رواية عانيت لأحبك الجزء الثاني2 الفصل التاسع والثلاثون39 والاربعون40 بقلم فاطمه محمود

" رواية عانيت لاحُبك 2 "

                    صرت انت

" البارت الاربعون "

" الكاتبة فاطمة محمود "

صباح جديد.

فريد كان لابس هدومه ومتجهز واقف وعينه على ديما 

اتحركت ديما وهي نايمة فتحت عينيها وشافت فريد

اتوترت شوية وحاولت تبان عادي قامت قعدت: صباح الخير

فريد من غير أي تعبير: صباح الخير

ديما: في إيه يا فريد واقف كدا ليه 

 

فريد: مش عارف أتكلم معاكي كلمتين وإنتي كل يوم بتمثلي إنك نايمة

ديما: أنا أمثل ليه إنت فاهم غلط

فريد: تمام فهميني الصح في إن مراتي بقت بتخبي عني حاجات وبتهرب مني في كل وقت عشان ما أتكلمش معاها ولا أسألها عن حاجة بقيت حاسس إنها مش طايقة تبص في وشي وأنا مش عارف بتعملي كل دا فيا ليه إنتي عمرك احتاجتيني وأنا قصرت معاكي ليه وصلتينا لكدا يا ديما

نهى كلامه فريد بصوت عالي

ديما قامت وقربت منه: إنت ليه مش عايز تفهمني

  

فريد بعصبية: أنا اللي مش عايز أفهم ولا إنتي اللي شايفاني قليل قولت أتغير معاكي يمكن تيجي وتحكيلي طلعتي ولا فارق معاكي ولا حتى سألتيني مالك يا فريد

...

العيلة كلها كانت متجمعة على الفطار وسمعوا صوت زعيق كلهم بصوا لبعض

ولسه نور هتقوم فارس مسك إيديها: اقعدي يا نور

نور قعدت وبصتله واتكلمت بهمس: إنت سامع زعيق فريد  

فارس بنفس الهمس: سامع بس مش هينفع نتدخل وهو متعصب اهدي لو سمحتي

آسر: هو في إيه يا جماعة

مالك: مفيش يا آسر

يوسف: كملوا فطاركم دلوقتي

يوسف بص لباباه فارس وهز راسه بيسأله إزاي يفضلوا كدا فارس رد براسه باه

سيف وقف

يوسف: سيف سيبه دلوقتي

سيف قعد وبص لشهد اللي قلقانة على ابنها وسيف مسك إيديها 

...

فريد ضحك بوجع: وإنتي هتسأليني إزاي وإنتي بتمثلي عليا وبتهربي بالنوم مني

ديما مسكت وشه: أنا عمري ما خبيت عنك حاجة يا فريدي صح

فريد كان بيبصلها وساكت

ديما: رد عليا أنا هخبي عنك إيه بس وليه أصلا

فريد: والله ليه دي تسألي نفسك

وبعد إيديها عن وشه: مبقتش قادر أصدق كدبك عليا وكفاية قرف وتغفيل لحد كدا وأنا مش هتنازل زي كل مرة ومش هتكلم معاكي دلوقتي هصبر عليكي واديلك فرصه وهستنى إني أخلص شغل ونتكلم وياريت تفكري صح المرة دي ولو هتتعاملي معايا زي كل مرة ما تزعليش من معاملتي معاكي الفترة الجاية

خلص كلامه فريد، ومشي من قدام ديما وخرج من الجناح

ديما قعدت على الأرض وفضلت تعيط: مش عايزة كل دا يحصل ما بينا مش عايزة فريدي يوصل لمرحلة ميصدقنيش بس مش بإيدي والله أنا بعمل اللي إنت عايزه

وفضلت تعيط وهي مش عارفة هتعمل إيه ولا تقوله إيه لما يسألها تاني

...

نزل فريد وهو مش شايف قدامه والعيلة كلها كانت واقفة

فريد: صباح الخير

وخرج فريد من الفيلا

يوسف قرب من سيف ووقف جنبه: اتكلم مع فريد لما يهدي وافهم إيه اللي وصله لكدا

سيف هز راسه: ماشي

البنات طلعوا يشوفوا ديما والشباب خرجوا لشغلهم

...

بيصحى أدهم ويقوم من على السرير يبص جنبه ما يلاقيش ليلى يبص بعينه ويشوفها واقفة عند البلكونة وضهرها ليه يقرب منها ويحضنها من ضهرها ويبوس كتفها: أنا آسف

ليلى بتزقه بكوعها وبتتكلم من غير ما تبصله: ما تتكلمش معايا تاني

أدهم: يا ليلى ما إنتي استفزتيني بصيلي هنا

لفها أدهم ليه وشافها ماسكة ساندوتش وبتاكل ودموعها نازلة وبتشهق من العياط

أدهم مسح دموعها وباس راسها: مقدرش على الدموع دي

ليلى وهي بتعيط: ما إنت قدرت وعاملتني وحش امبارح

 

وخلصت كلامها وأخدت قطمة من الساندوتشط

أدهم ابتسم عليها: طيب إنتي بتعيطي وزعلانة مني ليه الساندوتش ده في الموضوع

ليلى: جعانة أعمل إيه يعني

أدهم: بالهنا يا لولي

ليلى: ما تدلعنيش

أدهم: طيب، إيه يرضيكي وأنا أعمله

ليلى رفعت إيديها وأدهم ضحك: ده هيرضيكي يعني

  

ليلى: اها

أدهم مسك إيديها وباسها ليلى رفعت إيديها التانية ابتسم وباسها وفضلت ترفع إيديها دي ودي وأدهم يبوس

ليلى: كدا صدقت إنك بجد ندمان

أدهم: طيب الحمدلله وقفتي قبل ما أتكلم لإني كنت خلاص مش هبوس تاني

ليلى زقته بإيديها في كتفه: أوعى كدا

أدهم مسك إيديها وضحك: خديي هنا

وقرب من وشها وفضل يبوس كل حتة فيه

...

ديما كانت قاعدة والماميز والبنات قاعدين حواليها وبيحاولوا يفهموا اللي حصل

حياه: إيه اللي حصل يخلي فريد يتعصب عليكي بالشكل ده لأول مرة في حياته

 

ديما: خناقة عادية

دانيه: هو إيه اللي خناقة عادية فريد أول مرة يبقى كدا

 

فيروز: ديما إنتي بتخبي علينا إيه

ديما: يا فيروز مفيش حاجة

آية: خلاص يا بنات قالت مفيش حاجة

ديما: يا توتا، بجد مفيش حاجة صدقوا

نور: هنعمل نفسنا مصدقين

ديما: حتى إنتي يا ماما

سلمى: يحبيبتي كل الحكاية إننا قلقانين عليكم

 

ديما: هو مضغوط من الشغل وعصبية طلعت في الختاق

شهد: يسلام

ديما فركت إيديها وبصت في الأرض: والله أنا مش عارفة أقنع مين ولا مين بجد

غزل: طيب خلاص نغير الموضوع تعالوا ننزل نغير الخنقة دي

 

ديما: إنتو انزلوا وأنا جاية وراكم

البنات بصوا لبعض وطلعوا من الجناح وديما فضلت قاعدة شوية وبعدين قامت دخلت الحمام

...

في الشركة في أوضة الاجتماعات

كان قاعد يامن مع العميل وتفكيره مشغول وعينه على كرسي نغم الفاضي  

بيدخل الشباب ويوسف وفريد وبيدخل بعدهم شاب وبيقعد مكان نغم يامن بصله باستغراب لإنه أول مرة يشوفه

بدأ الاجتماع وبعد مرور ساعة انتهى والعميل خرج

يامن بص ليوسف: إنت إزاي بدأت من غير نغم ما تكون موجودة ومين ده اللي قاعد مكانها

الشباب قاموا وخرجوا وفضل يامن ويوسف والشاب الجديد.

يوسف بص ليامن: نغم قدمت استقالتها

  

يامن بصدمه: نعم وإنت وافقت يا يوسف

يوسف: أكيد مش موافق بس هي ما أخدتش رأيي اختفيت

فجاه ولا كلمتني وبعتتها النهارده الصبح لقيتها في المكتب

يامن بص للشاب: إنت عايز تفهمني إنك اخترت ده مكان نغم

 

يوسف: معتز بيه هو اللي اختاره يا يامن

يامن اتعصب وقام: أنا ماشي

يامن خرج وقفل الباب بعصبية يوسف بص للشاب: اتفضل على مكتبك

...

بيدخل سيف مكتب فريد ويقعد على الكرسي  

فريد كان ساكت وباصص قدامه ورفع عينه لسيف

سيف: حصل إيه مدايقك  

فريد: ما تشغلش بالك بيا أنا كويس  

سيف: أنا طول عمري مصاحبك يا فريد عمري ما جيت واتعصبت عليك دايما بنصحك وبسيبك إنت تتصرف وتعمل اللي عاوزه بطريقك بس يكون صح

  

فريد: أنا مدايق أوي مش عارف ليه مش عايزها تحس بيا 

أو تفهم اللي مدايقني تعبت من محاولاتي معاها وهي مش مقدرة ده وبرضو لسه مكملة في كدبها ليا  

سيف: طيب مش ممكن مش قادرة تواجهك بالحقيقة معندهاش الشجاعة تقولك  

فريد: أنا اتكلمت معاها أكتر من مرة وبدأت في الكلام وطمنتها وهي مش شايفة ده  

سيف: هيجي الوقت وتقولك بنفسها بس دلوقتي سيبها وافهمها يمكن لما تحكيلها عن اللي حاسه تقولك بس صدقني مفيش واحدة بتخبي عن جوزها حاجة غير ما تكون خايفة تخسره أو تخسر حاجة تانية  

فريد: أنا عمري ما هبعد عنها  

سيف: الكلام ده كلنا بنقوله وبنبقى مقتنعين بيه بس ممكن يبقى لينا رأي تاني لما نعرف ساعتها  

فريد اتنفس بضيق: أنا مش عارف أعمل إيه تعبت خلاص

  

سيف: خليك جنبها يا فريد ما تبعدش ولا تغير معاملتك  

فريد هز راسه

سيف: حاول تهدى وتروق يحبيبي

سيف قام وخرج من المكتب وفريد رجع راسه على الكرسي

...

بيخبط يامن على باب شقة الست جارة نغم وبتفتحله

الست: إزيك يا بني

 

يامن: أنا كويس هي نغم مش موجودة هنا

الست: هي رجعت امبارح ودخلت شقتها وبعدين خبطت 

عليا وكان معاها شنط قالتلي إنها هتسيب العمارة وتمشي

يامن: طيب وهي سابت العمارة ليه

الست: مقالتش والله 

يامن: تمام شكرا

نزل يامن وخرج من العمارة ركب عربيته ومشي

...

بيدخل فريد جناحه وبتكون ديما قاعدة على السرير وماسكة الفون في إيديها وأول ما بتشوفه بتقف  

بيروحلها فريد وبيقعد على السرير ويمسك إيديها ويشدها فتقعد جنبه وبتبصله وهي خايفة من الخناقة اللي هتحصل  

فريد بهدوء: طمنيني عليكي  

ديما هزت راسها: كويسة  

فريد بص في عينيها وشاف الخوف ومسك خدها واتكلم بحنية: أنا مش هتخانق معاكي بس إنتي كمان اتكلمي معايا يا ديما واحكيلي  

ديما مصدقت إنه هادي ودخلت في حضنه: مش عايزة أتكلم

  

فريد سكت وحضنها: اللي يريحك  

ديما رفعت وشها لفريد وهي في حضنه فريد بصلها وابتسم

...

بيفتح يامن الشقة بالمفتاح ويدخل وهو مدايق ويبص لمعتز اللي قاعد بروقان وبيشرب قهوة

يامن: بعد كل اللي عملته ده وقاعد بتشرب قهوة ببرود هو إنت معندكش قلب ولا طبيعي زينا

معتز: طولة لسانك دي مش هسكت عليها كتير احترم نفسك شوية وفكر صح يا يامن

يامن: أنا تفكيري خلاص وقف بسببك وبسبب اللي بتعمله 

فيا بس برافو عملت كل اللي قولت عليه بالحرف وأنا واقف بتفرج ومقدرتش أعمل اللي نفسي أعيشه

معتز ساب الفنجان قدامه: إنت بتتكلم عن إيه

يامن بجدية: إنت عارف كويس أنا بتكلم عن إيه وعمري ما هسامحك ولا هنسى كل ده ومن النهاردة انسى إنك ليك ابن اعتبر إنك مخلفتش

سابه يامن ودخل أوضته ورزع الباب بعصبية معتز رجع أخد الفنجان وبدأ يشرب منه ببرود: كويس كل دا حصل من غير

ما احط ايدي في حاجه

وبص لـ اوضه يامن: بكرا تعرف دا احسن ليك

...

بعد مرور شهر

في جناح ايان وغزل

ايان كان بيكلم زين في الفون

زين: كدا هنتاخر علي حياه يا ايان بتعمل ايه كل دا متخلص يا عم

  

ايان: دقيقة وهتلاقيني تحت قدامك زين ماشي

قفل ايان وكان باصص في الفون: يلا يا غزل يا حبيبتي اتاخرنا اوي

ورفع عيونه وشاف غزل قدام المرايا وبتبص علي نفسها من جميع الجوانب: ياغزل ده خامس دريس تقسيه حرام عليكي وكفايه تاخير زين متعصب لوحده

غزل بصتله في انعكاسه وفي المرايا وعيطت: وانا اعمل ايه ما هو ابنك السبب في كل ده مكبر بطني وانا لسه في الشهر الاول

ايان: طيب انتي بتعيطي ليه دلوقتي انا مش فاهم

غزل ودموعها بتنزل: علي صوتك واتعصب عليا اكتر يا ايان ما انت خلاص مبقتش مهمه عندك زي الاول

ايان قرب منها وحط ايديه علي كتفها: مبقتيش مهمه عندي ولا حضرتك اللي بقيتي حساسه بزياده واقل كلمه مني تعيطك

غزل بصتله: ما هو ابنك السبب في ده برضو

ايان مسح دموعها: طيب ايه رايك تلبسي الطرحه عشان ننزل

غزل بصت لنفسها في المرايا: انا مستحيل انزل كدا

ايان انفعل: وبعدين معاكي يا غزل

غزل رجعت بصتله وعيطت: شوفت بتزعقلي ازاي

ايان: هبقا هادي اوي بس عشان خاطري خليكي بيه والله حلو عليكي

غزل: لا انا اكيد مش هلبس لون زي ده

ايان بص علي السرير: طيب ايه رايك في الدريس الموف ده حلو

غزل بصت علي الدريس: لا انا هلبس البيج

ايان: اللي هو اخدتي في راي ومعجبنيش

غزل: بالظبط هو ده

ايان: يا سلام وفاكره اوي كمان

غزل اخدت الدريس من علي السرير: اكيد فاكره

ودخلت الحمام وزين رن تاني 

 

ايان بصوت عالي: طيب يلا اخرجي عشان انتي هتردي علي اخوكي

...

في قاعة حفلة التخرج حياه وليلي كانوا متجهزين وواقفين مع البنات والشباب ومستنين العيلة توصل

ليلي: هما اتأخروا كل ده ليه

حياه: شكلهم خلعوا وهنبقى لوحدنا في اليوم دا بس يجي زين والله ما هسيبه على التأخير ده

ودخلت العيلة كلها وبيروح زين لحياه اللي واقفة والعصبية على ملامحها: آسف على التأخير

حياه بانفعال: آسف دي تقولها لسلمى لما تغلط يحبيبي إنما 

أنا حسابي معاك لما نروح

زين ابتسم: طيب اهدي العصبية غلط عليكي وإنتي حامل

حياه بصت لبطنها: مفيش غير ابني حبيبي اللي ما سابنيش لحظة واحدة مش زي باباه

زين: طيب اسأليهم إزاي كنت متعصب لما اتأخرنا

أدهم قرب من ليلي: اها والله يا حياه اتخانق مع أيان عشانك

زين: شوفتي

حياه بصتله وبصت للبنت اللي واقفة جنبها وكانت بتبص لزين: بصي قدامك عشان ما أجبكيش من شعرك الحلو دا

البنت بلعت ريقها وزين كتم ضحكته وحياه قربت منه وأدهم وليلي ضحكوا

حياه: شكلي حلوة تتخرج

زين: أحلى دكتوره تتخرج

 

حياه: قصدك أحلى بلونة

زين ابتسم: في كل الحالات قمر وبعدين كويس إنك حامل عشان مفيش حد يبصلك

حياه ضحكت: والله لو شايلة في إيدي قدامي هيبصولي ويعاكسوني كمان

زين: نعم يا أختي

حياه: بت يا ليلي تعالي نطلع قدام

ومسكت ليلي ومشيوا من قدام زين وأدهم وزين وأدهم راحوا للعيلة وقعدوا جنبهم على الكراسي عدى الوقت وبدأت الدكاترة تكرم الطلبة وجيه دور حياه وليلي وطلعوا على الاستيج وأخدوا وكرمهم وطلبت حياه تقول كلمة وقربت 

من المايك

حياه: مساء الخير.. أنا حياه سيف الدسوقي

صفرولها الشباب وحياه ضحكت وبعتتلهم بوسة بإيديها: طبعا ده يوم مهم جداً في حياتي ومبسوطة بوجود عيلتي وجوزي معايا النهاردة وبشكر حضرات الدكاترة على مجهودكم معانا وحابة أقول حاجة أخيرا

شهد بصت لسيف: حاسة حياه هتعمل كارثة

سيف ضحك: ما أنا مستني أشوف هتقول إيه 

 

شهد: وبتضحك كمان يا حلاوتك إنت وبنتك

حياه: الشهادة دي بالنسبة ليا إنجاز كبير بس طبعاً أهم إنجاز عملته في حياتي هو إني اتجوزت زين يوسف المنشاوي وعايزة أقوله شكراً على كل حاجة عملتها وبتعملها عشاني وبحبك أوي يا زينو

زين ضحك عليها وحط إيده على وشه وكلهم ضحكوا وسقفوا لحياه اللي ضحكت كمان هي وليلي

حياه: ممكن تشيل إيدك من على وشك وتيجي هنا

وجيه الضوء على زين وابتسم وقام وراح لحياه كان ماشي وكل العيون عليه والبنات بيبصوله بإعجاب طلع سلم على 

كل الدكاترة وقرب من حياه وحضنها واتصوروا سوا وبعدين نزلوا

...

العيلة كلها رجعت الفيلا ولسه الضحك والابتسامة علي وشوشهم

يوسف: الف مبروك يا حياه

  

حياه: الله يبارك فيك يا جو يقمر 

 

سلمي: لا لو سمحتي بغير  

حياه ضحكت: مني يا سلومتي

  

دانيه: زي ما انتي بتغيري من الهوا علي زين هي كمان بتغير  

ادهم ضحك: لا حياه بجد شرسة  

سيف بضحك: فخور بيكي يا حياتي ايه اللي انتي عملتيه النهاردة ده  

زين: لا لو سمحت يا عمو سيف هي حياتي انا بس 

 

سيف: ماشي يا سيدي  

حياه بصت لزين وابتسمت: هو يستحق كل اللي قولته ليه النهاردة

  

آسر: ايه الرومانسية كلها دي يا عم  

ايان: مخبيها كلها دي فين عننا يا حياه  

حياه ضحكت  

يوسف: برغم الاعتراف الجميل اللي سمعنا كلنا بس دايما راسمه الابتسامة علي وشوشنا يا حياه ربنا يخليكم لينا كلكم يا قمرات البيت  

البنات: ويخليك لينا يا احلا جو  

آسر: طيب وبالنسبة لبشوات البيت مالهمش لازمه يعني 

 

آيه: دول اهم حاجه طبعا ربنا يديمكم كلكم لينا ويبارك لينا في البيبيهات اللي شهور وتنور حياتنا  

العيلة كلها: امين  

كل واحد طلع بمراته جناحه يغيروا هدومهم  

يوسف: فيروز انا هخرج

  

فيروز: رايح فين دلوقتي  

يوسف: معايا مشوار ساعه وراجع كدا  

فيروز: ماشي يا يوسف  

يوسف خرج من الفيلا وفيروز طلعت الجناح

...

في جناح زين وحياه

بتشيل حياه الطرحة وتبدأ تفك سوستة الفستان، وزين يقرب منها ويحضنها: كل لحظة بتعدي ما بينا بحبك أكتر يا حياتي مش عارف لو ما دخلتيش حياتي كنت هعيش إزاي

حياه بعدت عنه ولفت وبصتله: أنا لسه مدايقة منك وحسابي ما خلصش معاك

زين: تمام وأنا جاهز

حياه نفخت بضيق

زين شدها ليه من وسطها وبدأ يفتح سوستة الفستان ولسه هيقرب منها حياه باسته بلهفة

...

بيخبط يوسف علي باب الشقه وبيتفتحله وبيدخل  

يوسف: ازيك يا خالتو عامله ايه  

الست: الحمدلله يا ابني انت عامل ايه  

يوسف: الحمدلله نغم فين  

الست: قاعده في البلكونه  

يوسف: طيب انا هروح اشوفها  

الست: اتفضل يحبيبي

بيدخل يوسف البلكونه وبيشوف نغم واقفه وبيقف جنبها: اللي واخد عقلك  

نغم بصتله: صعبان عليا يامن كل يوم بيجي يقف قدام العماره بالعربيه بتاعته واوقات بيبات في العربيه

يوسف: طيب ما ده المطلوب وجزء من الخطه انتي حنيتي ولا ايه نكمل باقي الخطه وبعدين هنقوله علي كل حاجه

نغم: مفيش امل كل اللي عملنا مجابش فايده

يوسف: هيجيب والله اسمعي كلامي بس للاخر وركزي معايا دلوقتي عشان في مشوار لازم تكوني معايا فيه وكل حاجه هتنتهي بعدها

نغم: مشوار ايه

...

قاعده ديما علي الكنبه وبتشرب عصير وفجاه بتمسك بطنها بوجع وبترن علي نهي الحقيني: يا نهي انا بطني وجعاني اوي

نهي: خدي نفس وحاولي تهدي

ديما: مش قادره اعمل حاجه ولا قادره اتحرك

نهي: طيب انا هجيلك

ديما بسرعه: لا اوعي تيجي والنبي

نهي: انتي عايزاني اسيبك تموتي افهمي يا ديما مش هينفع تكابري دلوقتي الوجع لما بيفضل اطول فتره بيعمل خطر كبير حوالين البيبي فكري في بنتك طيب

ديما: طيب انا هحاول اجيلك

نهي: لازم تيجي يا ديما هيبقي صعب لو فضلتي

ديما: حاضر

قفلت ديما ودموعها نزلت وهي ماسكه بطنها

...

في شقه معتز  

بيرن جرس الباب وبيقوم يفتح معتز وبيكون يوسف ونغم

يوسف: ازيك يا عمو  

معتز بيبص لنغم: اهلا يا يوسف  

نغم لسه هتنزل وقفها صوت معتز: رايحه فين يا نغم  

نغم رجعت بصتله  

يوسف: انا قولتلها انك مش هترفض وجودها  

معتز: اكيد وتقدر تدخل  

يوسف بص لنغم: ادخل يلا

كان قاعد معتز وعيونه علي نغم ويوسف بيبصلها بس توتر  

معتز: انا اسف يا نغم  

نغم بصتله  

معتز: يمكن انا طريقه تفكيري غلط شويه وظني في الناس مش دايما كويس بس يا يامن غير فكرتي من يوم ما اختفيتي وهو اختفي من حياتي مبقتش اشوفه نفسي 

تنسي كلامي اللي قولته ليكي وتوافقي ترجعي ليامن

نغم كانت مصدومه من كلام معتز ويوسف ابتسم: والله

يا عمو انا كنت جاي وكلي امل انك توافق وتشيل الافكار 

دي من دماغك بس الحمدلله انت اللي قولت كل حاجه

معتز: كان لازم يحصل كده بس معلش كل تاخيره وفيها خيره  

يوسف: انا محضر ليكم كمان مفاجاه

...

كان واقف يامن قدام عربيته وبيخرج يوسف من العماره وبيروح ليامن

يامن بعصبيه: انا مش قولتلك مش عاوز اشوفه يا يوسف  

يوسف: اهدي طيب الاول  

بيخرج معتز وبيبصله يامن بضيق ولسه هيشيل عينيه شاف نغم وراه وماسكه ايد معتز  

يامن بيبص ليوسف بعدم تصديق: دي مين دي  

يوسف ضحك: هي اتغيرت اوي كده يعني  

يامن ابتسم: متهزرش يا يوسف  

يوسف حط ايديه علي كتفه: مش بهزر يا صاحبي دي حبيبتك نغم او بالاصح مراتك المستقبليه يا سيدي

يامن ضحك ومعتز بص لنغم وشاور ليها تروحله  

نغم ابتسمت ومشيت تجاه يامن واول ما قربت جريت ويامن اخدها في حضنه بعد عنها وفضل يبصلها: بفرحه انتي بجد قدامي  

نغم: انا اسفه يا يامن  

يامن متتاسفيش يا قلب يامن

  

قرب منه معتز ويامن بصله وقرب منه وحضنه: شكرا انك وافقت  

معتز: اهم حاجه انك مبسوط  

يامن بعد عن معتز وبص لنغم: مبسوط اوي

...

عدا الوقت وجيه يوم فرح يامن ونغم ورجاله العيله كلها كانت موجوده ويوسف وفيروز وفريد كل الشباب اما الماميز والبنات فضلوا في الفيلا عشان حملهم بس فيروز اصرت تيجي مع يوسف

يامن كان واقف لابس بدلته الشيك وواقف مستني نغم ويوسف واقف جنبه

بيتفتح باب القاعه وبيدخل معتز ونغم في ايده ويامن بيبتسم اول ما بيوصلوا بيسلم علي معتز وبيمسك ايد نغم وبيبوسها وبياخدها علي الاستيج وبيرقصوا

فيروز واقفه جنب يوسف وماسكه دراعه: شايف يا يوسف حلوين ازاي وهو رومانسي معاها ازاي

فيروز اتكيت علي كلمه ازاي ويوسف بصلها وميل راسه 

عليها: تحبي ابقا رومانسي دلوقتي

فيروز: لا يا بوب اهدي كده  

يوسف: يبقا تسكتي  

فيروز: حاضر.. بقولك ايه يا يوسف ما تيجي نتجوز تاني

  

يوسف بصلها وضحك: وبمناسبه بطنك اللي قدامك دي نعمل فيها ايه

  

فيروز هنتصرف متقلقش قولت ايه بس انت 

يوسف: هقول ايه بس

فيروز: علفكرا انت لازم كل سنه تتجوزني

  

يوسف: ليه هثبتك عند الحكومه عشان مش مصدقين 

 

فيروز: والله يا يوسف صح هما مش مصدقين مبرر حلو

يوسف ضحك اسكتي: يا اخره صبري  

فيروز ضحكت

...

يوسف: الفرحه نفسها انك غيرت تفكيرك يا معتز والله 

 

مالك: واخيرا فرحت الواد كمان 

 

سيف: نغم متترفضش اصلا يا احول 

 

عمر: لايقين علي بعض قال مكانش موافق انت حمار يا ابني  

مصطفي: قليله عليه يا عمر شكله مصدق نفسه بجد انه صغير  

فارس: بس خلاص اتحط قدام الامر الواقع  

مراد: هتفضل صغير برضو يا معتز متزعلش 

 

معتز ضحك: ايه كل ده هو انا كنت شرير اوي كده  

سيف: عارف كنت ابو رجل مسلوخه المرعب ده  

معتز: لاا والله وبعيدين ليه محدش جيه من البنات ليه غير فيروز انت وهو  

يوسف: كلهم حوامل يا معتز وكل واحده وليها هرموناتها الخاصه وهما زعلوا انهم مجوش بس هيعوضها ويتجمعوا تاني معاك  

معتز: ان شاء الله

...

آسر عيونه علي البنات الموجوده في القاعه؛ ايه البنات المز دي  

فهد: احترم نفسك شويه انت متجوز  

آسر: بقولك ايه يا زوج يا محترم يا صاين الغياب انت سبني اعاكس براحتي هو انا هشوفهم كل يوم  

فريد: طيب وهتفضل تعاكس بس من هنا يعني  

آسر: لسه بفكر اعمل ايه  

ايان كده هتاخد وقت مضيعش ولا ثانيه من ايدك  

آسر: والله صح يا ايان لازم اتحرك  

زين: ايه ده دانيه ايه اللي جابك  

آسر بص وراه بسرعه: دانيه حبيبتي لسه بقولهم 

وسكت لما مشافهاش وبص للشباب وكانوا بيضحكوا 

 

زين: قلبت وزه 

 

آسر: حرام عليك يا ابن المنشاوي  

ادهم: معلش يا آسر 

 

آسر: طيب سيبكم من البنات دي وتعالوا بجد نرقص الواد يامن مقطوع من شجره ومالوش حد  

فهد: وانا موافق  

ومشيوا الشباب وفضل زين وايان  

ايان: تعال نرقص  

زين: ابتسم يلا

طلعوا يوسف وفيروز باركوا ليامن ويوسف  

يوسف حضن يامن: مبروك يا يامن 

يامن الله يبارك فيك يا يوسف بجد شكرا علي اللي عملته

  

يوسف بص لنغم: احنا مش متفقين ميطلعش حرف من اللي حصل ليامن  

نغم ضحكت

يوسف بص ليامن: انا اعمل عشانك اي حاجه  

يامن ابتسم وحضنه 

 

فيروز سلمت علي نغم: مبروك يا عروسه  

نغم ابتسمت: الله يبارك فيكي يا فيروز 

 

فيروز: ماشاء الله زي القمر  

نغم: حبيبتي تسلميلي

بص يوسف للشباب اللي ولعوها رقص وقرب منهم آسر وشد يوسف ويامن وبدأوا كلهم يرقصوا باحترافيه  

وفيروز شدت نغم من ايديها: تعالي نرقص احنا كمان  

نغم ابتسمت: يلا  

ورقصوا سوا وكان رقصهم كله رقه ودلع وولعوا الفرح حرفيا

...

بيدخل فريد الجناح وبيدور علي ديما فيه ومكانش ليها اثر: ديما

بتخرج ديما من الحمام وهي بتتسند علي الحيط وبيجري عليها فريد وبيمسكها وبيتكلم بقلق: في ايه مالك

ديما ووشها كله دموع: كان نفسي افضل معاك اكتر من كده بس القرار مش في ايدي

فريد: تعالي معايا نقعد الاول

ومشي بيها ديما وقعدها علي السرير وقعد علي ركبته قدامها  

ديما مسكت وشه بين ايديها: انت عارف اني بحبك يا فريد وكل اللي عملته ده عشانك وخبيت عليك عشان احققلك امنيتك

فريد: ديما لو انتي تعبانه تعالي نروح لدكتور بس متقوليش كلام انا مش فاهمه

ديما: مفيش وقت اننا نروح متزعلش مني وخد بالك من بنتنا

ديما فضلت تعيط وفريد دموعه نزلت وهو مش عارف ليه حاسس انه هيخسر حاجه غاليه واتكلم بترجي: طيب قوليلي ايه السر ده يا ديما

ديما هزت راسها: هقولك انا

وفقدت الوعي وفريد قام بخوف: ديما اصحي ديما لا افتحي عينك عشان خاطري

وشالها وطلع بيها من الجناح

...

دخل يامن الشقه وفتح الباب لنغم ودخلت  

يامن قفل الباب: مبروك يا عروستي  

نغم: الله يبارك فيك

 

يامن: طيب يلا نغير هدومنا  

نغم: هو في ايه يا يامن مهتدي شويه  

يامن بدا يقرب منها: مش قادر

  

نغم زقته ورفعت صوبعها في وشه: انا هكلم بابا معتز

  

يامن ضحك: لا اطمني هو مش هيرد عليكي  

وقرب منها وشالها ونغم اتخضت وبصتله: نزلني حالا  

يامن: حاضر

دخل يامن اوضه النوم ونزلها 

نغم: يامن انت شايف احنا بقينا سوا رغم كل اللي حصل

يامن: انا كنت واثق من دا بس يجي الوقت واهو جيه

نغم ابتسمت وليه هتبعد يامن شدها ليه وفك رباط الفستان بايده وقرب منها

...

العيله كلها وفريد كانوا واقفين قدام الاوضه اللي موجوده فيها ديما وبتخرج دكتوره نهي: ديما لازم تولد دلوقتي

فريد: ازاي يا دكتور وهي لسه في السابع 

 

نهي: منقدرش نخاطر بحياتها اكتر من كدا

  

فارس: ليه هي ديما مش كويسه  

نهي: انا مقدرش اقول انها كويسه لازم اولدها وادعولها

نهي مشيت من قدامهم ونور بصت لفارس: انا ليه حاسه ان ديما  

نور سكتت ونزلت دموع فريد بصلها ديما: كويسه يا عمتو والله كويسه متقلقيش

خرجت ديما وفريد قرب منها: انتي هتبقي كويسه صح  

ديما هزت راسها وبصت علي عيلتها كلها وكأنها بتودعهم 

لاخر مره هتشوفهم

ومشيوا الممرضين بيها علي العمليات

عديت ساعات علي ديما في العمليات والعيله كلها قاعدين بقلق وطلع صوت بيبي وبعد شويه صوت بيبي تاني واستغربوا 

 

طلعت الممرضه من العمليات وقربت من فريد: مبروك بنوته زي القمر  

وطلعت ممرضه تانيه ومعاها بيبي وقربت من فريد: ودي البنوته التانيه

فريد: ازاي هي مش بنت واحده بس  

الممرضه: لا حضرتك جالك توم بنات  

قرب يوسف من الممرضه واخد البنت التانيه منها: تعالي يا قلب خالو  

فريد بص لبنته بفرحه وبص لبنته التانيه مع يوسف 

 

فارس: بقا انا هبقا جد القمرات دول 

 

حياه: لا كمان دول شبه بعض اوي شكلهم يجنن 

 

فريد: اكيد هيطلعوا حلوين لديما  

حياه: طيب هات يا بتاع ديما اشوف قلب عمتو  

فريد ابتسم وحياه اخدت البنت منه

  

نهي خرجت وفريد بصلها بلهفه: طمنيني يا دكتور علي ديما 

نهي بصت لفريد: انا حاولت بكل الطرق ابعد عنها الخطر

بس للأسف...