ناريمان
مش ليه لازمه الكلام دلوقتي يا ليلى انتى مش واخده بالك انتى فين دلوقتي
ليلي
على طول يرجع مقريف من الشغل ويكون قاصد ان هو يتاخر ويوقفلي على الواحده في الاخر طلع متجوز
ناريمان
طب استهدي بالله كده واهدي متنسيش ان انتي تعبانه وعلى وش ولاده والزعل فى وضعك دا مش صح
في الوقت ده دخل الدكتور وبص على ليلى وقال
الدكتور
مدام ليلى احنا مضطرين ندخلك العمليات ولاده مستعجله الميه اللي حوالين البيبي بدأت تقل
ليلي
ولاده ايه دلوقتي ده انا لسه في نص الثامن ممكن نشوف حل تاني بس لحد ما ابدا التاسع
الدكتور
للاسف لازم تولدي والا هيحصل لك مضاعفات ما تقلقيش في حالات كتير كانت اسوء من كده وولدت قيصري وطلعت كويسه هي والبيبي
ناريمان حست بخوفها مسكت ايديها تطمنها وقالت
ناريمان
مش تقلقي انا جنبك وبعدين انت مش عايزه بقى تطلعي الكائن اللي جواكي ده اللي طلع عيننا كلنا طول فتره الحمل
الدكتور شاور للممرضه تدخل ليلي العمليات وناريمان قاعده قلقانه فى الوقت دا وصل نادر ولما ملقاش ليلي فى الأوضه اللى كان سايبها قال
نادر
طمنيني ليلى عملت ايه والدكتور قال ليكم ايه
ناريمان
والله انا مش شوفت في بجاحتك هو انت ليك عين تيجي هنا تاني كنت عارف ان ليلى تعبانه ومحتاجه دعم نفسي وانت عملت ايه روحت تتجوز عليها
الاب دخل على صوتهم وقال
الاب
في ايه يا ناريمان صوتكم عالى كدا ليه ما تراعو أننا فى مستشفى هييجو يطلعونا برا عشان الصوت العالى
ناريمان
مفيش يا بابا انا بس قلقانه على ليلى انت عارف ان حملها كان متعب ازاي
في الوقت ده طلع دكتور وطمنهم ان ليلى ولدت بالسلامه وهي والبيبي كويسين
نادر دخل على ليلى و قال
نادر
حمد لله على سلامتك يا قلبي انا كنت قلقان عليكي
ليلي
مش قبلاها منك الصراحه دا انت وريتنى ايام سودا لو سمحت طلقنى وكل واحد يروح لحاله كفايه اوى كدا
نادر حاول يقرب منها بس هي بعدت وقال
نادر
ايه الكلام اللي انت بتقوليه ده انا مش هقدر اعيش من غيرك
ليلي
وانا مش الاستراحه بتاعتك وقت ما تحب تيجي تريح ووقت ما تحبش قاعد بره البيت انا مستحيل اقعد دقيقه واحده طلقني انت واحد انانى
نادر حاول يستعطفها ولكن ليلى كانت مصره على الطلاق فطلقها وكمان حنان كانت ولدت هي كمان راح يطمن عليها وساب ليلي وقرر يسافر برا مصر ويبعد عن المشاكل ويرتب أفكاره
بااااك
ليلي
طول عمرك ندل يا نادر اتخليت عني في اكتر وقت انا كنت محتاجاك فيه الله لا يسامحك على كسرة القلب دى
في الوقت ده نادر راح عند كمال وقال
نادر
يا اخي منك لله على وجه الدماغ اللي انت دبستني فيه ده
كمال
هو ايه اصله الكلام ده يعني نبقى نفسنا فيه ونقول اخيه مش انت اللي عايز تورث كل املاك حنان هتورث ازاي من غير ما تتجوزها
نادر
هورث ازاي يا متخلف والواد اللي حنان كانت هتخلفه مات
كمال
ثانيه واحده بس هو مش انت قولت انك هتجيب ولد علشان بستدرك حنان ان هي تعمل لك توكيل عام لكل املاكها انا مش فاهم حاجه انت هببت ايه
نادر
يا ابني يوم ولاده حنان دخلت غيبوبه والبيبي اللي كانت هتولده مات وبعدين ما تصبر عليا شويه انت مستعجل ليه واخدنى على الحامي انا دلوقتي بلعب مع ليلي لعبه كبيره وهاخد ابنها واوديه لحنان واقنعها أنه ابنها
كمال
يعني انت عايز تفهمني ان حنان بعد الوقت ده كله مش عرفت أن ابنها مات
نادر
لا ده انا بقيت حاسس ان حنان دي عملى الاسود وافتكر يوم ما خدها المستشفى عشان تولد
فلااااش بااااك
نادر راح البيت عند حنان واخدها بسرعه وداها المستشفى والدكتور اول ما شافها دخلها فورا العمليات
نادر
انا ايه اللي عملته في نفسي ده هو انا كنت ملاحق على بيت واحد لما لحق على بيتين ولا واثق ان ليلى مش هتعديها وهدوءها ده اللي يسبق العاصفة
في الوقت ده طلع الدكتور وبأسف قال
الدكتور
للاسف مش لحقت انقذ البيبي حصل لها نزيف والمشيمه خرجت من الرحم و الحاله جايه اصلا والبيبي ميت في بطنها
نادر
انا مش فارق معايا الطفل يعيش ولا يموت ربنا رحمه بدل ما يتكتب عليه المعاناه والتعاسه لاني ولا متقبله ولا هقدر احبه
الدكتور استغرب رد فعله وقال
الدكتور
كنت عايز ابلغك خبر اخير كمان ان المدام دخلت في غيبوبه لان هي حالتها كانت صعبه جدا
نادر
والله حتى لو ماتت مش فارق معايا لان هي السبب فى ان انا ابعد عن حب حياتي
الدكتور حس أنه مجنون يا إما كلامه دا من تأثير الصدمة
نادر
انت ممكن تدفنه يا دكتور عادي انا مش عايز اشوفه حتى وسابه ومشي
وبعد ما سافر كمال أتصل بيه عشان يرجع
نادر
ارجع لمين يا ابني ما خلاص كل حاجه باظت لا خليني زي ما انا احسن
كمال
يا متخلف انت هتكون مليونير حد يضيع الفرصه دي من ايده
نادر
فرصوة ايه انا مش فاهمك وبعدين انا بدأت اقلق منك انت بقيت بتلبسني في الحيط
كمال
يا متخلف بقول لك انت هتبقى مليونير أنهى جزء فى كلامى مش فهمته
نادر
مليونير ازاى هى حنان ماتت ولا ايه وبعدين حتى لو ماتت الرابط اللي كان بيربطني بيها مات
كمال
لو ابن حلال مات فابن ليلى لسه عايش واحنا ممكن نستغل الحته دي على فكره حنان فاقت وعايزه ابنها وهتكتب له كل ميراثها وانت عارف ان هي حياتها على كف عفريت هتموت في اي لحظه
نادر
انا جايلك اللعبه شكلها هتحلو اوى دى باضتلى فى القفص ولا ايه
بااااك
نادر
واهي حنان ماتت من غير ما تعرف ان ابنها مات قبلها وبعد ده كله مش طولت جنيه
كمال
لا ما انا مش بعد ما خططت معاك وخلاص كنا على وشك ناخد مغارة علي بابا باللي فيها تنسحب من ارض المعركه
نادر
مين قال لك ان انا انسحبت من المعركه انا بس بفكر ازاي أضيقها على ليلي علشان مش تلاقي مخرج واخد الولد ده
كمال
هو في حل بس اعتبره سلاح ذو حدين لانه لو مش نجح بالطريقه اللى عاوزينها الموضوع هيتقلب علينا وممكن نتسجن
نادر
يا رب استرها عليا من افكرك النيره حل ايه يا ترعة المفهوميه افحمني
كمال
انك ترفع قضيه اثبات نسب تحاول تثبت ان الطفل ده مش ابن ليلى ابن حنان ساعتها تقدر تقول طاقه القدر اتفتحتلك بس لو الموضوع اتقلب ضدنا يبقى فتحت علينا أبواب جهنم
نادر
تقصد طويل الموضوع عايز مخاطره انا اكيد هذاكر كويس قوي قبل ما ارمي ورقى يا انا يا انتى يا ليلي
وعند ليلي كانت واقفه تتخانق مع ابوها وقالت
ليلي
ايه الكلام اللي انت بتقوله ده يا بابا انت عايزنى أتخلى عن ابني معقول
الاب
وانا مش هفضل اصرف عليه وانا شاكك ان هو مش ابنك
ناريمان
يا بابا مش تصدق نادر انت عارف انه طلع حوارات وبيلف ويدور وبعدين مازن ابن ليلى ما لهوش ذنب بتعاقبو على ايه
الاب
اللى عندى قولته أبوه أولى بيه انا مش هفضل شايل الهم
ليلي
انا مش هتخلى عن ابني انا هتكفل بيه أبوه مين دا اللى اولى بيه هو كان سأل عنه امتى
ناريمان
ما تعملي تحاليل وسكتي لسان الكل طالما انت متاكده ان هو ابنك احنا بس هنثبت ده بس
ليلي
لا مش هعمل حاجه لاني واثقه ان نادر بيلعب بيا بس مش لاقيه دليل يعنى مش منطقي بعد الوقت دا يقولى الولد مش ابنك وانا اقول امين
الاب
اللى انتى عوزاه اعمليه طلعيني برا الليله دى أنا راجل كبير طلع عن المعاش وخلى بالك لو رفع عليكي قضية إثبات نسب ساعتها هتروحى فى داهيه لو مش ابنك
ليلي
انتو بتعملوا معايا كدا ليه هو انا أذيت حد عاملين تضغطو عليا وتخنقونى حتى انت يا بابا عاوز تتخلى عنى وبصت على ناريمان وقالت وانتى مش نفسك تقولى حاجه
ناريمان
قولتلك اعملى تحليل DNA ساعتها محدش هيفتح بوقه معاكى بتعندى ليه
ليلي
بقولكو ايه انا واثقه أنه ابني من غير تحاليل ومش هسمح لحد ان هو ياخده مني
الاب كان هيتكلم بس قطع كلامهم جرس الباب فتح ولقاه نادر جاي ومعاه ظابط
الاب
في ايه انت مبلغ عننا معقول ده كله عشان ايه يعني هو احنا سرقناك ولا قاتلينلك قتيل
نادر دخل ومعاه الظابط وبص ل ليلي وقال
نادر
انا مش هطلع من هنا غير وانا واخد ابني على ايدي يا اما هحبسك يا ليلى بتهمه ان انت خاطفه ابني وهرفع عليكي قضيه نسب وشوفي هتتحبسي كم سنه
ليلى حضنت ابنها كانها بتحاول تحميه وبخوف قالت
ليلي
انا مش هفرط فيه مهما كان التمن ولو عاوز تحبسني احبسني طول عمرك ندل مش حاجه جديده عليك
الاب خد ابنها منها بالغصب وبزعيق قال
الاب
اخرسي بقى مش على اخر عمري هتمرمط في المحاكم بسببك مش ده اللي انتي كنتي عارضتينا كلنا علشانه ادي اخره اختياراتك خد ابنك واطلع بره عشان اشوفك هنا تاني
ليلي
لا والنبي ابوس ايدك سيبولي ابني انا مش عايزه غيره
نادر مسك الولد وحضنه وبتمثيل قال
نادر
حبيب ابوك انت في رجعت الحضن تاني انا مش هخليك تبعد عني ابدا وخد الظابط وطلع
وعند كمال كان واقف تحت البيت مستني نادر وفرح لما لقاه نازل بالولد وبذهول قال
ما توقعتش ان اللعبه دي تخش عليهم لما قلت لي ناجر واحد يلبس لبس الظابط ونهددهم قلت انك اهبل وهتقع وهتوقعني معاك
نادر طلع من جيبه فلوس واداها للراجل اللي كان لابس لبس الظابط وقال
مش عاوزك تظهر تاني واختفي من هنا ولا كانك تعرفني وبالفعل الراجل خد الفلوس ومشي
كمال
دلوقتي ايه الخطوه اللي بعد كده هتعمل ايه خلاص كارت اليانصيب بقى معانا
نادر
هروح الفيلا إلى كنت قاعد فيها مع حنان أخوها هناك ولما يشوف ابن أخته اكيد مش هيخليه يتربي بعيد عن العز دا كله
كمال
دماغك الماظات يخربيتك قلبت الموازين فى ثانيه دوس وانا فى ضهرك
فى فيلا الراوى ياسين كان قاعد ومعاه المحامى وقال
ياسين
المفروض دلوقتي ايه اللى يتم حنان اختى ماتت ومفيش وريث
المحامي
بس انا على حسب ما افتكر أنها كانت متجوزه صح ولا ايه
في الوقت ده دخل نادر وقال
نادر
ومخلفه كمان مش متجوزاني بس وادي ابننا انا وحنان الله يرحمها
ياسين
هو انا مش قولتلك ما تجيش هنا تاني انت ايه معندكش كرامه
نادر
قولتلك انى خلفت من حنان وادى الولد وعندى استعداد أعمل تحاليل تثبت كلامى
ياسين كان هيتكلم بس قاطعتهم ليلى وقالت
ليلي
مش تصدقو ده واحد كداب كل همه الفلوس وبس واحد طماع عاوز يقب على وش الدنيا على حساب طفل برئ
نادر ضربها بالقلم على وشها وقال
نادر
اخرسي قطع لسانك انت ايه اللي جابك هنا هو انتى ماشيه ورايا وبص على ياسين وقال مش تصدقها دي كانت خطفه ابني معاها السنين دي كلها علشان ابنها مات اول ما اتولد
ليلى
والله العظيم ده ابني قلبي بيقول لي ان ده ابني مستحيل يكون احساسي كده انا موافقه خلاص اعمل التحليل بس يستحيل اسيب ابني ولا افرط فيه
نادر شد ليلى وعايز يطردها بره البيت بس ياسين وقفه وقال
ياسين
زى ما انت انا عايز اسمع منها لاني اصلا مش واثق فيك يا نادر
ليلي
انا عارضت اهلي واتجوزته وكنت فاكره ان هو بيحبنى زى ما انا بحبه بس بعدها اكتشفت أنه خانى وحكتله على كل حاجه
نادر واقف متوتر خايف ياسين يصدقها ويروح يعملها تحاليل ساعتها خطته كلها هتبوظ ومش هيلحق يتهنى بحاجه
ياسين
طول عمري اسال نفسي سؤال يا نادر انت ايه اللي جابرك انك تتجوز اختي وانت عارف ان هي عندها القلب اكيد مش هتقول لي انك لحقت تحبها لانك اصلا ما لحقتش تتجوزني مش كملت معاك سنه ونص
نادر
اعتقد لو اختك عايشه مش كانت هترضى ان ابنها يتمرمط بالطريقه دي الا اذا كنت انت عاوز تقش كل حاجه دى فيها كلام تانى انا مش طالب غير حق أبني فى ورث امه
ليلي
برضو بيقول أمه انت شيطان يا نادر وبصت على ياسين وقالت انا مش عندي مصلحه ان انا احرمك من ابن اختك ده في حاله ان هو لو كان ابن اختك بجد بس افتكر ان ربنا هيحاسبك لو حرمت أم من ابنها وسابته ومشيت
نادر
يخرب بيتك عامله ازعاج ها يا متر مش هنحط النقط على الحروف ولا ايه ومش كل واحد اولى بحقه
ياسين شاور للمحامى اللى فهمه وقال
المحامي
اعذرني استاذ نادر بس انا عندي جلسه في المحكمه دلوقتي ممكن نتقابل وقت تانى
ياسين طلع بسرعه يلحق ليلي اللى اتفاجأت بيه وقالت
ليلي
طالع ورايا بالطريقه دي كده ليه اوعى تكون انت كمان عاوز ترفع عليا قضيه اثبات نسب
ياسين بصلها بغموض وقال
ياسين
ولا قضيه ولا حاجه انا مصدق كل حرف انتي قولتيه وواثق ان حنان الله يرحمها ابنها اتولد ميت لان هي اصلا كده عندها مضاعفات في الحمل والحقير اللي اسمه نادر ده كان سايبها في اواخر حملها وكانت على طول بتشتكيلي منه
ليلي
دى حيله جديده يعني هو انت بتجر رجلي علشان تاخد ابني مني وباستسلام قالت انا ابويا راجل كبير وما عنديش سند فاللي انت عايزه اعمله مش هقدر اقف قدامكم كلكم
ياسين
وانا اقسم لك بالله ان انا هقف معاكي انت لان انا عارف ان نادر طماع وبيعمل ده كله علشان الفلوس هو فاكر ان انا نايم على وداني اصل مفيش سبب منطقي يخلي واحد يتجوز واحده وهو عارف ان ايامها معدوده في الدنيا
ليلي
بس هو قال انه هيحبسني لو انا فكرت ان انا اخده الولد منه
ياسين
علشان شايف ان انتي لوحدك واكيد والدك بحكم السن طبعا مش هيقدر يقف قصاده في المحاكم
ليلي
طب هنعمل ايه انا خايفه يعمل حاجه فى الولد ولا يطلع غله فيه ابني مش ليه ذنب
ياسين
لا مش تقلقي من الناحيه دي انا واثقه ان نادر هيخلي الولد جوه عينيه لان هو بالنسبه له ماسك كارت يعيشه ملك باقي عمره
ليلي
انا كل اللي اقدر اعمله ان اخذك على المستشفى اللي انا ولدت فيها واللي انا عرفت بعدين ان حنان كانت والده في نفس المستشفى وممكن تسأل الدكتور بنفسك وتعرف ابن مين ده
ياسين
دي خطوه كويسه نعملها بس دي مش كافيه لازم نجيب دليل قاطع علشان نادر ما يفكرش في حل بديل او يؤذي الولد
ليلي بخوف قالت
طب افرض كان دافع للدكتور وقالك معلومات غلط ساعتها هنعمل ايه
ياسين
ساعتها ههدده ان انا ممكن ابلغ عنه ونعمل تحليل DNA فى مكان ثقه ومن ورا نادر كمان علشان مش يرشي حد