رواية عانيت لأحبك الجزء الثاني2 الفصل التاسع عشر19والعشرون20 بقلم فاطمه محمود

" رواية عانيت لاحُبك 2 "

                    صرت انت 

 " البارت التاسع عشر "

" الكاتبة فاطمه محمود "

حياه باصه لزين وهي مصدومه ومش مصدقه اللي قاله

حياه : هو انا من كتر ما بفكر فيك بقيت بسمع اللي عاوزه انك تقوله ليا

زين ابتسم : بس انتي مش بتفكري دا حقيقه

حياه ضحكت اوي ومسك ايدو وفضلت تنط وتضحك

زين ضحك عليها وعلي جنانها : اهدي يحياه

حياه : اصلا انا مش مصدقه ولا قادره اصدق

زين. : لاا يحبيبتي صدقي واهدي كدا مش عاوز حد يعرف

قبل متكلم مع عمو سيف

حياه حطيت ايدها علي خدها : حبيبتي لاا كدا كتير عليا

زين ضحك عليها 

..

داليدا نزلت من عربيه فهد وبصتله : معلش اخرنك انهارده يبابا

فهد ابتسم : ولا يهمك يروح بابا خلي بالك من نفسك ومن

حبيبي لحد مرجع وبلاش تتحركي كتير يداليدا فاهمه

داليدا : حاضر .. باي

فهد : باي

فهد مشي بعربيته وداليدا دخلت الفيلا ومريم واسما كانوا قاعدين في الريسبشن بيتكلموا

مريم : رجعتي ليه يداليدا

اسما ضحك : اكيد فهد عمل حاجه واتلكك ورجعها عشان مش عاوزها تروح الشغل

داليدا قعدت : لاا ما هي المرادي مجاتش من فهد جيه من ابن فهد

اسما : ابن فهد يعني ايه

مريم : اوعي يكون

داليدا ضحكت : هو .. انا حامل

مريم قربت من داليدا وحضنتها : الف مبروك يحبيبتي

داليدا : الله يبارك فيكي يا تيتا

مريم بفرحه : بجد مبسوطه اوي يداليدا وعمر هيفرح اوي

داليدا : ربنا يخليكم لينا يمريومه

اسما : ربنا يقومك بالسلامه يحبيبتي ويجي احلا نونو يارب

داليدا : يارب يسوسو

..

في الشركه

كان في ميتنج شغل والشباب متجمعين في اوضه الاجتماع

يوسف كان ساكت وبيفكر في غزل وكلامها معاه

بس انا مستعجل ومحتاج التسليم في وقت اقل من كدا

فريد : هو حضرتك شوفت تسليم في وقت زي اللي احنا عارضينه عليك

بصراحه لاا

يوسف : طيب مش موافق ليه

انا عاوز ابدا الشغل هنا في اقرب وقت عشان محتاج اسافر

ضروري الشغل هيقف من غيري

فيروز : انت ممكن حضرتك تسافر واحنا لما نخلص نبلغ

حضرتك وتيجي تكون انت ظبطت كل شغلك

العميل ابتسم علي طريقه كلام فيروز : تفكيرك حلو

يبشمهندسه

فيروز ابتسمت : شكرا

سيف : يعني فيروز خلاص اقنعتك

اها يا سيف بيه انا هستنا انكم تبلغوني اول ما المنتجع يخلص

سيف : تمام

..

في مكتب يوسف

بيدخل مالك ويوسف بيفكر ومش واخد باله ان مالك دخل

وقعد

مالك : يوسف .. يوسف

يوسف فاق من تفكيره وبصله : مالك

مالك : في ايه يا يوسف

يوسف : لاا مفيش

مالك : انا متاكد في حاجه شاغله تفكيرك

يوسف : انت عارف غزل مفيش حاجه تاني

مالك : هو في حاجه حصلت انا معرفهاش

يوسف بصله وسكت شويه : لاا ابدا

مالك : أن شاء الله تقوم بالسلامه وترجع احسن من الاول

يوسف : أن شاء الله .. امال انت جاي ليه يمالك

مالك : مفيش كنت جاي اشوفك واهو قولت نروح لو خلصتوا شغل

يوسف : طيب تشرب ايه لحد بس منخلص

مالك : لاا مش عاوز حاجه

يوسف : هطلبلك قهوة

مالك ابتسم : ماشي

..

فيلا العيله

نور : ليه غزل متنزلش تقعد بدل ما هي حابسه نفسها

في اوضتها

سلمي : اتكلمت معاها ورفضت والبنات قاعدين معاها

شهد : هي لسه خايفه لحد دلوقتي

آيه : غزل اتقفلت لدرجه مش عاوزه تشوف ايان

نور : ايان

سلمي : امبارح كان عاوز يطمن عليها وقالتلي اني اقوله

نايمه مش عارفه ليه بتتعامل معاه كدا

شهد : طيب ما ممكن حصلت حاجه ما بينهم قبل ميحصل

اللي حصل

آيه : هي مدايقه من اهتمامه بيها دلوقتي وانه كان بيعاملها الاول عادي

سلمي : هي من اللي حصل معاها مبقتش عارفه تفرق

بين اللي عوزاه واللي مش عوزاه

نور : اكيد ايان هيعرف يتكلم معاها ويروح الخوف اللي عندها ويفهمو انهم بيحبو بعض

شهد : اها والله دي العيله كلها عرفت بحبهم وهما لسه

مش فاهمين

سلمي : تعالو نجهز الاكل سوا

البنات راحو المطبخ يجهزو الغداء علي ميوصلو الشباب

..

في فيلا مراد

الباب خبط وملك فتحت الباب

داليدا و دانيه حضنو ملك : وحشتينا يكوكي

ملك ابتسمت : ونتو كمان يحبايبي .. ادخلوا يلاا

داليدا و دانيه دخلوا وقعدو

دانيه : البيت و اوضتي وحشوني اوي

داليدا : اها بجد احساس انك تقوم من نوم ونت رايق

احساس غاب عني خلاص

دانيه ضحكت : ايه دا يعني فهد ليصبح بعلقه يداليدا

داليدا ضربت دانيه في كتفها بخفه : لاا طبعا .. بس انا قصدي لما تبقي بنوته سنجل غير لما يكون في جوز ابدا

ملك ابتسمت : بس شعور حلو

داليدا : بصراحه اها يماما انك تفوقي بدري عشان تجهزي

لجوزك هدومه وكل حاجه عاوزها احساس جميل

ملك : ربنا يسعدكم يحبيبتي

داليدا : يارب يقلبي

ملك بصيت لداينه : شكلك معذبه آسر مش كدا

دانيه : عيب يكوكي انا اعمل كدا بردو

داليدا ضحكت : تعملي ونص

دانيه : لاا طبعا يحبيبتي

ملك : ربنا يهنيكم وكل وحده يخليها لجوزها

دانيه : ويخليكي لينا انتي ومارو

داليدا : هو بابا مرجعش لسه يماما

ملك : لاا يحبيبتي .. قولولي تشربو ايه

دانيه : اعملينا موكا من ايدك الحلوه دي

ملك : حاضر يحبيبتي

داليدا : انا مش عاوزه يماما

ملك : ليه يحبيبتي

داليدا : الموكا فيها قهوه ودا غلط علي البيبي وفهد قايلي

معملش اي حاجه تضره

دانيه : معلش عيدي تاني يعني ايه

داليدا ضحكت : كنت عملها ليكم مفاجاه

ملك : الف مبروك يحبيبتي ربنا يتم ليكي علي خير

دانيه : يعني انا هبقا خالتو

داليدا : اها

دانيه صرخت : ايوا بقا

داليدا ضحكت : والله مجنونه

ملك ضحكت : يبنتي اهدي

دانيه : مش مصدقه بس يكوكي

ملك : عقبالك يحبيبتي

دانيه : أن شاء الله يماما

..

زين وقف العربيه وبص ل ايان اللي مدايق

زين : هتفضل مدايق كدا يعني

ايان : لاا انا مش مدايق وبعدين انت وقفت ليه

زين : انزل وهتعرف

ايان : هو في ايه يزين خلصنا شغل وقولتلي تعال معايا قولتلك ليه قولتلي هتعرف بعدين وقفت هنا قدام محل

مجوهرات وسالتك وقفت ليه قولتلي هتعرف

زين : انت ايه مشكله في كلمه هتعرف

ايان : لاا بس مستغربك

زين : طيب حاول تفهم أن غزل تعبانه واللي حصل ماثر 

عليها وغصب عنها تتعمل كدا معاك

ايان بص لطريق : ونا مش مدايق

زين : انت لو فضلت كدا انا مش هتكلم

ايان : اقوم ارقصك يعني يزين عشان تفهم اني مش مدايق

زين ضحك : لاا مش لدرجاتي

ايان ابتسم غصب عنه : عاجبك كدا اهو ضحكتني معاك

زين : فك بقا يا ايان حاول معاها تاني وتالت بس بلاش تلبس الوش دا من اولها كدا

ايان : حاضر .. جايبنا هنا ليه بقا

زين : انا اتكلمت مع حياه وقولتلها اني بحبها

ايان : بتكلم جد

زين : اها

ايان : ازاي

زين : بابا اتكلم معايا ونا فكرت في كلامه حسيت بجد اني مش هقدر اشوفها مع شخص غيري

ايان : دا عمو يوسف طلع عنده المعجزة

زين ضحك : طيب انزل معايا يلاا عاوز اجبلها خاتم واطلب ايديها انهارده من عمو سيف

ايان : مبروك يصحبي

زين : الله يبارك فيك يحبيبي عقبالك

ايان : اختك خلاص هتجبلي تورما

زين ضحك : معلش

..

في اوضه غزل بتكون قاعده وبيدخلوا البنات وبيقعدو 

علي السرير جمبها

دانيه : عامله ايه يزوزو

غزل : الحمدلله يدانيه

فيروز : بجد وحشتينا

غزل ابتسمت : ونتي كمان يحبيبي

ديما : قاعده لوحدك بردو يغزل

غزل : مش عاوزه انزل يديما

حياه : ليه يزوزو دي العيله كلها مستنيه انك تنزلي وتقعدي معانا

ليلي : عدم وجودك ناقصنا اوي علفكرا

غزل : كدا احسن

ديما : اهم حاجه اللي يريحك يحبيبتي

داليدا : بنات انا حامل

حياه : بجد يداليدا

داليدا : اها والله

غزل : الف مبروك يحبيبتي

داليدا : الله يبارك فيكي يزوزو

فيروز : عاوزينه يجي بسرعه بقا

داليدا ضحكت : اعملها ازاي دي

ليلي : داليدا لو جاتلك بنوته زي القمر هتسميها ليلي صح

داليدا : لاا طبعا

حياه ضحكت : ايه طحن الخواطر دا

ليلي : بقا كدا يداليدا

داليدا ضحكت : عديها المرادي

ديما ابتسمت : مبروك يداليدا

داليدا : الله يبارك فيكي يدمدومه عقبالك يحبيبتي

ديما : أن شاء الله

دانيه : طيب يلاا ننزل نقول الخبر الحلو دا للعيله

حياه : زمانها ملك مسبتش حد والا قالتله

داليدا : يحبيبتي يماما مبسوطه اوي

دانيه : يلاا يزوزو ننزل

غزل : لاا يبنات انزلوا انتو

حياه : بجد متبقيش رخمه وانزلي معانا

غزل : عشان خاطري يحياه انا عاوزه افضل هنا

ديما : خلاص يحبيبتي احنا هنسيبك ترتاحي شويه

البنات طلعوا من اوضه غزل ونزلوا تحت والشباب كان  قاعدين في الريسبشن

مراد اول مشاف داليدا نازله قام وراح عندها وحضنها

مراد : مبروك يحبيبتي

داليدا : الله يبارك فيك يبابا

عمر قرب منهم وحضنها : الف مبروك يداليدا

داليدا : الله يبارك فيك يعمو

عمر : انا عاوزه يجي بسرعه اتفقنا

داليدا ضحكت : حاضر

فيروز : انا قولتلها كدا يبابا

عمر : عقبالك يحبيبتي انتي كمان .. عقبالكم انتو كمان يبنات

مراد : احنا عاوزين الفيلا تتملي اولاد

فهد ضحك : من عنيا

داليدا بصتله واتكسفت

آسر : انت لو عاوز دلوقتي احنا موافقين

دانيه بهمس : الله يفضحك يا آسر

حياه : شايفه آسر يدانيه

دانيه : شايفه

عمر : لم نفسك ياض انت وهو

آسر : الله مش انتو اللي عاوزين كدا

مراد : روحو انتو يبنات المطبخ

البنات راحو المطبخ والشباب رجعو قعدو

مراد : طيب مش قدام البنات

آسر ضحك وسكت

يوسف : مبروك يفهد

فهد : الله يبارك فيك يعمو

سيف : هو في مناسبه حصلت من غير ما اعرف

فهد : داليدا حامل يعمو سيف

سيف : الف مبروك يحبيبي

فهد : الله يبارك فيك

..

في المطبخ

آيه : فرحتلك اوي يداليدا

داليدا : حبيبتي يتوتا والله

شهد : مالكيش نصيب انك تنزلي الشغل يدودو

داليدا : اسكتي يشوشو دا هيبقا فهد التاني

مريم ضحكت : ربنا يعينك

داليدا ضحكت : يارب

حياه : هو ولد يعني

داليدا : لاا لسه ميبانش دلوقتي بس انا حسيته فهد بجد

جالي في نفس اليوم اللي كنت هنزل الشغل فيه

دانيه ضحكت : دا فهد مصدق

فيروز ضحكت : وباين عليه اوي كمان

سلمي : احنا يبنات اتجوزنا وكملنا دراسه بجد الجواز ولا اشتغلنا ولا اي حاجه 

حياه : انتو اللي استسلمتو للواقع الأليم

شهد : وشكلك هتستسلمي زينا

حياه : لاا عيب يشهد دا انا وقفت انهارده المستشفى علي رجلي كانت من غيري ولا حاجه

دانيه : جدا بجماعة

نور ضحكت : واحنا صدقنا

حياه : انا هاخد الطبق دا واطلع بدل ميتقل مني

شهد : يلاا يحبيبتي

حياه اخدت طبقين والبنات اخدو باقي الاطباق وطلعوا يحطوها علي السفره

زين و ايان دخلوا الفيلا و ايان بص علي البنات يدور فيهم

علي غزل بس مكانتش موجوده

زين : اكيد مش هتنزل اطلع وحاول تتكلم معاها

ايان هز راسه وطلع لغزل

زين بص لحياه اللي بتكلم مع البنات وبعدين قعد مع الشباب

..

ايان بيكون واقف قدام اوضه غزل ومتردد يخبط اخد

نفس طويل وبعدين خبط بس غزل مرديتش

ايان خبط تاني : غزل

غزل كانت قاعده وسامعه كلامه بس قررت متردش

ايان : انتي نمتي .. طيب هشوفك بس وبعدين هخرج

غزل : ونا مش عاوزه اتفضل امشي

ايان حاول يهدي ويتحكم في عصبيته : افتحي يغزل

انا بس عاوز اطمن عليكي وهمشي علطول

غزل مرديتش عليه

ايان : غزل

غزل : قولتلك امشي من هنا

ايان : ماشي يغزل

ايان مشي وهو متعصب وطلع الجناح بتاعه

سلمي طلعت بصنيه عليها اكل وبتدخل  اوضه غزل

وبتشوفها مدايقه

سلمي : مالك يغزل

غزل : ماليش يماما

سلمي : طيب يلاا عشان تأكلي

غزل : سبيه هنا ونا هاكل بعدين

سلمي : ماشي يحبيبتي

سلمي بتخرج وغزل فضلت قاعده زي ما هي والتفكير

خلاص وجع دماغها

..

العيله كانوا متجمعين علي السفره

زين : عمو سيف كنت حابب اتكلم معاك في حاجه

سيف : حاجه ايه يحبيبي

بص ليوسف اللي باصصله وهو مبتسم وبعدين بص 

لسيف : انا عاوز اطلب منك ايد حياه

سيف : ايد حياه .. طيب سبني افكر الاول

حياه : تفكر ايه يبابا انت لسه هتفكر أنا موافقه

البنات ضحكوا عليها وسيف بصلها

سيف : يابت مش كدا

حياه : والله لتقول دلوقتي انك موافق

شهد ضحكت : قول بقا يسيف

سيف ضحك : موافق

زين قام وراح لحياه ومسك أيدها وحياه وقفت : ولبسها الخاتم

وحياه كانت طايره من الفرحه

حياه : طيب كنت تقولي يزنزون اعمل حسابي للحظه دي

زين بصلها وابتسم

آسر : هتعملي ايه اكتر من كدا يروح زنزون

حياه : متركزش معايا يا آسر

آسر ضحك : ماشي

سيف : خلاص يحياه اقعدي يحبيبتي

حياه بصتله  : حاضر

حياه قعدت وزين رجع قعد

يوسف : مبروك يحبيبي

زين : الله يبارك فيك يبابا

فارس : دا انت طلعت رومانسي يزين كان فين كل دا

مالك : مخبيه علينا واحنا صدقنا انه قلبه خالي من الحب

سيف : دا ابن المنشاوي بجماعة

نور : دا انهارده يوم لذيذ جدا يجماعه حمل داليدا و خطوبه

زين و حياه

آيه : ربنا يسعدكم يحبايبي

زين : تسلملي يخالتو

حياه : حبيبتي يتوتا

سلمي : هيبقا عندي احلا مرات ابني

حياه : متكسفنيش يسلومتي

الكل ضحك عليها

فريد : مكسوفه اوي البت

فهد ضحك : دي مش قادره تصبر

زين بصلهم : ولاا انت وهو اسكتو

حياه : خطيبي رد عليكم بقا

ادهم : هتتحامي فيه يعني خلاص

حياه : ايوا

بعد مخلصوا اكل الماميز كانوا في المطبخ بيعملوا قهوة لشباب و عصير ليهم وللبنات وبعد مجهزت القهوة اخدتها

دانيه لشباب وبعدين راحت للبنات تساعدهم في لم الاطباق

اللي علي السفره

حياه بصيت لداليدا اللي قاعده : هو انتي مفيش عندك دم

يداليدا متقومي تساعدينا

دانيه : لاا دودو غلط عليها الحركه دلوقتي

داليدا : والله انا جوزي قالي مش عاوز اي حركه ونا لازم اسمع كلامه

حياه : تسمعي كلامه ولا غصب عنك تسمعي كلامه

داليدا : لا لا انا وجوزي الحمدلله متفاهمين ونا بقدر 

عصبيته وكل حاجه فيه .. قل اعوذ برب الفلق يعني 

ربنا يستر منروحش ونتخانق

حياه حطيت ايديها في وسطها واتكلمت وكانها بتردح : 

نعمم يعنيا

زين شاف شكلها وهي حاطه ايديها في وسطها وبتكلم

مع داليدا ابتسم عليها ورجع يتكلم مع الشباب

داليدا : انتي هتردحيلي ولا ايه

ليلي : استهدي بالله يحياه اكيد داليدا مش قصدها

حياه : لاا قصدها ونا عارفه

داليدا : اهدي بس يعروسه بلاش تتعصبي

حياه : ما انتي السبب

داليدا : غلطته كلمه

حياه : ماشي

فيروز قربت من داليدا واتكلمت بهمس : سبتيلها الساحه

مش غريبه واول مره تحصل

داليدا بصتلها وكتمت ضحكتها : انتي مش شايفه كانت

هتاكلني ازاي

حياه بصتلهم وهما بيتكلموا بهمس : انتو بتكلموا في ايه

فيروز : لاا ابدا

ليلي : اكيد عليكي يحياه

دانيه : اسكتي يا ليلي كدا هتكبر ومش هنعرف نلمها

حياه : روحي يفيروز يارب يوسف تجيله حاله عند معاكي

ويرفض ينزلك الشغل قولو معايا امين

فيروز : ونا عملت ايه يحياه لكل دا حرام عليكي

حياه : انتي عارفه عملتي ايه

فيروز ضحكت : والله ظلماني

حياه : بردو يوسف يرفض ينزلك الشغل

فيروز : لاا يحبيبتي يوسف ميقدرش يرفض ينزلني دا انا مسيطره

يوسف كان معاه مكالمه تليفونه وخلصها وسمع فيروز لما بتكلم مع البنات وبصلها وبعدين مشي

حياه : لاا دا كله كلام وقت الجد مفيش مسيطره ولا اي حاجه من دي

فيروز : لاا أن شاء الله ميحصلش كدا

داليدا : سيبك منها يفيروز

جرس باب الفيلا بيرن وحياه بتروح تفتح

وبيدخلوا ياسين وانجي وماجد ونادين

ياسين : مساء الخير بجماعه

الكل رد عليه : مساء الخير

يوسف : اتفضلوا يشباب

ماجد : متشكر لحضرتك

نادين و انجي كانوا واقفين مع البنات

دانيه : ايه المفاجأة الحلوه دي

انجي : تسلملي يدودو انا قولت نيجي نطمن علي غزل 

ونسلم عليكم

ديما : بقالنا كتير متجمعناش يبنات

نادين : ما احنا هنا انهارده عشان كدا .. هي غزل فين

طمنوني عليها

دانيه : الحمدلله كويسه بس دايما في اوضتها ومش عاوزه تنزل

انجي : كنت حابه اشوفها واطمن عليها

حياه : متقلقيش احنا هنحاول نخليها تنزل ونقعد كلنا سوا

نادين : ياريت

حياه مسكت ايد ليلي : تعالي معايا

وطلعوا لغزل و آيه خرجت من المطبخ وشافت نادين

و انجي واقفين مع البنات

آيه ابتسمت : عاملين ايه يقمرات

انجي : الحمدلله بخير توتا

نادين : ونتي حضرتك عامله ايه

آيه : انا كويسه يحبيبتي بس بلاش حضرتك دي ماشي

نادين ابتسمت : حاضر

آيه : قمرايه وبتسمع الكلام

انجي ضحكت : دي مطلعه عين ماجد والله يتوتا

نادين بصتلها وضحكت

آيه : بنتنا وتدلع براحتها

نادين : تسلملي يتوتا

آيه : طيب يحبايبي اجبلكم حاجه تشربوها

آيه مشيت من عند البنات وراحت لشباب

آيه : ازيك يماجد

ماجد : اهلا بحضرتك

آيه قربت من ياسين وحضنته : عامل ايه يحبيبي

ياسين : الحمدلله يحبيبتي بخير

آيه : الف مبروك يحبيبي جات متاخر

ياسين : ولا يهمك

آيه : طيب عن ازنكم

آيه راحت المطبخ تجيب عصير للبنات والشباب

..

في اوضه غزل

حياه : انجي و نادين جاين يطمنو عليكي يزوزو

غزل : طيب قوليلهم يجو هنا

ليلي : يغزل اخرجي من الاوضه دي شويه

حياه : والله انا اتخنقت منها اللي مبقعدش فيها كتير

يلاا بقا قومي

غزل : حاضر هغير هدومي الاول

حياه : طيب يلاا ونا وليلي هنستناكي هنا

غزل هزت راسها ودخلت الحمام

..

غزل بتنزل مع حياه و ليلي وبتروح تقعد مع البنات و ايان من اول مشافها وعيونه عليها ومشالهاش ويوسف وزين

فرحو اوي بنزول غزل

انجي : طمنيني عليكي يغزل عامله ايه دلوقتي

غزل : الحمدلله كويسه

نادين : انبسط اني شوفتك يغزل

غزل ابتسمت : شكرا

حياه : انا حاسه كدا في حاجه حصلت منعرفهاش

نادين ضحكت : دايما بتحسي كويس انتي

حياه : مش كدا بردو

انجي : ماجد ونادين اتجوزو

دانيه : ايه دا بجد

نادين : اها عملنا فرح كدا علي الضيق وسافرنا قضينا كام يوم

غزل : الف مبروك ينادين

نادين : الله يبارك فيكي يغزل

حياه : ونا كمان يبنات اتخطبت انهارده

انجي : ومين اللي بقا من نصيبه القمر

حياه شاورت علي زين : هو قمر بردو شايفه الشاب المز ابو

عضلات اللي قاعد هناك دا لابس اسود وعيونه جامده اوي

زين اخد باله من حياه ولما شاورت عليه وابتسم وحاول

يبان مش واخد باله

نادين و انجي ضحكو علي غزل و وصف وغزلها لزين

ديما : اعذروها يجماعه البت واقعه من الدور 14

انجي ضحكت : حاسه بيها

نادين : لايقين علي بعض اوي يحياه

حياه بصت لزين : مش كدا ينادين

غزل : تحصل الحاجه الحلوه دي انهارده ومحدش يقولي

حياه : هو لسه خاطبني انهارده يزوزو ونا كنت هقولك دا انتي اخت قره عيني

غزل ابتسمت : يسلام

ديما : قره عيني يجماعه

فيروز ضحكت : مش عارفه هتقول ايه لما يتجوزو

حياه : سبيها لوقتها

داليدا : ونا عرفت اني حامل

غزل : الف مبروك يحبيبتي

داليدا : الله يبارك فيكي يروحس

انجي : مبروك يقمر

داليدا : الله يبارك فيكي

غزل بصيت علي ايان وكان عيونه عليها وبعدت عيونها

من عليه

آيه جابت عصير للبنات والماميز قعدو مع البنات وفضلوا يتكلموا وسلمي كانت مبسوطه بوجود غزل معاهم

..

في جناح فريد و ديما

ديما كانت واقفه في البلكونه وسرحانه وفريد بيقرب منها

وبيبصلها

فريد : مالك يدمدومتي

ديما بصتله : فريد انا عاوزه نجيب بيبي

فريد مسك ايدها وباسها : ونا كمان نفسي بس لازم نصبر

وندعي ربنا يرزقنا بالنعمه دي

ديما حضنته : انا خايفه الحمل يتاخر ومجبش بيبي

فريد مشي ايدو علي شعرها : متقوليش كدا يحبيبتي

إن شاء الله هيجي

ديما : اوعي تبعد عني يفريد خليك علطول جمبي

فريد : انا كلي بنتمي ليكي يعني مقدرش ابعد

ديما : بحبك

فريد : ونا كمان بحبك يروحي

..

في جناح مالك و آيه

مالك : هو انتي ازاي تعملي كدا يا آيه

آيه : طيب ما انا متعوده اعمل كدا دي مش اول مره يعني

يمالك

مالك : بس انا معجبنش أن مراتي بتحضن راجل قدامي

آيه : ياسين دا زي ايان و آسر ونت عارف كدا والعيله كلها عارفه يعني مش هيستغربو

مالك بضيق : لاا هيستغربو لما يلاقوكي بتحضني حد غير جوزك

آيه ابتسمت : ممكن بلاش تتعصب وخلاص طالما انت مدايق من كدا انا مش عمل كدا تاني

مالك برومانسية : ما انتي اللي بتعصبيني عاوزه تحضني تعالي احضني جوزك

مالك فتح درعاته ل آيه و آيه قرب منه وحاوطيت رقبته

آيه ابتسمت وبصتله : حضنك دا هو الدفا والامان انا ماليش غيرك يملاكي

مالك : ونا زي الطفل اللي تايه من مامته من غيرك انتي

انا ولا حاجه انتي احلا سنين في حياتي يقلبي

آيه : السنين عديت معاك كأنها امبارح يمالك عشت معاك اللي كان نفسي فيه ولسه نفسي اعيش معاك لحد اخر يوم في عمري

مالك : وكانت احلا سنين ونتي معايا فيها ربنا يديمك في حياتي يتوتا

آيه : حبيب توتا انت

مالك حضنها و آيه بدالت الحضن بحب 

..

في جناح يوسف و فيروز

يوسف كان قاعد علي الكنبه وفيروز بتقعد علي السرير وبتبصله : مش هتيجي تنام يا يوسف ولا ايه

يوسف بصلها : عاوز اتكلم معاكي

فيروز : نتكلم بكرا يا يوسف بجد عاوزه انام

يوسف : مش هينفع بكرا

فيروز : في ايه طيب

يوسف : ايه دا اللي قولتيه انهارده مع البنات

فيروز بإستغراب : قولت ايه مش فاهمه

يوسف : ميقدرش يرفض اني منزلش الشغل دا انا مسيطره 

فيروز : اها قولت كدا

يوسف : يعني فاكره اهو طيب كويس

فيروز : عاوز تقول ايه بردو مش فاهمه

يوسف : مكانش ينفع تقولي كدا انا بوافق علي كل اللي انتي عوزاه ومبرفضش عشان من حبي فيكي وعشان متزعليش مش عشان مسيطره والكلام دا ونتي دلوقتي مش فاهمه أن هما دلوقتي هيشوفوني من غير شخصيه ومراتي هي اللي كلمتها بتمشي

فيروز : ايه اللي انت بتقوله دا ليه كبرت الموضوع دا كان هزار

يوسف : في كلام مينفعش يتقال في الهزار يفيروز

فيروز اتكلمت دبش وعصبيه : هو في ايه يا يوسف قولتلك هزار مش عاوز تفهم ليه وتبقي غبي

يوسف اتعصب ورفع ايدو عليها واتكلم بعصبية : فيروز ..