رواية الزواج قسمه ونصيب الفصل السادس6بقلم نور ربيع
في شقه ياسين
وعد كانت قاعده قدام مرايه التسريحه تحط ميك اب خفيف جدا ومنتظره ياسين
وعد بحزن لنفسها: يمكن ياسين اهماله فيا يمكن حاجه مزعلاه مني يمكن انا زعلته في حاجه من غير ما اخد بالي يمكن انا بعدت من غير ما اخد بالي فانا لازم ارجع وعد القديمه حبيبته عشان خاطر يرجع ليا هو كمان ربنا يرزقنا بالعيل اللي احنا بنتمنى من زمان يا رب يارب يارب يمكن هو متضايق بسبب ان لحد دلوقتي ما حصلش حمل
اننهدت وقامت بعد ما خلصت الميك اب وراحت قعدت على السرير ومسكت التليفون
جرس شقتها رن قامت فتحت وكان ياسين
وعد بابتسامة: مساء فل يا حبيبي _ وقربت منه عشان تدخل في حضنه راح ياسين بعدها بايده عنه
وعد اتصدمت من رد فعله
وراح سابها ودخل الغرفه
وعد بصدمه وقهره: يا ياسين اي ده ياسين ليه اتغيرت كده يا ياسين
وقفلت الباب الشقه وراحت دخلت ورا الغرفه
وعد بحزن منه: ياسين مالك يا ياسين
ياسين قاعد علي سرير: مخنوق ممكن تسيبيني
وعد: لا مش سيباك انا مراتك شريكه حياتك قالي مالك فيك ايه احكيلي
ياسين ___
وعد: ياسين رد عليا
ياسين ___
قام من على السرير من غير ما يرد عليها وبقى يغير في هدومه
وده حارق دم وعد جدا لانها من نوعيه اللي بتتعصب بسرعه وخلقها بيدق عليها من اللي حواليها
وعد بعصبيه وصوت عالي: يا ياسين مالك يا ياسين بقولك انت بتعمل كده ليه معايا قولي
كملت بعياط وغيره ولا بتفكر في حد تاني غيري قول لو بتفكر في حد قولي لو ما بقتش عايزني قول لو بسبب انها الخلفه بتاعتنا اتاخرت ده مش بايدينا حاجه دي بايد ربنا ربنا لسه ما اذنش انا مش بايدي حاجه انت بقالك .شهور علي الحاله دي اللي انت فيها قالي عايزني اعمل ايه وانا هعمله قولي بس بلاش التجاهل ده فيا لانه بيقتلني من جوايا
ياسين بصلها بغضب شديد: ما بقتش عايزك يا وعد
وعد بصدمه منه وبكت: والله.؟؟ ما بقتش عايزني على اخر الزمن طيب ليه؟ ليه؟؟
ياسين بغضب وحزن جواه: ما عادش قادر ما عادش قادر نهائيا انا عايز عيل يا وعد وانتي للاسف زي ما قولتلك وهقولك انتي ما فيش منك فايده ابدا وجودك زيه زي عدم وجودك
وعد بزعيق وغضب فيه: انت انسان ما تستاهلش خساره فيك العشره خساره فيك الايام اللي انا عشتها معاك انت انسان اناني انت عايز توصل لايه بالظبط يا ياسين
ياسين: انا ا .....
وعد بصدمه: ايهههه
ــــــــــــــــــــــــــــــــــــــــــــــــــــــــــ
ايشان كان ماشي بالعربية بتاعته
ورايح على البيت لاقي مكالمه وكانت ورده
ايشان: احم الو
ورده بابتسامة: عامل ايه
ايشان: بخير الحمدلله
ورده: ربنا يجعلك بخير دايما يارب
بتعمل ايه كده
ايشان: ماشي مروح البيت جاي من عند خديجه
ورده بغيره وحزن: اه ماشي بسلامه
ايشان: الله يسلمك كنتي عايزة حاجه
ورده: كنت عاوزه اتكلم معاك بس
ايشان: انا طالع بكره بالطياره ان شاء الله علي الساعه 9:00 يعني كده قايم على الساعه 6:00 ودلوقتي الساعه 12:45
ورده بحزن: يعني مش عاوز تتكلم معايا؟؟
ايشان اتنهد: لا اكلمك لحد ما اوصل البيت اتكلمي
ورده بكسوف جواها: انا ممكن اطلب منك طلب
ايشان: اطلبي
ورده بكسوف من نفسها: كنت محتاجه فلوس
ايشان: عايزة كام؟
ورده فرحت انه هيديها: اللي تجيبه اصل انا عايزه اسد الايجار وانا مش معايا واختي وعد هي اللي بتصرف عليا مش قادره اقولها هاتي الشهر ده لاني عاوزه كتير
ايشان: انتي متخرجه من كليه حلوه انتي ليه ما اشتغلتيش وتوظفتي في وظيفه حلوه يا ورده طالما محتاجه مصاريف اختك هي اللي بتصرف عليكي
ورده بحزن شديد جواها: مش هينفع اشتغل
ايشان باستغراب: ليه؟
ورده: كده
ايشان بفضول: اي سبب يعني؟؟
ورده بخنقه: كده وخلاص
ايشان بتفاهم: مش عايزه تقولي خلاص ما تقوليش
ورده: اه افهمني انا مش حابه احكي حاجه
ايشان: تمام براحتك ما قلتيش برضو انتي عايزه كام عشان احولك
ورده بكسوف: ا ا ل ا لو طلبت 1000
ايشان بدهشه: ايه هتعملي بيه ايه كل ده
ورده: لايجار الشقه ست صاحبه الشقه هتاخد مني 800 والباقي عايز ايه__ بوعد: والله العظيم اول هيبقى معايا ويمكن كمان هحاول انزل اشتغل هرد ليك الفلوس دي وهديها ليك وده وعد مني
ايشان ابتسم بسيط: تردي ايه يا بنتي وتجيبي ايه وتعملي ايه ابعتلك 2000 جنيه هحولهم على الرقم بتاعك شوفي الالف جنيه هتعملي بيها ايه والالف الثانيه خليها معاكي تعوزي تجيبي حاجه
ورده فرحت جدا من ايشان
ورده بابتسامة: شكرا يا ايشان بجد
ايشان بابتسامة: ما تشكرنيش بس عايز منك تنس ____
ورده بصدمه ودموع: انت بتقول ايه؟
ــــــــــــــــــــــــــــــــــــــــــــــــــــــــــ
يوسف هو ايضا كان جاي من بيت عمته لانه كان رايح زياره رزان خطيبته وهو ماشي على بيته
جاتله رساله في الوقت ده رساله وتساب وجاتله مكالمه وكانت رزان
يوسف بص على التليفون وابتسم: انا لحقت اوحشك ده انا لسه ماشي من عندكم يا رزان
وفتح: الو ايوه يا رزان في حاجه ولا ايه
رزان: يوسف انت بتحبني ولا لا
يوسف ضحك بسخريه: ده سؤال يا بنتي ده اكيد طبعا
رزان: يبقى توافق على طلبي
يوسف بضيق شديد جواه منها: وطلبك .ايه ان شاء الله اطلبي يا رزان هانم اطلبي
رزان: بس لو ما فقتش القرار في ايدي المره دي
يوسف بعصبيه: القرار في ايدك طبعا اللي انتي عايزاه هيكون بس المره دي مش همسك في حد يا بنت عمتي لو قالوالي ايه كده
رزان ضحكت: لا لا طبعا وانا ما اقدرش على اننا نسيب بعض ان شاء الله هتوافق على طلبي ده انا هبقى مراتك حبيبتك طبعا انا هقولك طلبي وهتوافق اشطا
يوسف بنرفاز وعدم صبر: اشطا
رزان: يوسف انت فتحت رساله الوتساب
يوسف: لسه انتي مدياني فرصه اشوفها ولا اتكلم يا بنتي
رزان بضحكه: خلاص
شوف وانت معايا على المكالمه بس المره دي هتوافق
فتح الوتساب وشاف الرساله وكانت صوره واندهاش من الصوره اللي هي بعتاها وغضب جدا منها
وخبط ايده مرتين في العربيه من قدام وهو بيسوق فيها
يوسف بغضب معمي: اي ده يا رزان تاني يا رزان
رزان: وافق يا يوسف انا مش فاهمه يعني في ايه يعني الفستان ده
يوسف بعدم طاقه: ولو ما وافقتش؟!
رزان بعند فيه: مش عايزه الجوازه دي ومش عايزاك من اساسا
يوسف بحزن شديد: اللي انتي عايزاه يا بنت عمتي وانا مش هحاول معاكي المره دي حتي لو اي
رزان حزنت جواها منه: يوسف كل…
واتصدم يوسف من رد فعلها المره دي بالفعل وما كانش متوقع منها كده نهائي بعد الحب ده كل اللي هو حبه ليها
ــــــــــــــــــــــــــــــــــــــــــــــــــــــــــ
وفي بدايه يوم جديد
في الصباح
في شقه رحيم
قام رحيم من على السرير ببص شمال ويمين في الغرفه ملقاش ريتال ..
خرج من اوضته وطلع على الصالون كان بيبص شمال ويمين فيها ملقيهاش ايضا
رحيم بغضه عليها: ريتال!!! رحتي فين؟
_ دور في كل الشقه وما كانش لاقيها وكان بينادي باسمها ما كانتش بترد نهائي
رحيم بصوت عالي: ريتاااال ريتاااال
اخر حاجه راح على الحمام يدور عليها فيه
رحيم: يا ريتال __ خبط مره واثنين وما كانش في رد راح فتح الباب
واتصدم صدمه كبيره من منظر ريتال ..
رحيم بصدمه: ريتااااال!!!
وكانت صدمه ...