رواية عانيت لأحبك الجزء الثاني2 الفصل الخامس5 والسادس6 بقلم فاطمه محمود

عدا يومين و الشباب و البنات والعيله كلها كانت بتجهز

للفرح هما ومبسوطين و البنات كانوا كلهم قاعدين في فيلا

العيله سوا

صباح جديد

بتدخل ليلي الفيلا وبيكونو الماميز و الشباب قاعدين

سوا

ليلي : صباح الخير

الكل بيرد عليها : صباح الخير

سلمي : اتفضلي يحبيبتي

ليلي بتدخل : البنات فين

آيه : اطلعي ليهم قاعدين فوق في اوضه ديما

ليلي : عن ازنكم يا مزز

البنات و الشباب ضحكو عليها و ليلي طلعت علي السلم

و ادهم كان نازل من عند آسر علي السلم بسرعه وخبط

في ليلي اللي تليفونها وقع وبصتله بصدمه

ليلي : انت غبي ايه اللي انت عملته دا

ادهم : انا اسف مقصدش والله

ليلي : وانا اعمل ايه بي آسف دي انت شايف عملت في

تلفوني ايه

ادهم : انتي اللي مش باصه قدامك ونا اعتذرت ليكي

ليلي : انا اللي مش باصه قدامي يا متخلف

ادهم اتعصب : بت انتي لو كنتي ولد انا كنت عرفت اتعامل معاكي كويس بس للاسف بنت ولسان طويل كمان

ليلي قربت منو وبصتله في عيونه بضيق : اعمل اللي

كنت هتعمل انا مش هخاف منك

ادهم بص لعيونها وشكلها اللي عكس شخصيتها وبعدين فاق علي صوتها

ليلي : لسانك اكلته القطه

ادهم : انا مبحبش الطريقه دي وعمر محد كلمني بيها

وياريت انتي كمان تتجاهلي اللي مش بيعجبني

ليلي : أن شاء الله تولع انا مالي .. تليفوني اتكسر بسببك هعمل ايه دلوقتي منك لله يا اخي كنت عملت ايه في

حياتي عشان يظهر واحد غبي ومتخلف قدامي زيك

ادهم كان هيرد عليها بس قاطعه رن تليفونه : عارفه لو مش

مشغول دلوقتي و اني مقدرش افضل اكتر من كدا انا كنت رديت عليكي

ليلي بعصبية : امشي من وشي احسنلك يعني غلطان وبتبجح كمان

ادهم بصلها بعصبية وبعدين نزل و ليلي نزلت لمستوي

تليفونها ومسكت : قلبي بيدعي عليك يزفت

وبعدين جربت تشغل الفون واشتغل معاها بعد وقت واول

مشتغل باست الفون : كنت عارفه اني مش ههون عليكي

وبعدين دخلت اوضه ديما اللي موجودين فيها البنات

ليلي : صباحو

البنات : صباح الورد

ليلي بتقعد و حياه بتبصلها : مالك يا ليلي

ليلي : قريبك المتخلف وقعلي تليفوني

دانيه : مين من الشباب

ليلي : هو طويل وزي الاهبل كدا

البنات ضحكوا علي كلام ليلي

ديما : مين في العيله طويل و اهبل يبنات

حياه : اكيد ادهم

ليلي : اسمه ادهم مش لايق عليه خالص

فيروز : امال يليق عليه ايه

ليلي : متخلف

داليدا ضحكت : هاسكي الواد متخلف يا شيخه حرام عليكي

ليلي : طيب سيبكم من السيره الهباب دي انا جعانه

دانيه : هي مسوره وبتتفح هنا

ليلي : في ايه يا دانيه مش عاوزه تاكليني

حياه : لاا هناكلك يلولي

ليلي : انتو هنا قاعدين بتعملوا ايه اصلا تعالو ننزل

ونقعد كلنا سوا

غزل : فكره حلوه يلا يابنات

البنات بينزلوا وبيقعدو معاهم تحت والماميز كانوا في المطبخ بيحضرو الفطار

ليلي : عاوزه اجي ادرب في المستشفى يا عمو مالك

مالك : تشرفي يحبيبتي

ليلي : وعاوزه ادرب تحت ايدك يا عمو عمر

عمر : من عنيا يلولي

ليلي : ونت هتدلعني يا صافي

مصطفي ابتسم : انا عيوني ليكي يقمر

ليلي : كدا كويس المشكله اتحلت

حياه : دي المشكله لسه هتبدا

ليلي : ليه يابت ما اهو قدامك اتحلت

دانيه : طيب تدريب تحت ايدو ماشي وتطلبي منه انك تدريب في المستشفى ماشي إنما هدلعني و يا صافي كدا غلط

اسما : مين بيدلع جوزي

ليلي : انا يا سوسو

اسما : عشان بحبك بس يا لولي هوافق

ديما : لما تعرفي أنه هيدلعها مش هتوافقي

اسما بصيت لمصطفى : تدلعها

مصطفي هز رأسه بـ لاا

حياه : دا حتي صافي استغني عنك يا لولي

ليلي : انتو ليه بتحسسوني أننا في رعب

ادهم : عشان دا حقيقي

ليلي : حد طلب منك تكلم انت

ادهم بصلها بعصبية من طريقه كلامها معاه

ليلي : سوسو

اسما : نعم

ليلي : شيلي السواد اللي في قلبك واكسبي ثواب فيا

انا جعانه

سيف ضحك : يا بنتي انتي هتشحتي

ليلي : جعانه يا عالم

فارس : لاا انتي تروح تأكلي بسرعه احنا منضمنش لو 

فضلتي قاعده هنضحي بمين من العيله

ليلي : طيب يلاا ناكل سوا

وكلهم قاموا فطروا سوا في جو هزار وضحك وبعدين فريد

وفهد كل واحد اخد خطيبته يوصلها للفندق و آسر اخد البنات و وصلهم للفندق

عدا وقت كبير والبنات كانوا جهزوا وشكلهم كان في قمه الجمال والماميز اتفقوا يلبسو نفس الفستان والاستايل وكان شكلهم حلو اوي والشباب الكبار لبسو بدل باللون الاسود وكمان فهد وفريد وباقي الشباب لبسو بدل باللون الكحلي

البنات و الماميز قاعدين في اوضه في الفندق وبيدخلوا الشباب الكبار وفارس و مراد كل واحد بيقرب من بنته

فارس بص ل ديما بابتسامة : مبروك يا دمدومه قلبي

ديما بحب ل ابوها : الله يبارك يحبيبي بس بقولك ايه

نور كدا هتغير

فارس ضحك وبعدين بصلها : شكلك زي القمر يحبيبتي في الابيض

ديما حضنته : اكيد لازم ابقا قمر عشان طالعه لبابا حبيبي

مراد كان واقف باصص ل داليدا بنظره حب وزعل ودموع

وابتسامه داليدا قربت منو : مش هتباركلي انا كمان يحبيبي

مراد دموعه نزلت : مش قادر اصدق انك خلاص هتجوزي وتسبيني يا داليدا لسه كنت صغيره امبارح كبرتي بسرعه

وخلاص فريد هياخدك مني بس انا هفضل بابا حبيبك

وهتيجي كل يوم عندي صح

داليدا عينيها اتمليت دموع ومسحت دموع مراد : انا علطول هاجي اشوفك يمرادي ونت هتفضل حبيبي الاول

اللي دايما لما بيحصلي حاجه بجري لحضنه اللي بيبقا امان ليا

مراد دموع فضلت تنزل غصب عنه وداليدا قربت منو وحضنته وفضلت تعيط هي و مراد

و الكل اتاثر بمراد و داليدا

ملك مسحت دموعها : كفايه يمراد دموع

مراد بعد ومسح دموعه ومسك وش داليدا بايدو : مبروك

يحبيبت بابا

داليدا ابتسمت : الله يبارك فيك يحبيبي 

يوسف : مبروك يحبايبي

داليدا و ديما : الله يبارك فيك يا عمو يوسف

يوسف : ولو اي حد منهم دايقكم أو عملكم حاجه تقولولي

ونا هعلقم علي باب الفيلا

البنات ضحكوا : اكيد هنقولك

سيف : طبعا انا هبقا بابا التاني يدمدومه واحنا نفس

الدماغه هننبسط سوا اكيد

شهد : هتنبسطو سوا انت ابنك لو قاعد كان ردك عليك

حياه : سهله هقوله انا

فيروز : انتي بتفوتيش اي حاجه

حياه : احنا عيله بتحب التفاصيل

سيف : تفاصيل اي يحبيبتي دا انا ابوكي يعني سيفو

الكلام دا ميوصلش لفريد

حياه : عنيا

عمر : ونا بقا يدود هنسيكي مراد خالص

داليدا ضحكت و مراد بص لعمر : طيب ايه رايك انا هاجي

اعيش معاكم في الفيلا

مصطفي : تعيش ايه يمراد انت كدا مش هتخلي فهد ياخد

راحته هتاخد بنتك منو

مراد : ما هو دا اللي عاوزه يحصل

مالك بضحك : اهدا يمراد ويلاا ننزل الشباب مستنين

علي نار

كل اب بياخد بنته وبينزل و الشباب و الماميز والبنات بينزلوا معاهم

عند الشباب بيكونو كلهم واقفين سوا بيتكلموا وفهد وفريد كل واحد بيبص للحبيبه وهي نازله بشكله الرقيق

فارس بيقف وبيبص لديما وبعدين بيبص لفريد : أنا

يسلمك حته من قلبي يفريد عاوزك تحطها في عنيك

واوعي تزعلها في يوم وكون سندها وضهرها

فريد بص لديما بحب : ديما تبقا أنا يا عمو فارس و وعد مني عمري مزعلها في يوم

فارس ابتسم وبعدين بعد و فريد قرب من ديما و وقف حمبها ومس ايدها وقرب منها وهمس : مبروك يدمدومتي

ديما : مبروك انت عليا يفريدي

فريد ابتسم لديما واخدها وراح قعدو و فهد كان بيبص لمراد اللي ماسك داليدا ومش عاوز يسيب أيدها ومش عارف يقرب وياخدها ولا يعمل ايه مراد كان هيمشي

بي داليدا بس ملك مسكت ايدو

ملك : انت رايح فين يمراد سيب داليدا فهد ياخدها

مراد بصلها ومردش عليها

فهد : عمو مراد

ملك : يمراد سيب داليدا الناس بتبص علينا

مراد ساب ايد داليدا و قرب منها فهد و أخدها وراحو يقعدو

ملك بصيت لمراد : هو ايه اللي عملته دا يمراد

مراد كان باصص ل داليدا : كنت مبسوط لما اتخطبت لفهد وكمان هتجوز البني ادم اللي اختارته بقلبها وكنت مبسوط

اوي واحنا كلنا بنحضر للفرح بس مش عارف ايه حصل ونا

اتصرفت كدا ليه بس حسيت باني حاجه جوايا بتطلع مني

ملك ابتسمت : انا مقدره مشاعرك يحبيبي وعارفه انك

قريب من داليدا بس يحبيبي دي سنه الحياه وهي مش هتبعد عننا وكل يوم هنشوها وعشان خاطري انبسط شويه

وكملت كلامها وهي بتصنع الزعل : انهارده فرح دودو حبيبتك مع اني بقولها ونا غيرانه

مراد ضحك عليها

ملك ابتسمت : اخيرا الضحكه القمر دي شوفتها

مراد باس دماغ ملك وبصلها بحب : ربنا يخليكي ليا يا ام

البنات

ملك بابتسامة : ويخليكي ليا يقلب ام البنات .. طيب يلا

نروح للبنات المأذون وصل وهيكتبو الكتاب

مراد : يلاا

وكتبو الكتاب الشباب والكل باركلهم ورقصوا سلو وبعدين قعدوا

عند فهد و داليدا

داليدا كانت قاعده وهي بتضحك و فهد بصلها

فهد : يعني انا كنت واقف مش عارف اخدك من مراد

ازاي ونتي عاجبك الموضوع ومش مبطله ضحك

داليدا ضحكت وبصيت لفهد : شكلك كان حلو اوي يفهد

كنت صعبان عليا ونت مش عارف تعمل حاجه مع بابا

فهد ابتسم : بس مش عارف ايه حصل مع عمو مراد اول

مره يتصرف كدا

داليدا : بابا مش مستوعب اني خلاص مش هيفوق من النوم ويشوفني مش هشاركه هزارنا ولا ضحكنا

فهد مسك أيدها : مع حق بصراحه القمر دا ينخطف منو

بسهوله كدا .. يا بختي انا اني هشوفه كل ثانيه

داليدا ابتسمت وبعدين ضحك

فهد بصلها :اها اني شكلك مش هتنسي شكي انهارده ونا

صعبان عليكي

داليدا وهي بتضحك : اها بصراحة

فهد : طيب ممكن تبطل ضحك عشان ضحكتك حلوه

ونا مش عاوزه حد يشوفها غيري ممكن

داليدا : ممكن اوي 

عند فريد و ديما

فريد : كنتي حبيبتي ثم خطيبتي ومن شويه بقيت مراتي

وكمان سنه وتبقي ام ابني أو بنتي يدمدومه حياتي

ديما : دوبت انا من الكلام الحلو دا والله دوبت 

فريد ضحك : دي اقل حاجه اقدر أوصفها ليكي 

ديما : هو انت ازاي تقرر اننا نسافر اول يوم بعد منجوز

ومتقوليش

فريد : انتي عرفتي منين

ديما : يعني كلامي صح

فريد : هي حياه مفيش غيرها بس ازاي عرفت

ديما : يعني هو دا اللي هامك

فريد : انا حبيت اعملها مفاجاه ليكي وبعدين انهارده فرحنا

يحبيبتي متقفشيش ونبي

ديما : اها يعني انا بق

فريد قاطعها : ابدا انا اللي بقفش اهدي بقا

ديما : طيب يفريد عاوزه ارقص انا

فريد : هنرقص وهنعمل كل حاجه بس استني شويه

ديما : حاضر

.............................................

غزل اللي واقفه مع البنات ومتجاهله ايان اللي من اول

مبدأ الفرح عيونه عليها  ادايق أنها متجاهله بالشكل دا

أما زين وحياه العكس تماما زين متجاهلها من آخر من اتكلموا فيها و حياه بتخطف النظرات لي ومش عارفه

تسيطر علي نفسه ومتبصش عليه من شياكته وشكله

القمر

فيروز بتكون ماشيه و ماسكه الفستان اللي طويل عليها

و يوسف بيكون واقف مع الشباب ولما بيشوفها بيرحلها

يوسف : انتي ماسكه الفستان كدا ليه

فيروز : انت مش شايف أنه طويل شويه

يوسف : ولما طويل لبستيه ليه

فيروز : شكله عجبني وقولت لازم البسه

يوسف : اها وطالما انتي عجبتك حاجه وحطتيها في

دماغك لازم تعملها لو كان ايه الضرر

فيروز : اكيد يجو

يوسف : و ما اختيش راي ليه انت مش شايفه ديق

من فوق ازاي

فيروز بصيت للفستان ورجعت بصتله : لاا مش ديق

حلو اوي

يوسف : تمام

فيروز : بس ايه الشياكه دي البدله هتكلك من جمالك

يوسف ضحك : هتكلني

فيروز : اها دا انا خايفه عليك من البنات اللي موجوده

وحده تقرب منك وتكلم معاك ونا مش هحب كدا

يوسف ابتسم : هتغيري عليا يعني

فيروز : اها مش احنا صحاب طبيعي اغير عليك

يوسف : ماشي يا روز انا هروح لشباب

فيروز : اوك

بيدخل ياسين من باب القاعه وبيبارك للعرسان وبعدين بيقف في ركن في القاعه وبيبص لغزل بإعجاب من شكلها

وبتقرب منه آيه : واقف لوحدك ليه

ياسين : ابدا يتوتا مفيش

آيه : ليه مش بتيجي البيت تقعد شويه دا انا مش بشوفك

غير في المناسبات

ياسين : ببقا محرج والله يتوتا

آيه : مفيش احراج يحبييي انت ساكن لوحدك ولا موجوده إسراء معاك تعال اقعد معانا شويه مش حابه يومك يكون  عباره عن شغل وبعدين تروح البيت وبس احنا عيلتك بردو ولا انت مش شايف كدا 

ياسين : عيلتي والله يتوتا انتي عارفه انتي بنسبالي زي

ماما بالظبط

آيه : طيب لو زي مامتك نفسي في مره تيجي تقولي انا نويت اتجوز يابني دا فهد و فريد اصغر منك واتجوزو

ياسين ضحك : النصيب بقا يتوتا هنعمل ايه

آيه : طيب يعني معقول مفيش بنوته ابدا مش عجباك يا ياسين

ياسين بص لغزل واتكلم بدون وعي : عجباني بس دي اكله دماغي من التفكير فيها

آيه ابتسمت : بقا كدا و مخبي علي توتا شكلها موجوده هنا قولي مين

 

و آيه كانت هتبص لمكان ما بص ياسين و  ياسين مسكها بسرعه وخلها تبصله

ياسين : يتوتا مفيش اللي في دماغك دا

آيه : مفيش ايه انت مشوفتش شكلك ونت بتكلم عنها

ياسين بهمس : ينهار اسود هو ايه اللي هببته دا

آيه : انت بتكلم بصوت واطي ليه

ياسين : لاا ابدا مفيش يتوتا

آيه : طيب يلاا احكيلي مين البنوته دي

ياسين : هحكيلك .. هي بنت قمر و هاديه وبصراحه

معجب بيها اوي بس مش عارف اقولها ازاي ودي

المشكله

آيه : طيب ونت ليه مخليها مشكله ليه متكلمش وتشوف

هي كمان عندها مشاعرك تجاهك

ياسين : مش عارف اخد الخطوه دي

آيه : لاا حاول تقولها عشان خاطري عاوزه اسمع منك

هتجوز

ياسين ابتسم : حاضر

غزل بتكون واقفه و بتقرب منها انجي وماجد اللي بيكون معاها

انجي : ايه القمر دا

غزل ابتسمت وحضنتها : حبيبتي تسلملي

ماجد كان واقف ومد أيده يسلم علي غزل : ازيك يغزل

غزل سلمت علي ماجد : اهلا يا ماجد اتفضلوا اقعدو

انجي و ماجد قعدو مع غزل و دانيه و فيروز سلمو علي انجي و ماجد وقعدو معاهم

غزل : هي حياه فين

دانيه ضحكت : بتستعرض قدراتها هي و ليلي

غزل بصتلها باستغراب

فيروز : بصي كدا يزوزو علي الاستيج

بيبصو كلهم علي حياه اللي بترقص هي و ليلي وديما

اللي بترقص هي وقاعده و داليدا بتضحك والشباب

كاتمين ضحكتهم

 انجي بضحك : شكلهم حلو اوي

فيروز بضحك : حلو ايه بس دي فضحانا في كل مناسبه

دانيه بضحك : لاا بس عسل حياه حبيبتي

غزل ضحكت و ماجد بصلها وابتسم

عند ديما و فريد

ديما بتمسك الفستان و هتقوم عشان ترقص

فريد بيمسك أيدها : رايحه فين

ديما : هقوم ارقص سيب ايدي بقا

فريد ساب أيدها وديما راحت ل داليدا ورقصوا مع ليلي

و حياه وبعدين البنات كلهم قربوا منهم ورقصوا معاهم

وفهد قعد جمب فريد

فهد : انا مصدوم من اختك

فريد ضحك : والله ونا كمان

آسر بيقرب منهم و هو بيرقص

فهد بص لفريد : كملت

آسر مسك ايد فريد و فهد وقاموا رقصوا معاه

ورقص معاهم يوسف الصغير و ادهم

آسر كان بيرقص وبص ل دانيه اللي بترقص مع البنات

 آسر : حلاوتك يا لمبي

دانيه بصتله ومسكت جاكت البدله : آسر هزعلك

آسر ضحك : زعليني

دانيه : دا انت متستفز يا اخي

دانيه سابته وراحت للبنات و آسر كان بيرقص وبيعملها

حركات هو وبيرقص و دانيه بصتله بغيظ وبعدين رقصت

مع البنات

غزل بتسيب البنات وبتروح لزين اللي واقف مع ايان

غزل بتمسك ايد زين : تعالي ارقص معايا يا زينو

زين ابتسم : ما انتي عارفه مبعرفش يقلب زينو

زين بص ل ايان اللي عيونه علي غزل ورجع بص لغزل

ومسك خدها : عقبالك فرحك مع الشخص المناسب واللي

يستاهلك كدا يحبيبتي ونا اوعدك اني هرقص

غزل ابتسمت وبصيت ل ايان : أن شاء الله قريب يحبيبي

غزل خلصت كلامها وبصيت لزين : عن ازنك يزينو

زين : اتفضلي يحبيبتي

ايان كان واقف و هو متعصب وبص ل زين : هو ايه اللي انت قولته دا

زين : قولت ايه مش فاهم

ايان : بتقولها عقبال فرحك وشخص مناسب وكلام يعصب

زين حب يستفز اكتر : ويعصب ليه يا ايان انت مش بتتمني لغزل أنها تجوز شخص مناسب ليها ويحبها

ايان بنفعال : لاا

زين : امال عاوز ايه مش فاهم تفضل في البيت ومتجوزش يعني

ايان : اها مش مهم انها تجوز وايه اللي هي كمان بتقوله

دا ايه قريب إن شاء الله مش فاهم انا

زين : انت مش واخد بالك أن اختي حلوه والعيون

كلها عليها وممكن تتخطب في اي وقت

ايان بصوت عالي نسبيا : نعم

زين : اهدا بس مالك

ايان : و الكلام اللي انت بتقوله يهدي في ايه

زين : ولما انت بتحبها اوي كدا ومش قادر تفكر انها ممكن

تبقا مع حد غيرك واقف مكانك ومش عامل حاجه ليه

ايان : انا قولتلك يزين غزل بنسبالي تخصني ومش معني

كدا ان بحبها

زين بصله وسكت

ايان : بتبصلي كدا ليه

زين : مش عارف اصدق الكلام اللي بتكدب بيه علي نفسك

ايان قرر انه سكت لانه معندوش حاجه يقولها لزين

...

الشباب الكبار و الماميز كانوا قاعدين سوا علي ترابيزه 

وكل واحد قاعد جمب مراته

يوسف بص لسلمي بحب : فاكره يوم فرحنا

سلمي : كان احلي يوم في حياتنا يا يوسف

يوسف : طول ما انتي موجوده في حياتي انا ايامي

كلها حلوه يروح يوسف

سلمي ابتسمت لحب يوسف ليها : نفسي غزل تجوز

وتلاقي شخص يحبها زيك كدا

يوسف : لاا اطمني خالص هو بيحبها لدرجه مش عاوز

النور يشوفها

سلمي : انا مش عارفه ليه فاقده الامل في ايان دا لحد

دلوقتي ولا اتكلم ولا قال اي حاجه

يوسف مسك أيدها : انا قولتلك حاجه قبل كدا ومحصلتش

سلمي : اكيد لاا

يوسف : يبقا صدقيني لما اقولك هيتكلم ويقول إنه بيحبها

وهتشوفيها احلا عروسه

سلمي : أن شاء الله يحبيبي

...

مالك كان باصص ل آيه ومركز مع كل تفصيله فيها و آيه شافت نظراته ليها وبصتله وهي مبتسمه : لسه بتبصلي

نفس النظره اللي كنت بتبصلي بيها من سنين

مالك بحب : وهفضل ابصها ليكي لحد اخر يوم في عمري

آيه : لو رجع بيا السنين كنت هختارك من غير تفكير يمالك

مالك : المهم اننا سوا دلوقتي وهنفضل كدا مع بعض يتوتا

آيه : اكيد يملاكي

...

سيف مال علي شهد وهمس : لسه قاعده في حلاوتك

وجمالك وشقاوتك ومش بتكبري ابدا

شهد بصتله : انت بس اللي كبرت يحبيبي

سيف وهو متصنع الغرور : اهو الشعر الابيض اللي في

شعري دا هما اللي بيجذبو البنات ليا يشوشو

شهد : بنات امم انت شكلك عاوز

سيف حط ايدو علي بوقها : اسكتي اوعي تجنني انهارده

فرح ابنك

شهد : فكرتني ونا كنت ناسيه

سيف : طيب الحمدلله لحقتك .. كنت عاوز نسافر احنا

كمان ناخد شهر عسل مع فريد ايه رايك

شهد بصتله : مش مكسوف من نفسك ونت بتقولها

سيف : علفكرا المفروض انتي تعملي كدا مش انا

وتجددي دلعك ليا كل فتره بدل ما ابص برا

شهد : تبص فين قول تاني

سيف : ابص لعيونك اللي بيسحروني دول

شهد : خلاص يهاني شاكر مش وقتك

سيف : انا هسكت

شهد : جدع

...

نور كانت بتبص لديما اللي بتتكلم مع فريد وهي مبسوطه

لبنتها وفارس حط ايدو علي كتفها : بنتنا اتجوزت ينوري

نور بصتله وهي مبتسمه : انت مصدق

فارس : لاا بصراحه

نور : بس خايفه عليها متعرفش تتأقلم في الجواز

فارس : متقلقيش فريد بيحبها وهيبقا معاها وهيفهمها

في كل وقت

نور : اكيد يحبيبي

... 

مراد كان ساكت و ملك حاسه انه مدايق بصتله ومسكت

دراعه : ساكت ليه يحبيبي

مراد بصلها : مفيش يملك

ملك : داليدا شكلها زي القمر مع فهد

مراد حس بغيره الاب لاول مره وادايق : داليدا بنتي حلوه من غير اي حد

ملك بصتله بصتله وهي فاهمه أنه مدايق بس مش عارفه

ليه مكمل في طريقته اللي ممكن تدايق اي حد وبعدين بصتله وابتسمت وبعديت أيدها منو

مراد حس أنه زعلها من كلامه اللي ميقصدش أنه يدايقها

بي وقرب منها وباس خدها : معايا بنوتي الكبيره اللي زي القمر مع مراد مش كدا

ملك ابتسمت : لازم ابقا زي القمر مع مرادي

مراد : متزعليش مني يحبيبتي

ملك : انا عمري مزعل منك يمرادي

...

عمر : انا انهارده ابو العريس

مريم بصتله : هو حد قالك انك ام العريس

عمر : دايما ردك عليا بيبقا غير المنتظره منك 

مريم : طيب حلو اهو انت عارف يعموري

عمر : طيب بعد الدلع دا المفروض اخد بوسه

مريم اول مسمعت كلام عمر بصتله اوي : انت سامع

بتقول ايه

عمر : في ايه بقولك عاوز بوسه

مريم : وكمان بتقولها تاني يعمر عيب كدا

عمر : عيب ايه بس انا جوزك وبعدين متكسفيش كل

واحد مركز مع مراته

مريم : لاا انت انهارده فيك حاجه

عمر حط ايدو علي أيدها ومسكها بطريقه رومانسيه : ا

في ايه يمريومتي انتي وحشاني

مريم شالت ايد عمر بسرعه : عمر

عمر ضحك : في ايه يمريم خليكي رومانسيه شويه

مريم : لو حد اخد باله هيقول ايه

عمر : مراتي ونا حر

مريم ضحكت : حر ايه بس يعموري انت كدا هتودينا في داهيه

عمر ابتسم : معنديش مشكله اهم حاجه تكوني معايا

مريم ضحكت : ماشي يعموري

...

اسما : شايف يمصطفي الشباب شكلهم حلو ازاي

مصطفى : شايف يحبيبتي

اسما : عقبال ادهم ابننا ميتجوز ونفرح بيه ويجبلنا نونو

صغنن

مصطفي : يخلاثي هتبقي اصغر تيتا انتي

اسما ضحكت : واحلا تيتا كمان

مصطفى : ونا مش هبقا جدو حلو كمان

اسما : لاا

مصطفي ابتسم : هي بقيت كدا يعني

اسما بصتله بحب : انت أعظم زوج واحسن اب وهتبقا

احن واحلا جدو كمان

مصطفى مسك ايديها وباسها بحب

بعد وقت كبير من الرقص و السعاده الفرح خلص وكل واحد اخد عروستي بالعربيه بتاعته ومشي وكل العيله مشيت

قدام فيلا العيله بتكون العيله كلها واقفين و العرسان معاهم

يوسف : يلا يفهد خد عروستك و امشي ونت يفريد خد عروستك و اطلع

مراد : ياخدها و يروح فين

سيف : هيروح يمراد الواد عريس ونت فاهم

شهد : داليدا اتجوزت يمراد يحبيبي

داليدا راحت لمراد ومسكت ايدو : حبيبي انا مش هبعد عنك انا جمبك اهو

مراد باس راسها وبص لفهد : خد بالك منها لو بنتي حصلها

حاجه هقتلك يفهد

فهد ابتسم : مقدرش اعمل حاجه داليدا حبيبتي ياعم مراد

حياه : انت من دلوقتي مش قادر علي بعدها يخالو

امال لو عرفت انها هتسافر بكرا

مراد بصلها وبعدين بص لفهد : ايه اللي بتقوله حياه دا

فهد : منك لله حتي انهارده هتعملي مشاكل

حياه : رد بس علي مراد

فهد بص لمراد : انا كنت حابب نسافر واعملها مفاجاه ل داليدا

مراد : بس احنا متفقناش علي كدا

ملك اتكلمت بسرعه تصلح كلام مراد اللي قاله : اكيد

يحبيبي لازم تسافرو ربنا يهنيكم

عمر : طيب يلاا يفهد امشي انت علي الفيلا

فهد : حاضر

فهد مسك ايد داليدا ومشيوا وداليدا وقفت وفهد بصلها

فهد : وقفتي ليه

داليدا : ثانيه يفهد

ورجعت وحضنت مراد اللي حضنها وهو زعلان أن

بنته حبيبته خلاص هتبعد عنه

وبعدين راحت لفهد ومشيوا للفيلا

يوسف : متزعلش يمراد داليدا هتفضل جمبك بس هي

هتسافر يومين وترجع

حياه : فهد باشا يقعد يومين بس

مالك ضحك : يعني احنا بنهدي في شويه ونت بتزودي

علي الراجل

حياه : قلبي ما مطوعنيش اكدب علي خالو

فارس : لاا اسكتي احسن

نور كانت واقفه ودموعها بتنزل في صمت وحياه بصتلها

حياه : اهي نور استلمت الشفت بداله

الكل بصلها و فارس حضنها : بتعيطي ليه يحبيبتي

نور كانت ساكته و قربت منها ديما

ديما : لو كنت اعرف هتعيطي عليا كدا مكنتش اتجوزت

ينوري

نور ضحكت ما بين دموعها : بس لماضه انا مبسوطه ليكي

ومش مصدقه انك خلاص اتجوزتي

فريد : طيب بلاش دموع يعمتو

نور ابتسمت : حاضر يحبيبي يلاا اطلعوا انتو

فريد و ديما بيطلعوا والعيله بتدخل الفيلا ومراد و مصطفى

و عمر كل واحد بيروح فيلته

.............................................

في جناح فهد و داليدا

داليدا كانت قاعده و فهد بيقرب منهم وبيقعد جمبها

فهد بصلها : داليدا

داليدا : نعم

فهد قرب منها و داليدا اتوترت وبعدت

فهد فهم قلقها وحاول يتكلم معاها عشان تهدأ : مالك يحبيبتي

داليدا : لاا مفيش .. هو احنا بجد هنسافر بكرا يفهد

فهد : اها يقلب فهد

داليدا : هنسافر فين

فهد : لاا دي مفاجاه كفايه انك عرفتي أننا هنسافر

داليدا هزت راسها و فهد مسك أيدها وشدها وبقيت

قريبه منو فهد اتكلم بهمس : هو ينفع يبقا دا وقت كلام

داليدا كانت ساكته و فهد بعد عنها شويه ورفع وشها

لي : داليدا لو مش جاهزه يحبيبتي معنديش مانع اهم

حاجه راحتك عندي

داليدا كانت ساكته وهي مكسوفه و فهد فهم وكان هيبعد

داليدا مسكته من كتفه وقربته ليها و فهد ابتسم ورجع شعرها وقرب من شفايفها

.............................................

غزل كانت داخله اوضتها و وقفت لما سمعت صوت ايان

ايان : غزل

غزل من غير متبصله : نعم

ايان : انتي متجهلني ليه

غزل : لاا ابدا 

ايان مسك أيدها : انا اسف علي اللي عملته انتي عارفه اني بخاف عليكي من اي حاجه بس مش عارف ايه حصل معايا لما عملت كدا

غزل سحبت أيدها : تمام

ايان : هو ايه اللي تمام و ماجد يقعد معاكي ليه في

نفس الترابيزه ممكن افهم

غزل بصتله بتركيز : ونت ممكن اعرف انت شايفني ايه

او انا بنسبالك ايه يا ايان

ايان بصله معرفش يرد عليها وسكت

غزل ابتسمت : تمام .. تصبح على خير

غزل دخلت أوضتها وقفلت الباب و ايان اتنفس وهو

مش عارف ايه اللي بيحصل معاه دا وبعدين طلع علي

جناحه

.............................................

في جناح فريد و ديما

ديما بتكون واقفه وبترقص وفريد بيقرب منها وهو مبتسم

علي مجنونته وحاوط وسطها و ديما حاوطت رقبته وباست

خده

ديما وعلي وشها ابتسامه : مبسوطه اوي

فريد بحب : ربنا يقدرني واقدر ابسطك اكتر

ديما : طول ما انت معايا انا مبسوطه اهم حاجه

متبعدش عني يفريدي

فريد : عمري ما ابعد عنك يدمدومتي

وقرب منها يعبر عن عشقه ليها

.............................................

صباح جديد

العيله كلها كانت متجمعه في الفيلا عشان يودعو الشباب والبنات ومراد زعلان علي داليدا بس كان بيحاول يبان عادي

آسر : كنتي اخدتيني معاكي يدود بدل اللي انا في دا

داليدا ابتسمت وفهد بصلها

داليدا : المرادي مش هقدر اتكلم ولا اساعدك يا آسر

يوسف : طيب يلاا يشباب عشان متتاخروش علي الطياره

 وصلهم يا ايان

ايان : حاضر

الشباب والبنات سلموا علي كل العيله قبل ميمشو

وخرجوا من الفيلا

و دانيه قربت من مراد اللي كان باصص علي داليدا

وحضنته ومراد حضنها و ابتسم

دانيه : هترجع يمارو

مراد : أن شاء الله يحبيبتي

.............................................

ايان وصل بعربيته قدام المطار و الشباب والبنات

نزلوا

ديما : هتوحشني يا ايون

ايان ابتسم : ونتي كمان يدمدومه

ديما : البيت هيبقا وحش من غيري

فريد : لاا من الناحيه دي اطمني حياه موجوده لحد

منرجع

فهد : اها منها حياه مبوظه كل حاجه

داليدا ضحكت : اسكت لتسمعك

فهد ضحك : طيب يلاا عشان منتاخرش

ايان : توصلوا بالسلامه

فريد : الله يسلمك يحبيبي

الشباب والبنات دخلوا المطار و ايان ركب عربيته ومشي

الشباب والبنات كانوا قاعدين في الاستراحه كل واحد مستني طيارته

داليدا بصيت لفهد اللي قاعد جمبها : مش هتقولي هنسافر

فين

فهد : كلها دقايق وتعرفي

داليدا : تمام

فهد مسك أيدها وباسها و داليدا ابتسمت

ديما كانت ماسكه الفون بتتصور وفريد باصص عليها

فريد : كفايه صور يديما

ديما قفلت الفون ومسكت ايدو وحطيتها علي كتفها

و بصتله : انا دلوقتي عاوز انك تبقا فريدي مش فريد

اوك

فريد ابتسم وباس خدها : اوك..