رواية عانيت لأحبك الجزء الثاني2 الفصل الحادي والعشرون21 والثاني والعشرون22 بقلم فاطمه محمود

" رواية عانيت لاحُبك 2 "

                    صرت انت 

 " البارت الواحد وعشرون "

" الكاتبة فاطمه محمود "

فيروز بصيت ليوسف ودموعها كانت علي خدها ومشيت

من قدامه بس يوسف مسك ايديها

فيروز بصتله : سيب ايدي

يوسف بصلها وعلي ملامحه العصبية قرب منها وقرب ايده من بوقها ومسح الدم

فيروز كانت بصالها : بتمسحه ونت السبب فيه

يوسف بصلها في عيونها : ونا بمسحه عشان مش عاوز حد يشوفه ويقول اني وحش معاكي ونا اللي ضربتك

فيروز : ما دي الحقيقه ونت ضربتني فعلا

يوسف : ونتي عارفه انا عملت كدا ليه واوعي تفتكري اني بعمل عشان اصالحك لاا  انتي مسبتليش فرصه وخسرتي حبي ليكي

فيروز كانت مركزه في كل كلامه وهي بتعيط

يوسف : ورقه طلاقك هتوصلك في اقرب وقت ويلاا 

اخرجي من هنا مش عاوز اشوفك

فيروز مسكت شنطتها وخرجت وهي بتعيط

يوسف كان واقف بيبصلها وبعدين قفل الباب ودخل الجناح

..

سلمي دخلت ليوسف في المكتب وشافته قاعد مدايق

سلمي : يوسف

يوسف بصلها : في حاجه يسلمي

سلمي : انا عاوزه اسالك السوال في ايه مالك كنت بتزعق

ليه ومع مين

وفجاه سمعو صوت عالي جاي من برا

يوسف قام وخرج هو وسلمي من المكتب وشافوا فارس

بيتكلم مع فيروز اللي بتعيط

فارس : يفيروز ردي عليا وقوليلي بتعيطي كدا ليه

فيروز : يعمو قولتلك مفيش حاجه لو سمحت سبني امشي من هنا

نور : يحبيبتي دا بيتك هتمشي تروحي فين

فيروز : لاا مبقاش بيتي انا مكاني عند اهلي

آيه : لو اتخانقتي انتي و يوسف هنحاول نحل المشكله

بس احكيلنا

فيروز : مفيش حاجه هتتحل

دانيه : يفيروز بلاش تمشي

شهد : مينفعش تسيبي جوزك يحبيبتي

فيروز وهي وشها كله دموع : يجماعه افهمو انا مش هينفع افضل هنا

فارس قرب منها وحضنها : اهدي يفيروز .. هو انا مش زي باباكي

فيروز هزت راسها

فارس : طيب قوليلي ايه مدايقك

فيروز : يوسف مش عاوزني في حياته تاني الحكايه خلصت خلاص مفيش داعي اني اتكلم

يوسف : يعني ايه يوسف مش عاوزك ايه حصل يوصلكم

للمرحله دي

فيروز : لو سمحت يعمو يوسف انا عاوزه امشي

يوسف : طيب يحبيبتي بس اقعدي الاول وارتاحي

فيروز : مش عاوزه

مالك : فيروز بلاش تخربي بيتك واقعدي واتفاهمي انتي ويوسف

فيروز : والله انا تعبت من الكلام ونتو مصممين اني افضل هنا

سيف : عشان مينفعش تمشي

فيروز : ومينفعش افضل

يوسف بينزل والكل بيبصله ومستنين منو تحليل عن اللي

حصل بينه وبين فيروز

فارس : يوسف هو ايه اللي بيحصل

آسر : يعني ايه مبقتش عاوزها هي دي مش كانت حب حياتك ايه اتغير

يوسف : اسالوها هي محدش يسالني

فارس : انت مش شايف حالاتها مش عارفه تكلم من العياط

يوسف : بابا لو سمحت انا مش عاوز اتكلم سيبها تمشي من هنا

ديما : يوسف هو انت بتكلم بجد عادي تمشي من هنا بنسبالك

يوسف : اها عادي يديما

حياه : انا بجد مصدومه ومش قادره اصدق هو دا الحب

زين : يوسف انت ممكن تكون متعصب بس متاخدش قرار

تندم عليه حياتك كلها

يوسف : لو هندم علي حاجه هي اني فكرت اتجوزها

فيروز مكانتش قادره تقعد اكتر من كدا بعد كلامه وجرحه ليها مسكت الشطنه وخرجت بسرعه والبنات خرجوا وراها

فارس : هو انت ايه اللي بتقوله دا

يوسف : انا هخرج دلوقتي بلاش نتكلم

فارس مسك دراعه بعصبية : تخرج دا ايه البرود اللي انت فيه دا

يوسف اتعصب : بابا لو سمحت سيبني بجد

فارس : انت كمان بتتعصب عليا كل دا عشان عاوز مصلحتك وتحل اللي حصل بينك وبين مراتك

يوسف : مبقاش ينفع ينحل الصفحه دي اتقفلت خالص

فارس : انت مستوعب اللي بتقوله انت يعني مش المفروض سند وضهر ليها ازاي تسيبها كدا

يوسف : بلاش تحكم عليا ونت مش عارف حاجه

فارس : فهمني يا اخي

يوسف : تمام .. الهانم كانت بتكلم مع البنات انها مسيطره ومقدرش اقولها متنزليش الشغل ولما اتكلمت معاها وفهمتها

دا غلط ونا موافق عشان بحبها ونا اقدر اخليها تقعد في البيت معجبهاش وعلت صوتها عليا ونا حاولت اتحكم في

عصبيتي عشان المشكله متكبرش وسكت ولما رجعت من الشغل قولت خلاص يا يوسف بلاش افضل اعاند واتجاهلها

لقيتها حاطه هدومها في الشنطه وحاولت افهم ليه كدا بس

طبعا العناد والكبرياء مالي دماغها ومش شايفه نفسها غلطانه واقولها لو راجل غيري مكانش سكت لما مراته تعلي صوتها عليه تقولي ايه دا لو راجل يعني انا اصبر واسكت واستحمل قرف وعدم تقدير وبعد كل دا ياريت تقدر غلطت فيا اكتر وهي طلبت الطلاق ونا هطلقها

يوسف : هي فيروز غلطت اها بس بلاش تنهي علاقتكم

كدا

يوسف : خالو انت راجل وفاهم يعني مراتك تغلط فيك

سيف : طيب اهدي يا يوسف في حل غير دا

يوسف : للاسف مفيش عندي غير دا

ايان : يعني انت هتقدر تكمل حياتك من غيرها

يوسف : هقدر حياتي مش هتوقف عليها

يوسف خلص كلامه وخرج من الفيلا

نور : معقوله فيروز قالت كدا

آيه : اكيد مكانش قصدها ينور

نور بصتله وسكتت

..

مريم بتفتح باب الفيلا وفيروز بتدخل بسرعه وبتطلع  اوضتها وهي بتعيط قبل محد يتكلم معاها

البنات بيدخلوا ومريم بتبصلهم وهي مش فاهمه اللي بيحصل

مريم : في ايه يبنات فيروز بتجري وبتعيط ليه

ديما : حصلت مشكله بينها هي و يوسف

مريم : مشكله ايه

حياه : احنا منعرفش لحد دلوقتي اللي حصل بس اكيد هتتحل

مريم بصيت لشنطه ورجعت بصيت للبنات : تتحل ايه وهي جايبه شنطه هدومها معاها

دانيه : هتتحل والله بس متفكريش في حاجه وحشه

مريم : طيب ادخلوا ونا هطلع اشوفها

ديما : بلاش دلوقتي سبيها شويه لوحدها

مريم هزت راسها

دانيه : طيب احنا هنمشي دلوقتي وهنيجي وقت تاني نطمن عليها

حياه : حاولي تفهميها يمريم وبلاش تتعصبي عليها

مريم : لو انتو عارفين حاجه قولولي يبنات بلاش تسبوني

في حيره

حياه : والله منعرفش انتي بس اتكلمي معاها وخليها تحكيلك

مريم : ماشي

البنات مشيوا ومريم قفلت الباب وهي حاسه بخوف علي بنتها

..

في فيلا العيله

البنات كانوا قاعدين مع بعض بيتكلموا

آيه : اطمنتو عليها يبنات

ديما : اول مدخلت الفيلا طلعت بسرعه اوضتها وسبنها وقولنا

نطمن عليها لما تهدي

حياه : بس فيروز كانت بتهزر معانا لما قالت كدا ليه يوسف ادايق

نور : ما هو مكانش ينفع تقول كدا وهو لما قالها اتعصبت 

ودا مكانش ينفع يحصل لو اخدته في كلمتين حلوين كان الموضوع اتحل

دانيه : فيروز متعوده علي يوسف من زمان اوي واكيد اتكلمت معا كدا ومفكرتش في كلامها عشان فاكره انه 

هياخد الموضوع عادي

شهد : مفيش حاجه عند الراجل أن مراته تعلي صوتها عليه عادي اوعو يبنات تعملوا كدا ونتي يحياه اوعي تزعقي مع زين

حياه : ازعق مع مين يماما هو زين حد يقدر عليه غير ربنا

سلمي ابتسمت : حتي في أوقات الزعل بتضحكينا يحياه

حياه : طالما ما موجوده حياه مفيش زعل وبعدين انتو هتعيشو في دور النكد ليه يومين بس ويهدو وكل حاجه هترجع فل

آيه : كلام حلو يحياه بس ممكن يحصل

حياه : ليه يتوتا مش هيحصل ليه ما انتي كنتي ماشيه حلو

نور : آيه بتكلم صح يبنات يوسف متعصب اوي وهي بكل غباء طلبت الطلاق وهو موافق

ديما : والله دلع

سلمي : ايه الدلع في كدا

دانيه : وهو يوسف هيطلقها يعني هو قال كدا من عصبيته

نور : ربنا يهديهم يارب

ديما و حياه و دانيه : امين

بتنزل غزل والبنات بيبصو ليها

حياه : ايه دا زوزو نزلت

سلمي ابتسمت : تعالي يحبيبتي اقعدي جمبي

غزل ابتسمت وقعدت جمب سلمي

غزل : زهقت قولت انزل اقعد معاكم شويه

آيه : دا كان المفروض من زمان يزوزو

شهد : اهم حاجه أنها حنيت عليا ونزلت بعد طول انتظار

غزل ضحكت علي شهد

حياه : ايوا بقا فين كان مفعولك دا يماما

شهد : موجود يقلب ماما

غزل : امال بابا فين والشباب كلهم فين

سلمي : يوسف و فارس ومالك و سيف راحو لعمر و زين و ايان و آسر و فريد اتخنقو شويه و خرجوا

غزل بإستغراب : ليه حصل ايه لكل دا

حياه : ايه يزوزو كنتي في غيبوبه ولا ايه

غزل : اها كنت نايمه ومحستش باي حاجه

دانيه : يوسف و فيروز اتخانقو والخناقه كبرت اوي وفيروز مشيت وراحت فيلا عمو عمر

ديما : وكمان طلبت الطلاق من يوسف

غزل : جماعه متهزروش بجد

نور : كلنا زيك كدا بالظبط يغزل مش قادرين نصدق

غزل : طيب اتخانقو ليه

حياه : هقولك

..

يوسف كان قاعد في عربيه وهو ساند علي الكرسي وباصص قدامه علي البحر وموجه و بيفكر في فيروز

يوسف ابتسم بزعل : دايما مكنتش بصدق جمله اكتر شخص بتحبه هو اكتر شخص هيجرحك .. كل حاجه هانت عليكي يفيروز كل اللي بينا مفرقش معاك مفكرتيش في لحظه فيه لحظه وحده بس قد ايه انا بحبك

تنهد وهو حاسس بضيق علي صدره نزلت دمعه من عنيها وغمض عنيها ومسحها

فونه رن وقفله ورجع رن تاني ورد عليه

يوسف بضيق : عاوز ايه يا آسر

آسر : فينك

يوسف : مش مهم انا فين

آسر : بس انا و الشباب عاوزين نجيلك

يوسف : معلش انا عاوز ابقا لوحدي

آسر : هتقعد لوحدك ايه تاني انت خرجت بقالك كتير مينفعش تبقا لوحدك اكتر من كدا

يوسف : انا عارف اني مش هعرف اوصل لحاجه معاك

آسر : طالما عارف قولي انت فين

يوسف تنهد وهو حاسس انه مش قادر خلاص

..

عمر : انتو من اول مجيتو ساكتين يشباب في ايه

يوسف : فيروز كويسه دلوقتي

مصطفي : هي مش فيروز موجوده في الفيلا

سيف : لاا فيروز جات هنا

عمر : هنا ازاي يعني يسيف

مالك : عمر احنا عاوزين انك تفهم دا الاول وبلاش يكون في عصبيه عشان الموضوع ينحل بسرعه

عمر : انا مش فاهم حاجه

..

مريم كانت قاعده هي و اسما في المطبخ ومريم باين عليها القلق

اسما : مريم اهدي شويه

مريم : مش عارفه يا اسما

اسما : طيب انا بقول روحي لفيروز واتكلمي معاها

مريم : حاسه في حاجه مش كويسه واللي بياكد احساسي وجود الشباب هنا

اسما : تلاقيهم بيتكلموا في شغل روحي انتي واطمني علي فيروز الاول ونا هطلع القهوة لشباب

مريم هزت راسها وخرجت وطلعت ل اوضه فيروز

..

فيروز كانت قاعده في اوضتها بتعيط وبتفتكر كل كلام يوسف وبتدخل مريم وبتقعد جمبها

مريم : بتعيطي ليه يقلب ماما احكيلي

فيروز : ماما لو سمحتي انا عاوزه ابقا لوحدي

مريم : بس انا سبتك كتير يفيروز ولازم دلوقتي تفهميني في ايه

فيروز : مفيش حاجه

مريم : عمك يوسف ومالك وفارس وسيف هنا و بيتكلموا مع باباكي من بدري ونا قلقانه انهم بيتكلموا كل دا ومحدش خرج منهم ريحي قلبي

فيروز بصتلها : ماما انا والله مكنت اقصد اللي حصل

مريم : طيب اهدي وفهميني ايه حصل بينك وبين يوسف

فيروز : حاضر هقولك .. انا كنت بهزر مع البنات والله مكنت اقصد

مريم طبطبت علي كتفها : كملي يفيروز

فيروز : و

الباب بيتفتح وبيدخل عمر وبيبص لفيروز نظره عتاب

عمر : ازاي تعملي كدا يفيروز انا ربتك علي كدا

فيروز : بابا والله انا آسفه

عمر : آسفه بعد ايه يحبيبتي انتي عارفه اللي عملتيه

مريم : في ايه يعمر فيروز عملت ايه

عمر بص لمريم ورجع بص لفيروز اللي بتعيط

..

داليدا و ليلي بيكونو نازلين سوا

ليلي : يعني فيروز موجوده هنا

داليدا : اها فهد خرج من الشباب ورنيت علي دانيه وقالتلي

ليلي : حتي ادهم خرج

داليدا : اكيد هما سوا

ليلي : تعالي طيب نشوف فيروز

داليدا : احنا ننزل دلوقتي وبعدين نشوفها عشان اكيد مريم معاها

ليلي : ماشي

البنات بيدخلوا المطبخ ومبيلاقوش حد موجود

ليلي : هو محدش موجود خالص في الفيلا

اسما بتدخل المطبخ وبتشوف البنات : انتو هنا يبنات

ليلي : اها يسوسو كنتي فين

اسما : كنت بقدم القهوة 

داليدا : ليه مين هنا

اسما : الشباب

ليلي : عشان فيروز

اسما : انتو عرفتو

ليلي : اها

..

الشباب كانوا قاعدين علي البحر

آسر بيبص لفهد اللي قاعد ومدايق من اللي عملته أخته

آسر : فهد بلاش تفضل مدايق

فهد بص ليوسف : يوسف بجد انا آسف عن اللي حصل 

يوسف : متتاسفش يفهد انت مش غلطان

فهد : بس اختي غلطانه

يوسف : انت قولت اختك بلاش تدايق انت

فهد اتعصب : انا مكنتش اعرف انها غبيه كدا بجد

زين : فهد بلاش نتكلم في الموضوع دا احنا هنا بنحاول نهدي شويه

يوسف مش كان معاهم خالص وسرحان وقام وبعد عنهم شويه و وقف يبص للبحر

ادهم : يوسف هيفضل مدايق وبصراحه عنده حق

فريد : ادهم

فهد : هو معاه حق يفريد بتسكته ليه

آسر : ممكن نهدي فيروز اختنا وغلطيت واحنا هنبقا جمبها

فهد : بس غلطتها دمرت حياتها خلاص يا آسر عمرها مهتلاقي حد يحبها زي يوسف

ايان : وهي عمرها مهتبقا غير ليوسف

زين :  اكيد

..

مريم : انتي اتجننتي ولا خلاص مبقاش فيكي عقل في وحده محترمه تعمل اللي انتي عملتيه بجد مش مكسوفه 

من نفسك تزعقي لجوزك دا انا عمري ما عملتها مع باباكي وجايه كمان تعيطي في الاخر كنتي مستنيه ايه يطبطب عليكي ويقولك زعقي يحبيبتي كمان دا هو عشان راجل 

صبر عليكي يمكن تعقلي لاا بس حضرتك زودتي واهو 

لبستي في حيطه بقا واحده لسه متحوزه من قريب تطلق ونتي اللي كمان تطلبي يفرحتي بيكي يا اخره صبري افرحي اهو هيطلقك ارتاحتي خلاص مبسوطه ونتي عنادك وكبريائك وصلوكي انك تطلقي هقول لناس ايه قوليلي هقول ايه

مريم مسكت فيروز وهزتها جامد وعمر مسكها وبعدها عنها

عمر : اطلعي يمريم برا

مريم : اطلع ازاي واهسيبها في المصيبه دي دول ولا حد فيهم قصر معاها وجوز كان بيتمنلك الرضا ترضي ليه تعملي كدا

عمر : مريم قولتلك اخرجي دلوقتي

مريم بصيت لفيروز وخرجت من الاوضه وعمر قرب من فيروز وقعد جمبها وبص قدامه

عمر : اول مره في حياتي انهارده احس اني غلطان ومكسوف قدام نفسي قبل قدام الناس اول مره احس اني نسيت اني اعمل حاجه مهمه في حياتي هي اني اربيكي كويس .. اول مسمعت اللي عملتيه مصدقتش كدبت دواني قولت لاا دي مش بنتي فيروز اكيد لاا

فيروز كانت بتبصله وبتعيط وعمر بصلها : كسرتيني قدام نفسي يفيروز حسستيني قدامهم اني بنتي مش كويسه ولا محترمه ليه تعملي كدا مفكرتيش في نفسك قبل متفكري فيا طيب الاول

فيروز مسكت دراعه : بابا انا آسفه انا هعمل اي حاجه انت عوزاها بس متقولش كدا والله انت ربيتني كويس

عمر بعد عنها وقام وبصلها : مفيش حاجه تقدري تعمليها انتي هديتي كل حاجه كل حاجه بانيتها السنين دي كلها مبين قدامهم اني واقف معاكي حتي ونتي غلطانه بس من جوايا زعلان منك اوي

عمر خرج من الاوضه وفيروز فضلت تعيط و داليدا وليلي دخلوا الاوضه وقربو منها

داليدا : فيروز انتي كويسه

فيروز حضنت داليدا : لاا يداليدا انا مش كويسه

ليلي طبطبت علي كتفها : اهدي طيب كدا هيجرالك حاجه والله

فيروز : هيجرا ايه تاني اكتر من كدا

داليدا : والله كل حاجه هتبقا كويسه بس اهدي

فهد بيدخل وبيمسك دراع فيروز وبيشدها من داليدا :    بتعيطي ونتي السبب في كل دا انتي واحده انانيه  مبتفكريش غير في نفسك بس عارفه والله معاه حق

أنه يطلقك عشان مستحيل حد يستحملك ويستحمل

قرفك

داليدا مسكت ايدو : فهد بلاش تقول كدا فيروز موجعه

بلاش تعاملها كدا

فهد بص لداليدا وبعدين بص لفيروز واتكلم بعصبية : خليها

تتوجع اكتر مش هي كانت عاوزه كدا زعلانه ليه دلوقتي

فيروز : سبيه يداليدا خليه يقول كل اللي عاوزه

فهد زق فيروز ومسكتها داليدا وفهد خرج

داليدا : فهد بس متعصب يفيروز متزعليش منو

فيروز : هو معاه حق في كل حاجه قالها

فيروز حضنت داليدا وعيطت

..

الشباب بيدخلوا الفيلا و نور بتقرب من يوسف

نور : انت كويس يا يوسف

يوسف : الحمدلله

نور طبطبت علي كتفه : متزعلش نفسك يحبيبي

يوسف ابتسم وبعدين طلع جناحه

آسر : احنا حاولنا نطلعه من اللي هو فيه بس مفيش فايده

فريد : هو هيفضل كدا يوسف لما بيزعل خلاص مبيرجعش

كانه محصلتش حاجه

نور : انا مش عارفه ليه بيحصل كل دا معاه

فارس : بلاش تقولي كدا ينور

يوسف : هما هيهدو خالص وهيعرفو انهم ملهمش غير بعض

..

بتدخل داليدا الجناح عشان تشوف فهد بس مش بيكون موجود بتخرج وبتعرف هو لما يكون متعصب بيبقا فين

بتدخل داليدا صاله الجيم وبتشوف فهد بيلعب بوكس

داليدا بتقفل قدامه : انت ايه اللي قولته لفيروز دا مش تفكري فيه قبل متقوله

فهد : ابعدي يداليدا

داليدا : مش هبعد

فهد بيمسكها وبيبعدها وداليدا بتقرب منه تاني

فهد اتعصب : داليدا قولتلك ابعدي وسبيني دلوقتي

داليدا : مينفعش اسيبك في الحاله دي

فهد : ياستي انا بقولك اهو سبيني

داليدا : ممكن تهدي

فهد بص جمبه وهو علي آخره ورجع بصلها : هديت اهو عاوزه ايه

داليدا : عاوزه اتكلم معاك بس تعال نقعد

داليدا بتمسك ايد فهد وبيقعدو

داليدا: انا عارفه أن فيروز غلطانه ونا مش مبسوطه باللي حصل بس انت مكانش ينفع تتعامل معاها كدا دي اختك مهما غلطت افضل جمبها انت سندها

فهد : اقوم اسقفلها علي اللي عملته يعني دلوقتي ولا ايه

داليدا : بلاش تفهم كلامي بسخريه انا بس مش عاوزه منك بلاش تتعصب عليها والله هي ندمانه وزعلانه اوي علي اللي عملته

فهد : جايه تندم دلوقتي مفكرتش ليه من الاول انا بجد مش فاهم هي ازاي عملت كدا

داليدا : لحظه شيطان مكانتش عارفه بتقول ايه 

فهد : اهو اللحظه دي هتبقا معاها العمر كله ونا مبقتش طايق ابص في وشها وهفضل اتعامل معاها بالطريقه دي

داليدا : انت ليه مش عاوز تفهمها

فهد بصوت عالي : داليدا مالكيش دعوه افهمها أو لاا انتي مالك اختي ونا حر

فهد خلص كلامه وخرج وداليدا زعلت من طريقه كلامه معاها

..

في جناح ادهم و ليلي

ادهم بيكون قاعد علي السرير ماسك الفون بتاعه و ليلي بتقعد جمبه وبتحضن دراعه وسندت راسها على كتفه

ليلي : انا بجد مدايقه من اللي حصل مع فيروز يا ادهم

ادهم : فيروز هي السبب في كل دا عنادها وصلها لهنا

ليلي : ليه محدش عاوز يشوف فيروز أنها الطرف الموذي ليه كلكم شايفين انها هي السبب

ادهم : فيروز لو مكانتش قالت كدا ليوسف مكانش حصل كل دا صح

ليلي : معاك حق .. ادهم هو لو حصل بينا نفس اللي حصل ليوسف وفيروز انت هطلقني

ادهم : اها اكيد

ليلي بعدت عنه وبصتله : بجد

ادهم : بصي يا ليلي عزه النفس اهم حاجه عند الرجل لما ميلاقيش عندك تقدير أو حب لي عمره ما هيفكر فيكي وهيبعد عنك علطول

ليلي : يعني انت بردو هطلقني

ادهم ابتسم ومسك خدها : انا مستحيل اطلقك بس انتي اوعي تفكر تحطي نفسك مقارنه بينك وبين اني اخسرك

ليلي : انا عمري ما اعمل معاك كدا

ادهم مسك ايديها وباسها

ليلي : انا بحبك اوي يا ادهم

ادهم حضنها : ونا كمان بحبك يعيون ادهم

..

ايان كان قاعد في الجناح بتاعه زهقان ومدايق وقرر يخرج

ويطلع يقعد شويه علي السطح اهو يمكن يرتاح شويه

خرج من الجناح وطلع السطح وكان سامع صوت اغاني 

جايه من اخر السطح راح لمكان الصوت وسمع صوت غزل

وهي بتغني بصوت ناعم ورقيق

غزل كانت واقفه باص للقمر في السما : غار القمر من حبه فيا .. خبى النهار عن البشر .. والشمس مكسوفة من الغزل

بين النجوم اسمي اتشهر

غل اتنهدت بوجع : لو تعرف انا بحبك قد ايه يا ايان

ايان مصدقش نفسه من اللي سمعه وراح ليها وحضنها

من ضهرها : صدقيني ونا اكتر بكتير يحبيبت قلب ايان ...