رواية عانيت لأحبك الجزء الثاني2 الفصل الثالث والثلاثون33 والرابع والثلاثون34 بقلم فاطمه محمود

" رواية عانيت لاحُبك 2 "

                     صرت انت

" البارت الثالث وثلاثون "

" الكاتبة فاطمة محمود "

يامن كانت عينه علي يوسف اللي باين عليه العصبية

والغيره واكله ومسك في دراعه عشان يلحق صاحبه

قبل ما يعمل مشكلة

يامن : يوسف بلاش تخلي العصبية تتحكم فيك

يوسف بصله وشال ايد يامن من دراعه ومشي في اتجاه

فيروز والعصبية متملكة فيروز اخدت بالها وهو رايح 

تجاها : يا نهار اسود

حمزه كان مركز مع فيروز وما اخدش باله من يوسف

اللي جاي عليهم : في ايه يفيروز مالك

فيروز بصتله بسرعه : لو سمحت يحمزه امشي دلوقتي

حمزه : انتي مش شايفه انك مش قادره تمشي علي رجلك

اسيبك ازاي

فيروز : يا سيدي انا هتصرف امشي انت

يوسف قبض علي دراع فيروز بعصبية : ايه اللي بيحصل هنا

ودا واقف معاكي ليه

حمزه استغرب طريقة يوسف في الكلام معاه وهو مش فاهم مدايق من وجوده ليه : لو نسيت افكرك انا ابن خالها

يوسف : وايه يعني ابن خالها مالكش الحق تتكلم معاها

حمزه بص علي ايد يوسف اللي ماسكه دراع فيروز : ونت

اللي ليك الحق في ايه تمسك دراعها بالشكل دا

يوسف بصوت عالي : فيروز تبقي مراتي

فيروز بصتله بصدمه

حمزه : قصدك طليقتك

فيروز اتصدمت اكتر لما سمعت كلام حمزه بانه عارف

عنها كل حاجه

يوسف : بص يا اسمك ايه انت

حمزه بضيق : اسمي حمزه ومتكلمش معايا كدا

يوسف : ميفرقش معايا .. فيروز تبعد عنها نهائي مش

عاوز المحك تاني معاها انت فاهم

حمزه : هو انت مجنون انت مالكش اي حق في دا اصلا

فيروز الوحيده هي اللي تختار انها تشوفني أو لاا

يوسف بص لفيروز وهو مستني منها رد علي كلام حمزه

وفيروز كانت بصاله وهي هتعيط من الموقف اللي اتحطت فيه

يوسف بحده : اتكلمي

 فيروز وهي بتبعد ايده عن دراعها : لو سمحت سيب

دراعي ودي حاجه تخصني متدخلش

يوسف بعصبية : فـيـروز

فيروز اتخضيت من صوته وبصيت لحمزه : امشي دلوقتي يحمزه وبعدين نتكلم

حمزه ادايق من يوسف وانه قدر يعمل اللي هو عايزه

وبص لفيروز : انتي بتقولي ايه

فيروز : ارجوك امشي كفايه لحد كدا بلاش مشاكل

حمزه بص ليوسف بتحدي واخد نظره لفيروز قبل ميمشي

ويوسف ساب دراعها والشباب الكبار وفريد خرجوا من مكاتبهم واتجمعوا قدام مكتب فيروز

يوسف الكبير : ايه صوت الخناق دا

يامن كان واقف بعيد وجمبه نغم وهو مش عارف يرد علي

يوسف يقوله ايه

فارس : في ايه يا يوسف

يوسف مكانش بيرد ومركز مع فيروز اللي واقفه قدامه

والتوتر باين عليها

 سيف : اتكلم انت طيب يا يامن

يامن بص ليوسف وهو عاوزه يتكلم وينقذه من الورطه

اللي اتحط فيها بسببه

يوسف : كان في غلطه في الملف ونا اتعصبت شويه

عشان الشغل كدا هيتاخر

مراد : عادي يحبيبي بتحصل غلطات مفيش مشكلة

فريد : مش عارف ليه واخد كل حاجه علي اعصابك

يا يوسف اهدي شويه دا صوتك كان بيقول حصلت

كارثه كبيرة

يوسف : آسف علي الازعاج يشباب ارجعوا شغلكم

الشباب مشيوا وكل واحد راح مكتبه ما عدا فارس اللي

فضل واقف وعينه علي ابنه

يوسف كان مستني فارس انه يمشي عشان يتكلم مع

فيروز : اتفضل علي مكتبك يفارس بيه

فارس بص لفيروز بشك : حصل ايه يفيروز

فيروز اتوترت : مفيش يعمو

يوسف : في ايه يبابا انت مش مصدقني

فارس : لاا مصدقك بس محتاج منك تيجيلي المكتب

عشان في كلام لازم نتكلم فيه

يوسف : تمام

فارس مشي علي مكتبه ونغم اتحركت وفضل يامن واقف

يوسف بنبرة كلها عصبية : ادخلي مكتبك

فيروز مصدقت تبعد عن عصبية وسرعت خطواتها

ودخلت المكتب بسرعه

يوسف كان متابعها و يامن قرب منه : انت ليه مصمم

تتعامل معاها بعصبية

يوسف : انا مش طايق الواد دا يقرب منها اذا كان هو أو

غيره هتعامل معاه بنفس الطريقة عشان مبفكرش بس

تفكير انها ممكن تكون في يوم لي

يوسف بعد ما نهي كلامه كان هيدخل مكتب فيروز

بس يامن مسك ايديه ومنعه

يامن : انت رايح فين سيبها في حالها وبلاش افتري

عليها

يوسف : هو انا هقتلها يا يامن

يامن : طول ما انت متعصب وغيران تعمل اكتر من كدا

يوسف : يامن انت محتاج تروح تتعالج عند دكتور

يامن : انا اللي فعلا محتاج عشان خلاص بقيت

مجنون رسمي

يوسف كان بيبصله وهو فاهم بيرمي الكلام عليه ومشي

من قدامه وراح مكتبه

يامن وهو واقف وعيونه علي يوسف : ربنا يهديك يصاحبي

..

في فيلا العيله

البنات كانوا متجمعين في التراس بيتكلموا كعادتهم

ودانيه بصت لملك بحيره تكلم معاها ولا لا وملك

لاحظت شكلها وبصتلها

ملك : عاوزه تقولي حاجه يدانيه

دانيه ميلت راسها واتكلمت بهمس : هو طبيعي يماما

احب جوزي اخر الليل ومش اطيقه في النهار

ملك بصتلها لثواني وضحكت : بصراحه انا اول مره اشوف كدا

دانيه : بتضحكي يكوكي ونا مبقتش عارفه اعمل ايه

ملك : متدايقيش طول ما آسر فاهم دا

دانيه : فاهم اها بس مدايق من اللي بيحصل وبصراحه

صعبان عليا النهارده الصبح اول مزعقت فيه فضل متنح

لحد ما استوعب

ملك : لاا بس شكل الولد دا هيادب آسر جدا

دانيه ضحكت : مش عارف هيعمل ايه في تاني

..

في جنينه المستشفى البنات متجمعين وبيشربوا ايس كوفي

ديما شربت شويه من الايس كوفي وبصت لحياه :بت يحياه

هي ايه حكايه السلسه اللي انتي لابسها علطول في رقابتك

دي

حياه بصت لسلسه ورجعت بصت لديما : دا حبيبي زين جبهالي

غزل ابتسمت : رومانسي اوي اخويا

حياه ضحكت : جدا يزوزو

ديما : طيب امتي هتجوزو يا بنات بقا مش كفايه كدا

حياه بان عليها الزعل : مش عارفه زين متكلمش معايا

في الموضوع دا

غزل تنهدت : ايان كان عاوز نتجوزو بس انا رفضت

ليلي : ليه يزوزو دا حبك ليه باين اوي

غزل : ايوا بس في مشكله

ديما : مشكله ايه اللي تخليكي ترفضي تتجوزي ايان

غزل : بصراحه يبنات انا لسه بتكسف منه عاوزه اتعود

عليه قبل منتجوز

ديما سندت ضهرها علي الكرسي  : كسوف ايه بس يغزل

شوفي حياه بتفضل تحب في زين قدامنا ولا بيبقا في

عندها ذره كسوف

حياه : اللي غيران مننا يعمل زينا وبعدين انتي نسيتي ايام

الخطوبة كنتي ماسكه في دراع اخويا طول الوقت ازاي

ديما : انا كنت بعمل كدا كدابه

حياه : العيله كلها شاهده

غزل : انتو هتتخانقو في المستشفى كمان

حياه : خلاص سكتنا اهو

ليلي : انا من رأيي كل وحده تقوم تشوف شغلها بدل

متمسكو في بعض

ديما : انا بقول كدا برضو لينا بيت يلمنا يحياه ونتخانق

براحتنا

حياه : اشطاا يدمدومه

غزل ضحكت : والله انتو مجانين

..

في الشركه في مكتب فارس كان قاعد علي كرسي

المكتب وسرحان وبيقطع حبل أفكاره دخول يوسف

اللي بيفضل واقف وعينه علي فارس

فارس : هتفضل واقف عندك

يوسف قعد بضيق وهو عارف كويس اللي هيسمعه من

ابوه : اهو قعدت

فارس حط ايدو تحت دقنه وفضل يبص ليوسف : هتفضل

كل متحصل حاجه تتعصب عليها وتزعق ليها

يوسف : مش فاهم

فارس : بص يا يوسف انت ابني اها بس مش هسمحلك

كل شويه تتعصب عليها وتعاملها بالطريقه دي فيروز بنت

عمر صاحبي وزي بنتي ديما بالظبط

يوسف : يعني حضرتك مش شايف اللي بيحصل منها

فارس : انا شايف انها مش متعمده دا يحصل وافتكر

انها مش ملكك عشان تعمل اللي انت عوزاه معاها ونا

عرفت انك كنت بتتخانق معاها مش غلطه شغل زي

مقولت

يوسف هز راسه : تمام عاوز مني حاجه تاني

فارس : لاا اتفضل

..

في فيلا عمر ومصطفى

 داليدا واسما كانوا في المطبخ ومريم ومنه وفريده وفرح موجودين في الريسبشن وبيدخل حمزه بعصبية اللي ظاهره عليه من اللي حصل وبيقعد معاهم بدون اي كلمه

مريم بتبصله وبتحط ايدها علي كتفه : مالك يحمزه

حمزه بصلها وكان هيتكلم بس سكت

مريم : متتكلم ساكت ليه

حمزه : لاا مفيش يعمتو دي مشكلة عاديه

منه : حمزه اقل حاجه بتعصبة ابن اخوكي وعرفاه

مريم : ايوا بس بلاش تاخد كل حاجه علي اعصابك كدا يحبيبي

حمزه هز رأسه وبص لفرح اللي ماسكه الفون : هو انتي

هتفضلي ماسكه الزفت دا كتير مش قولتلك ميه مره

طول ما انتي موجوده معانا تسبيه

فرح بصتله بضيق : هو انت هطلع عصبيتك عليا

حمزه بص لـ منه : لمي بنتك المحترمه

منه بصت لفرح وفتحت عيونها : عيب يفرح تردي علي اخوكي كدا وسيبي الفون دا كفايه

مريم : لاا دا انت متعصب بجد يحمزه ايه اللي حصل معاك يخليك بالشكل دا احكيلي

حمزه : حاجه عاديه يعمتو متشغليش 

بالك انتي

مريم : ماشي يحبيبي اطلع غير هدومك يكونوا الشباب

وصلوا ونتغدا سوا

حمزه هز راسه وقام طلع اوضته

..

في الشركه في مكتب نغم كانت باصه للاب توب اللي

قدامها بس تفكيرها في اللي حصل بين يوسف وفيروز

وبيدخل يامن وبيقعد

يامن : بت ينغم

نغم مرديتش

يامن : انتي يابت

نغم بصتله : في ايه

يامن : صباح الخير وصلتي لفين

نغم : انت هتتريق عليا من اولها

يامن : بتفكري في ايه

نغم : لاا مفيش

يامن : اكيد في اللي حصل وبتسالي نفسك ازاي حصل

كل دا ويوسف ليه اتعامل كدا وحدوته معاكي

نغم : لاا والاغرب الطرف التالت حمزه دا

يامن : للاسف مش فاضيلك ونا معايا شغل قد كدا

نغم : طيب انت عاوز حاجه

يامن : كنت خلصت المشروع وعاوزك تبلغي باسل الحسيني بان يقدر يجي ويشوفه في اي وقت

نغم : تمام هبلغه

..

في مطبخ فيلا عمر داليدا بتطلع من بلكونه المطبخ وبترن علي فيروز

من الناحية التانيه فيروز كانت قاعده في مكتبها ولسه

التوتر مآثر عليها وعيونها علي الملفات اللي قدامها علي

المكتب بس عقلها بيردد كلام يوسف فيروز تبقا مراتي

فيروز : اكيد كلامه غلط

بتفوق علي رن الفون باسم داليدا وبتمسك الفون وبترد

بسرعه : داليدا كويسه انك رنيتي انا من كتر تفكيري

مش عارفه اعمل ايه

داليدا باستغراب : خدي نفس طيب الاول وقوليلي حصل

ايه

فيروز لفت بالكرسي واخدت نفس قبل متكلم : حصلت

مشكله كبيره ونا بجد كنت هموت من خوفي منه النهارده

داليدا : هو مين دا

فيروز : يوسف

بيدخل في نفس اللحظة يوسف مكتبها واستغرب لما

سمعها بتنطق اسمه وفضل واقف يبصلها

داليدا بقلق : ليه عمل ايه المره دي كمان

فيروز : دا اجنن خالص يداليدا كل ما يشوف حمزه معايا

يتعصب عليا ويعلي في صوته اللي يرعب ويفضل ماسك

دراعي و وجعني لحد دلوقتي بسببه ونا مش قادره اتكلم

حرف معاه

يوسف هز راسه وهو بيسمع كلامها وبعدين قعد وهو مستني يسمع هتقول ايه كمان

فيروز قامت : احكيلك ايه ولا...

اول ما شافت يوسف قاعد علي الكرسي وعيونه عليها

تجمدت مكانها وقلبها وقع في رجليها وعقلها مش قادر يستوعب انه قدامها ومش عارفه هيعمل ايه معاها

داليدا : فيروز سكتي ليه

فيروز عيونها علي يوسف بتوتر : هاا

داليدا : هاا ايه اتكلمي

يوسف قام من علي الكرسي راح عندها و وقف قصادها

اخد الفون منها قفل المكالمه ورجع بصلها اما فيروز كانت

هتموت من توترها اللي كل ماله بيزيد وكانت بتتمني تنشق

الارض وتبلعها في الثانيه دي..

داليدا كانت بتبص للفون باستغراب : هي قفلت

كانت هترن عليها بس اسما ندهت عليها

اسما : داليدا 

داليدا : حاضر يسوسو جايه

يوسف كان مركز معاها وبيبص في عيونها اللي شبه موج البحر وخوفها مزود جمالهم فاق من تفكيره فيها قبل ميغرق في تفاصيلها وبصلها بتركيز : خايفه مني ليه

فيروز كانت قلقانه وبتبص حواليها وبتحاول تبعد عن عيونه

باي شكل : لاا مش خايفه

يوسف : بصلي هنا يفيروز

فيروز ثبتت عيونها عليه

يوسف : انتي بتعاندي معايا ليه

فيروز : انا مبعاندش

يوسف : امال حمزه دا كان جاي الشركه معاكي وماسك ايدك ليه

فيروز فضلت تبصله ومتكلمتش ولا كلمه

يوسف بحده : فيروز انا بكلمك

فيروز بلعت ريقها وبدات تتكلم : كنت خارجه من الفيلا

ورجلي اتلويت ومكنتش عارفه اقف وحمزه خرج شافني 

في الارض وصمم انه يوصلني

يوسف : ونتي توافقي ليه

فيروز : ملقتش حد غيره قدامي

يوسف : مكلمتيش فهد ليه يوصلك او اي حد من الشباب

ونا موجود كنتي كلمتيني

فيروز تجاهلت كلمه انا موجود ورديت علي باقي كلامه : 

فهد مشغول والشباب كل واحد في شغله

يوسف فهم انها تجاهلته قصد بس سكت : مش عاوز اشوف

الواد دا تاني معاكي والمره الجايه مش هنبهك تاني يفيروز

فيروز هزت راسها وبعدت عيونها عنه

يوسف : اقعدي اشوف رجلك

فيروز فتحت عيونها : نعم

يوسف بصوت عالي نسبيا : بقولك اقعدي

فيروز قعدت بسرعة ويوسف قعد جمبها علي الكنبة : اقلعي بسرعه

فيروز بصتله بصدمه : انت اتجننت

يوسف رفع حاجبه واتكلم بجرأة : هو انا هقرب منك يعني

انا بتكلم عن رجلك اقلعي الكعب

فيروز اتحرجت جامد وبصت قدامها وهزت راسها بلاا : لاا

يوسف : لو مش هتعملي كدا هعمل انا بنفسي

فيروز علت صوتها : لو سمحت بلاش تتصرف معايا انك

قلقان عليا واخرج يلاا

يوسف : انتي بتعلي صوتك عليا

فيروز خافته منه بس كان باين عليها الثبات : اها بعلي صوتي

يوسف وهو مركز في عيونها : طيب اقلعي اشوف رجلك 

فيروز قلعت الكعب ورفعت رجليها بدون اي كلمه ويوسف

ابتسم عليها وفيروز استغربت تحويله الغريب يتعصب

ويبتسم فجاه

يوسف كان بيشوف رجليها اللي احمرت و ورمت : فساتينك لازم تبقا طويله ومتلبسيش غير كعب 10 سنتي وقولتك

يفيروز اكتر من مره بلاش تلبسي كعب عشان رجلك ونتي

تقوليلي يحبيبي شيك ولازم اهو شوفي عمل في رجلك ايه

بجد هتجننيني منك

فيروز كانت مركزه مع كل كلمه بيقولها وابتسمت..

يوسف اول ما استوعب اللي قاله سكت ثانيه وبصلها شافها

مبتسمة واتحول لانسان حاد : اللي قولتلك عليهه يتنفذ المره دي والا انا اللي هكسر رجلك المره الجايه .. وبلاش تتحركي هبعت نغم تجبلك مرهم عشان رجلك تخف شويه

فيروز اختفت ابتسامتها وادايقت اول منطق اسم نغم : لاا

شكرا مش عاوزه منك حاجه

يوسف وقف وبصلها قبل ميخرج : ونا مش باخد رايك

يوسف خرج وفيروز كانت باصه ناحية باب المكتب : دا

انت اللي هتجنني وربنا بعمايلك دي

..

يوسف كان ماشي في الشركه وبيكلم نفسه : مكدبتش

لما قالت عليك اتجننت يا يوسف

وصل مكتبه وبص لنغم : نغم اطلبي مرهم لفيروز ولما

يوصل خدي ليها مكتبها

نغم : حاضر يفندم .. كان الأستاذ يامن بلغني ان التصاميم

النهائية للمشروع خلصت وابلغ باسل الحسيني

يوسف : تمام بلغيه واعرفي منه امتي هيجي يشوفو في

الشركه

نغم : حاضر يفندم

يوسف دخل مكتبه ونغم رجعت تشوف شغلها

..

في المستشفى في مكتب عمر بالتحديد كان موجود فهد 

معاه في المكتب بيتكلموا

فهد : يبابا ما انت مينفعش تتكلم مع ماما كدا

عمر : مش عارف اقولها ايه يفهد وهي عاوزه تقنعني

بان فيروز تخرج عادي مع حمزه

فهد : طيب ما هي متعرفش اكيد ها تقول كدا وبعدين هو

ابن أخوها يعني مش غريب

عمر : انا عارف بس احنا مينفعش نخليه يخرج مع فيروز

عشان ميقربش منها ومحدش يعرف ممكن يحصل ايه

فهد : حصلت مشكلة النهارده في الشركه

عمر : مشكلة ايه فيروز كويسه

فهد : لاا هي الحمدلله كويسه بس انا مش عارف هو حصل

ايه عشان حمزه يبقا موجود مع فيروز

عمر : وايه هيخلي فيروز مع حمزه

فهد : بص انا مش عارف كنت بكلم فريد وعرفت منه كان

في مشكله بس هو مش عارف كويس ايه اللي حصل لانه

كان في مكتبه

عمر : لما نرجع هشوف الموضوع دا من فيروز

فهد : ماشي انا هقوم اكمل شغلي

عمر : تمام

فهد خرج من المكتب وشاف آسر ماشي : آسر

آسر وقف وبصله : عاوز ايه يفهد

فهد : مالك مدايق ليه

آسر : مفيش يجدع

فهد ابتسم : شكله ابنك روق عليك النهارده

آسر : اسكت متفكرنيش بجد تعبان منه جامد

فهد ضحك : معلش بقا يا اسوره

آسر : لاا لاا انا مش عاوز دلع انا همشي اكمل شغلي عشان

فاصل هموت اشوف السرير

فهد : طيب خلاص امشي ونا هكمل شغلك

آسر : متحرمش يفهوده انا بحب اخلص شغلي بس شكله ابنك هيطلع زيك جدع لحد دلوقتي داليدا مشتكتش منه ابدا

فهد ضحك : حبيبي يا آسر حتي انت ابنك طالع زيك

بالظبط

آسر : انا هعتبرها شكرانيه في نفسي وهمشي

فهد ضحك وآسر مشي

..

نغم بتخبط علي باب مكتب فيروز بس ما بتسمعش رد

بتخبط تاني وفيروز بترد عليها وبتدخل...

فيروز كانت قاعده علي مكتبها بتشتغل ونغم واقفه قدامها عيونها عليها

فيروز رفعت عيونها من الورق اللي قدامها : افندم عاوزه

ايه

نغم رفعت المرهم اللي في ايديها : مستر يوسف كان بعتني

ليكي اجبلك المرهم دا

فيروز كانت هتفرد بس فكرت لو عملت كدا اكيد هيرجع

يجيلها المكتب ويعملها مشكله : طيب حطيه علي المكتب

نغم حطيته وبصت لفيروز : انتي كويسه دلوقتي

فيروز من غير متبصلها : اها شكرا علي سوالك اتفضلي

نغم مشيت و وقفت عند الباب ولفت بصت لفيروز : ممكن

اخد من وقتك خمس دقايق

فيروز رفعت عيونها من الملف وبصتلها : اتفضلي اقعدي

بس انا مشغوله شويه

نغم قعدت : متقلقش انا كمان معايا شغل ضروري ومستر يوسف اكيد هيحتاجني بس انا مش هطول عليكي

فيروز ادايقت من كلام نغم عن يوسف اللي موضوح

قربهم من بعض من وجه نظرها : تمام قولي اللي عندك

نغم : اول حاجه عاوزه اعرفها انتي ليه بتدايقي مني

فيروز بصتلها بنظره برود : اها وكمان شويه وهتقولي بغير

منك مش كدا

نغم ضحكت : لاا طبعا انا سوالي ليكي ليه بتدايقي وبعدين انتي وحده متغريش مني أو من اي حد لانك ببساطه وحده شاطره وناجحه وزي القمر

فيروز ابتسمت نص ابتسامة : شكرا

نغم سكتت شويه : انا عارفه انك بتغيري علي مستر يوسف

مني بس في الحقيقة أنا ومستر يوسف اصلا

فيروز قاطعتها : اصلا ايه هو انتي مجنونه انا اغير ليه

نغم : مهما تنكري حبك لي باين في عيونك

فيروز : لاا دا انتي مجنونه بجد

نغم : انا بنت زيك وفهماكي ليكي حريتك تخبي كل دا او لاا بس اللي عاوزه اقوله ليكي انا ومستر يوسف مدير  وسكرتيرته الخاصه بس.. وباين كمان هو انه لسه بيحبك 

اللي حصل النهارده بيثبت كلامي ليكي

..

في مكتب فهد الباب بيخبط وبيسمحله بالدخول وبتفتح

الباب داليدا وفهد بيرفع وشه

داليدا : شكلك مشغول

فهد ابتسم : اقفلي الباب وتعالي

داليدا بتقفل الباب وبتروح تقعد

فهد : انتي هتعملي ايه

داليدا : هقعد يفهد

فهد شاور ليها وداليدا راحت عنده ومسك ايديها وشدها

قعدها علي رجله

داليدا : يسلام ونا المفروض هفضل قاعده كدا

فهد : دا لازم يحصل يعمري

داليدا : حبيبي احنا في المستشفى بلاش حد يدخل علينا

شكلنا هيبقا يكسف بجد

داليدا قامت وفهد شدها وقعدها تاني : ونا قولت لازم يحصل يبقا لازم

داليدا ابتسمت : وقت عنادك دلوقتي

فهد ابتسم : بصراحه مبسوط ونتي قريبه مني كدا

داليدا مسكت ايد فهد وحطيتها علي بطنها : طيب يلاا نقوم نطمن علي ابننا ونمشي سوا ولا همشي لوحدي

فهد : اكيد هنمشي سوا .. انا رنيت عليكي عشان اجي اخدك ونتي مرديتش

داليدا مسكت قميصه وبصتله : يحبيبي انت اكيد مشغول

قولت بلاش اعطلك واجي انا ونمشي مع بعض

فهد : جيتي لوحدك طبعا يهانم

داليدا : لاا جات معايا فريده

داليدا قامت وهي ماسكه ايد فهد : يلاا يفهد

فهد : حاضر مستعجله ليه

داليدا : انت عارف النهارده هنعرف نوع الجنين ايه

فهد : هتعرفي انما انا عارف

داليدا : وعرفت ازاي

فهد ابتسم : هتشوفي بنفسك انه ولد

داليدا : يعني انت مش حابب تكون بنت يفهد

فهد مسك خدها : اكيد مش قصدي كدا يحبيبتي بس حاسس ربنا هيرزقني بولد ونفسي اخلف منك بنت بردو تكون زيك قمر ورقيقه كدا

داليدا ابتسمت : طيب نشوف ابننا

فهد : نشوفه ونطمن عليه كمان

داليدا وفهد خرجوا من المكتب وهما مبسوطين انهم هيطمنوا علي ابنهم مع بعض

..

فريده كانت قاعده في مكتب غزل وغزل كانت ماسك ملف

قدامها ومركزه فيه وبتقوم بتبص لفريده

غزل : انا هروح اشوف شغلي ونتي افضلي هنا يفريده

لو حابه تخرجي في الجنينه هي مش بعيد

فريده هزت راسها : ماشي

غزل خرجت وفريده فتحت الفون وقلبت في شويه وبعد

دقايق قفلته بزهق وقامت خرجت من المكتب وفضلت

تتمشي في المستشفى ولمحت ادهم كان واقف مع دكتور

فضلت واقفه تبصله وثواني كان الدكتور اللي معاه مشي

وراحت عنده بسرعه

فريده : ادهم ازيك

ادهم رفع وشه من الملف : فريده انتي ايه جابك هنا

فريده : جايه مع داليدا

ادهم : امم طيب وبتلفي في المستشفى ليه كنتي افضلي

في مكتب اي وحده من البنات ممكن تتهوي ومنعرفش

نوصلك

فريده : متعرفش ونت موجود يدكتور ادهم

ادهم ابتسم : معاكي حق

فريده : باين عليك مشغول مع حالاتك النهارده

ادهم : عرفتي ازاي انتي

فريده : لاا انا اعرف كتير اوي عنك

ادهم ضحك : طيب تعالي اشربك حاجه وسيبك من الكلام الاهبل دا احسن

ادهم هدي صوته في اخر كلامه

فريده : بتقول ايه يا ادهم

ادهم : بقول الكافتيريا بتعمل قهوة هنا مزاج ولا انت

مش بتشربي قهوة

فريده : لاا هشرب معاك

ادهم : طيب امشي قدامي يلاا

فريد مشيت وهي مبسوطه

ادهم بنبرة هاديه : يارب ابعد عني ليلي في الوقت دا

ومتشوفنيش مع فريده لحد مخلص منها

فريده وقفت وبصتله : هتفضل واقف كتير يا ادهم

ادهم : جاي اهو

..

علي شط اسكندريه كان موجود زين وحياه و حياه قاعده

علي العربية وزين واقف جنبها

زين : من اول ما جيتلك المستشفى ونتي ساكته جينا

قدام البحر ونتي لسه ساكته

حياه بصتله : لما تشيل موضوع السفر من دماغك انا

مش هبطل رغي

زين بص قدامه : تاني يحياه

حياه حسيت انه ادايق : طيب خلاص متزعلش

زين سكت شويه بصلها وابتسم : وعد مني هعمل كل

مجهودي عشان ارجعلك في اقرب وقت

حياه : ونبقي سوا لاخر العمر

زين مسك ايديها وباسها : فعلا هنبقي سوا يحياتي عشان

هنتجوز وهتفضلي قدامي طول الوقت

..

ايان وصل بالعربية قدام الفيلا وبص لغزل اللي ساكتة من اول ركبت معاه وكانت هتنزل مسك أيديها

غزل بصتله : في ايه

ايان : انا عملت حاجه ضايقتك

غزل : لاا

ايان : امال مالك في ايه

غزل : مفيش حاجه يا ايان

ايان : الكدبة دي عاوزه تصدقيها انتي اوك. إنما انا مش هصدق الكلام اللي بتضحكي بيه عليا 

غزل : اضحك بيه؟.. انت كبرت الموضوع ليه

ايان : عشان انا عارفك كويس فا اتكلمي.. مالك في ايه

غزل فضلت ساكته شويه وهي باصه قدامها : عشان انت مسافر

ايان ابتسم : زعلانه عشان هبعد عنك

غزل اتكسفت وبصت من الشباك 

ايان : بتكسفي من كل حاجه انتي وكدا مش هننفع مع بعض

غزل بصتله بسرعه : يعني ايه

ايان : بهزر معاكي يزوزو وبلاش القمر دا يفضل زعلان مش لايق عليه الزعل

غزل ابتسمت : ننزل

ايان نزل من العربيه وغزل نزلت وراه قفل الباب مسك ايديها ودخلوا الفيلا

..

ادهم كان بيسوق وليلي مشغله اغاني وعماله تغني وتتمايل

وادهم يبصلها ويبتسم وبعد مزهقت قررت تهزر مع ادهم قفلت الكاست وبصتله : ادهم انا شوفتك النهارده في المستشفى وكنت واقـ

ادهم : من قبل متكملي كلامك انتي فاهمه غلط انا هشرحلك اللي حصل والله

ليلي اتصدمت : تشرحلي...