رواية عودة عاشق الجزء الثاني2 بقلم منة الله الجزار
رواية عودة عاشق الجزء الثاني2 الفصل العشرون20 بقلم منة الله الجزار
عند عمر
فجأة وقف ومن كتر عصبيته رمي كل حاجة في الأرض كانت على المكتب سند على المكتب وكان بينهج من كتر العصبية والدم بيغلي في عروقه.
شوق بنهيار.. عرفت ليه كنت ببعد عنك يا عمر عشان متتلوثش سمعتك بسببي أو حد يجي يقولك انت أخدت استعمالي بس والله يا عمر غصب عني وقعت في إيد اتنين مبيرحموش.
عمر بغضب.. عشان كدا وانتِ في الحفلة كنتي واقفة بعيد وبتكلمي حد وبتقوليله عاوز فلوس تاني ليه مش كفاية اللي انت أخدته؟
شوق بدموع.. أيون كان جوز أمي وعاوزني أحول ليه فلوس وأسرق عمو جاسر وأخد الفلوس وأحولهم ليه بس أنا مش كدا يا عمر أنا اتعرضت لظلم كتير أنا وأمي وكان لما بيتعصب علينا كان بيضربني أنا وأمي وضحك على أمي وخلاها تكتب ليه الشقة باسمه قال إيه بيحافظ عليها عشان عمامي ميورثوش في أبويا عشان أنا بنت وأخدها وبدأ الذل لينا يا عمر.
عمر صعبت عليه ولف ليها وقرب منها براحة وقعد جانبها واتكلم بحنان.. أنا مش هسيبك لوحدك تاني انتِ معاكي بطاقتك صح ولا هناك.
شوق مسحت دموعها باستغراب.. لا في البيت عندكم.
عمر.. تمام.. تعالي معايا.
شوق.. بعدم فهم.. هنروح فين؟
عمر.. قام.. يلا بس.
شوق راحت معاه وخرجوا بره المستشفى خالص ومشيوا على البيت.
بعد شوية وصلوا وشوق طلعت تجيب بطاقتها ونزلت وهي مش فاهمة حاجة ركبت مع عمر تاني وعمر طول الطريق ساكت وهي عمالة تبصله وخلاص.
بعد شوية وصلوا لمكان وعمر أخيراً اتكلم.
عمر بهدوء.. انزلي.. ونزل.
شوق.. نزلت.
شوق.. في إيه يا عمر أنا مش فاهمة حاجة وبعدين إحنا فين؟
عمر بهدوء.. إحنا هنتجوز.
شوق بصدمة.. بتقول إيه؟
عمر.. انتِ واعية وبالغة السن القانوني وتقدري تجوزي نفسك وأنا مش هتجوزك في السر بالعكس إحنا هنكتب الكتاب هنا والكل هيعرف إنك مراتي وبكدا هاخد حقك وحق أمك من الأشكال اللي زي نادر وجوز أمك دي.
كان بيتكلم بهدوء وبعدين قلب بغضب.. وهو بيكور إيده.
شوق بدموع.. عمر مش عاوزاك تدخل في مشاكل انت ملكش ذنب فيها.
عمر بحنية.. أنا بحبك يا شوق ومش هسيبك لوحدك.
شوق.. بس أهلك مش هيوافقوا على كدا؟
عمر.. أنا أبويا وأمي ميتين ومليش غير عمي جاسر وهجيبه هنا يكون معانا عشان تطمني.
وطلع فونه ورن على جاسر.
عمر.. الو.
جاسر.. خير يا ولدي؟
عمر وهو بيبص لشوق.. عمي عاوز حضرتك تيجي عند المأذون.
جاسر باستغراب.. ليه؟
عمر بهدوء.. أنا هتجوز شوق.
جاسر بصدمة.. دلوقتي.
عمر.. آه يا عمي ياريت تكون موجود.
جاسر.. ماشي يا ولدي أنا جاي.
عمر.. شكراً يا عمي.
عمر وشوق فضلوا واقفين لحد ما جاسر وصل بعد ساعة.... وأخدوه ودخلوا.
ـــــــــــــــــــــ
عند مراد
بدأ يفوق ويفتح عيونه بتعب.. مايا.
حسناء.. بفرحة.. قوم يا مراد مايا محتاجاك.
جليلة بغضب.. حسناء ابعدي عن ولدي وبلاش تملي راسه بالزفتة دي تاني أو أقولك اطلعي بره الأوضة ولدي تعبان.
جاسر بغضب.. جليلة متنسّيش إنها مرات ولدي برضو وليها تقعد في أي مكان كيفها فيه.. وعلى ما أظن إن المكان ده مش مناسب للعراك بينكم.. وفجأة فونه رن وكان عمر.
رد عليه وسبهم ومشي.
حسناء راحت قربت على مراد وهو كان بيردد اسم مايا لحد ما فتح عيونه بتعب وكان ضهره بيوجعه أوي.
مراد بتعب.. حسناء مايا عاملة إيه كويسة؟
حسناء بدموع.. وجليلة اتكلمت قبل حسناء.
جليلة .. أيون يا ولدي هي زي القردة هناك المهم انت طمني عليك.
مراد بتعب.. ضهري حاسة إن فيه سكاكين بتقطع فيه.
جليلة بخوف.. روحي نادي لدكتور ولا حد يجي يشوف ولدي بدل ما انتِ واقفة أكيد.
فعلاً حسناء راحت نادت للدكتور وجه كشف على مراد.
وائل.. ده طبيعي لإن العملية كبيرة والبنج بيخرج منه هكتب ليك على مسكن هتاخده وهيهدي الدنيا معاك إن شاء الله.
جليلة.. يعني ولدي بخير.
وائل.. أيون يا ست الكل ده طبيعي.
مراد بوجع فظيع.. آااه الوجع فظيع مش متحمله.
حسناء في سرها.. مراد دلوقتي مش في وضع يسمح إني أعرفه حاجة الأحسن دلوقتي إني أسكت لحد ما نطمن عليه وبعدين هحكيله كل حاجة.
وائل حط ليه حقنة مسكن في المحلول
وائل... يفضل نايم على بطنه وميلبسش حاجة فيها حرير لازم لبسه يبقى قطن وخفيف وأنا حطيت ليه مسكن دلوقتي هيهديه وممكن يروح أدام فاق.
جليلة.. شكراً يا ولدي.. تعبناك معانا.
وائل.. ولا تعب ولا حاجة ده واجبي وبعدين إحنا هنا كلنا بنعمل كدا عشان خاطر الدكتور عمر ألف سلامة عليه ولو احتاجتوا أي حاجة نادوا عليا.
وهو خارج بص لحسناء بنظرة إعجاب وابتسامة.
"مازن هيولع فيك لا تقلق 😂"
مراد نام من المسكن.
جليلة مسكت دراع حسناء بغضب.. أسمعك بتقولي اسم البت دي تاني وإني هخلي مازن يقطع خبرك انتِ سامعاني ولا لا.
وسابتها حسناء فضلت بصلها وفي سرها.. انتم فعلاً ما تستاهلوش مايا خالتي كان معاها حق ده هلاك مش حب يمكن حياة مايا الجديدة تبقى أحسن فعلاً مغادرة المكان اللي ميتعرفش قيمتك فيه أحسن من البقاء فيه وهلاكك.
ـــــــــــــــ
عند كايا.
كانوا عدموه العافية وهند شوهت وش ورد بالسكينة.
هند بشر.. ارموهم في أي مخزن المهم محدش يعرف ليهم مكان وأول لما يجي ليك رسالة مني اخلص منهم فوراً انت فاهم.
مغاوري.. فاهم.
وشالوا كايا اللي كان أغمى عليه من كتر الضرب وورد اللي كان وشها كله دم وبيوجعها وخدروهم ومشيوا بيهم.
هند.. بفرحة.. وأخيراً هاخد حقي منهم وكل حاجة هتكون باسمي.. كنت غبي يا حامد لما كتبت أملاكك باسم أحفادك وأحفادك كل واحد فيهم هيجي ليك واحد واحد وأولهم كايا أول ما تتفتح الوصية بتاعته هخليه يكتب ليا كل حاجة وبعدين هخلص عليه.
وراحت قعدت وحطت رجل على رجل.. فاضل يومين والوصية تتفك.
ــــــــــــــ
عند مايا.
جميلة اخدتها وراحوا على البيت عشان مايا تلم حاجاتها عشان يسافروا مايا كانت بتتأمل البيت وطلعت فوق وهي بتعيط دخلت الأوضة بتاعتها ولمت هدومها وحاجاتها وقفلت الشنطة واخدتها وخرجت وهي ماشية شافت أوضة مراد سابت الشنطة وراحت فتحت الأوضة ودموعها نزلت أكتر.
مايا بقت تملس على كل حاجة في الأوضة وراحت جابت تشيرت من عنده من الدولاب ومسكته وحضنته وافتكرت يوم الحفلة وهي إزاي كانت قريبة منه ابتسمت بحزن ولقت دفتر فتحته واتكتبت فيه رسالة في الورقة وعرفته كل حاجة فيها ومين خلاها تحبسه وكل حاجة وطبقت الورقة وحطتها تحت علبة المناديل وبصت للأوضة لآخر مرة واخدت التشيرت معاها في شنطتها ومشيت.
جميلة كانت مستنياها تحت وبصتلها بحزن.. يلا يا قلب ماما مكانك مش هنا.
مايا ركبت العربية والغفير حط الشنطة في العربية ومشيوا مايا كانت بتعيط بنهيار وجميلة زعلانة عشانها أوي..... مايا مشيت وسابت قلبها هناك في البيت ده.
عربية مايا خرجت من البوابة بتاعت البيت وفي عربية تانية دخلت قصدها البيت وكان فيها ست كبيرة.
ـــــــــــــــــ
عند بلال.
كان قالب الدنيا على كايا ومش عارف يوصله وهو برضو ميعرفش الصعيد زي أهلها وسكر مش مبطلة رن عليه كأن قلبها حاسس إن في حاجة.
العربية وقفت قدام البيت ونزلت منها الست دي وكانت لابسة نظارة سودة وباين عليها الغضب.
دخلت لجوه وخبطت واتفتح الباب ليها.
.. فين كمال البحيري؟
الخدامة.. اتفضلي هناديه ليكي.
الست دخلت والخدامة راحت لبلال تناديه.
الخدامة.. يا كمال بيه حد تحت بيسأل عليك.
بلال باستغراب.. مين.
الخدامة.. ست بس معرفش هي مين؟
بلال نزل واتصدم لما شاف..........
ــــــــــــــــــــ
عند عمر وشوق.
جاسر كان وكيل شوق وكتب كتابها هي وعمر على بعض.
عمر بفرحة وقام حضن عمه..
جاسر.. الف مبروك يا ولدي.
عمر.. الله يبارك فيك يا عمي.
جاسر.. أوعك تزعلها يا ولد وإلا هقطم رقبتك.
عمر بابتسامة.. دي في عينيا.
واخدوها ورجعوا على البيت.
ــــــــــــــــ
عند مازن.
كان قاعد في الكافيه بتاع المستشفى وكان بيشرب قهوة لحد ما جات حسناء وقعدت معاه من غير ما تفتح بقها بحرف واحد.
مازن شاور للولد وجه ليه وقاله يجيب عصير ليها.
راح جابه ليها وجه.
مازن بهدوء.. عارف إنك مش طايقاني وكل الكلام دلوقتي ملوش فايدة بس أنا رديتك يا حسناء وإنك تسافري من غير إذني ده مش هيحصل أبداً وعارف إني قلة أدب كتير مع خالتو جميلة بس كنت عاوزاني أعمل إيه وأنا شايفها عاوزة تاخدك مني وتمشي.
حسناء فضلت ساكتة مردتش عليه.
مازن برجاء.. حسناء اللي حصل كله ده كان غصب عني في حد بعت ليا رسالة تهديد إني لو معملتش كدا هيموتوكي.. لو سمحتي اسمعيني
حسناء بصتله بصدمة.
مازن بتنهيدة.. دي الحقيقة يا حسناء أنا والله العظيم ما بكدب في حرف واحد وأنا مش كنت مستعد إني أخسرك واللي بعت ليا الرسالة دي لو مكنتش عملت كدا كان زمانه قتلك وأكيد كان ليه حد في الحفلة دي.
حسناء بصدمة.. مين ده؟
مازن غمض عيونه... بالم.....
جه الممرض وقال ليهم إنهم يكلموا جليلة عشان مراد هيرجع البيت.
مازن.. نكمل كلامنا في البيت يا حسناء أهم حاجة محدش يعرف بالكلام ده.
حسناء.. ماشي.
واخدوا مراد ورجعوا على البيت.
ــــــ
عند كايا.
كان محبوس هو وورد في أوضة ضلمة مفيش منها غير منفذ نور واحد وكان متكتف هو وهي.
كايا بدأ يفوق.. ورد.
ورد بدموع.. متخافش أنا موجودة.
كايا بتعب.. انتِ كويسة عملولك حاجة؟
ورد فضلت تعيط وبس.
كايا بجنون.. ردي عليا عملولك حاجة؟
ورد.. قطعوا وشي يا كايا.. وفضلت تعيط.
كايا بجنون.. إزاي فهميني بنت الجزمة دي وربنا ما حد هيخلص منها غيري طيب اهدي أنا مش شايف حاجة.
ورد.. مش مهم المهم دلوقتي انت كويس؟
كايا بغضب.. مش هكون كويس غير لما أقطع هند دي ميت حتة.
ورد..بحزن.. أنا بجد مصدومة إنها تبقى أمي في أم بتعمل كدا في ولادها.
كايا بسخرية.. اللي زي هند دي مش أم دي شيطانة ومتزعليش عليها دي لو ماتت يبقى حلال فيها بعد اللي عملته وخلتني أقف قدام أخوي وهو ملوش ذنب برئ وكل ده وأنا زي الغبي مفكر إن مراد هو السبب في موتي طلع هو كمان ضحية للعبتها الوسخة دي دي هند هتشوف أيام دي ليها مفاجأة عندي.
ورد باستغراب.. مفاجأة إيه؟
كايا بشر.. هتحبيها وهي كمان هتحبها.
ـــــــــــــــــ
بلال نزل واتصدم.. سكر هانم.
سكر بغضب.. فين كمال يا بلال؟
بلال حاول يهدي صوتها وهي كانت متعصبة أوي.
بلال.. طيب اهدي بس وأنا هفهمك.
سكر بعصبية.. تفهمني إيه فين ابني؟
بلال.. اهدي طيب وتعالي معايا نخرج بره ونتكلم لحد يسمعنا هنا.
بلال كان خايف.
سكر.. بغضب.. مش هتحرك من غير ابني.
جاسر وعمر وشوق دخلوا وبعدهم بشوية دخلت هند.
هند باستغراب.. انتِ مين؟
سكر بغرور.. أنا أبقى سكر هانم حرمة المرحوم وقبل ما تكمل بلال اتكلم بسرعة وبخوف.. تبقى والدتي.
جاسر.. شرفتينا يا مدام أكيد السفر كان صعب عليكي خدها يا ولدي ترتاح.
سكر بغضب.. مش هرتاح غير لما أشوف ابني.
الكل بصوا لبعض بصدمة..
بلال.. ماما اهدي مالك انتِ نسيتي ولا إيه إني أنا ابنك معلش يا جماعة ماما عندها زهايمر.
شوق في سرها.. أنا شوفت الست دي فين قبل كدا؟
سكر بغضب.. بتقول عني إني بخرف هات ليا كمال دلوقتي حالاً.. بدأت تعلي صوتها.. كمااال كمال تعال دلوقتي.
بلال كان متوتر أوي وخايف منهم والكل بدأ يبصله بشك.
بلال..باستسلام.. هو مش هنا.
سكر بغضب.. أمال هو فين؟
بلال.. هو مختفي معرفش هو فين دورت عليه في كل حتة ملقتهوش.
سكر بصدمة.. هو إيه اللي ملقتهوش هو مش شوية سكر وهيدوب في الماية ده راجل عملتوا إيه في ابني.
عمر.. ابنك مين إحنا مش فاهمين حاجة؟
سكر.. كمال قتلتوه تاني.
جاسر بشك.. قتلناه تاني تقصدي إيه؟
سكر بسخرية.. بجد ابنك كان في بيتك ودلوقتي اختفى تبقى قصدي قتلتوه إزاي؟
هند بخوف.. بتقولي إيه يا مرة يا مجنونة انتِ؟
مراد ومازن وحسناء وجليلة دخلوا.. واستغربوا مين دي وجاية بتعمل إيه هنا؟
يتبع