سليم كان في أوضته بيجهز عشان الحصة بس فجأه افتكر كلام مي عن رقيه وابتسم..
وفجأة جرس الباب رن فسليم خرج بسرعة وراح يفتح.
فتح الباب لقى رُقيه واقفة قدامه فابتسم وقال: جاتي في وقتك مظبوط.
رُقيه بابتسامة: أنا علطول مظبوطة في مواعيدي.
سليم: ده أكيد طبعًا.
رُقيه: عندك شك؟
سليم: لا أنا زي الفل.
رُقيه ضحكت وقالت:تمام.. بس بقولك إيه يا سليم؟ الامتحانات قربت وأنا خايفة أوي..
سليم: خايفة من إيه؟ إنتي بتعملي اللي عليكي وزيادة، وبتذاكري كويس.. مفيش حاجه كله هيعدي..
رُقيه: بس برضو خايفة.. حاسة إن الوقت بيجري ومش هالحق أخلص كل حاجة..
سليم: هتلحقي متقلقيش..ركزي بس في اللي قدامك واعملي اللي عليكي، وإن شاء الله توصلي لكل اللي نفسك فيه..
رُقيه بابتسامة: إن شاء الله.
سليم: وهتوصلي.. وأنا متأكد...وهنشتغل سوا..
رُقيه ابتسمت وقالت: يارب..
في اللحظة دي ضحي خرجت من الأوضة وبصت لهم وقالت:بتتكلموا في إيه من غيري؟
رُقيه ضحكت: ولا حاجة.. كنا بنتكلم عن الامتحانات.
ضحي: آه.. تمام..
سليم: يلا عشان نبدأ الحصة..
قعدوا وكل واحد بدأ يحضر كتبه رُقيه مدت إيدها ناحية القلم اللي كان على الترابيزة،وفي نفس اللحظة سليم مد إيده ياخده...
إيديهم لمست بعض فسليم سحب إيده بسرعة ورُقيه اتكسفت وقلبها فضل يدق جامد..
سليم حط القلم قدامها وقال: خديه.. إنتي كنتي هتاخديه الأول.
رُقيه أخدت القلم وقالت: شكرًا..
ضحي كانت واخدة بالها من وابتسمت من غير ما تقول حاجة..
سليم : يلا افتحوا علي الصفحه دي..
رُقيه: حاضر..
سليم: رقيه احنا هناخد الحصه انهارده كامله مفيش اعذار...انت تمام ولا ايه؟
رقيه ابتسمت وقالت: انا تمام متقلقش..
سليم: الحمد لله..
>>>>>>>>>>>>>>>>>>
الحصه خلصت ورقيه كانت بتلم حاجتها عشان تمشي...
سليم: رُقيه انتي مروحه ؟
رُقيه: ايوا..
سليم: طيب انا رايح اطبع شويه ورق في المكتبه اللي جنبكوا استني اجيب حاجه من جوه ونمشي سوا..
رقيه هزت رأسها وقالت: تمام..
ونزلوا وكانوا ماشيين ومحدش فيهم بيتكلم..
سليم: رقيه؟!
رقيه بصتله وقالت: نعم..
سليم: انا قبل كده حكيتلك السبب اللي خلاني بقيت معيد وكده بس انتي قلتلي ظروف وكده..ممكن اعرفها لو مش حاجه خاصه يعني؟
رقيه: لا هي مش حاجه خاصه..الموضوع كله..ان والدي اتوفي من أربع سنين..كنت لسه في بدايه تالته ثانوي مكنتش شاطره لان وقتها ببساطة كل حاجه كانت معايا..لاني بنت وحيده كنت متدلعه وكل حاجه بتجيلي فكنت هدخل اي كليه وخلاص..
سليم: وبعدين..
رقيه سكتت ثواني وبعدين كملت: فجأه بابا تعب ودخل المستشفى والموضوع طلع كبير..وللأسف سابني ومات..وخدت نفس وكملت: وقتها الدنيا اسودت في عيني..بقيت انا وماما لوحدنا ولاول مره في حياتي كنت احس اني بقيت وحيده..البيت بقي كئيب..والظروف بقت مش شكل الاول..حسيت ان خلاص مفيش دلع تاني خلاص..خدت عهد علي نفسي ان هذاكر وادخل كليه كويسه..ودخلت علوم..بس انا اللي كنت بتسند عليه مبقاش موجود..عرفت ان ربنا هو السند وان اي حاجه بتحصلنا خير وخلاص كلها شهر والحكايه هتخلص..
سليم كان متأثر من كلامها جدا..ابتسم وقال: قد ايه انتي قويه يا رقيه..اسغليتي حزنك صح..مسبتيش الظروف تتحكم فيكي..انا فخور بيكي وان شاءالله بعد شهر هفكرك ان تعبك ده مضعش وهتبقي في المكان اللي تستحقيه..
رُقيه بابتسامة: يارب..معلش نكدت عليك..
سليم ابتسم وقال: لا ابدا بالعكس انت كل مره بتخليني اشوف فيكي جانب احلي من اللي قبله..
رقيه ابتسمت وقالت: بجد..فيا انا؟
سليم هز راسه: ايوا..
رقيه: كتر خيرك علي الكلام الحلو ده..
سليم بابتسامة: ده مش كلام دي حقيقه..
رقيه بصت الناحية والابتسامة ماليه وشها..
سليم بص عليها وابتسم هو كمان..
>>>>>>>>>>>>>>>>>>>>>
تاني يوم في الكليه..
رقيه وضحي كانوا قاعدين يتكلموا..
ضحي: ايه رايك فيا بقي..تقيله ولا لا..
رُقيه: برافو عليكي تربيتي..ايوا افضلي استعبطي كده لحد ما يعرف قيمتك..
ضحي: قصدك لحد ما يطفش..
رقيه ضحكت وقالت: يابنتي هو انتي لحقتي عملتي حاجه عشان يطفش..بس انا مش فاهمه هو قالك طب ولو بقي ليا حق ازاي؟
ضحي: معرفش قعدت افكر ومفهمتش..
رقيه سكتت ثواني وقالت: ما يمكن هيعترفلك..
ضحي: تفتكري..بس اشمعنا هيقول دلوقتى..لو عايز يتكلم كان اتكلم من زمان..
رقيه بصت شافت سليم من بعيد كان ماشي مع صاحبه وبيضحك فضلت باصه عليه وهي مبتسمة..
ضحي: يا رقيه..انتي يا بنتي..
رقيه : ايييه..
ضحي: ايه باصه علي ايه؟
رُقيه: مفيش حاجة كنتي بتقولي ايه؟
ضحي: بقول اشمعنا دلوقتي عايز يتكلم؟
رُقيه: لا مش عارفه..
ضحي: بس انا خدت قرار..
رقيه: قراراتك بتقلقني..
ضحي: انا مش هستني سيف تاني..اول واحد هيتقدملي هتجوزه..
رقيه هبصلها كده وتقول: مش مصدقاكي..
ضحي: طب الايام جايه ولا راحه..
رقيه ضحكت وقالت: الاتنين عادي...طب خليكي قد كلامك بقي..
ضحي: لا منا عندي شخصيه برضو..الحياه مش واقفه عليه..وهي الايام..
رقيه: اه هي الايام بتنسي وهي الايام بتقسي حافظها والله يا استاذه رضوي الشربيني..
ضحي: طيب هبقي ادور علي غيرها..
رُقيه: ربنا يعينك قومي يلا علي المحاضره..
ضحي: لا فقدت الشغف..
رُقيه: قومي مش وقته الدكتور مش هيرضي يدخلنا..
ضحي قامت بسرعه وقالت: لا..يلا بيعمل ايه الشغف ده اصلا...
>>>>>>>>>>>>>>>>>>
بليل
الباب كان بيخبط..ضحي راحت فتحت الباب..
ضحي: اهلا يا سليم باشا..
سليم: اهلا ضحي هانم..
ضحي: كنت فين كده؟
سليم: كنت مع سيف..
ضحي : امم طيب..
سليم: اصله هيبقي عنده مناسبه قريب..
ضحي: مناسبه ايه؟
سليم:مش سيف قرر يخطب..
ضحي بصتله بصدمه وقالت: يخطب..ازاي يعني؟!
سليم: ازاي ايه هو مش شاب..
ضحي: مش قصدي بس..
سليم: بس ايه..
ضحي سكتت شوية وبعدين قالت: طب وفجأة كده..ولا كان عارف واحده..
سليم: لا بيقول انه فيه واحده عجباه وهيخبطها..
ضحي حست بشكه في قلبها وسكتت مش عارفه تقول ايه...
سليم: مالك..سكتي ليه..
ضحي: مفيش..الف مبروك ليه..وقامت وقالت انا هدخل جوه..
سليم مسكها من ايديها وقال: مش عايزه تعرفي هي مين؟
ضحي: لا..هو انت عارفها..؟
سليم: اه عارفها اوي كمان..
ضحي: مين دي ولا اسمها ايه؟
سليم ابتسم وقال: اسمها ضحي..
ضحي : بجد علي اسمي؟
سليم ضحك وقال: انا عارف انك دمج..علي اسمك ايه دي انتي يا حبيبتي..
ضحي حست انها لسانها وقف..وفضلت تضحك بفرحه وقالت : انا ازاي؟
سليم: انت ازاي ايه..منا عارف اللي فيها..
ضحي وهي بتخبي ابتسامتها: ايه اللي فيها؟
سليم : يابت..عارف انكوا بتحبوا بعض من بعيد كده..بس ساكت بمزاجي.. عشان عارف سيف كويس عمره ما هيعمل حاجه غلط بس الواد ده لو كان استعبط كمان شويه كنت هكسر دماغه..
ضحي بفرحه: يعني هو قالك انا عايز اخطب ضحي..
سليم: اه قالي..
ضحي ابتسمت جامد وقالت: يااه اخيرا..
سليم: اخيرا ايه يابت اتلمي كده عشان مروحش اقوله معندناش بنات للجواز..
ضحي : وانا اهون عليك برضو..
سليم بابتسامة: الصراحه لا..والله انا فرحت اوي عشان مش هلاقي احسن من سيف..وعشان عارف انك هتفرحي..مبروك يا حبيبتي..
ضحي حضنته وقالت: الله يبارك فيك..وعقبالك يا حبيبي..
سليم بابتسامة: كبرتي وهتتخطبي يا بت..
ضحي: اسكت بقي عشان معيطش وانا بتلكك اصلا..
سليم: لا بالله عليكي..تعال اما نفرح ماما..
ضحي بابتسامة: يلا..
>>>>>>>>>>>>>>>
في الكليه..
ضحي : رقيه..
رقيه: امم..
ضحي: مش أنا قلتلك أول عريس ييجي هوافق؟
رُقيه: آه قلتي.. إيه؟ جه بالسرعة دي؟
ضحي ضحكت وقالت: تخيلي.. جه فعلًا.
رُقيه بصتلها بصدمة: بجد؟ طب وإنتي هتعملي إيه؟ هتوافقي بجد؟
ضحي: آه.
رُقيه: طب وسيف؟
ضحي ابتسمت وقالت: ما هو سيف.
رُقيه فتحت عينيها بصدمه: إنتي بتهزري صح؟
ضحي: لا والله.. سيف بجد.
رُقيه ضحكت: ده هيبقي ليه حق بجد بقي..
ضحي بابتسامة: آه.. كان ناوي.
رُقيه حضنتها وقالت: الف مبروك يا روح قلبي..
ضحي بابتسامة واسعة: الله يبارك فيكي يا حبيبتي..
رُقيه: أنا مش مصدقة بجد! ربنا يفرحك يا حبيبتي..
ضحي: انا وانتي يارب..وعقبالك واشوفك اجمل عروسة يا روحي..
رُقيه قامت تسقف وتغني لضحي : حلوه عروستي ..واخدها نقاوه..وفجأة بترجع لورا لقت نفسها خبطت في حد.. لفت بسرعة، ولقت سليم واقف وراها..
سليم ابتسم: بالراحة يا رُقيه.. هتقعي.
رُقيه ضحكت وهي لسه مبسوطة: معلش.. بس عندنا خبر حلو أوي!
سليم بص لضُحى وابتسم: انتي عرفتي؟
رُقيه: اه وانت مقلتليش..
سليم: ده كان لسه امبارح..يعني يدوبك نمت وصحيت..
رُقيه: مش مبرر..
سليم ضحك وقال: حاضر هبقي اقولك في الحلم بعد كده..
رقيه ضحكت وقالت: بهزر..المهم احنا حاسه اني عايزه اشغل اغاني وارقص..
سليم: في الكليه؟!
رُقيه بابتسامة: اصلي مبسوطه اوي بجد..اخيرا هشوفك اجمل عروسه..
ضحي بابتسامة: حبيبتي والله..
سليم: بمناسبه الفرحه الحلوه دي انا قررت اعزمكوا..شوفوا عايزين تاكلوا ايه وانا اطبلكوا..
ضحي بابتسامة: اقسم بالله انك اخ جدع..
سليم: عارف..
رُقيه ضحكت..سليم بصلها وقال: تاكلي ايه؟
رُقيه: اي حاجه..
سليم: اجيبلك برجر معايا..
رُقيه بابتسامة: ماشي..
سليم: وانت يا ضحي..؟
ضحي: انا نفسي دلوقتي مفتوحه اوي..عايزه طبق مكرونه بالوايت صوص ومعاها كده شويه استربس وكمان بيتزا..
سليم: بيتزا كمان!! وبعدين انتي هتاكلي كل ده مع بعضه ازاي..
ضحي: يا عم قول ماشاء الله..هاتها سجق..
سليم: هي ايه؟
ضحي: البيتزا يا سليم..
سليم: اه طيب..
ضحي ضحكت وقالت: داخله علي خطوبه و لازم تتغذي..
ضحي: قوليله يا بنتي..
"وفي وسط فرحة ضحي كانت رُقيه حاسة إن اليوم ده مختلف بطريقة غريبة.. وكأن كل واحد فيهم بدأ يقرب من الحاجة اللي نفسه فيها."
>>>>>>>>>>>>>>>>
<عدّى كام يوم، وجِه اليوم اللي كانت ضُحى مستنياه.. يوم قراءة فاتحتها على سيف.>
رقيه كانت معاها من اول اليوم جه بليل وهي كانت مع ضحي بتجهزها..
ضحي: رقيه انا نسيت الهيلز في العربيه بتاع سليم..نادي عليه خليه يجيبه بسرعه..
رُقيه: طيب..
رقيه طلعت ونادت عليه..
سليم اول ماشافها..وقف مكانه ومقدرش ينزل عينه من عليها..
رقيه شاورتله وقالت: واقف عندك ليه تعالي..عايزاك..
سليم قرب منها وقال: انت مين؟
رقيه: نعم!! انا رقيه..
سليم: ازاي!!
رُقيه: يعني ايه ازاي انت فقدت الذاكره ولا ايه..
سليم ابتسم وقال: لا بس شكلك متغير وحلو اوي..
رقيه بابتسامة: اه احنا البنات لما نحط ميكب ونلبس دريس بيبقي شكلنا توحفه كده..
سليم بابتسامة: هو توحفه فعلا..امال مش بتخليكي كده علطول ليه..ولا مناسبات بس..
رُقيه: قصدك اننا في العادي وحشه يعني ؟
سليم: لا خالص قصدي يعني اول مره اشوفك حاطه ميكب وكده..
رُقيه: ماهو مينفعش اجي كده الكليه يعني..
سليم: معاكي حق..مينعفش حد يشوف الجمال ده كل يوم..
رُقيه اتكسفت و خدودها احمرت وقالت: يعني.. شكرا..
سليم بابتسامة: العفو..
رُقيه: اه صحيح..ضحي نسيت جزمتها تحت في العربيه..عايزاك تجيبها..
سليم: حاضر..هنزل أجيبها..
رُقيه: تمام..
سليم: تمام..
رُقيه: انزل يلا..
سليم ضحك وقال: حاضر..