سيليا: انت لو معملتش اللي طلبته منك انا هخفيك من علي وش الأرض
مشمش: حضرتك انا قولتلك هخلص العربية اللي في أيدي
وهشوف عربيتك
سيليا: عايزني انا استناك لما تخلص انت مجنون ولا مش عارف بتكلم مين
دخل عمار بهيبتة : هيكون مين يعني
سيليا بصتله: ونت اي دخلك بالموضوع
عمار: الورشة اللى انتي واقفة تبجحي فيها تخصني
سيليا: طيب يا صاحب الورشه يلا خلي الصبي بتاعك يشوف العربية مالها
عمار: ما هو للاسف مش هيشوف
سيليا: اها انت عبيط انت كمان ولا ايه
عمار: خدي عربيتك وامشي من هنا
سيليا رفعت صباعها في وشه واتكلمت بغرور: انت متعرفش انت بتكلم مين انا سيليا الصياد
عمار نزل صبعها بايدو وبصلها ببرود: هتكون مين يعني سيليا الصياد يابت
سيليا بجنون من استهزئيه بيها: انت شكلك اتجننت عشان بتكلمني انا بالطريقة دي
عمار: هو في حد غيرك هنا مثلا ولا نظرك ضعف فجاه من الغرور اللي انتي فيه ومحتاجة لدكتور
ضحكوا عليها الرجالة وسيليا بصتلهم ورجعت بصت لعمار
بشر
سيليا بعصبية: انا هندمك علي خفة دمك دي
مشيت كام خطوة سيليا من قدام عمار
عمار: استني
وقفت سيليا وبصتله وابتسمت بسخرية: عايزة تطلب مني
اني اسامح صح بس عارف انت لو اترجتني دلوقتي قدام
الناس دي كلها انا مش هوافق انك تصلحها عشان المره الجايه تفكر كويس قبل ما تكلم معايا يا حلو
عمار: طموحك علي اوي اوي انا بس كراجل ما ينفعش اسيبك تزقي العربية لوحدك بس طول ما انتي متمسكه
بغرورك تمام يلا ورينا مهاراتك
سيليا ضربت رجليه بغيظ في الأرض ومشيت من قدامه
عمار فضل عيونه عليها شويه
حسن وقف جنبه: مش زودتها شويه يا عمار دي في الاخر بنت
عمار: خليها تبطل غرور شويه.. يلا يرجالة كل واحد يكمل
شغلة
~~~~~
منصور: ولا يا صبحي
صبحي: نعم يا منصور باشا
منصور: روح اطقسلي واعرف ايه سبب الخناقة اللي
حصلت قدام ورشة الحديدي
صبحي: حاضر يا باشا
~~~~~
قدام الكلية
ياسر: بتبصيلي كدا ليه يا رنا
رنا مشيت من قدامه: انت عارف السبب
مسك ايديها ياسر ووقف قدامها: والله هي اللي وقفت معايا
رنا: كنت قادر تمشي وتسيبها بس حضرتك الموضوع جاي علي هواك
ياسر: تبقا قلة زوق لو عملت كدا
رنا: طيب يا حبيبي خلي قلة الزوق تنفعك وانسي انك تعرف
وحده اسمها رنا
لسه هتمشي من قدامه مسك ايديها تاني: انتي مش مجرد وحده انتي حبيبتي واللي هتبقا مراتي كمان
رنا حاولت تخفي ابتسامتها: هو انت جاي هنا ليه
ياسر: جاي اشوفك
رنا: وسايب شغلك
ياسر: استئذانت ساعة
رنا: طيب مش شوفتني يلا امشي
ياسر علي صوته: في ايه يا رينو بقولك جاي اشوفك تقوليلي
امشي
رنا حطيت ايديها وبصيت حواليها والناس كانت عيونهم عليهم بيتهمسوا وبيضحكوا
رنا بصت في عيون ياسر: انت مجنون يا ياسر
ياسر شال ايديها من علي بوقة واتكلم بحب: بقيت مجنون من يوم ما حبيتك وبعدين ينفع اللي انتي عملتيه النهاردة بتدلقي مياه الغسيل عليا ونا كنت مستعجل
رنا: ما انت لو محترم مش هدلقها عليك
ياسر ابتسم: خلاص هقف معاها المره الجاية عشان اشوف غيرتك عليا
رنا ضربته في كتفه: طيب يلا امشي من هنا يا ياسر عشان معايا محاضره
ياسر: حاضر يا عيون ياسر.. باي
رنا: باي
مشي ياسر ورنا فضلت واقفه تبصلة وهي مبسوطه وافتكرت المحاضرة وطلعت جري علي الكلية: منك لله يا ياسر
~~~~~
واقفه سيليا علي الرصيف وهي بتبص حواليها بضيق
ونيللي معاها
نيللي: سولي انتي لسه مدايقة
بصتلها سيليا ورجعت بصت قدامها: كلمة مدايقة قليله عن اللي حاسه بيه.. عمري ما في حد في حياتي عمل اللي عمله
النهاردة فيا
وكملت كلامها بشر: بس والله ما هسكتله وهردله اللي عمله معايا أضعاف عشان يفكر بس مجرد تفكير يعمل كدا مع سيليا الصياد
نيللي: انا بقول انك تنسي الموضوع الشاب شكله برضو ليه
كلمته وهيبتة فا اكيد مش هيسكت ليكي
سيليا: انتي متقوليش حاجة انتي هتساعديني وبس
يا نيللي
نيللي: طيب ممكن اعرف هتعملي ايه
سيليا: محتاجه افكر الاول واقولك
نيللي: طيب ما تكلمي عمو شاهين وهو هيتصرف
سيليا: لا يا نيللي بابا ميدخلش في الموضوع لانه هيعرفه
ابقا بنت مين والموضوع هيخلص وانا مش عايزة الموضوع دا يخلص نهائي
نيللي: حاسة انك مخططه في دماغك لحاجة كبيرة
سيليا: هقولك بس نمشي من هنا
ووصل السواق واتكلمت سيليا بعصبية: هو انا مطلوب مني افضل كل دا مستنياك
السواق: آسف يا آنسة علي ما وصلت للوكيشن
مديت ايديها سيليا لسواق: هات مفتاح العرببة
السواق: اتفضلي
سيليا: العربية موجوده في مكان غربية قدام ورشة مش فاكره اسم المكان
السواق: قصدك السيدة زينب
سيليا: اها بتهيالي هي دي هات العربية من هناك وتصلحها في اقرب وقت وبلاش بابي يعرف انا مش ناقصه تحقيق
السواق: طيب لو سالني يا هانم أقوله ايه
سيليا: هو يعرف منين ولا حضرتك هتقوله اللي حصل
السواق: لا يا هانم
سيليا: اوك يلا يا نيللي
ركبوا العربية واتحركوا والسواق في طريقه للعربية
~~~~~
قدام ورشة منصور العطار
قاعد منصور بيشرب من الشيشة زي ما هو وعيونه علي ورشة الحديدي اللي مش مبطلة شغل عكس ورشتة اللي
ولا بتهش ولا بتنش وشغلها قليل: مصيره بكرا كله يبقا تحت ايدي يا عيلة الحديدي
قرب منه الصبي بتاعه صبحي وبصله منصور: عرفت حاجة
صبحي: دي طلعت بنت يا باشا وشكلها من ناس أغنياء وعمار
رفض يصلحلها عربيتها
منصور: امم عرفت اسمها ايه
صبحي: لا يا باشا
منصور: طيب علي شغلك
مشي صبحي ومنصور عيونه علي عمار اللي واقف مع حسن بيتكلم: طول عمرك ما بيهمكش حد يا ابن الحديدي
~~~~~
بتدخل رنا المدرج ورايحه تقعد وقفت علي صوت الدكتور
نديم: ما لسه يا استاذه
رنا بصتلة بسرعه وهي متوترة: آسفة يا دكتور
نديم: وانا هعمل باسفك ايه
رنا: عندك حق بس حضرتك المحاضرة الساعه 2 ودلوقتي الساعة 2 يعني متاخرتش
نديم: اها دا انتي هتاخدي وتدي معايا في الكلام.. انا لما بوصل يا انسة مفيش طالب بيدخل بعدي والمحاضر الساعة 2 تكوني هنا قبلها مفهوم
رنا: تمام اوعدك مس هتتكرر تاني
نديم: اتفضلي اطلعي برا
رنا: نعم هو انا بعد ما اتاسفت ليك عشان تطردني
نديم: مستنية مني ايه يعني اقولك اتفضلي اقعدي
رنا: دا المفروض يحصل
نديم: لا ما هو انتي مش هتقرري نيابة عني ولو وفقت انك تفضلي كدا بغير قوانيني ونا مستحيل اعمل كدا عشانك أو
عشان اي حد
رنا ادايقت من طريقة واتكلمت بعصبية: انت شايف نفسك علي ايه لو علي المحاضرة فـ انا خارجة مش هقعد في الجنة
يعني وخف تناكة يا دكتور دا كلهم بيقولوا عليك دمك تقيل
نديم بعصبية: طيب اتفضلي اطلعي برا واي محاضره ليا
انتي مش هتبقي فيها
رفعت ايديها رنا: الحمدلله شيلتني من أكبر هم في حياتي
خرجت رنا من المدرج وبص نديم علي الطلبة بعصبية: لو سمعت اي صوت حد منكم هيحصلها
~~~~~
ورشة الحديدي
واقف حسن برا وبيخرج عمار من جوا الورشة
حسن: في راجل لسه اخد العربية من شوية وشكلها كدا فعلا بنت اكابير
عمار: انا كدا هخاف منها مثلا
حسن: ياعم احنا عارفين انك قلبك جامد بس مش كدا يعني
عمار: انت مش مبطل كلام في الموضوع دا ليه دي بنت مش محترمة واخدت واجبها وخلصت الحكاية
حسن: شوفت صحبتها
عمار: انت عبيط يا حسن ونا هركز مع صحبتها ليه
حسن: ياعم انا مقولتش انك تركز بس بصراحه البت ملبن
وصحبتها اللي اتخانقت معاها حلوة هي اسمها كان ايه مش
فاكر
عمار: سيليا الصياد
بصله حسن وغمز له: فاكر اسمها وعامل فيها مش شاغلة بالك
عمار: طيب ما هي اللي قالته ونا قولته ليك لما وهي ولا شاغلة بالي ولا اي حاجة
حسن: مش مصدقك
عمار: براحتك انا مش هفضل اتكلم معاك عنها واسيب شغلي
مشي عمار ودخل الورشة وحسن فضل واقف يبص عليه
ويبتسم
~~~~~
في احدي مطاعم القاهره
نيللي: لا يا سولي انت اكيد اتجننتي
سيليا: فكري كويس وهتلاقي دي احسن خطة هعرف انتقم فيها منه
نيللي: تنتقمي منه بانك تخلية يحبك وتكسري قلبه بعدين
سيليا: طيب وفيها ايه مش هو اللي قرر يلعب معايا يستحمل اللي هيجراله
نيللي: مش هينفع انا مش معاكي
سيليا: المشكلة أنه مختلف عن باقي الشباب ودي الخطة الوحيدة اللي هتنفع وتجيب معاه كويس
نيللي فضلت ساكتة وعيونها علي سيليا
سيسيليا بتصنع نبرة الزعل: نيللي انتي عمرك ما سبتيني لوحدي في أي حاجة بعملها انا ماليش غيرك بس لو عايزة تسبيني المرادي انا مش هجبرك علي اي حاجة
نيللي: طيب انا موافقة بس متعمليش اي حاجة غبية يا سولي
سيليا بفرحة مسكت ليد نيللي: اوعدك انك هتكوني عارفه كل حاجة من قبل ما تحصل
ابتسمت نيللي: تمام
سيليا: ايه رايك نأكل انا جعانة جدا ونفسي في
وبعدين نخرج ونصور بالكاميرا الاماكن التحفة دي.. ثواني هي الكاميرا فين اكيد في العربية نسيتها بسبب الزفت دا
لخبط كل افكار اليوم اللي كنت مجهزاها
نيللي: متدايقش بكرا تاخديها من السواق وننزل تصوري براحتك
سيليا: اوك
~~~~~
في منزل منصور العطار
قاعده هاجر بزعل علي حال ابنها هشام بتدخل دنيا من
باب الشقة
دنيا: الجميل قاعد لوحده ليه
ابتسمت هاجر: تعالي يا دنيا
قعدت جنبها دنيا: عامله ايه يا ماما
هاجر: بخير يا حبيبتي طمنيني عليكي انتي
دنيا: انا كويسة.. هشام نايم ولا تحت
هاجر: لا يا حبيبتي هو نزل من زمان مع عمك
دنيا شافت توترها وزعلها مسكت ايديها واتكلمت بكل حب:
ماما انا عارفه هشام بيرجع اخر الليل ومش مبطل العادية الوحشة دي بس حاسه هيجي الوقت ويتغير انتي بلاش تزعلي نفسك عشان خاطري
هاجر: اللي مطمني عليه أنه معاه انسانه بتحبه من كل قلبها
ابتسمت دنيا وكملت كلامها هاجر بخوف: بس خايفة عليه
من منصور يدخله في مصيبة مش قدها لانه مش بيهمه غير
مصلحتة وخايفة يفضل كدا عايش حياته غلط
دنيا: اوعدك اني هحاول معاه عشان يبقا احسن
دخلت شمس وقعدت: الدنيا لو كلها اتغيرت هشام مستحيل
يتغير
بصتلها دنيا بضيق: عندك كلمة حلوة تقولها قولي ما مفيش
عندك يبقا تسكتي احسن يا شمس
هاجر: هي كدا زي عمها بالظبط
شمس: هو في احلا من كدا يا مرات عمي اني ابقا طالعه
للغالي علي قلبك
هاجر: لا مفيش بصراحه
شمس: هو ياسر لسه مرجعش
هاجر: طول اليوم مشغول في شغلة يا حبة عيني
دنيا: ربنا يباركلك فيه يا ماما
هاجر: ويباركلي فيكي يروح ماما.. انا هقوم اجهز الغداء من دلوقتي لو منصور رجع وملقاهوش جاهز هيلم علينا الناس
دنيا: هاجي اساعدك يا ماما
هاجر: طيب هدخل المطبخ قدامك يا حبيبتي
قامت هاجر ودنيا قامت ولسه هتروح وراها
شمس : ماما محن بنات آخر الزمن
دنيا: انتي ليكي إللى ميردش عليكي عشان خسارة الكلام معاكي بجد
شمس: طيب يلا ياختي علي المطبخ ساعديها
دخلت دنيا المطبخ وشمس مسكت الفون بتاعها وفضلت تقلب فيه
~~~~~
في صيدلة الحياة اللي بتشتغل فيها خديجة
اخدت الفلوس من الزبون بعد ما اخد الدواء حطيتها في الجرد ولسه هترجع مكانها طلع في وشها دكتور معاذ زميلها في الصيدليه
خديجة: في ايه يا دكتور خضتني
معاذ: سلامتك من الخضة
خديجة بضيق: حضرتك عايز حاجة
معاذ مد لخديجة علبة دواء: كنت عايز بس تشوفي كمية الدواء دا عندنا قد ايه
بصيت خديجة لدواء من غير ما تاخده: يعني كمية مش قليلة حضرتك تقدر تتأكد بنفسك
معاذ: انتي خايفة تاخديه مني ولا ايه يا دكتوره
اخدته خديجة منه عشان تخلص من كلامه ومعاذ حط ايديه علي ايديها وخديجة سحبت ايديها وضربته بالقلم: احترم نفسك ونت بتتعامل معايا فاهم
مشيت خديجة وحط ايده معاذ علي خده: كل مره بتعجبيني
اكتر وبيبقا نفسي فيكي اكتر يا خديجة
~~~~~
بتقعد رنا في كافتريا الكلية
رنا بضيق: كان نفسي امسح بكرامتك الأرض اكتر بس كدا هشيل السنة واحتمال بيشلوني من الكلية كلها ما حضرته
ابن وزير.. بلاش ادايق نفسي بيه واكلم ياسر افك شويه
مسكت الفون ورنيت عليه اكتر من مره ومردش
رنا: ماشي يا ياسر تلاقيك مقضيها انت كمان مع وحده
مسهوكة في الشركة بس تكلمني وشوفي اني مش هعبرك
ويلا والله ما انا قاعدة فيكي تاني كفاية تهزيئات لحد كدا
يعني اللي اتعلموا اخدوا ايه
وقامت خرجت من الكلية
~~~~~
ماشين سوا في الشارع خالد وياسر
ياسر: طيب ايه يا عم امتي هفرحك بيك
وقف خالد وبصله: ياسر انت محسيني اني ماشي مع آمنة ومجابتش فايدة مع خديجة وجاي تخلص مني انا
ضحك ياسر وحط ايدية علي كتف خالد ومشي بيه: ياااه
هي آمونة مطفشكم من البيت اوي كدا
خالد: والله يا ياسر الله يكون في عون خديجة نازله زن عليها ومش سيبها في حالها
ياسر: طيب سيبك من خديجة هي هتعرف تتصرف معاها انت بقا امتي هتكلم بجد يعني
خالد: هتكلم في ايه
ياسر: هنستعبط من اولها
خالد: ما انت عارف اني مش هقدر اقولها
ياسر: طيب ليه
خالد: عشان عندي احساس أنها مش بتبدلني نفس المشاعر
ياسر: تعرف انك فقري يالاا والله العظيم بجد
ابتسم خالد بزعل: حاول تفهمني
ياسر: علفكرا هي ممكن بتحبك بس مش مبينة دا وبعدين اطلبها مني انا ابن عمها واخوها وموافق طالما انت مكسوف اوي كدا
خالد: رغم تريقتك اللي مش في وقتها بس حاسس برضو مش دا الوقت المناسب اني اتكلم
ياسر: خليك كدا انت مش هترتاح غير لما تمسكلها الطرحة يوم فرحها وتغنيلي مقدرتش افرح يوم زفافك زيهم
خالد: انت شايف انك صاحب بجد يالاا
ياسر: طبعا يا حبيبي هو انت تلاقي فين صاحب مستحملك بقرفك وتفكيرك المعاق دا.. المفروض اخد جائزة الأوسكار من
اللي بستحملة دا
خالد: بس كدا عنيا هخليك تاخدها
ياسر ضحك بعد عنه ومشي: بقولك ايه أنا ماشي يلا سلام
خالد: هربت يعني
ياسر وقف ولف بضرها لخالد وهو واقف بعيد عنه: انا عايز
ادخل دنيا ياعم ومينفعش يكون فيا خدش واحد
ضحك خالد: ماشي اشوفك بكرا
ياسر: ماشي سلام
خالد: سلام
~~~~~
في فيلا الصياد مساءا
في الريسبشن قاعد شاهين ومرام وبيقعد معاهم إلياس
بصله شاهين: طمني اخبار المذاكرة ايه
إلياس: تمام
شاهين: عايز السنادي تجيب مجموع حلو دي اخر سنه ليك
يا بطل
إلياس: انا في مره مشرفتكش
شاهين: محصلش
إلياس: يبقا اطمن يا صياد
ابتسم شاهين: ماشي
مرام: شو حابب تدخل بعد ما تخلص هي السنه
إلياس: لسه مفكرتش يا ماما
مرام: لازم تفكر كتير ايلي لا تنسي انه مستقبلك
إلياس: اكيد.. عن ازنكم
قام إلياس وطلع فوق.. بص شاهين لمرام اللي عيونها
علي الفيلم ومسك ايديها: قربي هنا
ابتسمت مرام وقربت من شاهين سندت راسها عليه وحضنها
شاهين: وحشتني
دان: ونت كمان حبيبي.. شاهين
شاهين: ايه يا حبيبتي
مرام: بدي نخرج نسهر الليلة
شاهين: مرام انا تعبان شوية النهاردة
بعدت عنه مرام: انت كل يوم تقلي هيك شاهين
شاهين: اوعدك بكرا هنسهر زي ما انتي عايزة
مرام بصتلة وشاهين شدها لحضنه
دخلت سيليا الفيلا وشافتهم قاعدين: مساء الخير
شاهين و مرام: مساء الخير
شاهين: كنتي فين طول اليوم
سيليا: مع نيللي.. انا طالعه انام
طلعت سيليا لجناحها وعيون شاهين عليها
مرام: في شي
شاهين ابتسم: مفيش حاجه
~~~~~
في منزل قاسم الحديدي
بيدخل حسن وهو بيدور علي الفون بتاعه وبيلاقي فون رنا بيرن باسم ياسو مسك الفون باستغراب: مين ياسو دي
ورد علي الفون..
ياسر: آسف حقك عليا يروح قلبي كنت مشغول لما كلمتيني
بتخرج رنا من اوضتها وهي مش عارفه سابت الفون فين
وبتشوف حسن في وشها ماسك الفون بتاعها بتفتح عيونها بصدمه وبتكلم بهمس: خلاص انتهينا...