رواية عانيت لأحبك الجزء الثاني2 الفصل الحادي والثلاثون31 والثاني والثلاثون32 بقلم فاطمه محمود

" رواية عانيت لاحُبك 2 "

                     صرت انت

" البارت الحادي وثلاثون "

" الكاتبة فاطمة محمود "

في مكتب فارس

يوسف : انا شايف ان يوسف لازم يتكلم وبلاش يتعامل

بالطريقه دي

فارس : هيتكلم يقول ايه يا يوسف يعني انت مش عارفو

كان هيرد يوسف علي فارس بس قاطعه خبط الباب

فارس : ادخل

بتدخل فيروز : آسفه اني قاطعت كلامكم

يوسف ابتسم : ولا يهمك يحبيبتي

فيروز : انا عارفه اللي هقول مينفعش بس انا محتاجه

انكم تفهموني

فارس : قول يحبيبتي في ايه الاول

فيروز : انا بس محتاجه منكم امشي دلوقتي و وعد مني

بكرا همشي من الشركه متاخر

يوسف : وقعتي قلبنا يفيروز

فيروز : آسفه يعمو

فارس : حبيبتي انتي تمشي وقت متحبي مش لازم تتكلمي

معانا بالطريقه دي

فيروز : بس دا شغل يعمو فارس ولازم اكون قده يبلاش

احسن

يوسف : مش عاوز اسمع منك الكلام دا تاني انتي بنتنا

مش وحده بتشتغل هنا في الشركه وخلاص.. مفهوم

فيروز ابتسمت اوي : بجد شكرا

يوسف فتح دراعه : تعالي هنا

فيروز راحت عنده وحضنته وبعدت عنه وبصيت لفارس

فارس : واشمعنا يوسف بس يحضنك يعني

فيروز ضحكت : يسلام دا انا يبختي انهارده واحلا حضن

لـ احلا عمو فارس

وقربت من فارس وحضنته وبعدت عنه وهي مبسوطه

فارس : طب عشان ابقا مطمن انتي كل حاجه تمام

فيروز : اها تمام بس معايا مشوار ومينفعش اجله

فارس : مينفعش تمشي لوحدك هيوصلك يـو

فارس سكت ولحق نفسه قبل ميعك الدنيا ويوسف بصله

فيروز حسيت بالزعل شويه بس حاولت متبينش قدامهم

يوسف حاول يلحق الموقف : استني يوصلك فريد يفيروز

فيروز : لاا يعمو فريد مشغول ومفيش مشكله انا همشي

لوحدي

فارس : ازاي بس يحبيبتي مش هينفع نسيبك تمشي لوحدك

فيروز مش عارفه تقولهم ايه ولا تجيب الموضوع ازاي من غير متتحرج : ما هو حمزه هيجي ياخدني ويوصلني

يوسف : خدي بالك من نفسك يفيروز

فيروز : حاضر عن ازنكم

يوسف : اتفضلي

فيروز خرجت ويوسف بص لـ فارس

يوسف : ايه يفارس ايه اللي كنت هتقوله دا

فارس : برغم اللي حصل يا يوسف الا ان لسه لحد دلوقتي

مش مصدق ولساني غصب عني كان هيقول قدامها يوسف يوصلك بس كويس لحقت نفسي قبل مكمل كلامي

يوسف هز راسه : ممكن يرجعو حد يعرف بكرا هيحصل ايه

فارس : فكرك فيروز هتوافق

يوسف : انا معرفش بس اللي متاكد منه انها لسه بتحبه

فارس كان باصص لي وهو مقتنع بكلامه

..

نغم كانت قاعده في مكتبها وبيدخل يامن وبيقعد علي

المكتب ونغم بتبصله وبتكتم ضحكتها

يامن : ايه بتضحكي علي ايه

نغم شالت عيونها من اللابتوب وسندت ايديها علي الكرسي

وبصتله : عشان بقيت حمار

يامن : عارفه انا هسكت قوليلي ليه

نغم : ليه يا يامن افندي

يامن : عشان وقت متعرفي انا معايا ايه بوقك دا هيسكت عن الكلام نهائي تاني قدامي

نغم بسخريه وهي بتاخده علي قد عقله : يسلام تصدق

صدقتك بجد

يامن هز راسه : اتريقي براحتك

نغم : قول اللي عندك واخلص يا يامن

يامن رفع الملف ورفع حاجبه بابتسامة نصر

..

في مكتب يوسف كان قاعد علي الكرسي وهو عقلي مش موجود معاه وبيقوم بضيق وبياخد فنجان القهوة بتاعه وبيقف قدام الشباك وهو بيشرب من قهوته...

وفي نفس اللحظة بتخرج فيروز من الشركه وبتقف شويه

وبيوصل حمزه وبينزل ليها وبيقف قصادها

فيروز عيونها عليه بصدمه : انت امتي لحقت توصل يابني

دا انا لسه خارجه وكنت هكلمك

حمزه ضحك : مالكيش دعوه بقا دي بتاعتي اعرف امتي

بتخرجي وانتي هتكلميني

فيروز : هقلق منك كدا

حمزه ابتسم : مش محتاجه قلق اطمني كل الفكره اني فضلت مستنيكي هنا لحد ما تخرجي

فيروز : مستني هنا

حمزه : اها محبتش امشي بصراحه ونا مش معايا حاجه

فيروز : طيب ايه هنمشي ولا هنفضل واقفين

حمزه فتح باب العربية ونزل ايديها لفيروز : اتفضلي

يا سيندريلا

فيروز ضحكت وركبت العربية وحمزة ابتسم عليها

كل دا وكان في عيون متابعهم من اول ما فيروز نزلت

ودي كانت عيون يوسف...

فضل باصص قدامه وهو بيحاول يستوعب اللي شافه

وكانت ايده بتعصر في الفنجان وفجاه رماه علي الارض

وهو متعصب وبيمسك جاكت البدله وبيخرج من المكتب

وهو مش شايف قدامه

..

نغم كانت باصه للملف وهتاخده من يامن بس شد الملف

من قدامها بسرعه

يامن : تو مش بالسهوله دي ينغوم

نغم : انت سمعت الصوت اللي جيه من مكتب مستر يوسف

يامن : اها سمعت تلاقيه حاجه وقعت منو ومتتهربيش عشان تاخدي الملف مني

بيخرج يوسف وبيعدي قدام يامن ونغم

يامن بيستغرب شكله وبينده عليه : يوسف .. يوسف

نغم : هو في ايه

يامن : مش عارف

نغم : طيب الحقه بسرعه

يامن بيسيب الملف علي مكتب نغم وبيخرج ورا يوسف

بسرعه عشان يلحقه

..

في فيلا العيله

بيوصل مالك وعمر ومصطفى وبتطلع آيه ومريم واسما

من المطبخ وكل وحده بتستقبل جوزها

عمر : فيروز مرجعتش من الشركه

مريم : ما هي فيروز مش في الشركه

عمر : رجعت يعني موجوده في الفيلا

مريم هزت راسها بـ لاا

عمر : امال فيروز فين يمريم

مريم : حمزه طلب مني انها تخرج معاه ويتغدوا سوا

عمر : هو ازاي ياخدها من دماغه كدا

مريم : ما هو طلب مني ونا وافقت

عمر : وفقتي من دماغك من غير متقولي ليا يمريم

مريم : عمر انا

عمر قاطعها : خلاص مش عاوز اسمع حاجه

عمر سابها وقعد في الريسبشن مع مصطفى ومالك

آيه واسما بيقربو من مريم

آيه : في ايه يمريم

اسما : مالك واقفه ومدايقه كدا ليه

مريم : مفيش يبنات

مريم راحت المطبخ وآيه واسما بصو لبعض و راحوا المطبخ

..

يوسف ركب عربيته بسرعه ومشي بجنون

يامن كان خارج من الشركه وهو بيجري وراه وبينده عليه

بصوت عالي : يوسف .. يابني في ايه

حط ايديها علي راسه وهو مش فاهم في ايه وقرب منو

راجل الامن : في حاجه يا استاذ يامن

يامن بصله بسرعه : هاتيلي عربيتي بسرعه

حاضر

رجل الأمن مشي يجيب العربية ويامن فضل واقف وهو بيفكر في يوسف

..

يوسف كان بيسوق وعيونه علي عربيه حمزه اللي خلاص هتتختفي وحصلت زحمه بين العربيات ويوسف فضل

يدوس كلاكس وهو عاوز يوصل لفيروز والعربيات فضلت

واقفه واتعصب وفضل يضرب بايدو وهو متعصب ورجع

سند راسه علي الكرسي وغمض عيونه وهو بيفتكر فيروز

ويتعصب اكتر

يوسف : هي ازاي تخرج من الشركه ازاي تخرج مع الحيوان اللي هي متعرفهوش اصلا

فضل ساكت ومسك موبايله ورن علي ابوه اللي رد بعد ثواني

فارس : ايوا يا يوسف

يوسف بغضب مكتوم : انت عارف باللي عملته فيروز

فارس : هي فيروز عملت ايه

يوسف : يعني هي خرجت من الشركه من غير متبلغ اي حد

هي جايه شغل ولا جايه الملاهي

فارس : ممكن تهدي الاول .. فيروز قالتلي انها خارجه

ونا سمحتلها

يوسف : يعني انت عارف يبابا وازاي توافق علي اللي

هي عوزاه انت عارف انها خرجت مع شاب غريب انا

مصدم منها لحد دلوقتي

فارس : يابني اعرف الاول اللي حصل وبعدين اتكلم

يوسف : انا هعرف بنفسي منها هي

فارس : بلاش تجنن يا يوسف .. يوسف

فارس بص للفون ويوسف كان قفل

فارس : ربنا يستر

..

في مطعم من مطاعم اسكندريه بيكونوا قاعدين فيروز

وحمزه علي ترابيزه وفيروز ماسكه المنيو وحمزه عيونه

عليها وهي شايفه نظراته بس بتتجاهل دا

فيروز رفعت عيونها من المنيو وبصيت لحمزه : طيب ايه

هتفضل تبصلي مش هتشوف تاكل ايه

حمزه ابتسم ومسك المنيو وبعد دقايق طلبوا اكل...

فيروز كانت بتبص للفون وشويه ايديها وللمطعم وهي بتحاول عيونها متجيش علي حمزه

حمزه ابتسم عليها : هو انا مش موجود هنا تكرمي وبصيلي شويه

فيروز بصتله : انا بس اول مره نقعد مع بعض

حمزه قاطعها : مش متعوده عليا انا فاهمك اتعاملي معايا

عادي خالص

فيروز هزت راسها

حمزه : احكيلي عن نفسك شويه

فيروز : اقول ايه

حمزه : اللي انتي مخبيه

فيروز قلبها اتقبض وفضلت تبصله بقلق

حمزه : بهزر معاكي يفيروز وشك جاب الوان كدا ليه

فيروز كشرت : هزار رخم علفكرا

حمزه ضحك : انا الغرض اللي كنت عاوزه من الهزار اهو

حصل قدامي دلوقتي

فيروز : مش فاهمه

حمزه رفع ايديه في وشها

فيروز : في ايه يعم انت هتضربني

حمزه فضل يضحك اوي : لاا مش قادر

فيروز : مش عاوز اتعامل معاك عادي خد بقا عندك

حمزه وقف ضحك وبصلها بإعجاب وهز رأسه : انتي

بجد جميله اوي يفيروز

فيروز اتصدمت من كلامه : احم

حمزه فاق لنفسه واتوترت شويه : طيب ايه مش هناكل

ولا ايه

الجرسون بيوصل وبينزل الاكل وبيمشي

حمزه بص لفيروز : اتفضلي يفيروز

فيروز هزت راسها وبدأت تاكل ورفعت عيونها من الطبق

وشافت عيون حمزه عليها وشالها بسرعه

..

ادهم خلص شغله وخرج من مكتبه وراح مكتب ليلي

وكانت قاعده علي الكرسي وقعد علي الكرسي اللي

جمبها

ادهم مسك أيديها : يلاا بينا

ليلي بصتله اوي : انا عاوزه اروح عند اهلي

ادهم : ليه يا ليلي

ليلي : بقالي كتير مشوفتهمش

ادهم : بلاش تعملي كدا وتكبري الموضوع

ليلي قامت و وقفت : انا كنت عاوزه اعمل كدا من قبل

ما دا يحصل

ادهم قام ومسك كتفها : ونا مش موافق

ليلي بعدت عنه ومسكت شنطتها وبصتله : ونا عاوزه

افضل يومين مع اهلي

ليلي خرجت من المكتب

ادهم نفخ بضيق وخرج

..

يوسف فضل يلف بالعربيه وفي الاخر راح الفيلا وركن 

عربيته وفضل قاعد فيها

وفي نفس اللحظة بيوصل حمزه وفيروز وبينزلوا وحمزه 

سند علي العربيه وفيروز كانت هتدخل

حمزه : فيروز

فيروز وقفت وبصتله : نعم

حمزه : كنت مبسوط انك وافقت اننا نقضي شويه وقت

سوا

فيروز ابتسمت وهزت راسها : طيب ايه مش هتدخل

 حمزه راح عند فيروز و وقف قصادها

يوسف كان باصص ليهم في المرايا ونزل وهو مش قادر

يتحكم في اعصابه اكتر من كدا ومسك حمزه من هدومه

وفيروز اتخضت اول مظهر يوسف

حمزه : هو في ايه انت مين

فيروز : انت بتعمل ايه يا يوسف

يوسف من غير ميبصلها : دلوقتي هتشوفي هعمل ايه

يوسف رفع ايدو وكان هيضرب حمزه بوكس في وشه

بس فيروز لحقته ومسكت ايديها بسرعه وعيونها جات

في عيون يوسف ومسكت ايديه التانيه وحاولت تشيلها

من هدوم حمزه بس يوسف فضل ماسكه

فيروز : لو سمحت سيبه

يوسف فضل يبصلها وملامحه كلها ضيق وعصبيه منها

وساب حمزه وبعد عنه خالص و وقف بضهره ليهم وهو

بيحاول يهدي

فيروز : ادخل يحمزه

حمزه : ادخل واسيبك مع واحد مجنون زي دا

فيروز بعصبية : حمزه لو سمحت متقولش كدا وادخل

حمزه مش فاهم هي ادايقت ليه وبص ليوسف اللي واقف

ودخل

فيروز بصيت ليوسف اللي ضهره ليها : ممكن افهم اللي 

عملته دا اسمه ايه

يوسف لف ليها وبصلها : انا اللي عاوز افهم انتي ازاي كدا

تمشي مع واحد انتي مش عارفه

فيروز : لاا عارفه كويس

يوسف مسك دراعها : وتعرفيه من امتي عشان تخرجي معاه وتضحكي وتهزري ازاي كنتي مخبيه عني كل دا

فيروز كانت بصالها بغضب من تفكيره فيها : الظاهر عقلك

مبقاش شغال يا بشمهندس واتجننت خالص

يوسف ضغط جامد علي دراعها : مين دا

فيروز شالت ايديها من دراعها : انا مش ماشيه بطال عشان

انت تيجي وتقولي الكلمتين دول ودا يبقا ابن خالي وتاني

مره متكلمش معايا بالطريقه دي ومالكش دعوه باي حاجه

تخصني انت فاهم

يوسف قرب منها شويه وفيروز رجعت لورا : لاا تخصيني

وتخصيني اوي يفيروز ونا مش عاوز اشوفك مع الواد دا

تاني وصدقيني لو استهزئتي بكلامي وعاندتي معايا انتي

اللي هتكوني جنيتي علي نفسك

فيروز : خوفت انا منك يعني طيب اعمل اللي انت عاوز تعمله ميهمنيش واخرج مع حمزه مخرجش انا بس اللي

اقرر دا

يوسف : انتي بس

فيروز اتوترت : اها انا بس زي ما انت بتهزر وبتتكلم مع

السكرتيرة بتاعتك انا كمان حره

يوسف اتصدم لثانية من اعترافها بغيرتها عليه من نغم الغير مباشرة وابتسم ابتسامة جانبية : السكرتيرة 

فيروز مشيت من قدامه بسرعه قبل متعك الدنيا اكتر : 

منك لله يفيروز ايه اللي انتي قولتي قدامه دا

فيروز دخلت الفيلا ويوسف فضل يبصلها وركب عربيته

ومشي

..

ادهم كان بيسوق وليلي بتبص لطريق

ليلي : انت ليه ماشي في طريقك للفيلا

ادهم بصلها : عشان نروح بيتنا

ليلي بصيت من الشباك : ونا مش عاوزه

ادهم : عاوزه تبعدي عني يومين لو انتي تقدري انا مقدرش

ليلي ابتسمت بسخرية : ما انت كنت بعيد عني يومين ايه

اللي حصلك يعني ولا اي حاجه

ادهم مسك ايديها : لو هنفكر انتي السبب في المشكله دي

ليلي بعدت ايدها وسكتت ادهم بصلها وبص لطريق وركن

العربية علي جمب

ادهم : ليلي انا بتكلم معاها عشان دي ضيفه وقاعده يومين عندنا ولازم نعاملها بشكل كويس

ليلي انفجرت واتكلمت بعصبية : الضيفه اللي بتكلم عنها دي حربايه ملهاش يومين قاعده واخدت مني جوزي وزعقلي

بسببها وهو كان دايما يستحملني بس مش عارفه ايه جراله

ادهم شدها لحضنه : ولسه بيستحمل وبيحبك

ليلي عيطت في حضنه : كداب لو كان بيحبني بجد مكانش

هيسبني زعلانه منو بدل ما يجي يصالحني

ادهم : كنت عاوز اصالحك في بيتنا مش في مكان ممكن

اي حد يدخل علينا ويقطع علينا كلامنا

ادهم بعد عنها ومسح دموعها : يقطعني اني خليت حبيبت

روحي تعيطي بسببي النهارده

ليلي بصتله وهي ساكته وادهم مسك خدها : مفيش وحده

هتاخدني بجنانها وجمالها زيك عمري ما هحس بالشعور

اللي حسيته ليكي لأي وحده تانيه حتي لو اتكلمت معاها

افهمي بقا .. دا انتي ام العيال يابت

ليلي ضحكت

ادهم ابتسم : ايوا عاوزك بتضحكي علطول.. عاوز تروحي

لاهلك وتسبيني لسه

ليلي حطيت ايديها علي كتفه وبصتله : اكيد لاا يدومي

ادهم : بس احنا هنروح

ليلي بعدت : ايه

ادهم : بصراحه اكل حماتي وحشني نروح نتغدا معاهم

ونرجع

ليلي بحماس : اشطاا

ادهم : انتي جعانه من دلوقتي يا ليلي نوصل الاول

ليلي ضحكت : لاا يا بيبي دي كلمه بتتقال عادي بدل تمام

اللي دمها تقيل

ادهم ضحك : عرفتي انا بحبك ليه

ليلي ابتسمت : عرفت

..

يامن كان عمال يلف بالعربية وهو مش عارف رايح فين

وماسك الفون وبيرن علي يوسف...

يوسف كان في عربيته وراجع الشركه وبص للفون ورد

يوسف : في ايه يا يامن عمال زن زن

يامن : يا اخي قلقان عليك عبرني ورد عليا لما شايف كلماتي مش فارق معاك كلم ابوك وطمنه هيموت من قلقه عليك

يوسف : عيل صغير عشان تقلقوا عليا

يامن : لاا صاحبي و لما الاقيك مش واعي لل انت بتعمله

لازم ابقا معاك .. وابوك ملهوش غيرك وطبيعي يقلق عليك

يوسف : لاا انا شايف كويس انا بعمل ايه

يامن : طيب ممكن ترجع دلوقتي ونتكلم في الشركه

يوسف : تمام

يامن قفل ورن علي فارس

فارس كان بيشتغل في مكتبه والقلق مسيطر عليه وخايف

لابنه يتهور ويسبب مشكله ملهاش حل..

والفون بتاعه رن باسم يامن ورد بسرعه : طمني يا يامن

وصلت لـ يوسف

يامن : ايوا لسه قافل معاه وهو راجع الشركه متقلقش

فارس : طيب تمام شكرا يا يامن

يامن : بتشكرني علي ايه يوسف دا يبقا صاحبي

فارس : ماشي يحبيبي مستنيك ترجع انت كمان

يامن : حاضر

يامن تنفس بارتياح وفضل سايق ومركز في الطريق وافتكر

نغم والملف وضحك علي غبائه : يابنت الايه يا نغم علطول محظوظه بسبب اللي حصل الملف بقا تحت ايديك خلاص

ولا اقدر اخده منك ولا يبقا ليكي عندي زله بس ملحوقه

إن شاء تضيع حاجه تانيه

سكت وهو بيفتكرها وبيبتسم

..

الماميز كانوا بيحضروا الاكل والبنات قاعدين في التراس وحمزه قاعد مع الشباب وعيونه علي فيروز وعاوز يقوم يطمن عليها بس مش عارف ازاي والكل موجود

دانيه : ايه يروز انبسطتي في الشغل النهارده

فيروز ابتسمت : اها كان وحشني جدا جو الشغل

ديما : يومين بالظبط وهتزهقي يحبيبتي

داليدا : دي كلمه تقوليها للبت يديما بدل ما تديها امل

حياه : هي كدا ديما دبش ولا بتفكر بتقول ايه

ديما : حوش حوش ياختي لسانك اللي بينقط رقه

حياه وهي بترمش بعيونها : زينو حبيبي يرد عليكي ويقولك انا قمر ازاي

دانيه : طيب ما هو لو مقالش قمر هيتنكد عليه يحياه

يحبيبتي

حياه : اكيد يقلبي

حياه سكتت وبصيت لدانيه : يعني انت قصدك ايه

بتتريقي عليا زيها يدانيه

دانيه ضحكت : انا اعمل كدا يحياتي

ديما بشماته : لاا قصدها ان زين هيقول قمر عشان يكبر دماغه

حياه : ماشي يدانيه انا هسكت عشان اللي في بطنك

ومتكلميش معايا تاني

دانيه : يحياه ديما دي عاوزه توقع ما بينا انتي عارفها

حياه : ما انا عارفها اها بس انتي اتريقتي عليا برضو

ديما بردح : نعم ياختي انتي وهيا مين دي اللي توقع ما بينكم ليه شايفيني حربوقه

حياه : مفيش بينك وبينها اختلاف ابدا بتتغيري علي اكتر

من لون

داليدا : انتو مالكم النهارده يبنات متهدوا شويه

ديما : ما انتي شايفه انها اللي بتبدي الاول يداليدا

داليدا وهي بتحاول تحل الخناقه : صغيره ومش فاهمه حاجه

ديما : ام لسانين دي صغيره

فيروز : خلاص بقا يدمدومه

حياه : كلكم جاين مع ديما عليا ما انا ماليش حد بجد

غزل ابتسمت : ونا روحت فين يروحي

حياه بصتلها : انتي قلبي يزوزو والله

غزل : اهدوا كدا بقا وغيرو الكلام

حياه : ونا هقعد مع المنافقه دي تاني

ديما : فريد يجي بس وهو يتكلم معاكي عشان مبقتش 

قادره عليكي

حياه بدلع : ولا تقدري يعمري

ديما : شوفي البت بتكلمني ازاي

بيدخل زين وايان وبيقعدو مع الشباب شويه وبعدين

بيكونوا طالعين يغيروا هدومهم وحياه اول مبتشوف

زين بتقوم بسرعه وبتروحله وبتمسك دراعه

حياه : وحشتيني اوي اوي يعيوني

ايان ضحك عليهم وطلع

زين ابتسم ومسك خدها : ونتي كمان يروحي

حياه : هو ايان بيضحك ليه

زين : سبيك منو دا غيران مننا

حياه ضحكت : صح يكوتي

زينا ابتسم : طيب سيبي دراعي يكوتي عشان اطلع اغير هدومي

حياه سابت دراعه : متتاخرش اتفقنا

زين : اتفقنا

زين بص للبنات : ازيكم يبنات

البنات : اهلا يزين

فرح كانت عيونها علي زين من اول ما حياه راحتله

وبصتله باعجاب من شكله المفتول العضلات

حياه رجعت قعدت مع البنات بعد ما زين طلع جناحه

ديما : اتقلي شويه يخرب بيتك

حياه : مالكيش دعوه انتي

داليدا بصيت لفريده وفرح : هما كدا طول الوقت توم وجيري هتتعود عليهم

فريده ابتسمت

حياه : حتي بيقولوا مرات الاخ بتبقا الحنيه والحب وهي طول الوقت مقويه قلب اخويا عليا

ديما فتحت عيونها بصدمه : هو فريد بيجي جمبك يكدابه

حياه : لاا ابدا دا حبيبي

..

في الشركه بيوصل يوسف وبيروح مكتبه ونغم بتقوم اول مبتشوفه بس يوسف بيدخل مكتبه من غير اي كلمه معاها

ونغم بتستغرب دا وبترجع تقعد

نغم : هو في ايه النهارده

يامن بيوصل وبيشوف نغم بتكلم نفسها : ايه اطمن خلاص اتجننتي وبقيت تكلمي نفسك

نغم بصتله بغيظ : عارفه انك اكتر واحد هتفرحلي لما

دا يحصل

يامن قعد علي المكتب وبصلها : ياااه حاسه بشعوري

من دلوقتي دا انتي طلعتي قريبه اوي مني

نغم : انت اتجننت وقوم من علي المكتب هيتكسر

يامن : ليه شايفني زيك

نغم بصت لنفسها : ليه مالي بقا أن شاء الله

يامن : والله افهميها زي ما انتي كنتي عاوزه تقوليها ليا

نغم : بتقلب الترابيزه عليا يعني

يامن : حاجه زي كدا .. بتفضلي لوك لوك يخرب بيتك حتي علمتني الرغي زيك ونستيني المهم اللي جاي عشانه

نغم : لاا يحبيبي انت اصلا رغاي من قبل متعرفني

يامن : حبيبك اخيرا اعترفي بحبك ليا

نغم لويت بوقها بشعبية : انت شارب حاجة يبابا

يامن : ازاي تقولي الكلام دا هنا في الشركة انتي اللي قولتي حبيبي هتكدبي في دي كمان

نغم : لاا دي في كلامي عموما مثال عن اللي حصل من شويه

يامن : امم المهم يزفته يوسف جوا في مكتبه

نغم : اها رجع دلوقتي بس هو ماله خرج متعصب ورجع

وشكله مش طبيعي زي ما اعرفه

يامن : اها هتموتي وتعرفي عارفك

نغم : انت هتخليني اندم علي المره اللي طلبت منك تحكيلي

يامن : بهزر معاكي في ايه

نغم : في محشي

يامن : اغرفيلي طيب

نغم زقته بايدها : امشي من هنا يا يامن

يامن قام : ماشي

ودخل مكتب يوسف ونغم بصتله ورجعت تكمل شغلها

..

في شقة ايمن والد ليلي

كانوا قاعدين علي السفره وليلي قاعده جمب ادهم وبتاكله

وايمن بيبص لبنته وهو مبسوط وبص لمراته اللي باين علي

وشها الفرحه لبنتها

ايمن : ربنا يخليكم لبعض يولاد

ليلي : ويخليك لينا يحبيبي

نورهان : ويترا الحب والدلع دا ليك يا ادهم علطول كدا ولا قدامنا وبطلع عينك ونتو لوحدكم

ادهم بص لـ ليلي ورجع بص لنورهان : ابدا والله يحماتي لولي طول الوقت بتعاملني كدا حتي في الشغل تيجي 

وتهتم بيا واقولها يحبيبتي متشغليش بالك تقولي لاا 

يحبيبي لازم اكلك

ليلي كانت بتبصله بصدمه من الكلام اللي قاله عنها وهي  مش بتعمله بس ابتسمت علي كلامه عنها قدام اهلها

نورهان : ايوا يا لولي ايه دا كله دا انا كنت قلقانه عليكي

ادهم : القمر دي تقلقي عليها معندكيش حق في دي يحماتي والله

نورهان  : اهم حاجه اني شوفتكم مبسوطين يحبيبي

ادهم ابتسم : اكيد بتقولوا ايه سبب المفاجأة دي صح

ايمن ضحك : صح ليكم مده محدش شافكم ابدا

ادهم : هي ليلي من فتره وهي عاوزه تجيلكم يا عمو

بس انا اللي ممانع والله مقدرش أنها تفضل بعيده عني

ليلي اتكسفت ونزلت راسها وهي مبسوطه وايمن بصلها

وابتسم علي بنته

ايمن : اخدتها مني يا استاذ ادهم

بصت لباباها بنظره زعل وممزوجه فرح في نفس الوقت

ادهم : انا اقدر دي بنتك ولو عاوزه تشوفكم تيجي زي ما 

هي عاوزه بس اعذورني انها تفضل هنا وتسبني لوحدي

نورهان : واحنا منقدرش طبعا يحبيبي انتو تقرر كدا

تيجو تقضو معانا كام يوم

ادهم : أن شاء الله يحماتي

ليلي كانت مبسوطه اوي بعيلتها عندها احلا اب وام مبسوطين بيها واحن زوج ربنا رزقها بي

كانت بتبصلهم بحب وادهم مسك ايديها وبصتله وبدا

ياكلها وهي مبسوطه وايمن ونورهان حمدوا ربنا علي

أنه ادهم زوج بنتهم

..

الماميز والبنات كانوا بيحضروا الاكل والشباب قاعدين في

الريسبشن وفرح كل متطلع من المطبخ وهي بتطلع الاكل

مع البنات عيونها بتبقا علي زين اللي بقا عباره عن تفكيرها

وكانت هتحط الطبق علي السفره بس كان هيوقع منها وهي

عيونها علي زين وحياه لحقتها ومسكته بسرعه

فرح : انا آسفه

حياه : ولا يهمك انتي كويسه

فرح : اها كويسه

فرح بصيت علي زين قبل متمشي علي المطبخ وحياه كانت عيونها عليها وبصيت ما فرح بتبص وشافت زين واتجننت واشتعلت ناره الغيره وكانت عاوزه تجيبها من شعرها بس حاولت تهدي

حياه : اكيد هي عشان اول مره تشوفه اكيد يحياه

دانيه خرجت من المطبخ وشافت حياه واقفه : ايه يحياه ادخلي هاتي الباقي عشان انا تعبت ومش قادره اقف تاني

حياه : خلاص اقعدي انتي ونا والبنات هنجيب باقي الاطباق

دانيه : ماشي

دانيه قعدت وحياه راحت المطبخ

..

في مكتب يوسف

كان واقف قدام الشباك ويامن قاعد علي الكرسه وحاطط ايديها علي خده وساند علي المكتب وعيونه علي يوسف

يامن : يابني تعال اقعد بقا

يوسف بصله : انت عاوز ايه يا يامن

يامن : عاوز افهم حصل ايه

يوسف رجع بص لطريق من الشباك وتنفس بضيق

يوسف : شوفت شاب معاها ومقدرتش اتحكم في نفسي

واتعصبت ونزلت بسرعه عشان الحقهم واعرف هما رايحين

فين

يوسف سكت

يامن : كمل وبعدين حصل ايه

يوسف : مفيش روحت الفيلا وفضلت شويه و وصلت

مع الشاب واول مشوفته نزلت ومسكت في هدومه

يامن : اوعي تقول انك ضربته

يوسف : كان نفسي بس للأسف

يامن : الحمدلله طيب كمل وبعدين حصل ايه

يوسف قعد علي الكرسي وبص ليامن : كنت هضربه فيروز منعتني وعرفته انه يبقا ابن خالها

يامن : طيب خلاص اهو ابن خالها مدايق ليه

يوسف بندفاع : وايه يعني ابن خالها هي تروح معاه ليه

يامن : انت غيران عليها يا يوسف

يوسف بصله وسكت

..

نور كانت واقفه في المطبخ وبتحاول تكلم فارس بس مبيردش عليها

آيه : مردش عليكي ينور

نور : لاا انا مش عارفه اخوكي بيعمل فيا كدا ليه

سلمي ابتسمت : اكيد مشغول ينور لما يبقا فاضي هيكلمك

نور كانت هترد بس فونها رن

سلمي : اهو اخويا بيرن عليكي ردي وشوفيه

نور هزت راسها وخرجت ترد عليه

فارس : ايه ينور

نور : فينك يا استاذ اتاخرت كدا ليه

فارس : هعمل ايه الشغل

نور : ثانيه صوتك ماله في ايه يفارس

فارس : مفيش حاجه يحبيبتي انا هقفل ومسافة السكه

واوصل

نور : تيجي بالسلامه

فارس : الله يسلمك

نور قفلت وهي متاكده انه بيخبي عنها حاجه

..

نغم وقفت اول مشافت فارس

فارس : يوسف في مكتبه ينغم

نغم : اها يفارس بيه

فارس هز رأسه ودخل مكتب يوسف ويامن وقف اول

مشاف فارس

يامن : طيب انا هسيبكم لوحدكم

يامن خرج من المكتب وفارس قعد وبص ليوسف اللي

اللي قاعد ساكت وعيونه علي الشباك

..

يامن بص لنغم : الملف فين

نغم وهي بتمثل عدم الفهم : ملف ايه يا استاذ يامن

يامن : حلوه الرسميه دي منك

نغم : طيب اتفضل يا استاذ علي مكتبك مفيش ملفات

ليك عندي

يامن بتوعد : الشغل بس اللي هيشلني عنك

..

في مكتب يوسف 

فارس : ما انت لو كنت سمعت اخر كلامي ومقفلتش

الفون مكانش كل دا حصل يا استاذ يوسف

يوسف : بابا لو سمحت انا مش عاوز اسمع الكلام دا

فارس : عاوزني اشجعك عن اللي عملته يعني انت

فاهم انك ملكش الحق تقولها كدا

يوسف : لاا ليا ولا انت نسيت

فارس : لاا منستش بس انت كمان فاهم انا بقولك ملكش

الحق ليه

يوسف : انا بس لما شفت الشاب دا معاها معرفتش افكر... غير كدا انا مكنتش هاجي جمبها

فارس : لازم تفكر كويس قبل متعمل اي حاجه تاني

يوسف هز رأسه

فارس : ممكن تقوم بقا عشان مامتك رنيت عليا كتير

ومش عاوز نتاخر عليها اكتر من كدا

يوسف : انا مش عاوز اروح يبابا اتفضل انت

فارس : عارف انك مدايق ومعنديش مانع اسيبك لوحدك

بس لو مجتش معايا مامتك مش هتسبني في حالي غير 

ما تعرف الحقيقة

يوسف : عارف

فارس : طالما عارف يبقا تقوم معايا

يوسف : حاضر

فارس ويوسف خرجوا من المكتب..

فارس مشي ويوسف وقف وبص لنغم : تقدري تروحي

ينغم

يوسف : تمام يفندم

يوسف مشي ونغم بدأت تظبط المكتب قبل متمشي

..

ليلي كانت بتسلم علي مامتها وادهم كان واقف مع ايمن

نورهان : يبقا سلميلي علي اسما والعيله كلها

ليلي : عيوني يا هانو

ايمن خبط علي كتف ادهم بخفه : نورتونا يحبيبي

ادهم : تسلملي يعمو .. مش يلاا بينا يا ليلي

ليلي : حاضر

ليلي حضنت ايمن وبعدت عنه وايمن مسك خدها وبص

لـ ادهم : خدي بالك منها كويس يا ادهم

ادهم : في قلبي يعمو اطمن

ادهم مسك ايد ليلي وخرجوا من الشقه

ايمن : يبقا كررو الزيارة مره تانيه

ادهم : هيحصل أن شاء الله

ادهم وليلي نزلوا

نورهان : شايف يا ايمن ادهم بيعامل بنتنا ازاي

ايمن : وشايفه بنتنا كمان بتعامل جوزها بحب ازاي

نورهان : ربنا يبعد عنهم العين خايفه عليهم يا ايمن

ايمن ابتسم : ربنا حاميهم يحبيبتي

..

العيله كانت كلها متجمعين علي السفره وبياكلوا في جو هزار وضحك من آسر مع حازم والشباب وفرح عيونها علي زين من اول ما قعد وحياه مركزه معاها وهي خلاص مش قادره تسكت اكتر من كدا

ويوسف اللي بيخطف النظرات من فيروز اللي بتعمل زيه

بالظبط وحمزه لاخط نظراتهم وهو شاكك أن في بينهم

حاجه

..

نغم كانت واقفه تستني تاكسي ويامن وقف بعربيته قدامها

يامن : السكرتيره بتاعتنا بتعمل ايه هنا

نغم : هكون بعمل ايه واقفه مستنيه تاكسي

يامن : واحنا موجودين يباشا اتفضلي اركبي

نغم : كلك زوق

يامن : انتي بس واخده فكره غلط عننا

نغم قربت من عربيته وفتحت الباب ويامن مشي بالعربيه

نغم : انا غلطانه اني وافقت كلامك

يامن ضحك : تعالي مش هعمل كدا تاني

نغم بصتله وراحت تركب ويامن مشي بالعربيه ونغم بعدت

واديت ضهرها لي

يامن : خلاص ينغم تعالي اركبي يلاا

نغم مرديتش عليه ويامن نزل وهو بيضحك وراح عندها

يامن : يلاا ينغم دا انا نزلت من العربية عشانك

نغم فضلت ساكته

يامن : ينغم اسمعي الكلام الشمس هتحرقنا

نغم سابته وراحت ركبت عربيته ويامن ركب وبصلها

وضحك

نغم : بتضحك علي ايه

يامن : شكلك ونتي جايه تركبي بيفصلني ضحك

نغم : هتسكت ولا انزل

يامن وهو بيكتم ضحكته : هسكت

..

في جناح زين

كان قاعد علي الكنبه وحياه رايحه جايه وباين علي ملامحها العصبية

زين : انا نفسي افهم بس ايه اللي معصبك كدا يحياه

حياه وقفت وبصتله : البت الملزقه دي من اول مشافتك 

وهي مش شايله عيونها من عليك وكانها هتاكلك

زين : يحبيبتي ونتي مركزه معاها ليه

حياه : زين انت عاوز تجنني هو ايه اللي مركزه معاها ليه

دي بتبصلك فاهم يعني ايه

زين : فاهم بس ممكن تهدي شويه انتي متعصبه اوي

حياه : انا هطق منها ومنك ونت حضرتك ولا علي بالك

زين : ونتي متعصبه عليا انا ليه

حياه قعدت جمبه وبصتله : عشان بشكلك القمر دا وعضلاتك وضحكتك وجسمك ولون عيونك اللي يجننو اي حد يشوفهم 

زين ضحك رغم عصبية حياه من وصفها ليه وهي غيرانه عليه

حياه رفعت صوبعها في وشه : اسمع يزين طول ما البت

دي موجوده مش عاوزه اشوفك موجود في نفس المكان

زين حط ايدو علي راس حياه : لاا متقلقيش انا هسافر

وهقعد شهرين...