رواية بريئه في حضن الشيطان الفصل السادس6بقلم اميرة خالد
اما في لندن نزلت رحمه من اوض التاج ولقيت كريستينا ونوح وانور قاعدين على السفره
وراحت قعدت جنبهم وقال لها انور يعني لازم تاج تتعب عشان نشوفك
ردت عليه ما انا كنت هاجي الاسبوع اللي جاي عشان اشوفها واطمن على الشركه كمان
رد نوح يعني كده يا ماما رحمه هنخرج واروح ديزلي لاند اللي انتي وعدتينا بيها
ردت رحمه اكيد يا نوح بس تاج تخف هنروح كل حته وده وعد مني فرح نوح
وفضلت رحمه وانور يتكلموا في الشغل وهم بيتغدوا
اما في القاهره وصل ماجد الفيلا
وقال لحسن روح ولما اعوزك هتصل عليك
رد حسن حاضر يا بيه ودخل ماجد الفيلا وفتحت للخدامه وسالها على باباها ومامته
وقالت له مش موجودين اللي موجود بس نور الدين باشا
قال لها طيب وطلع على الجناح بتاعه دخل الحمام ياخد الشاور بتاعه
اما عند مشيره فكانت بتلبس هدومها وبتقول هنتقابل تاني
رد عليها ما تطوليش عشان انتي بتوحشيني ابتسمت مشيره وبسيته من خده
وقالت له انت اللي مصبرني على الحياه انت وماجد
ابتسم وقال لها انا عارف يا حبيبتي
قالت له طيب سلام واخذت مفاتيحها وخرجت ركبت العربيه
اما في القناه الفضائيه كان قاعد سليمان ودخلت عليه السكرتيره وهي بتقول سليمان بيه عايزه اتكلم مع حضرتك في موضوع
رد عليها في ايه يا منى
قالت له حضرتك عارف اني هتجوز بعد اسبوعين وحاولت مع خطيبي ان اكمل الشغل هنا بعد الجواز بس هو رفضت وقال لي ان احنا هنسافر عشان شغله وبطلب من حضرتك نشوف سكرتيره تانيه تمسك مكاني واقعد معاها لاخر الاسبوع واعرفها الشغل ماشي ازاي واسلمها كل حاجه
رد سليمان تمام يا منى اتفضلي انتي واتصلي عليهم وقولي لهم يجيبوا لي سكرتيره ثانيه
قالت له حاضر يا فندم وخرجت وبص سليمان في الساعه وقام اخذ تلفونه والمفاتيح وخرج
اما حسن فوصل الحاره ومعاه الفاكهه وقابل اماني واقفه مع صاحبتها وواحد معدي من جنبهم واعكسهم واماني ردت والواد وقف يرد عليها ببجاحه
واقرب حسن وهو بيقول بتعملي ايه يا بنت هنا
ردت عليه ما فيش حاجه يا ابيه صاحبتي كانت جايبه لي الورق بتاع الدرس
رد حسن بعصبيه طب اطلعي على فوق خدي الحاجه دي معاكي خافت اماني واخذت الحاجه وطلعت تجري
ولف حسن للشاب وقال له في حاجه يا كابتن
رد الشاب ما فيش واقف في ارض الحكومه انت عندك مشكله
رد حسن وهيبقى عندي مشكله ليه ما تقف براحتك بس ارض الحكومه قالت لك تقف جنب بيتنا وده بيت ملك يعني يعني ملكي انا
رد الشاب بجد ما كنتش اعرف
رد حسن اهو عرفت
رد عليه طب عايزني اعمل لك ايه
رد حسن تمشي من قدامي بدل ما اخليك تمشي على نقاله
رد الشاب ما تعرفش تعملها انت ما تعرفش انا من عيله مين ضحك حسن
وقال له عيله مين بقى بالصلاه على النبي كده
رد الشاب عيله العليمي ولا انت ما تعرفهمش
ضحك حسن وقال له لا ما اعرفهمش
فتح المطوه الشاب وقال له تصدق انك عايز تتربى
ضحك حسن وقال له يعني انت اللي هتربيني
رد الشاب ايوه هربيك واقرب من حسن عشان يضربه حسن ضربه في وشه بوكس والواد وقع من طوله
وحسن ضحك وقال له ده بوكس واحد وعمل فيك كده قول لها كان نفسي اكمل معاك بس هعمل ايه ورايا غداء وسابه
وطلعوا والواد كان مرمي في الارض مغمى عليه والناس قربت منه عشان تفوقه وطلع حسن على فوق واول ما دخل الشقه
قال انتي يا بنت يا اماني تعالي لي هنا خرجت اماني😔 وهي ماسكه في الشريفه
وقال حسن انتي فاكره بكده هي هتحميكي مني تبقي بتحلمي مش 100 مره اقول لك ما تقفيش في الشارع
ردت اماني انا اسفه يا بيه بس هي صاحبتي اللي ما كانتش عايزه تطلع
رد حسن عن ابوها ما طلعت انت ما تنزليش الشارع فاهمه ولا لا
ردت شريفه عملت ايه المنيله ديت فهمني يا ابني
رد حسن ما فيش يا ست الكل المهم عامله غدا ايه
ردت شريفه عامله قرنبيط وسلطه بطاطس محمره
رد حسن طيب يا حاجه هاتي الاكل عشان نتغدى
قالت له ماشي اتصل على عز شوفه وصل فين عشان احط الاكل مره واحده
رد حسن انتي يا زفته كلمي اخوك عقبال ما اخش اغير واجي
ردت اماني حاضر ودخل حسن الاوضه وبدا يغير هدومه
اما اماني مسكه التليفون واتصلت على عز اللي قال لها انه على اول الشارع وجاي قفلت معاه وقامت تساعد شريفه في حط الاكل على السفره
وبعد دقائق خرج حسن وقعد على الترابيزه الاكل وهم قعدوا وصل عز وفتح الباب وهو بيقول يا جماعه استنوني
ضحكه شريفه وقالت تعالى يا حبيبي الاكل كتير انت اتاخرت ليه اختك قالت انك على اول الشارع
رد عز ما فيش يا ماما ده انا جيت من الشارع اللي ورا عشان شكلها هتقوم خناقه كبيره في المنطقه
ردت شريفه ليه يا ابني بتقول كده
رد عليها اصل سمعت ان عيله العليمي حد فيهم اتعلم عليه فهم هيروحوا يقدموه النهارده
وحسن كان سامع وبياكل ولكنه عمل حاجه
ردت شريفه امتى هنخلص من هم ده مش كفايه بيبيعوا مخدرات وكمان بتوع مشاكل
رد عز سيبك منهم بس القرنبيط طعمه جميل قوي يا ماما ضحكه شريفه
وقالت بالهناء والشفاء يا حبيبي وقعدوا ياكلوا
اما في الفيلا وصلت مشيره وسالت الخدامه من اللي في البيت
ردت عليها ماجد بيه لسه جاي من قيمه ساعه
ردت مشيره طب حضري الغداء عقبال ما اطلع اغير هدومي وانزل
ردت الخدامه باحترام حاضر يا هانم وطلعت مشيره الجناح بتاعها وبدات تغير هدومها
والباب اتفتح ودخل سليمان وقال لها هو انتي كنت بره ولا ايه
ردت مشيره ايوه كنت في النادي في حاجه يا سليمان
رد عليها لا ما فيش بطمن عليك وادخل الحمام ياخذ شاور
وخرجت مشيره من الاوضه وراحت على جناح ابنها ودخلت وهي بتقول هتعمل ايه يا ماجد عشان رحمه ترجع لك
رد عليها انا فكرت في الموضوع يا ماما وما لقيتش اي حل انتي عندك حل
ردت مشيره ايه رايك ناجر واحد اتجوزها ليله ويطلقوا وبعد شهور العده ترجعوا لبعض تاني
رد ماجد وتفتكر رحمه هتوافق ردت عليه هتوافق بالذات اللي هتتجوزوا ده هيبقى تحت ايدينا
رد ماجد تمام
وقالت مشيره طب يلا عشان ننزل نتغدى قال لها طيب وخرجوا مع بعض من الجناح وشافوا سليمان خارج من الجناح بتاعه
وقال سليمان ما جيتش النهارده القناه ليه
رد ماجد كنت تعبان شويه
رد سليمان ما هو باين عليك انك تعبان اعمل حسابك بعد كده ان ما فيش غياب عن القناه ولازم كل يوم تكوني هناك قبليه فاهم ولا لا
رد ماجد بعصبيه حاضر كل ما هاجي القناه بس مع انه ما لهوش لازمه ست رحمه هي اللي بتاخد القرارات كلها هناك
رد سليمان طبعا ما هي اللي وقفت القناه على رجليها تاني هي والشركه بعد ما كانوا هيضيعوا بسبب تهورك
رد ماجد يبقى ما تسالنيش انا ما بجيش القناه ليه وسابه ونزل
وقالت مشيره عاجبك اللي حصل ده
رد عليها ايوه عاجبني ابنك فاشل ومش مهتم بالشغل وحابب يصرف الفلوس على الحريم اللي يعرفها
ردت مشيره وايه المشكله ما يصرف اللي هو عايزه
رد سليمان الكلام ملوش لازمه معاكي مدام دي فكرتك وسابها ونزل
ودخل سليمان اوضه المكتب عند نور الدين اللي قاعد بيتفرج على قلبهم الصور بتاعه وبتاع عياله وهو بيبتسم
قال مساء الخير يا بابا
رد عليه مساء النور يا سليمان عامل ايه في الشغل
رد عليه كويس يا بابا وكمان رحمه مخلصه كل حاجه انا يا دوبك بنفذ قراراتها
ابتسم نور الدين وقال له ايه رحمه ديت بتفكرني بابوها الله يرحمه كان زيها كده في الشغل قراراته واحده ودايما بيعمل الصح
رد سليمان الله يرحمه يا بابا يلا عشان نتغدى
رد نور الدين ماشي يا ابني وخرج معاه وراحه على السفره وشافوا مشيره وماجد قاعدين بيتغدوا
وقعد نور الدين وقال ماجد هي رحمه هترجع امتى
رد نور الدين وانت مالك بتسال ليه
رد ماجد ما انا لقيت الحل يا جدو عشان نرجع لبعض
رد نور الدين ويا ترى الحل ده ايه
رد ماجد باستهزاء هنجيب محلل ونده له فلوس ويتجوزها ليله ويطلقها ثاني يوم
اتعصب نور الدين وقال له ايه الكلام اللي انت بتقوله ده انت مصدق نفسك
رد ماجد ايوه يا جدو وايه المشكله ما قدمناش غير الحل ده
ردت مشيره اهدى بس يا باشا ماجد بيتكلم صح احنا نشوف اي واحد ونده له فلوس ونخليه يتجوزها ليله واحده وبكده رحمه ترجع لماجد بسهوله وما فيش حد هيعرف عن الموضوع ده خالص
رد نور الدين انا هسال رحمه الاول ولو وافقت انا هوافق انا كمان بس لو رفضت ما حدش يتكلم معاه في الموضوع ده
رد سليمان لا يا بابا رحمه هترفض وانا عارف بكده وبقول لك اهو انسوا الموضوع ده سكت الكل
واتكلمت مشيره في سليمان اللي انت عاجبك اللي حصل ده وعايز رحمه تبعد عن ماجد وانت عارف ان ماجد بيحبها قد ايه
ضحك بالسخريه وقال لها انا عارف قوي مدى حب ماجد لرحمه
و قام وساب الاكل وراح على الجنينه وطلب قهوه من الخادمه
اما بيت حسن وصلوا الشباب عيله العليمي تحت البيت وكانوا بيزعقوا
رد واحد منهم هو ده بيت الراجل اللي اتخانقت معاه
رد عليه ايوه هو ده بيته بص للشباب وقال لهم اطلعوا هاتوه من قلب بيته طلعوا كم شاب واخبطه على الباب
وقامت اماني عشان تفتح قال لها حسن خد امك وخش جوه
ردت شريفه في ايه يا حسن
قال لها بعدين يا حاجه خشي بس الاوضه ودخلت شريفه واماني وهم خايفين
وفتح حسن الباب ولقى شباب واقفين
وقال لهم في حاجه رد شاب محمود العليمي عايزك تحت
رد حسن طيب انا نازل وراك نزلوا الشباب ونزل وراهم حسن
وقال لهم فيها جدعان رد الولد اللي اتضرب من حسن هو ده يا محمود اللي ضربني
قرب محمود من حسن وقال له ضربته ليه
ابتسم حسن وقال له ضربته عشان قليل الادب واللي يبص لاختي بعين اخزق له الاثنين
رد محمود وده كلامك
رد حسن ايوه كلامي ايه مش عاجبك كلامي عايزني ابقى بقرنين واختي تتعاكس قصادي وهبقى ساكت
رد محمود العليمي شكلك كده ما تعرفش احنا مين ومستبيع
رد حسن مين قال لك كده انا عارف انتم مين وعيله ايه بس في الحق عارفكم انكم بتقفوا وقفه رجاله
رد محمود وحقك عشان تضرب اخويا كده وتبهدله
رد حسن بص يا محمود وفتح تليفونه ووري الكاميرا وسمعه صوت اخوه واللي عمله محمود بص لاخوه اللي خاف من نظرات محمود
اما في لندن كانت قاعده رحمه وفجاه نزلت تاج من فوق بتجري
وهي بتقول وحشتني قوي يا مامي
ردت رحمه بالراحه يا حبيبتي انتي لسه تعبانه
و ردت عليها ما انتي وحشتيني قوي وبقى لك ثلاث شهور ما جيتيش هو انا مش هعيش معاكي تاني يا ماما
ردت رحمه لا يا قلبي هتعيشي معايا بس نصبر شويه
ردت تاج بطفوله موافقه بس بشرط 🥺
ابتسمت رحمه وقالت لها ايه هو الشرط 🤔
ردت عليها تاخديني انا ونوح الملاهي ونتفسح ونلعب مع بعض وما فيش شغل خالص
ردت رحمه حاضر يا ستي بس الاول تخفي وانا هعمل لك اللي انتي عايزاه كله
رد التاج بس انا كويسه ردت رحمه عشان خاطري نرتاح النهارده وانا هعمل لك كل اللي انتي عايزاه بكره
قالت لها حاضر يا مامي
اما في القاهره عند حسن بعد ما محمود شاف الفيديو
قال لحسن برده ما كنتش ضربته وكنت اتكلمت مع الكبير بتاعه
رد حماده انت بتقول ايه يا محمود انت بدل ما تجيب لي حقي
بص له لمحمود جامد وسكت حماده
وقال حسن حقك بس هو قل ادبه وانا ما قدرتش اسكت
رد محمود خلاص حصل خير
رد حسن طب يلا اطلع معايا اشرب شاي
رد محمود تسلم و بصي للرجاله وقال لهم يلا بينا ومشوا
اما حسن طلع فوق وتليفونه رن باسم ماجد
و رد ايوه يا بيه محتاجني
رد ماجد اه يا حسن عايزك تشوف لي كم واحد كده يكونوا غلابه وما لهمش في العوق
رد حسن ليه يا باشا
رد ماجد بعدين ابقى اقول لك واقفل معاه
وحسن استغرب ويطلع ام اول ما شافته
قالت له يا ابني هو انت ما لقيتش غير العيله دي وتتخانق معاهم دولت عوق وبتوع اقسام واحنا مش وش ذلك
رد عليها انا عايزاه يقل ادبه على اختي وانا اسكت ايه اللي انتي بتقوليه ده ياما
ردت عليه ما انا مش هستحمل يحصل لك حاجه زي زمان فاهم ولا لا يا حسن
سكت حسن ودخل الاوضه
وقال عز ليه كده ياما فكرتي باللي حصل
ردت عليه كان لازم يا ابني مش كفايه انه لسه في حضنهم بعد اللي هم عملوا فيه
رد عز طب ياما الكلام ما يبقاش كده وخش راضي بكلمتين
ردت عليه بعدين يا عز
وقالت اماني سيبك يا عم هي امك كده دايما بتحب تعمل من الحبه قبه
ردت عليها ما هو كله بسببك يا جلابه المصايب انتي ما قلت لك خليها تطلع لك بس ازاي لازم تقفي قدام البيت
ردت اماني اهي سابت الحمار وبتتشطر على البردعه زي كل ام مصريه اصيله ضربتها بالخرطوم
وقالت لها عشان كده هربي البردعه كويس عشان ما تعرفش ترد تاني
وجريت اماني على الاوضه بعد ما اتضربت على التوته كذا مره بالخرطوم