نزل عيونه عمار وجات علي البنت الي قاعده وضهرها لي
رفعت وشها سيليا وهي مبتسمه
عمار بصلها بتركيز وهو مش مصدق أنها هي نفس البنت
سيليا بعدت عيونها عن عمار وبصيت لقاسم: هاي يا عمو
قاسم: اهلا يا حبيبتي
بعد وقت كان واقف عمار مع سيليا في البلكونة بطلب منها
وهدي ورنا قاعدين باصين عليهم ونيللي ساكته تماما وقاسم
دخل اوضته وحسن واقف وعيونه علي نيللي
بصيت حواليها نيللي وعيونها جات علي حسن بالغلط وحسن
رفع حوجبه ليها بنكش ونيللي مديتش لي اي اهتمام
رنا: هما بيقولوا ايه
هدي: مش عارفه
بصيت رنا لنيللي: اي يا نيلو ساكته ليه
ابتسمت نيللي: مفيش
في البلكونة...
عمار باصص لشارع وعيون سيليا عليه ادايقت من عدم اهتمامه بصيت لشارع وربعت ايديها قدامها وبصتله بجنب
بقرف وبعدين حاولت تبتسم
سيليا بصوت هادي: احم
عمار وهو لسه عيونه علي الشارع: انتي لسه هتمحمحي
اخلصي جيباني هنا وعايزة تقولي ايه
سيليا: هو في ايه انا مش هاكلك يعني
عمار بصلها بطرف عين: هو في قطه بتاكل اسد ركز في كلامك وشوفي بتقولي ايه
كشرت سيليا وحاولت تمسك نفسها: طيب ممكن نتكلم
عمار: ياريت عشان معنديش وقت
سيليا: انا كنت عايز اتاسف ليك علي طريقة اسلوبي المره
اللي فاتت انا مش كدا خالص بس كنت مدايقه من عطل العربية وكان ليه معرفش الدنيا هنا
عمار بتريقه: ليه جايه من امريكا مثلا
سيليا: اها
عمار: طيب بصي يا حلوه عامله فيها جو البنت بتاعت دادي شوجر ماشي وبتقولي صديقة رنا ماشي بس انا مش حاسس وكل دا جايه في بيتي وبين اهلي بتضحكي وتهزري وتطلبي مني تتكلمي معايا وتعتذري ليا مصدق ابدا من الغرور اللي شوفته منك
سيليا بانفعال: واعملك ايه عشان تصدق يعني
عمار: شوفتي هو دا وشك الحقيقي بلاش جو الكيوت اللي جاية تضحكي بيه عليا دا ويلا امشي من هنا
سيليا: امشي من هنا؟؟
عمار: اها مش عايز اشوفك انتي جايه ليه
سيليا مسكت نفسها واتكلمت ببرود: علفكرا انا جايه لرنا مش لازم تفتكر اني جايه عشانك ونا معرفش انك اخوها للأسف
عمار: للأسف
سيليا: انسان لا تطاق بصراحه
عمار: انا
سيليا: ايوا وقليل زوق كمان انا جايه اعتذر ليك ونا
عمري ما عملت كدا مع اي حد ونت مقدرتش دا
عمار: اصدقك علفكرا عارفه ليه
سيليا: ليه
عمار: العينه باينه قدامي.. انا مش عارف ليه باخد
وادي معاكي في الكلام يلا يابت امشي من هنا
خرج عمار وسابها مهزولة من كلامه وإنه سابها ومشي
سيليا لنفسها: إيه الإحراج اللي أنا فيه دا.. بس والله
ما هسيبك ولا همل غير لما يلين قلبك يا عمار الحديدي
سيليا: حكتلي عنكم رنا كتير وبصراحه حبيت اتعرف عليكم
حسن كان واقف جنب رنا واتكلم بفخر: طبعا احنا هنسمحلك تقعدي معانا وتتكلمي
ضحكت سيليا: بحب التواضع
عمار بهمس: تواضح..!
وقفت نيللي وقربت من سيليا: انا بقول نمشي دلوقتي
يا سيليا
رنا: انتو بتهزرو صح
سيليا: اها نيللي بتهزر اكيد هنقعد شويه
مشي عمار علي اوضته يغير هدومه وسيليا بصتله
ونزل حسن للورشة
هدي: طيب عن ازنكم يا بنات هرجعلكم كمان شويه
سيليا: اتفضلي
دخلت هدي اوضتها هي وقاسم تشوفه
رنا: تحبوا نقعد في اوضتي
سيليا: لا هنا حلو
رنا: طيب انا راجعه ليكم البيت بيتكم
مشيت رنا علي اوضتها ونيللي مسكت سيليا
سيليا: ايه في ايه مالك
نيللي: مالي ايه يلا بينا وكفايه كدا
سيليا: هو احنا جايين عشان نمشي اهدي يا نيللي
نيللي: بس انا مش مطمنه
سيليا: ممكن تسمعي كلامي عشان خاطري
نيللي: نص ساعة بالظبط وهنمشي
سيليا: ماشي
~~~~~
في السادسة عصرا .. فيلا شاهين الصياد
صديقات مرام خارجين من الفيلا وفي نفس الوقت وصل
شاهين وابتسم اول ما شافهم
شاهين: مساء الخير
مرام: لك اخيرا رجعت حياتي لسه كنا هلا بسيرتك
باس شاهين خد مرام: آسف يا حبيبتي كان معايا شغل
مد ايديه شاهين وسلم علي دان وسلم بعدها علي جومانه
شاهين: عامله ايه يا جومانة بقالي زمان ما شوفتك انتي ودان
قربت جومانة من شاهين قبل ما يسحب ايده وباسته بوستين: ما انت اللي مبتسالش خالص
شاهين بصلها باستغراب ومرام اتجننت من أسلوب صديقتها بس مبينتش.. دان بصيت لمرام وادايقت من جومانة
حب شاهين يغير الكلام: الشغل واخد وقتي
جومانة: ربنا معاك
دان: طيب عن ازنكم يا جماعه احنا لازم نمشي
شدت دان جومانة من ايديها: باي يا مرام
ابتسمت مرام نص ابتسامة: باي
شاهين: مع السلامه
جومانة بصت شاهين وابتسمت
مشيت دان وجومانة وخرجوا من الفيلا
دخلت مرام الفيلا وهي مدايقة ودخل وراها شاهين
~~~~~
قدام ورشة الحديدي
ماسك عمار مفتاح تصليح وفاتح كبوت العربية بيصلحها
وحسن واقف جنبه ساند علي العربية
عمار: ازاي مقولتليش انها موجوده هنا
حسن: هو انا مقولتش ليك دا انا رنيت عليك مليون مره ونت ولا عبرتني مش عارف ماسك تليفون ليه
عمار: كان صامت
حسن: هو ايه حكايه الصامت دا افترض يا اخي واقع في مصيبة متنجدنيش
عمار: انت اكيد قد اي حاجة مشكلة.. طيب ولما وصلت محاولتش تقولي ليه
حسن: عمار هو انت لما وصلت انت وقاسم بالظبط فاكر حصل ايه
عمار رفع وشه لحسن وافتكر أنه حاول يتكلم معاه وهو رفض: اها نسيت
حسن: نسيت.. هي المزة اتكلمت معاك في ايه عشان متبقاش عارف تركز في أي حاجة كدا
سكت عمار ومردش علي حسن
حسن: عمار انا عايز اعرف اتكلمتوا في ايه
عمار: مفيش حاجه مهمه يا حسن
حسن: بقا كدا يعني مش عايز تقولي دا انا حسن اللي اقل حاجه بتحصل معاك بتحكيله لدرجه دي عندها سحر غيرتك من ناحيتي خلاص
عمار: ايه جو الدراما اللي دخلت فيه دا يا حسن ما انت عارف انه لو مهم كنت حكيتلك
حسن: ياسيدي انا تافه وبموت في الكلام المش مهم
عمار: مكدبتش في كلامك
دخل عليهم خالد: السلام عليكم
عمار وخالد: وعليكم السلام
حسن: بقالك كام يوم محدش عارف يشوفك
خالد: جاي شغل لشركة كتير ومحدش عارف يمشي منها
حسن: انت تمشي وقت ما انت عايز هما ميعرفوش انك حفيد عيلة الحديدي
عمار: سيبك منه دا هيضيعك
ابتسم خالد: لا يعرفوا طبعا يا ابو علي
حسن: طيب عارف كمان لو عرفوا أن عمك يبقا حسن الحديدي مش بعيد يخلوك رئيس الموظفين
عمار: كدا هتترفد خالص اوعي تسمع منه
ضحك خالد وحسن بص لعمار: بجد كلامك دا
عمار: اها بجد اكيد
خالد: طيب انا هطلع اغير هدومي وهريح شويه لاني بجد تعبان وهنزل اقعد معاكم كمان ساعتين
عمار: طيب يلا اطلع
خالد شاف عربيته سيليا الموجودة قدام عمارتهم: عربية مين دي
حسن: دي قصه طويله لما تنزل يبقا احكيلك
خالد: تمام
دخل خالد العمارة وبص حسن لعمار: مش هتحكيلي يعني
عمار: انت مصمم تعرف
حسن: ايوا
عمار كان هيرد علي حسن بس قطع كلامه خروج سيليا ونيللي من العمارة
حسن: ايه سكت ليه
وبص مكان ما باصص عمار وشاف البنات ابتسم: لدرجاتي
معاك
عمار: اسكت
قربت نيللي من العربية ولسه هتركب شافت سيليا رايحه
تجاه عمار
نيللي: سيليا
لفتليها: راجعه
وراحت سيليا عند عمار اللي كمل تصليح وعمل نفسه مش شايفها
حسن بعد عنهم وقعد علي الكرسي وعيونه علي نيللي الواقفه
سيليا بصيت علي العربية: شكلي كدا بفكر اخليك تعلمني
تصليح العربيات
عمار: انتي كفايه عليكي الخروجات والغرور تصليح العربيات دا مش ليكي نهائي
سيليا: انت شفت الجزء الخاص بسيليا انها ممكن تعمل اي حاجة هي عوزاها
عمار: بس انتي مش عايزة تتعلمي
سيليا: امال عايزة ايه مثلا
عمار رفع عيونه ليها: انتي عارفه
سيليا اتوترت وحسيت انه قفشها ورجعت تتكلم طبيعي: انت
شخصيتك كدا ولا معايا انا بتعاند
عمار: مبحبش اعرف حد عني اي حاجه
سيليا: في الآخر هعرف ما حاجه
عمار: وايه الثقة دي
سيليا: يمكن عشان عجبني
عمار ثبت عيونه عليها واستغرب عدم كسوفها من اعترافها
ابتسمت سيليا: باي يا عمار
مشيت سيليا وركبت العربية وبصتله من الشباك وابتسمت تأتي واتحركت
قرب حسن من عمار اللي عيونه علي عربية سيليا
حسن: عمار.. عمار
عمار: في ايه
حسن: بقالي ساعة بكلمك
عمار: وعايز ايه
حسن: مالك متنح كدا ليه
عمار: مفيش
دخل عمار الورشة وفضل حسن واقف عيونه عليه: والله شكلها البت دي هتجيب اجلك
~~~~~
في اوضه رنا
قاعده علي السرير ماسكه المخده والعزل باين عليها والكتب مرميه علي السرير جنبها
بيتفتح الباب وبتدخل خديجة بتبصلها رنا: خوخا
بتقعد خديجة: اها خوخا محصلش فرصة اعرف مالك حيتلك الكلية ووصلت بعدها صحبتك سيليا وفضلت معاها
رنا: آسفه يا خوخا بس هي كانت حابه تيجي هنا وادوشت معاها
خديجة: هو انا بقولك عشان تعتذري وبعدين مفيش بنا الهبل اللي بتقوليه دا
ابتسمت رنا بهدوء.. بصيت خديجة علي الكتب: بتذاكري ولا ايه
رنا: مش عارف اركز خالص مصدعه شويه
ركزت خديجة علي رنا وشافت الزعل اللي بتحاول تداريه مسكت ايديها: مالك زعلانه من ايه
رنا: لا مفيش
خديجة: انا شوفت ياسر خارج من الكلية وكان مدايق لدرجه انه ما اخدش باله مني
سكتت رنا واترميت فجاه في حضن خديجة ودموعها نزلت
خديجة طبطبت عليها: رينو قلقتيني عليكي في ايه
بعدت رنا عنها ومسحت دموعها بايديها
خديجة: انتي بتعيطي.. لو ياسر زعلك أو فهم حاجة غلط قوليلي وانا أفهمه
رنا هزت راسها بلا وهي مش عارفه تتكلم من عياطها اللي كتمته
خديجة: طيب اتكلمي حصل ايه يخليكي تعيطي
رنا اخدت نفس وهي بتحاول تهدي ومترجعش تعيط: انا
طلبت من ياسر منتكلمش تاني وتبعد عن بعض
خديجة: ليه عملتي كدا
رنا: يا خوخا امبارح نسيت الفون بتاعي وهو رن وحسن مسك الفون ورد عليه ولولا ربنا وقف معايا ومتفضحتش
انا كنت دلوقتي مش عايشه انتي فاهمه تبقا بحب شخص
ابوه هو السبب في اللي حصل لبويا اني ماشي بعكاز ومش
عارف يمشي علي رجلي
خديجة: بس دا ياسر وغير ما دا هو ابن خالتك والحب مش
بأيدينا يا رنا ونا بقولك كدا عشان متاكده انك بتحبيه ومش
هتعرفي تشيلي من حياتك او يبقا حد غيره مكانه صح
عيطت رنا: صح.. انا مدايقة اوي يا خوخا مش عارفه اعدي
الكام ساعه دول من غير وجود ياسر احنا اها مكنت بنتكلم كل يوم بس علي الاقل كان حبيبي ومعايا
مسحت خديجة دموع رنا: عارفه يا حبيبتي كل دا ممكن تبطلي عياط ويلا قومي امسكي الفون ورني علي ياسر
رنا: ارن علي ياسر..! هي مش فكره الجنان دي بتاعتي انا
من أمتي وبقيت فيكي يا خوخا
خديجة: حبيبتي انا من قعدتي معاكي تتخيلي اي حاجة مني
حضرتك عامله زي المغناطيسي اللي بيحب الناس جنبه
ضحكت رنا: والله
خديجة: اها وبلا اسحبي الولا ياسر جنبك
ضحكت رنا وفجاه كشرت: انا مش المفروض اسمع كلام رضوي الشربيني واستني هو يجري ورايا
خديجة: يابت رضوي الشربيني مين اللي هدخليها في تفاصيل حياتك دا انتي اللي سيباه ايه الافتراء دا
رنا: انا متردده
خديجة: صبرني ياربي معرفتش اربي اخلصي يا رنا
رنا: حاضر طيب اهدي اهو خليتيني اقولك حاضر ونا مش بقولها غير لياسو بس
ضربت خديجة كف علي كف: اعتبرني ياسو ياستي
رنا: تيجي ازاي دي
خديجة: اصوت والم عليكي السيدة زينب اخلصي يلا
رنا: طيب يلا روحي شوفي هدهد بتنده عليكي
قامت خديجة من علي السرير: انا همشي بالكاريزما بتاعتي
احسن ما اترد بعد شوية
رنا ضحكت: والله بقيتي زي
ابتسمت خديجة: يبقا طمنيني
هزت راسها رنا وخرجت خديجة من الأوضة
~~~~~
في منزل منصور العطار
في الصالون قاعد منصور ومعاه هشام
منصور: لو البنت دي بقيت جزء من حياه عمار هيبقى كويس لينا وهيبقا اسهل لينا نشيله من علي الدنيا
هشام: هنستفاد ايه يعني منها
منصور بتفكير: هي اللي هتساعدنا نخلص من عمار من غير قصدها
هشام: انت بتكلم بالالغاز ليه يا حاج
منصور: ما انا اللي مخك تخين ما بتفهمش طالع ليا في كل حاجه بس الا انك تشغل دماغك
بيتفتح الباب وبيدخل ياسر
منصور: اسكت ياسر وصل
ياسر: مساء الخير
منصور: مساء الخير
ياسر: ما تكملوا كلامكم سكتوا ليه اول ما دخلت
هشام بضيق: وهنسكت ليه هنخاف منك مثلا
بصله ياسر
منصور: مفيش يا ياسر كلام شغل
ياسر: وايه علاقة عمار بالشغل
هشام: انت هتسمع علي مزاجك كمان عمار مين اللي نجيب سيرته دا
ياسر: هيحصل ايه لو ركزتوا في حياتكم شويه وتبطلوا زعل وحقد كفاية اللي عملته في عمي قاسم دا الراجل عمل فيك جميل ما حد يقدر يعمله رفض يحبسك والادله كانت كلها ضدك بس هو افتكر العشرة اللي انت نفسك نسيت كل حاجه عشان طمعك
قام وقف منصور ومشي خطوات ورفع ايديه وضرب ياسر قلم
خرجت هاجر من الاوضه بسرعة لما سمعت صوت القلم
ووقفت جنب ياسر: ايه اللي انت عملته دا يا منصور
ابتسم هشام: عشان تسكت خالص ومتفتحش بوقك تاني
منصور بصوت كله غضب: هشام.. ونت مالكش دعوه انت
تعيش ونت ساكت هنا يا بشمهندس ياسر
ياسر: تعرف اني مبقاش عندي طاقة اني افوقكم اعملوا اللي تعملوا انت وابنك الصايع دا بس متنساش أن ربنا موجود واخرتكم وحشه اوي
سألهم ياسر ودخل اوضته
هاجر: حرام عليك يا منصور ما كفايه بجد يا اخي
منصور: غوري من وشي عشان ما مدش ايدي عليكي
مشيت هاجر من قدامه وقعد منصور وبص لهشام
هشام: عجبتني يا منصور يا عطار هو كان محتاج القلم دا
منصور: امشي من وشي انت كمان
هشام: حاضر
قام هشام وهو ما صدق وخرج من الشقة
كانت نازله دنيا وبصلها هشام: المزه بتاعتي عامله ايه
ابتسمت دنيا: الحمدلله ونت
هشام: كويس
دنيا: رايح فين كدا
هشام: ايه يا دودو انتي عارفه اني مبحبش حد يسالني
رايح فين وجاي منين
دنيا: يعني علي اساس انك مش رايح تسهر
هشام: طيب ما انتي عارفه اهو بس تتعودي انك متساليش عشان لما نتجوز متزهقنيش تمام
دنيا: تمام بس انت مش كنت بطلت
هشام بعصبية: وبعدين معاكي انت مالك اصلا
اتخضيت دنيا: انا آسفه
هشام: انا ماشي بدل القرف اللي انا فيه دا
نزل هشام وبصتله دنيا بزعل ودخلت شقه عمها
~~~~~
في منزل قاسم الحديدي
في المطبخ.
قفلت الحنفية هدي بعد ما خلصت غسيل مواعين ونشفت ايديها بالقماشه ومسكت التليفون وجات علي بالها هاجر
ورنت عليها
هدي: عامله ايه يا هاجر
هاجر بصوت كله زعل: الحمدلله يا حبيبتي انتي عامله ايه
هدي: مال صوتك في ايه
هاجر: مفيش حاجه متقلقيش
هدي حسيت انها بتخبي حاجة: هو في مشكلة حصلت
معاكي
تنهدت هاجر: متشغليش بالك عمار ورنا عامين ايه
هدي: الحمدلله كويسين
هاجر: طمنيني علي قاسم اتحسن عن الاول
هدي: بنقول الحمدلله
هاجر: الحمدلله
هدي: طيب انا هقفل عشان ادي الدواء لقاسم
هاجر: ماشي يا حبيبتي
قفلت هدي الفون وهي بتفكر في اختها وخرجت من المطبخ ودخلت الاوضه
قاسم كان قاعد علي السرير ماسك المصحف بيقرا قران بصوت جميل.. قعدت حنبه هدي وبتسرح
قاسم: صدق الله العظيم.. مالك يا هدهد سرحانه في ايه
بصتله هدي: كلمت هاجر من شويه وصوتها كان كله زعل
قاسم: طيب بدل ما انتي بالك مشغول كدا مسالتهاش ليه
هدي: سألتها اكتر من مره وقالتلي مفيش
قاسم: اكيد بمشاكل منصور
هدي: متجبيش سيرته
مسك ايديها قاسم: مدايقيش نفسك طيب
هزت راسها هدي ومسكت شريط البرشام علي الكومودينو:
اتفضل خد دواك وارتاح شويه
قاسم: حاضر
اخد قاسم الدواء كوباية المياه وشرب واخدتهم منه هدي وحطيتهم علي الكومودينو
ريح رأسه قاسم علي السرير وهدي قربت باست راسه
بصله قاسم ومسك ايديها باسها
ابتسمت هدي وفضلت بصاله وعيونها في دموع
قاسم: انتي كويسه
هدي: ايوا
فضل قاسم ماسك أيديها وعيونه عليها
~~~~~
واقفة رنا قدام الشباك وعيونها علي اوضه ياسر اللي منوره بصيت للفون ورنيت عليه وياسر مرديش عليها
رنا بزعل: هو مش عايز يكلمني تاني
رجعت لورا وقعدت علي السرير ونامت بضهرها: شكلي
نهيت الموضوع بجد
دقيقه بالظبط والفون رن قامت رنا اتعدلت بسرعه وبصيت في الفون ابتسمت ورديت: الو
ياسر: ايوا في حاجه
رنا: اها انا لازم اللي اتكلم يعني
ياسر: انتي اللي رنيتي يا رنا بعد ما قولتلك بشكل مباشر اقطع علاقتك بيا
رنا ربعت رجليها: غبية والله غبية قولت كدا من غير ما افكر
ياسر: ماشي
رنا: انت لسه مدايق مني يا ياسو
ابتسم ياسر: لا يعيون ياسو
رنا: امال في ايه
ياسر: انا بس كنت مدايق انك بعدت عني
رنا: يعيوني بجد يا ياسر بتحبني
ياسر: لا مكمل معاكي عشان بنت خالتك واختي الصغيرة
رنا: اختك في عينك مين دي اللي اختك
ياسر: انت كل حاجه بنسبالي يا رنا حياتي من غيرك متمشيش
رنا بحب: بحبك
ياسر: وانا كمان
رنا: ايه ونا كمان دي هو انا هشحت منك الكلام يا ياسر
ضحك ياسر بخفه: اهدي طيب مش كدا ونا كمان بحبك
رنا: ايوا كدا
ياسر: بكرا عايز اشوفك
رنا: بعد ما اخلص محاضرات هشوفك
ياسر: طيب هقفل دلوقتي لسه راجع من الشغل ومغيرتش هدومي
رنا: اتاخرت كدا ليه
ياسر: فضل شويه لوحدي بس ما خلصت
رنا: انا السبب صح
ياسر: متفكريش في الموضوع
رنا: تمام
ياسر: باي
رنا: باي
قفلت رنا وطلعت من اوضتها
~~~~~
في فيلا شاهين الصياد
في جناحه بالتحديد
واقفه مرام قدام البلكونة وشاهين قاعد علي السرير
شاهين: مرام انتي هتفضلي واقفه عندك
بصله مرام: شاهين اتركني بحالي انا معصبه علي الآخر
شاهين: وايه حصل عشان تتعصبي
مرام: لك عم تسال كمان
شاهين: الموضوع مش مستاهل اهدي
مرام: يعني صديقتي بتحضن زوجي وتبوسه قدامي وتقلي الموضوع ماهو مستاهل يا الله علي الرواق إللي انت فيه
قام شاهين وقرب منها حاضنها بايديه وعيونه في عيونها:
انتي عارفه جومانة مش جديدة عليكي واللي بتفكري فيه بدماغك انا مش فارق معايا غيرك
مرام: مشان انا بعرفها جومانة منيح مدايقة منه هي طول عمرها اي حد بيعجبها تقرب منه ونا بعرف كل شي عنها بس
بتيجي وتعمل هيك معك انت مستحيل
شاهين: احنا هنصدع نفسنا بيها ليه سيبك منها ويلا عايزين
نسهر النهاردة
مرام: بعد شاهين انا ما الي خلق لاي شي
شاهين شدها لي اكتر: مرام يلا البسي ولا اعمل انا دا بنفسي
زقته مرام بايدها: لا اتركني انا بلبس لوحدي
ابتسم شاهين: طيب انا هطلع وهرجع بعد شويه الاقيكي جهزتي
خرج شاهين من الجناح ودخلت مرام الجزء الخاص باللبس الدرسنج روم وبدأت تختار الهدوم اللي هتلبسها
~~~~~
وصلت سيليا بالعربية قدام العمارة اللي ساكنه فيها نيللي
بصتلها نيللي وهي سانده راسها على الكرسي: يوم كان طويل
بس بجد الأجواء عندهم حلوه اوي تحسي كدا ايام زمان
سيليا: أجواء ايه اللي عجباكي دي دا انا استحملت نفسي بالعافية
نيللي: يا سلام امال روحتي ليه
سيليا: ما انتي عارفه يا نيلو انا بعمل كل دا ليه ولسه هعمل كتير
ابتسمت نيللي: حاسه هتجيلك حاله جنونيه بالمكان وهتحبيه كمان
سيليا: انا اكيد لا ويلا انزلي عشان عايزة اروح بجد فصلت
نيللي: اوك باي
سيليا: باي
نزلت نيللي ودخلت العمارة وسيليا مشيت بالعربية
~~~~~
في مطعم من مطاعم كمال المنياوي
كان موجود علي ترابيزة هو ونبيل المصري صديق
معرفه ليه
كمال: فرحت جدا بوجودك يا نبيل بيه
نبيل: ما تشيل الألقاب يا كمال انت نسيت أننا صحاب
كمال: لا منستش طبعا دي كانت احلا ايام
نبيل: وهبقا كمان شركاء في الشغل
كمال: شرف ليا
نبيل: بس انت مرديتش عليا افتكرت انك رافض ومحرج تقولي قولت اجي اشوفك واقعد معاك شوية
كمال: اكيد لا يا نبيل انا انبسط أننا نبقا شركاء
نبيل: افهم انك موافق
كمال: اكيد موافق
نبيل: طمني اخبار نيللي ايه
كمال: كويسه الحمدلله
نبيل: هي سابت الفيلا وسكنت لوحدها ليه يا كمال
كمال: سابت!..
نبيل: انا عارف مفيش حاجه بتتخبي علي الناس دلوقتي
كمال: انت عارف دلع البنات اليومين دول والأفكار اللي
بتطلع من دماغهم وفي بنات كتير بتبقا عايزة تفضل
لوحدها وللاسف نيللي منهم طلبت منها كتير ترجع رفضت
نبيل: بس عارف يا كمال نيللي طالعه ليك في حياتها المهنية
محققة نجاح كبير في شغلها علي السوشيال ميديا دا حتي
تيم معجب جدا بتفكيرها وشغلها
ابتسم كمال وفرح جدا من جواه: بنتي بقا
ابتسم نبيل: فعلا.. كان في موضوع كدا حابب اتكلم معاك فيه
كمال: اتفضل سامعك
~~~~~
في منزل قاسم الحديدي
قاعد قاسم وهدي وناديه وأمل ورنا
ناديه: قالك ايه الدكتور النهاردة يا قاسم
قاسم: الحمدلله
ناديه: ايوا قالك ايه يعني
قاسم: امشي على العلاج بانتظام وان شاء الله خير
ناديه: ما انا مش عجبني اللي انت فيه يا قاسم
هدي: هنعمل ايه يعني يا ناديه حكمه ربنا
قاسم: الحمدلله على كل حال
هدي: احنا معاه ويارب يبقا احسن من الاول
ناديه: يارب
امل بصيت لرنا اللي قاعده جنبها: بت يا رنا هي مين
البنت اللي كانت واقفه مع عنار النهاردة
رنا باستغراب: انتي دا
امل: بعد العصر كدا كانت واقفه معاه قدام الورشة
رنا: اها دي سيليا
امل: مين سيليا دي
رنا: صحبتي جات هنا وبعدين مشيت فا اكيد اتكلمت مع عمار
امل: وتكلم معاه ليه
رنا: ونت مركزه ليه
امل اتوترت: لا انا شوفتهم بالصدفه من البلكونة
رنا: اها
غيرت امل الكلام وقالت لرنا: ونتي من امتي بتصاحبي
بنات كدا
رنا: كدا ازاي
امل: انتي مشفتيش لبسها ولا شكلها
رنا: مزه مش كدا
كشرت امل: خالص
رفعت رنا حاجبه وهي فاهمه دماغ امل: والله
امل: ايوا
رنا: اممم
~~~~~
وصلت سيليا قدام الفيلا وفتحلها الحارس البوابة
الحارس: مساء الخير يا هانم
دخلت سيليا من غير ما ترد
الحارس: ربنا يهديكي يا بنتي
نزلت سيليا من العربية ودخلت الفيلا بعد ما الخدامة فتحت
ليها الباب
الخدامة: تحبي احضرلك الاكل يا هانم
سيليا: اكل ايه الساعه 1 دلوقتي
الخدامة: طيب عايزة حضرتك اي حاجة
سيليا: لا هو مفيش حد موجود
الخدامة: شاهين بيه ومرام هانم خرجوا من ساعه
واليأس باشا موجود في جناحه
سيليا: اوك
طلعت سيليا علي السلم ووصلت جناحها وكانت هتدخل
رجعت وراحت جناح إلياس دخلت علطول ولقيته بيلعب
بلايستيشن
سيليا: انت سهران يا إيلي
بصلها إلياس: اها مش جايلي نوم
قعدت سيليا: بس انت معاك مدرسه الصبح
إلياس: بلاش تتصرفوا معايا علي اني طفل
ضحكت سيليا: شكلها الماما مطلعه عينك
إلياس: جدا.. تحبي تلعبي معايا
سيليا: لا العب انت
وقف لعب إلياس وبصلها شويه: بقالنا كتير اوي مقعدناش
مع بعض ولا اتكلمتي معايا
سيليا: ما خلاص يا إيلي انا هقعد معاك كتير الفتره دي
إلياس: الفتره دي افهم من كلامك هتسافري تاني
سيليا: اها بس اوعي تقول لمرام
إلياس: مش هقول
سيليا: يلا نلعب معاك نرجع ايام زمان لما كنا نتخانق سوا
لما حد فينا يكسب
أبتسم إلياس: طيب فاكره اللعب ولا نسيتي
سيليا: هنشوف دلوقتي ازاي هخسرك
إلياس: هنشوف
~~~~~
متجمعين الشباب قدام الورشة عمار وحسن وخالد
وبيشربوا شاي
شرب عمار شويه من كوباية الشاي: وبعدين كمل
خالد: وبس ياعم الناس دول حياتهم مختلفة عننا خالص
الراجل يحضن في مراته ويبوس فيها قدامنا عادي
حسن: دا لو المدير بتاعك جيه هنا هو ومراته السيدة زينب هتبلغ عليهم بليس الادب وربنا
ضحك خالد: حصل
عمار: ما هو بصراحه حاجة مش حلوه خالص
غمز حسن لعمار: خالص
فهم عمار حسن وقام: طيب انا طالع يا شباب
ضحك حسن: خد رايح فين
عمار: متنساش تقفل الورشة كويس
خالد: اول مره عمار ميسهرش زي ما متعود
حسن: هو هرب مني بس هيروح مني فين بكرا
خالد: يهرب منك ايه
حسن: بس احكيلي علي المدير بتاعك
خالد: شكلك مبسوط
ضحك حسن: اها هو بنشوف فين الحاجات دي ياعم
ابتسم خالد: احكيلك
~~~~~
نايمه سيليا علي السرير ومفتحه عيونها وهي بتفكر في
عمار وبتبتسم ومسكت الفون وجابت رقمه ورنيت عليه
ثواني ورد عليها
عمار: الو.. مين
سيليا: اللى بتفكر فيها دلوقتي...