وفي الوقت ده شوقيه وقفت قدامه وقالت
شوقيه
طلقني يا زهران انا مش عايزه اعيش وياك بصراحه أكده من ساعه ما البت دي دخلت القصر وانا حاسه ان كل شي اتغير
ووقف قدامها زهران وقال ليها
زهران
شكلك اتجننتي في مخك عاد لما تقفي قدام زهران وتقولي ليه طلقني يبقي اتجننتي في مخك بصحيح امشي من قدامي عاد لاحسن والله انتي مش خابره انا ممكن اعمل فيكي ايه
وبعدها سابها ومشي وراح عند عم قمر
العم
يادي النور يا ادي النور معقول الكبير حدنا هنا في الدار اا مش قادر اصدق والله الا هو فيه اي اياك البت قمر
تكون عملت حاجه
زهران
اسمع يا محروس الكلام اللي هقولوا انت ملكش صالح عاد ب ليله انت خابر ولا لا واياك تجيب ليها سيره الجواز من اللي اسمه صالح ده
محروس
ايه يا كبير في الكلام اللي إنت بتجوله ده عاد هو أنا عايز غير الستر لبنت أخوي زي ما جوزت أختها وقولت إن ده نصيبها وسترها وأنا شايف إنه حلال ليك و حرام على غيرك وإنت عارف زين إن أهل البلد كلهم بيتكلموا وبيقولوا إنك جوزت بنت أخوك لراجل كبير وإني ساكت
زهران
إنت اتجننت في مخك ولا إيه يا محروس إنت واقف قدام زهران واياك اسمع الحديد ده انا الف واحد يتمني أنه يناسبني
محروس
يا كبير أنا مش قصدي أزعلك ولا أقف قدامك بس البنية أمانة في رقبتي وأنا خايف عليها من كلام الناس وخايف ان حد يسألني ليه ما سترتش بنت أخوك لما جالك الراجل اللي طالبها
زهران
اقفل خشمك يا محروس ومش عايز أسمع الحديد ده تاني وانا قولت كلمتي. وخلصت اياك اسمع موضوع الجواز ده تاني
محروس
حاضر يا كبير اللي تشوفه هو اللي يكون وأنا مش هفتح الموضوع تاني بس إنت عارف إن كلامي كله من خوفي على البنية
زهران
خوفك عليها خليه في قلبك ومتخليش الخوف يعميك عن الصح مش تجوزها لواحد زي ده
وسابه زهران ومشي وهو متعصب وفضل محروس واقف مكانه مش عارف يعمل إيه
وفي الوقت ده كانت قمر قاعدة مع ليله في المندره جوه الدار وكانت ليله باين عليها الخوف وقالت
ليله
أنا خايفة يا قمر ومش مطمنة خالص أنا خايفة عمك يرجع يفتح موضوع صالح تاني وخايفة زهران بيه مهما كان كبير البلد ما يقدرش يقنعه إنه يصرف نظر عن الجوازة وأنا مش عارفة أعمل إيه
قمر
إنتي مش خابره مين زهران ولا إيه يا ليله ده زهران لو قال كلمة في البلد...... البلد كلها تسمعها وبعدين إنتي خايفة من إيه وإنتي موجودة معايا أهو محدش يقدر يقرب منك ولا يجبرك على حاجة طول ما أنا واقفة جنبك واللي عايز يكلمك يعدي عليا الأول
ليله
بس أنا مش عايزة أكون سبب في مشاكل بينك وبين شوقيه ولا عايزة أخلي زهران يدخل في خلاف معاه عمك بسببي أنا بس نفسي أعيش في أمان وأختار حياتي بنفسي من غير ما حد يقرر عني
قمر
وإنتي من النهارده مش لوحدك يا ليله واللي فات خلاص فات وإحنا هنقف قدام أي حد عايز يجبرك على حاجة وإنتي متخافيش من كلام الناس ولا من تهديدات عمك طول ما الحق معاكي
وفجأة باب الأوضة اتفتح وخرجت شوقية وهي شايلة شنطة هدومها وملامح الغضب باينة على وشها فقامت قمر بسرعة وبصت لها باستغراب
قمر
إيه ده يا شوقية إنتي شايلة شنطة هدومك ورايحة على فين بالليل ده هو حصل إيه
شوقية
إنتي مالك يا بنت الناس أنا خارجة من دار جوزي بإرادتي ومش مستنية إذن من حد واللي حصل بيني وبين زهران محدش له صالح بيه بس خليكي عارفة إن وجودي البيت ده من يوم ما دخلتيه هو اللي قلب كل حاجة فوق وتحت
قمر
أنا مش فاهمة إنتي بتلوميني على إيه يا شوقية أنا ما طلبتش من زهران يسيبك ولا طلبت منك تمشي من دارك ولو بينك وبينه خلاف اتحاسبوا عليه بعيد عني
شوقية
لسه هتعملي فيها بريئة يا قمر إنتي من يوم ما دخلتي حياتنا وزهران اتغير وأنا شايفة بعيني إن نظرته ليكي مش زي الأول وأنا مش هقعد أتفرج على جوزي وهو بيبعد عني بسببك
وفي الوقت ده ليله قربت وقالت
ليله
يا شوقية بلاش تظلمي قمر هي ما عملتش حاجة ليكي وإنتي عارفة إن اللي حصل بينك وبين زهران كان موجود قبل ما البنية تدخل حياتكم
شوقية
إنتي كمان هتدخلي بيني وبين جوزي يا ليله ولا إيه واضح إن الدار كلها بقت الحريم اللي بتتكلم فيها
وبعدها مشيت وراحت بيت عرفان اخوها وليله وقفت جنب اختها.وقالت ليها
ليله
هنعمل إيه دلوقتي يا قمر وأنا خايفة ان زهران يعرف انها هملت الدار وساعتها هيعمل مشكله كبيره
قمر
اسمعيني يا ليله أنا مش عايزة زهران يعرف أي حاجة من اللي حوصل ده دلوقتي إنتي سامعة كلامي زين ولا لأ لحد ما نشوف هنعمل إيه ونحاول نكلم ست نرجس يمكن نقدر نهديها ونرجعها دارها من غير ما الموضوع يكبر وتوصل الحكاية لزهران
ليله
بس إنتي عرفتي منين إنها هتروح عند ست نرجس بالذات وإنتي حتى ما سمعتيهاش بتقول إنها رايحة هناك
قمر
هي ملهاش مكان غير بيت أخوها يا ليله وإنتي عارفة شوقية زين لما تزعل ما بتروحش غير عند نرجس وتفضل قاعدة هناك لحد ما تهدى وبعدين يا بنتي بلاش نكبر الحكاية دلوقتي وإنتي اطلعي أوضتك ونامي وسيبيها على ربنا وأنا هتصرف
ليله
حاضر يا قمر وربنا يسترها مش عارفه اي اللي بيحوصل ده المشاكل ورانا ورانا
قمر
اطلعي يا ليله نامي وأنا عارفة بعمل
طلعت ليله أوضتها ودخلت قمر أوضتها وبعد شوية سمعت صوت خطوات زهران في الدار ولقت الباب بيتفتح وزهران وقف على الباب وبصلها
زهران
إنتي لسه صاحيه يا قمر ولا إيه أنا دخلت أوضتك بس علشان أعرفك إن عمك خلاص صرف نظر عن موضوع الجواز اللي كان عايز يفرضه على ليله ومش هتسمعي اسمه تاني في الدار
قمر
طول عمري بقول عليك سيد الرجالة وربنا يخليك ليا يا زهران بس أنا ما فهمتش كلمة دخلت أوضتي دي يعني إيه إنت داخل أوضتي علشان تقول لي الخبر وتمشي ولا إنت مش عايز تكون موجود عندي الليلة دي ولا إيه
زهران
لا يا قمر النهارده أنا عايز أكون عند شوقية وأنا عارف إنك لسه عروسة وحقك عليا إني أبقى معاكي بس أنا عايز أروح لها وأشوفها
قمر
وأنا ما عنديش مانع يا سيد الناس إنك تكون عند شوقية دي مراتك وأنا ما اقدرش أقول لك روح ولا ما تروحش بس شوقية راحت بيت أخوها وعرفان شكله تعبان شوية ويمكن تكون راحت تقعد معاه
زهران
هملت دراي والله وما تعرفش أنا هعمل فيها إيه النهارده دي فاكرة إن بيت جوزها لعبة وكل ما تزعل تشيل هدومها وتمشي وتسيب الدار
قمر
طول بالك يا سيد الناس وعلى فكرة شوقية بتعمل كده علشان بتحبك والله العظيم أنا شايفة الحب في عينيها رغم إنها هي اللي عمالة تقول لك اتجوز وعايزة لك عروسة لكن أول ما شافتك بجد مع واحدة تانية مقدرتش تستحمل وحست إن مكانها هي اللي هيتاخد منها
زهران سكت وبص لقمر شوية من غير ما يرد عليها وكأنه لأول مرة بيفكر في كلامها وبعدها لف وشه ناحية الباب ومشي
وفي بيت عرفان كان قاعد معاه نرجس وشوقيه
عرفان
يا بنت ابويا انا مش راضي على اللي انت عملتيه ده وما ينفعش خالص انك تهملي الدار جوزك قومي علشان ارجعك هناك
شوقيه
لو انت مش عايزني في دارك هملني وانا هروح ودار عمك واقعد هناك
نرجس
يبقى عملت ايه رايحه دار عمك ابو زهران يعني برده موجوده في بيته ما ترجعي بيته بقى وخلاص يا بنت الناس
شوقيه
انت بتسكتي خالص ومش عايزه اسمع صوتك انت سبب في كل اللي بيحصل لي ده مش انتي اللي جبتي العروسه
وقبل نرجس ما ترد عليها الباب خبط وراح عرفان فتح
وكان زهران
زهران
خلاص ما بقاليش حكم في بيتي مراتي انا بتهمل دارها وتمشي ده لو واحد كان جاي يشتكي لي من اللي حصول ده كنت قولت طوخ مرتك عيارين
عرفان
اقعد بس يا اخويا مش هينفع نتكلم وانت متعصب بالطريقه دي هي ما هملتش الدار ولا حاجه هي جت هنا علشان تشوفني مش صح
زهران
من ميتااا والحريم بتخرج من دارها من غير ما تقول لجوزها اختك غلطت يا عرفان ولازم تعرف غلطها وطلما هي مش رايده العيشه معايا خلاص كل واحد يروح لحاله
روحي وانتي
شوقيه
لا يا ولد عمي اوعى تطلعها من خشمك انا ما اقدرش اعيش من غيرك لحظه واحده ربنا يعلم انا بحبك ازاي انا بس كل اللي حصل اني غيرت عليك لما شفتك بتحب واحده غيري
زهران
انا عمري ما حبيت غيرك ومين دي اللي تاخد قلبي غيرك بس انت غلطتي غلط كبير انتي اللي عايزه يكون ليا عزوه ولا هو كان لازم وبس
شوقيه
والله ربنا يعلم ان كان حقيقه حقك عليا يا ولد عمي وبا جوزي يا حبيبي
زهران
انا رايح على القصر وزي ما جيتي هنا لوحدك ترجعي بيتك لوحدك ولو حد لمحك انك خارجه من دار اخوك على داري اعتبري نفسك طالق
عرفان
ما ينفعش يا ولد عمي الكلام اللي انت بتقول عليه ده هتحملها كده تمشي لوحدها ومعنى كلامك ان هي تمشي في نص الليل
زهران
اختك غلطت ي عارفان ولازم تتعاقب وانا ما مشيتهاش من داري علشان خاطر اخدها وياي واللي غلط لازم يصلح غلطته
وبعدها مشي
شوقيه
ارجوكي عرفان شوف ليا حل في الموضوع ده انا مش عايزه اتطلق
عرفان
بقى تهدي جنانك شويه وبطلي اللي انتي بتعمليه ده
منك لله يا شوقيه هنصرف كيف دلوقتي
وبعدها روح زهران البيت ودخل اوضه قمر
قمر
خير يا حبيبي عملت ايه جبت مراتك معاك
زهران
اسمعي يا قمر انا عارف انك بتحبي تجيبي حقك ثالث وانطلق وعارف اني شوقيه ساعت عقلها بيفوت بس حبيبك هيكون مرتاح لو انتم الاتنين كنتم كويسين مع بعض
قمر
واني مش عاوزاك تشيل هم اي حاجه طول ما اني موجوده وما تشغلش بالك وعد مني اني اصلح كل حاجه واخر مره يحصل مشكله زي دي
زهران
ياريت يا قمر علشان اني معنديش استعداد اخسرك ولا اخسر شوقيه كل واحده فيكم بقت حته في قلبي يا ريت تفهمو انتم التنين حاجه زي دي
قمر
واني معنديش استعداد اني ازعلك يا زهران وكل اللي انت عاوزه هيحصل وبكره تقول قمر قالت لما تلاقينا سمنه على العسل احنا الاثنين
وعند شوقيه فعلا بعدها ترجع البيت واول لما بتوصل بتروح رايحه ليها قمر واول لما بتشوفها شوقيه بتقول بضيق
شوقيه
خير ان شاء الله جايه هنا تعملي ايه اكيد جايه تشمتي فيا اني رجعت من غير ما جوزي ياخدني معاه
وساعتها قمر مبتردش عليها وبتقرب منها وبتقول بهدوء
قمر
اني عارفه ومقدره كل اللي انتي حاساه وبالذات لو اني مكانك هي كده كده كنت هتضايق بس اني جايه اقولك دلوقتي ان زهران مستحيل يكون مبسوط وانت واني مش كويسين سوا واني جايه النهاردة عشان اقولك نفتح صفحه جديده مع بعض على الاقل عشان خاطر زهران
د
شوقيه
بقولك يا بت انتي اطلعي من الشويتين اللي انتي عملاهم دول مش شوقيه حتة بت زيك تيجي تضحك عليها اني لو كنت خلفت كنت جبت واحده طولك ولو زهران مصدق الشوتين دول اني شوقيه ومستحيل اصدقة
قمر
ملهوش لزوم الكلام اللي انتي بتقوليه ده اني عارفه دلوقتي مفكره اني ليه اتجوزت زهران بس اني والله العظيم اتجوزت علشان خاطر عرفت ان هو راجل عادل وكويس وقلت اكيد هو اللي هيسعدني وبالذات انتي متعرفيش عمي كان بيعاملني ازاي اني واختي
وساعتها شوقيه مبتردش عليها وقمر بتكمل كلامها وبتقول بدموع
قمر
اني عارفه ان الكلام اللي اني هقوله دلوقتي مش هتقتنعي بيه بس والله العظيم اني لما دخلت الدار حسيت ان انتي امي اني عارفه ان الكلمه دي هتزعلك بس اني اتحرمت من امي واني صغيره ولما شفتك قلت ان انتي هتعوضيني عن حنانها ولو ده هيريحك اني هطلب الطلاق من زهران واطلق منه بس تكوني راضيه ومبسوطه
واول لما شوقيه بتسمع كده وبتبص للقمر جامد وبتروح مقربه منها وبتروح واخدادها في حضنها وقالت
شوقيه
هدي حالك يا بت الناس انتي يعني اه كل اللي يشوفني يقول قويه بس اني مستحملش واصل دموع بنيتي قدامي حقك عليا اللي كنت بعمله فيكي
قمر
يعني بجد انتي مش زعلانه مني ومش عاوزاني اطلق والله العظيم لو قلتي ان انتي عاوزاني اطلق هطلق والله
شوقيه
لا طبعا مستحيل اخرب بيتك ولا اعكنن عليك وبالذات ان زهران مبسوط وياكي اني كل اللي كنت بعمله اني متضايقه خفت ان زهران يبعد بعيد عني دي كل الحكايه والي بيحب حد بيحب يشوفو مبسوط واني مش انانيه اكده
قمر
زهران مستحيل يعمل كده انتي متعرفيش ان هو اول لما عرف ان انتي سبتي البيت ومشيتي كان متضايق قد ايه مرضيش يقعد الا لما يجي عشان يرجعك
شوقيه
انت بتتكلمي بجد
قمر
ايوه طبعا هو انتي عندك شك في كده وبالذات ان انتي الحب الاول والاخر ليه
شوقيه
طمنتي قلبي انتي متعرفيش اني كل يوم حاطه ايدي على قلبي وخايفه انه يستغني عني
قمر
لا مفيش الكلام ده يا ست شوقيه ده بالعكس اللي اني متاكده منه ان حبك في قلبه هيزيد عن اليوم اللي بعده
شوقيه
على الرغم من اني متغاظه منك لما بلاقيكي بتدلعي عليه بس بلاش ست شوقيه دي قولي يا اما زي ما انتي اول ما دخلتي الدار كنتي بتقوليها
اول لما قمر بتلاقي كده بتفرح
قمر
يعني انتي مش هتضايقي لو قولتهالك
شوقيه
ابقى عبيطه لو زعلت من كلمه زي دي كفايه لما بتقوليها بحس ان انتي بنتي
وبعدها بتاخدها بالحضن وبتعدي الايام وطول الفتره دي وشوقيه وقمر الدنيا بقت كويسه وفي مره بيرجع زهران من بره وهو لما بيدخل بيلاقي قمر وشوقيه قاعدين وعمالين يضحكوا وساعتها بيقرب منهم وبيقول
زهران
اقول ايه على اللي اني شايفه ده اني مش مصدق عيني والله اللي يشوفكم قاعدين وانتم سمنه على عسل كده ميشوفش اول لما دخلتي البيت يا قمر واللي شوقيه كانت بتعمله فيكي
شوقيه
انت بتتحدث يا زهران يعني اني كنت وحشه قوي كده ما تتكلمي ولا انتي عاجبك الكلام اللي جوزك بيقوله
قمر
هو جوزي اني لوحدي وانت يا زهران بطل حديثك ده انت عاجبك لما شوقيه زعلت ازاي واني مش عاوزاها تزعل خالص
زهران
اني بجد مبسوط من اللي بيحصل مكتش متوقع ان يوم من الايام هتبقوا سمنه على عسل كده وبجد لما بشوفكم كده بخاف احسدكم
قمر بتقرب من شوقيه وبتاخدها في حضنها
قمر
لا خلي عينك بعيد عننا اني وأما شوقيه اني لما صدقت حسيت بحنانها وحنان امي اللي اتحرمت منه
زهران
ربنا يخليكم لبعض سيبكم بس من الكلام ده عشان اني عاوزكم انتم الاثنين في موضوع مهم ليله متقدملها عريس زينة شباب البلد واني عاوزكم تروحوا تتحدثوا وياها عليه وشوفوا رايها عشان هو مستني الرد بتاعي
قمر
طالما هو زين زي ما انت بتقول اعتبر ان احنا موافقين واكيد يعني انت مش هتجيب لاختي حاجه عفشه واني متاكده من اختيارك ليها
زهران
لا طبعا ماينفعش الحديث اللي انتي بتقوليه ده الراي راي ليله هي اللي تقرر هتوافق عليه ولا لا وبقرارها هو اللي هيتم
شوقيه
اللي تامر بيه يا كبير بس قولنا مين العريس علشان نتحدث وياها عليه وفعلا بعدها بيتحدثوا وبيدخلوا عند ليله
ليله
انتم بتتحدثوا بجد معقول صابر زينة شباب البلد متقدملي اني اقرصيني يا قمر قوليلي ان اني مش بحلم
قمر بضحك
اهو صدقتي ان هو حقيقه
ليله
اي حرام عليك يا قمر مش قوي كده اني كنت بهزر وياكي
شوقيه
الف مليون مبروك يا ليله انتي متعرفيش فرحتي بيكي دلوقتي كيف فرحتي ببنتي اللي مخلفتهاش ويمكن اكتر كمان
ليله بتقرب منها وبتاخدها في حضنها وبتقول بدموع
ليله
اني بجد مش عارفه اقولك ايه يا اما شوقيه بجد اليومين اللي اني قعدتهم هنا شفت منك حنان مشفتهوش من القريب مني ولو كانت امي موجوده مكانتش هتفرح زي فرحتك بيا كده
شوقيه
بقولك ايه يا بنيه بطلي حديثك ده احنا مش عايزين نقلبها نكد ولا دموع احنا عاوزين نفضل الفرح موجود بيناتنا ويلا يا قمر تعالي نقول لزهران ان اختك موافقه ومفيش داعي للتاجيل عاوزين نفرح بقى عقبال لما نفرح بخبر حملك عن قريب
وبعدها فعلا بيروحوا لزهران وفعلا كل حاجه بتتم ويوم الفرح بتقرب قمر من شوقيه وبتقول
قمر
خلاص بقى ياما كفايه اللي انتي عملاه ده انتي اكيد تعبتي من الوقفه والناس تعبت علشان يرضوكي وبالذات ان كل حاجه بقت زينه واقعدي بقى كفايه عليك كده
شوقيه
واه واه حديث ايه اللي انتي بتقوليه ده لازم افضل واقفه على رجلي ده فوق راسهم عشان كل حاجه تطلع احسن من اللي احنا عاوزينها ولا انتي عاوزه الحاجه تتخرب لازم كل اللي يدخل هنا يحكي ويتحاكى بواجب ضيافتنا انتي بس اقعدي وريحي حالك وانا ههتم بكل حاجه
لسه جايه قمر تتحدث مابتحسش بنفسها الا وهي فايقه على السرير والداده واقفه جنبها
شوقيه
ما تخلصي يا ام السعد مش معقول كل ده تكشفي عليها طمنينا ايه اللي حصل ليها زهران هيموت بالقلق عليها بره
الدايه
الف الف مبروك الخبر اللي انتم كنتم مستنيينه حصل وقمر زمانها حامل وفاضل كم شهر وتتعبوا بالجري ورا المولود اللي هيجي عن قريب
شوقيه
انت بتتحدثي بجد الفرح بقى فرحين الف الف مبروك يا قمر اني مش عاوزاكي تقومي من مكانك واي حاجه انتي عاوزاها اني هعملهالك سمعتي واول لما بتخلص كلامها شوقيه بتقع بيغمى عليها
اول لما بيلاقوا كده بيتخضوا بعدها الدايه
بتكشف عليها وساعتها بتتصدم
قمر بقلق
فيه ايه يا ام السعد مالك وشك عامل كده ليه طمنيني ع شوقيه كويسه
الدايه
اني بجد مصدومه من اللي اني شايفاه دلوقتي اني مش مصدقه فعلا ربنا قادر على المعجزات الست شوقيه حامل هي كمان وفي الوقت ده شوقيه بتفتح عينيها وبتقول
شوقيه
هو ايه اللي حصل وايه اللي نيمني كده
الدايه
الف مبروك يا ست شوقيه انتي حامل الحلاوه هتبقى حلوتين والفرحه هتبقى فرحتين
واول لما شوقيه بتسمع كده بتتصدم
شوقيه
انت بتتحدثي بجد طب ازاي وبالذات واني في السن ده اتاكدي تاني بالله عليكي
الدايه
اني كشفت عليك اكتر من مره وكل مره اتاكد بالحمل الف الف مبروك اكيد سيد البلد هيفرح بالبشاره دي اني هروح اقوله
وبعدها بتروح نازله وساعتها شوقيه بتبص لقمر لما بتلاقي دموعها نازله
شوقيه
مالك يا قمر انتي زينه اوعي تكوني تعبانه ولا فيكي حاجه
قمر بحزن
لا اني زينه انتي متعرفيش اني مبسوطه بخبر حملك ازاي
شوقيه
بس اللي اني شايفاه غير كده واني مش عارفاكي قولي بسرعه ايه اللي مزعلك
قمر
اللي مزعلني ان خلاص مش هيبقى ليا مكان في وسطكم اني هطلب الطلاق من زهران
شوقيه
حديث ايه اللي انتي بتتحدثيه ده انتي اتجننتي ولا ايه ولا الحمل اثر على نفوخك
قمر
احنا مش هنضحك على بعض وبالذات اني كنت جايه علشان ميبقاش ليا لزوم لما حملتي انتي كمان
شوقيه
اقفلي خشمك ايه اللي انتي بتقوليه ده واخر مره اسمعك بتتحدثي الحديث ده ومفيش خروج من القصر هنا وولادنا هنربيهم سوا وكفايه انتي وشك كان حلو عليا لما دخلتي القصر وحملنا اني وانت سوا واخر مره اسمعك بتتحدثي الحديث ده سمعتي
وبيقطع كلامهم دخول زهران وبيقول وهو مبسوط
زهران
معقول اللي اني سمعته ده انتم الاثنين حوامل لحد دلوقتي مش مصدق اللي اني سمعته ياما انت كريم يا رب كرمك كبير عليا اني كل اللي اني عاوزه تخلوا بالكم على نفسكم انتم الاثنين واي حاجه تطلبوها شاوروا عليها وهتكون عندكم
وفعلا بعدها بتعدي الايام والشهور وبيكون زهران واقف وشايل اولاده الاثنين على ايده وكان مبسوط وبقى القصر مليان ضحك وفرحه وزهران شايل ولاده في حضنه وقمر وشوقيه واقفين جنبه وكل واحدة فيهم حست إنها كسبت عيله وسند وامان لبعض
تمت بحمد الله