بنعيش أجواء الرواية بين دوشة القاهرة وروح السيدة زينب مع حب غير مقصود والهروب منه في نفس الوقت..اختبارات من جميع النواحي...
فيلا شاهين الصياد
فيلا فاخرة بطابع ملوكي هادي
أول ما تدخلي من البوابة تلاقي جنينة صغيرة وبعدها باب الفيلا
جوه تلاقي ريسبشن كبير مفتوح على بعضه وفيه طرقة بتودي على المطبخ وحمام وسفرة كبيرة في ركن لوحدها
وشبابيك كبيرة وباصة على الجنينة فالإضاءة فيه بتبقى معتمدة على النهار.. الجو فيه هادي وبارد شوية
ومكتب لشاهين بيخلص فيه شغله
الدور التاني...
ده دور النوم السلم بيطلعك على صالة في النص
من الصالة بيتفرعوا 3 أجنحة واوضتين
جناح خاص بشاهين ومرام وجناح لسيليا وجناح لـ إلياس
والاوضتين للضيوف.. والسطح
بتنزل سيليا علي السلم وفي ايديها شنطها صغيره وهدومها عباره عن بنطلون ضيق باللون الاسود وتوب اسود قصير مع
شميز بني
مرام كانت واقفه علي السفره مع الخدم بتابع تجهيز الفطار
وبتبص علي سيليا
سيليا: صباح الخير
مرام: صباح الخير كل هاد نوم حبيبتي
سيليا: انا مش عارفه انام من امبارح
مرام: معلش حبييتي بكرا تتعودي لسه امبارح وصلتي
سيليا: اوك انا نخرج
مرام: افطري معنا بالاول إلينا سنين ما اتجمعنا وبيك هلا راح ينزل
سيليا: انا هروح لين يعني ما انا قاعده اهو والأيام جايه
مرام: بعرف انك كتير عنيده
سيليا: ما انتي عارفه اهو
مرام: ماشي سيليا
سيليا: باي
مرام: باي
خرجت سيليا ومرام فضلت بصاله شويه ونزل شاهين وقرب
من مرام وباس خدها: صباح الخير يا حبيبتي
مرام: صباح الخير حياتي شو نمت منيح
شاهين: يعني شويه
مرام: طيب يلا اقعد افطر
شاهين: حاضر
شاهين قعد ومرام بصت للخدام: اتفضلوا انتو
مشيوا الخدم وقعدت مرام
شاهين: محدش هيفطر معانا من الأولاد ولا ايه
مرام: إيلي راح علي مدرسته وسيليا طلعت من البيت قبل
ما تنزل
شاهين: من اول يوم كدا
مرام: لك طالعه لمين غير إليك حياتي
ضحك شاهين: معاكي حق
~~~~~
في احدي حارات السيدة زينب الشوارع مليانة زحمة ودوشة
بيوتها القديمة لازقة في بعض والناس علي القهاوي مع ريحة اكل الشارع وصوت ورشة عيلة الحديدي اللي مسمعه في كل حتة...
الورشة الحديدي موجودة قريب من عمارة الحديدي ومش محتاجة غير كام خطوة عشان توصلها
عمارة الحديدي
عمارة 5 أدوار كل دور فيه شقتين قصاد بعض
الدور الأول فيه بدروم وصالة واسعة بيتجمعوا فيها بالمناسبات ومعاها مخزن وشقة للضيوف
- الدور التاني شقة قاسم الحديدي وقدامه شقة جلال الحديدي
- الدور التالت شقة حسن الحديدي ونادية الحديدي وبنتها
- الدور الرابع لسه متحددش... دا هيكون لعمار وخالد بس هخلي وصفه بعدين
- الدور الخامس السطح واللملة الحلوة
عمارة منصور العطار
على بعد خطوات من عمارة الحديدي..لدرجة إنك لو طلعت في بلكونة منصور هتشوف عمارة الحديدي قصادك وورشتهم تحت عمارتهم بالظبط
ومن هنا بدأت حكايتنا في القاهرة والسيده زينب ...♡
~~~~~
في منزل قاسم الحديدي
بتخرج هدي من اوضتها وماشية تجاه اوضه رنا
بتفتح الباب وبتدخل: رنا قوم اصحي يلا
رنا اتحركت في سريرها بنوم: سبيني يوم واحد انام براحتي
يا هدهد
هدي: ما انا لو سبتك مش هتنفعي خالص في حياتك.. قومي
يابت اخلصي
رنا فتحت عينيها: حاضر اديني كمان عشر دقايق
هدي: هما خمس دقايق والاقيكي قدامي ويلا تنشري الهدوم
عشان متتكسرش
رنا: هدوم ايه يا ماما حرام عليكي
هدي: انا لو لقيتك علي باب جامع كنتي هتبقي احن عليا
من كدا والله
رنا قامت قعدت: خلاص صعبتي يا هدهد عليا هنشرلك الهدوم
هدي: كتر خيرك يا هانم
خرجت هدي من الاوضه ورنا مسكت الفون بتاعها وبصت لصورة ياسر وابتسمت
هدي: اخلصي يابت
رنا: يووو محدش يعرف ياخد راحته خمس دقايق في البيت دا
قامت من علي السرير وخرجت من الأوضة: جيت اهو
~~~~~
كانت بتسوق سيليا العربية بسرعة كبيره ونيللي ماسكة في الكرسي بخوف
نيللي بصوت عالي: بلاش جنان لو فضلتي تسوقي بالطريقة دي هنعمل حادث
ضحكت سيليا: انتي لسة شوفتي جنان
نيللي: سولي ونبي وقفي كفاية كدا
ظهرت عربية فجاه قدام ونيللي صرخت
~~~~~
هدي في المطبخ بتحضر الفطار ورنا في البلكونة خلصت
نشير هدوم وكانت هتدخل لمحت ياسر واقف مع شمس
وبيضحك
ادايقت من شكلهم وهدي فضلت تنادي علي رنا ورنا كان
كل تركيزها مع ياسر ومش سامعه اي حاجة تانيه
هدي بنفاذ صبر: انتي يابنت مش بكلمك
لفت ليها رنا وهي في البلكونة وبصتلها: معلش يا هدهد
مسمعتش من دوشة الشارع
هدي: طيب لو خلصتي كلمي عمار وحسن يجوا يفطروا
انا شوية وهخلص
رنا: حاضر حاضر
دخلت المطبخ هدي وبصت رنا علي ياسر وكانت شمس دخلت عمارتهم وهو ماشي
مسكت بسرعة جردل المياة ودلقته علية.. ياسر رفع وشه
لفوق بصدمة وبص لرنا اللي بصاله والبرود علي ملامحها
رنا: معلش يا هندسة ادلقت من ايدي بالغلط
ضيق عيونه ياسر بغيظ وضغط على سنانه وهو عارف انها قاصده: ولا يهمك
رجع ياسر تاني ورنا كانت متابعة بعيونها: تستاهل اكتر من كدا والله
خرجت هدي من المطبخ ومعاها طبقين: هو مين دا
رنا: لا مفيش
حطيت هدي الطبقين علي السفرة وبصت لبنتها: شكلك دلقتي علي حد مياة الغسيل
دخلت رنا وقعدت علي السفرة: اها كان معدي الصايع هشام
وما صدقت
هدي: يابنتي ابعدي عن العيلة دي احنا مش ناقصين مشاكل
رنا: ليه احنا علي آخر الزمن هنخاف من عيلة منصور العطار
انتي نسيتي أننا أكبر عيلة في السيدة زينب كلها ومفيش
حد هيبقا زي عيلة الحديدي
هدي: ما بلاش فتح قلبك دي وخليكي ساكتة
خرج قاسم من اوضتة بعكازه اللي ساند عليه وبصلهم: اهو دي الحاجة اللي ورثتها من باباها
هدي: قاسم اقفل الموضوع دا ومتكلمش فيه انت بذات لو سمحت
رنا: سيبك من الولية دي واكيد طالع للقمر دا انا في كل حاجة
ابتسم قاسم وقعد علي الكرسي وبص لـ هدي: اهدي بقا شوية بلاش العصبية دي
هدي مشيت علي المطبخ: انا مش عارفه الاقيها منك ولا من بنتك
رنا: القمر بتاعي عامل ايه النهاردة
قاسم بابتسامة: زي الفل طول ما حبيبت قلبي قدامي
رنا: والله العظيم بموت فيك يا قسومي
هدي من جوا المطبخ: طيب اخلصي ياختي وكلمي عمار وحسن
رنا: دي رامية ودانها علينا يا حاج وشكلها بتغير عليك
ضحك قاسم ورنا قامت وطلعت من البلكونة وعيونها علي
الورشة الخاص بعيلة الحديدي واتكلمت بصوت عالي: يا ابو
علي.. حسن
خرج حسن من الورشة وبص لرنا: في ايه يا حضره المستشار
رنا: الفطار جاهز انجز انت وابن اخوك عشان ميتة من الجوع
حسن: طيب ادخلي كفاية فضايح جاين اهو
دخلت رنا من البلكونة وبص حسن لعمار اللي تحت العربية
بيصلح فيها: طمني الاخبار ايه
طلع عمار من تحت العربية وقام وقف وبص لحسن: دلوقتي
تقدر تقول مش ناقصها اي حاجة
حسن: انا كنت فاقد الامل فيها ليها اكتر من شهرين محدش عارف يحلها وجيت انت خلصتها في اسبوع ما شاء الله عليك تربيتي يا ولاا
عمار ابتسم لحسن
حسن: يلا يا ابني دلوقتي تخرج تاني من البلكونة ويا عالم
المرادي هتقول ايه
عمار: حسابها لما اشوفها
حسن: اهدي عليها انت عارف انها اتعودت
عمار: ماشي
~~~~~
نزلت نيللي ايديها اللي مخبية بيها وشها وبصيت قدامها
ولقيت العربية وقفت علي آخر لحظة
سيليا: انتي قلبك خفيف اوي كدا ليه يا نيلو
نيللي: قلبي خفيف ايه دا انتي كنتي هتعملي بينا حادث علي آخر لحظة
سيليا: بس محصلش حاجه
بينزل الراجل صاحب العربية التانية وبيفضل يبص حوالين
عربيتة يطمن عليها وبص لسيليا: حضرتك مبتعرفيش تسوقي بتركبي عربية ليه
سيليا: انت بتكلمني انا كدا
صاحب العربية: اها بكلمك انتي
سيليا: لا مسمحلكش وبعدين انت اللي مش بتعرف تسوق
وظهرت قدامي فجاه
خبط بايده علي العربية واتكلم بعصبية: انزلي
بصت سيليا لنيللي اللي رفعت كتفها: خلصيني من المشكلة دي بسرعة
سيليا: انا هخلص الموضوع في ثانية
نيللي: انزلي يا سولي
سيليا: اوك
نزلت سيليا ووقفت قدام الراجل
صاحب العربية: الكسر اللي حصل لعربيتي دا دلوقتي
انا هعمل فيه ايه
سيليا بصت للعربية ورجعت بصتله: انت مكبر الموضوع ليه هو خدش بسيط محصلش حاجه يعني لكل دا
صاحب العربية: ما انت حضرتك هيهمك ايه شكلك مش شايلة مسؤولية ولا حاجة العربية دي انا لسه بسدد اقساطها والخدوش اللي مستهتره بيه عايزلها شي وشويات
سيليا: طيب ما تقول كدا من الاول نخلص الموضوع كله
بالفلوس الرقم اللي انت عايزه انا هدفعه
صاحب العربية: انا مباخدش العوض يا آنسة
نفخت سيليا بضيق: جو الصعبنيات وعز النفس دا انا ماليش فيه لما انت مش عايز فلوس موقفني ليه
ادايق صاحب العربية من اسلوبها: عشان نروح القسم وهناك
اتكلمي براحتك
سيليا: فكرني هخاف مثلا عايز تروح القسم موافقه بس عشان تبقا عارف انت اللي هتخسر كتير
صاحب العربية: هنشوف الكلام دا هناك
نزلت نيللي من العربية بسرعة وبصت لراجل: لو سمحت
يا عمو يعني يرضيك بنات زينا نروح القسم واهلينا هيعرفوا وهتحصل مشكلة.. انا آسف بنيابة عنها قولي انا اقدر اساعدك في ايه بس بلاش القسم وياريت نحلها هنا
بص الراجل علي سيليا اللي رافعه راسها بغرور ورجع بص
لنيللي: حصل خير يا استاذه انا كل اللي انت عايز اسمعه
سمعته منك
نيللي: طيب محتاج مني حاجة
صاحب العربية: لا شكرا بس ياريت تخلي صاحبتك تبطلي
سواقة يكون احسن ليها بدل ما تعملها مشكلة كل يوم وفي
ناس مش كويسة خالص ونتو شكلهم بنات ناس
سيليا: انت قصدك عليا انا
نيللي: خلاص اسكتي.. حاضر هخليها تبطل شكرا لحضرتك
صاحب العربية: العفو
الراجل ركب عربيتة ومشي
سيليا بصيت لنيللي: ممكن افهم ايه اللي انتي قولتيه دا
نيللي: دا بدل ما تشكريني اني خلصتك من مشكلة كنتي هتعمليها
سيليا: هو اللي غلطان وانا مبيهمنيش حاجة
نيللي: فيها ايه يعني لو اتاسفتي وخلص الموضوع وانا ونتي عارفين كويس مين الغلطان سواقتك المتهورة هي السبب وطلبت منك تغييريها
سيليا: اولا انا مستحيل اتاسف لاي حد مهما كان مين
ثانيا بقا سوقتي هي كدا ومش هبطلها ويلا اطلعي لسه
معانا يوم طويل
ركبت العربية سيليا ونيللي فضلت واقفه: انا عارفه اليوم مش هيعدي علي خير
سيليا: هتركبي ولا امشي واسيبك
نيللي: هركب اهو
ركبت نيللي واتحركت بالعربية
~~~~~
خرجت هدي من المطبخ باخر طبقين في ايديها وحطيتهم
علي السفره وقعدت بصيت لرنا: بتندهي تاني من البلكونة
يا رنا مش عمار قالك مليون مره بلاش تعملي كدا
رنا: هو انا عملت جريمة يعني دا انا ندهتم علي الفطار
هدي: والله انتي حره اهو جايلك ويبقا اعرفي اتكلمي قدامه
رنا بصيت لقاسم والخوف ظهر عليها: وبعدين في مراتك دي
اللي عايزة تموتني ناقصه عمر
قاسم هز رأسه: اهدي يا حبيبتي مفيش حاجه هتحصل ونتي
اسمعي كلام عمار اكيد معاه حق مينفعش الصوت دا حد يسمعه
دخل عمار من باب الشقة ووراه حسن: وتسمع الكلام ليه ما
هو مالوش لازمه عندها
رنا بصتله وبعلت ريقها: اخر مره والله يا عمار مش هيحصل كدا تاني
حسن: صوتها بقا في السيدة زينب كلها الناس هيستغربوا
لو بطلوا يسمعوا البلاعة اللي متعودين عليها كل يوم
رنا ضيقت عيونها: ما تخليك محضر خير يا ابو علي
ضحك حسن: حاضر
هدي: اقعدوا افطروا يلاا ونتي اخلصي افطري مش معاكي كلية النهاردة
قعدوا الشباب وبصيت رنا لهدي: معايا محاضره الساعه 2
الضهر لسه بدري
قاسم: بس أخرجي بدري شويه يا حبيبتي عشان متتاخريش
رنا: حاضر يا قسومي
ثم أكمل نظرته علي عمار اللي بياكل: طمني اخبار الشغل في
الفرع الجديد ايه يا عمار
رفع نظره عمار لقاسم واتكلم بجدية: كويس يا بابا بس لازم
كل فتره اروح اطمن علي الدنيا هناك
قاسم: هو انور مقصر في حاجة ولا ايه
عمار: لا ابدا هو مظبط كل الشغل بس يعني عشان نطمن علي الشغل اكتر
قاسم: اللي انت شايفة يابني
هو رأسه عمار وسكت وبص حسن لقاسم: شوفت يا قاسم
عمار صلح العربية اللي وصلت من شهرين في اسبوع بس
ابتسم قاسم وبص لعمار: طول عمره قد اي حاجة ربنا يحفظة ليا يارب
هدي: ربنا يزيدك من وسع يا حبيبي وتفضل دايما تفرحنا بيك
يا اول فرحتي
عمار: ربنا يخليكي ليا يا امي
حسن: ايوا ياعم احلا دعوة من ست الحبايب
رنا: ما هي كدا مبتحبش غير حبيبها عمار اول فرحتها ونا الفرحة التانية مالهاش لازمة يعني
هدي: كويسة انك عارفه
رنا شاورت لقاسم: سامع بودنك دي بتعترف كمان
ضحك قاسم: انتي عارفه انها بتهزر معاكي
رنا: مش باين يعني
هدي: عايزة تعرفي اني بحبك انتي كمان
رنا: ايوا بقا يا هدهد
هدي: لو خلصتي فطار قومي اغسلي المواعين اللي في الحوض جوا
قامت رنا من علي الكرسي وبصت لمامتها: اها طيب انا معايا مذاكره ضروري ولازم اقوم دلوقتي بسرعة
خلصت كلامها واختفيت من قدامهم وضحك حسن وبص
لهدي: ليه عايزه تتعبيها طيب
هدي: والله ما في حد تاعبني غيرها
قاسم: معلش يا هدي البت معاها مذاكرتها برضو
هدي: ما هو دلعك فيها خلاها تهرب مني بحجة المذاكرة
قامت هدي واخدت الاطباق ودخلت المطبخ تعمل شاي
حسن: هدهد شايلة كتير يا قاسم من رنا
قاسم: اسكت حاسس اكتر منك
ضحك حسن وقام عمار يغسل وفضل قاسم وحسن يتكلموا
~~~~~
في منزل منصور العطار
قاعد بيشرب قهوتة وبتقعد جنبه هاجر
شرب منصور شويه من القهوة وبص لهاجر: ياسر وهشام فين
هاجر: ياسر نزل شغله والاستاذ هشام لسه نايم ياريت تكلم معاه يا منصور وتقوله يبطل الهباب الى بيعمله دا مش كل يوم يجيلنا وش الفجر
منصور: يطلع دلوقتي واتكلم معاه
قامت هاجر من جنبه تشوف شغل بيتها وهي بتكلم بصوت
مسموع: انا مش عارفه الواد دا طالع لمين
منصور: هيكون طالع لمين غير أبوه
هاجر بهمس: ما انا بقول كدا
خرج هشام من أوضته وهو بيمسح في وشه من أثر النوم
وقعد جنب منصور: صباح الخير
منصور: صباح الخير يا خويا قوم غسل وشك وتعال ورايا
تحت في الورشه عايزك
هشام: حاضر
قام منصور وخرج من الشقة ونزل لورشته.. دخل هشام لامه
في المطبخ ووقف سند بجسمه علي الحيطة: صباح الخير
بصتلة هاجر ورجعت تكمل نقي الرز: صباح الخير
هشام: مالك يا جوجو قالبة وشك علي الصبح ليه
هاجر: ما انا معرفتش اربي لا محترم ولا بتشتغل وترجع اخر الليل زي الصيع اتعلم من اخوك الصغير شوف ما شاء الله عليه
هشام: نفس اسطوانه كل يوم ايه مبتزهقيش وبعدين انا مش عايز ابقا زي حد كفايه عليكي هو
هاجر: امشي من وشي مش عايزه اسمع صوتك تاني
هشام: انا غلطان اني جاي أصبح عليكي اصلا
مشي هشام دخل الحمام وهاجو جواها زعل كبير علي تصرفات ابنها
~~~~~
بتخرح رنا من شقتهم وبيخرج في نفس الوقت خالد
رنا: صباح الفل يا خالود
ابتسم خالد: صباح الورد يا حضرة المستشارة
رنا: يابني لو فضلتوا تقولولي كدا انا هتغر والله ومش بعيد
او ما اتخرج ارفع قضية عليكم
ضحك خالد: ليه بس كدا دا احنا بنكبرك يا باشا
رنا: ماشي يا حبيبي سماح المرادي انا شكلي انفعلت شويه
خالد: جدا
بتنزل امل علي السلم وبيبص عليها خالد وبيبتسم
امل: صباح الخير
خالد ورنا: صباح الخير
خالد: ازيك يا امل
امل: الحمدلله يا خالد انت عامل ايه
خالد: كويس
رنا: طيب وسع كدا ادخل اصبح علي جيمي
خالد وسع من قدام الباب: اتفضلي
رنا كانت هتدخل وقفت علي صوت امل: رنا عايزاكي في حاجة
بصتلها رنا: حاجة ايه
بصيت امل لخالد اللي عيونه عليها
اتكلم خالد بإحراج: احم طيب انا همشي عشان متاخرش علي الشغل
رنا: مع السلامه
خالد: سلام
نزل خالد وقربت امل من رنا
رنا: في ايه ما تكلمي يا امل
امل: احم احم
رنا: هتقري ربع ياسين ولا ايه
امل: اديني فرصة اتكلم ياستي
رنا: اتفضلي سمعاكي
امل: هو عمار صحيح رجع امبارح من القاهرة
رنا: اممم اها رجع
امل: موجود جوا ولا تحت في الورشة
رنا: لا موجود هو وحسن جوا مع بابا
امل: ماشي
دخلت رنا شقة جلال وفضلت امل واقفة وبعدين دخلت شقة خالها قاسم
في منزل جلال الحديدي
قاعد جلال في الصالون وبتدخل رنا
رنا: انا قولتلك يا جيمي سيبك من آمنة واجوزك بدل ما انت
والوحدة صحاب اوي كدا
ضحك جلال: مقدرش استغني عنها
قعدت رنا وبصتلة: بس مينفعش المز دا يتساب لوحده
خرجت آمنة من المطبخ: وهانت عليكي آمنه كدا تجيي وحده غيرها بعد العشرة دي
رنا: انا لسه بقول الكلام دا يا آمونه.. ينفع يعني كدا يا جيمي
اللي بتقول دا
جلال: انا قولت ايه
رنا: تعالي اقعدي معاه يا آمونة وشوفي هتتصرفي معاه ازاي ونا هقوم اشوف خوخا هي موجودة في اوضتها
آمنة: ايوا في اوضتها
قامت رنا وفتحت باب اوضه خديجة ودخلت: ازيك يخاخو
واقفة خديجة قدام المرايا يتعدل طرحتها وابتسمت:
اهلا يقلبي
قعدت رنا علي السرير: كنت متأكدة هلاقيكي قدام المرايا دي
قعدت خديجة علي الكرسي وبصت لرنا: اشمعنا
رنا: يعني بتاخد وقت كتير في ام الطرحة بتاعتك دي
خديجة: طيب قوليلي ايه المصيبة اللي عملتيها النهاردة
رنا: والله ما حد بيفهمني قدك
ضحكت خديجة: طيب عملتي ايه يا مجنونة
رنا: تعالي هحيلك واحنا نازلين
خديجة: ماشي
اخدت شنطتها والفون بتاعها وخرجت هي ورنا من الأوضة
~~~~~
في شركة الصياد...
في مكتب شاهين الصياد بالتحديد
قاعد شاهين الصياد ومتعصب كالعادة وواقف قدامه السكرتير الخاص بيه والتوتر علي ملامحه
شاهين بعصبية: يعني ايه يحصل تأخير من تسليم العربية
يا انوؤ
انور بلع ريقة بخوف: العربية عطلت مع السواق يا شاهين
بيه بس متقلقش كريم اتصرف وكلها ساعة والعربية توصل
جسار بيه
شاهين: ونا طلبت منك تتفقد عربية التوصيل من اي حاجة ناقصه عشان ماجاني المشاكل دي
انور: عملت زي ما طلبت مني يا فندم بالـ..
قاطعه شاهين بعصبية: انور انا مبحبش اي تاخير في شغلي
لو حصل اي اصدار من جسار بيه انا هفصلك من شغلك عشان تعرف تهتم اكتر من كدا
بيتفتح الباب وبتدخل مرام وبتقعد علي الكرسي
هز رأسه انور: مش هيحصل كدا تاني يا شاهين بيه
بص شاهين لمرام: طيب اتفضل علي شغلك
خرج انور وقام شاهين قعد علي الكرسي اللي قصاد مرام
دان: شو في حياتي ليش متعصب هيك
شاهين: حصلت غلطة كدا في الشغل متشغليش بالك انتي
جايه عايزة حاجة
مرام بدلع: والله جد انا لازم كون بدي شي من شان اجي
ابتسم شاهين علي دلع مراته اللي فاهم وراه ايه: لا مش لازم
بس ايه القمر دا
مرام: عجبك لون شعري
شاهين: تحفه عليكي يا حبيبتي
قامت مرام وقعدت علي رجل شاهين زي ما متعوده تعمل كدا
اتكلم شاهين وهو بيبص علي مرام من كل حاجه: مبسوطه يعني ونت بتصغري كدا ومفكرين انك بنتي مش مراتي
ضحكت مرام بدلع: هاد اللي بدي ياه حبيبي ضل حلوة بعيونك
شاهين: وهتفضلي كدا يروحي
مسكت مرام قميصه: شاهين انا بدي
شاهين: حاضر انا هحولك فلوس علي الفيزا بتاعتك
مرام باست خده: الله يخليلي ياك
قامت مرام ظبطت شعرها وقام وقف جنبها شاهين: هتروحي
مكان دلوقتي ولا علي الفيلا
مرام: بدي شوف صديقاتي ايلي لسه بمدرسته وسيليا ما رجعت ونا زهقت من القعدة لحالي بالبيت
شاهين: ماشي
مرام: باي حبيبي
شاهين: باي يا حبيبتي
خرجت مرام وشاهين عيونه عليها بابتسامة
~~~~~
كانوا نازلين خديجة ورنا سوا علي السلم وطلعوا من العمارة
اتكلمت خديجة وهي بتضحك علي إلى سمعته من رنا: حرام
عليكي يا مفترية عملت كدا عشان بس شوفتيه واقف معاها
رنا: المفروض كنت استني يبررلي موقفة الزفت علي دماغه
يعني ولا ايه
خديجة: لا بس احنا عارفين أن شمس بت عقربة ومش تمام
رنا: عارفة وواثقة أنه مش شايف غيري بس مقدرتش امسك نفسي بصراحه
خديجة: ياعم الواثق انت
ضحكت رنا وبصيت في الفون: يانهار اسود قدام ساعة واحده بص والمحاضرة تبدأ
خديجة: طيب اهدي ومتتوتريش عشان تعرفي توصلي
رنا: طيب انا نمشي دلوقتي باي يخوخا
خديجة: باي يا حبيبتي
مشيت رنا
خديجة: خدي بالك من نفسك
بصتلها رنا: حاضر ونتي كمان
ابتسمت خديجة ومشيت عشان توصل شغلها
~~~~~
في منزل قاسم
بتكون واقفة امل عند الباب وعيونه علي عمار وقاسم
اخد باله منها: تعالي يا حبيبتي واقفة عندك ليه
قربت منهم امل وقعدت جنب حسن
حسن: امال ناديه فين
بصتله امل: نازله دلوقتي
قاسم: هي كويسة
امل: اها كويسة يا خالو متقلقش
وعيونه جات علي عمار: حمدالله على سلامتك يا عمار
عمار: الله يسلمك
دخلت ناديه وسلمت علي عمار وقعدت مع قاسم وحسن
~~~~~
قدام ورشة منصور العطار
بيطلع هشام من العمارة وبيقعد علي الكرسي قدام الورشة جنب منصور
اخد نفس منصور من الشيشه وبص لهشام: ايه يا خويا كل دا
مش عايز تنزل
هشام: ما هي مراتك عكننت مزاجي وفضلت تسمعني اسطوانه كل يوم
منصور: سيبك منها دلوقتي وخلينا في المهم.. انا سمعت
ابن قاسم الحديدي رجع امبارح من القاهرة
هشام: هو كان في فرصة احسن من كدا نخلص عليه ونخلص
منه بقا
منصور: عشان عبيط وحمار عايزه نعمل نفس اللي عملنا مع ابوه عشان يتشك فينا علطول
هشام: اعمل ايه طيب يعني ما انا مش طايق اشوفه كل يوم
وهو بيكبر قدامنا
منصور: تعال علي نفسك عشان نخلص منه وميطلعش لينا زي الشوكة في الزور تاني
هشام: اللي انت شايفه يا حاج
منصور: بمناسبة رجوعك اخر الليل مش قولنا نبطله شويه دلوقتي عشان امك متفضلش تصدعنا معاها وخطيبتك
لتدايق وتسيبك
هشام: لا دنيا سيبك منها لو ضربتها في دماغها هيكون بنسبالها متتنسيش كاني عملتلها مفاجاه بحبي ليها
منصور: المهم عايزك تخفي شويه عشان الموضوع يكمل
والفلوس كلها تبقا تحت ايدينا
هشام: اوامرك يا حاج
~~~~~
كانت بتشد رنا في خطواتها عشان توصل وبصيت في الفون
ولقيت الوقت قرب وبصت حواليها والشارع كان فاضي شويه
ومحستش بنفسها غير وهي بتجري
في نفس الوقت كانت بتسوق سيليا العربية وشافت رنا قدامها بتجري استغربت وبصت لنيللي: هي هربانه من حد
نيللي: مش عارفه
سيليا داست بنزين ووصلت عند رنا ووقفت العربية ورنا وقفت وبصتلها
سيليا: انتي بتجري من حد
رنا بعدم فهم: حد ازاي
سيليا: يعني حد كان خطفك
رنا: لا انتي خيالك وسع لدرجاتي حد يبقا من السيدة زينب ويتخطف انا بس متأخرة علي المحاضرة والمشكلة الدكتور
اللي هيشرح صعب واهم حاجه عنده الوقت ونا مش قدامي
غير نص ساعة وشكلي مش هعرف اوصل وهتروح عليا المحاضرة
سيليا: اركبي اوصلك
رنا: بجد
مرام: اها اركبي
ركبت رنا ورا واتحركتك سيليا بالعربية
رنا كانت بتبص في العربية: بجد عربيتك حلوة يـ
سيليا بصتلها في المرايا وابتسمت: سيليا
رنا: كمان سيليا اسمك تحفه.. ونتي يمزه اسمك ايه
ابتسمت نيللي: اسمي نيللي
رنا: شكلكم بنات ايجيبت كدا جامدين
سيليا: طيب حطوا حزام الامان عشان هزود السرعة عشان كدا هتتاخري اكتر
رنا: حاضر
~~~~~
بيخرج جلال من شقتة وبيشوف باب شقة مفتوح بيدخل: السلام عليكم
الكل رد عليه: وعليكم السلام
جلال: دايما متجمعين يا عيلة الحديدي
قاسم: تعال يا جلال واقف عندك ليه
جلال: انا كنت جاي من الورشة وطالع البيت قولت اطمن عليك
قاسم: ربنا يخليك ليا
عمار: طيب انا قولتلك بلاش تنزل الورشة ياعمي انا وحسن
هنشيل كل حاجة
جلال: طيب قول لابنك حاجة يا قاسم الظاهر فاكر اني عجزت
عمار ابتسم: معاش ولا كان اللي يقول كدا انا بس عايزك ترتاح
جلال: انا كدا في كامل راحتي يا حبيبي
نادية: طول عمرك تعمل اللي في دماغك
جلال: ونتي طول عمرك مش بيعجبك دا يا نادية
نادية: مين قال كدا
جلال: انتي قولتي كدا يا اختي أنا نازل عن ازنكم
خرج جلال وبص حسن لأخته: مع حق يا نادية جلال مكدبش
نادية: حتي انت يا حسن
حسن: بنهزر معاكي متاخديش الحياة جد كدا
بصتله نادية وسكتت
~~~~~
وصلت سيليا قدام الكلية ونزلت رنا وبصت لسيليا
من الشباك
رنا: انا عمري ما شوفت بنات جدعه كدا والله بجد شكرا
يا قمرات
سيليا: عادي يعني انا معملتش حاجة
رنا: ايه رايك تديني رقمك ونبقا صحاب
سيليا: اكيد
رنا: ونتي يا نيلو هاخد رقمك من سيليا
نيللي: موافقه يا قمر
اخدت رنا رقم سيليا وبعد ما اخدته مشيت سيليا بالعربية ووقفت رنا وهي بتكلم نفسها وعيونها علي العربية: بجد بنت اول مره اشوف زيها
ياسر من وراها: انتي بتكلمي نفسك يا رينو
لفت وبصتله رنا بضيق
عمار كان قاعد ساكت بيسمع كلام الشباب في صمت وسمع صوت خناق جاي من تحت قام وخرج من الشقة وقام حسن وراه يشوف في ايه
خرج قاسم هو وهدي ونادية وامل من البلكونة يشوفوا خناق
مين دا...
يتبع