رواية عانيت لأحبك الجزء الثاني2 الفصل السابع عشر17 والثامن عشر18 بقلم فاطمه محمود

" رواية عانيت لاحُبك 2 "

                    صرت انت 

 " البارت السابع عشر "

" الكاتبة فاطمه محمود "

يوسف راح لتاليا السجن عشان يشوفها وكان مستنيها وبتخرج تاليا وبتقعد قدامه وهي بصاله ومسكت ايده

تاليا : يوسف كنت متاكده انك هتيجي تشوفني

يوسف سحب ايده : لاا انا مش جاي عشانك ونتي عارفه

انا جاي ليه

تاليا ابتسمت : في الحالتين جيتلي بردو

يوسف اخد نفس بضيق وبصلها : انتي عارفه باللي اخوكي

عمله في بنتي اللي معرفش عنها اي حاجه ليا اسبوعين ونا

جاي اتكلم معاكي عشان تقوليلي اخد بنتي فين

تاليا : انا موجوده هنا في السجن زي ما انت شايف فا اكيد

مش عارفه

يوسف اتعصب : تاليا لو سمحتي قولي اللي تعرفيه وبلاش

تعملي عداوه مع بنتي انتي مشكلتك معايا انا .. اخوكي

اختفي تماما ونا مش عارف اوصل لبنتي بسببه ومراتي

حالتها بقيت وحشه ونا مش قادر اشوفها بضيع كدا قدامي وافضل بتفرج عليها قوليلي غزل فين ارجوكي

تاليا فضلت تضحك ويوسف بيبصلها باستغراب

تاليا : اخيرا بقيت منهارة كان نفسي اشوفها قدامي

يوسف : متبطلي الغل اللي عندك دا انتي ليه عاوزه تاذي

كل اللي بحبهم

تاليا مسكت هدومه وشدته ليها : محدش بيحبك غيري

انا بس اللي بحبك

يوسف زقها بعصبية وقام وهو متعصب وتاليا كانت بتبصله وهي مبسوطه يوسف بصلها

يوسف : اعملي حاجه كويسه في حياتك يا تاليا وقوليلي بنتي فين لو بتحبيني بجد

تاليا : امم انا ممكن اقولك بس بشرط

يوسف : اللي هو ايه

تاليا : ..

..

في جناح مالك و آيه

آيه بتكون قاعده علي السرير وهي باين عليها الزعل

ومالك بيدخل الجناح وبيشوفها وبيقعد جمبها وبيحضنها

مالك : عشان خاطري بلاش تعملي في نفسك كدا

آيه مسكت هدومه بقوه وعيطت : ازاي ابقا كويسه يمالك

وكل اللي بيحصل دا غزل منعرفش عنها اي حاجه لحد دلوقتي وسلمي مش كويسه خالص حتي ايان مش بيجي الفيلا ابدا ولا بشوفه

مالك : انا عارف أنه صعب عليكي يحبيبتي بس لازم نكمل

ونحاول

آيه بعدت عنه : طيب ايان برا البيت ليه

مالك : ايان مش عارف يرجع وغزل مش موجوده طول الوقت في الشغل وبيدور عليها هو وزين

آيه : طيب يعني معقوله مفيش اي حاجه ظهرت لغزل

مالك : للأسف كاننا بندور علي ابرا في كوم قش مفيش

في أيدينا غير ندور لحد منوصل لاي حاجه

آيه : يارب تلاقوها و الكابوس دا يخلص بسرعه

مالك : يارب

..

البنات كانوا قاعدين سوا وهما ساكتين وزعلانين علي اختفاء غزل

دانيه : انا غزل وحشتيني اوي

ديما وهي خلاص هتعيط : طيب هي كويسه دلوقتي

فيروز : ليه يحصل فيها كدا دي عمرها ما اذيت حد

داليدا : هو استفاد ايه من خطفها

دانيه : من اول مدخلوا حياتنا هو و أخته وابتديت المشاكل

فيروز : هو ليه يعمل كدا طيب

ديما : اكيد اخته العقربه تعرف كل حاجه

حياه : طيب احنا هنفضل قاعدين كدا ومش هنعمل اي حاجه

ليلي : مفيش اي حاجه نقدر نعملها يحياه غير ان ندعلها  ترجع بالسلامه

حياه : يارب .. بس مش هنفضل كدا

يوسف بيدخل وبيسمع كلامهم

يوسف : ازيكم يبنات

البنات كلهم ردو : الحمدلله

يوسف : انا عارف انكم عاوزين تعمل اي حاجه عشان غزل

بس احنا بنحاول بكل الطرق انتو بس افضلو جمب سلمي

حياه : متقلقش يعمو احنا كنا معاها من شويه بس سبينها

ترتاح شويه

يوسف : ماشي يحبيبتي

بيدخلوا الشباب يوسف بيبصلهم

آسر بعصبية : هي الأرض انشقت وبلعته يعني ايه مفيش اي حاجه توصلنا لي

يوسف : غزل هترجع قريب يا آسر

آسر : ازاي ومفيش اي حاجه توصلنا ليها

يوسف : هنحاول تاني .. انا هطلع اطمن علي سلمي

يوسف طلع وديما قربت من فريد ومسكت دراعه

فريد حضنها بايدو : أن شاء الله هترجع

آسر : هو زين و ايان فين

فهد : محدش عارف مختفين من وقت اللي حصل

يوسف : اكيد بيشوفو اي حاجه توصلهم لغزل

ادهم : بقالهم علي الحال دا كتير ولا بيرجعو ولا بنشوفهم

آسر : اكيد انهارده هيرجعو عشان عمو يوسف هيقولنا حاجه

مهمه

دانيه : حاجه ايه يا آسر

آسر : لسه محدش يعرف بس هو طلب مننا انهارده نبقا كلنا موجودين

دانيه : انت اكيد عارف وبتخبي

آسر بنفعال : دانيه بجد مش ناقص اسالتك دلوقتي

دانيه زعلت منو أنه كلمها بالطريقه دي لاول مره وقدام الشباب والبنات وطلعت الجناح الخاص بيها

آسر ادايق وبصلها وهي طالعه

فهد : في ايه يا آسر لازم تنفعل كدا يعني ما كلنا مدايقين

بس بنحاول نتحكم في اعصابنا

آسر : انا بس مش بفكر غير في غزل ومن غير مقصد عملت كدا .. انا هطلع اشوفها

..

في جناح يوسف و سلمي

دخل يوسف الجناح وسلمي كانت نايمه وقرب منها وقعد

جمبها وحط ايدو علي شعرها ومسك ايديها وباسها

سلمي فاقت وبصتله وقامت اتعدليت: غزل رجعت يا يوسف

صح انا حاسه بكدا

يوسف : اهدي يحبيبتي اكيد كنتي بتحلمي

سلمي : يعني غزل مرجعتش .. انا عاوزه بنتي يا يوسف

عشان خاطري رجعها انت مش ظابط وكنت بتشتغل

وتعرف حاجات كتير اكيد هتعرف مكانها رجعها ونبي

رجعها

سلمي فضلت تعيط وهي بتكلم مع يوسف ويوسف حضنها

يوسف : انا بوعدك غزل هترجه

سلمي بعياط : بتكدب عليا تاني

يوسف : والله هترجع بس بلاش تعيطي حالتك النفسيه بقيت ضعيفه أوي يسلمي

سلمي بعدت عنها وبصتله وهي بتعيط : صدقني انا هبقا كويسه لما رجعت غزل 

يوسف مسح دموعها ومسك وشها بين ايدو : انا هعمل اي

حاجه عشان ترجع بنتنا تاني في حضننا

سلمي حضنته وهي بعيط ويوسف فضل يهدي فيها

..

في جناح آسر و دانيه

دانيه كانت واقفه في البلكونه وهي زعلانه من آسر

اللي بيدخل الجناح وبيشوفها واقفه في البلكونه بياخد نفس طويل وبعدين بيروح عندها وبيقف جمبها وبيبصلها

آسر : دانيه انا آسف

دانيه من غير متبصله : محصلش حاجه

آسر : متاكده بالوش دا محصلش حاجه

دانيه بصتله ورجعت بصيت قدامها وفضلت ساكته

آسر : انا عارف اني زعلتك اوي

دانيه بصتله : آسر انت بقيت ولا بتكلم معايا ولا بتقعد معايا طول الوقت برا البيت ودايما بفضل مستنياك يرجعت

يا لاا طول الوقت بتفكر في غزل وبس انا مش مدايقه من دا انا عارفه غزل بنسبالك اختك و اكتر بس انا مراتك مش بايدي اني احس بالغيره شويه لما تهتم بوحده غيري ونا  اكون مش في دماغك ابدا وانهارده كمان بسالك عادي ونت اتعصبت عليا

آسر : انا اسف يدانيه انا بجد والله مقصد كل دا يحبيبتي

انتي عارفه اعصابنا كلها متوتره علي اختفاء غزل

دانيه : عارفه

آسر قرب منها وحضنها : عشان خاطري سامحيني المرادي

ونا اوعدك عمري مزعلك تاني

دانيه : وحشني حضنك اللي يبقا مطمنه بيه

آسر : حضني بيتقوي بيكي يحبيبي

..

في فيلا العيله

الشباب والبنات كانوا كلهم متجمعين في الريسبشن

ومش عارفين يوسف مجمعهم ليه

آسر : هو عمو يوسف فين

فارس : في مكتبه

يوسف بيخرج من المكتب وبيروحلهم وبيدخل وبيقعد وبيبص لسلمي

يوسف : انا فكرت في القرار دا وحسيت هو احسن حاجه هعملها دلوقتي .. انا هتجوز

سلمي بصتله بصدمه ويوسف كان متابع كل حركاتها

ادهم : معلش يعني ايه هتجوز

يوسف بصله : جواز يا ادهم يعني كتب كتاب وفرح

فريد : كتب كتاب وفرح انت ايه اللي بتقوله دا

يوسف الصغير : انت مصدق اللي بتقوله دا يخالو

فهد : في حاجه غلط دا مش كلامك

يوسف : هو في ايه انت و هو كل واحد هيفضل يسالني

انا قولت هتجوز وخلص الكلام

آسر : يعني بنتك مخطوفه ومش عارفين نوصلها و مراتك عايشه من غير روح ونت عاوز تجوز ايه الجبروت اللي عندك دا جواز ايه اللي بتفكر فيه وازاي تجوز علي خالتو

هي مش كانت حب حياتك ولا دا كلام افلام

مالك بعصبية : آسر انت إزاي تكلم مع عمك بالطريقه دي

آسر بعصبية : آسر آسر ايه انا ازاي اكلمه بالطريقه دي ونت مش شايف ولا سامع اللي بيقوله دا ميعرفش يعني ايه مشاعر اب

يوسف بعصبية : آسرر اعرف اللي بتقوله قبل متفكر تقوله ليا انا هتجوز ونا حر انت فاهم

آسر ابتسم بخيبه امل وهز راسه

سلمي قامت وقربت منه وبصتله في عيونه : ويفكر ليه انت فكرت في اللي قولت دا قبل كدا يعني ايه هتجوز يعني ايه مش فاهمه ازاي هتعمل كدا غزل مخطوفه ونت في وقت ما انا ضغيفه هتجوز مش قادره افهم فهمني بجد يعني ايه هتجوز

يوسف : زي ما سمعتي يسلمي

سلمي : سمعت ايه انت عارف انك باللي بتقوله دا بتقتلني

نهائي عارف صح ومين دي اللي هتجوزها انطق مين

يوسف : تاليا

سلمي ضحكت : تاليا ازاي بس

يوسف : تاليا خرجت وهنتجوز اكتشفت اني بحبها

سلمي : اكتشفت طيب اجوزتني ليه لما انت لسه جواك حب

ليها ليه عملت فيا كدا لييه

سلمي اتكلمت بعصبية : رد

يوسف كان بيبصلها وهو ساكت وسلمي بعدت عنها وهي مصدومه وفضلت ترجع لورا وزين قرب منها ومسكها قبل متقع

سلمي بصت لزين : انت موافق باللي بيقوله ابوك دا يزين

زين : اهدي يماما لو سمحتي

سلمي : حاضر انا ههدي

وبعدين بصيت ليوسف : طلقني

يوسف : مش هطلق

سلمي : هطلقني يا يوسف انا مستحيل افضل معاك وبنتي ترجع وصدقني مش هتشوف وشي تاني

يوسف قرب منها وبعد زين عنها واتكلم بعصبية : تبقي بتحلمي لو فكرتي باسمك ميبقاش مربوط باسمي

سلمي بصتله وهي بتعيط

يوسف : اطلعي فوق

سلمي : مش طالعه انا هامشي مبقاش ليا مكان هنا خلاص

يوسف : اطلعي يسلمي

سلمي بصيت لزين : زين عشان خاطري طلعني من هنا حاسه اني هتخنق

يوسف اتعصب ومسك دراعها وطلع بيها على السلم وسلمي

بتحاول تشيل ايدو من ايديها وهي بتعيط وبتترجا يسيبها

يوسف وصل للجناح الخاص بيه وفتح الباب ودخل سلمي

ودخل هو وقفل الباب وزقها علي السرير

سلمي وهي منهاره : انت اكبر غلطه انا غلطتها في حياتي

يوسف : والغلطه دي هتفضل معاكي طول حياتي

سلمي : فاكر انك هتحبسني يعني انا هطلع من هنا يا يوسف

وغضب عنك

يوسف : هنشوف كلام مين اللي هيحصل

يوسف كان هيخرج وبصلها : اوعي تفكري تخرجي من هنا يسلمي عشان بجد هتندمي

يوسف خرج من الجناح وسلمي فضلت تعيط وهي مش عارفه تزعل علي بنتها ولا علي نفسها ولا علي جوزها اللي راح منها

..

زين بص ل ايان : انا طالع فوق وراجع

ايان : تمام

زين طلع وشاف حياه كانت نازله علي السلم وهي مش فاهمه في ايه بصلها وحاول يتجاهلها وكمل طريقه

حياه وقفت وبصتله وبعدين نزلت و وقفت جمب البنات

حياه : هو في ايه يا ليلي

ليلي : بعدين احكيلك الحوار كبير

آسر : انا بجد مصدوم اكبر صدمه كانت انهارده من الكبير اللي مبيغلطش

ايان : آسر بلاش تكلم تاني اللي بيحصل دا كويس جدا

يا تتقبله يا تسكت احسن

آسر : امم ونت كمان موافق يا اخي دا هيتجوز علي خالتك

انت ايه مش حاسس ولاا شوفت حالتها ازاي وعلفكرا خالتو

لو مش حابه تفضل هنا انا اللي هخرجها

يوسف كان نازل علي السلم : انت فاكر هتقدر تعمل حاجه يعني

آسر بصلها : اقدر كتير

يوسف : بلاش تفكر تكسر اللي بعمله يا آسر انت من عيلتي

مش عدوي

آسر : عيلتك اها

يوسف بصله وبعدين بص للبنات : سلمي متخرجش من الجناح عاوزين تشفوها تمام بس متخرجش

يوسف خلص كلامه وخرج من الفيلا

آسر : ما طبعا سايب مراته منهاره ورايح يشوف حبيبه القلب

مالك : آسر بلاش تفضل تكلم كدا

آسر اتعصب : بابا انت مش شايف اللي حصل وعاوز مني ابقا هادي لو سمحت سبيني اقول اللي اقوله عشان انا متعصب من اللي بيعمله

سيف : اهدي عشان نشوف هيحصل ايه للاخر بلاش تتهور

آسر : خالتو معاها حق المكان دا بقا يخنق انا هخرج من هنا

آسر خرج والشباب خرجوا ورا

مالك و سيف بصو لبعض وهما مدايقين من اللي بيحصل

..

زين خرج من الجناح الخاص بي ونزل وراح لمامته يطمن عليها ودخل الجناح والبنات كانوا قاعدين معاها بيهدو فيها

زين قرب منها ومسك ايدها : ماما كفايه كدا

سلمي : خرجني من هنا يزين عشان خاطري

زين : حاضر هعملك اللي انتي عوزاه بس دلوقتي لازم امشي

سلمي : انت كمان هتسبني يزين انا مبقاش ليا غيرك

زين : انا اسف يماما مطر ومش هغيب كتير عليكي

سلمي : انا مبقتش اشوفك طول الوقت مش موجود

زين : المرادي هرجع ماشي يحبيبتي

سلمي هزت راسها وزين باس راسها : خدي بالك من نفسك

سلمي : ونت كمان ابقا كويس

زين : حاضر

زين خرج من الجناح وحياه كانت عيونها عليه

آيه : اهو زين طمنك اهدي شويه

سلمي وهي بتعيط : يوسف هيجوز عليا حد مصدق بعد العمر دا كله اهون عليه

نور : انا اللي متاكده منو يوسف بيحبك ومحبش غيرك

شهد : حبه ليكي باين في عيونه

سلمي : كفايه بقا يبنات كل دا كدب

ملك : مش كدب يسلمي هو لو مش بيحبك بجد كان طلقك

لما طلبتي منو دا

اسما : مش كل حاجه بنشوفها بتبقا صح يسلمي ممكن يكون غصب عنه

مريم : أو في مشكله معاه

سلمي : كلكم بتقولوا كدا عشان اهدا مش اكتر بس الحقيقة باينه زي الشمس

دانيه : بلاش تظلمي عنو يوسف

ديما : هو حنين وطيب اوي

داليدا : اللي حصل مع غزل اكيد هو اللي وصله لكدا

فيروز : اديله اي عذر بس بلاش تخلي عقلك يصدق أنه ممكن ينسا حبك

ليلي : دا موافقش انك تخرجي من الفيلا عشان ميقدرش يعيش من غيرك

حياه : اتكلمي معاه تاني ممكن يرجع عن فكره الجواز

سلمي كانت ساكته وهي بتسمع كلام البنات وبعدين دموعها نزلت : انا حاسه روحي بتنسحب مني خلاص مبقتش قادره افكر كل حاجه كانت حلوه في حياتي بقيت وحشه انا بقيت

بعيط وبس محتاجه غزل مش عارفه هي فين وخايفه عليها

يكون اذاها

نور : غزل كويسه اوعي تفكري غير كدا

..

ادهم : حد لاحظ سكوت زين و ايان

فهد : محدش منهم اتكلم ابدا

يوسف : لاا و ايان موافق جدا

فريد : فى حاجه غريبه في الموضوع

آسر : سيبكم من الموضوع دا .. انا جات علي بالي حاجه كدا احنا نسيناها خالص

ادهم : حاجه ايه

آسر : كارل

فهد : تصدق معاك حق بس هو ممكن يكون عارف حاجه عشان هو اللي اعترف عليهم

آسر : اكيد يوهانس بعد مخرج راح لكارل عام ميعرفش حد غيره مين هيساعده هنا

يوسف : بس احنا منعرفش هو موجود فين واحتمال كبير ممكن يكون معاه ومنعرفش نوصله

آسر : او ممكن يكون بيروحله وبيرجع عشان ميتشكش فيه

فهد : بس احنا هنوصله ازاي

آسر : لاا دي سهله

فريد : بس يشباب انا شاغلي تفكري اوي جواز عمو يوسف مع اخت يوهان

آسر : احنا نوصل لكارل وبعدين نفكر في اللغز دا

..

يوسف كان قاعد في كافيه وبتدخل تاليا بملابسها العاريه وبتقرب من يوسف وبتحضنه

تاليا بتبصله وبتكون لسه حاضنه : وحشتيني

يوسف : ونتي كمان .. اقعدي

تاليا بتقعد ويوسف بيقعد وبيبصلها : تشربي ايه

تاليا : مش عاوزه

يوسف طلع لعبه صغيره من جيبه وفتحها وكان فيها خاتم تاليا بصتله بفرحه ويوسف مسك ايديها ولبسها الخاتم

تاليا : شكله حلو اوي يحبيبي

يوسف : مبروك عليكى

تاليا : الله يبارك فيك يروحي

تاليا كانت بتبص للخاتم وهي مبسوطه ويوسف عيونه عليها وبعدين بصتله : انت مش قولتلي الكلام دا هيبقا

في الفيلا قدامهم كلهم

يوسف : انا قولت نقضي شويه وقت لوحدنا مش كدا

احسن ولا ايه

تاليا : قول عشان محدش وافق بانك قولت ليهم هنتجوز

مش روحنا الفيلا

يوسف : وافقو ولا لاا دش حاجه ترجعلهم انا هتجوزك

تاليا ابتسمت : طيب انت واحشني علفكرا متيجي نروح

الشقه وخلينا نرجع الذكريات اللي عشناها سوا فيها

يوسف : اهدي شويه طيب نكتب الكتاب الاول عشان انا عارف انتي هتعملي ايه

تاليا : طيب وايه يعني ما احنا هنتجوز

يوسف : بس انا حابب يحصل دا ما بينا بعدين

تاليا : ماشي يا يوسف

يوسف : طيب يلاا اوصلك عشان انا لازم امشي دلوقتي

تاليا : خلاص يحبيبي انت روح ونا هفضل شويه هنا وبعدين هروح

يوسف بصلها : تفضلي هنا

تاليا : اها

يوسف : ماشي

يوسف خرج و تاليا فضلت قاعده تشرب عصير وبعدين طلعت الفون بتاعها ورنيت علي رقم اول مره تكلمه

تاليا : تمام انا جيالك في الطريق

تاليا خرجت من المطعم وركبت العربيه ومشيت

..

يوسف ركب عربيته ورن علي زين

زين و ايان كانوا قاعدين في العربية

ايان : تفتكر ممكن ينجح اللي بيخططله عمو يوسف

زين : مش عارف بس احتمال كبير اها

ايان : أن شاء الله نقدر نوصل لغزل

فون زين رن و رد

يوسف : اكيد دلوقتي كل تحركاتها هتبقا عندك

زين بص للاب توب : دلوقتي كل حاجه تمام

يوسف : اول متوصل لحاجه كلمني انا دلوقتي هروح الفيلا

زين : ماشي

زين قفل وبص ل ايان : الخطه بدأت تنجح

 

ايان : تفتكر ممكن تكون رايحه عنده دلوقتي

زين : دا اكيد يا ايان

..

تاليا بتنزل من العربيه قدام مخزن قديم ويوهان بيخرج

وبيروحلها

يوهان : تصدقي وحشتيني

تاليا : اكدب دا انت ولا سالت فيا ولا طلعتني من السجن زي ما قولتلي خطفت غزل وهربت في عش الحب

يوهان : الحكومه كانت قابله الدنيا عليا ونتي عارفه كدا

يوهان ضحك : وبعدين اهو عملتيها و خرجتي

تاليا ضحكت ورجعت شعرها لورا : انت متعرفش اللي حصل

يوهان بص علي الخاتم اللي في ايديها : ايه الخاتم دا

تاليا بصيت الخاتم وبعدين بصتله : دا من يوسف

يوهان : يوسف بتهزري

تاليا : لاا بجد .. فين غزل

يوهان : تعالي معايا

تاليا و يوهان دخلوا المخزن وراحو لغزل اللي مربوطه

وفي قماشه سودا علي عيونها

تاليا بصيت ليوهان : هي مالها

يوهان : مغمي عليها

تاليا : انت عملت ايه

يوهان ضحك : مش اللي في دماغك انا اول مقربت منها وهي فضلت تعيط مقدرتش اعمل حاجه غير ابعد

تاليا : يعني المده دي كلها خطفتها ومقربتش منها

يوهان بص لغزل : شكلها زي الملاك يتاليا تخافي تقربي

ليحصله حاجه .. بس انتي خرجتي ازاي بردو

تاليا : تعالي بعيد شويه عشان متفوقش

يوهان : اوك

..

ايان : زين العربيه وقفت هنا ومتحركتش غير بحاجه بسيطه يعني هي موجوده في المكان دا

زين ابتسم : غزل اكيد موجوده هنا

ايان : انا بقول نتحرك دلوقتي ونروح الموقع دا بسرعه ونرجع غزل

زين : الاول هبلغ بابا ونشوف هنعمل ايه

ايان : تمام

..

يوسف كان واقف في جنينه الفيلا و مالك و سيف و فارس بيخرجوا من باب الفيلا وبيروحو عنده

فارس : انا حاسس اللي فكرت فيه وقررت تعمله دا كان غلط يا يوسف

سيف : وسلمي اكيد مش هتصدق اللي حصل دا كان جزء من الخطه

مالك : انتو شوفتو الشباب كان رد فعلهم ايه ولا آسر اللي مصدوم

يوسف : هي مكانتش احسن حاجه بس كان لازم اعمل كدا عشان كل حاجه تبقا حقيقيه

فارس : طيب وعملت ايه مع تاليا

يوسف : عملت اللي كانت عوزاه وصدقته وهي اكيد راحت عند اخوها دلوقتي

سيف : يعني دلوقتي عرفت مكان غزل بالتتبع اللي في الخاتم

يوسف : زين و ايان متابعين بس اكيد لسه موصلوش لحاجه

فون يوسف رن و رد

يوسف : وصلت لحاجه يزين

زين : ايوا يبابا احنا وصلنا للموقع هو في مكان شبيه المهجور مفيش في حد نهائي

يوسف ابتسم : طيب الحمدلله

زين : نتحرك دلوقتي

يوسف : لاا انا هكلمك تاليا و يبقا اكلمك امتي تتحرك عشان تكون رجعت من هناك

زين : تمام

يوسف قفل وبص لشباب

يوسف : خلاص غزل هترجع

فارس : بجد يعني متاكدين دا مكانها

يوسف : اكيد هو يفارس لأنها متحركتش منو لحد دلوقتي

مالك : عقبال مترجع بالسلامه يحبيبي

يوسف : يارب يمالك

سيف : كنت متأكد اننا هنلاقيها والحمدلله اهو وصلنا

لمكانها

يوسف : الحمدلله .. انا هكلمها دلوقتي

..

تاليا : طيب انا هامشي دلوقتي واجيلك تاني

يوهان : تمام

تاليا : هو كارل مش موجود معاك هنا

يوهان : انا طلبت منو يفضل في شقته ويتابع اللي بيحصل

تاليا : كويس

فون تاليا رن وبصيت ليوهان بخوف : دا يوسف

يوهان : طيب ردي عليه وخليكي عاديه عشان ميشكش

وهنا المكان هادي ومش هيحس بحاجه

تاليا هزت راسها ورديت علي يوسف : ايوا يا يوسف

يوسف : انتي فين يا تاليا

تاليا : انا بعمل شوبينج

يوسف : دلوقتي

تاليا : اها كنت ماله شويه قولت اغير مود

يوسف : طيب خلاص دلوقتي عشان عاوز اشوفك

تاليا اتوترت : دلوقتي مش هينفع

يوسف : ليه

تاليا : عشان قابلت صحبتي وهي موجوده معايا دلوقتي

يوسف : تاليا انتي تعرفي حد هنا اصلا

تاليا : اها يوسف انت بس متعرفهاش

يوسف : طيب خلصي بسرعه

تاليا : حاضر

غزل فاقت ونادين باسم ايان وصوت مش كان واضح اوي

تاليا قفلت الفون بسرعه وبصيت ليوهان : الحقها بسرعه

يوهان راح لغزل وشال القماشه من علي عيونها وغزل بصتله بتعب

غزل بصوت ضعيف : سبني امشي من هنا

يوهان مسك خدها وغزل بعدت وشها ويوهان بصلها

لتاليا

تاليا : اكيد يوسف سمع صوتها

يوهان : امشي انتي دلوقتي وبلاش تتوتري لما تشوفيه

تاليا : ماشي باي

تاليا خرجت و يوهانس راح عند غزل وقعد قدامها علي الكرسي وقرب منها

يوهان : انتي حلوه اوي يغزل

غزل كانت بتغمض وتفتح عيونها بتعب : فكني ايدي بتوجعني

يوهان شال الحبل من أيدها ورجليها ورجع قعد وبصلها : انا اسف خلاص مش هربطك تاني

غزل كانت ماسكه ايدها وهي بتتوجع

غزل : انت ليه بتعمل فيا كدا

يوهان : انا كنت معجب بيكي الاول بس باباكي اخد كل حاجه مني فقررت اخطفك عشان اوجع قلبه عليكي

غزل : بابا عمره ما اذي حد

يوهان : دا اللي انتي بتشوفيها بس باباكي اذي اختي كتير

غزل : اختك مين

يوهان : تاليا اللي شوفتيها ما انتي متعرفيش هي رجعت ليه اقولك تاليا وباباكي كانوا بيحبو بعض وجات مامتك واخدته منها بس تاليا رجعته ليها تاني وهما هيتجوزو دلوقتي

غزل بصدمه : ايه

يوهان : واحنا كمان هنتجوز

غزل : دا مستحيل يحصل

يوهان : انا عارف انكم المصرين مش بتقربو من بعض غير بالجواز ونا هعمل كدا عشان توافقي

غزل : ونا مش موافقه

يوهان : ليه مش موافقه

غزل : انا بحب شخص ومستحيل ابقا غير لي

يوهان : قصدك ايان

غزل بصتله بتركيز

يوهان : انا اخدت بالي من نظراتك لي بس هو مش شايفك اصلا

غزل كانت بصاله وهي ساكته

يوهان : سكتي يعني .. بصي يغزل انا بحبك ونتي مش هتكوني غير ليا فوافقي احسن بدل ما يكون غصب عنك

غزل : انت انسان مريض عاوزه تبقا مع وحده هي مش طايقاك

يوهان : بس انا بحبها

غزل : سبني امشي ونا والله مش هقول عنك حاجه

يوهان : في انسان عاقل يخلي حبيبته تمشي وتسيبه

يوهان حط ايدو علي دراع غزل وفضل يمسك جسمها بطريقه جريئه وغزل بتعيط وهي مش عارفه تبعده

غزل بدموع : ابعد عني

يوهان بعد عنها لما شافها منهاره

..

في فيلا العيله

يوسف كان واقف بيتكلم مع سيف

يوسف : عاوزك لما توصل تاليا تيجي وتقول المأذون هيتاخر

سيف : تمام .. زين و ايان فين دلوقتي

يوسف : في طريقم لغزل

سيف : طيب مش كانوا اخدت معاهم عساكر عشان لو

قابلو اي مشكله

يوسف : هما عملوا كدا

سيف : طيب كويس

البنات بينزلوا وسيف بيبصلهم

يوسف : البنات نازلين ليه

سيف : مش عارف شكلهم عاوزين يشوفون كتب كتاب يوسف المنشاوي

يوسف : سيف انت عارف أنه مفيش كتب كتاب اصلا

سيف ضحك : عارف ياعم

تاليا بتدخل من باب الفيلا

سيف : العروسه وصلت

يوسف راح لتاليا اللي سلمت عليه وحضنته

البنات وقفو مع سيف وهما باصين لتاليا

حياه : بقا هي المعصعصه دي اللي ساب سلمي عشانها

سيف ضحك : هي معصعصه فعلا يحياه

ليلي : وايه الجراه اللي هي فيها دي

سيف : انتي شوفتي حاجه

ديما : كل دا ولسه مشفناش

داليدا : وايه اللي لابسه دا

فيروز : هو فين اللي لابسه لامواخده

سيف : براحه يبنات انا حاسس انكم هتقتلوها

دانيه : عمو سيف

سيف : ايه يدودو

دانيه : هو بجد عمو يوسف هيتجوزها

سيف ضحك : بيقولوا

حياه : يعني ايه بيقولوا

سيف : انا مش فاضي يبنات عن ازنكم

سيف مشي بسرعه قبل ميسالو عن حاجه تانيه

يوسف : بلاش تحضنيني قدام البنات

تاليا : انت هتبقا جوزي

يوسف : كنتي فين كل دا

تاليا :ما انا قولتلك يروحي كنت بعمل شوبينج .. مقولتليش

 ايه رايك في الفستان

يوسف : جميل

تاليا ابتسمت وشافت سلمي واقفه علي السلم بتبصلهم

وهي شكلها مرهق

تاليا : هي لسه موجوده هنا

يوسف : بتكلمي عن مين

تاليا : اللي واقفه علي السلم

يوسف بص وشاف سلمي

تاليا : انا مش عارفه هي موجوده ليه انا لو مكانها مفضلش بصراحه

يوسف يصلها واتكلم بهمس : ابو كدبك

تاليا : بتقول حاجه

يوسف : تعالي نقعد

تاليا : اوك

تاليا قعدت ويوسف بصلها : هعمل حاجه وهرجعلك

تاليا : ماشي يحبيبي

يوسف راح لسلمي واخدها وطلع والبنات كانوا واقفين بيبصو لتاليا بقرف وتاليا ولا هاممها وقاعده بكل برود

سلمي بعدت أيدها عن ايد يوسف

سلمي : سيب ايدي

يوسف : انا مش قولتلك متخرجيش

سلمي : مالكش دعوه بيا

يوسف : طول ما انتي مراتي ليا و تفضلي هنا احسن عشان متدايقيش من اللي بيحصل

سلمي : ومين قالك اني مدايقه ولا فارق معايا

يوسف : يعني مش غيرانه

سلمي : مستحيل

يوسف : ماشي ادخلي الجناح يلاا

سلمي دخلت ويوسف نزل

..

حياه : نفسي اروح اعجنها

ليلي : طيب يلاا بجد

دانيه : اهدي انتي وهي وبعدين الشباب فين

ديما : من وقت الخناقه خرجوا مرجعوش

داليدا : ربنا يستر ميعملوش مشكله

دانيه : انا واثقه من آسر هيعمل دا كان متعصب اوي

فيروز : طيب كلميه يدانيه

دانيه : مبيردش

دانيه شافت مالك واقف مع سيف راحت عنده

دانيه : عمو مالك

مالك : ايه يحبيبتي

دانيه : كلمت آسر ومش بيردش ونا خايفه يعمل مشكله

مالك : انا كلمته يحبيبتي اطمني شويه وهيرجع

دانيه : ماشي يعمو

دانيه رجعت عند البنات

ديما : قالك ايه

دانيه : الحمدلله راجعين

الشباب دخلو الفيلا ودانيه راحت بسرعه ل آسر

دانيه : انت كويس يا آسر

آسر : كويس قدامك اهو يدانيه بس ماما فين هي كويسه

دانيه : توتا كويسه

آسر : يعني بابا كدب عليا

دانيه : مش فاهمه

آسر ساب دانيه وراح لمالك

آسر : بابا انت ازاي تكدب عليا

مالك : انت هتتعصب علي ابوك يا آسر

آسر : اكيد لاا بس ليه تقولي ماما تعبانه

مالك : دي الحاجه الوحيده اللي كانت هترجعك ونلحقك قبل متعمل اي مشكله

آسر : ومين قال هعمل مشكله انا كنت هروح اشوف الزفت كارل اهو يوصلنا لاي حاجه

مالك : ما احنا خلاص مش محتاجين نعرف

آسر : مش فاهم

مالك : هتفهم بعدين يحبيبي

آسر : هو انا عيل صغير يبابا متقولي في ايه

مالك : مش هينفع نتكلم دلوقتي اصبر شويه ونت هتعرف كل حاجه

تاليا كانت بتكلم مع يوسف اللي خلاص مبقاش قادر وصدع منها بس مبين انه مهتم

سيف بيقرب منهم

سيف : يوسف عاوزه اقولك حاجه

يوسف : اتكلم عادي يسيف

سيف : المأذون هيتاخر شويه عشان حصلت مشكله صغيره كدا

يوسف : انت ايه اللي بتقوله دا كلم مأذون تاني احنا هفضل مستني يعني

سيف : كل اللي أكلمه بيكتب كتاب واللي بيطلق مالكش حظ يجو

يوسف : طيب ابعد كدا انا هكلمه واشوف ايه المشكله

يوسف مشي وسيف بص لتاليا اللي بصاله

تاليا : بيعجبني فيك يسيفو دماغه لما بتشغلها

سيف : ونتي مفيش اي حاجه بتعجبني فيكي بصراحه

تاليا ضحكت : مش مهم

شهد قربت من سيف و وقفت جمبه : انت بتعمل ايه هنا

سيف : ابدا يحبيبتي

تاليا : هي دي مراتك اول مره اشوفها

شهد : اها يحبيبتي مراته في حاجه

تاليا : لاا مفيش

سيف : اهدي يوحش تعالي معايا

سيف اخد شهد ومشيو

..

 

يوسف : ايه يزين وصلتو

زين و ايان بينزلوا من العربيه : اها وصلنا

يوسف : لقيت غزل

زين : لسه يبابا هندخل دلوقتي

يوسف : طيب خد بالك من نفسك وركزو علي كل حركه

زين : حاضر هقفل دلوقتي

يوسف : سلام

زين حط الفون في جيبه وفضلوا يمشو شويه وشافوا رجاله  واقفه رم زين قالب والرجاله كلها مشيت من قدام المخزن زين بص ل ايان

زين : انت ادخل دور علي غزل وما هفضل هنا

ايان هز راسه ودخل وهو بيبص حواليه وماسك المسدس

غزل كانت قاعده بتعيط وضاكه رجليها ليها وبيدخل يوهان

وبيقعد جمبها وغزل بتبعد بخوف

يوهان : غزل

غزل مرديتش عليه

يوهان اتعصب : انا حاولت معاكي ونت شكلك عاوزه تيجي غصب

يوهان قرب منها وشد الطرحه وشعرها نزل علي وشها

وقطع هدومها علي كتفها وجسمها بأن وغزل كانت بتصرخ وهي بتحاول تبعده عنها وايان سمع صوتها وجري بسرعه وشاف يوهان مقرب منها ومسكها وزقه بعيد وبعدين مسكه وفضل يضرب فيه لحد مبقاش قادر يقوم ورجع شويه وبص لغزل اللي جريت عليه وحضنته وفضلت تعيط ايان حضنها وكان عاوز يخبيها جواه بعد عنها ومسك الطرحه وحطها علي شعرها وقلع الجاكت وحطه علي أكتافها

وحضنها غزل كانت بترتعش وهي في حضنه

ايان : انا معاكي يحبيبتي متخافيش 

زين دخل وشافهم : غزل

غزل بعدت عن ايان وبصتله وهي بتعيط زين قرب منها ومسح دموعها : اهدي يحبيبتي

غزل : أن ا ع ا و زه امشي من هنا

زين : حاضر يحبيبتي

زين و ايان كانوا واقفين و يوهانس بيقوم وهو معاه سكينه وبيقرب من الشباب

غزل بتصرخ : زين

زين بيبص ورا وبيمسك ايد يوهان

زين : خد غزل واخرج انت يا ايان

ايان بيمسك غزل وبيخرجو وبيركبها العربيه وغزل بتمسك ايدو : متسبنيش انا خايفه

ايان : انا معاكي يحبيبتي

..

في فيلا العيله

الشباب كانوا متجمعين واقعدين سوا والبنات قاعدين بعيد عنهم وبيبصو لتاليا اللي مش طايقينها

بيدخلوا زين و ايان وغزل والكل اتفاجي برجوع غزل..