رواية مأمورية خارج السيطرة الفصل السابع7بقلم ياسمين رمضان
البنات صرخو جامد ونزلوا لتحت وبيخبوو نفسهم في بعض... والعربية بتيجي يمين وشمال عمر بسرعة عرف يسيطر وبص علي ليندا عيونو اتسعت بشدة و اتفاجئ من ال شافه...
ليندا اترعبت من نظراتو ليها وبتشوف ناحية الشباك اتفاجئت الشخص ال سايق العربية بجانبها موجه المسد*س ناحيتها لسه هتصرخ انفجر الزجاج من قوة الرصا*صة لكن عمر حمي وشها بايده تحت صراخها والرصا*صة عبرت من الشباك التاني وكسرتو ...
عمر بصوت عالي/ انزلي تحت يا لينداااااا..
ليندا نزلت لتحت وهي بتترعش من الخوف ، عمر شاف ارتعشها والخوف ماليها اتحولت نظراتو لجحيم طلع سلا*حو بايد والأيد التانية ماسكة الدركسيون وبسرعة فائقة أطلق رصا*صة علي كاوتش العربية الي جانبو وفرقع والعربية اتقلبت بيهم و والعربية التانية بجانب ليندا خبطها بقوة محكمة راحوا دخلو في عمود النور والعربية انفجرت بيهم..
زود عمر السرعة و ابتسم بهدوء وانتصار وقال...
_ ارجعوا مكانكم زي الاول...
البنات قعدو مكانهم تاني وبصو ملقوش اي حد كأنهم اختفوا.. ،ليندا فتحت عينيها ببطء وبتقعد مكانها وبتشوف مفيش عربيات بتحاوطهم وبصتلو بذهول وهي شايفة علي عيونوو الهدوء الغير طبيعي قالت...
_ هما اختفوا فين مش كانو بيحوطونا واي صوت الانفجار دا ومين دول بيجرو ورانا ليه؟...
عمر بصلها بهدوء وقال..
_ متشغليش بالك خلاص مفيش حاجة.
ليندا بصتلو باستغراب تفسير وسكتت.
سلمي بابنهار قالت..
_ انت ازاي عملت كدا يا عمر بيه دا انت خلصت عليهم في ثواني....
روان بسعادة/ اخيراااا شوفت الاكشن علي الحقيقة..
ليندا بصتلهم هي وداليا بنفاذ صبر...
عمر قال باستهزاء وهو مركز علي الطريق ...
_ واضح أن التركيبة واحدة...
داليا ضحكت بصوت هادئ و سلمي وروان بصولها بغيظ...
عمر بتحذير/ ياريت الحصل انهاردة ميتقالش ..
وبص لروان في المرايا بالاخص وأكمل بحدة مزيفة ...
_ لان لو عرفت حد فيكو حكي حاجة لي اي حد هيوصلي الموضوع مفهووووم...
روان بخوف من نظراتو قالت..
_ مفهوم..
داليا و سلمي كتمو ضحكاتهم علي تعبيرات وجه روان لان عارفين عمر يقصدها هي بالكلام..
لكن عمر كانت عينو علي ليندا ال باين علي وشها اثار القلق... و ركز تاني في الطريق و وصل داليا و روان وسلمي مكان بيتهم وليندا ودعتهم ومفضلش غير هو وليندا... وكانت ساكتة لحد ما وصلها بيتها وشافها سرحانة مش واخدة بالها أنها وصلت...
عمر بهدوء/ ليندا وصلنا..
ليندا بسرحان/ هااا..
عمر بصلها وقال..
_وصلنا..
ليندا بتركيز / اهااا مخدتش بالي شكرا يا عمر ...
عمر / ليندا استني..
ليندا بصتلو واتفاجئت انو بيقرب منها بتبعد وحط ايدو علي شعرها وهو بيزيح قطعة الزجاج المكسور وبعد عنها بهدوء وقال...
_ تقدري تنزلي.
ليندا فهمت وبصلتو باحراج اخدت نفسها بصعوبة ونزلت وطلعت علي بيتها ...
عمر ابتسم عليها و فضل واقف لحد ما اطمن لما فتحت نور شباك بيتها واتحرك بهدوء ووصل الي الفيلا وعمل مكالمة سريعة وانتهي ودخل الفيلا وطلع علي اوضتو اتفاجئ بي الي شافوو..
--***********--
في المخزن اتكلم بعصبية وقال...
_ انتي غبية ازاي تعملي حاجة زي كدا من غير ما ترجعيلي انتي كدا هتبوظي كل الي بنعملو.
ردت ببرود...
_ لقيتك مش بتعمل حاجة فا حبيبت انا اقوم ب الواجب..
رد بغضب شديد...
_ لو عرف انتي الي ورا الهجوم الي حصل دا مش هيسكت هيهد الدنيا علي دماغنا..
قالت بخوف..
_ طيب هنعمل اي أنا قولت اتصرف ..
بصلها بغضب وقال بتفكير..
_ هنستني لحد ما يبعت لينا نقابلو..
اتبعت ليه رسالة فتحها وشاف المكتوب ( ساعة وتكونو عندي)..
بصلها بقلق وقال...
_ اجهزي هنروحلو..
هزت راسها بخوف واتحركت معاه...
--*********--
عمر اتفاجئ من الي شافو أبوه قاعد علي سريره عليه علامات الغضب..
عمر بهدوء/ ممكن افهم حضرتك بتعمل اي عندي...
ماهر بغضب وهو بيرمي الصور في وشه وقال...
_انت الي تفهمني اي دا يا سيادة المقدم يا محترم...
عمر قبض علي أيده جامد واتمالك اعصابو وشاف الصور في الأرض كانت هو وليندا وهما بيرقصو سوي...
ماهر بصوت عالي/ تقدر تفهمني اي دا ازاي تنزل نفسك للمستوي دا مع واحدة زي دي بتشتغل في محل معقول ابن العقيد ماهر العاصي يكون مع واحدة زي دي متجيش ضفرك حتي...
عمر وهو بيتمالك اعصابو وعروقو برزت وقال ...
_ اولا انت ملكش حق انك تدخل في حياتي ، ثانيا مسمحلكش تغلط فيها ولا تهينها بالشكل دا سواء قدامي أو من ورايا، ثالثا تحترمني وانت بتكلمني لأن انا مسمحش لي اي حد سواء حتي انت انو يكلمني بالاسلوب دا و دلوقتي تقدر تتفضل لاني محتاج انام لان ورايا شغل بكرا ...
ماهر بغضب/ بترد عليا عشان واحدة زي دي و لسة عارفها بقالك كام يوم اومال لو حبيتها هتعمل اي ودا انا لا يمكن اسمح بيه ابدا من النهاردة تقطع علاقتك مع البنت دي ومشوفهاش معاك تاني والا انت عارف يا عمر انا ممكن اعمل اي....
عمر بصلو ببرود و لسة هيمشي من قدامو... مسكو ماهر بقسوة من دراعو ولسة هيضر*بو بالقلم عمر بسرعة مسك ايدو جامد وثبتها وقال وهو بيتحكم في اعصابو...
_ انا... مش الطفل الصغير الي واقف قدامك عشان تضربو ويسكتلك زمان ساااااامع... ،وبعد عنو ...
ماهر بغضب/ بتقف في وش ابوك يا عمر..
عمر بانهيار / انت مش ابويا ولا عمرك كنت ابويا متجيش دلوقتي وتعملي فيها دور الأب الي عمرك ما حسستو ليا في يوم وجي دلوقتي تعملوا ياريتو كمان بطريقة صح لا انت بتخليني اكرهك اكتر من الاول...
ماهر وقف بصصلو بذهول من الي سمعو من عمر مكانش متوقع دا يطلع منو عمر شخص كتوم لأول مرة يطلع عن صمتو ويكون بالشكل دا...
عمر وهو مديلو ضهرو قال...
_ياريت تتفضل لان محتاج ارتاح.
ماهر خرج بحزن شديد وقفل الباب وراه..
نزلت دمعة من عيون عمر لكن بسرعة مسحها ودخل الحمام وبعد لحظات خرج وارتمي علي السرير
و غمض عينه بتعب وهو بيفتكر طفولته المؤلمة لكن بعد لحظات نام بعمق...
--*********--
في اليوم التالي..
في بيت ليندا...
ليندا صحيت من النوم ودخلت الحمام وبعد لحظات خرجت ولبست وبتجهز حاجتها وهي بتفكر في كلام ميار لكن بيقطع تفكيرها كلمات عمر ليها و انقاذو ليها عدة مرات كانت مشتتة بين عمر وانتقامها وفي وسط انشغالها رن تليفونها وكانت ميار ، ليندا فتحت المكالمة...
ميار بمرح/ صباح النور يا مايسترو انهاردة مش هعرف اجي عشان اكون فايقالك بليل..
ليندا بمكر/ متأكدة مش علشان محروجة من داليا..
ميار بغيظ/ ما عشان منتكشفش قولت الي جي في دماغي وخلاص مجاش في بالي أني هقع في ورطة زي دي وكلو لاجلك يا ست ليندا.
ليندا بضحكة/ تعالي بس داليا قلبها طيب وهتسامحك علي طول وكمان كلمة منك هتلطف الجو...
ميار بتنهيدة/ خلاص تمام هاجي ...
ليندا / مستنياكي سلام..
ليندا قفلت معاها ونزلت راحت الشغل ...
--********--
في مكتب المقدم عمر..
النقيب ايمن و جميع الظباط واقفين امامو بانضباط وهو بيتكلم بحزم وهيبه وقال...
_ المأمورية الجاية بعد يومين هتبقى مهمة جدا وعايزة تركيز مش عايز اي غلطة لو غلطة واحدة أو صغيرة هتبقي محسومة لازم نقبض علي راجل الأعمال سالم الرفاعي قبل ما يهرب من الفندق بعد الحفلة لان لو فلت مننا هيقدر يهرب الصناديق الي فيها الآثار وهينقلوها للسفينة و وقتها هنفقد السيطرة أننا نلحقو كلامي مفهوووم ...
الجميع / مفهوم يا فندم
عمر بانشغال في الأوراق الي قدامو قال...
_ تقدرو تشوفو شغلكو... خليك انت يا ايمن...
الكل ادا التحية وبيخرجو...
عمر وهو منشغل قال...
_عملت اي في الي قولتلك عليه..
ايمن /انا عملت تحرياتي للرقم دا يا فندم وكان آخر مكان كان في مخزن قديم في مكان**** ومن بعدها لقيت مفيش اي تتبع...
عمر بذكاء/ حاسب لكل خطوة لان عارف اني ورا ورا لحد ما اجيبو...
ايمن بعدم فهم/ تقصد مين يا فندم ...
عمر بهدوء ودهاء / هو عارف اني متابع القضية بتاعتو وفي اي لحظة هقبض عليه بعد كل جريمة بيعملها ولما حس أني ممكن امسك اي دليل عليه خلص عليه أو عليها عشان موصلش لي اي طرف خيط بيعملو وان الهجوم الي حصل امبارح مكانش بأمر منو كان خارج عن سيطرتو....
ايمن بدهشة من ذكائو الي بيتخطي الحدود وقال...
_ المشكلة يا فندم مش عارفين الجريمة الجديدة هتكون اي لان اول مرة يتأخر كدا والموضوع ميطمنش...
عمر بهدوء/ متقلقش هيجي الوقت واكيد باذن الله هنعرف اي خيط يوصلنا ليه زي ما هو ذكي في الاذكي منو...
ايمن بابتسامة/ مفيش غير المقدم عمر هو الي هينجح بالقبض عليه...
عمر ابتسم ليه بجدية وهز رأسه وقال...
_جبتلي رقمها...
ايمن بابتسامة/ اكيد يا سيادة المقدم اتفضل..
عمر اخد منو الورقة وقال ...
_ روح انت يا ايمن ...
ايمن ادا التحية و خرج...
عمر كان مثبت عيونو علي الرقم لكن حطو في جيبو وكمل شغلو....
--**********--
في محل الملابس ...
كانو كلهم موجودين معادا سلمي... و ميار صلحت داليا و وبعد عدة ساعات من الشغل...،
كانو قاعدين في وقت الاستراحة الغداء وبياكلو...
ميار بتردد/ داليا مش زعلانة مني صح...
داليا بهدوء/ خلاص يا ميار مش زعلانة منك اهم حاجة تتعاملي مع ليندا كويس..
ميار بضيق مزيف/ ما انا اتاسفت ليها خلاص ..
ليندا بتغير الموضوع وقالت..
_خلاص يا داليا سيبك من الموضوع دا المهم حد كلم سلمي تاني...لان مش مش مقتنعة بموضوع تعبها المفاجئ دا...
روان / بصراحة ولا انا لان سلمي حتي لو تعبانة بتيجي...
داليا / عادي يا بنات ممكن تعبت من امبارح هو ال حصلنا دا شوية برضو...
ليندا بسرعة قرصتها في دراعها وبصتلها بتحذير داليا افتكرت بسرعة كلام عمر و هو بيحذرهم
ميار بفضول/ حصلكو اي يا داليا...
داليا لسة هتتكلم لكن سبقتها روان وقالت بمرح...
_اسكتي دا احنا كنا في جو اكشن من الي قلبك يحبو عمر بيه طلع بطل بمعني الكلمة لو سلمي كانت هنا كنتي عرفتي منها لان هي الي شافت واحنا بنصوت ومقولكيش بقا علي عمر بيه لما شال ليندا عشان تركب غصب بس اي كان چاااان يابت يا ميار ....
ميار رفعت حاجبها بصت لي ليندا بوعيد ....
أما ليندا وداليا بصولها بغضب شديد من غبائها روان مفهمتش نظرتهم ليها لكن بسرعة افتكرت كلام عمر وهو بيقول تحذيره وقالت بفزغ....
_ ينهاري انا نسيت بالله عليكو محدش يقولو هيحبسني بذات انتي يا ليندا عشان خاطري هيدخلني الحجز لااااااا انا لسة صغيرة مش قد المرمطة لااااا....
كلهم ضحكوا علي كلامها وفي وسط الي هما فيه قطع لحظتهم تليفون ليندا وهو بيرن وشافت رقم غريب استغربت شوية وردت قالت ...
_ الو مين معايا...
رد بهدوء...
_ بقيتي احسن...
ليندا اتسعت عينها لأنها عارفة صوتو وخرجت برا وقالت بذهول...
_ عمر انت جبت رقمي ازاي؟؟..
عمر ضحك بصوت هادئ وقال...
_ اظن لازم تعيدي تفكيرك في السؤال وهتعرفي الإجابة بنفسك...
ليندا بتفكير وبعد لحظات ضحكت بخفة وقالت...
_ طبعا مش صعب علي المقدم عمر يجيب رقمي مش كدا دي حاجة صغيرة اوي منسبالو...
عمر ابتسم بسخرية وقال....
ذكائك دايما بيبهرني يا ليندا...
ليندا بغيظ/ هو مش المفروض بتكلمني عشان تتطمن عليا ولا تتريق عليا ...
عمر ابتسم و قال بهدوء...
_ كنت عايز اشوفك اطمن عليكي...
ليندا ابتسمت من كلامه وقالت ...
_ مش غريبة شوية دي ...
عمر قال باستغراب...
_ اي الغريب في كلامي...
ليندا بخبث/ اتصالك بيا وبتتطمن عليا و وعايز تشوفني يعني غريب شويتين...
عمر ابتسم بخبث وقال ببرود...
_ معاكي حق فعلا كويس انك فكرتيني سلام...
وقفل المكالمة في وشها... ليندا انصدمت واتعصبت من الي عملوا ولسة هترن تاني لكن شافت سلمي جاية وهي بتبكي...
ليندا بخضة/ في اي يا سلمي بتعيطي لييي..
سلمي ببكاء/ انا تعبت يا ليندا مبقتش قادرة استحمل ... ، وحضنتها بقهر ...
ليندا وهي بتحضنها وبطبطب عليها بحنان وخدتها جوا والكل اتخض عليها
داليا / في اي مالك يا سلمي بتعيطي ليه..
روان / مالها يا ليندا بتعيط لي ..
ليندا / معرفش يا بنات لقيتها جاية عليا كدا..
ميار / قولي يا سلمي عشان نساعدك حد عملك حاجة؟؟..
سلمي خرجت من حضن ليندا وقالت وهي بتشهق ..
_ جوز اختي متحكم في كل حاجة تأخيري امبارح وشغلي معاكو واجي اشتكي لي اختي مبتعملش حاجة دائما واقفة معاه ومش بتقف معايا خالص..
ميار بضيق/ وهو ابوكي أو اخوكي عشان يتحكم جوز اختك دا عايز يتربي...
داليا/ مش كدا يا ميار الموضوع مش بيتاخد كدا لازم حد يتكلم معاه ويفهمو بهدوء..
سلمي بدموع/ ملوش لزوم لان اصلا حتي لو حد كلمو هيجي عليا بزيادة وممكن يضر*بني...
ليندا بانفعال/ يجي علي مين بس معلش دا يبقا يفكر بس وصدقيني هيندم علي اليوم الي يتجرا انو يعملك حاجة...
روان بغضب / احنا نروحلو كدا بربطة المعلم و ونعلمو الادب ...
ميار / صح وانا معاكو...
داليا بحده/ بس انتو بتقولو اي دا مش حل اصلا كدا الموضوع هيكبر انا ممكن اروح معاها واكلمو بهدوء يمكن يتغير...
ليندا بضيق / المشكلة أن لو اختها بتقف معاها مكانش زمانو اتجرا ويعاملها كدا ...
سلمي بخوف/ لا يا بنات محدش يجي انا جيت بس عشان اطلع ال جوايا معاكو واقعد شوية وامشي عشان لو رجعو و ملقونيش في البيت مش هيسكتو انا ماشية...
روان بعصبية / انتي لي مستسلمة كدا لازم توريهم العين الحمراء وهما هيخافو منك...
سلمي بصلتها وسكتت بانكسار ومشيت من قدامهم...
لسة هيوقفوها ليندا قالت...
_ استنو انا هروح معاها متقلقوش...
داليا بقلق/ ليندا ارجوكي اتصرفي صح...
ليندا بصتلها وهزت راسها باطمئنان وخدت حاجتها ومشيت وراها...
ميار / تفتكري ليندا هتلاقي حل...
داليا بابتسامة/ ليندا الحل بذات نفسو..
ميار ابتسمت لأنها عارفة دا وروان قعدت بحزن علي حال سلمي...
---*********---
في الخارج ليندا جريت ورا سلمي ولحقتها قالت بسرعة...
_ مش هسيبك غير لما تعرفيني الحقيقة...
سلمي بتوتر/ حقيقة اي ما انا قولت كل حاجة ليكو ..
ليندا بذكاء/ مبتعرفيش تخبي وكمان بذات عليا انا لاني بقفشك علي طول ....
سلمي بخوف/ ليندا مش هقدر احكي حاجة صدقيني..
ليندا بتفهم/ مش مهم دلوقتي انا كدا كدا ماشية معاكي اوصلك البيت ...
سلمي هزت راسها ومشيت معاها....
---*******---
في المستشفى دخل عمر بهيبتو المعتادة والعيون كلها كانت عليه بإعجاب وانبهار...
دخل الغرفة بدون ما يستأذن...
فارس بغضب / مش في حاجة اسمها....
واتغيرت ملامحو ل فرحة وقام وقف وراحلو وحضنو بحب اخوي وعمر بادله الحضن وشد عليه جامد بمشاكسة...
فارس بمرح/ مش اوي كدا يا عمر انا مش حملك برضو ...
عمر ضحك وسابه وقال...
قولتلك تعالي اتدرب معايا وتبقي احسن مني وانت الي مش عايز...
فارس بنفي/ لا يعم مليش دعوة بي الحاجات دي ...
عمر بسخرية وبخبث/ خلاص انت ادري بس متجيش بعدين وتقولي زي زمان الحقني يا عمر العيال ضربوني...
فارس بغضب مزيف/ عمرررر انت نسيت انت بتكلم مين انا اخوك الكبييير يا ولد ....
عمر ضحك وقرب منه بمكر وقال....
_ انت قد الصوت العالي داا...
فارس بخوف مزيف وقال بسرعة وهو بيحضنو جامد
_بصراحة يا عمر بيه لااااا..
عمر ضحك جامد وقال....
_ خلاص سيبني يعم كرمشت البدلة...
فارس ضحك وقال بخبث وهو بيطلع صورة من جيبو وقال بخبث..
_ بس بصراحة ملهاش حل ...
عمر بصلو بعدم فهم وهو شايفو ماسك الصورة في ايده وقال ...
مين دي بتتكلم علي مين...
فارس بغمزة ولف صورة ليه كان هو وليندا واقفين قصاد بعض وهما بيرقصو...
عمر مسك الصورة منو وقال بتغيير الموضوع...
_انت دخلت اوضتي وانا مش موجود...
فارس بخبث/ بتخبي علي اخوك حبيبك مين دي وعرفتها ازاي ...
عمر بسخرية / علي اساس مسمعتش الي حصل امبارح بيبني وبين ابوك...
فارس بتنهيدة / سمعت كل حاجة بس سيبتك عشان عارف انك مش هتستحمل حد يكلمك في الوقت دا ...
عمر بهدوء/ فاهم...
فارس بتغير الموضوع بمرح قال...
_دخلت عندك عشان اطمن عليك ملقتكش لكن شوفت الصور علي الارض ف لقطت واحدة بسرعة وخرجت عشان تبقا معايا مش هتقولي بقا مين...
عمر ببرود/ ليندا مجرد صحاب...
فارس بخبث/ صحاب بس يا عم مش عليا الكلام دا...
عمر بابتسامة/ دي الحقيقة احنا صحاب مفيش حاجة بيننا...
فارس بغمزة/ بس الي اعرفو أن المقدم عمر قالي في يوم كدا من الايام مفيش صداقة بين البنت والشاب..
عمر وهو بيبتسم ليه وفاهم فارس وقال بخبث...
_ ما انا عارف ولسة عند كلامي...
فارس ابتسم وفهم هو بيفكر في اي وقال بمرح ...
_ مش هتعرفني عليها ولا اي دا انا حتي اخوك ونفسي اشوف مين ليندا دي الي عرفت تبقي اول صديقة لسيادة المقدم ....
عمر ضحك وقال ...
_ هتعرفها في الوقت المناسب...
فارس / لا مدام ضحكت يبقا الموضوع كبير لازم تحكيلي...
عمر بهدوء/ مش انهاردة خليها يوم تاني أنا جتلك عشان أكون وفيت بوعدي لي اخويا الكبير زي ما طلبت بس متخدش علي دا كتير هااا....
فارس بابتسامة/ يعم كفاية انك جيت هونت عليا اليوم كلو بقولك ايه انا مش هضيع اللحظة دي أنا هروح معاك نقعد مع بعض شوية قبل ما تختفي زي كل يوم ...
عمر ابتسم بهدوء وقال...
_ يلا يا كبير ...
فارس اخد حاجتو وخرج مع عمر وكان ماشي بكل ثقة وغرور وقال بصوت عالي...
_ اتفضل ياحبيب اخوك سعادتك تخرج الاول ميصحش أخرج قبلك...
عمر كتم ضحكته علي تصرفاتو الغريبة وبص للجميع الي كلهم علي نظراتهم الذهول ... وخرجو ..
فارس بغرور/ بس كدة محدش هيستجرا يقولي حاجة تاني ....
عمر بسخرية / هنشوف وقتها يعم الجراح ...
و حاوطو جامد ونعكش شعرو تحت ضيق فارس من الحركة وضحكو سوي وروحو...
---*********---
ليندا بإلحاح وهي ماشية مع سلمي قالت
_مش هتقولي بقا يا سلمي انا تعبت من المشي وكمان مستنياكي تحكي كل دا ....
سلمي وقفت وقالت بتردد..
_ كارم جوز اختي بيحاول يتحر...ش بيا يا ليندا...
ليندا حست أن الأرض مش شايلها والكلمة وقعت عليها زي الصاعقة وقالت بلجلجة...
_ انتيي.... بتقو..لي اي....
سلمي بجمود/ دي الحقيقة الي معرفتش اقولها عشان كدا كنت حابسة نفسي في الاوضة لحد ما نزل وقتها نزلت بسرعة وجتلكو....
ليندا بانفعال/ ازااااي تسكتي ازااااي لي مقولتليش ليييييييي ...
سلمي بدموع/ كنتي هتعملي اي لو قولتلك هتضر*بي مثلا ولا هيفرق معاه في الاخر انا الي هضر هيسخن اختي عليا وكالعادة هتصدقو ....
ليندا بغضب / اختك دي حسابها معايا أنا أمشي معايا لازم يتعلم الادب متخافيش تعالي...
سلمي بخوف ودموع وهي بتحاول تفلت ايديها من ليندا وقالت....
_ارجوكي لا يا ليندا ارجوكي انا مش قدهم حتي لو عملتي اي معاهم انا هضر...
ليندا بزعل علي صحبتها الي بتنهار قدامها وقالت...
_ ازاي هسيبك معاهم ازاي ...
سلمي وهي بتمسح دموعها وقالت ....
_ متقلقيش مدام اختي في البيت مش هيعرف يعملي حاجة ..
ليندا بقلق/ مش هقدر اسيبك كدا يا سلمي ...
سلمي/ متقلقيش انا هوقفو لو عمل حاجة تاني بس ارجوكي متعمليش حاجة ...
ليندا بتنهيدة / طيب هطلع معاكي اطمن بس..
سلمي / ماشي ...
وطلعو سوي على بيت سلمي ولسة بتفتح الباب لقت كارم بيفتح قبلها من داخل الشقة...
سلمي اتخضت لكن ليندا بصتلو باحتقار وضيق شديد...
كارم بعصبية وقال ..
_مش قولتلك متنزليش برضو بتكسري كلامي...
ولسة هيمسك دراعها ليندا مسكت دراعو و ولوتو ورا ضهرو ودخلتو جوا الشقة وهو بيتالم وعمال يغلط فيها... تحت نظرات سلمي وهي خايفة...
ليندا بقوة/ لو شوفتك تاني بتوجعها أو بتقول ليها كلمة غلط انا الي هقف قصادك سامع ... وسابت ايدو...
كارم بغضب وهو بيتالم و قال..
جيبالي صحبتك تتهجم عليا يا سلمي بقا كدا ماشي مفيش شغل تاني من انهاردة ...
ليندا بصوت عالي/ كلامك معايا انا مش معاها انت مين اصلا عشان تقول ليها تشتغل أو تقعد انت مش مجرد غير جوز اختها يعني ملكش حكم عليها وأقسم بالله لو لقيتك جيت عليها تاني ما هرحمك سامع ..
وجي صوت دعاء اخت سلمي من وراها وهي بتكلم بزعيق ...
_ مالك يا ست ليندا بتكلمي جوزي كدا ليه ولا اكنو مجرم وحضرتك حضرة الظابط...
ليندا بسخرية / ما انا هستني اي من واحدة زيك سايبه جوزك عمال يتحكم في اختك ولا مرة بتقفي معاها مفيش فايدة من كلام معاكي وبحذرك لآخر مرة يا دعاء لو ملمتيش جوزك واحترمتو نفسكو وبعدتي جوزك عنها في كل حاجة في حياتها لهوريكو الي عمركو ما شوفتو سامعينننن....
دعاء بضيق/ خلاص خلصتي مع سلامة بقا ومدام هو دا الي انتي عايزة اهو ملناش دعوة خليها تعمل الي هي عايزة تمام كدا ...
ليندا بصتلهم بقرف و حضنت سلمي وباست راسها وقالت ليها بصوت واطي ...
_ كلميني لو حصل حاجة متخافيش انا واقفة في ضهرك...
سلمي ابتسمت بدموع وقالت...
_شكرا يا ليندا ...
ليندا بدالتها الابتسامة وخرجت من البيت ...
دعاء بضيق/ ادخلي اوضتك بقا ومتورنيش وشك...
سلمي دخلت من سكات تحت نظرات كارم ليها وهو بيتواعد ليها...
---**********---
ليندا دخلت الشقة لقت في حركة غريبة و بسرعة دخلت المطبخ وجابت طاسة و مشيت ببطء ناحية الاوضة المقفولة بتفتح ببطء ومرة واحدة ظهر حد بيفتح الباب من جوا ليندا بسرعة ضربت الطاسة في وشو ولسة هتكمل شافت ميار بتتالم جامد وماسكة دماغها ...
ليندا شهقت بخضة وقالت ...
_ يا شيخة رعبتيني ...
ميار بالم/ جالك زهايمر ولا اي مش قولتلك اني هجيلك بليل بتضر*بيني بطاسة يا مفترية..
ليندا ابتسمت وقالت..
_ هجبلك تلج...
ميار ببرود / وهتيلي حاجة اكلها بالمرة ...
ليندا بسخرية / يا سلام علي اساس مش عارفة يعني أنك جيتي وشربتي واكلتي قبل ما اجي...
ميار بغيظ/ خلاص سيبي الي في ايدك وتعالي يلا في حاجة مهمة شوفتها تعالي...
ليندا بتريقة/ اي جديد يا هاكر...
ميار بتسحبها وبدخلها الاوضة الخاصة بشغلهم وبتقعدها أمام لابتوب وبتقول بتركيز...
_ ماهر بيقابل شخص متخفي وشكلو ورا سر خطير ...
ليندا بذكاء/ دا شكلو القا*تل المتسلسل الي الشرطة بتدور عليه...
ميار بزعر / اي بتقولي اي ازاي اصلا...
ليندا / وانا ماشية في الشارع وبشوف علي الفيس بوك وكل مواقع عن القا*تل المتسلسل الي كل ما بيخلص علي جريمة بيكتب رقم عليهم وكمان محدش عرف يجيبو لحد دلوقتي يبقا دا معناه اي بقا ..
ميار بنفي/ لا لا اكيد مش هو..
ليندا بتركيز / يعني افهميها كدا لي دايما ماهر لما بيقابل اي حد فاسد بيظهر وشه عادي كالعادة و بيتقابلو في السر لكن دا بذات اول مرة اهو يظهر معاة و متخفي ومحدش يعرف هو مين فا أنا متأكدة انو هو لان الجرايم والفساد والمعلومات الي عرفناها عن ماهر تثبت انو هو رائيس كل دول نفوذة وسلطة هي الي مخلياة كدا ...
ميار بانبهار/ دا انتي مصيبة ولا كانك كنتي معاهم ...
ليندا ابتسمت بوجع/ متعرفيش حاجة الي قدامك دي ماكنتش كدة من الي شافتو...
ميار بحنان/ انا شايفة دلوقتي الي قدامي دي اذكي. و اشطر حد شوفتو في حياتي ...
ليندا ابتسمت ليها وقالت...
_ مش عارفة ازاي ماهر دا يبقا ابنو عمر ...
ميار بخبث/ جينا لسيرة عمر تاني بقا كل دا يحصل ومتعرفنيش عشان عارفة اني هقولك ابعدي..
ليندا بتنهيدة/ عمر مختلف عن ابوه يا ميار عمر ظابط ناجح والكل بيحلف بي شجاعتو وانو مخلص لبلده..
ميار بسخرية / ما العقيد ماهر برضو بيتقال عليه كل كلام دا بس اي شوفتي وراه اي...انا مش بقول انو عمر زيو لكن نحذر برضو في الاول في الاخر هو أبوه.
ليندا بإصرار/ احنا معانا أدلة كتير تثبت لعمر أن ابوه راجل مش زي ما هو فاكر والكل فاكرينه..
ميار اتنهدت وبصتلها وقالت
_ تمام وبعد ما يعرف هيقولك وانتي هدفك اي من دا كلو هتقولي اي بنتقم منو لان السبب في موت ابويا....
ليندا قالت بغصة وبخنقة...
_انا لسة معرفتش مين الي قت*لو بس هو اكيد ماهر معاة الدليل الي هيوصلني ليه وقتها بس انا مش هسكت وههد الدنيا علي دماغو...
ميار بتنهيدة/ تفتكري هنقدر عليه لوحدنا ...
ليندا بارهاق/ مش عارفة يا ميار مش عارفة بس صدقيني وقتها محدش هيقف في وشي من الي هعملو...
ميار / طيب وعمر هتعملي اي معاة...
ليندا بهدوء/ انا وعمر اصدقاء يا ميار مفيش حاجة تاني بينا..
وقامت وقفت ولسة هتمشي...
قالت ميار باستنتاج وهي واقفة وراها....
_ لما هيجي اليوم دا وعمر يعرف كل حاجة متأكدة انو صداقتكم هتفضل زي ما هي ولا لا....
ليندا بصتلها وقالت بجمود...
_ هو الي هيقرر وقتها يا هيكسبني يا هيخسرني....
ميار بصتلها وهزت راسها بايجاب وقالت ...
_ تمام يا ليندا انا همشي...
ليندا هزت راسها ودخلت اوضتها وغيرت هدومها وفتحت الدرج واخدت الدواء فتحتو اخدت برشامة وبعدها نامت بعمق...
--***********--
في المخزن كبير تحت الارض كانو قاعدين بكل شموخ كالعادة ماسكين سيجار من النوع الفاخر
ماهر وهو عينه علي الشاب والبنت وقال بسخرية ...
_ دول الضحايا رقم ٢٢ ولا اي...
رد ببرود...
_ دول برا القاموس..
رد ماهر بسخرية...
_ ازاي يعني...
رد عليه وقال...
_ غلطو و لازم يتعاقبو...
ماهر بصلهم بدون رحمه وهما بيتسغيثو بيه..
_ خلص عليهم متخليش غلطة وراك...
رد عليه وقال ببرود...
_ أوامر يا سيادة العقيد ... وشاور للرجال يطلقو عليهم بدون رحمة....
كمل و قال...
_ نضف المكان كويس ....
ماهر قال...
_ مين الضحايا الجديدة...
قال بغموض صريح....
_ قريب اوي ...
ماهر قال...
_ مدام قريب يبقا هجبلك واحدة هدية تخلص عليها معاهم...
رفع حاجبه وقال...
_ مين...
ماهر طلع صورة من جيبو وكانت صورة ليندا وقال...
_ عايزك تخفيها او اعمل فيها الي انت عايزه بس تكون بعيدة عن حيات ابني...
قال ببرود وهو ينظر لصورتها بغموض...
- اعتبر الموضوع تم ...
---**********---
في اليوم التالي...
صحيت ليندا علي صوت رن التيلفون بانزعاج وشافت رقم غريب لكن بعد لحظات افتكرت انو عمر قامت من مكانها ولسة هتتصل بيه لكن رجعت في كلامها و سابت التليفون ودخلت الحمام وبعد دقائق خرجت ولبست تشيرت وبنطلون واخدت شنطة كبيرة من الدولاب مليانة لعب وشوكولا و ونزلت لتحت اتفاجئت بيه انو واقف أمام عربيته وهو لابس كاجوال وبيقلع النظارة الشمسية وهو بينظر ليها وقال بابتسامة عريضة...
_ مش بتردي علي تليفونك ليه...
ليندا بزعل/ في واحد قفل السكة في وش واحدة تحب مثلا ردة فعلها يكون اي ...
عمر ابتسم بهدوء وقال ...
_ المفروض انك عرفتيني ...
ليندا بغيظ من الهدوء الي هو فيه قالت...
_ مش عايزة اعرف ... لسة هتمشي مسكها من ايديها وقال بصوت هادئ وهو قريب منها ...
_ اسف ...
ليندا فرحت من جواها بس قالت بتكبر...
_ مسمعتش...
عمر فهم أنها عايزة تديقو فا قال بخبث ...
_ ممكن اعمل حاجة احسن من الاعتذار...
ليندا بعدم فهم قالت...
_ الي هو أي بقا...
عمر قال بمرح خفيف وهو بيشاور بايده...
_ بصي البنت بتجري ورا الشاب ازاي ...
ليندا بصت عليهم بسرعة تشوفهم لكن اتفاجئت وهو بيضع قبلة رقيقة علي خدها...
بصتلو بصدمة وشها احمر وقالت....
_انت ازاي تتجرأ وتعمل كدا ...
عمر ابتسم علي صدمتها وقال بمكر ...
قولتلك ممكن اعمل حاجة احسن من الاعتذار وانتي وافقتي يبقا انا كدا غلطت...
ليندا بصتلو بغيظ وهي محرجة ووشها بيحمر اكتر و قالت...
_ دي تاني مرة تضحك عليا فيها...
عمر ابتسم و قال وهو ساند علي عربيته ...
_ بكون لطيف معاكي بس انتي الي بتخليني اعمل حاجات مش بعملها مع حد غيرك ...
ليندا باستفزار / انت شايف نفسك علي اي مش علشان ظابط و كدا تبقي فاكر كل حاجة ماشية علي مزاجك..
عمر بثقة واستفزاز/ ما دي الحقيقة بعمل كل الي يمشي علي مزاجي واديكي شوفتي اهو ...
ليندا وهي بتشيط غضب منو سابتو ومشيت عمر لحقها ووقف قدامها وقال...
_ رايحة فين تعالي هوصلك عارف انك رايحة الملجا..
ليندا بتفاجئ مزيف وقالت ..
_مش هستغرب مدام عرفت رقمي يبقا اكيد هتعرف المكان الي بروحو يوم اجازتي ...
عمر ضحك عليها وقال...
_ كاني واثق قدام فارس بظبط...
ليندا عرفت انو اخو بس قالت باستغراب مزيف
_ مين فارس ...
عمر بابتسامة/ اخويا الكبير...
ليندا بتفهم/ تمام ممكن امشي بقا علشان كدا اتاخرت عليهم اوي في الملجا..
عمر وهو بياخد منها الشنطة الكبيرة وقال...
_ اركبي يلا هوصلك...
ليندا بابتسامة/ معندكش شغل ولا اي...
عمر وهو بيضع الشنطة في العربية وقال بهدوء...
_ معنديش شغل انهاردة فا جيت عشان اصالح صديقتي ...
ليندا ابتسمت بإعجاب و قالت بمرح ...
_خايفة لتتحسد علي الكلام الحلو دا ...
عمر ابتسم وهو بيفتح ليها الباب وقال ...
_ اركبي يلا ...
ليندا بانبهار/ لا كدا كتير اكيد انا بحلم...وركبت
عمر بصلها وهو بيكتم ضحكته وهو بيشوف تصرفتها الطفولية ... وركب بجانبها واتحرك وهو وشايفها منبهرة بالعربية الجديدة قال...
_ عحبتبك؟؟..
ليندا بفرحة/ جداااا احلي من الأولي بجد...
عمر ضحك و قال...
_ اول مرة نتفق علي حاجة ...
ليندا بضحكة قالت...
_ دي حقيقة ...
عمر اتنهد و بصلها فا قال بهدوء..
في يوم الحصل في الهجوم معرفتش اسالك وقتها لانو ممكن صحابك يفهمو تصرفي غلط او يفهمو معني تاني عشان كدة جبت رقمك عشان اطمن عليكي ...
ليندا فرحت انو مهتم بيها وقالت بابتسامة...
_ حمايتك ليا وقتها كانت كفيلة أنها تخليني ممنونة ليك طول حياتي... شكرا يا عمر انك في كل مرة بتحميني فيها ...
عمر ابتسم وقال ...
_ دا واجبي مش اكتر...
ليندا بصتلو بإعجاب من شخصيتو الرذينة والهادية ومتحكم في تصرفاتو في كل موقف وقالت بفضول...
_ مش هتقولي مين دول الي كانو بيهجمونا...
عمر قال بهدوء...
_ ناس بدور وراها علشان اقبض عليهم بس كانو بيهددوني عشان ارجع عن القضية مش اكتر....
ليندا هزت راسها بتفهم وقالت ...
_وانت قررت اي هتكمل ولا لا...
عمر قال بثقة...
_ عايزهم يخافو من الي هياقبلو مني...
ليندا بصتلو بنظرة غير مفهومة وهي وبتفكر يترا لما يعرف الحقيقة هيكون عامل ازاي معاها هل هيكون رحيم أم قاسي... اتنهدت وركزت علي الطريق ... وبعد عشر دقائق وصلو ونزلوا سوي وهو ماسك الشنطة المليانة لعب وشوكولا و قابلو الحارس الملجا وهو بيرحب بليندا وقال....
_ اهلا بيكي يا آنسة ليندا ... وركز علي عمر وقال.. اهلا بحضرتك يا ...
ليندا بابتسامة/ سيادة المقدم عمر ...
قال بسرعة وارتباك ...
_ اهلا بحضرتك نورت الملجأ..
عمر بجدية/ شكرا
قال الحارس لي ليندا...
_ كويس انك جيتي يا آنسة ليندا الأطفال مش ساكتين من امبارح عايزين ليندا يعني عايزين ليندا ...
ليندا بابتسامة/ جيت ليهم اهو يا عم حسين اتفضل خد الشوكلا دي تهون عليك كتر خيرك بتتعب من الوقفة هنا كل يوم ...
حسين بامتنان / تسلمي يا بنتي مفيش غيرك الي بيسال عليا ربنا يحفظك يارب...
عمر كان واقف مبسوط و مستمتع من كلام حسين عليها قد اي هي محبوبة بين الناس وحنينة...
ليندا بابتسامة / شكرا يا عم حسين هدخل بقا عشان متأخرش عليهم ..
و دخلت هي وعمر وطلعت من جيبها بمرح صفارة وصفرت بيها جامد ...
عمر بسخرية / دا اي اصلو دا ...
ليندا مهتمتش ليه بعد ثواني شاف في صوت عالي جي من بعيد شاف اطفال كتير بتجري عليهم وبيحضنو ليندا بحب وامتنان وكلهم مش عايزين يسبوها وهي مبسوطة وفرحانة بيهم ...
احد من الأطفال قال بزعل طفولي...
_ اتاخرتي ليه يا ليندا احنا مش بنشوفك غير مرا في الاسبوع ..
طفلة أخري قالت...
_ متتاخريش تاني علينا ...
ليندا قالت ليهم بحب ...
_ معلش عمو عمر الي آخرني بس شوفو جيبالكو اي الشوكولا ولعبه الي بتحبوها كلهم جريو نحيتو و وهي وقفت جانبو وبدأت تتطلع ليهم وتديهم وبعد دقائق عمر شاف طفل واقف بعيد عنهم وباين عليه الزعل .. قال عمر ...
_ مالو واقف زعلان لوحدو ليه ...
ليندا بنسيان/ انا نسيت سيف خالص تعالي بسرعة نروحلو ...
عمر راح معاها ونزلو بجسمهم لعندو بيطلع ليه شوكولاته ولعبة قال...
_ واقف لوحدك لية امسك..
سيف واقف بصصلو بضيق ومش بيرد عليه ...
ليندا بضحكة/ هات يا عمر انا هديلو ...
سيف اخد منها بحب وهو بيحضنها وباصص لعمر بضيق ...
عمر رفع حاجبه وقال....
_مالك يلا بتبصلي كدا لي من ساعت ما شوفتني...
سيف بغضب طفولي وهو لسة حاضنها قال..
_ ابص زي ما انا عايز و متجيش معاها تاني...
ليندا ضحكت بخفة عليهم وكمل عمر وهو متغاظ منو قال...
_ انت عندك كام سنه يلا...
سيف قال بضيق..
_ ملكش دعوة وامشي من هنا ... وفضل ماسك ليندا بتملك ومش عايز يسبها..
عمر بغيرة / سيبها يلا متمسكهاش كدا ...
ليندا بضحك/ عمر انت هتعمل عقلك بعقلو دا طفل...
عمر بغيظ/ دا طفل دا بصي ماسك فيكي ازاي ...
سيف بغيرة/ متقولش طفل بكرا هكبر واتجوزها ومش هخليك تشوفها ...
عمر شدو من حضنها وقال ليه بغيرة...
_ تتجوز مين يلا دا انا أخفيك انت شخصية يا ابو شبر ونص انت...
ليندا مش قادرة تكتم ضحكتها عليهم قالت لعمر ...
_ يا عمر سيبو أنت بجد عملت عقلك بعقلو ...
سيف بغضب طفولي/ سيبني بدل ما اضر*بك ...
ليندا / عيب يا سيف متقولش كدا ...
عمر ابتسم بانتصار ليه..
ليندا بخبث/ اضرب علي طول متقولش ...
عمر اتصدم سابو ومسكها من دارعها وهي ضحكت..
سيف بصوت عالي....
_ اهجمو عليه هيضر*ب لينداااااا...
عمر أنصدم و قال...
_اضرب مين يلا... ولسة هيكمل كلامو كلهم هجمو عليه وقعو .... عمر شالهم من عليهم وجري وراهم وهما يصوتو ويضحكو ...
ليندا واقفة بتضحك عليه وهي ماسكة سيف وهو بيضحك عليه وبعد ساعة ليندا ودعتهم قبل ما تمشي و حضنت سيف وهو باسها من خدها وقال بحب طفولي...
_متتاخريش عليا ليندا ..
ليندا بابتسامة/ مش هتاخر عليك تاني يلا ادخل مع اخواتك يلا ..
سيف قبل ما يدخل راح ابتسم لعمر ابتسامة نصر عليه..
عمر ضحك عليه و مسك ايد ليندا وخرجو برا ...
---********---
في الطريق ليندا مكنتش قادرة تكتم ضحكتها...
عمر بصلها بغيظ وقال..
_ متضحكيش خلاص ...
ليندا بضحك/ انت مشوفتش نفسك كنت عامل ازاي يا عمر ولا كانك بتكلم واحد في سنك مش طفل عندو ٧ سنين...
عمر بضيق/ دا ٧ سنين اومال لما يبقا في العشرين هيعمل ايه الواد بيقف في وشي وبيرد الكلمة بكلمة...
ليندا فضلت تضحك عليه
عمر بصلها وضحك وقال بتحذير....
_ الحصل انهاردة لو قولتي لحد أو لصحابك شلة بتوعك دول مش هيحصل خير...
ليندا بضحكة/ لو قولت هتعمل اي يعني...
عمر بخبث وهو مركز في الطريق وقال ...
_ سهلة ممكن اخطفك ومحدش يعرف انتي فين...
ليندا بشهقة / اي تخطفني ...
عمر وهو بنفس النبرة وقال...
_ و ممكن دلوقتي اي رايك....
ليندا وهي بطلع راسها من الشباك بتقول باستغاثة مزيفة ...
_ الحقوني انا مخطوفههه...
عمر اتصدم من جنانها وشدها لجوا العربية وقال ...
_ مجنونة والله راكب مع مجنونة ...
ليندا ابتسمت وقالت بثقة....
انت لسة مشوفتش الجنان يا عمر احنا لسة في البداية...
عمر بصلها وهي كمان كأنهم كانو في تحدي ..، وبعد مرور الوقت وصلها البيت وقبل ما تنزل قال..
_ ليندا ...
ليندا بابتسامة / متقلقش سرك في بير...
عمر ابتسملها وقال...
_ شكرا..
ليندا قالت بمرح ....
_ العفو سلام يا صديقي ...
عمر ضحك وقال ...
_ سلام .. واتحرك ومشي
وهي طلعت وعلي وجهها الانبساط والفرح ودخلت الشقة و اتجهت الي المطبخ تجيب مياة وخرجت وهي بتفتكر كل الحصل بينهم وقطع تفكيرها صوت رنة تليفونها وشافت الاسم كان سلمي بسرعة ردت وقالت...
الو يا سلمي طمنيني... ملحقتش تكمل كلامها وسمعت صريخ جامد وقفت بفزع وقالت سلمي بصريخ....
_ الحقينييييي يا ليندااااا....