـ ااااعععع.....ادهم وحشتني ياض
زقتها ب ايدي بعيد عني
ـ بتتتتت!!!؟ اوعي كدا عايز انام
ـ تنام المغرب!!!؟
ـ آه...وانتِ مالك اصلا
ـ طيب تمام تمام...اتفضل
دخلت اوضتي وقعدت افكر فى أحداث اليوم اللى مش قادر استوعبها اصلا....لقيت الباب بيخبط
ـ ممكن ادخل!
ـ لأ
ـ تمام
دخلت سوكه الجعانه وقعدت جمبي وادتني تلفونها
ـ تيجي نعمل ده!!؟
ـ بطّلي عبط يا سوكه الجعانه
ـ يلا يلا....اكيد انت عارف التريند ده
ـ لأ مش عارف حاجه
ـ اسمي....
ـ سوكه...ابعدي عني الوسيط دلوقتى
ـ اسمي ....من
ـ......
مسكت ايدي وفضلت تحرك فيها وقامت وقفت قدامي وفضلت تتنطنط
ـ اسمي من اسمك يا اسما
ـ مش هقول
ـ عشان خاطري
ـ مش بس صديقتي اقسم بالله
ـ ولولولولييييييييييي
ضحكت عليها وعلى طريقتها اللى خلتني اغير مودى فى اقل من دقيقه
ـ خدي بقي اقعدي عايز اعرفك حاجه مهمه ب خصوص التريند ده
ـ قول يا معلم
ـ احنا مسلمين...وطبعا لما نكتب اسم "الله" لازم نتكبه صح
ـ اومال هيكتب ازاى يعنى
ـ يعنى هاتي ورقه وهفهمك يا سوكه الجعانه
جابت ورقه وحطتها قدامي وانا بدأت اشرح ليها
ـ يعنى مثلا...فى بداية التريند ده كانوا بيتكبوا الجمله كده""مشبس صديقتيقسمابالله"""""
شوفتي بقي اسم "الله" ازاى اكتب مزنوق فى باقي الحروف ولكن بعض الشيوخ علقوا على الحته دي وقالوا.....
لازم نكتب اسم "الله" صح حتي لو تريند وهيعدي وأصبحت الجمله " مش بس صديقتي اقسم بالله "...فهمتي!!؟
ـ الله ينور عليك...ايه الحلاوه دي ايه الحلاوة دي
ـ تشكرات تشكرات....يلا قومي يا سوكه عايز ارتاح
ـ على فكره انت بقيت تقول ليا سوكه كتير لغايت ما هنسي اسمي الاصلي
ـ اللى هو" ندى " لأ لأ سوكه احلى
ـ اللهم اعني على عدم قتل عبادك
ـ آمين يا روحي... يلا الباب فى ايدك
خرجت وانا فردت نفسي على السرير مكنتش بفكر فى حاجه وعلى ما أظن نمت
›››››››››››››››››››››››››››››››››››››
ـ بتحبيه!!؟
ـ لأ
ـ والله!!!؟
ـ آه والله
ـ على امك!!؟
ـ لأ على خالتي ....هو فى ايه
ـ فى محشي يا حبيبتي....
ـ بثي يا انشراح....لما حبيت مثطفي جيت قولت ليكي وبعد كده قولت ل بابا ودلوقتي بقولك على حكايه الواد اللي انا مش عارفاه ده...ف أنا بحكي عادي
ـ امممممم... كملي كملي
ـ بعدين مثطفى علّم. على قلبي وانا محتاجه وقت عشان اعرف الم الجرح ده بعدين ده واحد شوفته تلات مرات هحبه فين وامتي وازاى
ـ امممممم كملي كملي
ـ والسؤال هنا.....هم ليه بابا وهيثم كانوا بتعاملوا مع الواد الظابط كده
ـ الواد الظابط!!!؟
ـ آه والله.....حاجه غريبه...اااعععععع نسيت اتثل بالمستر ايهاب
ـ ليه!!؟
ـ عشان أقوله هاخد 15 يوم اجازه بسبب الجبس ده
ـ دونت ورى يا لوزة ..لقد تصرفت
ـ استر يا رب
ـ حسناء اتصلت بيه وقالت ليه انك هتاخدي اجازه
ـ وهو وافق
ـ أنا سمعت أسمي هنا لمؤخذه يعنى
بصيت على حسناء وهي داخله علينا ولا كأنها قفشت حراميه
ـ لو جبنا سيرة عشره كانت ارحم من البت دي..أنا خارجه هشوف ابوكي راح فين
خرجت امي وحسناء قعدت قدامي
ـ فين نور!!!؟
ـ رجعت البيت
ـ ليه!!؟
ـ معرفش...قالت إنها لازم تمشي دلوقتى ومشت
ـ ماشي
ـ أنا عملت حركه تحفه
ابتسمت عليها عشان عارفه انها مصيبه
ـ استر يا سَتِير
ـ لما اتصلت بالمستر ايهاب عشان اجازتك اخدت أنا كمان اجازه
كانت بصه ليها ب فخر وانا انفجرت ضحكت على منظرها
ـ انتي فخوره ب كده
ـ جدآ...
ـ ربنا يشفي
ـ إيانا وإياكي يا قلبي
•••••••••••••••••••••••••••••
كانت اماني" أم لوزة" ماشيه عشان تشوف هيثم راح فين..بس سمعت صوت زعيق وهي عارفه الصوت ده بتاع مين
ـ انت ليه مش عايز تسمع الكلام
ـ بسبب الكلب ده كانت سمعة اختي هتروح فى الارض
ـ وانت مالك هو انت ابوها ولا أنا
ـ بابا.....
أنا فاهم كل كلمه انتي قولتها ليا وفاكرها كويس اوي بس...بس...استحاله اشوفه واقف قدام لوزة واسكت
ـ أنا مكنتش عايز اكسفم قدامه وسمعت ملازم وسحبت البلاغ مع اني مكنتش عايز ده يحصل بس عشان اكبرك
ـ بابا ..انت مش فاهم ايه إلى بيحصل
ـ ده أنا اللى مش فاهمه حاجه....وعايزه افهم كل حاجه دلوقتى
ـ ماما!
ـ نن عين امك....فهموني يلا وبراحه
ـــــــــــــــــــــــــــــــــــــــــــــــــــــــــــــــ
كنت قاعده أنا وحسناء حاولنا نرن على نور ومكنتش بترد
ـ طب بصي بقي...أنا همشي عشان اشوف نور مالها وراجعه تاني
ـ ماشي يا حسناء
مشيت حسناء وماما وبابا وهيثم دخلوا الاوضة
ـ انتوا مره تختفوا ومره تظهروا مره واحده
هيثم قعد جمبي وبابا وماما قعدوا على الكنبه اللى ورا
ـ عامله اي دلوقتى يا لوزة
ـ الحمدلله
ـ الدكتور قال انك هتقتدري تمشي من المستشفى النهارده
ـ كويس
سكت وتلفون بابا رن كان عمي...بابا رد عليه وامي كذلك كانت بتكلم خالتي
ـ ولا يا هيثم
ـ خيرٌ
ـ ممكن سؤال
ـ لأ
ـ تمام....انت ليه كنت بتتكلم مع ولا الظابط بطريقه مش حلوه
ـ يهمك فى حاجه!؟
ـ آه
ـ يهمك فى اي!؟
ـ اني عايزه اعرف
قرّب الكرسى مني
ـ هقولك!......