رواية عانيت لأحبك الجزء الثاني2 الفصل الثالث3 والرابع4 بقلم فاطمه محمود

يوسف بيكون نايم وبيمشي بايدو علي السرير وبيلاقي

سلمي مش موجوده بيفتح عيونه وبيبص حواليه وبعدين

بيقوم يدخل الحمام ياخد شاور ولبس بدله باللون الاسود

وكالعاده في شياكته و وسامته وبعدين بيخرج من الجناح

وبينزل وبيدخل اوضه السفره وبتكون العيله كلها متجمعه

يوسف : صباح الخير

الكل بيرد عليه الصباح ويوسف جات عينه علي سلمي اللي 

قاعده وجنبها زين وبتحط اكل في طبقه وبعدين يوسف بيروح ويقعد علي الكرسي بتاعه

زين : ماما كفايه انا شبعت

سلمي : يحبيبي هو انت امتي اكلت

آسر : شوفت بقا يجو سلمي نسيتك خالص من وقت ما زين

باشا شرف في الفيلا بمعني كدا خلاص راحت عليك

يوسف بصله و آسر فضل يكح 

آسر : اسف سرحت شويه وكنت فاكر بتكلم بهمس يكبير

يوسف : كمل اكلك عشان تروح المستشفى

آسر : حاضر

بص لسلمي اللي بصتله وبعدين شال عيونه من عليها

وكمل اكل

زين قام : عن ازنكم 

سلمي : رايح فين يحبيبي

زين : معايا شغل يماما

سلمي : يا زين انت لسه راجع امبارح 

زين : دا شغلي يحبيبتي .. يلاا يا ايان

يوسف : سبيه علي راحته

زين بص لحياه اللي شالت عيونها من عليه اول مبصلها 

وبعدين هو ايان خرجوا من الفيلا وسلمي بصيت علي 

يوسف اللي متجاهل النظر ليها

يوسف : يلاا يشباب كل واحد علي شغله آسر خد بالك

من البنات 

آسر : حاضر .. يلاا بينا يبنات 

الشباب والبنات كلهم بيخرجو وبتفضل حياه

شهد : مش رايحه الكليه ولا ايه

حياه : همشي دلوقتي 

شهد : متتاخريش اول متخلصي ترجعي مش عاوزه

باباكي يرجع ويسألني عليكي ومش هلاقي حجه اقولها المرادي

حياه : قوليلي متتاخريش مش لازم الاسطوانه اللي اتفتحت دي يشوشو

شهد : لاا ومش عاجبك كمان خلاص يبقا انت تتصرفي معا باباكي انا ماليش دعوه

حياه : عاجبني والله عاجبني اول مخلص انا والبت ليلي هخرج علطول 

حياه بتخرج والبنات بيبصو كلهم لسلمي

سلمي : في ايه 

آيه : انتي مش واخده بالك من يوسف اللي ادايق 

سلمي : ويوسف يدايق ليه

نور : يعني بجد مش عارفه ليه

شهد : عماله تدلعي في ابنك ونسيتي الراجل خالص

دا انا كنا بنتعلم منك 

سلمي : ولسه يحبيبتي بتتعلمي هو في حد يعرف 

انا بحب يوسف ازاي 

نور : بس بجد يسلمي انا حسيت بيوسف أنه زعل

وادايق

سلمي : يبنات طيب وايه حصل يزعل هيغير من 

ابنه يعني يوسف اعقل من كدا بكتير

آيه : انتي نسيتي أنه كان يغير من زين وهو صغير

سلمي ضحكت : لاا منستش

شهد : عيله غريبه الام تغير من بنتها والاب من

ابنه 

نور : دول عيله مشاعرهم مراهقه

بتدخل مريم وملك واسما

ملك : صباح الخير

سلمي : صباح الخير

مريم : قولنا نيجي نتكلم شويه وتغير مود

آيه : اها والله دي من الحاجات اللي بحبها اننا

بنتجمع سوا وبنفضل نتكلم 

اسما : القعده معاكم لوحدها كفايه اصلا

نور : دي حلوه بيكي يا سوسو

شهد : طيب ايه نعمل ايس كوفي اللي كنا دايما

نشربه سوا وبعدين احكيلكم عن ذكرياتي ونا 

دحيحه الدفعه

البنات ضحكوا والبنات لمو الاطباق مع بعض وبعدين

غسلوها وعملو ايس كوفي وطلعوا في الجنينه يتكلموا ويهزرو

.............................................

في المستشفى

آسر بيكون واقف مع دكتور مروان في المستشفى

آسر : يعني هي فين الدكتوره دي دلوقتي انا هفضل

مستني حضرتها وقت العمليه يفوت عشانها

مروان : معلش يدكتور آسر انا هكلمها دلوقتي 

مروان بيبعد عشان يكلمها وبتقرب منه انجي

مروان : كل دا تاخير يا انجي

انجي : اعمل ايه يمراون ما انت عارف

مروان : طيب غيري هدومك بسرعه عشان دكتور آسر

متعصب جدا

انجي : حاضر

انجي مشيت و آسر كان ماسك الفون وبعدين بص لمروان

آسر : وبعدين يمراون انا بجد خلاص مش هخليها تدخل   عمليات تاني

مروان : خلاص يدكتور آسر هي جات 

آسر : متشكرين لجنابها والله

انجي : انا اسفه يدكتور آسر

آسر بصلها : انتي دكتور انجي

انجي : ايوا

آسر : طيب اتفضلي يلاا

آسر و انجي بيدخلوا العمليات و آسر بيبصلها 

آسر : جاهزه

انجي بحماس : اكيد

آسر : مطلوب الحماس برضو

.............................................

البنات كانوا متجمعين في مكتب غزل 

دانيه : عندكم حالاتك كتير انهارده

غزل : اها انا معايا عمليتين 

ديما : مين هيكون معاكي 

غزل : الشباب كلهم 

دانيه : ربنا معاكي يزوزو .. انا بقا شكلي مش هروح انهارده

ديما : ليه

دانيه : حالات كتير اوي 

ديما : لاا انا مش اوي يعني حاسين بيا يجماعه انا لسه

خطوبتي امبارح

دانيه : دايما حظك حلو يابت واحنا دايما عنب

ديما : قل اعوذ برب الفلق شيلي عيونك من علينا شويه

دانيه ضحكت :  طيب هتعملي ايه بعد متخلصي

ديما : يعني بفكر كدا نخرج انا وفريدي

غزل : ربنا يسعدكم يدمدومه

ديما : قلبي يزوزو

غزل : طيب يلا كل وحده تروح علي شغلها

دانيه : انا انهارده عاوزه صاحب القهوة نفسه عشان افوق

وأكمل شغلي بدل ما خالو يعلقني

ديما : تعالي ونا هجبلك القهوة

ديما ودانيه خرجوا من المكتب و غزل رجعت تكمل شغلها

.............................................

في الشركه في مكتب يوسف بالتحديد بيكونو الشباب

متجمعين فيه

فارس : انهارده في صفقه جديده مع شركه YT 

مراد : هي دي مش الشركه اللي مشهوره في المانيا

فارس : اها هي

مراد : وصاحب الشركه كارل هاينز

يوسف : من بحثي عن الشركه دي مش هو دا صاحب

الشركه دا اللي ماسك كل الشغل

فارس : امال مين

يوسف : هنعرف انهارده اكيد هيبقى موجود

سيف بيدخل : شباب الاجتماع هيبدا

يوسف : يلاا يشباب

يوسف والشباب بيروح اوضه الاجتماعات وبعدين

بيدخل فريد ويوسف وداليدا وفيروز وبيكون في 

شاب ومعاه السكرتير بتاعه

السكرتير : مستر كارل هاينز حابب أنه يثتسمر في شركتكم

ويبقى في شراكه ما بينكم

يوسف : بس هو كان متفق علي صفقه مش علي شراكه خالص

السكرتير : دا حقيقي بس هو أعجب اوي بشركتكم وحابب 

يبقا لي شغل في مصر

سيف : انت من اول مجيت وبتتكلم بداله هو اخرس ولا ايه

كارل بص لسيف : لاا مش اخرس ولا هاجه انا بعرف اتكلم

عربي كويس اوي بس كنت هابب اعرف رايكم الاول بصراحه

شركتكم من احسن الشركات اللي شفتها قبل كدا

السكرتير : مستر كارل مبيعرض العرض دا الا الشركات

الناجحه والمعروفة جدا

كارل : حقيقي .. رايكم ايه موافقين

فريد : والله هو عرض حلو وميترفضش

كارل ابتسم : يعني موافقين

فريد : مقولتش موافقين الرأي الاخير يرجع لشباب

فارس بص ليوسف : مستر يوسف رأيه تسبينا نفكر شويه

كارل : اوك مستر يوسف ونا مستني رايك 

يوسف : كنت عاوز اعرف هو صاحب الشركه مجاش لي

كارل : صاحب الشركه مبيظهرش كتير انا اللي ماسك كل حاجه هو بيبقا موجود في الاجتماعات المهم بس

يوسف برفع حاجب : قصدك انك كدا الشراكه بينك وبين 

شركتنا حاجه مش مهمه

السكرتير : مستر كارل قصده

كارل شاور ل السكرتير بأنه يسكت وبص ليوسف : لاا اكيد مش قصدي كدا مستر يوسف هو بنفسه هيبقا موجود لما نمضي العقود وهو كمان اللي حابب يعمل الشراكه ما بينا

يوسف : تمام

كارل والسكرتير بتاعه خرجوا من اوضه الاجتماعات 

سيف : والله يا يوسف كنت وافقت دلوقتي الشركه معروفة

في المانيا جدا ودا كويس لشركتنا

مراد : بس ازاي مجاش صاحب الشركه بنفسه

يوسف : دا اللي بفكر فيه واكيد مش هنشارك حد غير لما نعرف عنه كل حاجه

فيروز : دي المانيه يا عمو يعني نوافق من غير منفكر

دي الشركة هتتنقل نقله تانيه خالص

يوسف ابتسم : لازم نفكر في اي خطوه قبل متحصل يحبيبتي احنا منعرفش المخاطر

يوسف الصغير : سمعتي يبتاعت المانيا خالو قال ايه

فيروز بصتله بغيظ

يوسف : طيب اخرجو انتو كملوا شغلكم يلاا

الشباب والبنات بيخرجوا

فارس : انا حاسس انك قلقان يا يوسف

يوسف : مش قلقان بس مش عاوز اي ضرر يحصل لشركه

سيف : طيب يعني هنرفض حاجه كويسه كدا

يوسف : مقولتش هنرفض بس نفكر الاول

مراد : يوسف صح يجماعه الشركه اخديت سنين وتعب

عشان توصل لكدا لازم نفكر فيها كويس

يوسف : اهو دا اللي أقصده ويلاا انتو كمان كل واحد علي

مكتبه

الشباب ويوسف كلهم خرجوا وكل واحد راح مكتبه

.............................................

فيروز كانت قاعده في مكتبه وبيدخل يوسف وبيقعد

علي الكرسي اللي قدامها فيروز بترفع وشها من الورق

وبتبصله

فيروز : جاي ليه

يوسف :  جاي اتكلم معاكي شويه 

فيروز : لاا متكلمش معايا انت احرجتني من شويه

يوسف : انا اسف يروز مقصدش بس محبتش نظراتك

لكارل

فيروز : وفيها ايه عادي شاب الماني بيتكلم مصري قدامي طبيعي اتشدله واركز معاه 

يوسف : ماشي خلاص يبقا ركز معاه براحتك

فيروز : ما انا هركز

يوسف : طيب ماشي انا هروح مكتبي

 فيروز مسكت ايد يوسف : مش كنت عاوز تكلم معايا

يوسف : لاا خلاص

فيروز : خلاص بقا يا يوسف اقعد

يوسف : يا بنتي مشغول

فيروز : انت هتعملهم عليا

يوسف : هتعملهم هو في بنوته تقول كدا

فيروز بضحك : انا

يوسف ضحك عليها وسكت 

فيروز : هنخرج انهارده

يوسف : انتي مش شايفه الشغل اللي معاكي ونا كمان لسه معايا شغل

فيروز : يعني مش هنخرج

يوسف : طيب نخلص الاول وبعدين نشوف هنروح فين

فيروز : اوك

يوسف : هروح اكمل شغلي انا

فيروز : تمام يجو

يوسف خرج من مكتب فيروز ورجعت تكمل شغلها

.............................................

في الكليه 

 

حياه وليلي بيكون قاعدين في المدرج وبيدخل دكتور المحاضره

دكتور حاتم : صباح الخير يشباب

الطلبه : صباح الخير يدكتور

الدكتور حاتم : نركز في محاضرة انهارده ولو لمحت حد بيتحرك هيخرج برا المحاضره مفهوم

الدكتور بدأ يشرح المحاضرة وبيشوف حياه بتكلم مع ليلي

حاتم : انسه حياه

حياه بصتله : نعم يدكتور

حاتم : اتفضلي اطلعي برا

حياه : ليه انا عملت ايه

حاتم : حضرتك بتكلمي مع صحبتك ونا قولت مش عاوز اشوف حد بيتكلم بس الظاهر انك مش بتيجي بالاحترام

ليلي : علفكرا يدكتور حياه مكانتش بتكلم هي بس

حاتم قاطع ليلي : انتي هدافعي عنها انا لسه شايفها بعنيا

ليلي بهمس : انت بتشوف اصلا

حياه : خلاص يا ليلي انا هخرج ونتي كملي المحاضره

ليلي : تخرجي فين

حاتم : والله صعب عليكي تشوفي صحبتك بتطرد اتفضلي اخرجي معاها

ليلي : يلاا يحياه

ليلي و حياه خرجوا من المحاضرة وحياه وقفت وليلي

بصتلها

حياه : عملتي كدا ليه

ليلي : يحياه انتي مغلطتيش معاه هو اللي متعمد وحاطك

في دماغه مش عارفه ليه

حياه : بس انتي مكانش ينفعي تخرج

ليلي : انا اصلا مش بطيق محاضره لي وبصراحه مصدقت 

حياه ضحكت طيب تعالي نقعد في الكافتيريا لحد متخلص

المحاضرة وندخل المحاضرة اللي بعدها

ليلي : يلاا

.............................................

فريد و ديما بيكونو قاعدين في مطعم بيتكلموا وبيقرب

منهم الجرسون

الجرسون : تطلبوا ايه يفندم

فريد : امم نشرب حاجه الاول موجود هنا ايه

الجرسون : كل حاجه موجوده يفندم شوف حضرتك تطلب ايه

فريد : تشربي ايه يحبيبتي

ديما : هو ايه اللي اشرب ايه انا جعانه احنا لسه هنشرب

الشاب كاتم ضحكته وفريد بصله وبعدين بص لديما : عاوزه

تأكلي ايه طيب

ديما : هو دا السوال الصح 

ديما بصيت لجرسون واتكلمت بعفويه : انا جعلته وعاوزه  شاورما

جرسون : حاضر وحضرتك

فريد : نفس الطلب

الجرسون مشي وفريد بص لديما اللي بصتله

ديما : هو انا قولت حاجه مش لطيفه

فريد : اطلاقا

ديما : يبقا قولت انت عارف كويس ديما يفريد مبتعرفش تفكر لما تكون جعانه

فريد ضحك : عارف بس انا مش عاوز منك تتكلم مع اي

حد بطريقه كأنه تعرفيه انتي فهماني

ديما : حاضر

فريد : عملتي ايه انهارده في المستشفى

ديما : كان عادي مكانش في حالات كتير وكنت مقرره اني

اشوفك ونت كلمتني قبل مقولك .. ونت

فريد : كان في اجتماع شركه المانيه عاوزه تساهم في شركتنا

ديما : دا بجد المانيه

فريد : اها

ديما : اكيد جو وافق

فريد : لاا لسه

ديما : هي دي فرصه تترفض

فريد : دمدومه

ديما : قلب دمدومه روح دمدومه عيون دمدومه

فريد ابتسم : حابه نسافر فين لما نتجوز

ديما : بجد احنا هنسافر لما نتجوز

فريد : ايوا يحبيبتي يلاا قوليلي حابه نروح فين

ديما : نيويورك

فريد : خلاص اوعدك لما نتجوز هنسافر نيويورك

ديما بفرحه : طيب يلاا نتجوز دلوقتي

فريد ابتسم : بجد

ديما : اها عشان نروح نيويورك

فريد : يعني عاوزه تجوزي عشان تروح نيويورك بس

ديما : اكيد لاا يفريدي بس انا مش مصدقه اننا هنسافر بجد

بس ازاى هنسافر والشغل

فريد : شغل ايه يبنتي احنا هنتجوز وبعدين الشباب موجودين في الشركه والبنات في المستشفى

ديما بحماس : يعني هسافر البلد اللي كنت نفسي اروحها

لاا ومع مين فريدي حبيبي

فريد : قلب فريدك انتي

 الجرسون جاب الاكل واكلوا سوا وبعدين مشيوا

.............................................

زين خرج من القطاع هو وايان وروح البيت وكانت العيله 

كلها موجوده في الفيلا ما عدا يوسف

زين بيدخل هو وايان وسلمي بتشوفه وبتروحله : حمدالله على السلامه يحبايبي

ايان : الله يسلمك يخالتو

زين : الله يسلمك يماما 

ايان بيطلع وزين بيبص لسلمي 

زين : عن ازنك يحبيبتي انا هطلع اغير هدومي

سلمي : اتفضل يحبيبي

زين بيطلع يغير هدومه ويوسف بيدخل الفيلا وسلمي بتبصله

سلمي : يوسف اتاخرت ليه

يوسف : كان معايا شغل

سلمي : كل الشباب رجعت ما عدا انت في حاجه بتخبيها عليا

يوسف : قولتلك كان معايا شغل ايه مش مفهوم في كدا

وسابها وطلع علي السلم وراح أوضته يغير هدومه سلمي

بصتله وهي مش عارفه ليه متغير واول مره يكلمها بالطريقه دي وبعدين بتروح تقعد مع البنات حياه بتدخل وهي بتبص حواليها وبتتسحب وبتطلع علي السلم بسرعه وزين بيكون نازل وبتخبط فيه وبتكون هتقع من تأثير الضربه بس زين بيمسكها بسرعه وحياه بتكون ماسكه في هدومه جامد ومغمضه عيونها

حياه : وقعت ولا لسه

زين : وبنسبها للبني ادم اللي ماسكه في هدومه دا

حياه فتحت عنيها وبعدين فتحت عنيها التانيه وبصيت 

لزين اللي وقفها وبعد عنها

زين : طالعه بتجري ليه

حياه : لاا مفيش كنت كنت بعمل رياضه مفيده

زين : متجريش تاني كدا لو محدش كان موجود كنتي 

وقعتي واتاذيتي دلوقتي

حياه : انت هتشوف نفسك عليا عشان ساعدتني

زين اتكلم بحده وبجديه : بلاش تتكلمي معايا بالطريقه دي انا بقولك اهو

حياه بخوف : حاضر ممكن اطلع

زين بصلها وكمل طريقه

حياه بهمس : اهو مش عاجبني غرورك اللي علفاضي  دا

زين وقف وبصلها وحياه طلعت جري وزين نزل

.............................................

الماميز بيكونوا حضرو الاكل وكلهم بيتجمعو علي السفره ويوسف بينزل وبيقعد بدون اي كلام وسلمي بتبصله 

سيف بص لحياه : اتاخرتي ليه يحياه كل دا

حياه : مين قال اني اتاخرت يسيفو انا رجعت من بدري

حتي اسال ماما

سيف : بس ماما قالت انك مرجعتيش

حياه بصيت لشهد وهي متوتره : ازاي بس اكيد ماما

بتهزر مش كدا يماما

شهد : سيف انا مش قولتلك أنها رجعت

سيف  : حياه اللي هترد يشهد .. كنتي فين كل دا حياه

زين بص لحياه : رجعتي بدري ونا لسه شايفك ونا نازل

علي السلم

حياه : ونت مالك يا اخي

سيف بعصبية : حياه انتي اتجننتي

يوسف : سيف مفيش حاجه هتتحل بالعصبية

اتكلم مع حياه لوحدكم وفهمها

سيف : انت مش شايف البت بجحه ازاي

يوسف : طيب ممكن تهدا ونتي يحياه مينفعش تكلم مع

زين بالطريقه دي

حياه بتقوم : انا اسفه 

زين كان قاعد وهو مدايق من حياه بس حاول يبان عادي

يوسف : رايحه فين يحياه

حياه : انا عاوزه أطلع اوضتي يعمو

يوسف : كملي اكلك الأول

حياه : لاا انا شبعت

يوسف : طيب في حاجه كنت عاوز اقولها والكل يبقا موجود

مالك : حاجه ايه

يوسف : انا فكرت اننا نجوز الاولاد واهو يفرحوا

زين وقف : مبروك يشباب

فريد و فهد : الله يبارك فيك

وبعدين زين خرج وسلمي كانت عيونها عليه

وبعدين حياه خرجت والكل كان حاسس بالتوتر اللي حصل بس كملوا كلامهم عادي

مصطفى : ومين سمعك هما مصدقو اصلا

فهد : مش اوي كدا يعني يبابا

يوسف بص ل داليدا : انا بفكر نفركش الخطوبه ونشوف ولد مدلوق شويه ايه رايك

داليدا ابتسمت : اللي تشوفه حضرتك

فهد : هو ايه اللي يشوفه متقول حاجه يبابا

عمر ضحك : اهدا شويه طيب الاول

يوسف : ونت يفريد ايه رايك

فريد : موافق جدا

يوسف : دمدومه

ديما : في اقرب وقت

يوسف : مش سامع صوتك نهائي يا آسر

آسر : كان نفسي اتكلم بس خفت تعلقني عالباب يكبيبر

فارس : ونت من امتي بتفكر في الضرر اللي هيحصلك

آسر : اسكت انت دلوقتى يفارس وبعدين انا زعلان منك يكبيبر عشان كدا فضلت ساكت

ادهم : ايه يا عمو فارس انت هتسكت ل آسر كدا

فارس : لازم ابقا شويه مرعب شويه اهو الواد يحترمني شويه علي الاقل

آسر : ماشي يا ادهم طول عمرك طالع لابوك

مصطفي : وأبوه ماله يا سي آسر دا انا غلبان وفي حالي

عمر ضحك : قبل سابق كنت زي ادهم و اكتر

دانيه : ايه دا بجد يعمو مصطفى

مصطفي : اها يحبيبتي 

ديما : طيب وايه حولك للكيوت القمر دا دلوقتي

مصطفي : تقدري تقولي كدا اسما وبصراحة مالك وعمر كمان

داليدا : يا سيدي يا سيدي دي قصه حب من الخيال

اسما بابتسامة : هي بجد محدش كان يصدق اللي حصل

غزل : لاا دي عاوزه قعده وتحكيلنا يا سوسو

مريم : بيحبو التفاصيل اوي

آيه : اهو حبيبتي زوزو بتحب الحاجات اللي زي دي 

آسر : عقبال قصتك يزوزو ومتقلقيش هعيش عليه دور الاخ العصبي لما تتاخرو برا

ايان بصله و آسر بعد وشه عنه واتكلم بهمس : يالهوي

غزل بصيت ل ايان اللي عيونه عليها طول القعده

آسر: مسالتنيش يكبيبر وقولتلي زعلان منك ليه

يوسف : زعلان ليه

آسر : مش المفروض اتفقنا اني اتجوز معاهم

يوسف : لاا متفقناش

آسر : خلاص نتفق دلوقتي

مراد : ليه انت خاطب واحنا منعرفش

آسر : في ايه يا مراد هتشكك العيله فيا

سيف : امال هتجوز ازاي

آسر : انتو بس وافقو وانا هلاقيها في 24 ساعه

فارس : ليه هتطلبها من امازون

آيه : آسر مفيش جواز دلوقتي لما اخوك يتجوز يبقا انت تفكر

آسر : متقول حاجه يمالك

مالك : مامتك قالت كل حاجه و ايه مالك دي اسمها بابا

آسر : ماشي يبابا 

بيدخل يوسف وفيروز و آسر بيبصلهم

 آسر : كنت فين يا اخويا انت وهيا

يوسف الصغير : نعم

آسر : بقولك كنت فين

يوسف : كان في شغل

آسر : شغل ايه دا احنا العصر متكلمي يا ست فيروز

يوسف : السؤال دا يسأله فارس يا آسر مش انت

آسر : حاضر

بعد مخلصوا اكل الشباب راحو المكتب والبنات والماميز قعدو مع بعض شويه وبعدين كل واحد طلعت اوضتها 

وملك ومريم واسما مشيوا هما وبناتهم

.............................................

سلمي كانت في اوضتها مستنيه يوسف ورايحه جايه في الاوضه ويوسف بيدخل وبيبصلها

يوسف : منمتيش ليه

سلمي : مستنياك

يوسف : طيب كفايه سهر عشان انتي تعبتي طول اليوم

نامي دلوقتي

سلمي : بص بقا يا يوسف انا بجد مش عارفه عملت ايه

عشان بتعاملني كدا

يوسف : انا مش فاهم انتي اللي في ايه

سلمي : مش فاهم انت مش شايف معاملتك ليا يا يوسف

يوسف : ما انا بتعامل عادي

سلمي : طيب تمام

سلمي كانت رايحه تنام ويوسف مسك ايديها بحضنه سلمي حضنته وهي بتتنفس بارتياح

يوسف : انا اسف

سلمي : علي ايه

يوسف : علي الطريقه اللي اتكلمت بيها

سلمي : انا مش عاوزه اعتذار يا يوسف انا نفسي بس افهم ايه اللي حصل لكل دا

يوسف : لاا مفيش بس كنت مضغوط شويه في الشغل

سلمي : متاكد

يوسف : اها وتعالي ننام 

.............................................

الكل كان نايم وحياه كانت قاعده في اوضتها علي سريرها

وهي بتفكر في اللي حصل وبعدين بتخرج وبتطلع السطح وبتقعد علي السور

حياه : هو انا ازاي قولت لزين كدا هو بس قال الحقيقة ونا غلطت معاه بجد الدكتور معاه حق انا انسانه مش محترمه ومعنديش زوق

والفون بيرن وبترد 

ليلي : لسه سهرانه

حياه : مش جايلي نوم

ليلي : اللي واخد عقلك

حياه بتحكي ل ليلي عن اللي حصل معاها واللي قالته

لزين

ليلي : انتي بتحبي زين يحياه 

حياه : مش عارفه بحس تجاه شعور غريب مش عارفه اوصف بحس اوقات أنه حبيبي مش فاهم ايه دا

ليلي : مش فاهمه خليكي مش فاهمه

حياه ضحكت : ماشي

ليلي : هستناكي بكرا يلاا تصبحي علي خير 

حياه : ونتي من اهله

حياه كانت هتنزل من علي السور وفي ايد مسكتها حياه

كانت مغمغه عيونها بخوف وبعدين فتحتها وشافت زين

بيبصلها

زين : انتي كويسه

حياه هزت راسها باه وزين بعد عنها

حياه : زين انا اسفه علي اللي قولته ليك انهارده

زين : ولا يهمك انزلي انت وروحي نامي

حياه : وشكرا 

زين هز راسها وحياه نزلت وبعدين هو نزل كمان 

وراح اوضته

.............................................

صباح جديد

الكل بيكون متجمع علي السفره بيفطرو وحياه بتنزل

حياه : صباحو ورد

الكل بيرد عليها الصباح

شهد : اقعدي افطري يلاا

حياه : لاا انا همشي عشان متاخرش ويبقا افطر قدام

سيف : حياه حياه مش عاوز تأخير انت فاهمه

حياه : متقلقش يا سيف بيه مش هيحصل كدا تاني

سيف : استني فريد هيوصلك

حياه : لاا خليه يفطر عمو هاني هيوصلني

حياه بتخرج

يوسف : يلاا احنا كمان علي الشغل

الشباب والبنات كلهم بيخرجوا والشباب الكبار كل واحد بيبوس راس مراته وبعدين بيخرجوا من الفيلا

.............................................

 في الكليه 

حياه بتوصل وبتنزل من العربيه وبتروح ل ليلي اللي

واقفه مستنياها وبيدخلوا الكليه سوا 

سيرين : بنات عميد الكليه طالب يشوفكم

ليلي : ليه في حاجه

سيرين : مش عارفه بس قال أول ما صل تروحي مكتبه

حياه : تمام يلاا بينا يا ليلي

راحو مكتب العميد وخبطو ودخلوا ودكتور حاتم كان موجود

وحياه وليلي فهموا هو موجود ليه

حياه : صباح الخير

عميد الكليه : صباح الخير اتفضلوا اقعدو

حياه وليلي قعدوا 

حياه : حضرتك كنت طالب انك تشوفني 

حاتم بص لعميد الكليه : اسمحلي اتكلم 

عميد الكليه : اتفضل 

حاتم بص لحياه و ليلي : انتو اكيد عارفين انتو موجودين

هنا ليه

حياه : لاا منعرفش

حاتم : اقولك انا و الانسه ليلي في أنظار ليكم

ليلي : نعم ودا ليه

حاتم : حضرتها امبارح بتكلم معايا ونتي بتردي عليا ودا

طبعا مينفعش ما احترام

ليلي بصيت لعميد الكليه : حضرتك سامع دا بيقول ايه

عميد الكليه : عشان كدا انا جبتكم هنا عشان اعرف ليه

حصل منكم كدا

حياه : حضرتك انا امبارح بس بسال صحبتي علي حاجه

مدانيش فرصه اقول وطردني انا وصحبتي اللي دافعت

عني

عميد الكليه : حقيقي دا يدكتور حاتم

حاتم بتوتر : البنت دي بتكدب كانت طول المحاضرة بتكلم

ونا سكت بس في الاخر زودتها ومعملتش اي احترام ليا

والبنت اللي تتصرف مع الدكتور بتاعه كدا يبقا مشافتش

تربيه

حياه بصوت كله عصبية : لحد هنا ومسمحلكش تتكلم

عني بالطريقه دي يدكتور حاتم انت فاهم

حاتم بيقوم بعصبية : بتعلي صوتك عليا لاا دا انتي قليله الادب بجد 

وبيرفع ايدو عشان يضرب حياه بس في ايد بتمسك

ايدو وبتمنعه...