رواية عانيت لأحبك الجزء الثاني2 الفصل الحادي والاربعون41 والثالث والاربعون43 بقلم فاطمه محمود

" رواية عانيت لاحُبك 2 "

                    صرت انت

" البارت الواحد والاربعون "

" الكاتبة فاطمة محمود "

نهي: أنا حاولت بكل الطرق أبعد الخطر عنها بس للأسف...

نهي سكتت والعيلة كلها ركزوا معاها والقلق بقى مسيطر على المكان 

فريد بخوف باين في صوته: للأسف إيه ديما كويسة أنا متأكد.. اتكلمي متفضليش ساكتة

فريد علي صوته في آخر كلامه ونهي أخدت نفس وبدأت تتكلم: ديما دخلت في غيبوبة

فارس: غيبوبة إيه اللي بتتكلمي عنها ديما كانت كويسة

نهي: ديما كانت مخبية عليكم الخطر الليعلي حملها وكل يوم كان بيكبر جوا بطنها مع الجنين وكان ممكن احتمال كبير إنها تفارق الحياة بس بفضل ربنا هي لسه عايشة

فريد بعصبية: إنتي مجنونة مين دي اللي تفارق الحياة دا كان تعب حمل مش أكتر

نهي: أنا فاهمة حالتك يا أستاذ فريد بس دي الحقيقة

اكيد كلكم كنتوا ملاحظين التعب والوجع كان مستمر معاها

طول فتره حملها ونا شخصياً كتير إنها تنزل الجنين في أول شهور حملها بس هي في كل مره كانت بترفض

فريد: ونتي كنتي عارفة كل دا وساكتة ليه دي حتي صاحبتك كان عادي تشوفيها بين الحياة والموت وتفضلي ساكتة وانا اتكلمت معاكي كتير عشان أعرف أي حاجة ونتي اللي كنتي بترفضي

نهي: أنا حاولت.. حاولت كتير أتكلم مع حضرتك وديما كانت بتمنعني لأنها عارفة لو عرفت بحملها كنت هتنزل البيبي فورًا وهي كانت عاوزة تكمله عشان متحرمكش من البنوتة اللي كنت بتتمناها... هي كانت مدايقة من اللي بتعمله بس عملت كل ده عشانك إنت

فريد هز راسه ومبقاش قادر يسند نفسه قرب منه زين ومسكه وآسر خد منه البنت وزين قعده على الكرسي

نور دموعها نزلت وقربت من نهي ومسكت إيديها: إمتى هتفوق من الغيبوبة دي

نهي طبطبت على إيد نور: ادعيلها تخرج منها في أقل وقت

عن ازنك

نهي مشيت وفارس قرب من نور وسندها

فريد كان قاعد مهزوم من الحياة اللي أخدت منه كل حاجة جه سيف وقعد جنبه: فريد إنت دلوقتي هتبقى الأب والأم لبناتك وإحنا هنبقى جنبك وهنعدي زي كل مرة ماشي يحبيبي

فريد كان ساكت ومبيردش وكأنه في عالم تاني

شهد نزلت دمعتها وقربت من فريد وحطت إيديها على كتفه

قربت ممرضة من آسر: ممكن البنوتة لأنها محتاجين يدخلوا الحضانة

آسر: اتفضلي

الممرضه اخدت البنوته وممرضة تانيه اخدت البنت من

يوسف ومشيوا

حياة كانت واقفة وبتعيط في صمت وزين بصلها واخدها في حضنه

سيف: قوم يفريد اطمن على ديما عشان تروح وترتاح شوية

فريد هز راسه ومشي من غير أي كلمة ويوسف مشي معاه

عشان ميبقاش لوحده

سيف: يلا يجماعة روحوا

نور: أنا مش هروح لازم أشوف ديما

فارس: سيف معاه حق يا نور بكرة تبقي تشوفي ديما أنا عارف لو شوفتيها مش هتعرفي تسيطري على نفسك فأرجوكي ده مش وقت عناد أبدا

يوسف: يلا يا نور وإنتو يا شباب كل واحد يمشي بمراته

الشباب كل واحد خرج بمراته ويوسف طلب من مالك يمشي معاهم وهو فضل مع فارس وسيف

يوسف: اللي حصل لديما صعب علينا كلنا وشخصيًا أنا بس إحنا لازم نبقى أقوى من كدا.. وإنت يا سيف فريد محتاجك جنبه.

سيف هز راسه: هعمل كده أكيد

فارس فضل ساكت وهو زعلان على بنته: أنا مش قادر أصدق لحد دلوقتي إني مش هقدر أشوف ديما تاني قدامي حاسس إني مذنب في اللي حصلها إزاي مخدتش بالي على بنتي هو حريتي ليها ولحياتها خلتني أب مهمل ومفكرش فيها أبدًا

يوسف: اللي حصل مش من تصرفاتك تجاهك يا فارس لاا

ده المكتوب ومحدش مننا يقدر يغيره وإنت كنت أب مثالي لبنتك مش معنى إنك مش بتدخل في حياتها إنك مهمل.. إحنا دلوقتي محتاجين ندعم بعض ونبقى إيد واحدة وكله هيبقى تمام

سيف: يا رب

...

فريد أول ما وصل هو ويوسف وبقى قريب من الأوضة الموجودة فيها ديما وقف

يوسف بصله: متقفش يا فريد إنت محتاج تطمن نفسك على ديما

فريد اتحرك ووقف قدام الأوضة وقرب من الشباك ويوسف

وقف جنبه..

شاف ديما نايمة وحواليها الأجهزة ووشها شاحب ومفيهوش الروح بتاعتها اللي كان بيحب يشوفها علطول

يوسف اتحرك خطوتين لورا بانه يسيب فريد علي راحته  فريد حط إيده على الإزاز وعيونه متثبته على ديما

Flash back

فريد كان قاعد ماسك اللابتوب وديما قاعدة جنبه على الكنبة وبتسند براسها على كتفه

فريد: وبعدين يا ديما أنا كده مش هعرف أركز ولا أشتغل

ديما بتكتم ضحكتها: هو ده المطلوب أصلا

فريد: انا لازم أخلص الشغل دا مينفعش يتأجل

ديما بعدت وبصتله بدلع: ليه مينفعش يتأجل

فريد: عشان مهم جدا ومستعجلين عليه

ديما: ودلع مراتك مش مهم

فريد: بصي أخلصه بس ووعد مني هفضل أدلعك زي ما إنتي عايزة

ديما مسكته من التيشيرت بتاعه: لاا ما هو الدلع ليه معاد ومعاده مبيتأجلش

فريد بص للاب بتنهيدة: يا ديما حرام عليكي بجد مش وقته دلع

ديما قامت وهي بتضربه في كتفه بخفة: ماشي يحبيبي بس بعدين لما تيجي تتكلم معايا متسألنيش مالك يديما

لسه هتمشي فريد مسك إيديها وشدها ليه فبقت على رجليه وفي حضنه: تصدقي أنا مبقاش ليا نفس للشغل

ديما وهي بتقاوح: لاا كمل شغلك لتترفد من الشركة

فريد قفل اللاب وحطه قدامه وبصلها: والله

ديما: والله وأوعى كده سبني

فريد لف إيديه حواليها وحبسها: أهو كدا مش هتعرفي تقومي

ديما حاولت تفلت منه: إنت فاكر كده هتمنعني

فريد: اها

ديما وهي بتفكر: إنت بتتقوى على واحدة حامل؟ ده افترا

فريد ضيّق عيونه وضحك: امم ماشي ياستي أنا راضي 

ابقا مفتري

ديما: طب مفيش حل يعني

فريد: الحل إنك تستسلمي

ديما: ديما تستسلم مستحيل يحبيبي

فريد: مستحيل اها

وقرصها فريد من وسطها فديما صرخت بضحك وحاولت تضربه

فريد مثل إنه اتوجع: اها مش قادر، دراعي وقف

ديما ضحكت وفريد بصلها وضحك معاها

End Flash back

فريد حس إن صدره بيتقطع دمعة نزلت غصب عنه مسحها بسرعة 

يوسف حط إيده على كتفه: يلا بينا يا فريد وبكرة هنرجع نطمن عليها

فريد هز راسه بصمت وبص لديما نظرة أخيرة... نظرة واحد بيودع روحه قبل ما يمشي مع يوسف

...

في فيلا العيلة

الشباب والبنات طلعوا على أجنحتهم ورجالة العيلة قاعدين في الريسبشن والصمت مالي المكان والماميز موجودين في التراس

شهد: الناس شكلها حسدتنا على لمتنا الفرحة مبتكملش ولازم تحصل مشكلة في عيلتنا

آية مسكت إيدها: إيه اللي بتقوليه ده يا شهد دي واحدة مؤمنة بقضاء ربنا

مريم: شهد من زعلها مبقتش عارفة تقول إيه والله يكون في عونها... بس بلاش تزعلي نفسك ديما إن شاء الله هتفوق من الغيبوبة وهتبقا زي الفل

نور: بعد سنة أو سنتين يكونوا بناتها كبروا ومش عارفين مامتهم

سلمى بصدمة: سنة إيه اللي بتتكلمي عنها ديما هتفوق قريب أكيد معقول اللي انتي بتقوليه دا

ملك: تفاءلوا يا بنات الزعل والحزن مابيرجعوش حاجة وديما الحمدلله بخير هي بس مش هتبقى موجودة معانا الفترة الجاية

أسما: وفترة ومش هتطول وهترجع تنور بيتها وتاخد بناتها في حضنها

الباب اتفتح الشباب دخلوا الفيلا

فريد ماشي بتوهان ومش شايف حد وطلع على السلم على طول

مالك قام ومراد وعمر ومصطفى بصوا لبعض وقربوا من سيف ويوسف وفارس

مالك: طمنونا

سيف: الحمدلله ديما والبنات كويسين

مراد: ربنا يطلعهم بالسلامة

فارس: يا رب

يوسف: طيب يلا يا شباب كل واحد يروح فيلته ويرتاح شوية

الماميز خرجوا من التراس عين شهد جت على فريد وهو طالع السلم لوحده قلبها وجعها وراحت لشباب

نور: عملت إيه يا فارس

فارس هز راسه: مفيش أي حاجة نقدر نعملها غير إننا ندعي إنها تقوم بالسلامة

مراد: تصبحوا على خير يجماعة

الشباب: وإنت من أهله

خرج مراد وعمر ومصطفى كل واحد بمراته

والشباب كل واحد قرب من مراته وطلع جناحه

...

في جناح زين وحياة

حياة كانت نايمة على مخدة في نص السرير ودموعها بتنزل بصمت

زين جنبها وإيده علي شعرها: يا حبيبتي إنتي من أول ما جيتي وإنتي مش مبطلة عياط. كده غلط عليكي وإنتي حامل

حياة بصوت مبحوح من العياط: أنا كنت دايما بعملها وحش بس والله كنت بهزر معاها وهي عارفة دا كويس بس أنا خلاص مش هعملها كده تاني بس هي ترجع لفريد ولينا

زين: كلنا عارفين كده يا حياة وديما لو كانت هنا اكيد 

هتزعل منك 

حياة قامت وبصتله بدموع: يعني هي مش زعلانة مني

زين مسح الدموع اللي نازلة على خدها بصوابعه: لأ مش زعلانة يا روحي بس هتزعل لو فضلتي تعيطي وتأذي نفسك

حياة: حاضر هبطل والله

زين حط ايديه علي خدها: هتبقا كويسه وهتقوم عشان تعاتبك على خناقاتكم الهبلة

حياة ابتسمت من بين دموعها وهزت راسها وزين اخدها

في حضنه

...

فريد دخل جناحه وفضل واقف جنب الباب

عينه بتلمس كل تفصيلة في الأوضة وكل ركن بيصرخ بديما

مشي خطوتين لحد السرير افتكر صوتها وهي بتقوله: كان

نفسي افضل معاك اكتر من كدا

نزل على ركبته وحط إيده على السرير مكان ما كانت بتقعد ديما وانهار

وعيط من كل قلبه كان عامل زي طفل ضاع من أمه ومش لاقيها

فريد وبين شهقاته: ليه يا ديما عملتي فيا كده أنا مش هقدر أكمل من غيرك إنتي كنتي بالنسبالي أهم حاجة ياريتني ما قولت إني نفسي في بنت كل اللي حصلك بسببي أنا... أنا الوحيد المذنب

إنتي كنتي دايماً بتداري وجعك قدامي وأنا زي الغبي مأخدتش بالي اتعصبت عليكي وإنتي كل همك تسعديني عمري ما هسامح نفسي

حط راسه على السرير وفضل يعيط كتير لحد ما نفسه اتقطع ومبقاش حاسس بنفسه

بص جنبه وشاف بلوزه ليها مسكها وحاول يتنفسه ريحتها

منها ورجع يعيط المره كان بصوت عالي نسبيا

...

صباح جديد  

في جناح يوسف وفيروز

أول خيوط الشمس كانت داخلة من الشباك  

فيروز صاحية من بدري نايمة على جنبها وبتتأمل وشه وهو نايم عيونها كلها حنية وقلق عليه

يوسف اتحرك فتح عيونه بالعافية ولما شافها ابتسم غصب عنه: صباح الخير

صوته

فيروز ردت بهدوء وهي بتعدل خصلة من شعره: صباح الخير يا حبيبي

يوسف مد إيده يدور على موبايله على الكومود: أنا شكلي نمت كتير ولا إيه 

فيروز مسكت إيده قبل ما توصل للفون: الوقت لسه بدري متقلقش

يوسف ساب الفون ورجع عيونه ليها تاني: طب وإنتي إيه مصحيكي بدري كدا

فيروز قربت منه أكتر مسكت دراعه: نمت امبارح غصب عني... قبل ما أشوفك وأطمن عليك أنا آسفة  

يوسف هز راسه وطبطب على إيدها:ولا يهمك يا حبيبتي عادي انا اني آسف اني اتاخرت

سكتت ثانية وبصت في عينه مباشرة: يوسف... إنت كويس

هو سكت الابتسامة اختفت من على وشه واتبدلت بزعل مكتوم: اها... كويس

فيروز خدت نفس: أنا عارفة إنك متدايق

وسؤالي غبي أصلاً... طبيعي تزعل على ديما هي أختك

يوسف بص قدامه وبعدين ليها: فاهمك مش لازم تشرحي تمام  

يوسف قام قعد على حرف السرير: طب أنا هقوم أروح الشغل

فيروز اتعدلت بسرعة: ما تفضل النهاردة إنت تعبان هو يوم واحد بس

يوسف: مش هينفع أتأخر فريد حالته مش تسمح إنه ينزل والشغل مش هيخلص من غيري لازم أبقى موجود

فيروز فهمت: ربنا معاك

يوسف مسك إيدها قبل ما يمشي وباسها بوسة طويلة فيروز ابتسمت له ابتسامة وقام يوسف ودخل ياخد شاور

...

تحت في المطبخ

شهد نزلت من الجناح وشها باهت: صباح الخير يا بنات

آيه وسلمي رفعوا راسهم سوا: صباح النور يا شهد

آيه قربت منها وقلقها باين: عامله إيه دلوقتي يا شهد 

شهد خدت نفس: الحمدلله... نور منزلتش

سلمي: لاا لسه

شهد: طيب أنا هخرج أجهز السفرة

آيه: أنا وسلمي هنعمل كل حاجة إنتي بس اقعدي وارتاحي

  

شهد: لأ أكيد مش هقعد وما اسعدش

خرجت شهد آيه وسلمي بصوا لبعض في صمت

سلمي: بتهرب نفسها في أي حاجة

آيه: أيوه... ربنا يريح قلبها

...

شهد كانت رايحة لاوضة السفرة بس وقفت فجأة

ورجعت دخلت التراس بصت من فوق على الجنينة

ولمحت فريد نايم على كرسي خشب تحت الشجرة 

نزلت على السلم اللي بينزل للجنينة بسرعة وقعدت على الكرسي اللي جنبه 

مدت إيدها وحطتها على كتفه براحة: فريد... فريد

فريد فتح عينيه بتوهان وبص لها: في إيه يا ماما

شهد بصت للجنينة حواليهم: حبيبي... إنت بتعمل إيه هنا

  

فريد سرح وبص قدامه: جيت أقعد هنا شويه... وشكلي نمت

شهد: طب وسبت جناحك ليه

 

فريد سكت وبص للأرض: مقدرتش أفضل في الجناح كنت بتخيلها طول ما أنا فيه بفتكر كل كلمة قالتها ليا قبل ماتدخل في الغيبوبة 

خد نفس طويل ورجع شعره لورا بإيده

قلب شهد اتقطع مسكت إيده جامد بين إيديها: عشان خاطري يا فريد... خليك أقوى من كدا

فريد بص لها عينيه بكسرة: بحاول يا ماما

شهد قامت وسندته: يلا قوم اطلع خد شاور وانزل نفطر سوا

فريد قام من غير ولا كلمة 

شهد مسكت إيده ومشيت معاه للفيلا 

...

في جناح فهد وداليدا

فهد واقف قدام المرايا بيقفل زراير قميصه  

داليدا قاعدة على طرف السرير شايلة آدم في حضنها وبتتأمل وشه وآدم ساكت بزيادة

فهد لمحها نظراتها لآدم في المرايا: مالك يا داليدا

داليدا بخوف امومي: آدم... من امبارح وهو ساكت مبقاش يعيط زي الأول كتير  

فهد لف وبص لهم وقعد جنبها على السرير: طيب الحمدلله إنه بقا هادي شوية

داليدا: بس انا قلقانة عليهم وعايزه نروح لدكتور نطمن عليه

فهد مسك إيدها: حاضر هنروح لدكتور نطمن عليه

بص فهد لآدم اللي كان فاتح عينه وباصص لهم بتركيز وهو ساكت: بصي عليه... شكله الأستاذ مش عاجبه قعدته وعايز يكبر بسرعة

داليدا باست راس آدم: دلوقتي يكبر بسرعة وما وما نحسش بالوقت

فهد مد إيده ومسك خد ابنه الصغير: حاسس إنه هيبقا حاجة حلوة أوي

داليدا سندت راسها على كتفه: دا أكيد هيبقا يحبيبي وهيبقا مفيش منه اتنين أصلا

فهد ضحك من قلبه: يا بختك باعم آدم اجمل ورده بتمدح

فيك

داليدا ابتسمت علي كلا فهد

فهد مسك الجاكت بتاعه وباس راس داليدا: عايزه حاجه

قبل ما امشي

داليدا: لاا يحبيبي خد بالك من نفسك

فهد: حاضر... هتنزلي معايا

داليدا شالت آدم: ايوا

خرجوا من الجناح ونزلوا علي السلم سوا

فهد: لما اخلص شغل هرن عليكي تجهزي اجي اخدك

انتي وآدم

داليدا: ماشي

نزلوا وقعدوا علي السفره

فهد وداليدا: صباح الخير

الكل رد: صباح الخير

مريم: هاتي آدم يداليدا وحشني

داليدا ابتسمت واديت آدم لمريم: اتفضلي

ليلي بتاكل كعادتها: هو ساكت النهاردة ليه

داليدا: حب ميدايقكش بس

ليلي: فيه الخير والله

ادهم: طيب اتفضلي كملي اكلك

ليلي: حاضر

...

في فيلا العيلة

الريسبشن سكوت تماما

الشباب قاعدين كل واحد في ناحية لاول مره يكونوا موجودين سوا بدون هزار سيف اللي متعودين عليه

ومناغشه فارس اللي بتعمل جوا وهدوء مالك في مالك

وتدخل يوسف ما بينهم عشان ينهي الموضوع

في المطبخ البنات واقفين مع الماميز بيحضرو الفطار في صمت وغزل ودانيه معاهم

شهد قاعدة على كرسي جنب السفرة 

وحياه كانت بتحط في الاطباق علي السفره

شهد رفعت عينها لها واتكلمت بصوت هادي: حياه... حطي الأطباق دي واطلعي شوفي فريد خليه ينزل يفطر معانا

حياه بصتلها: حاضر يا ماما

وخرجت حياه وطلعت لفريد وشهد اتنفست بعمق وقامت

وبصيت لسيف اللي ساكت ودخلت المطبخ

...

في الشركة

يوسف ركن عربيته ونزل. أول ما دخل الشركة فونه رن

بص في الشاشة وابتسم: العريس بنفسه بيكلمنا

يامن من الناحية التانية بصوت واطي: عشان تشوف طول عمرك واطي

يوسف وهو داخل الأسانسير: أنا قولت أسيبك على راحتك النهاردة

يامن: طمني عليك إنت وأخبار الشركة إيه

يوسف وقف ثانية وتنهد: كل حاجة اتغيرت في ثانية يا يامن

يامن اتعدل في قعدته: في إيه يا يوسف قلقتني

يوسف: متشغلش بالك لما أشوفك نبقى نتكلم مفيش حاجة مهمة

يامن: أنا عمو فارس حكالي

يوسف فتح باب مكتبه ودخل وقفله: يعني بابا قالك إن ديما دخلت في غيبوبة

يامن بصدمة: إنت بتقول إيه امتى حصل الكلام دا

يوسف قعد على الكرسي: أفهم من كدا إنك مش عارف يعني إنت بتوقعني

يامن: ما إنت مش عايز تتكلم أعملك إيه كان لازم أخليك تقول لوحدك

يوسف: المهم متقلقش خير إن شاء الله

يامن: ماشي إنت في الشركة دلوقتي

يوسف: أيوه لسه واصل من شوية

يامن: طيب أسيبك تشوف شغلك

يوسف: تمام مع السلامة

يامن: سلام

قفل يامن 

نغم دخلت عليه بالصينية وحطت الفطار قدامه وقعدت جنبه على الكنبة: مالك في إيه

يامن: مش عايز أنكد عليكي في يوم زي دا

نغم: أنا طول عمري حظي زي الفل قول بس إنت

يامن ضحك وبعدها ضحكته اختفت مرة واحدة: أخت يوسف دخلت في غيبوبة

نغم حطت إيدها على بوقها: ديما

يامن: أيوا

نغم بزعل: إزاي حصل دا وهي حامل أصلا

يامن: مش عارف أي حاجة يا نغم.. بقولك إيه فريد أكيد

 مش هيبقى موجود في الشركة والشباب احتمال يكونوا موجودين أو لأ بسبب اللي حصل أنا لازم أروح الشركة ليوسف

نغم مسكت إيده: أكيد لازم تروحله وأنا كمان هروح معاك

يامن: تروحي فين مش هينفع يا نغم

نغم: مش هينفع ليه أنا هعمل حاجة غلط

يامن: مش غلط بس إحنا متجوزين امبارح فأنا بقول افضلي في الشقة احسن

نغم بصت للشقة ووشها اتكدر: وأفضل بين الأربع حيطان دول أبص عليهم

بصتله بسرعة: لأ حرام عليك يا يامن خدني معاك وأهو أفضل قدامك

يامن: والله هي فكرة حلوة بس معتز بيه هنعمل فيه إيه

نغم: هو هيكون في الشقة أكيد مش هيقفلنا على السلم  يعني ولا مين شاف ولا مين دري ولو شافنا يعني متقلقش 

دا أنا بقيت حبيبته

يامن ضحك: ماشي موافق

نغم: نفطر عشان منتأخرش

يامن: يلا نفطر

...

في فيلا العيلة

على السفرة

العيلة كلها قاعدة الأطباق مليانة بس محدش بياكل 

دخلت حياه من الباب ووقفت في مكانها ساكتة وشها أصفر

شهد رفعت راسها ليها على طول: فريد فين يا حياه

حياه: فريد مش موجود في جناحه يا ماما

شهد بصت لسيف: هيكون راح فين

سيف حط إيده على دراعها بهدوء: اهدي يا شهد فريد أكيد في المستشفى عند ديما

شهد قامت واقفة: إنت هتفضل قاعد ومش عارف ابنك فين

الكل سكت تاني

نور كانت باصة في طبقها رفعت عينها لفارس: فارس إنت قولت إني هشوف ديما النهاردة

فارس بصلها وملامحه هديت شوية: حاضر كلنا هنطمن عليها

رجع الصمت تاني بس المرة دي كان أتقل

...

في المستشفى

أمام غرفة الرعاية

فريد واقف قدام الإزاز إيده في جيبه وعينه مش بيشيلها 

من على ديما ثانية واحدة وشه متجمد

خطوات تقيلة قربت منه

دكتور في منتصف الثلاثينيات وقف جنبه: أستاذ فريد  

فريد بصله من غير ما يتحرك: أيوا

الدكتور مد إيده: أنا دكتور سامح المسؤول عن حالة مدام ديما

فريد سلم عليه: أهلا بيك... طمني حالتها إيه

سامح خد نفس: هكلمك بصراحة... هي لسه معدتش مرحلة الخطر بس الحمدلله مفيش أي مضاعفات مفاجئة حصلت لحد دلوقتي ودي حاجة كويسة عشان نعرف نسيطر عليها

فريد لفله بجسمه كله: أنا مش فاهم... هي كويسة ولا لأ

سامح: هي مستقرة حالياً آها بس الخطر لسه موجود ومحاوطها

فريد ضحك ضحكة مكسورة: كويسة إزاي وهي ممكن في أي لحظة

وسكت. بلع الكلام الباقي

سامح حط إيده على كتفه: متقلقش أنا متابع حالتها ساعة بساعة الخطر بيبعد عنها بس ببطء شديد

فريد: يعني مينفعش أخدها معايا البيت

سامح بحسم: لاا البيت دلوقتي مستحيل أي حركة غلط ليها دلوقتي خطر لو عدت مرحلة الخطر تقدر تاخدها عادي بس ساعتها هتحتاج رعاية واهتمام 24 ساعة

فريد عينه رجعت على ديما: أنا هبقى معاها طول الوقت هي بس تخرج

سامح ابتسم: ادعيلها... إن شاء الله تقوم بالسلامة.. عن ازنك

فريد مسكه من دراعه بسرعة:دكتور... ممكن أدخل أشوفها

سامح بص للساعة: تمام بس أرجوك متتأخرش جوا دقيقتين عشان صحتها

  

فريد: حاضر مش هطول

سامح طبطب عليه: ربنا يقومها لك بالسلامة يفريد

سامح: الله يسلمك شكراً يا دكتور

فريد: العفو على إيه

مشي سامح

فريد بص علي ديما من الازاز ومشي تجاه باب الأوضة وفتحه براحة عشان يدخلها

اول مدخلها سند راسه علي باب الاوضة واتحرك عندها

قعد علي الكرسي اللي قدامها ومسك ايديها وسمح

لدموعه تنزل

...

الشركة

في مكتب يوسف

باب المكتب اتفتح مرة واحدة

دخل يامن ومعاه نغم

يوسف رفع عينه من الورق اللي في إيده وبص لهم بصدمة: هو إيه اللي أنا شايفه دا

نغم وقفت بفخر: مش مصدق صح

يامن قعد على الكرسي اللي قدامه: أنا مستحيل كل دا يحصل وأفضل قاعد في البيت

يوسف ساب الورق: لأ إنت بتهزر يا بني إنت امبارح متجوز

نغم: ما دا الأحلى خدنا فسحة من أول يوم لينا

يوسف سند ضهره: مجنون متجوز مجنونة مش هشوف عيال هادية أبداً في الشركة دي

يامن ضحك: دول هيعملولك سكر في الشركة يا عم يوسف

يوسف ضحك غصب عنه: لأ مش عايز أشوف السكر كفاية عليا أبوهم

نغم: طيب بقولك إيه أنا مشيت الولد اللي برا دا لأنه مش فاهم حاجة وأنا هروح أستلم الشغل وأشوف لو عك في حاجة

يوسف شاور بإيده: اتفضلي يا أستاذة

نغم خرجت من المكتب

يامن اتعدل قعدته: يلا احكيلي اللي حصل

يوسف وشه اتقلب مرة واحدة: مش عارف فجأة فريد خد ديما على المستشفى وولدت وهي لسه في السابع واتصدمنا إنها دخلت في غيبوبة

سكت ثانيتين وبص ليامن: هو إنت مش جاي عشان تشيل أم الشغل دا معايا قوم يا خويا على مكتبك

يامن قام: ماشي أنا هروح المكتب وهبقى أرجعلك برضو

يوسف: ماشي

يامن خرج ويوسف رجع لشغله

...

في المستشفى

قدام حضانة الأطفال

فريد واقف قدام الازاز وعينه على بناته اللي نايمين جوا نفسه يطمن عليهم

ممرضة طلعت من جوا وابتسمت له: هما الحمد لله صحتهم كويسة وتقدر تاخدهم النهاردة

فريد رفع راسه ليها وابتسم ابتسامة مكسورة: تمام

الممرضة هزت راسها ومشيت

نهي كانت جاية من عند ديما أول ما شافته قربت منه: إزيك يا أستاذ فريد

فريد بص لها: أهلا يا دكتور نهي

نهي: لسه مطمنة من الدكتور على ديما وهي الحمد لله حالتها مستقرة

فريد هز راسه: شكرا على اهتمامك

نهي: متقولش كدا ديما صاحبتي.. طمنوك على البنات

فريد: اها الحمد لله كويسين أقدر أخدهم معايا كمان

نهي: طيب الحمد لله حمد لله على سلامتهم

فريد: الله يسلمك

نهي: لو احتاجتك اي حاجه انا موجوده

فريد هز راسه

ونهي مشيت والعيلة كانوا جاين علي فريد وقربوا منه

شهد أول ما شافته: كدا يا فريد تخرج من غير ما تقول وتقلقني عليك

فريد: آسف يا ماما بس كنت عايز أطمن على ديما والبنات

نور قربت: طمني. الدكتور قالك إيه

فريد: محتاجة تفضل في المستشفى شوية لحد ما تسترجع صحتها

حياه: طيب والبنات؟

فريد: هيخرجوا النهاردة ويروحوا معايا

سيف حط إيده على كتف فريد: ربنا يعيشهم في حضنك لآخر العمر يا حبيبي

فريد: يا رب

آسر: طيب أنا هروح أخلص ورق خروجهم.

مشي آسر ومعاه أدهم

فهد قرب من فريد: ربنا هيرجعلك سعادتك أضعاف بس اصبر شوية وقت

فريد بصله: ونا صابر

فارس بص للبنات: طيب يلا يا بنات أوصلكم بتهيألي وجودكم ملوش أي لازمة تاني اطمنوا على ديما وتمشوا

نور بصتله بغضب: إنت ليه يا فارس عايز تبعدني عن ديما بأي شكل

فارس بصلها وسكت

يوسف دخل في النص: فارس بيتكلم صح يا نور وجودكم ملوش داعي دلوقتي روحوا جهزوا جناح فريد عشان رجوع البنات

نور: تمام

مالك: طيب يلا عشان تشوفوا ديما

الماميز والبنات مشيوا مع مالك ناحية أوضة ديما

فريد بص للشباب: تقدروا ترجعوا لشغلكم 

سيف: نطمن على البنات وهنمشي

...

في المستشفى

في عيادة دكتور الأطفال

الدكتور كان بيكشف على آدم بالسماعة فهد واقف جنبه متوتر وداليدا قاعدة على الكرسي وعينيها على ابنها ومش بتتحرك

الدكتور خلص كشف وقعد على كرسيه وكتب حاجة في الملف: 

فهد قرب: طمني يا دكتور

الدكتور: بص يا أستاذ فهد آدم معندوش أي حاجة عضوية الحمد لله صدره كويس ودنه كويسة مفيش حرارة

فهد: أمال ماله بقاله يومين ساكت ومش بيعيط

الدكتور بص لآدم وبعدين ليهم: في أطفال في السن دا بيتأثروا بجو البيت التوتر العياط الصوت الواطي آدم 

ممكن يكون حاسس بالقلق اللي حواليه

داليدا استغربت: يعني إيه حاسس بالقلق ده لسه بيبي

الدكتور ابتسم: أيوا بيبي بس بيلقط كل حاجة الأم لو قلقانة الطفل بيقلق البيت لو ساكت هو كمان بيسكت الموضوع نفسي مش عضوي

فهد وداليدا بصوا لبعض

...

برا العيادة

فهد ماشي وداليدا جنبه شايلة آدم

داليدا: إنت مصدق اللي الدكتور قاله

فهد: مش عارف بس لو كلامه صح يبقى آدم زعلان علي ديما

والبنات

داليدا ضحكت نص ضحكة: طبعاً مش راجل البيت وقلقان على خالته وبناتها

فهد: طيب يا راجل البيت. يلا قدامي على البيت نهدي الجو عشانك

داليدا: ما هو صغير علي أنه يهدي البيت يفهد

فهد ابتسم وخرجوا من المستشفي

...

في جناح فريد 

الماميز والبنات واقفين وفريد قاعد جنب بناته على السرير 

دانية: حمد الله على سلامة البنات يا فريد

فريد وعيونه على البنات: الله يسلمك 

شهد: طيب هات البنات يبقوا معايا أنا ونور يا فريد 

فريد بصلها: بناتي هيفضلوا معايا 

نور: معاك إزاي يعني 

فريد: قلت إيه مش مفهوم 

نور: هو أنت هتفضل في البيت يعني قدام البنات وهتسيب

شغلك 

فريد: اها هقعد عشانهم 

حياة: خلاص سيبوه مع البنات متضغطوش عليه 

سلمى: يا حبيبتي هو مش هيعرف يتعامل معاهم 

آية: تربية البنات صعبة يا حبيبي مش زي ما أنت فاهم 

فريد: أنا هحاول أتعلم كل حاجة 

نور: مفيش فايدة فيك 

خرجت نور من الجناح 

شهد: فريد 

فريد: لو سمحتي يا ماما أنا مش هرجع في قراري 

شهد: طيب أنا موجودة لو احتجت أي حاجة 

فريد: تمام 

خرجت شهد وباقي البنات فضلت حياة قعدت جنب 

البنات وابتسمت على شكلهم وهو بيبصوا حواليهم 

وبيحركوا أيديهم 

حياة بصت لفريد: شكلهم يجننوا 

فريد ابتسم بحزن: عقبالك يا حبيبتي 

حياة: أنا لو هجيب قمرات كده عايزة دلوقتي حالا 

فريد بص لبناته ومبسوط بس فرحته ناقصها كتير 

...

الشركة 

في مكتب يوسف متجمعين الشباب ومعتز 

موجود معاهم 

معتز: أنا بجد مش قادر أستوعب اللي أنا سمعته منكم 

ديما دخلت في غيبوبة ومحدش يقولي

فارس: أنا من وقت ما سمعت الخبر وأنا حاسس الدنيا 

وقفت 

يوسف: معرفناش نفكر ولا حتي نقولك يمعتز

معتز: طيب ايه انا عارف أنه صعب بس انتو مش هتفضلوا حاطين ايديكم تحت خدكم لازم تشتغلوا تلهوا نفسكم في

اي حاجه وهتعدي زي ما غيرها عدي

سيف: يارب

معتز: فريد فين يسيف

سيف: في البيت مع البنات

معتز: هياخد وقته وهيفوق ويعرف لازم ايه يعمله ونتو

يرجاله يلاا علي شغلكم

خرج معتز من المكتب وشاف يامن ونغم واقفين بيتكلموا 

استغرب وراح ليهم: أنتو بتعملوا إيه هنا 

يامن ونغم بصوا لمعتز 

يامن: بابا أنا طلبت منها متجيش وهي اللي أصرت 

معتز: هتشرحلي إيه يا أستاذ 

نغم بصت ليامن بأنه يبرر لمعتز: حضرتك أكيد عرفت باللي 

حصل لديما وإحنا أول ما عرفنا مقدرناش نفضل في البيت ونسيب مستر يوسف والشباب لوحدهم وقلنا لازم نيجي 

معتز ابتسم: طول عمرك جدعة وطيبة يا نغم مش زي الأهبل 

ده مبيفكرش أبدا 

نغم ضحكت ويامن بص لها: يعني جوزك بيتهزأ قدامك وأنتي 

بتضحكي 

نغم هزت راسها 

معتز: يا رب على طول أخلي الضحكة متفارقش وشها 

يامن: أنت كده هتيجي على ابنك 

معتز حط إيده على كتف يامن: حظك معايا 

ورجع بص لنغم: أنا عرفت إن الشاب اللي جبته سكرتير 

ليوسف مشي يا نغم 

نغم: يعني ينفع يبقى في منافس معايا في الشركة يا بابا 

وبعدين أنا رجعت وهظبط الدنيا 

معتز: مفيش منافسة أصلاً لأنه هيخسر قدامك 

نغم: حبيبي يا ناس أنا هروح أشوف شغلي 

معتز: روحي يا حبيبتي 

نغم مشيت ومعتز بص ليامن وشاف ابتسامة على وشه 

معتز: مالك 

يامن: مبسوط من علاقتكم 

معتز ابتسم: وأنا مبسوط إني عندي ابن زيك وبنت زي نغم 

يامن: ربنا يخليك لينا 

معتز: ويخليكم ليا يا حبيبي

...

قاعدة غزل على الكنبة وبتعيط الباب بيتفتح 

بيدخل أيان وأول ما بيشوفها بيقرب منها بسرعة وبيقعد 

جنبها وبيمسك إيديها: مالك يا غزل بتعيطي ليه 

غزل رفعت وشها ليه: كمان بتسألني ومش عارف 

أيان: وأنا هعرف إزاي يا حبيبتي وأنا طول النهار في الشغل 

غزل: ألا افتكر قبل ما تروح شغلك قلت إيه 

أيان: هكون قلت إيه يا غزل وبعدين إيه دخل دا بالموضوع 

غزل: ما هو ده السبب يا حضرت الظابط

أيان ساب إيديها ورجع بضهره على الكنبة: غزل أنتي بقيتي 

بجد غريبة 

غزل شاورت عليه: شوفت بتستهزأ بزعلي إزاي وكمان الصبح 

بتقولي فين القميص ومتعصب عليا أنت اتغيرت أوي يا أيان 

أيان: أنا اتعصبت عليكي يا قلب أيان 

غزل: اها أنت 

أيان: طيب حقك عليا مقصدش إني أعلي صوتي عليكي 

ولا اقدر اني أزعلك 

غزل مسحت دموعها زي الأطفال: ما أنت قدرت 

أيان ابتسم على شكلها وغزل بطلت عياط فجأة وبصتله 

أيان: إيه أتعصب عليكي دلوقتي يعني 

غزل: لا كدا كفاية خليني ألاقي سبب لبكرة 

أيان كتم ضحكته: تمام 

غزل الزعل باين على ملامحها: أنا مفتقدة ديما يا أيان 

وزعلانة أنها مش موجودة معانا 

أيان قرب منها وحضن ضهرها: هترجع تنور الفيلا تاني 

يا حبيبتي 

غزل: يا رب 

أيان: طيب أنا هقوم أخد شاور وننزل سوا 

غزل هزت راسها وأيان قام دخل الحمام 

...

بيخرج فريد من الحمام بسرعة على عياط بناته 

فريد: بتعيطوا كده ليه يا بنات 

فريد وقف: أكيد جعانين 

واتحرك وهو بيدور على الببرونة: ديما تعالي شوفي البنات 

لحد ما ألاقي الببرونة ما أنا مش هينفع أعمل الحاجتين سوا تعالي سكتي البنات  

فريد سكت وقطع كلامه لما أدرك اللي بيقوله وعياط البنات 

زاد وبصلهم وهو مش عارف يعمل إيه 

دخلت نور وشهد وكل واحدة معاها ببرونة وكل وحده شالت بنوته وبعد شويه سكتوا وأكلوهم

نور بصتله: عاوز تخليهم معاك وأنت مش عارف تتصرف 

معاهم شكلك عاوز تضيعهم من إيدينا زي ما ضيعت ديما 

فريد عيونه على نور وقلبه اتكسر من كلام نور وخرج 

من الجناح فورا 

نور بصت لشهد بتأنيب الضمير: أنا والله مقصدش اللي قلته 

يا شهد أنا بس 

شهد قاطعتها: أنا عارفة يا نور زعلك على ديما وشوفتك 

للبنات وهما بيعيطوا خلوكي تقولي كلام مفكرتيش فيه 

نور: فريد أكيد زعل مني صح 

شهد طبطبت على إيديها: متقلقيش أنا هتكلم معاه 

نور: ماشي 

...

نيمت نور البنوتة في سريرها وفي نفس اللحظة دخل 

فارس الجناح وقعد على الكنبة بتعب 

نور قامت وراحت لفارس وقعدت قدامه على الترابيزة 

نور: خدت البنت من فريد وهتفضل معانا 

فارس: طيب كويس عشان تهدي شوية وتبطلي خوف 

وعصبية 

نور حطت إيديها على إيده: فارس أنا آسفة على طريقة 

كلامي معاك النهاردة أنت أكيد فاهم إني الفترة دي بتعامل 

بطريقة أنا مش بتعامل بيها نهائي غير لما أكون زعلانة بجد 

فارس مسك إيديها: وأنا عمري ما أزعل منك وسكت بس 

عشان عارف الكلام ده مش من قلبك 

نور سكتت شوية ورجعت بصتله: نفسي اللي إحنا فيه ده 

ميطولش نفسي أشوفها وحشتني يا فارس 

مش عارفة ليه بيحصل كده معانا ليه زعلنا على يوسف وأهو 

دلوقتي ديما الحمد لله على كل حاجة بس أنا تصرفاتي بقت وحشة جدا بسبب كل اللي بيحصل لدرجة إني جرحت فريد وأنا والله مقصدش 

فارس: حصل ايه يحبييتي كملي

نور: قلتله كلام بايخ وهو بس كل همه يكون مع بناته 

نور اتكلمت بصوت مخنوق ودموعها في عينها 

فارس مسك خدها: اهدي يا نور خدي نفس واحكيلي اللي 

حصل 

نور هزت راسها: هحكيلك 

...

في جناح سيف وشهد 

سيف قاعد قدام التلفزيون بيتفرج بس عقله 

مش مركز ابدا 

شهد قاعدة وعيونها على البنت وبتقوم لما اتأكدت انها 

نامت وبتروح عند سيف وبتقعد جنبه: بتتفرج على ايه 

سيف: والله ما عارف 

شهد بصتله: سرحان في ايه 

سيف بصلها: فيكي 

شهد: هو الغزل حلو بس مش بالكدب يا عزيزي

سيف ابتسم نص ابتسامة 

شهد: طيب انا هطلع اشوف فريد وانت خد بالك من البنت 

سيف مسك ايديها: بلاش سبيه لوحده الاحسن 

شهد: كنت عاوزة بس اطمن عليه هو 

شهد سكتت وسيف ركز معاها 

سيف: في ايه يا شهد 

شهد اخدت تنهيدة طويلة: نور من غير ما تقصد ضايقت 

فريد 

سيف: طيب ليه ايه حصل يعني عشان تضايقه 

شهد: فريد رفض ان البنات يفضلوا معانا ولما طلعنا انا ونور 

بالصدفة دخلنا عليهم كانوا بيعيطوا وفريد واقف مش عارف يعمل حاجة 

سيف بص قدامه: هتعدي ان شاء الله 

شهد ميلت عليه وسندت على كتفه ومسكت دراعه: سيف 

سيف: ايه يا حبيبتي 

شهد: خايفة تحصل خناقة كبيرة ومنقدرش نتفاهم 

سيف ميل على راسها: احنا عيلة واحدة وهنفضل كدا حتى 

لو اتخانقنا او حصلت مشاكل بينا 

شهد: متأكد 

سيف: اكيد متأكد 

...

نور كانت لسه صاحية ومش عارفة تنام بصت لفارس واتأكدت انه نام وقامت خرجت من الجناح نزلت تحت 

وخرجت في التراس وقفت شوية وهي بتتنفس بضيق 

وشافت فريد بيتمشى نزلتله على السلم وراحت عنده

نور: فريد 

فريد وقف وبصلها ومتكلمش اي كلمة

نور: انا اسفة اني قولتلك كدا والله مش من قلبي وانت 

طول عمرك كنت مع ديما جنبها وبتعمل لها كل اللي عايزاه 

انا اعصابي متوترة بنتي بعيدة عني وانا علطول متعصبة 

عشان خاطري متزعلش

فريد فضل يبصلها وهو ساكت وقرب منها حضنها: انا اللي 

آسف اني مسمعتش كلامكم واسيب البنات معاكم انتو اكيد تعرفوا تهتموا بيهم اكتر مني.. بس كنت عايز احاول ابقا اب بجد وابقا معاهم..انا فكرت في كلامك وكان معاكي حق 

يا عمتو هنزل الشغل وأرجع اعيش الحياة عشان بناتي وهفضل على امل ديما ترجعلي

نور: احسن قرار فكرت فيه وهنعدي طول ما احنا سوا 

يا حبيبي

فريد بعد عنها وابتسم: ان شاء الله يا عمتو

نور: انت كويس دلوقتي

فريد: صدقيني كويس اها انا زعلت من كلامك بس فوقت وحسيت ان فعلا مينفعش اعمل كدا في البنات وانتي وماما هتكونوا معاهم

نور: ومع باباهم كمان

فريد ابتسم وهز راسه

...

بتصحى دانية فجأة وبتحس بوجع في بطنها وبتتكلم بقلق: هو في ايه انا مالي النهاردة

سكتت شوية وهزت راسها: ارجعي حاولي تنامي يا دانية 

مفيش حاجة

رجعت نامت ولسه هتغمض عيونها قامت بسرعة ومسكت 

بطنها: لا انا مش قادرة اتجاهل الوجع دا

وبصت لآسر النايم جنبها وحطت ايديها على كتفه: آسر 

يا آسر فوق

آسر بنوم: اممم في ايه

دانيه: قوم بسرعة

آسر فتح عينيه وبصلها: مالك يا دانية

دانيه: مش عارفة حاسة بوجع في بطني جامد

آسر مسك ايديها: اكيد بيتحرك ولا حاجة ارجعي نامي 

يلا

دانيه: انت رايك كدا

آسر: ايوا

دانيه رجعت نامت في حضنه وآسر حضنها ونام 

وهي لسه مفتحة عيونها بخوف وصرخت مرة واحدة 

وبعدت عنه وقامت وآسر فاق بعدها بفزع: بتصرخي ليه 

دانيه: انا مش قادرة انام وجع صعب يا آسر حاسة اني 

هموت منه

آسر غمض عيونه بتعب: يا حبيبتي ارتاحي عشان الوجع 

دا يخف ويروح

دانيه: انا لو فضلت اكتر من كدا احتمال يجرالي حاجة

دانيه خلصت كلامها وبصت على آسر اللي نايم وصرخت 

فيه: يا آسر قوم انا مبهزرش وانا شكلي بولد

آسر فتح عينيه وبصلها: هو انتوا ايه حبكم تولدوا في نص 

الليل انا مش فاهم

دانيه: هو بمزاجي يعني انا لو بايدي مش هخليك تقرب 

مني عشان انا الوحيدة اللي بشيل الليلة في الاخر

آسر: انا بقا متخرفيش هو كان بمزاجي انا بس وبعدين 

انا لو اقدر اولد مكان كنت عملتها عشان مشوفكيش 

بالشكل دا

دانيه بصتله وابتسمت وآسر ابتسم ولسه هيقرب منها 

دانيه صرخت في وشه

آسر: في واحدة تصرخ في وش جوزها كدا

دانيه: آسرر انا مش قادرة خلاص

آسر قام من السرير: طيب انا هروح اجبلك هدوم اغيرلك 

وبعدين انا هغير عشان منتأخرش

آسر مشي 

دانيه بتكلم نفسها: شكله بيحلم ومصدق

آسر جاب هدوم لدانيه وقرب منها ولسه هيشيل من على 

جسمها البيجامه دانيه وقفت: انت هتعمل ايه

آسر: هغيرلك

دانيه: هو انا صغيرة عشان تعمل كدا وانا مش هوافق

آسر مسك دراعها: بقولك ايه مش وقت كسوف دلوقتي احنا 

في ايه ولا ايه

دانيه: يا آسر انا مش بهزر

آسر: وانا مش بهزر 

وكمل كلامه آسر بجرأة: وبعدين وحشني جسمك وعايز اشوفه

دانيه زقته وقامت من على السرير وهي ماسكة بطنها 

آسر مشي وراها ومسك ايديها: رايحة فين

ودانيه هتتكلم شده ليه

...

في المستشفى 

الساعة 8 صباحا

اتنقلت دانية اوضة عادية بعد ما ولدت وقاعدة على السرير 

وآسر قاعد جنبها شايل ابنه والعيلة متجمعة حواليهم

يوسف: مبروك يا ولاد

آسر ودانيه: الله يبارك فيك يا عمو يوسف

مالك: يا ربي في عزك يا حبي

آسر بصله وابتسم: هتربي في عز جدو مالك 

مالك ابتسم وآية قربت من آسر وآسر بصلها وادهالها

آية ابتسمت: نفس لون عيونك يا آسر

آسر: طالع زي لابوه

ايان قرب من آية وماسك ايد غزل في ايديه: واكيد هيطلع 

نفس رخامته مش كدا يا زوزو

غزل ضحكت: لاا آسر لذيذ مش رخم

آسر: قلبي انتي اللي دايما رافعة راسي ومقوياني على 

على المفتري دا

ايان: مفتري هاا اسكت عشان بقيت بابا ولو حصلك حاجة 

هيبقا شكلك وحش

آسر بهمس: احم منك لله

حياة: عارفة يا ايان ابن آسر دا عايز تربيتين لانه الشخصية 

هتبقا كوكتيل منهم

ايان ضحك: والله معاكي حق يا حياة

آسر: يعني هو سكت انتي هتتكلمي ما تشوف مراتك يا عم 

زين

زين بصلها: تقول اللي هي عايزاه

آسر: هو مين مقوي قلبها غيرك

شهد بهمس لسيف: هو فريد فين

سيف بنفس الهمس: عند ديما

شهد هزت راسها

وبعد هزار ما بين الشباب اطمنت العيلة كلها على ديما 

ودانيه خرجت مع آسر وابنها اللي شرف

...

في فيلا العيلة 

كلهم اتجمعوا في الريسبشن عشان يباركوا لدانيه

مريم بصت لآدم: تعال عندي يا دودة

داليدا بصت لابنها اللي شايلاه: تروح عند تيتا

آدم كان بيبص لبنت فريد اللي شايلاها حياة

حياة شافت نظراته ليها: ابنك بيعاكس بنت اخويا يا داليدا

داليدا بصتله وضحكت: دي نظرة بريئة متكبريش الموضوع

حياة: لو قرب من سيلين انا هضربه اهو

فهد: لاا اطمني ابني محترم زي ابوه

حياة: ما هو كله بيبقا محترم يا فهودة بس يجوا عند المزة 

ويخيبوه

كله ضحك على حياة وزين بصلها بصرم وحياة عينها جت 

عليه

مراد بص لآسر: وبعدين معاك يا آسر متجيب حفيدي شوية 

اشوفه دا من اول ما طلع من العمليات وانت مش عايز تسيبه

آسر: باخد حقي منك يا مراد ولا انت نسيت 

مراد: حق ايه يااض انت جاي تحاسبني انا 

آسر: ما انت كنت فرحان فيا وبتشجعها عليا ولا ناسي 

لما كنا في الساحل

مراد: طيب يا آسر انا المرة الجاية هزودلك الدبل

آسر: لاا يا حبي خلاص مراتي وبقيت اعرف اتعامل معاها

مراد بص لدانيه: يتعامل معاكي ازاي يعني

آسر: كلامك معايا انا يا مارو مراتك مبتدورش على رجالة

مراد: بقيت كدا يعني ماشي يا آسر

العيلة كلها ضحكت على مناكفة آسر ومراد وفريد ابتسم 

نص ابتسامة

وثواني وابتسامته اختفت وسرح وافتكر ديما وذكرياتهم 

سوا حس انه وحيد من غيرها

جواه زعل كبير مش عارف يوصفه ولا عارف يطلعه عشان 

يرتاح ولا عارف يتأقلم من بعدها...

حياة عينها جت على فريد وشافت زعله اللي بيحاول يخفيه وبصت لغزل: غزل امسكي سيلين

غزل اخدتها منها: حاضر

وبدأت غزل تلاعب فيها وحياة قامت وقعدت جنب فريد 

على حد الكرسي حطت ايديها على كتفه.. فريد فاق من تفكيره وبصلها

حياة: انت كويس

فريد ابتسم ابتسامة تداري وجعه: كويس يا حياة

حياة بدأت تتكلم عشان تنسي فريد زعله شوية: سيلين 

طالعة لعمتو لما تكبر هنعمل دماغ عنب

فريد ضحك: دا كدا كدا

حياة بصت على سيلا اللي شايلاها فيروز: انما سيلا دي 

ما شاء الله عليها هادية وتجيب الاكتئاب زيك يا فريد

فريد كانت عيونه على بنته وبص لحياة: انا كدا

حياة: اها

فريد مسكها من ودنها: والله

حياة: اها يا فريد بهزر معاك يا عم كبرتي في مرة دا انا هبقا 

مامي

فريد سابها: اكبري انتي عشان نشوفك كبيرة ونحترمك

حياة: لاا انا هفضل صغيرة وهزقوني عادي معنديش مشكلة

فريد ضحك: مش بقولك انتي اللي جايبة لنفسك عدم القيمة

حياة ابتسمت على ضحكة اخوها وسندت بايدها على كتفه: انا ضحكتك وفرحتك عندي يا فريد اهم حاجة

فريد ابتسم ومسك ايديها: متحرمش من يا حياتي

حياة: قلب حياتك

حياة قامت من جنب فريد وراحت لغزل وفضلت تلاعب 

سيلين 

فريد بص لابن فهد شوية وهو بيفكر وبعدين بص لفهد: انت 

ازاي معملتش سبوع آدم يا فهد

العيلة كلها بصت لفريد وهما مستغربين ازاي بيسال ونسي 

غيبوبة ديما

فريد: بتبصولي كدا ليه انا قولت حاجة غلط

ملك: لاا يا حبي بس انت عارف

فريد قاطعها: عارف ايه ان ديما في غيبوبة ومينفعش نعمل 

اسبوع آدم ديما باذن الله هترجع لما ترجع لوعيها بس دا مش 

معناه اننا نفضل مكتئبين

داليدا: عادي يا فريد آدم خلاص هيبقا ليه سنة

فريد: وفيها ايه انتوا تعملوا السبوع بتاعه مع ابن آسر 

اتأخر شوية بس معلش سامحوني بس انا الفترة اللي 

فاتت كانت صعبة عليا اني اصدق

عمر: متقولش كدا يا فريد احنا مش زعلانين بالعكس احنا دلوقتي مبسوطين انك بقيت فاهم ورجعت تكمل شغلك 

طبيعي ومع بناتك في نفس الوقت

فريد: اللي حصل دا بفضلكم انا من غيركم محدش كان هيبقى مع بناتي ولا كنت هعرف اركز على شغلي او عليهم

آسر: طيب بمناسبة الكلام الحلو دا احنا برضو معملناش 

لسيلا وسيلين فـ ايه رايكم يبقا السبوع ليهم كلهم

حياة: موافقين طيب ولو توافقوا وتاخدوا ابني معاكم 

هتبقا احلى واحلى

آسر: لاا احنا مش فاضيين لابنك يا اختي انتوا لسه مطولين

حياة بصت لزين: بكرة ينور حياتنا يا قرة عيني

زين ابتسم

آسر: مش وقته خالص يا حياة

حياة: اي وقت وقتنا يا عيني 

عيط ابن آسر وهو شايله ودانيه قامت اخدته منه: هات 

انا هطلع بيه

آسر: ماشي

دانيه طلعت ومعاها آية وملك يطمنوا عليها عشان متحتاجش حاجة 

الشباب بدأوا يتكلموا مع بعض وفيروز وحياة شايلين 

بنات فريد والبنات معاهم بيتكلموا

...

في جناح ادهم وليلى

ليلى كانت واقفة قدام المرايا وبتبص على نفسها 

وهي لابسة الدرس

ادهم خرج من اوضة الدرسينج روم وبيزرر زرار كم القميص 

وبيرفع عيونه لـ ليلى: خلصتي يا ليلى

ليلى لفت وبصتله: هو انا بس اللي شايفة شكلي وحش في 

الدريس 

ادهم: هو ضيق شوية البسي غيره

ليلى: لا يا ادهم هو اللي حاططني في دماغه وضيق نفسه 

عند معايا عشان عارف اني مقررة اني البسه

ادهم بعدم استيعاب: الدريس عمل كل دا

ليلى رجعت بصت لنفسها في المرايا: اها هو

ادهم: طيب معلش الحمل برضو تخنك حبتين وهو ضاق 

عشان كدا بس البسي غيره

ليلى بصتله في انعكاسه في المرايا: قصدك اني تخنت 

وكرشت وبقيت وحشة يا ادهم ومبقتش عاجباك

ادهم وهو هينهي الحرب قبل ما تشتغل: مين دي اللي تخنت دا انتي زي القمر وانا اللي بقيت تخين واقرف والدريس دا يلعن ابوه اللي يزعلك عارفة تعملي فيه ايه عشان تضايقيه زي ما ضايقك تلبسي غيره يا لولي

ليلى: صح يا دومي انت بتتكلم صح وتاخد بوسة عليه كمان

ادهم غمز ليها: طيب هاتي يلا

ليلى: مش عايزة اتأخر دلوقتي يا ادهم وانا كمان لسه هلبس 

ومخلصتش

ادهم: ماشي بس انا مش هنسى وليا عندك بوسة

ليلى: ماشي

ادهم: سامحني يارب على الكدب دا

ليلى: بتقول حاجة يا ادهم

ادهم: بقول انا هستناكي تحت يا حبيبتي اول ما تخلصي انزلي 

مش عاوزين نتأخر على آسر هو هيطق لوحده

ليلى: حاضر

ادهم خرج وليلى مسكت الدريس التاني ودخلت الحمام

...

بيدخل فريد اوضة ديما القديمة وبيبصلها وهي نايمة على السرير وبيبتسم وبيكون شايل بناته الاتنين وبيدخل يقرب 

منها وبيقعد على السرير وبيبص للبنات: دي ماما يا قمراتي 

عارف كان نفسكم تشوفوها من وقت ما اتولدتوا بس اكيد 

هتعيشوا سوا احلى سنين انا متأكد من دا واوعدكم

ورجع عيونه على ديما: بناتنا بقوا ليهم النهاردة 3 شهور يا ديما زي النهاردة نوروا حياتنا انا وانتي يحبييتي انا عارف انك متعرفيش شكلهم لحد دلوقتي بس انا هستنى انك ترجعيلنا انا والبنات عشان نرجع نعيش سوا.. وحشتيني اوي يا ديما

فريد نزلت دمعته من غير ما يحس ومسك ايد ديما وباسها 

بوسة طويلة يعبر عن اشتياقه لوجودها

شاب ايديها وقام وقف بصلها شوية وخرج من الاوضة

...

في جنينة فيلا العيلة 

كلهم كانوا موجودين والشباب متجمعين سوا 

الماميز معاهم الاطفال والبنات كانوا في ركن بعيد عنهم شوية 

ليلى ماسكة طبق فيه حلويات وبتاكل: بجد كل حاجة 

ناقصة في غياب ديما كان نفسي تكون معانا ومع بناتها

داليدا بصتلها: احسن حاجة قولتيها من وقت ما مسكتي 

الطبق دا ومش سايباه.. بس بجد معاكي حق كل حاجة 

ناقصة

دانيه: يااه لو تيجي دلوقتي ياريت بجد وتبقا معانا في 

يوم زي دا

فيروز: ربنا بيعمل المعجزات 

غزل: عدى تلت شهور على غيابها بنات هي ممكن ديما تطول 

بجد

حياة بهزار: اطول فين لاا ديما عندها دم وهتقوم بسرعة 

معاها بنات عايزين تربية بذات سيلين دي شقية جدا

دانيه: عارفين انها ديما كلها حركاتها ونظراتها

فيروز ابتسمت: ما هي سيلين زي ديما وسيلا زي فريد

ليلى: انا مش عارفة ليه يا بنات نقيت اجي على الزعل 

وباكل كتير ليه

داليدا: يا حبيبتي انتي ليكي 8 شهور على الحال دا من يومك وانتي كدا 

ليلى: لا انا مكنتش باكل كدا في الاول

حياة: طبعا اكيد... حرام عليكي يا ليلى دا انتي ناقصه تاكلي 

في دراع ادهم

ليلى ضربت حياة والبنات ضحكوا وفكوا شوية

فريد كان واقف جنب الشباب وعيونه على بناته وبتتحط

فجأة ايد على كتفه وبيحس باحساس غريب وبيلف وبيبص 

وبيفضل ثابت بدون اي حركة كأنه مصدوم...