بتخرج رنا من اوضتها وهي مش عارفه سابت الفون فين
وبتشوف حسن في وشها وبتفتح عيونها بصدمه وبتكلم
بهمس: خلاص انتهينا
بينزل حسن الفون من علي ودنه وعيون علي رنا: رنا.. تعالي
بتبلع ريقها رنا بصعوبة شديدة وهي بتمشي ببطئ
حسن: اخلصي
سرعت خطواتها بخوف من اللي هيحصلها
وصلت عنده وهي هتموت من الخوف والمشكلة الل اتحطت فيها.. وقفت قدامه وهي مستنية يتكلم
بص حسن في الفون ورجع بصلها: في رقم متسجل بياسو
ونا رديت عليه
رنا قلبها وقع في رجليها ودقات قلبها زادت من التوتر
حسن: بس الغريبة مفيش اي صوت اتكلمت محدش رد عليا
معقول يكون سمعت صوتي اتفاجئت عشان كدا متكلمتش
رنا بسرعة: صح هي سهيلة بنت متقفلة جدا واكيد لما سمعت صوتك اتصدمت يعني ازاي رد عليها صوت راجل
حسن: طيب ياستي خدي الفون بتاعك وكلميها
اخدت رنا الفون وفتحته ولقيت المكالمة خلصت قفلت الفون وبصيت لحسن: النهاردة قابلت بنتين مزز يا ابو علي وجدعان
اوي استغربت من اللي عملوا معايا جول عمري اعرف البنات الأغنياء دول مغرورين خالص بس دول عكس كل الفكرة اللي عندي بجد قمامير
حسن شد ايد رنا وقعدوا : لا دا انت تحكيلي
رنا: هحكيلك بس عمار فين
حسن: تحت في الورشه
رنا: ماشي هحكيلك يا سيدي
~~~~~
بيفتح عمار عيونه وبيبص حواليه وبعدين بيقوم من علي السرير وبيطلع من الاوضه بيغسل وشه من أثر النوم وطلع
البلكونة ورمي نظره علي الورشة وعيونه جات علي عمار منصور العطار وشاف ياسر واقف في البلكونة وسرحان بص بعيد عنه
فتح الفون بتاعه ورنيت عليه رقم رفع عيونه وشاف خالته في البلكونة مع ياسر وعيونها عليه وماسكه الفون علي ودنها
مستنيه يرد
ثانية وعمار رد: صباح الخير يا خالتي
هاجر: صباح الفل يا حبيب خالتك.. واخده علي خاطري منك
يا عمار
عمار عيونه عليها ابتسم: ينهار ابيض القمر بنفسه زعلان مني لا ماليش حق طيب ونا زعلت من غير ما اخد بالي في ايه
هاجر: متكلمش خالتك بقالك اسبوع
عمار: حقك عليا يا حبيبتي بس الفتره دي مشغول في الشغل
هاجر: شايفه يا حبيبي بس بلاش تقطع كدا
عمار: حاضر والله متزعليش مني
هاجر: في وحده تزعل من ابنها
عمار: اكيد لا
هاجر: سلملي علي هدي ورنا
عمار: يوصل سلامي لياسر
هاجر: ماشي يا حبيبي
عمار: مع السلامه
هاجر: سلام
عمار قفل المكالمة وبص لياسر اللي عيونه عليه وابتسم
لي وياسر ابتسمله
عمار دخل وهاجر حطيت ايديها علي كتف ياسر: مالك
يا ياسر
ياسر: مفيش يا ماما
هاجر: طيب يا حبيبي هسيبك علي راحتك ونا هدخل احضر الفطار
ياسر هز رأسه وهاجر دخلت
عيونه رجعت علي البلكونة وهو مستني حتي يلمحها أو يشوف طيفها ويطمن عليها.. اتنفس بضيق ودخل
~~~~~
بيرن باب جرس شقه نيللي وبتخرج من اوضتها وهي في طريقها للباب وبتفتح
سيليا: ايه يا نيللي كل دا
نيللي سابتها ودخلت: نمت متأخر امبارح ومحتاجة انام
دخلت سيليا وقفلت الباب: شكلك بتحبي من ورايا ونا معنديش علم بحاجة
قعدت نيللي علي الكنبة: حب ايه وكلام فاضي ايه بس كان
معايا شوية شغل محتاجه اخلصهم وفين لما عرفت انام
سيليا: عارفه يا نيلو الاكسسريس بتاعتك تحفه بجد اول ما شافوهم صحاب في امريكا اتجننوا ووعدتهم اني لما ارجع
هجيب ليهم كلهم
نيللي: بجد بفرح اوي يا سولي بالكلام دا بحس اي تعب تعبته
جاب نتيجة
سيليا: ولسه كمان هتبقي اكبر بيدج وكل الناس هتتمني تشتري منك
نيللي: بخصوص لما ترجعي هو انتي لسه عند قرارك هتسبينا تاني
سيليا: نيللي بلاش تبقي زي ماما انتو عارفين انا اتعودت علي هناك واتعلقت بكل حاجه فكره اني استقر هنا دي مستحيلة بنسبالي انا نزلت عشان زن الهانم مرام وفتره صغيره وهرجع
نيللي: والفتره دي قد ايه
سيليا افتكرت عمار: لما اخلص اللي في دماغي.. واه عشان
تبقي عارفه هتسافري معايا أمريكا لازم صحابي يشفوكي
نيللي: لا انا مقدرش اعيش غير في مصر
سيليا: ما انا كنت زيك يا نيللي بس اتغيرت
نيللي: بس انا مقدرش بجد دي الحاجة الوحيدة اللي بتفكرني بماما
سيليا: مفكرتيش تسيبي الشقة وترجعي الفيلا
نيللي: اكيد لا انا كدا مريحه دماغي
سيليا: في الاخر دي راحتك انتي
نيللي قامت ومشيت علي المطبخ: فطرتي ولا تفطري معايا
سيليا قامت وراحت وراها: انا من اول ما نزلت مصر ونا مش عارفه اكل اي حاجه الاكل هنا غريب جدا
ضحكت نيللي: ما حضرتك بقالك سبع سنين في امريكا طبيعي تتغيري
سيليا: ماما حاولت كتير تاكلني بس انا رفضت
نيللي: طيب حابه تاكلي ايه ونا اعمله ليكي
سيليا: لا انا ممكن اشرب تشاي لاتيه ساقع تعرفيه
نيللي: اعرفه دا انتي كنتي مصدعاني بيه كل مره اكلمك فيها تكوني بتشربيه
ضحكت سيليا: ادمان بنسبالي
نيللي: عيوني هعمله ليكي
~~~~~
في منزل قاسم الحديدي
عمار قاعد علي الكرسي وفي ايديه كوباية شاي...
اتفتح باب اوضه قاسم وهدي وخرج قاسم بعكازه
وعمار جات عيونه عليه بزعل بيحاول يداريه
قاسم: صباح الخير يا عمار
عمار: صباح الخير يا بابا
قام عمار وقرب من قاسم: اساعدك تقعد
قاسم بصله وسند علي ايديه وقعد علي الكرسي وعمار رجع
قعد وبصله: هي ماما كويسه
قاسم وبيحاول يلطف الجو: مامتك اول مره تعملها في التاريخ وتفضل نايمه لحد دلوقتي
ابتسم عمار: تلاقيها تعبانه شوية
قاسم: طول عمرها مش بتهدي غير أما تعمل مجهود
هز رأسه عمار: طيب انا هقوم أحضر فطار عشان رنا تفطر قبل ما تمشي
قاسم: هساعدك
عمار: لا انت تفضل قاعد عشان
سكت عمار قبل ما يكمل كلامه وميجرحش أبوه بالحقيقة المره اللي بقالهم سنين بيحاولوا يتلهوا عنها
قاسم: متقلقش انا كويس اها مش بعرف امشي علي وحده من رجلي غير بالعكاز بس اقدر أقف اساعدك
عمار: بلاش تتعب نفسك عشان خاطري
قاسم: بلاش انت تحسسني بالعجز يا عمار
نزل عمار علي رجله ومسك ايد قاسم اللي قاعد بحزن: حبيبي أنا مقصودش والله حقك عليا بس انا عايزك مرتاح
ابتسم قاسم: انا مرتاح متشلش هم انت
عمار: ماشي انا هخليك تساعدني واهو ندلع هدهد النهاردة شويه
ضحك قاسم: ايوا هو دا الكلام
ابتسم عمار علي فرحته ابوه: بابا النهاردة هنروح لدكتور عشان نطمن عليك
قاسم: ماشي
وقف عمار: يلا بينا
وقف قاسم جنب عمار: يلا
~~~~~
في فيلا شاهين الصياد
قاعده مرام في الجنينه مع صحابها البنات
جومانة: هي مرام مش موجوده ولا ايه
مرام: من وقت ما رجعت وهي مقضيه كل وقت مع رفيقته نيللي
دان: ونيللي عامله ايه لسه عايشه لوحدها
مرام: اي حبيبتي هي خلاص استقرت
جومانة: طيب ايه حصل عشان تفضل لوحدها
مرام: بيني وبينكم العلاقه مو احسن شي اللي عرفته من شاهين أنه كمال متحكم بحياتها شوي
دان: التحكم دا أسوأ حاجة اسالوني انا بابايا ومامتي كانوا بيخططوا لحياتي لحد ما كبرت
ضحكت مرام وجومانة علي دان
جومانة: كنت عايزة أسلم علي شاهين يا مرام ليا زمان ما شفته
مرام: اكيد حبيبتي بتسلمي عليه احنا نقضي يومنا وهو بيكون وصل
جومانة: تمام
~~~~~
بيخبط باب شقه قاسم الحديدي وبتخرج رنا من اوضتها وبتفتح
حسن: صباح الخير يا رينو
رنا: صباح الخير يا ابو علي
حسن حط أيدها في لي كتفها ومسك خدها بايديه: ماله حبيبي قلب ابو علي زعلان علي الصبح كدا ليه
ابتسمت رنا: لا مفيش بس لسه صاحيه من النوم
حسن: طيب فين عمار منزلش يعني
رنا: شكله في المطبخ هو وبابا
حسن باستغراب: بيعملوا ايه
رنا: بيحضروا الفطار
حسن: بيحضروا فطار.! ليه هدهد فين
رنا: هدهد نايمه
حسن: طيب انا هروح اشوف الكارثه اللي بتحصل في المطبخ دي
رنا: ماشي
مشي حسن ناحيه المطبخ ودخلت رنا اوضتها والفون كان منور باسم ياسر بصت للفون وسابت وتشوف هتلبس ايه
في المطبخ.
دخل حسن وبص لعمار اللي ماسك الطاسه وبيجهز الفول
حسن: شيف والله العظيم
بصله عمار وابتسم: انت هنا من أمتي
حسن: من شويه
اخد خياره حسن واكل منها: ايه يا قاسم شكلك هتغدينا مش هتفطرنا
قاسم: يلا دا احنا لسه داخلين المطبخ وبعدين انت تتعلم مني الشطارة
حسن: لا اتعلم ايه انا عايز اكل وبس
عمار: طول عمرك مفجوع
حسن: كويس انك عارف ويلا بقا عشان انا جعان
عمار: حاضر
حسن: امال هي هدهد ليه نايمه لحد دلوقتي
قاسم: مش عارف
حسن بغمزه: مش عارف ولا مش عايز تقول
قاسم: بالسكينة دي وهرميها عليك
حسن اخد قطمه من الخياره: خلاص هسكت
قاسم: ساعدنا طيب بدل ما انت مش فالح غير في الاكل
حسن: ماشي
~~~~~
في منزل منصور العطار
بيقفل الفون ياسر بضيق من عدم رد رنا عليه وبيخرج من اوضته وكانوا متجمعين منصور وهشام وهاجر ودنيا وشمس
ياسر: عن ازنكم
هاجر: مع السلامه يا حبيبي
ياسر: الله يسلمك يا ماما
مشي ياسر ناحيه الباب وخرج وهيقفله لقي شمس في وشه
شمس بسهوكه: خد بالك من نفسك يا ياسر
ياسر: تمام
مشي ياسر وشمس فضلت واقفه شويه وبعدين دخلت
ورجعت قعدت
منصور: يلا بينا نشوف الشغل يا هشام
قام منصور وهشام معاه ونزلوا
قعدت دنيا جنب هاجر: رجع امبارح كمان متاخر
هاجر: لا ونا استغربت دا مكانش بيفوت يوم
دنيا: ربنا يكمل علقة ويهدي اكتر يا ماما
هاجر: يارب يا حبيبتي
شمس: انا نازله ساعه كدا
هاجر: راحه فين يا شمس
شمس: هشوف البت سهي يا مرات عمي
هاجر: متتاخريش
شمس: تمام
خرجت شمس من الشقه وفضلت دنيا وهاجر
دنيا: بتطمني علي خالتو هدي
هاجر: ايوا يكلمها كل يوم والتاني
دنيا: حاسه انك مدايقه من حاجه
هاجر: علاقتنا انا وهدي مبقتش زي الاول كل اللي حصل وفضلنا مع بعض ومتاثرناش بحاجة عشان احنا في الاخر
اخوات ملناش غير بعض بس دايما بحس بتأنيب الضمير
حاسه انا السبب في وضع قاسم
دنيا: بس يا حبيبتي انتي مالكيش اي زنب
هاجر: الاحساس دا طول الوقت بيطردني يا دنيا
دنيا: ماما هو حادث عمي قاسم كانت صدفه مش كدا
هاجر: الكلام دا اتقال وأننا لازم نصدقه بس الحقيقة السيدة زينب كلها عارفها
دنيا: بس عمي يعمل كدا معقول
هاجر: منصور مكانش كدا اتجوزته غصب عني بس قولت يمكن احبه من العشره وفعلا حببني فيه من تصرفاته معايا
كان كويس جدا وحنين عمره ما عمل اي حاجة زعلتني حتي هو وقاسم علاقتهم دي كانت مش مجرد أصحاب لا اكتر من كدا بكتير وفي يوم وليله منصور بدأ يتغير شويه شويه لحد
ما حصل لقاسم اللي حصل وفعلا هو اللي كان ورا الموضوع
ومن يومها حاسها ونا عايش من بني آدم انا معرفوش...
خوفي كله علي هشام يفضل يزنله في ودنه لحد ما يوديه في داهيه
دنيا: مش شرط يا ماما هشام مرحش امبارح المكان اللي متعود يروحه ودي كانت حاجة غريبة يمكن يتغير كان لسه
محدش عارف بكرا مخبي لينا ايه
هاجر: يارب ربنا يسمع من بوقك والله ما حد مريحني في البيت دا غيرك انتي وياسر
ابتسمت دنيا: ندعي للباقين كمان
هاجر: دول عايزين ليليه قدر عشان ربنا يغفر ليهم
ضحكت دنيا: أن شاء الله كله هيبقا كويس
هاجر: أن شاء الله يارب
~~~~~
واقفه سيليا في البلكونة بشقه نيللي وبتشرب تشاي لاتيه بتاعها وبتبص لشارع وبيرن الفون بتاعها بتاخده من علي الترابيزة وبترد: الو
رنا: عامله ايه يا سيليا
سيليا باستغراب: الحمدلله بس
رنا: انا رنا
سيليا: رنا.. اها افتكرتك ازيك
رنا: الحمدلله بخير نيللي عامله ايه
سيليا: كويسه انا موجوده عندها
رنا: سلميلي عليها
سيليا: احنا نازلين كمان شويه لو محتاجه نوصلك بس بجد العربية بتاعها محتاجه يوم تتصلح ونا مبعرفش امشي من غيرها بس اعمل ايه
رنا: ايه دا محتاجه تتصلح واحنا موجدين يا باشا
سيليا: قصدك ايه؟؟؟
رنا: انا عيلتي متخصصين في الشغل دا ومعروفين اوي خلي بالك
سيليا بهزار: دا انا لازم اتعرف عليهم بقا كدا
رنا: تنوري في أي وقت يا حبيبتي ولو محتاجه تصلحي عربيتك انا اخويا ممكن يخلصها ليكي في ساعات
سيليا: ساعات لدرجادي
رنا: يابنتي دا عمار الحديدي مفيش حاجه تغلب عليه
وبجد هو شاطر في الشغل اوي
سكتت سيليا وهي بتفتكر اسم الورشة اللي اتخانقت قدامها مع الشاب: رنا انتي اسمك ايه
رنا: رنا قاسم الحديدي ليه في حاجه
ابتسم سيليا بنصر: لا ابدا لاني معرفش بس
رنا: امم متاكده
سيليا: اكيد.. بقولك ليه انتي فاضيه النهاردة
رنا: انا حاليا في الكلية معايا محاضره كان ساعه وهروح
سيليا: طيب انا حابه اتعرف علي عيلتك النهاردة
رنا: عيوني طبعا اول ما اخلص هتواصل معاكي واقابلك
سيليا: تمام يا قمر
قفلت سيليا ونادت علي نيللي بصوت عالي: نيللي تعالي بسرعه
خرجت نيللي من الاوضه وراحت ليها البلكونة: في ايه مالك
سيليا: احنا مشكلتنا اتحلت خلاص
نيللي: مش فاهمه
سيليا: فاكره البنت اللي وصلتها الكلية
نيللي: اها افتكرت مالها
سيليا: طلعت اخت الشاب اللي اتخانقت معاه انتي متخيلة
يعني المقابلة هتبقا طبيعية كأنها صدفه بجد
نيللي: طيب ونتي ناويه علي ايه فهميني
سيليا: هتعرفي
~~~~~
بيطلع عمار وقاسم من العمارة وبيقفوا قدام الورشة مع
جلال وحسن
جلال: رايحين لدكتور
عمار: ايوا يا عمي
حسن: يبقا طمنونا وان شاء الله المره دي يكون في نسبة امل كبيره يا قاسم
هز رأسه قاسم
عمار: يلا يا بابا اركب
مشي قاسم وقرب من العربية وعيونه جات علي منصور إلى قاعد وعيونه عليه
ركب قاسم العربية وعمار ومشيوا
بص حسن وجلال علي منصور ورجعوا بصوا لبعض
حسن: انا الراجل دا مش قادر اطيقه يا جلال اول ما اشوفه
والاكتئاب يجيلي من حيس لا اعلم
جلال: بلاش تشغل بالك بيه مش هتجيب لنفسك في الآخر غير الصداع
حسن: راجل مضاد لراحة
ضحك جلال بخفه: طيب يلا نكمل الشغل
دخل جلال جوا الورشة وقرب حسن من عربية محتاجه تصليح
..
قعد هشام جنب منصور وبصله: دي فرصه نخلص منهن الاتنين
منصور: مشكلتك انك غبي وعايز كل حاجه بسرعه
هشام: طيب وليه الكلام اللي يدايق دا يا حاج انا غلطان يعني اني عاوز اريحك
منصور: انا عارف راحتي كويس يا خويا انت مالكش دعوه لما اقول نفذ وقتها اتحرك
هشام: ماشي انا هوصل مشوار كدا وهرجع
منصور: رايحه تقابل بنت من اللي تعرفهم
هشام: بتفهم يا حاج
منصور: يبقا سلملي عليها
ضحك هشام: حاضر
~~~~~
في منزل قاسم
في الصالون.
قاعده هدي وماسكه راسها بصداع بيخبط الباب بتقوم
تفتح
هدي: ادخلي يا آمنه
بيقعدوا وآمنه بتبصلها باستغراب: مالك يا هدي
هدي: من امبارح بليل جالي صداع رهيب وبدل ما اخد من برشام صداع اخدت من المنوم وجسمي اتكسر من كتر النوم
آمنه: طيب ونتي ما اخدتيش بالك من البرشام قبل
ما تاخديه ليه
هدي: والله ما كنت مركزه.. خدي عندك صحيت لقيت قاسم وعمار محضرين الفطار
ابتسمت آمنة: ما شاءالله وراكي رجاله بجد يا هدهد
هدي: طبعا
آمنه: امال هو قاسم مش باين ليه في اوضته
هدي: نزلوا من شويه هو وعمار وراحوا لدكتور
آمنه: خير ان شاء الله يا حبيبتي
بتدخل خديجة: عامله ايه يا هدهد
هدي: الحمدلله يا قلب هدهد
خديجة: رنا فين
هدي: نزلت للكلية يا حبيبتي
خديجة: بدري كدا
هدي: ايوا قالت معاها محاضره
آمنه: انتي مش قولتي هتنزلي انتي كمان يا خديجة
خديجة: ايوا انا همشي دلوقتي يلا سلام
هدي وآمنه: سلام
خرجت خديجة من الشقه ودخلت شقتهم اخدت شنطتها ونزلت
~~~~~
في الكلية
قاعده رنا في الكافتيريا سرحانه في تفكيرها وبتفوق علي صوت رن الفون بتمسكه وبترد
رنا: ايوا يا خوخا
خديجة: انتي كويسه يا رنا
رنا: كويسه اها ليه بتسالي
خديجة: حاسه انك بتخبي عني حاجه دا انتي نزلتي النهاردة ومجتيش عندي ونزلنا سوا زي ما متعودين
رنا: متزعليش يا خوخا كان معايا محاضره يا حبيبي
خديجة: مع اني مش داخل عليا الكلام دا بس ماشي
رنا: خوخا ما تجيلي الكلية
خديجة: لا طبعا مش هينفع
رنا: عشان خاطري ونبي انتي مش معاكي وقت لسه
خديجة: اها ساعه كمان
رنا: طيب تعالي
خديجة: هتحكيلي يعني
رنا: تعالي الاول
خديجة: طيب باي
رنا: باي
قفلت رنا الفون وحطيته علي الترابيزة وجي صوت من وراها هي تعرف كويس
ياسر: ممكن اعرف مبترديش ليه
لقيت رنا بجسمها لي وقامت وقفت: ياسر انت ايه جابك هنا
مشي ياسر خطوتين وشد الكرسي وقعد وبص لرنا: اقعدي
قعدت رنا وهي بتفرك في ايديها بتوتر
~~~~~
في عياده الدكتور اللي متابع معاه قاسم
قام الدكتور من علي الكرسي اللي جنب سرير الكشف
وقعد علي الكرسي بتاعه وبص لعمار
عمار: طمني يا دكتور
الدكتور: بص يا عمار مقدرش اديلك امل كذب حاله الاستاذ قاسم مفيش اي تحس فيها احنا لينا لحد دلوقتي اربع سنين
كاملين يمكن لسه ربنا مردش بس احنا هنفضل نكمل في علاجه وان شاء الله يحصل تحسن وكمان هوصف ليك دكتور
علاج فيزيائي عشان ننشط العضلات ورينا يقدم اللي في الخير
عمار: تمام يا دكتور هعمل كل اللي اقدر عليه
عمار بص لقاسم اللي قاعد علي سرير الكشف وحاسس
بكل حاجه حواليه
~~~~~
ياسر: ها يا رنا فكرتي كويس هتكدبي عليا بايه
رنا: ونا هكدب عليك في ايه كل الموضوع ان الفون كان
مش معايا كول الوقت
ياسر: هو انا اعرفك من امبارح عشان اصدق كلام زي دا
انا ياسر يا رنا فاهمه يعني ايه ياسر
رنا: انت دخلت هنا ازاي
ياسر: متغيريش الموضوع وفهميني متغيره من امبارح معايا ليه
رنا: لا مش متغيره
ياسر مسك ايديها: طيب حصل معاكي حاجه
رنا سحبت أيدها وربعتها قدامها: حسن اللي رد عليك امبارح
ياسر بصدمه: ايه ازاي
رنا: لما رنيت الفون كان علي الكنبة ونا خرجت من الاوضه
ولقيته ماسك الفون
ياسر: طيب وبعدين حصل ايه
رنا: الحمدلله مسمعش صوتك والمكالمه خلصت
ياسر: انا كمان مسمعتش اي صوت
رنا: اهو اللي حصل
ياسر: طيب خلاص معرفش حاجه انتي مدايقه ليه
رنا: مدايقه ليه!.. انا هستني عشان تحصل مشكلة تاني
والكل يعرف بعلاقتي بيك
ياسر: حاسس انك مدايقه بعلاقتك بيا
رنا ادايقت من عدم فهمه: اها مدايقة بقيت بتفهم
يا بشمهندس
اتنفس ياسر بضيق واتكلم بهدوء: انا اكيد مدايق اكتر منك ومش حابب الوضع دا وعايز كل الناس تعرف انك ملكي وتخصيني بتاعتي انا بس انتي فاهمه يا رنا الموضوع دا
محتاج وقت كتير
رنا: وقت لحد امتي يا ياسر انا دلوقتي محدش متكلم معايا عشان ليه بدرس دي الحجه اللي موقفه معايا وبيتقدملي
شباب وبرفض ولما اخلص كلية مش هيبقا عندي حجه
ياسر: انتي لسه يا حبيبتي قدامك سنتين يـ
قاطعته رنا: هتعمل فيهم ايه يعني ما احنا بقالنا سنين مع بعض واحنا زي ما احنا مفيش اي حاجه اتغيرت
ياسر سكت
رنا: شوفت اهو سكت عشان مفيش عندك حاجه تقولها
ياسر: مش هقولك كلام لانك مش هتصدقيني
رنا: ياسر احنا لازم نسيب بعض
ياسر تنح وثبت عيونه عليها
رنا تصنعت الشجاعه وهي بتتوجع من الكلام اللي بيطلع منها
بعدت عيونها من عليه عشان متتهزش: دا احسن حل لينا
ياسر قام زق الكرسي ومشي
رنا بصتله بزعل وهي حاسه روحها بتتسحب منها وحطيت ايديها علي عيونها بتحاول تهدي
برا الكلية...
واقفه خديجة قدام باب الكلية مع الأمن ورافض يدخلها
خديجة: حضرتك انا داخله اشوف اختك جوا
راجل الأمن: يا آنسه ممنوع
خديجة: هو ايه اللي ممنوع ما الناس داخله طالعه اهي فتحت عيونك عندي يعني
راجل الأمن: اتفضلي امشي
خديجة بعصبية: هما خمس دقايق وهخرج علطول
نديم كان نزل من عربيته وسمع صوت خناقها قرب منهم
نديم: هو في حاجه
راجل الأمن: الانسه عايزه تدخل يا استاذ نديم
خديجة: وبعدين معاك هدخلني ولا ايه يعني
نديم بصلها شويه: سيبها تدخل معايا
راجل الأمن: بس يا استاذ
نديم: الانسه معايا
خديجة مشيت ونديم دخل وراها
بعد ما دخلوا خديجة فضلت تبص حواليها
نديم: تعالي معايا عشان ما تهويش هنا
وقفت خديجة وبصتله: نعم انت هتصدق نفسك اجي معاك فين دخلتني وخلاص
نديم: انتي مجنونه ولا ايه انتي المفروض تشكريني علي اللي عملته معاك من غير ما كنتيش هتعرفي تدخلي
خديجة: ليه يعني عميد الكلية ولا دكتور هنا
نديم: اسالي اي حد عن نديم المالكي ونتي تعرفي يا حلوه
لبس نديم نضارته ومشي من قدام خديجة
~~~~~
عمار كان بيسوق وقاسم جنبه بصله
قاسم: الدكتور قالك ايه يا عمار
عمار بصله وسكت شويه: قالي انك بقيت كويس شويه
يا حبيبي محتاج ترتاح اكتر
قاسم: يعني مش قالك اني هقدر ارجع امشي دلوقتي
عمار: هنحاول تاني لحد ما تقدر ترجع تمشي علي رجلك
قاسم: حتي لو ما مشيتش انا مش زعلان بالعكس دا العكاز مبقتش اقدر استغني عنه لو مشيت علي رجلي هحس حاجة نقصاني
عمار: بتهزر كمان يا بابا
قاسم: لا يا حبيبي مش بهزر انا بتكلم جد ليه تفضل زعلان عليا انا الحمدلله راضي بنصيبي اني معرفش امشي تاني
هزعل ليه
عمار: بس انا حاسس انك هتقدر امشي تاني
قاسم: اللي ربنا عايزة هيكون
عمار: باذن الله
~~~~~
في احدي مطاعم كمال المنياوي
قاعد كمال في المطعم وقاعد معاه شاهين
كمال: بقالك كتير ما جيتش
شاهين: مشغول شويه يا كمال في الشغل والفتره دي بالذات
حصلت كام مشكلة في الشغل
كمال: دي اول مره تحصل
شاهين: مشغل شويه بهايم معايا
كمال: خلينا في المهم
شاهين: خير في ايه
كمال: نبيل المصري عاوز يعمل شراكه بينا
شاهين: طيب حلو لس انت مش محتاج حد يشاركك
كمال: متنساش وضعية نبيل المصري ايه وبعدين ليا مصلحه اني هكسب اكتر
شاهين: اتفقتوا يعني خلاص
كمال: لا لسه بفكر لازم مبينش اني ما صدقت
شاهين: خد وقتك يا كمال يلا انا همشي
كمال: بسرعه كدا
شاهين: معايا شويه شغل وهشوفك تاني ونت يبقا عدي عليا
في الشركة هستناك
كمال: تمام
قام شاهين وخرج من المطعم
~~~~~
وصل عمار بالعربية ونزل وقاسم فتح الباب وعمار ساعده
ونزلوا
حسن قرب عمار: عمار محتاج اتكلم معاك
عمار: بعدين يا حسن
قاسم: خلاص يا عمار انا هطلع لوحدي
عمار: لا هطلع معاك
مشي قاسم وعمار بص لحسن
حسن: اسمعني يابني
عمار: ما تصبر شويه يا حسن في ايه
ومشي سابه ودخل العماره
وصلوا الشقه ودخل عمار مع قاسم وكانوا متجمعين البنات
كلهم بيتكلموا وبيضحكوا بصوت عالي
وقف قاسم وعمار: هو في ايه صوتكم عالي
نزل عيونه عمار وجات علي البنت الي قاعده وضهرها لي
رفعت وشها سيليا وهي مبتسمه
عمار يصلها بتركيز وهو مش مصدق أنها هي نفس البنت...