سكت عمار بعد ما سمع جمله البنت اللي هو عارف صوتها من اول ما سمعه بس قرر يبين قدامها مش عارفها: شكلك جايه ترمي علي حبيبك غلطي في الرقم يا آنسه
سيليا: لا انا مغلطش ابدا انت اللي عايزة أكلمه
عمار: بس انا مبكلمش بنات
سيليا: هتتكلم عادي
عمار: المفروض اسمع كلامك يعني
سيليا: للاسف انت عنيد ومش بتسمع كلام حد
عمار: قوليلي كمان مفتري وبتعصب علي كل الناس
سيليا: ما انت لو سبتني اكمل كنت هقول كل دا
عمار: جبتي رقمي منين
سيليا: مفيش حاجه صعبه علي سيليا الصياد
عمار: هتتكلمي بتناكه هقفل في وشك وشكلك هيبقا وحش اوي والمنظره اللي انتي فرحانه بيها دي هتنزل في الأرض
اتعدلت سيليا في عدتها واتكلمت بسرعة: ونت مش شايف نفسك بتكلمني ببرود ازاي وبعدين ايه طريقة الكلام اللي بتكلم بيها دي
عمار: انا اتكلم زي ما انا عاوز وبالطريقة اللي تعجبني
سيليا: مش واخد بالك اني انا بتكلم بغرور ونت بتكلم بتناكه شايف أننا لايقين علي بعض ازاي
عمار: لا مش شايف خالص انا قولتلك من اول ما شوفتك انك محتاجه لدكتور عيون لأنك خلاص بتشوفي حاجات
غريبة
سيليا: ظريف اوي ودي اكتر حاجه شدتني ليك
عمار: انتي هتفضلي تكلمي في الكلام العبيط اللي مالوش لازمه دا
سيليا: انت بنسبالكم الكلام الحلو عبيط دا انت غريب بجد
عمار: مش اغرب منك.. روحي نامي تصبحي علي خير
سيليا: نوم اي دلوقتي احنا هنسهر
عمار: لا انا مش بتاع سهر ومعايا شغل الصبح
سيليا: هيحصل ايه لو سهرت يوم واحد
عمار: يلا يابت اقفلي ونامي
سيليا: حاضر
قفل عمار وحط الفون جنبه علي السرير واتسطح غمض عيونه ونام
سيليا قفلت الفون وابتسمت بثقه: هغيرك في كل حاجه
ودا وعد مني ليك
~~~~~
بيخرج ياسر من اوضته والفطار بيكون محطوط علي
السفرة بيقعد ياسر وبيبص علي المطبخ بتطلع هاجر ومعاها طبق اول ما بتشوف ياسر بتحط الطبق بسرعة علي السفرة وبتمسك وشه: انت كويس يا حبيبي كنت عايزه اطمن عليكي امبارح قولت اسيبك لوحدك اكيد مدايق
ابتسم ياسر لامه ومسك ايديها باسها: انا كويس يا ست الكل
طول ما انتي موجوده في حياتي
قعدت هاجر علي الكرسي ومسكت ايديه: يا حبيبي يا ابني
نسيت اقولك صباح الخير
ياسر: صباح الورد يا امي
هاجر: يلا بقا افطر عقبال ما اجيب الشاي من المطبخ
ياسر: حاضر يا حبيبتي
قامت هاجر وراحت المطبخ وطلع هشام من اوضته: اخيرا خلصتوا من فقره حنان الام وابنها قبل ما اطلع عشان مش طايق اسمع حاجه
ياسر فضل ساكت ومعملش لكلام هشام اي أهمية وهشام ادايق من رد فعله وقعد علي السفرة
هشام: مش سامع ليك اي كلمه يعني يا ياسر هو القلم أثر عليك اوي كدا
رفع عيونه ياسر لهشام وفضل ماسك في صمته
هشام: اها نسيت البشمهندس المتكبر مبيكلمش اي حد
قعد منصور علي كرسيه: صباح الخير
هشام: صباح الخير
قام ياسر ومنصور بصله: رايح فين مش هتفطر
ياسر: متأخر علي شغلي
اخد ياسر الفون بتاعه وخرجت هاجر من المطبخ ومعاها الشاي: لحقت تخلص فطار يا حبيبي
قرب ياسر منها وباس راسها: لازم تمشي دلوقتي يا حبيبتي
هاجر: في رعاية الله وحفظه يابني
ياسر: سلام يا امي
خرج ياسر من الشقه وبصيت هاجر لمنصور اللي بيفكر ولا هامه
رفع عيونه منصور لهاجر: في ايه هتفضلي تبصيلي اقعدي افطري
هاجر: ماليش نفس
مشيت هاجر
هشام: والله احنا أولي بالاكل دا
بصله منصور وكمل اكل
~~~~~
في فيلا شاهين الصياد
إلياس: يا ماما لو سمحتي انا مش عايز لانش بوكس انا كبرت علي الكلام دا
بصله مرام اللي واقفه حاطه ايديها علي كرسي السفرة وفي ايديها بوكس موجود في اكل: إيلي لا تعذبني بدك تاخده معك عنجد عن قلك
إلياس: انا ماشي
خرج إلياس من الفيلا
مرام بصوت عالي: إيلي
نزل شاهين علي السلم وقرب منها بأس خدها: صباح الخير
بتندهي علي إيلي بصوت عالي ليه
مرام: ابنك كبر وما عاد بدو ياخد اللانش بوكس
قعد شاهين: سبيه علي راحته
مرام: شاهين افطر وعلي شغلك
ضحك شاهين: الله دا انتي مدايقة مني انا كمان
مسك ايديها قعدها: في ايه مالك
مرام: ما في شي
شاهين: طيب وبعدين في الدلع بتاعك دا
مرام: زهقت مني بعرف
شاهين: مستحيل يا حبيبتي
مرام: عم فكر نسافر شي يومين نغير جو كتير زهقت من نفس الروتين اللي عايشه فيه
شاهين: عايزه تسافري بعد ما رجعت سيليا مصر
مرام: والله جد إذا كان سيليا بنفسها ما قعدت معنا شوي لحد هلا
شاهين: طيب وايلي امتحاناته قربت
مرام: شاهين انت عم تسكرها بوشي اكتر
شاهين: لا يا حبيبتي بس مش هينفع نسافر اليومين دول عشان امتحانات إيلي اللي قربت ونتي دايما بتكوني معاه
نسيتي
مرام: إيلي بطل يسمع مني اي حكي عن قله ياه صار عنيد متلك
شاهين: متتغطيش عليه عشان ميدايقش
مرام: اها يعني انا صريت امنا الغوله متل ما بتقولوا بمصر
ضحك شاهين اوي علي كلام مرام اللي اتغاظت منه
شاهين مسك خدها: هو مفيش امنا الغوله قمر كدا
مرام: طيب شاهين
شاهين: متزعليش هنسافر بس مش دلوقتي حتي انا مشغول في الشغل وانزلي اعملي شوبينج غيري لون شعرك اخرجي
اعملي اي حاجة تطلعك من النكد
مرام: والله انت وأولادك اللي جبتولي النكد انا كنت كتير فرفوشة ما بعرف شو صرلي
ابتسم شاهين: حقك عليا
مرام: طيب افطر حياتي بتتاخر علي شغلك
~~~~~
في كافتريا الكلية
قاعده رنا وماسكه الفون بتقلب فيه وبترفع وشها لما بتسمع صوت هي عارفه كويس
نديم: لو انتي مش مقدره الجامعه اللي انتي فيها يبقا متجيش احسن
رنا: اللهم ما طولك يا روح نعم في ايه
نديم: في انك قاعده تضيعي وقتك والمفروض تقومي تدخلي المحاضرة بتاعتك
رنا: معلش يا استاذ انا مدخلتش المحاضرة عشان حضرتك هتدخل ونت طلبت مني ما احضرش اي محاضره ليك اعصي
أوامرك يعني
نهت كلامها رنا بتريقة
قعد نديم وبص لرنا: انتي عارفه مشكلتك ايه
رنا: هو انت كمان حللت مشكلتي بالسرعة دي
نديم: انك بترغي كتير وبضيعي وقتك في كلام فاضي
رنا: انت تعرفني انت عشان تقولي الكلام دا
نديم: لا بس الظاهر العيلة كلها عندها نفس الاداء
رنا: بيتكلم عن ايه دا
نديم: البنت اللي جاتلك الكلية تشوفك خديجة جلال الحديدي بنت عمك دكتوره صيدله بتتكلم بنفس الطريقة
بتاعتك دي
رنا كانت فاتحه بوقها من الصدمه: انت بتكشف عن الحاجب طيب ولا ايه يعني
نديم: لا بس لما يعزز اعرف حاجه بعرفها ولما كمان بكون عاوز اعمل حاجه بعملها ونا رفضت اعملك اي حاجة واديتلك
فرصة
رنا: المقابل
نديم: مفيش مقابل بس ممكن تقولي انا عاوز كدا.. هي مجاتش ليه النهاردة
رنا: عشان هي جات قبل كدا لما طلبت منها
نديم: طيب يبقا اطلبي منها تاني
رنا باستغراب: ليه
قام وقف نديم ولبس نضارته: اتفضل ادخلي المحاضرة عشان مبحبش حد يدخل بعدي
~~~~~
في ورشة الحديدي
قاعد عمار علي كرسي وقصاده حسن
حسن: بتتكلم جد يا عمار
عمار: هتفضلي في وضع الصدمه دا مش هقول حاجة تاني
حسن: يابني خد وادي معايا في الكلام مره وحده ومتفصلنيش
عمار: معنديش خلق يا حسن
حسن: لا كبر خلقك علي الآخر شكلنا داخلين علي حاجه اتقل
عمار: لا متصدقش نفسك انا مبامنش بالكلام دا ولا في دماغي
حسن: مش في دماغك ونت حر البت كلمتك ونو مشاعر عندك انا بقا اللي عايش معاها قصه حب من غير ما تبقا عارفه اعمل ايه
بصله عمار شويه: انا سمعت كلامك صح
حسن: اها يا عمار البت عجباني ومش عارف افتح معاها اي كلام
عمار: نصيحه مني ليك خليك علي وضع الحب الصامت اريحلك واريحلها ناقصه هي
قام عمار وخرج من الورشة يشوف الشغل
حسن وهو لسه قاعد علي الكرسي بيكلم نفسه: دايما كدا بيجبلي الإحباط في كل حاجه مفيش مره فرحني في حياتي
~~~~~
في صيدليه الحياة
واقفه خديجة بتكلم مع صديقتها وزميلتها في الشغل مارينا
خديجة: الف مبروك يا مارينا ربنا يسعدك يا حبيبتي
مارينا: عقبالك كدا يا ديجا
ووقعت عيون مارينا علي معاذ الي قاعد علي الكرسي وعيونه علي خديجة: في ناس حوالينا تطول نظره مننا
بس احنا اللي مش عايزين ندي اي فرصه
خديجة: قصدك مين
مارينا: الدكتور معاذ
خديجة: انا مش بطيقه اصلا اسكتي
ضحكت مارينا: ما في علاقات كدا كتير انا وبيتر كنا زي كدا بالظبط
خديجة: مش كل العلاقات بعدين دا واحد مش محترم
مارينا: عمل معاكي حاجه دايقتك يعني
خديجة: عايزني اتكلم معاه غصب عني
مارينا: طيب ما تجربي هتخسري ايه
خديجة: هخسر وقتي طبعا
وقفت عربية قدام الصيدليه وبصت خديجة: بقولك ايه شكله حبيبك بيتر يلا روحي بدل ما تفضلي قاعده مصدعاني
مارينا: ماشي بس لينا كلام تاني
خرجت مارينا من الصيدلية ووقفت مع الشاب تتكلم
~~~~~
في جناح سيليا
نايمه وحاطاه المخده علي وشها بيرن الفون بتاعها وبتشيل المخده بضيق بتسحب الفون علي السرير وبترد: مين
نيللي: مين ايه يا سولي
سيليا: سوري يا نيللي لسه نايمه وكدا
نيللي: نايمه لحد دلوقتي دا احنا بقينا الضهر
سيليا: اوك اوك هقوم دلوقتي
نيللي: تعالي يلا عشان هاخدك مكان تحفه
سيليا: مكان ايه دا
نيللي: مفاجاه بقا
سيليا: ماشي
قفلت سيليا وقامت علي السرير ودخلت الحمام
~~~~~
تحت في فيلا شاهين الصياد
قاعده مرام وبتشرب قهوة والفون بيرن اول ما بتمسكه مرام بتدايق وبترد
جومانة: عامله ايه يا مرام
مرام: منيحه حبييتي ونتي
جومانة: الحمدلله
مرام: اي لشو متصله
جومانة: في ايه يا مرام حاسه انك ادايقتي من مكالمتي
مرام: وليش ادايق
جومانة: حاسه من كلامك
مرام: لا عم بسالك بس
جومانة: طيب ياستي اتفقت انا ودان النهاردة نخرج نتسوق شويه وقولت اقولك عشان تبقي معانا
مرام: والله كان حابه بس ما رح اقدر
جومانة: غريبة يعني انتي متعوده تعمل كدا كل فتره
مرام: اها صح بس شو اعمل شاهين لازم شوفه وبدنا نقضي شويه وقت مع بعض
جومانة: والله
مرام: اي
جومانة: طيب سلملي علي شاهين كتير
مرام: يوصل حبيبتي
قفلت مرام ورميت الفون علي الكنبة
نزلت سيليا بصيت علي مرام المتعصبة: صباح الخير
مرام: قصدك مسا الخير
سيليا: بلاش تستلميني يا ماما انا معايا يوم طويل
مرام: ما تيجي علي حالك شوي وتقعد بالبيت معي
سيليا: هقعد اعمل ايه يعني
مرام: اي معك حق ليش انا مهمه عندك اصلا
قعدت سيليا جنبه هلي الكرسي وباست خدها: متقوليش كدا دا انتي اهم حاجة عندنا امال انا رجعت عشان مين
مرام: عم تضحك علي صح
ضحكت سيليا: لا يلا باي انا ماشيه
خرجت سيلا من الفيلا وقامت مرام طلعت الجناح وبتكلم نفسها: كل واحد شايف حياته ونا راح انجلط لحالي
~~~~~
قاعد منصور كعادته علي الكرسي والشيشة في أيدها والشاي جنبه وعيون علي ورشه الحديدي اللي ما بتنزلش
مسك الفون ورن هلي رقم: بقالك كام يوم مبتجبليش اي اخبار
حسني: معلش يا باشا بس انا حاسس اني اتحس بيا
عشان كدا بهدي الدنيا شويه
منصور: لا جدع وبتفكر ياض انت هتشغل دماغك عليا
حسني: والله يا باشا زي ما بقولك الواد مشمش اخد باله عليا ولو بلغ عمار بيه هبقا في ورطه كبيره
منصور: عمار بيه.. مفيش بيه غير يا روح امك ولا نسيت نفسك وصدقت فعلا انك شغال عنده دا انا اللي وقتك هناك
عشان تجبلي كل الاخبار
حسني: آسف يا باشا
منصور: في اي حاجة جديده
حسني: لا يا باشا
منصور: طيب في الشغل
حسني: كله شي زي الفل
منصور: انا ليه حاسس انك مبسوط أنهم مرتاحين
حسني: لا ابدا يا باشا
منصور: طيب لو سمعت اي حاجه تقولي وحاول تتسمع علي اي كلام بين عمار وحسن
حسني: حاضر
قفل حسني ولف بعد ما بص حواليه وشاف مشمش واقف حسني اتوترت وحس أنه انتهى خلاص
مشمش: انت بتعمل ايه هنا يلا علي شغلك
حسني: حاضر
مشي حسني وبصله مشمش بشك
~~~~~
بيتمشوا ياسر ورنا علي البحر ياسر ساكت ورنا بتبصله
وقف ياسر ومسك ايديها قعدها علي كرسي وقعد جنبها
رنا: ياسر انت ليه ساكت من اول ما جيت الكلية
بصلها ياسر: بفكر هل احنا صح ولا لا ممكن نبقا مع بعض ولا هتفضل نوهم نفسنا بحاجة مستحيل تحصل وبفكر اكتر في
كلامك احنا لو قعدنا سنتين قدام هنفضل في نفس النقطة
رنا: ياسر انت عايز تسيبني
ياسر: يبقا بسيب روحي حتي لو حصل دا غصب عننا انا عمري ما هحس اني عايش من غيرك
مسك ايديها وفضل يبصلها في صمت واتكلم بعد دقايق:
والله انا بحبك بجد بس احنا صعب اوي عشان نوصل لحلمنا
أننا نبقا سوا مش عارف اي هيحصل بكرا بس اوعدك اني عمري ما هسيبك يا رنا
رنا عيونها دمعت: انا عايزة شاورما
ياسر بعدم تصديق: يعني احنا بنتكلم في حياتنا بطولها وعرضها ونتي همك علي بطنك
رنا: جعانه يا اخي وبعدين فال الله ولا فال مش هيحصل
دا انت مش هتجوز غير يا ابن هاجر
ياسر: انا نفسي افهم بس ليه لازم تتقال باسم الام
ضحكت رنا: عشان جبت الانتاج القمر دا وبعدين متنساش دي خالتي
ابتسم ياسر: تعرفي هتفرح اوي لما تعرف بأنك هتبقي مرات ابنها
رنا: طبعا يا حبيبي
شدها ياسر وقام: طيب يلا اجبلك شاورما عشان تروحي
رنا: زهقت مني
ياسر: لا بس لو حد شافنا سوا مش بعيد نبقا موضوع السيدة زينب النهاردة
رنا: جمد قلبك يا ياسو دا انت مع رنا الحديدي اللي ميتخافش عليها
ياسر: اهو ثقه دي بذات انا خايف منها
ضحكت رنا وابتسم ياسر عليها
~~~~~
في ورشة الاكسسوارات الجديدة الخاصه بنيللي
نيللي: ايه رايك في المكان
سيليا وهي بتبص حواليها: تحفه بجد يجنن
نيللي: انا من اول ما شفته عجبني وقولت هتاجره
سيليا: الاختيار حلو هتنقلي الشغل هنا خلاص
نيللي: لا الورشة التانية هتبقى الأساسية ودي هتبقا تبع الشغل
سيليا: هي الكاميرا فين لازم نصور كام صوره غسان تنزليهم علي الأكونت بتاعك
نيللي: لا مش دلوقتي يا سولي لسه المكان محتاج تظبيط اكتر
سيليا: يابنتي المكان نش ناقص اب بجد
نيللي: لما يبقا جاهر هخليكي تصوري زي ما انتي عايزة
سيليا: اوك
نيللي: تعالي نشرب كوفي في الكافيه اللي جنب المحل
سيليا: يلا
~~~~~
في منزل منصور العطار
قاعده هاجر حاطه ايديها علي خدها ودنيا جنبها
دنيا: ماما انا امبارح سمعت صوت عمي منصور عالي ولما نزلت اشوف في ايه مان هشام خارج ومعرفتش أسألك
في وجود عمي
انا حاسه انك مدايقة عشان كدا بس هو ايه حصل
هاجر: اتفتح الموضوع اللي حصل من خمس سنين
دنيا: قصدك علي عمي قاسم
هاجر: ايوا كنت في المطبخ طلعت علي صوت ضرب منصور لياسر وصوته العالي
اتصدمت دنيا: هو ضرب ياسر
هاجر: انا زعلانه علي ابني مش عارفه اعمله ايه هو الوحيد اللي الظروف جايه عليه سمعت من كلامه كمان أنه حابب المشاكل دي تخلص
كمان في الصبح مفطرش ونزل لشغل علي لحم بطنه
دنيا: اكيد مدايق من عمي منصور أنه ضربه
هاجر: مدايق اكتر من كره وحقد أبوه اللي عمال يزيد كل يوم
تجاه قاسم اللي معملش لي اي حاجه
بيدخل هشام الشقه وهو آخر كلام هاجر: والله انتي وابنك المريض اللي مش حاسين انكم كل يوم بيسحبكم عيله الحديدي في صفهم من غير اي مجهود منهم
فوفي لنفسك وبطلي كلامك دا عارفه لو بابا سمع اللي بتقوليه عليه هيطلقك فيها انا لو منه كنت عملتها من
زمان بدل القرف الواحد عايش فيه دا
دمعت عيونها هاجر وبصلها هشام ودخل اوضته لسه هيقفل الباب منعته دنيا بسبب دخولها
هشام: خير انتي كمان عايزه ايه
دنيا بعصبية: انت ازاي تكلم امك بالطريقة دي مفيش عندك دم يا اخي كأنها عدوتك مدايق عشان عايزه تغيريك
هشام: هو انا ناقصك انتي كمان مش كفايه عليا هي
دنيا: انت ازاي بجد كدا دا انت من رجولته انك تعامل امك كويس ولاش شإيف نفسك مش راجل
مسك هشام دراعها جامد: لو عايزة تتأكدي تعالي علي السرير وانا اوريكي اني راجل اوي
زقته دنيا بضيق من أسلوبه: لو فاكر الرجولة اللي بتقوله عليه تبقا مريض
خلصت كلامها وخرجت من الأوضة وقفل هشام الباب جامد
لدرجه ان دنيا اتخضيت وقربت من هاجر وحضنتها: خلاص
يا ماما متعيطيش
~~~~~
في شركة الصياد في قسم الحسابات قاعد خالد علي مكتبه وبيتكلم مع صحابه ولمح مرام رايحه لمكتب شاهين
خالد: مرات المدير هنا
ضحك عبدالله صاحب خالد وزميله في الشغل: يابني ركز في شغلك وسيبك منها
خالد: طريقه كلامها بتخليني اركز معاها بس نفس اعرف هما اتعرفوا علي بعض ازاي
اسلام: انت تسيب الشغل وتروح تقعد مع شاهين بيه الصياد وتقولي انا حابب اسمع قصه حبكم انت والمدام
ضحك عبدالله: وبعدها بقا يرفدك
خالد بغرور: مين دا اللي يرفدني لو هو شاهين الصياد انا خالد الحديدي
عبدالله: متنفخش صدرك اوي يا حبيبي انتو اها عيلة معروفة بس شاهين الصياد مش سهل برضو
خالد: طيب سيبكم من الهري دا انا بجد زهقت من كتر الشغل وجوعت
عبدالله: انا مفلس هل الآخر ومستني اخر الشهر عشان اقبض
خالد: عايزني اعظمك بشياكة يعني
ضحك عبدالله: بتفهم يا خالود
اسلام: انا هموت اعرف بتودي فلوسك فين
رفع كتفه عبدالله: مش عارف والله انا يبقا ماسك الفلوس في أيدي بلف وشي كدا ويدوب بجيب اكل وهدوم باجي اخر الشهر شحات زي ما انت شايف
خالد: ما انت مقضي كل حياتك اوردرات في الاكل في الهدوم
عبدالله: هعمل ايه حياتي ومجبر عليها
خالد: طيب رن علي المطعم اللي بتطلع منه واطلب لينا احنا التلاته اكل ونا هحاسب
عبدالله: عنيا
اسلام: مالك حلو النهاردة يا خالد
خالد: ما انتو علطول بتنكروا اي حاجة بعملها
ضحك اسلام: بنهزر معاك يا مان
~~~~~
في مكتب شاهين
بتدخل مرام المكتب علطول واول ما بتفتح بتلاقي وحده قاعده مع شاهين بيتكلموا وبيضحكوا
مرام فضلت واقفه وشاهين رفع عيونه من عليها
بعدت مرام عيونها من علي شاهين وشافت جومانة
~~~~~
كان واقف عمار قدام العربية وبيكلم حسن: لسه واصل طلعت بابا عند الدكتور ونزلت تاني نسيت الفون في العربية
حسن: طيب خلاص نتكلم لما ترجع واطلع لقاسم دلوقتي
عمار: تمام سلام
حسن: سلام
قفل عمار ولف وشه وهو هيدخل العمارة عشان يطلع
لقي سيليا سانده علي عربيته جنبه
عمار اتخض لما لقاها في وشه: اعوذ بالله من الشيطان الرجيم انتي جنية ولا ايه
ابتسمت سيليا: اول مره اعرف ان قلبك خفيف كدا يا عمار
رفع حاجبه عمار: والله نطلع في وش الناس الاول بطريقة
متخضش وبعدين نتكلم
سيليا: انا قولت اعملها ليك سيربرايز
عمار: انتي مرقباني
سيليا: هراقبك ليه
عمار: ما هو مستحيل تكوني شوفتيني بالصدفه هنا
سيليا: وليه متقولش أن ربنا هو اللي عايز كدا
عمار: انت بتكلمي واحد اهبل مبيفهمش
سيليا: لا طبعا حد يقدر يقول عليك كدا
عمار: طيب ابعدي عن طريقي
سيليا: رايح فين
عمار: هو تحقيق
سيليا: سوال عادي
عمار: طيب ياستي انا طالع لابويا فوق ومعنديش وقت اتناقش معاكي
مشي عمار من قدام سيليا ووقفت سيليا قدامه: طيب لحظه لحظه
عمار: في ايه تاني
سيليا: ممكن اطلع معاك لعمو قاسم
عمار: ايه الاحترام دا كله بتطلبي كمان
سيليا مشيت من قدامه وبصتله بطرف عين: والله ما عارفه ارضيك ازاي
ودخلت العمارة سيليا ودخل وراها عمار
~~~~~
ضحكت مرام وهي بداري زعلها: اديش انا غبية يعني حضرتكم قاعدين مروقين عم تضحكوا وتحكوا ونا متل
الغبية ما راح كنت اعرف شي لو ما اجيت
شاهين وقف: مرام انت فاهمه غلط
مرام: بس بدي قديش اليكم في هي العلاقة الرخيصة
جومانة: مرام انتي مصدقه اللي بتقوليه دا
مرام علت صوتها بعصبية: انتي بتخرسي ما بدي اسمع صوتك
شاهين قرب من مرام خطوات: ممكن تهدي بلاش تعملي صوتك
مرام: ما حضرتك كل اللي هامك شكلك قدام العالم ما بيهمك اي شي تاني
شاهين مسك ايديها: اقعدي وهفهمك
مرام: بدك تفهمني خياتك الي والله ما عم صدق
شاهين: مررررررام
بصتله مرام بعصبية: لا تعليق صوتك علي قدامه
وخرجت من المكتب مرام وهي متعصبة
بص شاهين علي جومانة
جومانة: انا آسفة يا شاهين عن اللي حصل بسببي
شاهين: متتاسفيش يا جومانة اللي حصل سوء تفاهم
مسكت شنطتها جومانه وقامت وقفت قصاد شاهين: انا
همشي يا شاهين
شاهين: اقعدي شويه
جومانة: لا اقعد فين كفايه لحد كدا ونا هحاول اكلم مرام
شاهين: بلاش دلوقتي احسن خليها تهدي الاول
جومانة: تمام باي
شاهين: باي
خرجت جومانة من المكتب وقعد شاهين علي الكرسي
وهو بيفكر ازاي يقنع مرام أن دا سوء تفاهم
~~~~~
وصل عمار وقاسم السيده زينب وسيليا كانت معاهم
نزل عمار وساعد قاسم ينزل
عمار: حسن
خرج حسن من الورثة وهدومه متعبيه شحم وزيت من التصليح: حمدالله علي السلامه
عمار: الله يسلمك ممكن تاخد بابا لفوق
حسن: حاضر عنيا
قرب حسن من قاسم وسنده عليه
بص باسم لسيليا قبل ما يمشي مع حسن: شكرا يا سيليا
سيليا: العفو يا عمو علي ايه بس
ابتسم قاسم ومشي مع حسن ودخلوا العماره
بص عمار لسيليا
سيليا: طيب انا همشي بقا
عمار: استني هوصلك
سيليا: لا انا هطلب اوبر يوصلي مكان العربية متتعبش نفسك
عمار: مش لائق عليكي الدرو دا خالص وسبيني اوصلك بعد اذنك
ضحكت سيليا: بس انت لايق عليك اوي
ابتسم عمار لسيليا لاول مره من يوم ما شافها وسيليا مصدقتش وابتسمت اوي
عمار: طيب اركبي
سيليا: اوك
ركبت سيليا العربية وركب عمار واتحرك بالعربية
وكل دا كان في عيون بتراقبهم من بعيد وهي امل
اللي ادايقت من وقفت عمار مع سيليا اللي مديقاها اكتر
دخلت من البلكونة وقعدت جنب مامتها: انا مبقتش قادره
اكتر من كدا
ناديه: في ايه مالك
امل: البنت اللي اسمها سيليا دي شكلها كانت مع خالي
قاسم وعمار نزلت معاهم وبعدين فضلت واقفه تكلم مع
عمار وشكله الاستاذ راح يوصلها
ناديه: هو دا كل اللي مدايقك
امل: كل دا ومش عايزني ادايق واكيد مش هتبطل تيجي وتتكلم مع عمار ويقربوا من بعض اكتر
ناديه: انتي متخليه عمار يتجوز وحده زي دي
امل: وليه ميتجوزش ما طبيعي ممكن يحبها ويتجوزها
ناديه: دا مش زوق عمار خالص واختي لو حبها احنا عيلتنا
مستحيل تقبل بوحده لبسها مبين جسمها ومن غير ما تدراي شعرها كمان وقاسم وهدي مش هيوفقوا
امل: بجد يا ماما
ناديه: بجد يا حبيبتي حطي رجلك في ميه بارده وتعرفي أن عمار اللي هيتحوزها هتكون وحده زيك وان شاء الله هتكون
انتي مش زي البنت دي خالص
ارتاحت امل من كلام مامتها شويه
~~~~~
في منزل قاسم الحديدي
في اوضه قاسم وفي البلكونه قاعد قاسم سرحان وقاعد معاه جلال
جلال: مالك يا قاسم سرحان في ايه
بصله قاسم: مدايق يا جلال تاعب عمار معايا في كل حاجه ونا متاكد بعد كل دا مستحيل ارجع امشي
جلال: هو عمار اشتكا ليك مثلا
قاسم: لا
جلال: قالك انا تعبت يا بابا
قاسم: عمار ممكن يجي يقولي دا
جلال: اللي عايز أقوله ليك عمار مش تعبان هو زعلان عشان مش عارف يساعدك ولا عارف يعملك اي حاجة يمكن حاسس بالعجز دي الحاجة الوحيده اللي مش عارف يعملها
وأنه تعبان دي اوهام عندك مفيش حد بيتعب عشان بيساعد شخص بيحبه ما بالك الشخص دا اغلى حاجه عنده انت أبوه
فاهم يعني ايه يا قاسم
هز رأسه قاسم
جلال: حاول بقا تشيل الافكار دي ومتدايقش ممكن
ابتسم قاسم: حاضر
طبطب جلال علي ايد قاسم وقاسم مسك ايديه
~~~~~
وصل عمار مكان عربية سيليا ونزل ونزلت سيليا
سيليا: طيب انا همسي باي
رنا: باي
اتحركت سيلا تجاه عربيتها
عمار: سيليا
وقفت سيليا وبصتله: نعم
عمار: بجد شكرا علي اللي عملتيها النهاردة مكنتش اتخيل انك ممكن بصراحه تعملي كدا
سيليا: متشكرنيش
هز رأسه عمار وركبت سيليا العربية وبصتله ابتسمت وابتسم ليها عمار واتحركت بالعربية
ركبت عربية عمار ومشي
~~~~~
في منزل منصور العطار
دخل ياسر وشاف هاجر في الصالون ابتسم وقعد جنبها: مساء الخير يا حبيبتي
ابتسمت هاجر: مساء الخير حمدالله علي سلامتك يا حبيبي
ياسر: الله يسلمك يا امي
ركز ياسر علي ملامح مامته وشاف الزعل في ملامحها
ياسر: مالك يا حبيبتي ايه مزعلك
هاجر: في حاجه يا ياسر ادخل غير هدومك ونا هحضر ليك
الاكل
ياسر بص علي اوضه هشام ورجع بصلها: هو الزفت هام السبب
هاجر: يا حبيبي قولتلك مفيش حاجه
خرج هشام من اوضته: يادي هشام اللي مش عايز تسيبه
في حاله
قام ياسر ومسك هدومه: انت ايه يا اخي مش هتعمل نفسك وأسلوبك الزباله دا
قربت هاجر بسرعه منهم: عشان خاطري سيبه يا ياسر
هشام: ابعد ايدك عشان ما اعملش حاجه تزعلك وتزعلها
ياسر شد علي هدوم هشام: هتعمل ايه يعني
عيطت هاجر: بلاش تعمل كدا يا ياسر انت بتوجعني لما اشوف ولادي هيضريوا بعض
سابه ياسر وقرب منها: متعيطيش يا حبيبتي خلاص اهدي
هشام: ما انتي لو تسكتي مش هيحصل كل دا انما لازم تشتكي لحبيب قلبك
ياسر: انا لو متعدلتش انا هعدلك
هشام: اخرس ياض حتت عسل زيك هخاف منه يعني
دخل هشام اوضته وحضن ياسر هاجر اللي فضلت تعيط
ياسر: عشان خاطري يا ماما بطلي عياط
هزت راسها هاجر ويعد عنها ياسر ومسح دموعها: ادخلي اغسلي وشك يلا ونا هغير هدومي وهطلع اشوفك
هاجر: حاضر يا حبيبي
دخل ياسر اوضته واتفتح باب الشقة ودخل منصور
هاجر مشيت علطول وهي بتهرب منه لانه مش طايقه
تشوفه
~~~~~
في منزل قاسم الحديدي في اوضه رنا بالتحديد
قاعده رنا ماسكه الفون ويتكلم ياسر شات واتفتح الباب ودخل عمار
عمار: لسه صاحيه
رنا اتوترت وقفلت اللون: تعال يا عمار
قعد عمار علي السرير جنبها: عارفه أن سيليا كانت هنا من ساعه
رنا: بجد مشوفتهاش
عمار: عارفه كمان انها جات مكان عياده الدكتور
رنا اتفاجئت: بجد
عمار: اها وكمان لما مسكتها من قفاها أنها ازاي بتراقبني قالتلي انك انتي اللي قولتليها باعتك بمعني اصح
رنا: كدا يا سيليا يعني انا غلطانه اني قولتلك
عمار: يعني انت بجد اللي اديتلها الرقم
بصتله رنا بخوف: انا آسفه والله وهخليها متتكلمش معاك تاني
ضحك عمار: هو انا لدرجه دي برعب
رنا: يعني انت مش مدايق
عمار: لا مش مدايق
ابتسمت رنا: قول أنها عجبتك
عمار: متاخدي الموضوع جد انا سكت اها بس مش هفضل
مركز معاها
رنا: هي دي ينفع حد يشوفها وميركزش معايا يا عموره
عمار: اها ينفع اقفلي الفون ونامي يلا الوقت اتاخر
رنا: حاضر
عمار: تصبحي علي خير
رنا: ونت بخير
خرج عمار من الاوضه وغمضت عيونها رنا براحه
رجعت فتحت الفون ولقيت مسدجات كتير من ياسر
كانت مسدج منهم: رنا انتي روحتي فين قلقتيني عليكي
رنا: دا عمار دخل اوضتي يتكلم معايا
ياسر: في حاجه يعني
رنا: لا ابدا
علي الجهه التانيه بيخبط باب اوضه ياسر وبتدخل هاجر
هاجر: ازعجتك يا حبيبي
اتعدل ياسر في قعدته: لا يا حبيبتي تعالي
قعدت هاجر علي السرير جنب ياسر: معلش يا حبيبي
انا كنت عايزه انام النهاردة في اوضتك
ياسر: انتي بتطلبي دا انا عنيا ليكي
هاجر: ربنا ما يحرمني منك
ياسر: ويخليكي ليا يا ست الكل يلا نامي
هاجر: ونت هتفضل ماسك التليفون سيبه وارتاح شويه
يا حبيبي طول اليوم في الشغل
ياسر: حاضر
بعت مسدج ياسر لرنا قبل ما يقفل: آسف يا حبيبتي هكلمك بكرا
وقفل الفون
عند رنا شافت المسدج من ياسر واتكلمت بهمس: وحياه امك ماشي يا ياسر
~~~~~
في فيلا شاهين الصياد
واقف شاهين قدام الجناح بيخبط: افتحي يا مرام نتكلم انا عارف انك سمعاني
مرام واقفه جوا الجناح علي الباب وسلمت كلام شاهين ومردتيش عليه
شاهين: ماشي يا مرام بس انتي بتغلطي باللي بتعمليه دا
وسابه وراح اوضه من الاوض الفاضيه في الفيلا
~~~~~
في اوضه عمار
قاعد علي سريره وعيونه علي الفون وهو مستنها ترن
فاق من تفكيره فيها: هو انا ايه اللي بعمله دا نام يا عمار
بلاش شغل مراهقين علي المسا
ونام غمض عيونه وخلال ثواني الفون رن
اول ما سمع عمار رن الفون قام بسرعة ورد من غير ما يركز
ومحستش بنفسه غير وهو بيقول بقلق: اتاخرتي النهاردة انتي كويسه...