رواية بريئه في حضن الشيطان الفصل الثامن8بقلم اميرة خالد
وصل حسن تحت العماره عند ماجد واتصل بيه
وقال له ماجد اطلع عليك الشقه وطلع حسن وخبط على الباب وفتحت له الباب اصاله
و قال ماجد بيه موجود
ردت عليه خش استناه جوه وخرج ماجد من اوضه النوم وهو بيقول له خد يا حسن الفلوس اهيت
رد عليه تسلم يا باشا وادي المفاتيح ومعلش اعذرني اليومين دولت
رد عليه ما فيش مشكله واخذ الفلوس وخرج وراكب عربيه كانت مستنياه
وقال جهزت شنطه هدوم يا سعد
رد عليه ايوه وميعاد الطياره كمان ساعه
قال له تمام انا عايزك تروح تاخد شريفه واماني وعز على الفيلا بتاعتي ويعرفوا الناس ان شريفه ممكن تعمل عمليه
رد سعد حاضر بس انت ما قلت ليش انت مسافر ليه
رد عليه لما ارجع هقول لك وصلوا المطار وركب الطياره وهو بيقول يا ترى يا رحمه دي هتكون بنتي حقيقي ولا ايه
اما في لندن كانت نايمه رحمه وهي حاضنه تاج وبتحكي لها قصه
و قالت تاج مامي انا عايزه اشوف بابي
ردت رحمه بحزن مش انا قلت لك ان بابي عند ربنا وهو شايفنا دلوقتي ما بيحبش يشوفك زعلانه يا تاج
ردت عليها انا عارفه يا مامي بس وحشني قوي
ردت عليها مش انا قلت لك ابقي افتحي السلسله وبصي على صورته وهو هيجي لك في الاحلام
ردت تاج حاضر يا مامي وحضنتها رحمه وناموا
اما في القاهره مشيره كانت لسه راجعه من بره وقال سليمان كنت فين ده كله يا مشيره
ردت عليه كنت في النادي في حاجه
قال لها مش كفايه خروجات واهتم بي بالبيت شويه
ردت عليه والبيت ناقصه ايه
قال لها طول عمرك ما بتفكريش غير في نفسك وما بتساليش على بنتك ولا ابنك اللي مقضيها صرمحه
ردت عليه بقول لك ايه خلينا حلوين مع بعض وبلاش نتخانق في نص الليل
قال لها معاكي حق وخرج من الاوضه وراح اوضه ثانيه وهو بيفكر انه ضيع عمره كله مهما بني ادمه انانيه ما بتفكرش غير في نفسها وانا مع السرير وفجاه جت في باله صوره ايمان واغمض عينه وانام في نوم عميق
اما عند حسن فوصل لندن وقابل الراجل وقال له عايزين نروح معمل تحاليل
رد الراجل كل حاجه جاهزه يا باشا من ساعه ما حضرتك كلمتني
قال له تمام قوي وراحوا المعمل واخذوا العينه من حسن والشعر من الراجل وسال الدكتور النتيجه هتظهر امتى رد عليه بكره
رد حسن تمام قوي و وبص للراجل وقال له تفضل هنا لغايه ما النتيجه تظهر وتجيبها لي
وقال له حاضر يا باشا
وقبل ما يخرج حسن وقال له خلي واحد يقف على الفيلا هناك ويكون عينه عليهم
رد عليه تمام يا باشا وخرج حسن وراح الفندق
اما في القاهره وصل سعد بيت حسن وطلع فاهم شريفه وعز كل حاجه
و ردت شريفه بخوف طب هو سافر ليه
رد عليها مش عارف المهم ان انتم لازم تمشوا اليومين دولت من الحاره
رد عز تمام يلا يا ماما لما حاجتك هي اماني فين
قالت له نزلت تجيب حاجه وجايه
رد عليها ليه يا ماما نزلتيها ما انتي عارفه المشكله اللي حصلت اخر مره
قالت له ما تخافش يا حبيبي ده هي عند العطار
قال لها طيب معلش يا استاذ سعد هنتاخر شويه عقبال اماني تيجي هنلم الحاجه وهنمشي على طول
رد عليه ما فيش مشكله
اما في الشارع كانت اماني خارجه من عند العطار وشافها حماده وحب انه يضايقها عشان تحصل مشكله واخوها ينزل يتخانق معاه وياخد حقه منه واماني كانت ماشيه وقرب حماده
وقال لها كلام قذر واماني خافت وبدات تمشي بسرعه وهو مسك ايديها
وقال لها بتجري ليه تعالي بس اقول لك كلمتين هيعجبوكي قوي
خافت اماني بس قالت بصوت عالي انت عايز ايه مني يا جدع انت سيبني امشي
رد حماده تمشي ايه يا قمر ده لسه حسابنا ما خلص
خافت اماني وبصه حواليها ولقت عيل وقالت له حماصه اجري انده على حسن
رد عليها حاضر يا ابله اماني و حماده ابتسم
وقال لها انتي فاكره ان اخوك قال الحقك من ايديا تبقي بتحلمي
زعقت اماني وقالت له لمي نفسك يا جدع انت انت اهبل ولا ايه
رد عليها انا بقى هوريك الهبل على اصوله وشد ايديها وهي تصوت والناس خايفه تتدخل
اما في البيت حسن الباب خبط جامد وقام سعد فتح وقال في ايه يا شاطر
رد عليه عم حسن فين
رد سعد في ايه قال له ابله اماني بتتخانق مع حماده تحت
رد سعد فين ده وخرج عز على الصوت ونزل يجري و قالت شريفه في ايه
رد عليها ما فيش يا حاجه اهدي بس
ردت عليه لا في يا ابني ما تفهمني وسعد مسك التليفون اتصل على رجالته وقال لهم تعالوا لي على الحاره فقفل
ونزل سعد بسرعه وشاف عز ماسك في واحد وقرب من حماده ومسك ايديه اللي كان هيضرب بيها عز
وقال له ايه اللي انت بتعمله ده
رد عليه وانت مالك يا حيلتها
رد عليه وهو بيضربه بالروسيه انا يتقال لي حيلتها وقع حماده في الارض
وقال سعد يلا يا عز هات والدتك واختك خلينا نمشي وعز مسك ايد اماني وراحوا ناحيه البيت وطلعوا شقتهم
وقال عز ايه اللي حصل يا اماني حكيت له كل اللي حصل
قال لها طيب خشي لمي حاجتك عشان هنمشي من هنا
ردت عليه هنروح فين
قال سعد هنروح نقعد في الفيلا يومين لغايه ما حسن يرجع
ردت اماني ثواني وهكون جاهزه ودخلت الاوضه
اما شريفه قالت ربنا يستر
رد سعد ما تخافيش يا ماما كل حاجه هتمشي كويسه المهم لازم نمشي دلوقتي
ردت عليه يا رب يا سعد وبعد دقائق كله خلص وقال سعد يلا بينا ونزلوا ركبوا العربيه مع سعد اللي مشي بيهم من المنطقه
وبعد وقت وصلوا الفيلا وقال عز احنا هنفضل هنا كتير
رد عليه ولا كتير ولا حاجه هنشوف بس حسن هيقول ايه
ردت اماني هنام فين
رد سعد الاوض الكثيره اختار اللي تعجبك المهم تبعتي عن الجناح الغربي
ردت عليه حاضر واخذت شنطتها وطلعت على السلم واختارت اوضه وحطت شنطه هدومها ونامت على السرير نوم عميق
وشريفه دخلت اوضه وعز كذلك وكان قاعد يفكر هيكلم شيري ازاي ويعتذر لها على اللي حصل
اما فلندن كان قاعد حيدر في العربيه قدام الفيلا وهو مستغرب الحراس الكتير
اما عند رحمه صحيت من النوم على صوت المنبه وقالت يلا يا قلب ماما قومي عشان تروحي المدرسه
ردت تاج بس انا عايزاك توديني المدرسه يا مامي
ردت عليها من عيني الاثنين يلا قومي بقى ودخلت تاج الحمام تغسل سنانها وتغسل وشها وخرجت
ودخلت رحمه الحمام غسلت وشها واسنانها وخرجت لقت التاج لبست نيوفورم المدرسه
وقالت تاج ممكن يا مامي تعملي لي شعري
ردت عليها من عيوني يا قلب مامي ومسكت الفرشه وبدات تسرح لها شعرها الناعم وعملت لها قطتين وقامت لبست هدومها
والتليفون رن باسم انور و ردت عليه صباح الخير يا انور
رد عليها صباح النور تاج فين
قالت له واقفه جنب اهو
قال لها طب باص المدرسه وصل قالت له خليه يمشي انا هوصلهم وارجع على الشركه
رد انور تمام واقفل معاها ورحمه حطت الميك اب بتاعها واخذت شنطتها وموبايلها ومفاتيح العربيه

وخرجت وهي ماسكه ايد تاج اول ما نزلت وقال انور ايه القمر ده على الصبح
ابتسم تاج وهو ضحك وقال لهم يلا اقعدي عشان تفطروا وقعد التاج جنب رحمه وبدات تاكلها
اما قدام الفيلا باص المدرسه جه ومشي بسرعه واستغرب حسن الموضوع وفضل قاعد في العربيه
وبعد وقت خرجت رحمه ومعاها طفلين وركبه العربيه وهي بتعمل باي باي لانور وكريستينا ومشيت بالعربيه
وحيدر طلع وراها وبعد وقت وصلت المدرسه ونزلت وقالت خلي بالك من اختك يا نوح
رد عليها ابتسامه حاضر يا ماما ومسك تاج ودخل بيها المدرسه وهم بيشاوروا لرحمه
وحيدر كان شايفهم وبعد وقت ركبت رحمه تاني العربيه وطلعت على الشركه ومشي وراها حيدر
وفضل واقف قدام الشركه وماسك التليفون واتصل على الحارس وقال له النتيجه طلعت ولا لسه
رد عليه ساعه وهتطلع يا باشا
قال له تمام وهقفل معاه
اما عند ماجد كان سافر الساحل ومعاه اصاله واخذه شاليه وفتحوا
وقالت اصاله هو الشاليه محدش بيجي ولا ايه
رد عليها من ساعه اهل رحمه ما توفوا وما حدش بيجي هنا وشكلهم كده نسيوه
ردت اصاله احسن برده خلينا على راحتنا ودخلوا الاوضه واستغربوا المنظر السرير كان عليه قميص نوم وازازه خمره واكل
وقالت اصاله فعلا الشكل ما فيش حد بيجي انت بتضحك علي ولا بتضحك على نفسك انت بتجيب حد من ورايا هنا
رد ماجد والله ما حصل انا مستغرب الحاجات دي جت ازاي مع ان رحمه ما بتجيش خالص ولا اهلي
ردت اصاله يبقى العفريت بس ذوقه حلو وقمصان النوم
رد ماجد يمكن حرامي ودخل الشاليه
ردت عليه هيعمل ايه ويجيب قميص نوم ليه
رد عليها بقول لك ايه ما تسيبك من المواضيع ديت او تعالي نريح شويه عشان الصبح ننزل البحر
ردت عليه حاضر ورموا الحاجه اللي كانت على السرير وناموا
اما عند مشيره كانت نايمه في الجناح لوحدها وتليفونها رن ومسكت التليفون وردت بنعاس في ايه عادل
رد عليها يا ست هانم في حد جه الشاليه من شويه
اتعدلت مشيره وقالت له مين اللي جاء
قال لها ابن سليمان بيه ومع مراته
ردت مشيره طب اقفل وما تقولش لحد اني باجي الشاليه
رد عليها حاضر يا هانم وقفلت معاه وهي مستغربه مراته مين ديت اللي راحت معاه ربنا يستر وبصيت في الساعه ولقيتها 3:00 الفجر ورجعت تنام تاني