رواية عانيت لأحبك الجزء الثاني2 الفصل الثالث والعشرون23 والرابع والعشرون24 بقلم فاطمه محمود
" رواية عانيت لاحُبك 2 "
صرت انت
" البارت الثالث وعشرون "
" الكاتبة فاطمه محمود "
هذا ما حضرني من كتاب الله وسنة رسوله .. فإنكما
زوجان شرعا قد اجتمعا على ذلك وأشهدتما على ذلك ...
المأذون خلص كلامه وبص ليوسف و فيروز قاعدين قصاد بعض
المأذون : فكروا و ادو فرصة لجوازكم و اتراجعوا قبل إتمام الطلاق.
يوسف رفع عيونه وبص لفيروز اللي عيونها عليه : انتي
طالق
فيروز قلبها وجعها اوي ومسكت في الكنبه وغمضت عيونها
عشان تمنع دموعها تنزل يوسف كان مركز معاها في كل حركه بتعملها وبعدين بعد عيونه من عليها
المأذون بص لفيروز : اتفضلي يا بنتي امضي
فيروز بصيت ليوسف بسرعه وهي من جواها رافضه تعمل كدا بس يوسف كان باصص قدامه ومبين ولا هامه
فهد حط ايدو علي كتف فيروز : فيروز امضي
فيروز بصتله وهزت راسها بلاا
فهد هز راسها : يلاا يفيروز
فيروز بصيت المأذون اللي حط قدامها ورقه الطلاق
عشان تمضي فيروز مسكت القلم وهي حاسه انها
بتنهي حياتها بايديها فضلت ايديها ترجف
امضي يابنتي
فيروز هزت راسها وهي بتبص للورقه
يوسف بصلها وشاف قد ايه باين عليها الزعل والندم
زعل هو كمان عليها لانه مكانش حابب كدا بس هي
وصلتهم للمرحله دي
فيروز مضيت وسابت القلم وهي مش مصدقه أنها عملت
كدا بجد
المأذون اخد الورقه من قدام فيروز بعد ما مضيت وحطها
قدام يوسف
اتفضل امضي انت كمان يابني
يوسف مسك القلم وبص للحظه الورقه وبعدين مضي
المأذون اخد الورقه : كدا تمام .. انا همشي
يوسف : اتفضل معاه وصله يا يامن
يامن : حاضر اتفضل يمولانا
يامن بيخرج من الفيلا هو و المأذون
فيروز مبقتش قادره تقعد اكتر من كدا وقامت بسرعه
وطلعت علي السلم وهي بتجري ودموعها بتنزل
يوسف كان عيونه عليها وبص لعمر اللي قاعد هادي
جدا
يوسف : انا آسف يعمو عمر مكنتش حابب دا يحصل بس ربنا يعلم انا كنت بحبها ازاي وكنت بعملها اي حاجه بتعوزها ونا بصراحه المرادي مقدرتش اخد الموضوع عادي وزي كل مره عملت اللي طلبته مني انا مش عاوزك تزعل من اي حاجه واللي حصل بيحصل بين اي اتنين مش متفاهمين ونت بجد مقصرت معاها هي كانت كويسه اوي معايا بس دا اللي حصل كان غصب عننا كلنا
عمر : لاا يا بني انا مش زعلان الغلط كان مننا بردو واللي عملته حقك ونا آسف ليك عن اللي حصل
يوسف : متتاسفش انا هفضل ابنك بردو وبلاش تفكر في اللي حصل تمام
عمر ابتسم : ماشي يحبيبي
يوسف : عن ازنكم يلاا يبابا
فارس : انا هفضل شويه هنا مع عمر يا يوسف
يوسف : ماشي
فهد : طيب انا هسيبكم تكلموا براحتكم
يوسف خرج من الفيلا وفهد قام وساب فارس و عمر يتكلموا
..
البنات دخلوا الفيلا والماميز كانوا قاعدين ساكتين
والفيلا كانت هاديه خالص
البنات بيقعدو وهما مستغربين ساكتين كدا ليه
ديما : هو في ايه
محدش رد من الماميز والبنات بصو لبعض
دانيه : طيب في حاجه حصلت في غيابنا
غزل : في ايه يماما مبتردوش ليه
حياه : انا هخليهم يردو .. فيروز جات انهارده المستشفي
مع داليدا وفضلنا نقنع فيها تكلم يوسف ودلوقتي زمانهم
اتصالحو وبيتكلموا
الماميز بصو لحياه وبعدين بصو لبعض
حياه : ايه دا مفيش اي رد فعل ابدا
شهد بصتلها : اللي محدش يعرفو منكم انهم اطلقوا دلوقتي
دانيه : لاا متهزريش بجد
آيه : وهنهزر في حاجه زي كدا
ديما : ونتي ازاي يماما وافقتي
نور : كنت هعمل ايه اخوكي رجع من الشغل واخد باباكي
واتكلمت معاه وهو ولا سمع مني اجبره انه ميطلقش
ديما : اها تعملي كدا هما مش عارفين الطريق اللي
ماشين فيه دا آخره ايه
سلمي : يوسف عنيد يديما واحنا عارفين كدا الحاجه اللي
عاوز يعملها بيعملها حتي لو الكل مش موافق علي قراره
غزل بزعل : بجد فيروز كانت متحمسه ومبسوطه لما قررت تكلم مع يوسف وانهم ممكن هيرجعو زي الاول
سلمي : النصيب لي رأي تاني
دانيه : احنا لازم نشوفها يبنات
آيه : لاا سيبوها دلوقتي انتو اكيد فاهمين حالتها
ديما : تمام بس انا لازم اتكلم مع يوسف
نور : ديما بلاش احسن وخليكي ساكته دي حياه خوكي
وهو حر
ديما : الا مش حر يماما
بيدخل يوسف وبيبص ليهم : في ايه مالكم
ديما بصتله و وقفت وراحت عنده
نور اتكلمت بصوت عالي : ديما أنا قولتلك ايه
يوسف بصلها : في ايه بس يماما متعصبه ليه علي ديما
ديما : متعصبه عشان مش عاوزه اني اتكلم معاك
يوسف : لاا يحبيبتي اتكلمي قوليلي في ايه
ديما : ليه يا يوسف عملت كدا ليه دي بتحبك اوي انت
مشوفتش شكلها بقا ازاي وهي ندمانه وزعلانه عن اللي
حصل
يوسف كان بيبصلها وهو ساكت
ديما : انا عارفه انها غلطت وهي بنفسها معترفه بي دا
كنت اديتلها فرصه فيروز متستهلش منك اللي عملته
فيها
يوسف : ديما انا مش عاوز اتكلم في الموضوع دا نهائي
لو سمحتي
يوسف طلع و ديما فضلت واقفه بصاله و فريد دخل الفيلا وشاف ديما واقفه وبص ليوسف اللي طلع قرب منها وبصلها
فريد : في ايه يديما
ديما : مفيش حاجه
ديما قعدت
شهد : عرفت باللي حصل
فريد هز راسه : ايوا .. لازم ندعم قرار يوسف حتي لو
محدش موافق عليه
نور : اكيد يحبيبي كلنا معاه
فريد : طيب انا هطلع عن ازنكم
نور : اطلعي مع جوزك يديما
ديما كانت قاعده ساكته ومرديتش وفريد بصلها
فريد : لاا سبيها يعمتو
فريد طلع ونور بصيت لديما
نور : انتي ناويه تعصبيني انتي كمان يديما
ديما بصتلها : حاضر هقوم اهو
ديما طلعت ورا فريد
شهد : ليه بتتعصبي علي ديما ينور
نور : مش شايفه اللي بتعمله
سلمي : هي بس مدايقه و اهو طلعت معاه
آيه : اطلعوا انتو يبنات غيرو هدومكم و احنا هنحضر الغداء
دانيه : تمام
..
في اوضه فيروز كانت قاعده في الارض بتعيط بوجع وداليدا قاعده جمبها بتمسح دموعها وهي بتعيط معاها
فيروز وهي بتعيط : انا سبتله البيت عشان زعلت منه وكنت فاكره انه كبر الموضوع وعنادي اللي اتحكم فيا غصب عني ولما طلبت منو الطلاق كنت بشوف مدا حبه ليا ايه وانه هيعرف يعاملني ويعامل دماغي اللي بتطلع افكار مجنونه
زي كل مره بتحصل خناقه بينا و هيرفض ويقولي انه ميقدرش يعيش من غيري واشوف منه حنانه عليا واحنا
في الخصام
فيروز فضلت تعيط وهي مش عارفه تاخد نفسها
فيروز : والله كنت هتاسف منه واصلح اللي عملته ونرجع
زي الاول بس هو طلقني بجد يداليدا وخلاص مبقاش ليا
فيروز فضلت تعيط وصوت شهقاتها علي وداليدا حضنتها بزعل علي حالتها
داليدا : عشان خاطري اهدي نفاسك بيديق يفيروز
فيروز : انا مش عاوزه اعيش يداليدا
داليدا : بعد الشر عليكي
فيروز فضلت تعيط وهي في حضن داليدا اللي بتهدي
فيها و فهد فتح الباب وبص لفيروز وداليدا بصتله وهزت براسها بلا أنه ميتكلمش معاها وفهد بصلها و هز راسه
فيروز بصتله وبعدت عن داليدا ومسحت دموعها و وقفت
قصاد فهد : قولي كل حاجه انت عاوز تقولها انت معاك حق
هو ازاي كان مستحمل وحده زي انا وحشه اوي
فهد مسك وشها بين ايديه : لاا يحبيبتي انتي جميله
فيروز عيطت : ليه بتكدب عليا يفهد
فهد حضنها وفيروز فضلت تعيط وهي بتحاول تهدي في
صوتها اللي بيعلا وداليدا كانت قاعده علي السرير وهي بتعيط علي فيروز
فيروز : انا حاسه اني هموت مش قادره ابطل عياط
ولا اخد نفسي
فهد مشي ايدو علي راسها : اهدي يحبيبتي هتبقي
كويسه بس اهدي عشان خاطري
فيروز فضلت تعيط في حضن فهد
..
فارس بص لعمر اللي قاعد ساكت : اللي حصل صعب
علينا كلنا يعمر ومحدش كان موافق بكدا بس احنا
منقدرش ناخد اي قرار تخص حياتهم
عمر هز راسه وسكت
فارس : خليك مع فيروز حاول تخليها تبقا كويسه هي ماكنتش حابه دا يحصل وكان باين عليها اوي والغلط
كان منو ولا منها فدا حصل واحنا منقدرش نغير حاجه مطلوب مننا نتاقلم مع الواقع ونتعياش مع اللي حصل
عمر بصله : مهما قولت واتكلمت عشان تحسسني الموضوع
عادي يفارس هتفضل فيروز الغلطانه وهي اللي عملت في
نفسها كدا وللاسف غلطتها مفيش منها رجوع
فارس طبطب علي ايدو : احنا منعرفش ايه هيحصل كمان
شويه ربنا قادر يغير كل حاجه في ثانيه ولازم نحمده علي
اللي حصل إن كان كويس أو لاا
عمر : الحمدلله
فارس : عمر ارجع كويس عشان خاطرنا احنا مبقناش
عارفين نعدي اللي حصل فا اتمني نحاول مع بعض
اننا نرجع زي زمان واللي حصل مياثرش علينا
عمر بصله : اكيد يفارس احنا اخوات وكل حاجه لبعض
من قبل ميحصل اي حاجه
فارس ابتسم : انا همشي دلوقتي واشوفك تاني
عمر : ماشي يحبيبي
فارس خرج من الفيلا وعمر فضل قاعد وهو بيفكر في
فيروز
..
ديما بتدخل الجناح وبتقعد علي السرير وفريد بيكون
خارج من الحمام وبيبصلها وبيقعد جمبها وبيمسك
ايديها
فريد : ديما
ديما بتبصله وبتفضل ساكته
فريد : بلاش تفضلي كدا وتزعلي مامتك
ديما : ونا زعلتها في ايه
فريد : مش قصدي بس متفضليش زعلانه وساكته
ديما : ليه حصل كدا يفريد ما احنا كنا مبسوطين و مفيش
اي حاجه حاصله
فريد : اللي حصل ليوسف وفيروز دا مكتوب يحبيبتي
احنا منقدرش نغير حاجه في حياتهم واحنا كا بنادمين
لازم نعيش الحزن عشان نحس بطعم الفرح
ديما قربت منو وحضنته : خايفه الدنيا تعاقبني بيك
وتبعدك عني
فريد ابتسم : متخليش الأفكار دي تبقا في دماغك احنا
هنفضل سوا
ديما بعدت عنه وبصتله : بجد يفريد
فريد : بجد يروح فريد
..
فهد كان قاعد جمب فيروز اللي هديت شويه بس ساكته
وسرحانه
فهد : عيطي وطلعي كل الوجع اللي في قلبك بس لازم
ترجعي احسن من كدا انتي دلوقتي بقا ليكي حياتك
ويوسف كمان بقا لي حياته كل واحد هيعيشها بطريقه
مختلفه عن التاني اكيد بس انتي لازم تفوقي وتكملي
حياتك وتعشيها بكل حالاتها لان هو دا طريقك الوحيد
فيروز : مبقاش في حياه بعد كدا يفهد كل حاجه انتهت
لو هعيش هعيش من غير روح و شغف
فهد : انتي لسه الحياه قدامك هتزعلي والموضوع هيبقا
صعب بس هتتخطي ودا لازم يحصل عشان تعرفي تكملي
انا هسيبك ترتاحي شويه دلوقتي
فهد بص لداليدا : خليها تغير هدومها وتاخد شاور تهدي
شويه وسبيها تنام
داليدا : حاضر
فهد باس راس فيروز وخرج من الاوضه وشاف عمر
قاعد ومعاه مصطفى بصلهم وراح الجناح بتاعه
..
داليدا قرب من فيروز ومسكت ايديها : قومي يفيروز
عشان تاخدي شاور
فيروز : مش عاوزه اعمل حاجه
داليدا : عشان خاطري قومي وبعدين هعملك كل اللي
انتي عوزاه
فيروز فضلت ساكته وبعدين قامت ودخلت الحمام
..
ادهم وقف بالعربيه قدام الفيلا و ليلي بصتله
ليلي : ماما و بابا كانوا وحشني اوي
ادهم : انا آسف يحبيبتي مشوفتيش اهلك من فتره
بسبب اللي حصل مكانش في وقت نفكر ونروحلهم
ليلي : انا عارفه يحبيبي وبلاش تتاسف عيلتك هي
عيلتي ومكانش ينفع في الظروف اللي حصلت ونسبهم
ادهم مسك ايديها وباسها : علطول بتسبتي ليا اني مخترتش غلط
ليلي بغرور متصنع : طبعا يحبيبي هو انت تلاقي زيي فين
ادهم ضحك : طيب يلاا ننزل
ليلي : يلاا
نزلوا من العربيه ومسكو ايد بعض ودخلوا الفيلا وشافوا
عمر و مصطفى قاعدين سوا ادهم بص ل ليلى
ادهم : اطلعي انتي ونا جاي وراكي
ليلي هزت راسها وطلعت و ادهم قعد مع عمر ومصطفى
ليلي كانت هتروح الجناح الخاص بيها بس افتكرت فيروز
وحبيت تطمن عليها وراحت اوضتها خبطت ودخلت وشافت
داليدا قاعده
ليلي : داليدا امال فيروز فين
داليدا : في الحمام
ليلي قعدت حمبها وبصتله : في ايه مالك
داليدا : فيروز حالتها وحشه اوي
ليلي : لو يوسف ادايق منها لما حاولت تكلم معاه تحاول تاني
داليدا : ليلي يوسف طلق فيروز
ليلي بصتلها بصدمه و فيروز كانت خارجه من الحمام وسمعت كلامهم وفضلت واقفه تعيط وهي حاطه ايديها
علي بوقها
..
في فيلا العيله
الشباب كانوا قاعدين في الريسبشن والصمت مالي المكان
والماميز بيحضرو الغداء والبنات كانوا نازلين وراحو المطبخ
وبعد وقت كانوا حضروا السفره وغزل راحت لشباب
غزل : اتفضلوا السفره جاهزه
الشباب قاموا و ايان قرب من يوسف قبل ميمشي
ايان : عمو يوسف
يوسف بصله : ايه يا ايان
ايان : كنت حابب اتكلم معاك بس مش عارف ابدا
الموضوع ازاي
يوسف : طيب انا اسهل عليك الدنيا انا موافق
ايان : اللي سمعته دا حقيقه
يوسف : بس دا لما اشوف راي غزل الاول
ايان : لاا انا كدا مطمن
يوسف رفع حاجبه : مطمن ليه انت اتكلمت معاها
ايان توتر : لاا ابدا انت اول حد افتح معاها الموضوع دا
يوسف ابتسم : ياض اجمد كدا انت هتجوز بنتي ونا عارف
كل حاجه وكمان ماسك ايديها انهارده الصبح
ايان : ما انت عارف يعمو يوسف اني بحبها وهي كانت رافضه تنزل معايا اصلا
يوسف: ماشي يحبيبي بس انا بقول نستني شويه كدا
وبعدين نقول انكم هتجوزو
ايان : فاهمك ومعاك حق
يوسف طبطب علي كتفه : ربنا يسعدكم
سلمي : يوسف يلاا ونت يا ايان
يوسف : يلاا عشان خالتو بتنادي
ايان ابتسم : يلاا
العيله اتجمعت علي السفره وكرسي يوسف كان فاضي
ونور بصيت علي السلم
فارس همس ليها : سبيه انهارده عشان خاطري اكيد
حابب يقعد لوحده
نور : انا بس عاوزه اطمن عليه وهو موجود معانا
فارس : يبقا روحي عنده و اطمني عليه
نور هزت راسها والعيله طبعا محدش منهم اتكلم عن
يوسف لانهم فاهمين اللي حصل معاه انهارده واكلوا
في صمت
..
في جناح فهد و داليدا
فهد كان في البلكونه علي الكرسي وداليدا بتدخل الجناح
وبتروح عنده وفهد بيبصلها وبيمسك ايديها وبيقعدها جمبه
فهد : فيروز بقيت كويسه
داليدا : سبتها وهي لسه عيونها مصدومه من اللي حصل
فهد تنهد بتعب : خايف ابقا ضعيف الفتره دي ومعرفش
ابقا جمب فيروز و بابا وماما اللي طول الوقت قلقانه
وخايفه
داليدا : انا هفضل سنداك يحبيبي وهفضل جمبك لحد
ما فيروز وعمو ومريم يطلعوا من الحاله دي
فهد بص لبطنها وبصلها : ونتي مين هيبقا جمبك ويفتكر
كل تفاصيل لازم تحصل مين هياخد باله منك ومن ابننا
داليدا مسكت خده : اكيد انت يبابي
فهد ابتسمت : داليدا حقك عليا لو هقصر معاكي في حاجه
اوعي تزعلي وفكريني دايما باي حاجه انسها
داليدا : بقولك ايه انا حبيبي فهد ادق التفاصيل بيفتكرها
وبيهتم بيا انا والبيبي طول الوقت ومفيش حاجه بيخلينا
نحتاجها فا لو سمحت انا عاوزه حبيبي دلوقتي وامشي من
هنا يا كئيب انت
فهد ضحك غصب عني علي كلامها وداليدا ابتسمت أنها
شافته بيضحك
فهد وهو مبتسم لداليدا : كلامك طمني اني لو ضعفت
انتي اللي هترجعيني لفهد
داليدا : امال انا موجوده ليه اصلا
فهد قرب منها وحضنها وداليدا حضنته بحب
..
في جناح عمر و مريم
مريم كانت قاعده علي الكنبه و اسما قاعده جمبها
اسما : مريم مينفعش تفضلي ساكته كدا
مريم بصتلها : انتي فاهمه يعني ايه بنتك اللي لسه متجوزه من قريب تطلق يا اسما فاهمه يعني ايه انك تكوني خلاص اطمنتي علي بنتك أنها بقيت مع الشخص الصح وفجاه تطلق والمشكلة أن الغلط منها هي خربت بيتها بايديها والناس مش هتبطل تتكلم و احنا مش هنقدر نقول حاجه
اسما : فهماكي والله بس الناس عمرها مبتبطل تكلم حتي
لو حياتك كويسه ومفيش فيها أي حاجه وسيبك من الناس
يمريم اهتمي بي فيروز خليكي معاها هي محتاحه منك دا
بلاش تفضلي تفكريها باللي عملته احنا بنادمين وكلنا بنغلط
عمر فتح الباب ودخل
اسما : طيب نتكلم بعدين عن ازنكم
عمر : اتفضلي
انا خرجت و عمر بص لمريم وبعدين قعد جمبها
عمر : كفايه
مريم بصتله : كفايه ايه
عمر : اننا نزعل ونعامل فيروز بطريقه مش حلوه بنتنا
غلطت واحنا لازم نعملها الصح حتي لو كبرت دا نصيبها
مش هنفضل العمر كله نقول ليه كدا
مريم : انت يعمر بتقول كدا بعد متكسرت قدامهم
عمر : لازم اقول كدا دي بنتي محدش هيحبها قدي
واللي حصل حصل يمريم
مريم : كنت طول ما انت ساكت وبتتجاهل وجودي كنت بزعل اكتر ما انا زعلانه عليها كان نفسي تكون مستقره في بيتها زي البنات ويبقا ليها اولاد يكونو سند ليها في الحياه
عمر : متزعليش مني بس انا كنت مش عارف افكر ابدا
واللي حصل شتتني .. فيروز ليها نصيبها بس لسه منعرفش
امتي اهم حاجه تطلع من اللي هي فيه وبسرعه
مريم هزت راسها و عمر بصلها وحط ايدو علي راسها
وقربها منو وحضنها
..
في اوضه غزل كانت قاعده وبيخبط الباب
غزل : ادخل
يوسف بيدخل وبيبص لغزل وبيبتسم : عامله ايه يحبيبت
بابا
غزل : ابتسمت : الحمدلله يحبيبي اتفضل اقعد
يوسف بيقعد وبيبص لغزل : كبرتي يزوزو
غزل اتكسفت و فهمت كلام باباها
يوسف : شكلك كدا فهمتي اللي عاوز اقوله
غزل هزت راسها : اها
يوسف حب يشيل كسوف غزل : طيب ونتي ايه رايك يحبيبتي انا بقول ارفض
غزل بصتله بسرعه : ايه
يوسف : ايه رايك نقوله كدا
غزل نزلت راسها بزعل : اللي تشوفه يبابا
يوسف رفع وش غزل بايديه : بابا يعمل اي حاجه عشان
القمر دا بس يبقا مبسوط
غزل ابتسمت
يوسف ضحك : بتحبيه اوي كدا
غزل اتكسفت وهزت راسها
يوسف : ماشي يحبيبتي انا موافق بس ناجل الموضوع
دا شويه تمام
غزل : ماشي يبابا
يوسف خرج من الأوضه وقفل الباب وغزل كانت مبسوطه اوي
..
في جناح ادهم و ليلي
ليلي كانت قاعده علي الكرسي قدام المرايا وسرحانه
و ادهم قاعد علي السرير وبيبصلها باستغراب
ادهم : ليلي .. ليلي
ليلي بصتله في انعكاس المرايا : انت بتكلمني يا ادهم
ادهم : هو في حد غيري هنا عشان يكلمك
ليلي : سوري ما اخدتش بالي
ادهم : بتفكري في ايه
ليلي قامت وراحت عند ادهم وقعدت قدامه
ليلي : عرفت باللي حصل مع يوسف و فيروز
ادهم : ايوا عرفت من بابا
ليلي : هو بجد التخلي سهل كدا يعني ممكن الواحد ينسي شخص وتفاصيله مع اللي بيحبه ويبعدو عن بعض بالسهوله
دي
ادهم فهم اللي بتفكر فيه : يا ليلي يا حبيبتي انتي ليه بتفكري في كدا
ليلي : انا من اول معرفت بقا شكلي كدا يا ادهم
ادهم : اي اتنين بيحبو بعض بيحصل بينهم مشاكل وخلافات في حاجات بنقدر نعديها وحاجات لاا ودا مش موضعنا اصلا ممكن تنسي كل اللي في دماغك دا وتبطلي تفكير احسن
ليلي هزت راسها وبصيت بعيد عن ادهم وهي لسه بتفكر
ادهم علي صوته : ليلي
ليلي بصتله : في ايه يا ادهم انا حمبك بتعلي صوتك ليه
ادهم : انا بعلي عشان تبطلي تفكير
ليلي : حاضر مش هفكر اوعي كدا عشان انام
ليلي كانت هنام بس ادهم مسكها : لاا انا عاوزك
ليلي بصتله : اوعي يا ادهم وبطل قله ادب
ادهم ضحك : طيب علفكرا انا عاوزك في حاجه تاني
غير اللي في دماغك دا
ليلي : يا دي الاحراج
ادهم : ولا احراج ولا حاجه
ادهم شدها لحضنه : قوليلي عملتي ايه النهارده
ليلي : يعني هو دا اللي عاوز تسالني عليه
ادهم : اها
ليلي : لاا يحبيبي انا هنام
ادهم شدها اكتر لي : دا في احلامك
ليلي : انا والله قولت انك سافل ومحدش صدقني
ادهم ضحك : طيب كويس انك عارفه
ليلي : طيب متدخل في الموضوع علطول
ادهم : بداتي تفهميني
ليلي ضحكت : عيب ياعم
ادهم بصلها في عيونها : شيل ياعم والكلام دا وحسسيني اني مع مراتي
ليلي حاوطت رقبته واتكلمت برقه : انت رايك كدا يدومي
ادهم : اها يقلب دومي
..
في فيلا مراد
مراد كان في الجناح بتاعه قاعد علي السرير و ماسك
اللاب توب و ملك بتدخل وبتقعد جمبه وبتقفل اللاب
ومراد بيبصلها
ملك : مش كفايه يمراد
مراد : كان معايا اخر حاجه بس هضحي بيها عشانك
ملك : لاا ونت مضحي اوي اول مترجع من الشغل تفضل ماسك اللاب توب طول الوقت مش بتسيبه غير لما اقفله
انا
مراد : دا انا ظالم ملوكتي اوي
ملك : اوي
مراد ابتسم وقرب منها وحط ايدو علي كتفها وحضنها
وبصلها بحب : حقك عليا يروح قلبي اني بسيبك لوحدك
وطول الوقت في الشغل وعلي اللاب توب ونتي علطول
مع بابا و ماما شايلهم كل السنين دي وعمرك مشتكيتي
ملك : ونا بعمل كدا من قلبي عشان بحبهم وبنسبالي
بابا و ماما
مراد : عارف يحبيبتي
ملك : وبنسبي ليك فا انا هسامحك المرادي بس يمرادي
مراد مسك ايديها وباسها : ربنا يخليكي ليا يروح قلب مرادك
..
في جناح يوسف
كان نايم علي السرير وماسك الفون بتاعه علي صور فيروز وبيبص علي ملامحها اللي اول مبيشوفها بيدق قلبه
الباب بيخبط وبيقطع تفكيره وبيقفل الفون بسرعه وبيقوم
وبيفتح الباب
يوسف : ماما اتفضلي
نور بصتله ودخلت قعدت علي الكنبه ويوسف قعد جمبها
نور : انت كويس يا يوسف
يوسف : اها الحمدلله كويس
نور : بس انا مش شايفه كدا
يوسف نام علي رجليها وبصلها : والله كويس يماما اقولك
حاجه تثبتلك دا
نور : امم قول
يوسف : احكيلي حدوته
نور : لاا انا كدا اقلق عليك يكون عندك طفوله متاخره
يوسف ضحك : لاا يماما انا بس وحشني الحواديت اللي كنتي بتحكيها ليا
نور : خلاص هحكيلك
يوسف : ونا بسمعك
نور حطيت ايديها علي شعر يوسف وبدأت تحكيله ويوسف يسالها كانه اول مره بيسمع منها الحدوته وعنده فضول اللي هيحصل ونور انبسطت ونسيت زعلها
..
صباح جديد
في جناح آسر و دانيه
آسر كان بيلبس في الساعه بتاعته : دانيه يلاا هنتاخر
دانيه بتطلع بعد دقايق
آسر من غير ميبصلها : انا مش عارف بتعملي ايه كل دا يدانيه
آسر خلص كلامه وبصلها : يدانيه حرام عليكي انتي كل دا وكمان لسه ملبستيش والله اتاخرنا
دانيه ضحكت
آسر : انتي كدا بتقلقني عليكي
دانيه ضحكت اوي
آسر : يالهوي دي شكلها اتلبست
دانيه وقفت ضحك : انت ايه اللي بتقوله دا يا آسر
آسر : الحمدلله انك كويسه .. طيب ما انتي يدانيه اللي بتعملي حاجات غريبه وقلقتيني عليكي بجد
دانيه : ونا عملت ايه دا مبسوطه و بضحك
آسر : بتضحكي من غير سبب
دانيه : لاا في سبب
دانيه رفعت اختبار الحمل قدام آسر : انا حامل ...
" رواية عانيت لاحُبك 2 "
صرت انت
" البارت الرابع وعشرون "
" الكاتبة فاطمه محمود "
دانيه رفعت اختبار الحمل قدام آسر : انا حامل
آسر بصلها وفضل ساكت لثواني وبعدين ضحك : متهزريش
دانيه ضحكت : والله حامل بجد
آسر قرب منها : يعني انتي هتبقي ماما
دانيه : ونت هتبقا بابا
آسر رفع صباعه في وشها : دانيه بجد متهزريش معايا
دانيه مسكت وشه : يحبيبي والله مبهزر
آسر ابتسم اوي وهو فرحان وقرب من خدها وباسها
آسر : مش قادر اصدق انك جواكي حته مني
دانيه ابتسمت : بجد مبسوط يا آسر
آسر : مبسوط دا انا من فرحتي مش عارف اعمل ايه
دانيه حضنته اوي
آسر : بحبك يدانيه
دانيه : ونا كمان بحبك
آسر بعد عنها : مفيش شغل تاني انا عاوز ابني يجي
كويس وصحته تمام
دانيه : آسر لاا اوعي ونبي انا عاوزه انزل الشغل
آسر : انتي دلوقتي الحمل جديد والمفروض ترتاحي
وميبقاش في اي حركه يدكتوره
دانيه : هعيط ومش هسيبك تخرج من هنا
آسر : عيطي براحتك بردو مفيش شغل تاني وبعدين انتي
مش شايفه داليدا اهو قعدت في البيت وزي الشطوره بتسمع
كلام فهد
دانيه : دي داليدا مش دانيه يحبيبي
آسر : يعني انتي مش موافقه علي كلامي
دانيه قربت منو ومسكت قميصه : يحبيبي انا مش بقول
كدا بس عشان خاطري بلاش اقعد في البيت دلوقتي ونت
متعرفش المستشفى محتجاني قد ايه
آسر : عارف انا الحركات بتاعتكم دي تثبتونا بكلمتين
حلوين و شويه دلع
دانيه بعدت عنه : ونت ولا بينفع معاك الكلام دا نهائي في أوقات زي كدا
آسر بغمزه : لاا بينفع بس وقت معين كدا
دانيه بصتله وبعدين ربعت ايديها قدامها
آسر قرب منها و وقف قدامه ومسك خدها بايدو : طيب
خلاص موافق يلاا ادخلي البسي
دانيه ضحكت : بجد
آسر ابتسم : بجد يروحي
دانيه : مش هتاخر اديني عشر دقايق بس
آسر ضحك : اول دقيقه خلصت
دانيه : بس بقا يا آسر
آسر : ماشي بس يلاا عشان اتاخرنا بجد
دانيه : حاضر
..
في الشركه
يوسف بيوصل وبيدخل الشركه وبيشوف نغم قاعده
علي مكتبها
يوسف : صباح الخير
نغم : صباح الخير يفندم
يوسف : هاتي كل الملفات علي مكتبي وبلغيني لو في
اي مواعيد مهمه انهارده
نغم : تمام يفندم
يوسف بيدخل مكتبه وبيقلع الجاكت وبيقعد علي الكرسي
وبيفتح اللاب توب وبيتابع الشغل
برا المكتب يامن بيشوف نغم وبيبصلها ونغم بتخاف من نظراته
يامن : صباح الخير
نغم احم : صباح الخير
يامن بيروح مكتب يوسف و كان هيفتح الباب
نغم : طيب انا هبلغ مستر يوسف قبل متدخل
يامن بصلها : انتي عبيطه يابت انتي
نغم ادايقت من كلامه بس حاولت تسكت
يامن : انا بدخل من غير اذن
نغم بهمس : عشان مفيش عندك احترام
يامن : انتي بتقولي ايه
نغم : مبقولش
يامن : ركزي في شغلك
يامن دخل المكتب و نغم قعدت علي الكرسي : هي
كانت ناقصاك انت كمان
..
في مكتب يوسف
يامن : هي البنت دي هتشتغل هنا خلاص بجد
يوسف : اها يا يامن أنا مش قولتلك كدا امبارح وبعدين
دي والله بنت كويسه وشاطره وشوفت كمان وصلت
الشركه ولقيتها موجوده ودا بيبان أنه بتاعت شغل اوي
يامن : سيبك منها دلوقتي
يوسف : في ايه مالك
يامن : في المشكله ولازم نشوف ليها حل
يوسف : مشكله ايه يا يامن
يامن بصله
..
في المستشفى
عمر دخل المستشفى وكان فيه مجموعة دكاتره واقفين
مع بعض ورحبو بيه وهما مبسوطين انهم رجعو شافوا
ضحكته وهزاره اللي اتعودو عليه منو وبعد ما عمر هزر
معاهم وسلم عليهم راح مكتب مالك وشاف مصطفى
عنده دخل وقعد معاهم
عمر : سالت عليك يمصطفي قالولي مع مالك حبيت اجي اشوفكم قبل مروح مكتبي وابدا شغل
مالك ابتسم : انا حقيقي مبسوط اوي بالتغير دا
مصطفي : فكرتني لما كنت دائما بتهزر وتدايق فيا
عمر ضحك : قلبك ابيض يصافي
مصطفي : حبيبي كفايه اني شوفتك قدامي كدا بس
عمر : كفايه بجد كدا هحس اني مختلف عنكم
مالك : احنا بس مبسوطين اوي ومش هقول حاجه تانيه
عمر ابتسم : ماشي انا هروح مكتبي
مالك : اتفضل
عمر خرج ومصطفى بص لمالك : انا فكرت انه هيفضل
بالحاله اللي شوفنا بيها بجد
مالك : هو اكيد فهم انه لازم يرجع طبيعي عشان يرجع
حياته الطبيعيه
مصطفي : انهارده لقيته اتاخر شويه افتكرته مش هيجي المستشفى
مالك ابتسم : اهو جيه وفجانا كعادته
مصطفي : يارب دايما يبقا كدا
مالك : يارب
..
في فيلا العيله
البنات قاعدين في المطبخ
شهد : بنات احنا لازم نجهز لعيد ميلاد غزل
آيه : السنادي هيبقا غير كل سنه
شهد ضحكت : طبعا دلوقتي معاها ايون
آيه ضحكت
سلمي : مش هينفع نحتفل بعيد ميلاد غزل السنادي
شهد : ليه يسلمي
سلمي : عشان
نور بتدخل وبتقعد معاهم : عشان ايه يسلمي ليه مش هنحتفل
سلمي بصتلها وسكتت
نور : انا اسفه لو فضلت الايام اللي فاتت زعلانه و مش
معاكم ابدا بس يوسف ابني الوحيد وزعلت من اللي حصل
معاه
سلمي : نور متقوليش كدا يحبيبتي
آيه : احنا فاهمين اللي كنتي بتمري بيه
شهد : احنا أمهات زيك وفاهمين يعني ايه ينور
نور ابتسمت : يبقا نفكر هنعمل عيد ميلا زوزو ازاي السنادي ونفاجها
سلمي ابتسمت وهزت راسها
..
في المستشفى
حياه كانت في مكتبها ومتوترة شويه ومسكت الفون ورنيت علي زين
حياه : زين انا متوتره اوي
زين : ليه يروحي احنا مش اتكلمنا وقولنا ناخد نفس
وبلاش نتوتر
حياه : عملت كدا بردو في جوايا توتر مش عارفه اشيله
زين : انتي قدها يحياه انا عارف انك شاطره بس انا عاوزك
تسمعي كلامي صفي ذهنك وبلاش توتر عارفه انا لو معاكي
دلوقتي كنت خليته يروح علطول
حياه ضحكت : نفسي في ربع ثقتك دي
زين ابتسم : انتي واثقه من نفسك اكتر من كدا بس انتي مش عاوزه تصدقي
حياه : لاا صدقت
زين : طيب يحبيبتي يلاا كدا اجهزي وأول متخلصي
كلميني تمام
حياه : ماشي يروحي
زين : خدي بالك من نفسك
حياه : ما انت كويس قدامي اهو
زين ابتسم : بحبك
حياه : ونا كمان
الباب بيتفتح وبتدخل ليلي وحياه بتقفل مع زين
ليلي بصيت لحياه : حياه انتي جاهزه
حياه حضنت ليلي من رقابتها : احنا لازم نقول للمستشفي
دي اننا دكاتره بجد يلولي
ليلي : معاكي حق يشقو
حياه : يلاا بينا
ليلي : يلاا بينا
حياه و ليلي بيخرجو من المكتب و ادهم بيشوفهم
ادهم : ليلي
ليلي بصتله
حياه : هسبكم عشر دقايق بس
ادهم : كتر خيرك والله يحياه دي مراتي يابت
حياه ضحكت ومشيت وليلي بصت ل ادهم
ادهم : في خوف في عيونك لي عيوني
ليلي : مش عارفه
ادهم : لولي انا ممكن ادخل معاكي يحبيبتي بس انا عاوز
اخليهم يشوفو مراتي دكتوره شاطره قد ايه
ليلي : انت واثق فيا يعني
ادهم : طبعا
ليلي مسكت ايدو : ونا هكون قد الثقه دي
ادهم : هستنا انك تخرجي يعيوني
ليلي هزت راسها : طيب انا همشي دلوقتي
ادهم هز راسها وليلي مشفضل واقف يبصلها شويه وبعدين راح يكمل شغله
..
في فيلا عمر
مريم و اسما كانوا قاعدين في الريسبشن وبتنزل
فيروز و داليدا وبيقعدو معاهم
مريم بتبص لفيروز
اسما : طيب انا هروح المطبخ انا و داليدا
داليدا بصتلها باستغراب و اسما مسكت ايديها وراحو
المطبخ
فيروز كانت مش حاسه باي حاجه بتحصل حواليها
مريم : فيروز
فيروز بصتلها بسرعه : نعم يماما
مريم مدت ايديها : تعالي اقعد جمبي
فيروز قامت وقعدت جمبها ومريم حضنتها وباست راسها
..
في المطبخ
اسما : ايه يداليدا اول مره متشغليش دماغك كدا
داليدا : تصدقي اني مبقتش اعرف افكر وفيروز في الحاله
دي
اسما : فيروز اكيد هتتعود وهتعرف ترجع احسن بس لازم
هي بنفسها تعمل كدا
داليدا : يارب تبقا كويسه .. طيب بما أننا دخلنا المطبخ تعالي نعمل حاجه حلوه نغير مود العيله شويه
اسما : هي فكره بردو لينا وقت كبير مبقناش سوا وكل واحد بقا لوحده
داليدا : اها اهو الشباب واحنا نتجمع شويه لما يرجعو من
الشغل
اسما : طيب نعمل ايه حلو
داليدا بتفكير : اممم نعمل ايه
اسما مسكت داليدا وقعدتها : اقعدي الاول عشان فهد لو
رجع وشافك كدا هيرتكب فينا جريمه
داليدا ضحكت علي كلام اسما
..
مريم : انا اسفه يروز
فيروز بصتلها وعيونها اتمليت دموع : انا اللي آسفه
يماما مكنتش البنت اللي بتتمنوها ودمرت سعادتكم
وكل حاجه كانت حلوه جواكم انتي و بابا
مريم : متعيطيش يحبيبتي ونا وبابا مبسوطين اوي
بيكي والله بس اتعصبنا عليكي غصب عننا بس اوعي تزعلي يفيروز دا قدر ومكتوب متفضليش ندمانه
فيروز : انا مدايقه اوي يماما حاسه اني مش هعرف اكمل
يوسف كان جزء كبير اوي من حياتي حتي من قبل منتجوز
مريم مشيت ايديها علي شعر فيروز : انا عارفه يحبيبتي
بس انتي لازم تعيشي عقاب غلطتك يفيروز
فيروز بصتلها وسكتت
مريم : دي الحقيقه ولازم نبقا راضين حتي لو احنا الغلطانين قوه في كدا يحبيبتي ونا عارفه بنتي قويه
فيروز ابتسمت ومريم حضنتها وسمعة صوت كسر جاي
من المطبخ
فيروز : ايه صوت دا
مريم : تعالي نشوف في ايه
مريم و فيروز راحو المطبخ وداليدا بصت ليهم
داليدا : اووه شكلنا قطعنا اللحظه عليكم
مريم : مين اللي كسر الطبق دا
داليدا : بصراحه انا وقع مني
اسما : ولا يهمك انا هشيله من علي الارض دلوقتي
مريم : انتو بتعملوا حاجه
داليدا : يعني كنا بنفكر كدا نعمل حاجه حلوه تجمعنا وشكلها كدا مش هتظبط معانا اهو الطبق اتكسر
مريم : دا مجرد طبق عادي يعني
فيروز : يلاا نعمل سوا من جديد
داليدا بفرحه : تعالي يروز اقعدي جمبي
فيروز ابتسمت وقعدت علي الكرسي جمب داليدا
اسما حطيت ايديها في جمبها : ايه دا هو انتو هتفضلو
تتفرجو علينا يعني
فيروز ضحكت : اها
مريم : نسبهم يدلعو شويه يا اسما
داليدا : حبي ليكي من من فراغ يحماتي
مريم ضحكت : حبيبتي يدودو خدي بالك بس من حفيدي
داليدا حطت ايديها علي بطنها : حفيدك عامل عمايله معايا
فيروز ضحكت : هيطلع شقي شويه زي فهد
داليدا : من ناحيه كدا بابا يتصرف معاه ماليش دعوه انا
البنات ضحكوا علي داليدا وعملوا الغداء والحلو سوا في
جو كله هزار وضحك وفيروز قدرت تنسي زعلها شويه
..
في الشركه في مكتب يوسف الشباب متجمعين وبيدخل يوسف و فريد بيقعدو وبيبصو لبعض وهما مش عارفين في ايه
يوسف : طلبتوا مننا نتجمع هنا في ايه
فارس : دلوقتي هتعرفو
فريد : تمام
بتدخل نغم وماسكه فايل ومبتسمة : في صفقه كومباوند جديد يهندسه
يوسف : من مين
نغم : شركة Noya properties اي 30 فدان في التجمع وعايزين Master plan و 4 نماذج فيلل
يوسف الكبير : اهم حاجه سمعتهم كويسه
نغم : اها يفندم أنا شوفت كل حاجه عن شركتهم وطلعت شركه كويسه ودقيقه جدا في شغلها
سيف : ايه دا يا نغم دا انتي طلعتي جامده اوي
فارس بصله : جامده ايه يسيف
سيف : قصدي أنها بتعرف معلومات كويسه ومطلوبه
نغم ابتسمت : فهماك يا سيف بيه وشكرا ليك
سيف : بس اختيار يوسف ليكي بجد ولا غلطه
يوسف بصله وابتسم
فارس : نرجع لشغلنا طيب
سيف : اكيد معاك يحبيبي كمل
فارس : الميزانية ايه يمراد
مراد بيبص في الفايل : الميزانية 5 مليون تصميم بس ..
غير التنفيذ
سيف : حلو ... دا شغل نضيف
فارس بيبص ليوسف و فريد : مين هيمسكه ما بينكم
فريد : انا و يوسف هنمسكه
يوسف الكبير : انت مش ماسك شغل يفريد وكمان يوسف مشغول الفتره دي ليه منفكرش في المهندسين الشاطرين اللي في الشركه يمسكو
فريد : لاا احنا هنقدر نمسكه يعمو يوسف متقلقش
يوسف : كلام فريد صح انا و هو هنعرف نخلص سوا و زياد
و مازن هيبقو معانا
فارس : خلاص نحدد معاهم معاد نناقش التفاصيل
يوسف لنغم : بلغيهم اننا موافقين مبدئيا وظبطي ميتنج
بكرا الساعه 1
نغم : تمام يا فندم ابعت لهم شروط التعاقد بتاعتنا
يوسف : ايوه الدفعة المقدم 30% والعقد العادي بتاعنا
نغم : تمام يفندم أنا هخرج وابلغهم دلوقتي
فارس : اتفضلي
نغم بتخرج و مراد بيبص لشباب
مراد : علي بركه الله .. شكلها فاتحة خير
..
الشباب و البنات خرجوا من المستشفى و زين و ايان كانوا واقفين سوا
آسر : زين باشا و ايان باشا موجودين هنا
ايان بصله : مستغرب ليه يعني
آسر : والله انا مستغرب زوزو بتحبك ازاي
ايان : آسر انت فاهم بتقول ايه هي هتحب مين غيري اصلا
غزل اتكسفت و ايان بصلها
آسر ضحك : كدا هتكسفها عيب
دانيه : يحبيبي ما انت اللي بتكلم
ايان : انا مش عارف يدانيه مستحمله ازاي
دانيه ضحكت : قدر ومكتوب علينا هنعمل ايه
ديما : دي قلبت عليك يا اسوره
آسر بص لدانيه : حسابنا لما نروح البيت انتي
فهد : متزعلش يا آسر الحقيقه بتوجع
آسر : اها دا انتو مصدقتو بقا
زين ابتسم : حبيبي انت اللي بتخليهم يتريقو عليك
حياه : هنعمل ايه طيب ما هو الحاجه الوحيده اللي
بتخلينا نضحك
ادهم : علفكرا آسر غلطان اوي عشان ساكت ليكم
ليلي : ماهو لو كان عارف يرد مكانش فضل ساكت
آسر بص ل ادهم : خد عندك اهو مراتك رديت عليك
ادهم ضحك وبص ل ليلي : امسحها فيا ويلا بينا انتي
لو فضلتي هنا هتخربي الدنيا
ليلي ضحكت و ادهم مسك ايديها ركبو العربيه و مشيوا
فهد وهو بيكتم ضحكته : انا بقول تحصلهم يا آسر
آسر : متكمتش يحبيبي اضحك
فهد ضحك و مالك و عمر و مصطفى خرجوا من المستشفى
مصطفى : انتو واقفين هنا ليه
حياه : مفيش بس كان في نقاش
مالك : طيب وخلصتوا
دانيه : اها يا عمو
آسر : يلاا قدامي انتي
دانيه : حاضر
دانيه مشيت وهي بتضحك و آسر مشي وركب العربيه
واتحركوا و زين اخد حياه و ايان اخد غزل وكل واحد
مشي بعربيته
عمر بص لديما : هو فريد مجاش ياخدك يديما
ديما بصتله : لاا يا عمو بكلمه ومبيردش عليا
مصطفي : تلاقيه مشغول يحبيبتي
ديما هزت راسها وسكتت
مالك : طيب تعالي معايا يديما
ديما : ماشي
عمر و مصطفى كل واحد ركب عربيته ومشي و ديما
ركبت في عربيه مالك ومشيوا
..
ايان كان بيسوق وماسك ايد غزل اللي مبسوطه اوي
وكل شويه يبصلها
غزل نزلت راسها : بطل تبصلي كدا يا ايان
ايان ابتسم علي كسوفها : مش بايدي
غزل بصتله وابتسمت
ايان باس ايديها وخطف النظرات منها ورجع بص قدامه
وهو بيسوق
غزل : ايان
ايان : روحه
غزل : دا مش طريق البيت احنا رايحين فين
ايان : مفاجاه يقلبي
غزل : مفاجاه ايه
ايان : هي المفاجاه بتتقال يزوزو
غزل : لاا
ايان : طيب اصبري و كلها ساعات وتعرفي
غزل : ساعات ليه هو احنا هنبعد اوي كدا
ايان بصلها : تاني
غزل : خلاص اسفه مش خيال بس عشان خاطري بص
قدامك انت بتسوق
ايان : اطمني يحبيبتي مش هيحصل حاجه
غزل : ماشي
..
في فيلا العيله
بيدخل آسر و دانيه وبيطلعو الجناح بتاعهم وبعدين
بيدخل مالك و ديما آيه بتروح لمالك و ديما بتقعد
مع البنات
آيه : حمدالله على سلامتك يحبيبي
مالك : الله يسلمك يتوتا .. محدش رجع من الشباب
آيه : لاا لسه
مالك : ماشي يحبيبتي انا هطلع اغير هدومي
آيه : محتاج حاجه طيب
مالك : لاا يتوتا افضلي هنا
آيه ابتسمت : ماشي يحبيبي
نور بصيت لديما : مالك يديما
ديما : ماليش يماما
شهد : هو فريد مرجعش معاكي
ديما : لاا
سلمي : في حاجه ولا ايه
ديما : معرفش انا كلمته كتير ومردش عليا
شهد : اكيد مشغول يحبيبتي هو محدش رجع منهم
لحد دلوقتي
نور : اطلعي غيري همومك انتي وهو يكون رجع
ديما : ماشي
ديما طلعت والبنات بصو لبعض
شهد : بلاش النظرات دي اكيد هيرجعو دلوقتي
آيه : شهد بتكلم صح زمانهم في الطريق
..
زين و حياه كانوا قاعدين في مطعم بيكلوا
زين : انا مش قولتلك هتبقي قدها والعمليه هتنجح
حياه : اسكت يزين اول مدخلت العمليات كنت بجد خايفه
بس حاولت اهدي وافتكرت كلامك والحمدلله العمليه عدت
علي خير
زين : انتي مخوفه نفسك علي الفاضي ومش عارفه شطارتك
حياه بتصنع الغرور : والله معاك حق بصراحه انا لو فضلت كدا همشي كل الدكاتره اللي في المستشفى
زين : هو الطموح حلو بس مش علي حساب غيرنا
حياه ضحكت زين فضل يبصلها وهو مبتسم
حياه : ثقتك فيا وكلامك ليا يزين بجد بيخلوني شايفه
اني احلا بنت في الدنيا دي وببقا طايره من الفرحه
زين مسك ايديها وباسها : انتي فعلا احلا بنت شافتها
قلبي
حياه ابتسمت وسكتت وهي مش عارفه تقول ايه زين
ساب ايدي حياه وطلع سلسله من جيبه قدامها عليها
حرف حياه وحرفه حياه اول مشافتها بصتله
حياه : دا بجد
زين ابتسم : عجبتك
حياه اخدتها منو : اوي بجد تحفه
زين قام واخد السلسله منها ولبسها ليها ورجع قعد وبص
لحياه اللي بتبص ل السلسله بفرحه
حياه : ربنا يخليك ليا يزين
زين : ويخليكي ليا يحياتي
..
فيلا عمر و مصطفى
كانوا متجمعين في الريسبشن كلهم بعد ما أكلوا وبياكلوا
من الكيك اللي عملوه البنات
ادهم : لاا جامده اوي مين اللي عملها
داليدا : كلنا ما عدا ليلي
ليلي بصتلها واكلت حته بالشوكه : عمتا كانت هتبقا احلا
لو كنت موجوده
داليدا : لاا دي طلعت حلوه اوي ونتي مش موجوده حتي
شوفي ادهم هياكل الطبق خلاص
ليلي بصت ل ادهم و ادهم وقف اكل وسأل الطبق علي
التربيزه : فعلا كانت هتبقا احلا ونتي موجوده يلولي
وهي مش حلوه اصلا انا بس بجبر خاطرهم
مصطفى ضحك علي ابنه : يخرب بيتك هي ليلي عامله
ليك رعب اوي كدا
اسما ابتسمت : هو بس مش عاوز يزعلها يحبيبي
ادهم : اها والله يماما
عمر بص ل ليلي : مفيش حد بيقدر عليه غيرك يابت يا ليلي
ليلي ضحكت : اي خدمه
ادهم : لاا يجماعه فاهمين غلط بس ليلي مش عاوز اجي
مع فيها حتي لو هزار دي حبيبتي
فيروز كانت مركزه مع كلام ادهم عن ليلي وابتسمت عليهم
وزعلت من جواها
مريم : مزيكا بسرعه
فهد : مش محتاج يماما والله
ادهم : مدايق انت و امك عارف انا عيله غلاويه
مريم : انا يا ادهم
ادهم : لاا علي فهد يمريومتي
عمر : بتسحب كلامك
ادهم : انا مش قد النسوان دي يعمو عمر
مصطفى : خليك بس قد مراتك ومش مهم الباقي
ليلي : في ايه يصافي انت عارف انك حبيبي مالك لجوزي
مصطفى : احنا نقدر نقول حاجه بس
ليلي ابتسمت : يعجبني بك ردودك
مصطفى هز راسه ورفع كتفه بانه بيشكرها
..
فيلا العيله
الشباب رجعو من الشركه واكلوا سوا وبعدين قعدو مع بعض والبنات عملوا قهوة لشباب وبعدين كل وحده قعدت جمب جوزها وديما قاعده بعيد عن فريد و متجاهله وجوده وفريد اللي بيبصلها من اول مرجع وهو فاهم بتعمل كدا لي بس
قرر يتكلم معاها لما يبقو لوحدهم و يوسف من اول مرجع وهو في الجناح بتاعه و آسر ماسك ايد دانيه وبيتكلموا
سلمي بصيت ليوسف : هو زين و غزل فين
في نفس اللحظة بيدخل زين و حياه
زين : مساء الخير
الكل رد عليه : مساء الخير
سيف : ايه كل الوقت دا واخد بنتي فين يا زين باشا
زين بص لحياه وحط ايدو علي رقابته باحراج : محسناش
بالوقت يعمو سيف ومحبتش اقطع اللحظه دي علي حياه
شهد : بس بقا يسيف ولا يهمك يحبيبي اهم حاجه انبسطو
زين هز راسه : طيب يجناعه عن ازنكم
سلمي : هتطلع ونت مش عارف اختك فين يا زين
زين بصلها : ليه هي مش مع ايان
آسر : بس هو اخدها بعد مخرجنا من المستشفى اتاخرو
ليه كل دا
سلمي بصتله بقلق ويوسف مسك ايديها وسلمي بصتله
يوسف : انتو قلقانين ليه غزل مع ايان واحنا عارفين
يقدر يحميها ونا مطمن عليها وهي معاه
سلمي : ماشي بس هما فين كل دا
يوسف : ايان حب يفاجئ غزل و اخدها شرم يحتفل بعيد
ميلادها
سلمي : شرم
شهد : طول عمره رومانسي و بيهتم بالتفاصيل ايان
حياه : وهما راحو من غيرنا ازاي كدا
دانيه : انتي عاوزه تبقي في كل حاجه يحياه
حياه : دا المفروض يحصل
زين بصلها
يوسف : ما احنا كلنا هنسافر ليهم بكرا
حياه : بجد يجو
يوسف : اها يحبيبتي
حياه بصيت لزين : سمعت يزين هنسافر
زين ابتسم وهو راسه
فارس : هنسافر ازاي بس ومعاناة شغل
نور : فارس افصل شويه دا انت بقيت كل حاجه شغل
مالك : ما فارس كلامه صح ينور
آيه بصتله : يعني مش هنسافر
يوسف : لاا هنسافر هو يوم ونرجع لشغل بعدين
شهد : دا هيبقا يوم لذيذ جدا
..
فيلا مراد
مراد كان نايم في الجناح بتاعه وملك بتدخل وبتشوفه
نايم وبتروحله وبتمسك دقنه
ملك : انت نمت يجدو دي اول مره تحصل
مراد فتح عيونه وشد ملك لي : لاا يروحي بس تعبان شويه
ملك بقلق : ليه مالك يمراد في ايه
مراد مسك خدها : مفيش حاجه يحبيبتي
ملك : بجد يعني
مراد : اها والله مجهود الشغل بس
ملك : امم ما انت اللي تاعب نفسك يجدو
مراد : اعمل ايه بس شغلي وبعدين ليه كلمه جدو بتكلمي
بيها كتير انهارده في كلامك
ملك : عشان هتبقا جدو للمره الثانيه
مراد فضل ساكت وهو عيونه علي ملك
ملك : ايه
مراد : دانيه
ملك ابتسمت : ايوا
مراد بفرحه : بجد يملك من امتي
ملك : انهارده عرفت يحبيبي
مراد : ربنا يقومها بالسلامه هي و داليدا يارب
ملك : يارب يمرادي
مراد : هنبقا جدو وتيتا البنات دول كبروني بدري اوي
ملك ضحكت : بس انت هتبقي جدو مز اوي
مراد بغمزه : اكيد مش زي جمدان تيتا
ملك ابتسمت وحضنته
..
في جناح فريد و ديما
ديما كانت بتحط مخدادت في نص السرير و فريد خرج
من الحمام وبصلها وهو مستغرب بتعمل كدا ليه
فريد : ديما انتي بتعملي ايه
ديما بصتله ورجعت تحط المخده : انت شايف ايه
فريد : انا م فاهم اللي انتي بتعمليه
ديما : مش بعمل اي حاجه تشتغرب عشانها انا بس بعمل
فرق بينا عشان انا ونت نعرف ننام
فريد قعد علي السرير ومسك ايديها : انا آسف مرديتش
عليكي كنت مشغول والفون سايبه
ديما فضلت بصاله وساكته
فريد : حقك عليا يدمدومتي
ديما : بس انا المرادي مش مسمحاك
فريد : صدقيني لما بتزعلي مني الدنيا بتقفل في وشي
مبحسش اني عايش ديما انتي روحي اللي عايش بيها
متزعليش مني لو عملت حاجه دايقتك غصب عني
ديما ابتسمت
فريد : اسف
ديما قربت منه وحضنته بسرعه وفريد اتنفس بارتياح
كانه روحه رجعتله
..
في أشهر مطاعم شرم اللي علي البحر ايان و غزل كانوا
قاعدين علي ترابيزه وغزل بتبص حواليها من جمال
المكان
ايان : انت بتبصي حواليكي ليه
غزل بصتله : المكان شكله حلو اوي
ايان : مفيش حاجه حلوه غيرك في المكان
غزل ابتسمت : ايان انا لسه مش مصدقه اني جيت معاك
شرم من غير محد يعرف لاا وكمان قاعدين ومش في دماغنا اي حاجه
ايان ضحك : ما انا دا اللي عاوزه منك متفكريش في حاجه غيري انهارده
غزل بحب : تفكيري مفيش شخص موجود فيه غيرك
ايان : يا بختي بجد
غزل ابتسمت
ايان : لو قلقانه عشان عمو يوسف فا هو عارف كل حاجه
وزين كمان عارف وزمانهم العيله كلها عرفت وكمان عشان
تنبسطي هما هيبقا موجودين هنا بكرا
غزل : بجد يا ايان
ايان : اها يقلبي
غزل : انا بجد مبسوطه اوي
ايان مسك ايديها وباسها : ونا مش عاوز غير كدا يروحي
غزل اتكسفت وسحبت ايديها : الناس يا ايان
ايان : متفكريش في حد يغزل
غزل هزت راسها و ايان ابتسم وكان في شاب مركز مع
غزل وغزل عينيها جات عليه بالغلط وشافت نظراته ليها
وادايقت
غزل : ايان يلاا نمشي
ايان : ليه يحبيبتي ادايقتي من حاجه
غزل : لاا بس مش عاوزه افضل هنا
ايان : حاضر
ايان نادي علي الجرسون ودفع الحساب ومشي هو وغزل
من المطعم
ايان : تحبي نروح مكان طيب ولا نرجع الفندق
غزل : نتمشي علي البحر
ايان مسك ايديها : يلاا بينا
ايان و غزل راحو البحر و غزل سابت ايد ايان و وقفت
قدام البحر و ايان راحلها
ايان : تعالي نقعد
ايان وغزل قعدو علي الرمله قدام البحر
ايان بصلها : حابه نسهر هنا
غزل بصتله وابتسمت : يااه يا ايان نفسي في كدا اوي
ايان : خلاص نفضل
غزل فتحت عيونها واتكلمت زي الطفله وهي مش مصدقه
من اللي بتسمعه : بجد
ايان ضحك : اها يحبيبتي
غزل ابتسمت ومسكت دراعه وحضنته وسندت راسها علي كتفه و ايان ابتسم وميل عليها ومسك ايديها
فضلوا يتكلموا سوا ومحسوش بالوقت وغزل نامت و ايان
فضل يتأمل ملامحها بحب
..
صباح جديد
العيله كلها كانت بتنزل شنطها عام يسافرو شرم
وفارس كان واقف قدام الفيلا مع يوسف ابنه
يوسف : يبابا اسمع مني انا هحضر الميتنج عشان مينفعش
يتأجل وهحصلكم علطول
فارس : ما انا عارف مش هعرف اتفاهم معاك
يوسف ابتسم : كل دا عشان مصلحه الشركه يبابا
يوسف بيخرج من الفيلا وبيق معاهم : طول عمره زي
خالو
فارس : اها امدح في انت كمان
يوسف ابتسم : سيبك من ابوك يحبيبي واعمل اللي
انت عاوزه
فارس : مش قدامي طيب
مصطفي بيطلع من الفيلا وبيتكلم بصوت : ايه ياجماعه
احنا مسافرين بجد
سيف بصوت عالي : ايوا تعال يلاا
فارس : هو انتو بتعلو صوتكم ليه
شهد ضحكت : الحماس بيعمل كتير
مالك : طيب يلاا نمشي عام نوصل
يوسف : هو عمر و مراد مخرجوش ليه
بيطلع مراد و ملك من الفيلا
مراد : صباح الخير يجماعه
صباح الخير
سيف : طيب يلاا يمصطفي شوف عمر عشان نمشي
عمر بيخرج هو وعيلته ما عدا فيروز
العيلا بتبدا تحط الشنط في العربيه
فريد بيخرج من الفيلا وبيحط ايدو علي يوسف : انا بفكر افضل معاك
يوسف : تفضل معايا ايه يابني
يوسف بص لديما اللي خارجه من الفيلا : مش كفايه اللي
حصل معاك امبارح
فريد بص لديما ورجع بصله : حبيبي بتفهم
يوسف ضحك وديما قربت منهم : في ايه
فريد : لاا يحبيبتي مفيش روحي انتي اركبي ونا جاي وراكي
ديما : طيب
ديما بتروح تركب العربية و فريد بيبص ليوسف: متتاخرش علينا اوك
يوسف ابتسم : هحاول
نور كانت واقفه مع فارس وراحت ليوسف : خد بالك من نفسك يحبيبي
يوسف مسك ايديها وباسها : حاضر يماما
فارس : يلاا ينور
نور : حاضر
و بصيت ليوسف قبل متمشي
يوسف : يلاا بابا مستنيكي
نور راحت لفارس وركبت العربيه وكلهم اتحركو بالعربيات مريم كانت قاعده في العربيه و عمر واقف مستني فيروز وبعد دقايق خرجت
عمر : ايه يفيروز كل دا
فيروز : سوري يبابا
عمر : طيب يلاا يحبيبتي هنتاخر
عمر ركب العربيه وفيروز كانت هتركب بصيت ليوسف اللي واقف بيتكلم في الفون وعيونه جات عليها وبعدين فيروز
بعدت عيونها وركبت العربيه و عمر مشي بالعربيه و يوسف
كانت عيونه عليها لحد ما العربيه عدت من قدامه و فيروز بتبصله من شباك العربيه ...