محمد بحده… ابقي احلمي انتي تشفيهم.
قفل محمد الاتصال صرخت كامليا وقالت… لا لا كله الا ولادي ليه يا كارم قولتله الكلام ده ليه تخليه يخرمني من ولادك.
كارم اخدها فى حضنه يطبطب عليها وبقهر قال… اسف بس هو استفزني بكلامه قولت اخوفه بجوازك مفتكرتش انه هيجنن بالشكل ده انا هتصل بيه بعد كام يوم يكون هداء وهتأسفله واحاول اقنعه يردك وتسافري لعيالك.
كامليا… محمد مش هيرد على اتصالك انا متاكده لو كان فى امل يردني واسافر لولادي دلوقتي لا مفيش ذره امل محمد على قد بيحب بيكره محمد كان بيغير من حبي واهتمامي بيكم تخيل انه كان بيزع لو، كلمت، ماما وكلمتكم محمد اه بيحبني بس اناني فى حبه حتى ولادي اناني فى حبهم وعشان يوجعني بعدهم عني.
كارم…. انا نازل اسأل محامي ايه الاجراءات اللي نعملها عشان ناخد العيال لحضانتك و.
كامليا قطعته… لا بلاش محامين انا هروح لابوه وامه يقنعهوه .
تاني يوك كامليا راحت بيت اهل محمد اول ما دخلت حماها قال… اتفضلي يا بنتي وقفه ليه.
كامليا بتمسح دمعها… عمي أرجوك قل لمحمد يرجعلي ولادي انا.
قاطعها اخوه… جايه. لابويا وشايله الندي من صباح ربنا عشان تقولي عاوزة عيالك دلوقتي بقوا عيالك ولما سبتيهم وجيتي وكل يوم والتاني محمد يقولك ارجعي العيال تعبانين تتحججي باخواتك خلي اخواتك يرجعولك ولادك وياريت البيت هنا متعتبهوش تاني ورقتك وفى الخارحيه ابقي روحي اسالي عنها. لكن البيت هنا متعتبهوش فاهمه.
كاميليا ببكاء… عاوزة اكلم نينه.
اخو محمد.. ا ارجعي يا كامليا مكان ما جيتي امي سافرت لمحمد من اسبوع عشان تراعي العيال واتفضلي بقي من غير مطرود وياريت تخدي عزالك بالمرة الشقة لازمنا.
كارم… عم الحاج ترضي على بنت من بناتك.
اخو محمد قاطعه…. بناتنا متربين بيسمعوا كلام رجالتهم وما بيبعوش عيالهم خد اختك من سكات وجيب اهلكم لو ليكم خد يعني وخدوا عزال اختك اظن احنا كدا عدنا العيب وازح.
كامليا…حسبي الله ونعم الوكيل فيكم ربنا ياخدلي حقي منكم، وعرف اخوك عيالي هاخدهم ولو بعد الف سنة هخدهم ووقتها لو ركع قدامي مش هيشفهم.
مشيت كامليا وقالت لكارم… وديني لمحامي خلينا نعرف نعمل اي.
كارم…كامليا خلينا نعمل محاولة اخيرة ودي تعرفي حد هناك ممكن يكلمه.
كامليا… اول ما ارجع من عند المحامي هتصل على مرات صاحبه اشرف يكلمه.
بعد يوم تعب عملت كامليا توكيل للمحامي عشان يعمل إجراءات حضانه عيالها
اول ما وصلت البيت اتصلت على جاره ليهم تكون مرات صحبه اشرف قالت… انه عزل ومقلش مكانه فين.
عدة ايام لا بتنام ولا بتاكل من حزنها على ولادها كل يوم تتصل بمحمد تليفونه يرن وميردش حتى جارتها فى السفر تكلمها تقول… مريم طمنيني محمد مكلمش اشرف معرفتوش حاجه عن عيالي.
مريم… لاء يا كامليا اشرف نخلاش خد يعرفه او مدرسة فى المنطقة مسألش فيها ملوش اثر حتى انه راح السفارة سأل عنه قالو بعد ما انهي اجراءات الطلاق مجاش السفارة.
عدت الايام وكل يوم تروح لاهل محمد مرة يردوا عليها ومرة يطردوها كارم وخالها منعوها تروح ليهم
فى يوم وهي فى السوق بتشتري خضار شافت جاره جنب بيت محمد قالت لها… كاميليا عاش من شافك اي يابنتي مبتخرجيش من بيتكم ليا كتير ملمحتش طيفك مرة فى الشارع.
كاميليا ابتسمت وحضنتها وقالت… عامله اي يا ام مجدي وحشاني والله اخبارك واخبار حبايبك واهل البلد.
ام مجدي… كلنا بخير يا حبيبتي والله عارفه وما ليكي عليا يمين احنا زعلنا اوي من اللي حصل وابو مجدي رفض يحضر الفرح وقال انه يعز عليه يحضر جواز محمد على واحدة تانية وعشان محمد ما يزعلش اخد بعضه وراح يزور اخته في العامرية وقال مش راجع غير بكرة الصبح يكون كل حاجة انفضت.
كاميليا وقع كيس الخضار من ايديها وقالت… محمد هنا فى البلد ولادي.
ام مجدي… هو انتي مكنتيش تعرفي انه هنا من اسبوعين وجهز لفرحه من ابله رحاب وهياخدها ويسافر.
كاميليا… ولادي يا ام مجدي ولادي.
ام مجدي… مشفتهمش معه حتى ابو مجدي سأله قال سيبهم مع واحد صاحبه ومرته وهياخد عروسته ويسافر ليهم بعد الفرح علطول.
كاميليا وقعت على الارض مغم عليها محستش بنفسها غير وهي فى المستشفى معلقين لها محلول اتنفضت بسرعة بفزع لقت كارم اخوها وام مجدي وقفين قالت ام مجدي… حمد الله على سلامتك يا حبيبتي سامحيني ياختي كان انقطع لساني قبل ما اقولك.
كاميليا ببكاء… بعد الشر عليكي يا ام مجدي انا ميهمنيش غير ولادي لو علية هو ربنا يسعده مع اللي اختارها بس اللي حاز فى خاطري ولادي انا تعبت من التدوير عليه مخلتش حد اعرفه من زميله فى السعوديه غير وانا مكلمه ويقولي ميعرفش حاجة عنه حتى السفارة رحت كتير نفس الشئ، يقوم بعد كل دا ينزل و يحرمني منهم.
كارم بحزن… انا رحت له اول معرفت قالي… اعتبرهم ماتوا اختك اللي اختارت وبعتهم.
كاميليا… خدني يا كارم ليه انا ه.
كارم… سافر يا كاميليا اخد مراته الجديدة وسافر علطول تلقيه وصل دلوقتي.
كاميليا… ازاي دي ام مجدي قالت فرحه النهاردة.
ام مجدي… قصدك امبارح يا حبيبتي انتي نايمه من انبارح.
كاميليا ببكاء… خدني يا كارم لامه هترجها تقنعه يرجعلي ولادي هى ام و.
كارم… اهدي يا كاميليا ان شاء الله ولادك مسيرهم يرجعوا وهتاخديهم بالقانون وبالشرع والمحامي رفع قضيه عليه اول ما ينزل مصر يتقبض عليه لحد ما يرجع لك ولادك.
ام مجدي… بلاش يا دكتور كارم الطيب احسن روح للعمدة و كبارات البلد خليهم يدخلوا.
كارم… لينا وقت بنقول الطيب احسن يا مدام حتى رفضنا المحامي يرفع قضية ترقب وصول وادي النتيجة جه وسافر.
.كامليا يا هزت راسها وقالت… رجعني البيت يا كارم متشكرة يا ام مجدي ربنا ما يوقعكيش فى ضيقة بلاش حد يعرف الكلام اللي كارم قاله.
رجعت البيت ودخلت اوضتها فتحت الوتس شافت محمد منزل حاله صورته وعروسته وكاتب العوض الجميل.
ردت عليه وقالت مبروك ربنا يهنيك وافتكر ان لو طال الزمن ولا خر نفس ولادي هيجولي.
قفلت التليفون ورمت نفسها على السرير وفضلت تبكي
وتقول… حسبي الله ونعم الوكيل فيك يا محمد زي ما ظلمتني يارب خرج حبه من قلبي واديني الصبر والقوة على التحمل واقدر اكمل اللي جاي.
عدت الايام اخواتها كبروا كوثر انخطبت وفى اخر سنة بالجامعة وكنزي فى ثانوية عامه وكارم فى اخر سنة فى كلية صيدلة وفى يوم كانت
وقفه بتعمل قهوة فى المطبخ دموعها بتنزل وهي سامعه صوت فى المدرسة القريبة من البيت فتحت البلكونه ووقفت تبص على المدرسة بحنين حطت ايديها على صدرها وبوجع قالت…. ّ زي النهاردة من سنين كان اول مرة شفتك يا محمد من اول ما سمعت صوتك وانت بتنظم التلاميذ وانا قلبي انخطف وزاد لما انخبط فيك يوم تعب ماما وزاد اكثر لما رفعت عيوني وشفتك يومها كنت حاسه ان قلبي خرج من مكانه ولحد اللحظة دي يا محمد مرجعش رغم كل اللي حصل كل ما احاول اكرهك وأسي عليك قلبي ما يهونش عليه يفتكرلك كل حاجة حلوة عملتها.
سندت راسها على باب البلكونه وسرحت فى الماضي
بعد ما بعتت له الرسالة اللي باركت عليه فيها قال لها فى الرد… بدل ما اوجعك وجعتني يا حب عمري افتكري دايما انك سبب وجعي وحرماني من السعادة في ايدك ترجعي كل دا لو وافقتي ترجعي بشروطي غير كدا احلمي تشوفي ولادك.
ردت كاميليا بعصبية وقالت… للحظه دى قلبي مش قادر يكرهك ودايما بيحط لك اعذار بس خلاص هدوس عليه بالجزمه القديمة وولادي مسيرهم يوم يرجعولي ومش بس كدا دا انا هجوز واخلف واعيش حياتي مع راجل بجد واعيشه ملك والناس تحسده على السعادة اللي هيعيش فيها وانت خليك عايش مع العوض الجميل اللي بتقول عليه هههه.
رد عليها برساله صوتيه وقال… اعمليها يا كاميليا واتجوزي وحياتك عندي ليكون اخر يوم فى عمرك قبر يلمك ولا غيري يضمك فاهمه كاميليا فاهمه هقتلك ولا تكوني لراجل غيري انتي مراتي ليوم القيامه فاهمه مراتي انا.
كاميليا ردت عليه بانتصار وقالت… ليا سنه رافضه عرسان بالكوم اقسم ما نايمة النهاردة غير وانا مخطوبة لراجل يسواك ولو تفتكر انك هتضغط عليا بالعيال اظن سنين بعاد عني مفرقاش عشره عشرين سنه هخلف غيرهم بدل الواحد عشرة خليك فاكر هخلف عشرة.
محمد رن عليها اكتر من مرة قفلت التلفون بعد ما حظرته ورمت نفسها على السرير تبكي بقهر وقالت… هو انا قلبي حجر زيك يا محمد عشان انسي ولادي وانسي حبك بس لازم ادوس على قلبي واعرفك اني اقدر اقهرك زي ما قهرتني ولازم هنفذ اللي قولت عليه، بس اطمن على البنات وكارم ويعدوا سنتهم على خير.
فاقت على صوت جرس الباب بيرن جامد شهقت بخضه
نادت على أختها… كنزى افتحي الباب ايدي مش فاضية.
كنزى مسكه كتاب فى ايديها وبضيق… يا ابله كامليا انا بذاكر عندي امتحان فى الدرس شفيلك حل وادي كل واحد مفتاح بدل التعب دا كل شوية واحد يرن الجرس واقوم افتح له.
كاميليا… يا حبيبتي بدل الوقفه دى والدرس اللي بتدهولى والحيوان اللي حاطتت ايديه على الجرس مش رفعها يدخل لما خليته ما يقدرش يمد ايده على جرس لسنه قدام مبقاش كامليا، واخلصي افتحي من سكات.
كنزي بضيق… يووه خلاص هفتح اهو يا زفت ارفع ايدك من على الجرس جنا صداع.
فتحت الباب وقالت… مستغني على روحك يا سي كارم ادخل استلقي وعدك يا خفيف.
كارم بلع ريقة… هى ابله هنا مش فى السوق.
كنزي لعبت حواجبها وشورت على كامليا اللي وقفه عند باب المطبخ وماسكه كوباية قهوة فى ايديها وبتقول… اهلا بحامي الحما سندي ومسندي النابغة الدكتور المبجل.
بلع ريقه بتوتر وقال… ابله كملياتو حبيبتي.
كاميليا… بشويش كدا من غير مناهدة ولالك كتير كنت بايت فين وهدومك اللي نزلت بيها فين وخرج اللي فى جيبك كله من غير مناهدة.
كارم بص فى الأرض… اصل يا ابله يعني.
كاميليا… لا أصل ولا فصل، يا راجل البيت يا عاقل لما تسيب تلت بنات لوحدهم فى بيت طويل عريض فى حته هيو غير الافكار اللي بتروح وتجي والخوف والهلع اللي عشوه ليله كاملة من غير ما تطمنهم ولا تقلق عليهم يبقي يتعامل على انه عيل صغير يتحاسب على كل كبيرة وصغيرة، مدام مش حمل المسئوليه حتى رنت تليفون معملهاش.
كارم…. انا اسف يا ابله بس والله العظيم غصب عني أشرف صاحبي عمل حادثة كبيرة على الزراعي رحت انا وصحابي ليه كانت حالته وحشه ومحتاج نقل دم ودخل عمليات المشكله انه قبل ما يدخل طلب مني اروح لولدتة عشان اطمنها عليه وانها ست كبيرة وتعبانه والمفروض عندها جلسة كيماوي وانا مكنش معايا فلوس رحت بعت التليفون واخدت عربية ودتها الجلسة وبعد يوم طويل بينه وبين ولدتة رجعتها بيتها وروقت الشقة وعملت حاجه تاكلها هدومي اتبهدلت الست مهنش عليها بهدلة هدومي صممت اغيرهم والبس غيار من بتوع اشرف.
كاميليا ابتسمت ودمعه نزلت من عيونها مسحتها وقالت… بس كنت اتصلت قبل ما تبيع التليفون او من اي تليفون لصحابك اخدته رنيت منه بدل القلق دا.
كارم… اسف يا ابله بس بصراحة اتكسفت اطلب تليفون من حد غير ما حبتش يعرفوا اني بيعت تليفوني عشان معيش فلوس واتلهيت مع ام اشرف واشرف غير تعبت وعلقت محلول بعد ما اديت اشرف دم وبت فى المستشفى واول النهار ما شقشق جيت جري اطمنكم واغير واروح لاشرف اطمن عليه وبعدين لولدته.
كاميليا بخوف وقفت وقربت منه… تعبت اكيد نسيت نفسك وما اكلتش حاجة مفيش نزول من البيت غير لما تاكل وتريح شوية انت فاهم.
كارم… لا اريح اي انا لازم اروح للست دي تعبانه وا.
قطعته كاميليا… ولا كلمة انا هروح لها بعد ما اوصل كينزي للدرس اشوف طلباتها وكل اللي عوزاه وارجع على ميعاد رجوع كينزي من الدرس، وانت لما ترتاح ابقي روح اطمن على صحبك.
كارم… بس دا تعب عليكي يا ابله وكمان المكان متهيقلي متحبيش تروحيه وكدا.
كاميليا بستغراب… لا تعب ولا حاجة اهو هضيع وقت على كنزي ما تخلص درس وبعدين هو اشرف صحبك ساكن فين.
كارم… عند الجامع الوسطاني جامع الرضوان
كاميليا غمضت عيونها وقالت… وفيها اي يعني يخليني ما اروحش ادخل خد دش دافي يفوقك على ما اجهزلك لقمه تسند بيها قلبك وقبل ما انسي بتدخل بيت اشرف ازاي معاك مفتاح.
كار۾…. ايوا اهو بس ممكن الست تنخض وكمان دي ماتعرفش ان اشرف عمل حادثة وفى المستشفى انا قولت لها انه جاله شغل فى اسكندرية وهيغيب يومين وانه رن عليا اروح بداله وانا مقدرش اسيب اخواتي وقلت هوديها الجلسة بداله.
كاميليا… متقلقش كويس انك عرفتني برده عشان كلامنا يبقي واحد جيب المفتاح وعرفني مكان البيت والباقي سيبه على ربنا، وقبل ما انسي الدكتورة كوثر اختك خطبها جاي الساعة خمسة اتصل بيها وقالت قبل ما تروح كليتها.
كارم… لولي عارف ان دي ميعاد زيارته الشهرية كنت قولت يا جلها عشان اقدر اروح لاشرف على كل حال يأنس وينور.
ابتسمت كاميليا… وكمان خالك اتصل وقال في عريس جاي لكينزي هانم وانا قولت له يتصل عليك يديك خبر وتسأل على العريس بس مدام معكش تليفون معرفش يقولك.
كارم… هو دا وقت عرسان يا ابله احنا لسه بنجهز كوثر غير دروس كنزي ومصاريف كليتي هتلحقي على اي ولا اي.وكنزي لسه صغيره ملهوش لازمه نشغلها دلوقتي بعرسان ان كان ولا بد اوله انتي توافقي على واحد من اتنين اللي اتقدمولك دكتور مسعد اللي خوتني كل ما يشفني والاستاذ ضاحي غير دكتور موسي اللي بدرب عنده فى صيدليته هوسني وهو بيقنعني اكلمك عنه اهو دا مفهوش عيب ارمل من غير ولاد وسنه مناسب ليكي وراجل مقتدر وعنده بدل الصيدليه خمسه وعيلته من أكبر عائلات المنطقة وعايش فى قصر مش بيت ومتدين وخافظ لكتاب الله.
كاميليا… بالنسبة لحهاز اخواتك الحمدلله معاش المرحوم بابا بيكفي وايجار الارض ويا سيدي كل واحدة بتاخد رزقها وانا مش بصرف عليهم من جيبي وجهزهم بيجي من ورثهم من بابا وماما، عقبال ما افرح بتخرجكك الاول وبعدين جوازك انت والمقرودة بتاعت الثانوية العامة .
كارم بتأثر… وانتي يا ابله مش.
قاطعته… انا قايمة اجهزلك الأكل مفيش وقت ومتقلقش عليا انا اساسا بفكر فى الموضوع دا .
كارم دخل وراها المطبخ وبحزن… هربتي ليه يا ابله هتفضلي كدا تفكري فينا وناسيه نفسك وولادك ما وحشوكيش.
كاميليا دموعها نزلت وبتهته… وحشوني اوي يا كارم بس اعمل اي حسبي الله فى اللي كان السبب.
كارم… اسمعي كلامي يا ابله لسه قدامك وقت ارجعلهم يا ابله ارجعي لبيتك ولولادك و.
كاميليا بصوت مخنوق قاطعته… اربع سنين ياكارم اربع سنين كل يوم ارن عليه يخليني اكلم العيال ولا مرة رد عليا رحت لولدته البيت لقتها سفرت له واخواته باعوا واشتروا فيا نسي كل اللي بينا و.
كارم بحزن… سكتي ليه يا ابله قولي ونسي حبكم مش كدا انا عارف انكم كنتم بتحبوا بعض ومتأكد انك لسه بتحبيه وهو كمان لسه بيحبك.
كاميليا… بيحبني بلاش يا كارم الله يكرمك وروح يا حبيبي خد دش على ما اجهزلك الاكل.
كارم طبطب على كتفها… لسه يا ابله اصل محدش يعرفك وميحبكيش ويتعلق بيكي،هى مرة واحده شافك دكتور موسي والرجل هيجنن عليكي..
كاميليا بضحكه قالت … الله يحظك يا كارم وبعدين موضوع ولادى هو اللي شغلني وكل تفكيري فيه صدقني اعرف اوصلهم ووقتها هوافق علطول على اي عريس ارتح له.
ولا اقولك هعمل صلاة استخارة وارد عليك بس يلا قوام خدلك دوش على ما اجهزلك لقمه واخد الاخت ثانويه عامه تروح درسها.
كارم… بلاش اكل المفتاح اهو والبيت ورا الجامع بالظبط تحته محل علافة باسم ربيع السمان انا هنام ولما اقوم ان شاء الله هبقي اكل.
بعد نص ساعة وصلت كاميليا لبيت ام اشرف بعد ما وصلت اختها الدرس دخلت بالمفتاح بعد ما رنت جرس الباب ونادت وقالت… ست ام اشرف انا كاميليا اخت كارم تسمحلي ادخل.
ام اشرف قالت… اتفضلي يا بنتي اهلا وسهلا.
دخلت كاميليا سلمت عليها وقالت… كارم عنده محاضرة وهيتاخر طلب مني ازورك واطمن عليكي ويطمن اشرف فى اسكندرية اصله قلقان عليكي اوي ربنا يرجعوهولك بالسلامة.
ام اشرف… يارب يا بنتي قلبي قلقان عليه اوي ربنا ما يوجعكيش على ضناكي، عامله اي يا بنتي اشرف قالي على حكايتك كارم كان حكيله صدقيني ربنا هيردلك ولادك لحضنك عشان انتي برتي باهلك وباخواتك مش هيضيمك فى ولادك صحيح انا مش بحب الشماته بس يكفي انه مش مرتاح ولا جوازه عمرت معه اكتر من كام شهر اهو اخر جوازه مش مرتاح وام مجدي كانت عندي من ساعة بتقولي انه بيشتكي لجوزها وانه تعبان مع الولاد وامه مبقتش قادرة علي خدمتهم بعد رفض العروسة الجديدة خدمتهم وبقي فاتح بيتين شقة عايش فيها هو وعروسته وشقه فيها امه وعياله.
كاميليا… ربنا يصلح له الحال ويرزقه انا يا خالة ميهمنيش غير ولادي والحمدلله بقيت اطمن عليهم كل فترة سيبك انتي مني طمنيني عليكي مش محتاجه حاجه اعملها.
ام اشرف… كتر خيرك لسه ام مجدي ماشيه هي وعزيزة جراني وضبوا الشقة وغيرولي هدومي وعملولي اكل واكلوني متحرمش منهم ومنك يارب.
كاميليا… ولا منك يا خالة وعوزه افرحك انا انخطبت والنهاردة ان شاء الله هرد على العريس وان شاء الله انتي معزومه على الفرح اول ما يتحدد انتي وام مجدي وكل حبايبك انتي عارفه احنا مناش خلطه بالبلد ومنعرفش فيها غير كام واحد بحكم ان بيتنا بعيد وبابا كان غريب عن البلد وسكنا مكان مطرف عن البلد.
ام اشرف… الف مبروك يابنتي فرحتلك اوي والله.
كاميليا.. متنسيش تبلغي ام مجدي هسيبك بقي دلوقتي وان شاء الله بكرة اجي ازورك واطمن عليكي.
خرجت من البيت رفعت عيونها على بيت محمد على الشقه اللي كانت عايشه، فيها واتنهدت بحزن… خلاص يا محمد جه وقت اعيش الحمدلله كارم اخر سنة وكوثر كمان وخلاص هتجوز في الصيف وكينزي دخله على جامعة مبقاش في قلق عليهم.، وولادي لو فاكر انك لما تنزل صورهم كل ﻲم على الوتس انا هزعل تبقي غلطان دا انت قدمتلي اكبرخدمه وشبعت عيوني بشفهم قريب ان شاء الله اشبع من حضنهم بس تغلطت غلطه واحده وتنزل بيهم.
راحت درس كينزي اخدتها ورجعت البيت لاقت كارم بياكل قالت له كارم… بلغ دكتور موسي يجي بكرة واهله يتقدمولي ورن على خالك محمود وعمك احمد يجوا يقبلوه.
كارم بفرحة… مبروك يا ابله الف مبروك ثواني هرن عليه حلا.
رن. كارم على موسي وبلغه الميعاد بعد يوم طويل خلصت ترويق ومسح الشقة علشان الضيوف دخلت كاميليا اوضتها فتحت تليفونها اللي موقفش رسايل فتحتهم وقالت… يارتني كنت عملتها من زمان خليك بنارك مش هرد عليك .
قفلت التليفون واخدت شور وجهزت نفسها قبل العريس واهله ما يجوا.
دخل كارم قالها…. عمك وصل وخالك كمان ودكتور موسي فى الطريق مع ابوه واعمامه، بقولك يا ابله فى اي شرط عاوزة تقوليه لدكتور موسي.
كاميليا… هو شرط واحد وافق عليه هنقراء الفتحة بعديه ولو عاوزين نكتب كتاب موافقه …. ولادى لما يرجعوا هيعيشوا معايا.
كارم هز راسه وقال… شكله وصل تحت صوت عربية مشي كارم نزل يستقبلهم وقفت كاميليا عند الشباك بصت على موسي ونازل ساند ابوه ابتسمت لما فتح باب شنطة العربيه وخرج ورد وعلبه شكولاته رفعت تليفونها واخدت صورة ونزلتها خالة وتس خصصتها مخلتش غير واحد بس يشفها وكتبت احلي ورد جالي فى حياتي اللهم التوفيق والسعادة مع من كتب لنآ ا النصيب مع بعض الله التمام وحسن المعشر.
ابتسمت اول ما شافت ان محمد شاف الحالة رمت التلفون على السرير وراحت تشوف كارم اللي ناده عليها.
عمها قال…. الدكتور موسي وافق على كل شروطك وليه شرط واحد كتب الكتاب والدخله اخر الشهر.
كاميليا… بعد امتحان الثانوية العامة قبل كدا مقدرش اسيب كينزي.
موسي بسرعة… نكتب دلوقتي والفرح بعد الثانويه معنديش مانع.
خالها… على خيرة الله خلاص اتفق مع المأذون وشوف المطلوب ونكتب بعد ما التحليل تطلع.
وافقت كاميليا وقالت… موافقة.
قريوا الفانحه وصور كارم صور كتير ونزل على الفيس والوتس بعد ما مشيوا دخلت كاميليا اوضة نومها مسكت تليفونها وقالت بضخكه… لسه شفت حاجه يا محمد لما نزلتك على ملي وشك واخدت ولادي بحكم المحكمه.
قفلت تليفونها بعد ما اخدت اسكرين لكل كلامه وتهديتادهم
بعد يومين جه اتصال من المحامي لكارم اللي صرخ بفرحه وقال… معقوله يا استاذ نشأت وصل البلد واتقبض عليه والولاد فين.
الله اكبر نزلوا معه واتحفظ عليهم مسافه السكه هنجي ناخدهم
بعد تلات ساعات وصلوا المطار استلمت كاميليا ولادها، ومحمد بعد وقت طلع بكفالة لحد ما يتم الصلح.
رجعت البيت بولادها والفرحة مليه وشها واللي ريحها اكتر الولاد عرفوها ومخفوش منها بعد وقت وهي مع ولاده سمعوا صوت خبط على الباب فتح كارم كان محمد دخل بعصبية وقال… اسمعي يا كاميليا الولاد عندك كدا كدا كنت جايبهم بس اعملي حسابك هتكملي فى الجواز يبقي تنسي ان ليكي عيال حتى لو اخدتهم والدبان الازرق مش هيعرف طريقهم، عندك حل تاني نرجع لبعض والعيال يتربوا بنا و.
كاميليا… لا لو انت اخر راجل لاء يا محمد مش هرجع.
ولادها… وافقي ياماما عشانا احنا بنحبك انتي وبابا.
كارم بص لاخته وقال… فكري يا كاميليا فكري، ولادك يستحقوا تفكري عشانهم
دي حكايتي يا استاذة تعبت من التفكير اوافق ارجع لمحمد بعد اللي عمله ولا ارفض الجواز، واعيش عشان ولادي ولا اجوز الراجل اللي شريني وموافق على كل شروطي دبرونى اعمل اي واصرف ازاي ؟
تمت بحمد الله