رواية عانيت لأحبك الجزء الثاني2 الفصل التاسع والعشرون29 والثلاثون30 بقلم فاطمه محمود

" رواية عانيت لاحُبك 2 "

                     صرت انت

" البارت التاسع وعشرون "

" الكاتبة فاطمة محمود "

يامن خرج من مكتب يوسف وشاف نغم واقفة و كانت بتعيط حامد الهلالي صاحب الشركة اللي يوسف كلف نغم تكلمة وبيروح عندهم وبيتدخل : حامد بيه حضرتك موجود هنا وكمان بتزعق في ايه

حامد : اهلا بيك يا استاذ يامن

يامن هو راسه : ممكن افهم ايه بيحصل

حامد بص لنغم ورجع بص ليامن : الاستاذه بلغتني من يومين الاجتماع هيبقا انهارده ولما جيت بتقولي حصل

منها سوء تفاهم دي كدا هتبوظ كل شغلكم ومكانها مش

المفروض يبقا هنا

يامن : انا فاهم حضرتك بس لو سمحت متكلمش كدا عليها

نغم شاطره جدا واتعاملت مع شركات قبل كدا واللي حصل منها مع حضرتك أنها غلطت واي انسان فينا بيغلط وطالما حضرتك موجود هنا اتفضل بس اقعد في مكتب شويه ونا هيجيلك

حامد : تمام

حامد مشي وراح يستني يامن في مكتبه ويامن بص لنغم

اللي اول مره يشوفها ساكته ومنزله وشها وهي بتعيط

يامن : نغم بلاش تدايقي هو بس انفعل شويه

نغم فضلت ساكته ومردتش عليه ويوسف طلع وبص ليامن

 واستغرب شكل نغم : في ايه يا يامن

يامن بصله : حصلت مشكلة كدا

يوسف : مشكلة ايه ونتي مالك ينغم

نغم : المشكلة حصلت بسببي يمستر يوسف بس والله ما

كنت اقصد اللي حصل ولو حابب تستغني عني معنديش مشكلة

يوسف : انتي ايه اللي بتقوليه دا ينغم مشكلة ايه اللي

تخليكي تفكري اني ممكن استغني عنك

يامن : شركه حامد الهلالي اللي طلبت من نغم الاجتماع يكون بكرا حصلت لخبطة مع نغم وبلغته من يومين أن الاجتماع انهارده وهو جيه وزعق ونا طلبت منو يهدي 

ويروح مكتبي لحد منشوف الاجتماع دا هيتاجل ولا ايه

نغم وهي بتعيط : انا آسفه يمستر يوسف عن اللي حصل

يوسف : طيب ممكن تهدي وتمسحي دموعك

نغم : ممكن اروح الحمام

يوسف : اتفضلي

نغم مشيت تروح الحمام ويوسف بص ليامن

يوسف : روح انت مكتبك وبلغه الاجتماع هيتم انهارده

يامن : ازاي يا يوسف

يوسف : روح انت وهنتصرف

يامن : بس نغم مش هتقدر تحضر الاجتماع معانا انت شايف حالتها

يوسف : انا ونت وفريد نحضر الاجتماع

يامن : تمام

..

نغم دخلت الحمام وقفلت الباب وراها وسندت ضهرها عليه ودموعها نزلت مرة وحده وهي بتحاول تكتم شهقتها...

..

حازم : كل دا يحصل ومتقوليش ليا يمريم

مريم : انا بجد حاولت اقولك يحازم بس معرفتش

صعب عليا والله

حازم : معاكي حق انتي لسه قايله ليا ونا زعلت عليها

مريم : مش عاوزه تزعل عليها يحازم لو سمحت فيروز

بتحاول كل يوم تبقي كويسه عن اليوم اللي قابله فا لو شافت نظرتك ليها كفيلة تخليها متقدرش تشوفك تاني

حازم : عارف يحبيبتي فيروز علي قد ما بتهزر وبتكلم

بس عمرها ما بتعرف تخبي وجعها وزعلها

حازم كان باصص علي الترابيزه وهو بيفكر في كلامه وبيرفع راسه وبيلاقي مريم بتمسح دموعها وبيقوم

وبيحضنها : عشان خاطري متعيطيش

مريم : غصب عني يحازم

حازم بعد عنها : بس فيروز مش هتقوي لما تشوفك بتعيطي

مريم هزت راسها : معاك حق

حازم : ايوا عاوزك تفكري كدا

مريم : حازم بلاش حد يفتح الموضوع دا قدامها تاني

حازم : حاضر اوعدك يحبيبتي

مريم فضلت ساكته وحازم قرر يقطع جو الزعل اللي حصل

حازم : ايه رايك يمريومه نعمل اكله سوا ونرجع لايام زمان

فاكره لما كنا ندخل المطبخ ونجرب في الاكل

مريم : وفي الاخر في من حلاوة الاكل كنا نرميه

حازم : كانت ايام جميلة ربنا ميعوضها تاني

مريم ضحكت : معاك حق والله

حازم ابتسم : بس عارفه وحشتني كل حاجه كنا نعملها

سوا حناقاتنا هزارنا حتي وقفتنا في المطبخ

مريم : انا كمان وحشتني اوي يحازم وعشان كدا طلبت منك تفضل معانا كام يوم ونت حضرتك ما كنت موافق

حازم : خلاص اهو وافقت وقاعد معاكي

مريم : ايه اللي ناقص

حازم : نعمل اكل

مريم ضحكت : بالظبط

..

في الشركة

يوسف وفريد ويامن كانوا في اوضه الاجتماعات وخلصوا الاجتماع مع حامد الهلالي ويوسف وفريد سلموا عليه قبل

ميخرج ويامن كان قاعد بيفكر وبعدين طلع ورا حامد

فريد : يسبحان الله اجتماع مش مجهزين لي اي حاجه يخلص في اسرع وقت

يوسف : صدفة غريبة انا كنت فاكر هنواجه صعوبة في كدا

فريد : ربنا وقف مع نغم والدنيا مشيت تمام

يوسف : شكلها يزعل بجد يفريد وحاسة بالذنب لدرجة طلبت مني لو عاوزه امشيها معندهاش مشكلة

فريد : نمشيها ايه بس البنات اللي زي كدا مبقتش موجوده

اقل سكرتيره بتكون لبسها اوفر وميه طبقة ميكاب وحاجه

اوفر بجد

يوسف : ايه يا استاذ فريد انت مجرب من ورانا

فريد : اجرب ايه هي اختك حد يبقا معاها ويفكر يجرب

يوسف : امم دا حب ولا خوف

فريد : مشيها حب

يوسف : مشيها قولتلي طيب انا هقولها

فريد ضحك : هو انت لو بتقول حاجه لديما انا هاخد

راحتي معاك في الكلام

يوسف ضحك : لاا

فريد : بس يباشا وبعدين ديما مخليتش اي بنت تعرف

تاخد مكانها عندي

يوسف : يسيدي علي الكلام التقيل

فريد ابتسم : انا هروح اشوف شغلي عشان عاوز امشي

يوسف : موعد غرامي ولا ايه

فريد : اها بصراحة

يوسف : خلاص انت روح مكتبك خلص بسرعة وامشي

فريد : ما انا هعمل كدا

..

يامن : حامد بيه

حامد وقف وبص ليامن : نعم يا استاذ يامن

يامن : ممكن اطلب من حضرتك حاجة

حامد : اكيد اتفضل

..

فيروز زهقت من القعده في اوضتها فقررت تخرج تشوف داليدا وخرجت من اوضتها وكانت في طريقها لـجناح فهد

حمزه : فيروز

فيروز وقفت وبصتله : نعم حمزه

حمزه : كنتي فين

فيروز : افندم

حمزه : قصدي مختفيه من وقت ما سبتي القعده وطلعتي

فيروز : طلعت ارتاح شويه من السفر اوعي تفهم اني مش

حابه اقعد معاك

حمزه : لاا طبعا اكيد

فيروز : تمام

حمزه : انتي بس اوعي تكوني مدايقه

فيروز : لاا ابدا مش مدايقه زي مقولتلك طلعت ارتاح شويه

حمزه : ماشي .. انتي نازله

فيروز : لاا هروح لـ داليدا

حمزه : تمام

فيروز مشيت من قدامه وحمزه فضل واقف عيونه عليها

ونزل تحت وسمع صوت جاي من المطبخ وراح و وقف

اول المطبخ وربع ايديه وسند علي الحيطه وهو بيبص 

عليهم وبيضحك ومريم شافته

مريم : بتضحك علي ايه عندك يحمزه تعال ساعدنا

حمزه : بس كدا عيوني

..

في فيلا عمر و مصطفى

فريده وفرح كانوا قاعدين في الريسبشن وكل وحده ماسكه الفون بتاعها

فريده قفلت الفون وبصيت لفرح بزهق : فرح متيجي نخرج

من الفيلا نتمشي شويه

فرح وهي باصه الفون : لاا انا مش قادره عاوزه اخرجي انتي

فريده : هتسبيني اخرج لوحدي

فرح : يبقا اقعدي معايا

فريده : اووف منك خلاص انا خارجه

فريده خرجت من الفيلا وفضلت واقفه وفي نفس الوقت 

كان وصل ادهم ونزل من العربية وفريده اخدت بالها من ادهم وفضلت تبصله بإعجاب ادهم كان داخل الفيلا وعينه في الفون هو وماشي وفريده اول مشافته هيدخل اتحركت

و وقفت قدامه وادهم رفع وشه وكان خلاص هيخبط فيها

بس وقف بسرعة

ادهم : انا آسف والله ما كنت اقصد

فريده : ولا يهمك عادي

ادهم : مركز في الفون وماخدتش بالي آسف مره تانيه

فريده : ولا يهمك يا ادهم

ادهم استغرب أنها تعرف اسمه : انتي تعرفي اسمي منين

فريده : عمتو حكتلنا عن العيلة كلها وهكنت كدا انك ادهم

ادهم ابتسم : خمنتي صح

فريده ابتسمت : وبتشتغل دكتور

ادهم بص حواليه ورجع بص لفريده : انتي مع العرافة مش كدا

فريده ضحكت اوي : لاا مش اوي كدا يعني

ادهم : اصل دا مش معقول يكون تخمين

فريده : لاا تخمين

ادهم : شكلك مش سهله يـ

فريده مديت ايديها لـ ادهم وادهم سلم عليها

ادهم : اهلا بيكي يفريده

فريده : ميرسي

ليلي كانت نازله علي السلم وشافت ادهم واقف مع فريده

قدام الفيلا

ادهم : طيب انا خدها محتاجه حاجه

فريده : لاا ميرسي يا ادهم انا هتمشي شويه بس

ادهم : براحتك خالص محدش يقدر يقرب من هنا خالص

فريده ابتسمت : اوك

ادهم كان مبتسم واول مشافت ليلي واقفه وحاطه ايديها في وسطها ابتسامة اختفيت وبص لفريده

ادهم : عن ازنك

فريده : اتفضل

ادهم دخل الفيلا وفريده فضلت تتمشي شويه

..

ادهم دخل الفيلا وراح لـ ليلي اللي واقفه وبصاله بضيق

ادهم : ايه يا ليلي بتبصلي كدا ليه

ليلي بصوت عالي نسبيا : كنت واقف معاها ليه

ادهم بص لفرح اللي قاعده : وطي صوتك يا ليلي مينفعش كدا

ليلي : وينفع اللي انت بتعمله يعني

ادهم : خلينا نتكلم فوق احسن

ليلي بصتله وطلعت قدامه وادهم طلع وراها وصلوا الجناح وليلي دخلت وادهم دخل وقفل الباب

ليلي : يلا فهمني ايه اللي شوفته تحت دا

ادهم : يحبيبتي انتي فاهمه غلط انا كنت ماسك الفون وداخل الفيلا وكنت هخبط فيها بس لحقت نفسي علي

آخر لحظة

ليلي : لحقت نفسك وخصلنا ايه وقفك معاها

ادهم : هي اتكلمت معايا واتعرفت عليها

ليلي : طيب اخرج من هنا

ادهم قعد علي السرير وفتح اول زرارين من القميص : بلاش تهزري معايا يا ليلي انا جاي من الشغل تعبان

ليلي راحت عنده وقومته من علي السرير : ونا مبهزرش

ادهم : يا ليلي كبري دماغك شويه هو انا عملت ايه

ليلي وهي بتزق ادهم : روح لـ اسما ولما تحكيلها عن اللي حصل هتقولك عملت ايه

ليلي قفلت الباب في وش ادهم وسندت بضهرها عالباب..

ادهم : يا ليلي افتحي وبطلي جنان

ليلي من جوا الجناح : مش فاتحه

ادهم : ماشي يا ليلي

ادهم مشي من قدام الجناح وراح لـ اوضه من الاوض اللي موجوده في الفيلا

..

في الشركة

يامن كان بيدور بعيونه وهو ماشي في كل الشركة علي نغم

وبعدين افتكر لما طلبت من يوسف تروح الحمام : معقول

تكون كل دا في الحمام.. 

خلص كلامه ومشي لطريق الحمام واول موصل فضل واقف

يفكر شويه وبعدين خبط علي الباب : نغم

نغم اول مسمعت صوته بعدت عن الباب ومسحت دموعها

بسرعة

يامن : ممكن تخرجي ينغم

نغم : ممكن تمشي وتسبني فحالي

يامن : لو سمحتي اسمعي مني المره دي

نغم اتعصبت منو وفتحت الباب : انت مش عاوز تفهم ليه

اني مش عاوزه اطلع

يامن فصل يبص علي ملامحها اللي تغيرت من العياط : يوسف عاوزك

نغم فضلت تبصله ودخلت الحمام تاني غسان وشها ومسحته وحاولت ترجع كويسه عشان تعرف تواجه يوسف وخرجت من الحمام وبصت ليامن ومشيت ويامن مشي وراها

..

في مكتب فارس

فارس : هو الاجتماع اللي حصل دا مش كان هيبقا بكرا

يوسف : ايوا يبابا بس حصلت لغبطة من نغم وكانت مبلغه

حامد الهلالي الاجتماع انهارده وجيه زعق وقولت ليامن

يبلغه هيتم انهارده

فارس : امم كبرت يواد ومبقتش تقول لابوك

يوسف : آسف يفارس بيه كان لازم ابلغك وابلغ الديلارت

كلهم

فارس ابتسم : بالعكس أنا مبسوط منك يحبيبي عرفت تتعامل مع المشكلة وحلتها في اسرع وقت

يوسف ابتسم : ابن فارس السقا لازم يبقا زي باباه بالظبط

شاطر وبيدخل اي مشكلة تواجه وقمر كمان زيه

فارس ضحك : في حتة قمر دي زي نور بالظبط لماضة يواد

يوسف ابتسم وهو راسه

فارس : بجد انا مبسوط منك يحبيبي وفخور انك ابني

يوسف قام وراح عنده وباس راسه : كفايه عندي كل دا منك

فارس ابتسم : حبيبي

يوسف فصل واقف وباصص لفارس : بابا كنت عاوز اتكلم معاك في حاجه كدا

فارس : اتكلم يحبيبي سمعك

..

نغم كانت واقفه قدام مكتب يوسف وهي مش فاهمه حاجه

وبصيت ليامن وكانها بتساله

يامن : هتفهمي كل حاجه دلوقتي

حامد قام من علي الكرسي وراح ليامن ونغم اللي بصاله

حامد : بصراحه انا مش عارف اقولك ايه يامن كلمني عنك

وعن شغلك ونا حسيت اني زودتها معاكي بس مشكلتي اني

بنفعل بسرعة

نغم كانت بتبصله وهي مش فاهمه حاجه

حامد : اللي عاوز اقوله ليكي انا آسف عن الطريقة اللي

اتكلمت بيها معاكي اتمني متدايقيش وتنسي اللي حصل

نغم هزت راسها وسكتت

حامد كان عيونه علي نغم وبص ليامن ويامن هز رأسه بان

كل حاجه تمام

حامد : انا همشي دلوقتي يا يامن

يامن : مع السلامه يا حامد بيه

حامد بص لنغم : اشوفك مره تانيه ينغم

نغم : أن شاء الله يفندم

حامد مشي ويامن بص لنغم اللي باصه قدامها

يامن : بلاش تزعلي دلوقتي المشكلة خلاص اتحلت

نغم بصتله وسكتت وراحت لمكتبها ويامن حط ايدو علي شعره وعيونه عليها وجيه يوسف وشافه واقف

يوسف : واقف ليه

يامن : لاا مفيش

يوسف : طيب تعال عاوزك في المكتب

يامن : تمام

يوسف بص لنغم : نغم اوعي اللي حصل يأثر عليكي دي

مشكلة واتحلت خلاص اتفقنا

نغم هزت راسها : ممكن اقدر امشي يمستر يوسف

يوسف : اها اكيد الشغل خلاص خلص .. وصلها يا يامن

نغم : لاا شكرا انا هروح لوحدي

يوسف : اسمعي كلام مديرك

نغم : حاضر

يوسف بص ليامن وصلها وبعدين نتكلم

يامن : طيب

نغم مسكت شنطتها وخرجت ويامن خرج وراها

..

في جناح آسر ودانيه

آسر كان نايم علي السرير ودانيه خارجه من الحمام وهي

حاطه ايديها علي بطنها بوجع وصرحت مره وحده : آسرر

آسر قام مفزوع وبصلها : في ايه يدانيه مالك

دانيه : بطني وجعاني اوي مش عارفه ليه

آسر قام من علي السرير ولسه هيقرب منها

دانيه : اوعي تقرب

آسر فضل واقف باصص لدانيه

دانيه وخلاص هتعيط : يا آسر حرام عليك بطني وجعاني اوي

آسر شاور ليها من بعيد : طيب تعالي اقعدي الاول

دانيه : اوعي تقرب ايدك دي مني انا بقولك اهو

آسر : هو انا قربت منك

دانيه قعدت علي السرير وبصتله بضيق : انا مش قولتلك

مش عاوزه اشوف البرقان بتاعك دا تاني

آسر : طيب ما انا رميته اعملك ايه تاني

دانيه : شكلك لما بتستعمله السنين دي كلها الريحه بقيت

في جسمك

آسر : طيب يعني اتصرف في جسمي دلوقتي عشان الاستاذ

يرتاح

دانيه : لو فيها مصلحة حلوه مفيش مانع

آسر : انتي عاوزه تخلصي من جوزك

دانيه : ما انت قاعد اهو ومفيش حاجه حاصله ليك

آسر تنح وبعدين راح هي الكنبة وقعد وبصلها : بت انا هنام

عارفه لو صحتيني هقوم اعلقك انتي و الواد دا

دانيه : هو انت قاعد عندك ليه

آسر نام وبصلها : هتخمد بعيد عنك عشان تعرفي متشميش

ريحتي

دانيه : كويس بدأت تشغل دماغك

آسر بصلها وحط المخده علي وشه ونام

..

يامن وقف العربية وبص لنغم : انتي كويسه دلوقتي

نغم كانت مقرره متردش عليه بس بصتله : ومهتم ليه

تعرف حاجه عن وحده تربية شوارع

يامن اتحرج ومبقاش عارف يبصلها

يامن : نغم انا..

نغم مستنيش تسمع كلامه ونزلت من العربية ودخلت العمار

ويامن كان باصص عليها وصرب علي الدريكسيون : غبي

رجع بص للعماره واتحرك بالعربية

..

في فيلا عمر ومصطفى

عمر ومصطفى واسما ومنه وفرح كانوا قاعدين في الريسبشن

عمر : هما حازم ومريم بيعملوا ايه في المطبخ كل دا

اسما : بيحضروا الاكل

مصطفي : هو حازم بيعرف يعمل اكل

منه : حازم دا هيبهرك انهارده

مصطفى ضحك : شايف من كلامك تريقه

منه ابتسمت : لاا ابدا استني وشوف بنفسك

حازم خرج من المطبخ : ايه يشباب انتو هتفضلوا تتفرجو كتير

مصطفي : المفروض نعمل ايه

حازم : تعالو المطبخ ساعدونا نطلع الاكل وحد يجهز السفره

عمر : مطبخ

حازم : انا يحبيبي انت وهو يلاا

منه : خلاص الشباب يروحوا متعك ونا وفرح واسما هنجهز

السفره

حازم : امال فريده فين

فرح : فوق

حازم : طيب يلاا يعمر انت ومصطفى

مصطفى بص لعمر : قوم يحبيبي قوم

عمر ابتسم وقام هو ومصطفى وراحو المطبخ ومنه وفرح

واسما قاموا يجهزو السفرة

..

في مكتب يوسف

يوسف بص ليامن اللي قاعد ساكت ومتكلميش من وقت

ما وصل

يوسف : يامن

يامن بصله : ايه

يوسف : انت مالك من اول موصلت ونت قاعد كدا

يامن : نغم سمعتني لما قولت عليها تربية شوارع

يوسف : ما انت غلطت بردو يا يامن

يامن : انا كنت متنرفز منها ومش عارف بقول ايه

يوسف : طيب خلاص انت لما تشوفها بكرا اعتذر ليها

واكيد هتنسي

يامن : ماشي

يوسف : لاا بس فجاتني لما عرفت انك طلبت من حامد

الهلالي يعتذر لـ نغم

يامن : انت عرفت ازاي

يوسف ضحك : يابني عيب لما تقولي حاجه زي كدا

يامن ابتسم : اها نسيت انك يوسف السقا

يوسف بغرور متصنع : والله يا يامن انت عارف اني بحب

التواضع

يامن ضحك : لاا باين اوي

يوسف ابتسم وسكت

يامن : اتكلمت مع باباك

يوسف : ايوا

يامن : طيب انت متاكد من قرارك دا يا يوسف

يوسف : ايوا

يامن : بس عاوزك تفكر كويس ومتغلطش عشان القرار

دا هيغير حياتك وللاسف مش هينفع تتراجع بعدين

يوسف : عارف وعشان كدا فكرت كتير قبل ما اخد اي

خطوة وحسيت اني حابب اعمل كدا من قلبي وهحاول

بكل روحي اني مخليش اي حاجه توقفني

يامن : بجد مبسوط بيك يصاحبي اخيرا قررت تعمل الصح

ونا عارف انك كنت محتاج القرار دا بس استنيت اسمعه

منك واهو الحمدلله

يوسف ابتسم : عشان تبقا عارف لازم تكون معايا

يامن : اكيد من غير متقول اصلا

يوسف : طيب يلاا ياعم اطلع من مكتبي عاوز اشوف شغلي

قبل ما امشي

يامن ضحك : طيب ياعم متزقش

يوسف ابتسم ويامن خرج من المكتب

..

ادهم فاق من النوم بضيق علي صوت رن تليفونه وقفل

الفون ورجع نام فضل يتقلب ومعرفش يرجع ينام

ادهم وهو مغمض عيونه : روح منك لله ياللي رنيت عليا

وفتح عيونه وقام دخل الحمام غسل وشه وطلع اخد الفون

بتاعه وخرج من الاوضة

وكانت خارجه فريده من الأوضاع اللي جنبه بالظبط وبصتله بس ادهم ما اخدش باله منها ومشي وهو نازل

فريده : ادهم

ادهم وقف وبصلها : فريده

فريده راحت عنده و وقفت قصاده : اها بس ايه الصدفة

دي اوضتك جمب الأوضاع اللي قاعده فيها

ادهم : لا دي مش اوضتي انا ليا جناح اخر الطرقة دي

فريده : بجد طيب كنت بتعمل ايه هنا

ادهم : ما هو بسببك

فريده : افندم

ادهم : كنت جاي اخد حاجه من الاوضه

فريده : اها اوك

ادهم شاف ليلي جايه وبتبص في الفون وهي ماشيه

ادهم : الله يفريده وبعدين معاكي مش قولتلك بلاش

تكلمي معايا تاني

فريده كانت بصاله باستغراب وهي مش فاهمه بيتكلم

كدا ليه

ادهم بصوت واطي : مراتي جايه هناك ولو شافتني بتكلم معاكي هتزعل

فريده بصيت لـ ليلي اللي واقفه وعيونها عليهم ورجت

بصيت لـ ادهم وهزت رأسها

ادهم مشي من قدام فريده عشان ينزل وليلي كانت مبسوطه من اللي سمعته من ادهم ومسكت دراعه

ادهم بصلها : نعم

ليلي : عجبتني

ادهم : بس انا مش هنسي اللي عملتيه فيا

ليلي : اعمل ايه يدومي غيرت عليك

ادهم ابتسم ونزل هو وليلي وفريده كانت واقفه بيبص ليهم وبعدين نزلت وراهم

ليلي راحت تساعدهم وادهم بص لمامته

ادهم : بابا وعمو عمر فين يماما

اسما : في المطبخ روح عندهم انت كمان

ادهم : تمام

فريده قعدت علي كرسي من كراسي السفره وليلي بصتلها

..

في المطبخ

بيدخل ادهم وبيشوف مصطفى واقف قدام البوتجاز

وبيطبخ اكل وعمر وحمزه بيقطعو السلطة

ادهم : ايه اللي بيحصل دا ايه اللي انا شايفه دا

حازم بصله وضحك : جيت في وقتك يا ادهم يلاا غني

عشان نتسلا شويه

ادهم : عيوني يعمو حازم دي مهنتي

ادهم مسك صنيه وفضل يطبل عليها ويغني وكلهم يضحكوا

مريم : ايه دا يا ادهم كان فين كل دا

ادهم : بخبي بقالي سنين يمريومه

مصطفى : وتخبي ليه يحبيبي من بكرا هنزل واقدمك

وتتعلم

ادهم : دايما مش حارمني من حاجه

عمر ضحك : يلاا اجهز يبطل

ادهم : جاهز

حمزه ضحك : محتاج فتره تدريب ودي عندي

ادهم : طيب يلاا نبدا

حمزه : بعدين استني

مصطفى : مستعجل اوي

ادهم : بحاول مضيعش وقت

..

 

البنات بعد مخلصوا تجهيز السفره قعدوا وداليدا وفيروز نزلوا وهما سامعين صوت ادهم وهو بيغني من المطبخ

داليدا : هو ادهم بيغني

ليلي : اها جوزي حبيبي

فريده بصيت لـ ليلي اللي بصتلها

فيروز ضحكت : طيب متيجي نشوفو

ليلي : يلاا

داليدا : تعالوا كلما نروح نشوفهم

البنات بيروحوا المطبخ وبيشوفو ادهم وبيضحكوا عليه

فيروز : ايه اللي بتعمله دا يا ادهم

ادهم : زي ما انتي شايفه بغني يروز

فيروز ضحكت : لاا بس جامد تنفع اوي

ادهم بص لـ ليلي : انتي ايه رايك يروحي

ليلي : قمر يقلبي

فيروز فضلت تضحك وعينها جات علي حمزه اللي بيبصلها

مصطفى : انتو هتفضلوا تحبو في بعض قدامنا

ليلي : في ايه يصافي جوزي

مصطفى : خدي راحتك يلولي

فريده كانت واقفه وعيونها علي ادهم وليلي وفرح اخدت

بالها من نظرات اختها : فريده متبصيش بالطريقة دي لو

حد لاحظ ممكن يفهمك غلط

فريده بصتلها وسكتت وفهد دخل المطبخ

فهد : ايه الجمعه الحلو دي

حازم : كانت ناقصك كويس انك جيت يحبيبي

فهد ابتسم وبص لداليدا وحضنها

..

غزل كانت طالعة اوضتها وشافت ايان نازل

ايان : غزل

غزل : نعم يا ايان

ايان مسك ايديها : كل دا قاعده معاهم ونا مش عارف اتكلم معاكي خالص

غزل : مكانش ينفع اطلع واسيبهم

ايان : ويعني ينفع تسيبي خطيبك اللي عاوز شويه صغيرين بس من وقتك

غزل ابتسمت : هنتكلم دلوقتي لو تحب

ايان : احب جدا .. تعالي نطلع السطح

ايان طلع وهو ماسك ايد غزل واول موصلوا شدها لحضنه

غزل : ايان بتعمل ايه

ايان : وحشتيني اعمل ايه

غزل بعدت عنه وبصتله : تعال نقعد

ايان : ماشي

ايان وغزل قعدوا

ايان : غزل احنا لازم نتجوز بسرعة

غزل : ليه يا ايان

ايان : هو ايه اللي ليه انتي عاوزه نفضل كدا

غزل قامت وراحت لسور : ايان انا عاوزه تاخد وقت اكتر

نبقا عارفين بعض اكتر

ايان قام وراح عندها و وقف قصادها : غزل احنا من صغرنا

واحنا في نفس البيت وقت ايه اللي تعرف بيه بعض اكتر

غزل : انت معاك حق بس احنا هنتجوز وكل الوقت اللي قضناه سوا في صغرنا دا حاجه تاني

ايان فضل يبصلها وهو ادايق من جواه : انا بجد مش فاهمك

غزل حطيت ايديها علي كتفه : حاول تفهمني يا ايان

انا بحبك بس محتاجه وقت ليا اكتر

ايان : واحد امتي هفضل مستني الوقت دا يخلص يغزل

غزل : مش عاوزه تتعامل مع قراري بأنه امتي يخلص عاوزه

منك تعيش كل لحظة معايا وتبقا مبسوط يا ايان

ايان : قرارك هو انتي خلاص قررتي عن علاقتنا هيحصل فيها ايه 

غزل : شايف اتعصبت عليا ازاي عشان كدا عاوزه اتعود علي كل حاجه تحصل ما بينا عشان ميحصلش معانا مشكلة بعد الجواز وتبعد

ايان حط ايدو علي بوقها : اوعي تكمليها انا مش هعمل كدا

ابدا انا كنت بتمني اليوم اللي تربطني بيكي انك تكوني ليا

غزل عيونها دمعت

ايان مسح دموعها : بتعيطي ليه

غزل : عشان ممكن كل دا يتغير

ايان : والله ما هيتغير ومش عاوز تدايقي أو تفكري كدا

تاني وخلاص موافق علي اللي انتي عوزاه بس انا مش

هصبر كتير يغزل

غزل : خلاص يا ايان اتكلم مع بابا وانسي كلامي

ايان : مجنونه انتي انا بس عاوز اصحي من النوم الاقيكي في حضني ارجع من الشغل تكوني مستنياني نفسي في

حاجات كتير اوي معاكي يغزل ونفسي اجيب منك بنوته

زيك في كل حاجه رقتك وجمالك وضحكتك كل حاجه

كانها نسخه منك

غزل : بس كدا هتحبها اكتر مني

ايان : محدش هياخد مكانك في قلبي

غزل ابتسمت وايان فضل يبصلها بحب

..

في جناح فريد وديما

ديما كانت واقفه قدام المرايا بتسرح شعرها وفريد

بيحضنها وبيبوس رقبتها

فريد : هتفضلي واقفه بحلاوتك دي كتير

ديما ابتسمت : في مفاجاه

فريد : مفاجاه ايه

ديما بصتله بحب كبير ومسكت ايد فريد وحطيتها علي بطنها : كمان تسع شهور وينور حياتنا بيبي صغنن

فريد بصلها بصدمه : بجد يديما

ديما لفيت وبصتله : اها يحبيبي

فريد حضنها اوي وعيونه دمعت ونزلت علي كتف ديما

ديما : فريد حبيبي انت بتعيط

فريد : مش مصدق يديما

ديما بعدت ومسحت دموعه وباست خده : طيب هيزعل منك يبابا

فريد ابتسم : شكرا اوي علي المفاجاه دي

ديما : هو انا جبته لوحدي دا جبنا سوا

فريد : امسكي لسانك دا شويه مش كدا

ديما ضحكت : انا مع شخص غريب دا انا مع جوزي

فريد حاوط وسها : ما انا معنديش مانع بس انتي عارفه

لو نطقتي الكلام دا قدامه

ديما : يحبيبي لسه بدري ومتقلقش وقتها يكون الدنيا

اتغيرت

فريد : ونتي ممكن تتغيري يديما

ديما مسكت وش بايديها : مستحيل يروح قلبي ديما

فريد ابتسم وحضنها 

..

زين كان في صالة الجيم بيلعب وبتدخل حياه وبيبصلها

زين : حياه ايه جابك هنا

حياه : جايه عشانك ملقتكش في الجناح

زين قام وراح عندها ومسك الفوطه يمسح العرق واخدته

منو حياه وفضلت تمسحله وتقرب منو بطريقه غير مباشره

زين : فاهمك انا

حياه : شكلك يفقد السيطرة علي اي شخص المفروض

محدش يشوفك غيري

زين ابتسم : ما انا مش شايف غيرك دا مش سابب كافي

حياه : كافي بس اكيد لو اي وحده تشوفك مش هتشيل عيونها من عليك ولما افكر في كدا دا يخلني اولع

زين : لاا يحبيبتي متفكريش زين قلبه معاكي

زين بعد عنها وراح لـ المشايه

حياه : ما انا متاكده من دا

زين : دا المطلوب منك

حياه فضلت تبصله وهو بيمشي علي الماشيه : متخليني اجرب يزين

زين : ماشي تعالي

زين نزل ومسك ايد حياه وطلعها علي المشايه

حياه بصتله : هي صعبة

زين : لاا ابدا هخليها ليكي هاديه

حياه بحماس : طيب يلاا

زين ضحك : متتحمسيش اوي ويجرالك حاجه

حياه : يجرالي حاجه ونت موجود يعيوني

زين ابتسم : لاا يحبيبتي .. جاهزه

حياه : جاهزه

حياه فضلت تتمشي وهي مبسوطه وبصيت لزين : دي طلعت سهله اوي يزين بجد تحفه

زين : اوعي تقعي بس

حياه : لاا اقع ايه دا انا اتشقلب هنا

زين ضحك : ماشي

فون زين رن وبص لحياه : هرد وارجعلك متعمليش اي حاجه

حياه : متقلقش يباشا

زين بعد عنها شويه ورد علي الفون

أما حياه كانت مبسوطه اوي وفضلت تبص علي الإله

حياه : دا انتي لو زودتي السرعة شويه يحياه هتبهري زين

وداست علي زرار السرعة وفضلت تجري وزادت اوي معاها

وفضلت تهدي فيها من خوفها لتقع كانت بتزودها اكتر

حياه : زيين

زين بصلها وشفها هتقع لحقها بسرعة ومسكها علي آخر لحظة وحياه كانت مغمضه عيونها بخوف

زين : متخافيش يحياه انا معاكي فتحي عبونك

حياه فتحت عيونها وبصيت لزين اللي رفعها وحياه كانت

هتقع مسكها وبصلها

حياه وهي هتعيط : مش قادره تقف

زين : مفيش حاجه الحمدلله انتي كويسه يحياه

حياه : بس انا مش حاسه بكدا

زين : دا من تاثير خوفك مش اكتر

زين بعدها عنه وحياه وقفت

زين : انتي عملتي ايه عشان دا حصل زودتي السرعة

حياه هزت راسها بلاا

زين : حياه

حياه : بصراحه اها كنت عاوزه ابهرك

زين : حبيبتي انتي مش متعوده عليها عشان تعملي كدا

وبعدين انتي عجباني من غير متعملي لي مجهود

حياه فضلت ساكته

زين مسك خدها : مالك يحياتي

حياه : حاسه اني دايخه

زين : طيب روحي اوضتك ارتاحي شويه عشان تبقي احسن

حياه : ماشي

..

في جناح عمر ومريم

مريم : اليوم انهارده كان تحفه يعموري

عمر ابتسم : بقالي كتير مشوفتكيش مبسوطه كدا زي

الاطفال بتهزري وبتضحكي

مريم : يمكن اللي حصل لفيروز غيرني شويه بس طول الوقت بحاول اتجاهل الموضوع دا

عمر : اهم حاجه انك انبسطي النهارده

الباب بيخبط وبتقوم تفتح مريم بتدخل فيروز

مريم : انتي لسه منمتيش يفيروز

فيروز : عاوزه اتكلم مع بابا يماما

عمر : تعالي يحبيبتي

فيروز بتروح لعمر وبتقعد جمبه وعمر بيحضنها وبيمسك ايديها : عاوزه تقوليلي ايه يروز

فيروز : بابا انا كنت عاوزه منك

عمر : عاوزه ايه

فيروز : عاوزه انزل الشغل عشان خاطري يبابا

عمر سكت شويه وبص لمريم ورجع بص لفيروز : ماشي

يحبيبتي موافق

فيروز ابتسمت : بجد

عمر : اها بجد بس عاوز منك تخلصي الشغل شغل متربطهوش بعلاقته الشخصية فهماني

فيروز هزت راسها : حاضر .. تصبحو علي خير

فيروز خرجت من الجناح ومريم كانت باصه لعمر

عمر : في ايه يمريم

مريم : انت ازاي وافقت أنها ترجع تستغل في الشركه

عمر : وفيها ايه

مريم : فيها أن يوسف موجود واكيد هتزعل لما تشوفه

عمر : فيروز اكيد فهمت الفتره اللي فاتت هي عاوزه ايه

وهي فاهمه الشغل ايه وبعدين مقدرش ارفض سبيها

تعيش حياتها

مريم كانت باصه لعمر وساكته 

عمر طبطب علي ايديها : متقلقش عليها مش هتكون لوحدها

مريم : ماشي يعمر...