كالعادة سكر زيادة يجلس ذاك الآسمر مع معشوقته التي لا يمل منها أبداً ولا يصدق أنها ملك له اليوم والحلم الذي انتظره كثيراً حققه الله له
آسمر بمرح : اعمل فيكي ايه ؟
جنان بإبتسامه : حبني اكتر واكتر
آسمر وهو يقبل وجنتها : احبك ايه دا انا بعشقك يخربيت القمر
ليردف بحب : يارب خد من عمري واديها ومن سعادتي واديها
علت ضحكتها لتردف بصوت عالي : يارب فرحه دايما واسعده ونكد علي اللي يزعله حتي لو انا
آسمر بإبتسامة : بقولك ايه ؟
جنان : قول يا حبيبي
آسمر بصوت مجلجل : بموت فيكي
جنان بضحك : مش مطمنة شكلنا داخلين على كارثه
آسمر بضحك : أرى كارثة جايه عليا من بعيد بس مش مهم أهم حاجة فرحتنا يا رايق
وقف لتردف بمرح : أحبك يا رايق .. دوخني
زاد ضحكه وهو يحاوط خصرها يحملها ويدور بها عدة مرات، وهكذا يا سادة السعادة بيدنا نحن نستطيع أن نعيشها ونستطيع ان نقلبها لحزن شديد
*********************
في اليوم التالي
استيقظ آنس ودخل الحمام الملحق بغرفته اخذ شاور وحاول عدم وصول الماء للجرح ثم خرج للأوضه وارتدي ملابس منزليه وخرج وجدها تستعد لتنزل بملابس البارحه فهي تركت كل ملابسها في منزل هارون
آنس : راحه فين ؟
نظرت له وتأففت واتت تمشي فوقف امامها قائلا : بقولك راحه فين ؟
آيه : كلك مفهوميه اكيد نازله عشان احضر الفطار
آنس بهدوء : لا حضريه هنا من اليوم ورايح هناكل احنا التلاته هنا
آيه بصدمه : ايه ؟
آنس بتنهيد حزين : وافقت نعيش هنا بس موافقتش نفضل في العيله وعايزه انزلي وكلي تحت واطبخي بس مش هاكل حاجه من تحت ومش هجبرك تعيشي هنا
تركها واتجه يجلس علي الأريكه بتعب وضغط علي رأسه فسألت نفسها ما فائده العيله بدون زوجها ستأكل هي وآشقر وابنها لكن هو ماذا ؟! ستظل معه ولن تتركه
آشقر وهو يأتي جرياً : ماما انا نازل تحت
آيه وهي تداعب شعره : طيب بس متتأخرش هنفطر هنا ماشي
آشقر باستغراب : ليه يا ماما ؟
آيه بهدوء : كده وخلاص ماشي
آشقر : ماشي
ذهبت للمطبخ وبدأ تحضر فطار من الموجود فبالتأكيد بالرغم انها في العائله الا انهم لا يتركوا ثلاجتهم فارغة
رن جرس الباب فخرجت فتحت واخذت شنطة ملابسها التي ارسلها هارون ودخلت اخذت شاور وبدلت ملابسها ثم وضعت الطعام
آيه بصوت عالي : تااااكل
منع ضحكته اهذه طريقه واتي يقف بالرغم من الألم الذي يعصف به، ذهب جلس علي الطاوله الصغيره ونادت علي آشقر الذي صعد واكلوا سويا
آنس بتعب : آشقر روح هات شنطة الأدويه من الأوضه
آشقر : اجيبها وانزل ماشي
آنس وهو يأني بتعب : ماشي بس بسرعه
جري واحضرها ثم نزل بسرعه اما آنس فنظر له بحزن يذكره به وبآسمر فهو كان يحبه كما يحب آيان وهذه نفس اللهفه
شعر بيد تسحبه فأمتثل لأمرها وجعلته يجلس علي الأريكه وذهبت احضرت علبة الإسعافات وعدة الحلاقه الخاصه به وكأس ماء
آنس باستغراب : جايبه ده كله ليه ؟
آيه بضيق : مش كل مره هفكرك انا هنا ليه بعدين متكلمنيش فاهم
صمت ولم يجب فوضعت حبه مسكنه بفمه فهي تعلم انه يتألم وجعلته يشرب ثم وضعت الماء ورفعت شعرها بعشوائيه نظر لها بإستغراب فمسكت اكتافه وجلست بجانبه على ركبتيها تنحني بإتجاهه فضحك رغماً عنه
آيه بغيظ : اخرس احسنلك
وبدأت تفك له الشاش حول رأسه وتعقم الجرح بهدوء حتي لا يتألم
آنس : متلبخيش الدنيا وتخلي الجرح يلتهب
آيه بضيق : دكتوره انا من قليل .. اسكت عشان مخلهوش يلتهب بحق وحقيقي
وربطته له جيدا ثم انحنت ورفعت ذقنه وبدأت تحلق لحيته بنفسها وهو يبتسم بحب يلتمع في عيناه لكن ينكره، مهلاً لما قلبه يخفق الآن كمراهق لما يشعر بالسعاده لقربها واهتمامها بتفاصيله البسيطه
آيه بسعاده : خلصت اممم ريحته حلوه كريم الحلاقه
آنس بغمزه : وطعمه حلو
عقدت حاجبيها فوجدته يجذبها بقوه ويقبلها فدفعته ووقفت وتركته وذهبت للغرفه تبكي اما هو ينظر خلفها بحزن هو من دمر كل شيء
******************
مر اسبوع كامل
زاد جفاء أيه مع آنس فحين لا يأكل آشقر معهم لا تأكل معه ورغم اهتمامها به وبتعبه كانت تفعل هذا بجمود اصبح يشعر كأنه عاله عليها كلما حاول التحدث معها تتركه وتذهب لكنها لا تعطي له فرصة، وضعت الطعام على الطاولة أمامه
آيه بهدوء : الأكل
اتي للطاوله وجلس ثم نظر لها قائلا : مش هتاكلي
نظرت له وببرود ذهبت من أمامه دون إجابة تركته فنظر للطعام ثم وقف واتجه للغرفة رأته وتحدثت بغيظ
آيه : أنت حر
لم يجب ودخل غرفته وجلس في صمت تام بل ونام أيضاً اما هي لم تأكل فكيف تأكل بدون علمها أنه تناول أكله وهكذا العناد وليد الكفر
الفصل الثاني وعشرون
كانت المواجهه حاده جدا وآسمر كعادته المرحه تخطر له افكار فهي تشبه المسلسل الهندي والآن ستشتعل موسيقي حاده يليها موسيقي مؤثره ود لو يضحك لكن السؤال هنا لما تأتي ضحكته في الوقت الغير مناسب دائما
آسمر بترحاب قوي : اهلا وسهلا حلوه الحياة دي كل الميت بيرجع
ناني بعدم فهم : هاااا مش مهم التريقة وأي حاجة المهم أنا جايه وعايزه بنتي
آسمر بضحك : بنتك .. بنتك بجد
مازالت جنان خلفه تمسك ملابسه تخشي ان يتركها ويذهب لأم ابنته هذا فقط ما تفكر فيه هي زوجته الأولي
ناني بحدة وغضب : ايوه بنتي دي بنتي انا
آسمر ببرود : اممم بأمارة ايه ولدتيها تؤ ربتيها تؤ ملكيش حق فيها فاهمه يا ... ناني ههه
ناني بعصبيه : لا ليا يا آسمر ليا كتير اوي ولو رفعت قضيه البنت هتكون من حقي أنا
جنان بدموع ولهفة : لا يا ناني متعمليش كده
آسمر بحده : اخرسي يا جنان وأنتِ اعلي ما في خيلك اركبيه
نظرت له وانسابت دموعها فضحكت ناني قائله : ايه الحب طار فعلا يا آسمر
آسمر بسخريه : البركه فيكي وفيها
عقدت جنان حاجبيها ونظرت لكلاهما قائله : قصدكم أيه ؟
ناني بسخرية وضحك : هو مقالكيش انه عارف مين جنان الحقيقيه ومين ناني
شهقت بصدمه وتركت ملابسه قائله بدموع تنساب بغزاره : وفضل معاكي وتمم جواز ....
انفجرت باكيه بقوة فقالت ناني بسخريه خلفها شيء دفين يريدها أن تصحح فكرتها عنه : متتأثريش اوي كده معرفش غير بعده وطلقني بسببك بعدها بشهر بس اللي مستغرباه عرف منين ولا يمكن يكون غلط معاكي وعرف من كده
صفعة قويه تلقتها من آسمر وصرخ بها : واحده زباله مفكره كل الناس زيك وعند جنان واوقفي فاهمه ؟
جنان بصراخ : لو كان غلط مكنش انضحك عليا منكم كنت غصب عني هتجوزه ومش هتقدري تكوني مكاني يا ريته عملها يا ريته منك لله أنتِ وشيرين هانم
ناني بصراخ : غبيه أنتِ واحده غبيه وانا اللي استاهله انا عشانه اتحديتك وبعدتك انما أنتِ ايه أنتِ حبك ضعيف مش زيي .. نحية كل الناس كان حبك أضعف
جنان ببكاء : بس أنتِ عارفه لو كنت خيرتيني كنت هختاره بس انتوا لعبتوا عليا ووهمتوني اني عندي كانسر مرحله متأخره
ناني بنفاذ صبر : مش قولتلك حبي أكبر
آسمر بعصبيه : خلصتوا انتم الاتنين خلوني انا بقي اتكلم انا مش لعبه في ايد عيلتين كل واحده ترميها للتانيه ذي الكلبه يا ناني هتقعدي هنا وبنتك مش هتلمسيها وانتي يا جنان هعرف اكسرك كويس وهرميكي لما تخلفي ليا طفل بعدين تاخدي اختك الزباله زيك ومشوفش وشك فااااهمه