رواية جواز ظالم الفصل الاخير هويدا زغلول

الأب

وانتي فاكراني يعني لما تقولي الكلام ده هقول لك خليكي هنا مش انتي اللي اخترتي البني آدم ده من الأول وانا حذرتك منه وقلتلِك بلاش منه وانتي اللي قولتيلي وقتها انك عارفة مصلحتك وانك هتقدري تعيشي معاه ودلوقتي جاية بعد كل السنين دي تقوليلي انا مش عارفة أعيش معاه ولا انا ولا العيال

نعمة

انا عارفة اني غلطت يا ابويا وعارفة اني ما سمعتش كلامك وقتها بس والله انا خلاص جبت آخري ومبقتش عارفة أعيش معاه ولا عارفة أحمي ولادي منه وكل يوم بيعدي علينا بيكون أصعب من اللي قبله وانا جاية لك دلوقتي علشان انت ابويا ومليش بعد ربنا غيرك وعاوزاك تقف جنبي وتحميني انا والعيال

الأب

احمِيكي من ايه يا نعمة وانتي فاكرة ان البيت ده فندق وكل ما تزعلي من جوزك ترجعي هنا وتقوليلي افتح لك الباب واقعدي انتي وعيالك وانتي ناسية ان ليكي اخوات وبيت وله حساب وانتي اللي اخترتي طريقك من البداية ولازم تتحملي نتيجة اختيارك

نعمة

انا مستعدة أتحمل نتيجة غلطي يا ابويا بس مش مستعدة أتحمل ظلم مصطفى ليا ولولادي أكتر من كده والله العظيم الراجل ده بقى خطر علينا وانا خايفة في يوم أصحى ألاقيه ضيع واحد من عيالي بسبب عصبيته وطمعه وانا مش طالبة منك غير انك تسيبني عندك كام يوم لحد ما أشوف هعمل ايه

وفي اللحظة دي خرجت دلال مرات عمها من الأوضة وهي واقفة عند الباب وباصالها ببرود وقالت

دلال

وانتي يا حبيبتي دلوقتي مبقاش ليكي مكان هنا هما خلاص البيت بقى مش عايز اتنين ستات وانتي عارفة كويس اني رجعت البيت ده علشان ابقى مع جوزي وانتي لو جاية فاكرة انك هترجعي تاخدي مكانك زي زمان يبقى انتي غلطانة يا نعمة

نعمة

ايه ده هو فيه ايه بالظبط انا مش فاهمة حاجة هو انتي هنا بتعملي ايه وازاي رجعتي البلد تاني وانتي مش كنتي هربانة من زمان ومحدش كان عارف عنك حاجة

دلال

اه مكنتش عايزة أعيش معاه عمك  يا نعمة وسبت البلد ومشيت بس أول ما عرفت ان عمك مات خلاص قررت أرجع تاني وخصوصا اني اكتشفت ان وجودي بعيد عن أهلي ملوش لازمة وبعدها حصل اللي محدش كان يتوقعه واتجوزت ابوكي وبقيت مراته وصاحبة البيت ده وانتي دلوقتي جاية بعد كل السنين دي عايزة تعرفي ليكي مكان ولا لأ

نعمة

اتجوزتي ابويا انتي ازاي يعني الكلام ده حصل وانا معرفش حاجة زي دي ازاي ابويا يتجوزك وانتي مرات عمي السابقة وازاي كل ده حصل من غير ما حد يقولي

الأب

خلاص يا نعمة سمعتي اللي كان لازم تسمعيه ومفيش داعي نفتح كلام قديم ولا نرجع نفتش في حاجات خلصت وانتي شايفة بنفسك ان وجودك في البيت هنا مبقاش ليه لازمة واتكلي على الله وامشي من هنا وانتي اللي اخترتي جوزك من الأول ومتجيش دلوقتي تعيطي وتقولي انا مظلومة علشان محدش كان غاصبك عليه

نعمة

يعني حتى انت يا ابويا هتسبني وانا في الحالة دي ومش هتسألني انا وولادي هنروح فين ولا هنعمل ايه بعد اللي شوفناه معاه

الأب

انا مش هقدر أعيش حياتي كلها أصلح وراكي اختياراتك يا بنتي وانتي كبيرة وعارفة انتي بتعملي ايه ولما اخترتي مصطفى كان قدامك طريق تاني وانتي رفضتيه ودلوقتي خلاص كل واحد يتحمل نتيجة قراراته وربنا يعينك على اللي انتي فيه

نعمة

حاضر يا ابويا طالما ده قرارك انا مش هتعبك أكتر من كده بس عمري ما كنت أتخيل اني في يوم أرجعلك مكسورة وألاقي باب بيت ابويا مقفول في وشي

وبعدها فضلت نعمة واقفة مكانها وهي مصدومة وبعدين مشيت وهي مش عارفه هتعمل اي 

وبعدها راح مصطفى عند اخوه اشرف واول ما فتح اشرف مصطفى قاله 

مصطفي 

انا عايزه اعرف بالظبط بنتي بتعمل ايه عندك وازاي تروح تاخدها من شغلها هو انت عشان خاطر مش عارف تخلي في حته عيل عامل تتحكم في عيال الناس 

وليد 

ايه طريقه الكلام اللي انت عمال تتكلم بيها دي يا مصطفى وده كلام تقولي لاخوك يعني 

مصطفي 

هي فين البنت دي انا هسود عيشتها النهارده وانت ما لكش دعوه بعيده ليه تاني انت سامع ولا لا 

وليد 

لا هيكون ليه دعوه بعيالك كله فكرت انك تمد ايدك عليهم ثاني ولا تعمل فيهم اي حاجه انا هبلغ عنك انت سامع ولا لا 

مصطفي 

حلوه ابلغ عنك دي هو هتبلغ عني تقول ايه بقى اب عايز عياله يعيشوا معايا ومش عايزه اخوهم اللي ما بيخلفش يتدخل ما بينهم بقول لك ايه ملكش دعوه انت بالحوار ده علشان ما اعملش معاك مشاكل انت سامع ولا لا 

وبعدها بس وشاف ندى كانت واقفه على جنب وكانت مرعوبه جدا وراح خدها من ايديها وقال لها 

مصطفي 

وانت مقصوفه الرقبه اتفضلي امشي قدامي ده انت ما تعرفيش انا هعمل فيك ايه النهارده واخدها ومشي في الوقت ده خرجت نهال وقالت 

نهال 

بالله عليك ي يا وليد انا مش عايزه كلام يتعب نفسيتي اكتر من كده واخوك ما بيهموش زعل حد وهيفضل يقول لك كلام كثير يوجعك 

وليد 

بجد مش عارف ازاي ربنا مدي له نعمه زي دي وهو مش قادر يحافظ عليها ربنا يهديه يا رب على اللي هو بيعمله

وبعدها روح مصطفى البيت وكان عمال يضرب ندى جامد وفي الوقت ده دخلت نعمه مراته 

نعمه 

شيل ايدك من عليها اياك تمد ايدك على عين العيال تاني انت سامع ولا لا 

مصطفي 

ايه ده وانت ايه اللي جابك تاني مش خلاص كنت مشيتي ورحتي عند ابوكي بقول لك ايه البيت ده هيمشي على مزاجي انت سامعه ولا لا 

نعمه 

حرام عليك والله اللي انت عمال تعمله ده انت عايز تودي العيال في 60 داهيه تخلي البنت تتهزق واللي ما يسواش وتخلي الواد يبيع مخدرات 

مصطفي 

والله دي حاجه ما لكيش فيها انت تعيشي في البيت ده زي الجزمه  يا اما تاخذي بعضك وتمشي من هنا 

وبعدها سيبها ودخل جوه في الوقت ده قربت ندى جنبها وقالت 

ندي 

خلاص يا ماما انا هنزل شغل علشان خاطر اخويا ما يعملش اي حاجه انت مش عايزاه 

الام 

حقك عليا يا بنتي والله انا غصب عني اللي بيحصل فيا ده منه لله ابوكي وجدك المفتري هو كمان بس العيب عليا انا اللي اخترت ابوك من الاول 

وثاني يوم راحت ندى الشغل ورجعت تعبانه جدا وكانت بتاخد اجازه يوم الثلاثاء وفي اليوم ده صحيت منه 

الام 

رايحه فين يا ندى مش المفروض يا حبيبتي النهارده يوم اجازتك ولا ايه ريحي جسمك وخشي نامي شويه ابوك لو صحي من النوم هيطلع عينك في شغل البيت 

ندي 

بصراحه يا ماما ما بقتش عايزه اقعد في البيت خالص عايزه على طول اروح الشغل انتي شايفه طول ما انا قاعده بابا بيفضل يضربني 

الام 

حقك عليا يا بنتي ان انا مش عارفه احميكي منه بس غصب عني والله مش عارفه اتصرف ازاي 

وبعدها ندي مشيت وراحت ركبت العربيه والغربيه عملت حادثه وكل اللي فيها راحوا المستشفي 

ونعمه كانت واقفه معاه الدكتور 

نعمه 

ارجوك يا دكتور طمني على بنتي قولي هي عامله ايه دلوقتي بجد انا خايفه عليها قوي 

الدكتور 

ادعي ربنا يقومها بالسلامه 

 بعدها فضلت واقفه تعيط وفي الوقت ده جه مصطفي جنبها 

مصطفي 

طول عمرك وليه بومه فضلتي تتكلمي على الشغل شكل البنت هتروح مننا وساعتها مش هنلاقي اي حد ياكلنا 

نعمه 

هو ده بس اللي فارق معاك حسبي الله ونعم الوكيل فيك مش فارق معاك اللي حصل مع بنتك وان هي بالحاله دي دلوقتي بنتي تقوم بس وهطلق منك وهاخد بعضي وامشي من بيتك 

مصطفي 

مع السلامه يا حبيبتي بس مش هتاخدي عيادي مني انتي سامعه ولا لا 

وبعدها خرجت الدكتور وقال 

الدكتور 

البقاء لله يا جماعه ما لحقناش نعملها اي حاجه 

وفي الوقت ده نعمه فضلت تعيط جامد ومصطفي كمان وبعدها جه واحد من التلفزيون وقال ليه 

المذيع 

اهدى بس شويه يا استاذ ده انت هتاخد تعويض كبير جدا بسبب اللي حصل لبنتك ده بس احنا عايزين نكون اول قناه تسجل معاك 

مصطفي 

تعويض ايه بس ده لو مليون تعويض مش هيقدر يعوضني عن بنتي اللي راحت مني 

المذيع 

وحد الله بس كده وفكر في الفلوس علشان تقدر تربي اخواتها انا شايف معاك عيل صغير اهو 

مصطفي 

ده مش ده بس والله ده انا معايا واحد ثاني في البيت انا ما بقدرش اشتغل وبنتي هي اللي بتصرف علينا 

المذيع 

انا هسيبك دلوقتي علشان الظروف اللي انت فيها بس لازم تسجل مع بعض انا وانت 

مصطفي 

اكيد طبعا تحت امرك بس الموضوع ده فيه فلوس تانيه غير التعويض مش كده 

المذيع 

اكيد طبعا كل الفلوس اللي انت عايزها هكون تحت امرك هسيبك بس دلوقتي واكيد هيكون لينا كلام ثاني بعدين

وبعدها  سابو ومشي مصطفى كان فرحان جدا بسبب اللي حصل ده 

وكل شويه كان بيجي حد من التلفزيون ويسجل معاه وهو بيطلع اي ورق وبيقول 

مصطفي 

انا كنت تعبان وما اقدرش اشتغل خالص وبنتي هي اللي كانت بتصرف عليا وانا مش عارفه اتصرف ازاي دلوقتي ولا اصرف على عيالها ازاي 

وفي الوقت ده نهال شافت الكلام على النت وراحت لوليد وقالت له 

نهال 

بجد مش قادره اصدق اخوك واللي هو بيعمله ده ازاي مش صعبان عليه البنت اللي راحت دي ده معندوش قلب والله 

وليد 

وانت عايزاني اعمل ايه يعني ما مراته سبب في كل ده واحده غيرها كانت طلعت واتكلمت بسبب اللي بيحصل ده 

نهال 

اعذرها بس غصب عنها هتروح فين دلوقتي ما انت عارف المشاكل اللي بينها وبين ابوها 

وليد 

لو موضوع ده عدى كده هيتكرر مع اخوات ندي 

انا عارف اخويا كويس اوي منه لله راجل ظالم 

وبعدها كان مصطفي بيسجل في التلفزيون 

مصطفي 

انا راجل مريض ومش بقدر اشتغل واصرف على عيالي ومش عارفه اتصرف ازاي دلوقتي 

دي بنتي دي كانت نور عيني والله 

في الوقت ده نعمه قامت وقفت وقالت 

نعمه 

بطل كدب بقى حسبي الله ونعم الوكيل فيك انت السبب في كل اللي حصل لبنتنا ده الراجل ده كذاب والكلام ده مش حقيقي خالص هو السبب في اللي حصل للبنت على طول بيضربها علشان خاطر تشتغل وخرجها من المدرسه وكان بيجي علينا 

وبعدين مذيع كان فرحان جدا بسبب اللي هي قالته لان كان مخنوق من كلام مصطفى 

المذيع 

اتفضلي كملي كلامك 

مصطفي 

اخرسي خالص يا وليه انت الاحسن هوديكي ب 60 داهيه اي الكلام الغريب اللي بتقولي عليه ده دي بتقول اي كلام علشان انا قلت لها هطلقك بسبب اللي حصل للبت 

نعمه 

لو انا كدابه الناس كلها هتبقى كدابه تقدر تسالوا الناس كلها على اللي كان بيحصل 

وبعدها دخل وليد ومراته وقال 

وليد 

نعمه عندها حق اخويا ده هو سبب في كل اللي حصل لبنته وكان على طول بيضربها والمفروض يتحبس على اللي هو عمله 

وفي الوقت ده دخل البوليس وقال 

الظابط 

لا هو هيتحبس علشان حاجات تانيه كتير محروس اتقبض عليه خلاص وقال على كل اللي كان بيعمله وقال ان انت كنت شريك معاه

مصطفي 

ايه الكلام الفارغ اللي بيحصل ده لا طبعا انا ما اعرفش حد بالاسم ده والراجل ده زمانه بيقول اي كلام وخلاص

الظابط 

والتسجيلات اللي لقيناها بينك وبينه على تليفونه دي برده كانت اي كلام وخلاص اتفضل قدامي 

وبعدها فعلا اتقبض عليه ونعمه كانت عماله تعيط وقربت منها نهال وقالت لها 

نهال 

ادعي لبنتك ربنا يسامحها ويغفر لها على اللي حصل لها منه لله ابوها حسبي الله ونعم الوكيل فيك بس انت كمان ليكي يد في الحوار ده ما كانش ينفع انك تقبلي بالعيشه دي ابدا 

نعمه 

عندك حق يا نهال والله انا غلطانه بس فوات بعد فوات الاوان منه لله علي اللي حصل ده 

وبعدها مصطفى اتقبض عليه ونعمه نزلت اشتغلت وكانت بتربي عيالها ووليد كل شويه كان بيطمن عليها بعد ما رفعت قضيه طلاق على اخوه قررت ان هي تجيب شقه علشان لما يخرج من السجن ما تعيش في نفس الشقه ويحصل مشاكل ما بينهم وعاشت معاه عيالها اسعد ايام حياتها 

                     تمت بحمد الله 

لقراءة باقي الفصول من هنا