رواية عانيت لاحبك الفصل الاربعون40 بقلم فاطمه محمود
عَينأكِ وَطن لأَ يحتلها غيريِ .🕊️♥️
سلمي كانت ماسكها بطنها وبتصرخ
يوسف قرب منها بخضه : مالك يسلمي بتصرخي ليه
سلمي بدموع : وجع يا يوسف صعب اوي
يوسف : اهدي طيب متعيطيش هنروح المستشفى
سلمي صرخت : بسرعه يا يوسف مش قادره
يوسف : حاضر
يوسف طلع هدوم من الدولاب بسرعه ولبس سلمي
اللي كانت بتتوجع وبعدين شالها وخرج من الشقه
ونزل مالك و آيه كانوا واقفين وسيف وشهد لما
سمعوا صراخ سلمي
مالك : في ايه يا يوسف مالها سلمي
يوسف : تعبانه يمالك
آيه قربت من سلمي بقلق : حاسه بايه يحبيبتي
سلمي : وجع صعب اوي مش قادره اتحمل
يوسف : انا همشي عشان سلمي
سيف : واحنا هنيجي وراك
يوسف : تمام
يوسف نزل ومالك وسيف دخلوا كل شقته عشان
يغيروا هدومهم
يوسف كان بيسوق وحاضن سلمي اللي من التعب
هيغما عليها
يوسف بصلها : سلمي خليكي فايقه يحبيبي
سلمي بوجع : بس انا خلاص مش قادره يا يوسف
يوسف : خلاص هنوصل اهو حاولي تفضلي فايقه
سلمي هزت راسها وفضلت صرخ من الوجع والألم
يوسف زود السرعه و وصل قدام المستشفى ونزل
وفتح باب العربيه وشال سلمي ودخل المستشفى
بسرعه
يوسف بصوت عالي : دكتوره بسرعه مراتي تعبانه
الممرضين بيجيبوا ترولي ويوسف بيحطها علي
والدكتور بيقرب من يوسف : اهدي متقلقش
الدكتور دخل الاوضه لسلمي عشان يكشف عليها
ويوسف فضل واقف وهو متوتر وخايف علي سلمي
عدا وقت والشباب والبنات وهناء كانوا داخلين
المستشفى وقربو من يوسف
هناء : سلمي فين يا يوسف هي كويسه
يوسف بقلق : الدكتور ليكشف عليها ولسه مخرجش يماما
مالك : اهدي يا يوسف هتبقا كويسه أن شاء الله
يوسف : يارب
الدكتور خرج ويوسف منو بسرعه بخوف : مراتها مالها
هي كويسه
الدكتور : هي متحاجه تولد دلوقتي
سيف : طيب مستني ايه يدكتور
دكتور : انا كنت بطمن حضرتكم وهبدا اولدها دلوقتي
يوسف : بس انا عاوزه دكتوره
دكتور : حضرتك كل الدكاتره مشغولين
يوسف بعصبية : اتصرف ما انا مش هخليك انت يعني
آيه : يا يوسف سلمي تعبانه ومش هتقدر تستني علي
ما الدكتوره تيجي
يوسف : ونا قولت لاا
سلمي صوت صراخها زاد
يوسف بعصبية : انت هتفصل واقفلي شوف دكتوره
الدكتور مشي وبعد شويه كانوا ممرضين مخرجين
سلمي من الاوضه
يوسف قرب منها ومسك أيدها بخوف : سلمي اهدي
يحبيبي هتبقي كويسه
سلمي بدموع : مش قادره يا يوسف حاسه اني هموت
بجد
سلمي : بعد الشر عليكي متقوليش كدا هتطلعي بالسلامه
ونروح سوا وابننا كمان
سلمي هزت راسها وهي بتعيط
الممرض : حضرتك لازم تدخل العمليات دلوقتي
يوسف ساب ايد سلمي اللي كانت ماسكه في ايدو جامد
الممرضين دخلوها العمليات وفي دكتوره جات ودخلت
لسلمي
عدا ساعتين ويوسف كان واقف وهو خايف لاول مره
في حياته بالشكل دا والبنات كانوا بيعيطوا وهناء قاعده وبتدعي لسلمي تطلع بالسلامه
سيف : اهدا يا يوسف واقعد شويه
يوسف بقلق : مش قادر اقعد
هناء : هتطلع بالسلامه يحبيبي
مالك بص للبنات : انا مش فاهم انتو بتعيطوا ليه
آيه بدموع : انت مش شايف شكل سلمي يمالك
شهد بدموع : هي الولاده صعبه اوي كدا
سيف قرب من شهد : اهدي يحبيبتي هي صعبه في
الاول بس
شهد بصتله : هو انت كدا بتهديني يعني
سيف بضحك : خلاص هولد بدالك
مالك : وقت هزارك يا سيف
سيف : اهو بقلل من التوتر دا شويه
صراخ سلمي كان بيزيد وخوف يوسف بيزيد معاها
سلمي سكتت مره وحده ويوسف قلبه وقف بخوف
وسمع صوت الطفل قلبه ارتاح وطلعت ممرضه من
العمليات وقربت من يوسف : انت باباه مش كدا
يوسف : ايوا
الممرضه : اتفضل جالك ابن زي القمر
يوسف بياخد الطفل من الممرضه وبيبصله بابتسامة
وقرب من الشباب والبنات وهناء اخدته من يوسف
وشالته
هناء : اخيرا جيه اليوم اللي اشيل في ابنك يا يوسف
يوسف بابتسامة : ربنا يخليكي لينا يماما
مالك : يتربي في عزك يحبيبي
يوسف : تسلملي يمالك
شهد : شكله حلو اوي وهادي
سيف : ميغركيش دا الهدوء قبل العاصفه دا من شكله
كدا يوسف التاني وهيكمل مهنته من بعد ابوه ونا اللي
كنت فاكر معاناتي هتخلص اتاريها هتبدا
يوسف : بتقول حاجه يا سيف
سيف مسك ايد الطفل : بقول ايه القمر دا ايه السكر دا
طالع لابوه القمر ياختي كميله
يوسف : خلصت ابعد عن ابني بقا
سيف بهمس : يعني ابنك في السكر يا خويا
يوسف : انا سامع صوتك
سيف : بقول اني مبسوط يحبيب اخوك
آيه : ممكن اشيله يماما
هناء : اكيد يحبيبتي
آيه بتاخده من هناء وبتبصله وشهد بتقرب منها وبتلاعبه
شهد : شكله حلو اوي يتوتا مش كدا
آيه بابتسامة : اها يشهد
شهد بتروح لسيف ومالك بيقرب من آيه وبيبصلها :
عقبالنا احنا كمان
آيه وهي بتبص لطفل : يارب
الدكتوره بتخرج من العمليات ويوسف بيقرب منها
: طمنيني يدكتوره سلمي كويسه
الدكتوره بابتسامة : اها متقلقش الحمدلله كويسه
نقلنها اوضه عاديه وتقدر تشوفها
يوسف : شكرا يدكتوره
دكتوره : دا واجبي
الدكتوره بتمشي وبيبص علي ابنه اللي كلهم مبسوطين
وبيلاعبو بيبتسم وبيدخل الاوضه لسلمي وبيقرب منها وبتكون نايمه بيمسك أيدها وبيفضل يبصلها بحب
سلمي بتفوق وبتبص حوليها وبتشوف يوسف
سلمي بتعب : يوسف
يوسف وقف واتكلم بسرعه : حاسه باي تعب انده الدكتوره
سلمي مسكت ايد يوسف : انا كويسه .. ابني فين
يوسف رجع قعد ومسك ايدها : موجود معاهم برا متقلقش
سلمي بصتله : كنت خايفه اسيبكم وامشي
يوسف باس أيدها : بعد الشر عليكي احنا منقدرش نعيش
من غيرك اصلا وانتي هتفضلي معانا لحد ما يكبر ويتجوز وتشوفي ولاده كمان
سلمي ابتسمت : قولي شبهك صح
يوسف : بس انا مش قمر اوي كدا دا طالع لمامته
سلمي : وباباه قمرين كمان
سيف دخل وهو شايل ابن يوسف والباقي دخل ورا
سيف : اتفضلي يسلمي ابنك المحترم عملها عليا مش
عارف لما يكبر هيعمل ايه
سلمي ضحكت ويوسف اخده من سيف
يوسف : دا بيسلم عليك يعمو
الكل ضحك وبيدخلوا محمد وزينب وفارس ونور
محمد : الف مبروك يولاد
يوسف : الله يبارك فيك يعمي
زينب : عامله ايه يحبيبتي دلوقتي
سلمي : الحمدلله يماما
فارس : هات الواد عاوز اشوفه
بيقرب فارس من يوسف عشان ياخد الطفل نور بتاخدو
من يوسف
نور : كوتي قمور
فارس : هاتي ينور عاوز اشوفه
نور : لاا
فارس : بس انا خالو
نور : ونا عمتو
فارس : خليني اشوفه وبعدين خديه
نور : هتجبلي فسيخ
فارس : حاضر هجبلك
يوسف : هو انا ابني بقا يخلص مصلحه ولا ايه
فارس : اختك نفسها بتتفتح علي حاجات غريبه وهي
اصلا المفروض في أواخر الحمل والله بقيت اكلم نفسي
ونا ماشي بسببها
نور : ايه الغريب في كدا مش فاهمه
سيف : انا لو مكانك يفارس اطلقها واخلص منها
شهد بصيت لسيف : طيب انا عاوزه فسيخ قولت ايه بقا
سيف : انتي تطلبي يروحي وانا انفذ من عنيا
مالك : امال مين اللي كان هيطلق من شويه
سيف : لحظه شيطان هو انا اقدر استغنى عن شوشو
سلمي بضحك : طول عمرك بتلحق نفسك في اخر لحظه
يا سيف
سيف بضحك : ما هي لازم تمشي الحياه كدا يا اها صح
هتسمو الواد السائيل دا ايه
سلمي بصيت ليوسف بابتسامة : اتفقنا انا ويوسف هنسميه زين
فارس بص ل زين وبص ليوسف : شبهك يا يوسف
نور : طبعا انا اخويا قمر
يوسف بابتسامة : حبيبتي
شهد : زين يوسف المنشاوي اسمه كلو مزيكا
سيف : مزيكا اي دا كله غموض ورعب
يوسف : انت عاوزني اروق عليك صح
محمد بابتسامة : طيب هي سلمي هتطلع انهارده
يوسف : ايوا يا عمي
زينب : طيب يلاا عشان تروحي معانا وترتاحي شويه
يوسف : معاكم فين يحماتي
سيف : انتي كدا جيت علي الحته الحساسة يزوزا
يوسف ميعرفش يبقا من غير سلمي
سلمي بابتسامة : انا هروح بيتي يماما
زينب : لاا بقولك ايه متحرمنيش من لحظه زي دي
هناء : اكيد هتبقا عندك يحبيبتي ولا ايه يا يوسف
يوسف : اكيد يزوزا انت تامري بس
زينب : تسلملي يحبيبي
يوسف بص لسلمي بنظره زعل وسلمي بصتله
بابتسامة ومسكت ايدو
فارس اخد من نور زين : يلاا بينا احنا يزوز
سلمي : رايح بيه فين فارس
فارس بضحك : متقلقش ياستي هو انا هخطفه
يوسف : طيب اتفضلوا انتو يجماعه ونا هوصل
سلمي
آيه قربت من سلمي عشان تسندها
يوسف : خلاص يا آيه انا هساعدها
خرجوا كلهم وفارس خرج بزين
يوسف : يلاا عشان اساعدك تلبسي الهدوم
سلمي : لاا انا هلبس لوحدي
يوسف : انتي تعبانه خليني اساعدك يسلمي
سلمي : حاضر
يوسف قرب منها وشال الهدوم عن ليها ومسك درس
وكان هيلبسها
سلمي بكسوف : خلصنا هكمل لوحدي
يوسف : لسه بتكسفي مني لحد دلوقتي
سلمي بعدت وشها عن يوسف وابتسمت وهزت راسها باه
يوسف مسك وشها بايدو وسلمي بصتله وبعدين بص
لشفايفها وقرب منهم وبعدين بعد وبصلها
سلمي : مينفعش اللي انت عملته دا واحنا في المستشفى
يوسف : ونا عملت ايه
سلمي اتكسفت : يووو بقا يا يوسف
يوسف ضحك عليها وبعدين قرب منها وسألها :
يلاا بينا
سلمي : انت بتعمل ايه يا يوسف نزلني
يوسف : لاا
سلمي : يعني الناس تقول علينا ايه لما تشوفنا كدا
يوسف : يقولو اللي يقولو محدش يهمني واهم حاجه
مبسوط اني شايل مراتي
سلمي ابتسمت : طيب اتاخرنا يلاا عشان اشوف زين
يوسف برفع حاجب : زين
سلمي : يحبيبي دا ابننا والله
يوسف : ما هو دا اللي مدايقني أنه هيشاركني فيكي
سلمي بحب : انا ليوسف وهفضل كدا
يوسف : ماشي يقلب يوسف
يوسف خرج بسلمي من الاوضه وكل اللي يشوفهم يبصلهم سلمي كانت باصه ليوسف بحب ويوسف بصلها بابتسامة وبعدين طلع من باب المستشفى وفتح باب العربيه ونزلها
علي الكرسي وبعدين قفل الباب وركب وساق ومشي سلمي
بصتله هو وبيسوق ومسكت ايدو ويوسف بصلها وحضنها
وسلمي حضنتها بايدها
يوسف : مش عارف هقعد اليومين دول من غيرك ازاي
ازاي هصحي من النوم ومش هشوفك ولما ارجع من
الشغل اترمي في حضنك اللي بينسيني تعبي حياتي
من غيرك مش حياه انتي الللي محليه حياتي يسلمي
سلمي رفعت وشها وباست يوسف من خده : ونا كمان مش
عارفه ازاي هنام من غير حضنك اللي بحس في بالأمان مش عارفه هعرف انام ونت بعيد عني كنت عاوزه اقول لماما مش هقدر انام غير في بيتي وحضن جوزي بس وافقت عشان
متزعلش
يوسف : انا بقول ننسي زوزا ونروح بيتنا
سلمي ابتسمت : اوعدك يومين وهرجع علطول
يوسف : ربنا يصبرني علي السنتين دول
سلمي ضحكت : يارب
كانوا وصلوا قدام العماره ويوسف وقف العربيه
ونزل وسلمي فتحت الباب ونزلت
يوسف : اشيلك
سلمي : انت عاجبك الموضوع
يوسف ضحك : اها بصراحة
سلمي بابتسامة : لاا تعالي هطلع ونا ماسكه ايدك
يوسف : اوك
يوسف وسلمي طلعوا سوا وفتحتلهم زينب ودخلوا
سلمي : زنزون حبيبي فين
زينب ضحكت : من اول ما وصلوا وهما كلهم بيتخانقو
عليه
سلمي بصيت لفارس اللي كان شايل زين والبنات حواليه
بيتخانقو علي زين
سلمي ضحكت
يوسف : دا الاستاذ زين عامل جو جامد
سلمي بضحك : طبعا مش ابني
فارس وهو شايل زين وبيبعد عن البنات : علطلاق
محد هياخدو مني
شهد : ولااا هاته احسنلك
فارس : ابعدي يابت بعيد
شهد : لاا بقولك ايه دا انا جوزي ظابط
فارس : خفت انا يعني
نور : المفروض تخاف
آيه : ولا انتي هتاخديه ولا انتي خالتو بس اللي هتشيله
فارس : لاا
آيه : هات يفارس وبطل رخامه
فارس كان هيرد زين فضل يعيط آيه اخدته بسرعه
وزين فضل يعيط شويه وبعدين سكت : شوفت اهو
بيحبني اوي
فارس : لاا يتوتا انتي كدا استغليتي عياطه هاتيه
دلوقتي هو وساكت
آيه بعدت عنه : لاا
يوسف وسلمي وزينب كانوا بيضحكو عليهم
سلمي : خلاص هاتوا ابني بقا كفايه كدا
شهد : في ايه يسلمي احنا حوامل يحبيبتي برضو
سلمي ضحكت : ياستي ونا قولت حاجه
يوسف : طيب انا همشي يجماعه
فارس : ابو نسب انت هنا من امتي
يوسف بضحك : من وقت علطلاق
فارس بضحك : طيب اقعد رايح فين
يوسف : معايا شغل يفارس
فارس : ماشي ومش هقولك خلينا نشوف كدا كدا
هنشوفك عشان الحاجه بتاعتك عندنا
سلمي ضربت فارس وفارس ضحك
يوسف بضحك : ماشي ياعم فارس
يوسف خرج وفتح الباب وكان هيمشي وقف علي
صوت سلمي
سلمي : هتوحشني اوي
يوسف قرب منها وحضنها
شهد وهي واقفه وبتبصلهم : مش علي الباب طيب
ادخلوا في الاوضه
يوسف ضحك : في ايه يشهد انتي اتعديتي من سيف
كدا ليه
شهد بضحك : في ايه يمنشاوي دا جوزي من واجبي
اتعدي منو مش كدا
يوسف بضحك : طبعا .. عاوزه حاجه يسلمي
سلمي : خد بالك من نفسك
يوسف : حاضر يحبيبي
يوسف باس رأس سلمي وخرج ونزل
سلمي بصت لشهد : ايه في ايه
شهد بغمزه : انا اللي في ايه
سلمي : طيب اوعي من وشي
شهد حطيت أيدها علي كتف سلمي : مقدرش يسلومتي
سلمي ضحكت وراحت ل آيه واخدت زين : حبيب ماما
نور : الواد دا هياخد الدلع كله ونا ميرضنيش يحصل
ل اخويا كدا
فارس : وبنسبه اللي قاعد جمبك يرضيكي اللي بيحصل في
نور بصتله : هو انت في حد زيك يبيسو متجوز قمر بتسمع
الكلام فيها مواصفات اي شاب يتمناها وكمان حامل في ولد
زي القمر دا انت ميه فل وعشره كدا
فارس : والله امم بتوصفي الامراه المكتمله من شويه
مش انتي خالص
نور : قصدك اني كل اللي قولت مش صح
فارس باس خدها وقام : لاا طبعا صح انجوي يحبيبتي
فارس مشي ونور فضلت بصاله وبعدين بصيت للبنات
اللي بيضحكو عليها : شوفتو حبيبي بيسو مبسوط ازاي
آيه بضحك : طبعا
نور : كلامك في سخريه بس انا هتجاهلها
شهد بضحك : وليه تتجاهلي
سلمي بضحك : خلاص يبنات هو فارس يلاقي زي نور
نور : قلب نور
فون آيه رن وقامت دخلت اوضتها ترد علي مالك
مالك : هو زين باشا واخدك مني انتي كمان مش
كفايه يوسف عليه سلمي
آيه ضحكت : واخدين كلنا والله لسه كنا بنتخانق
عليه انا والبنات وفارس
مالك بابتسامة : وصلتوا لايه في الاخر
آيه بغرور مصتنع : طبعا مبطلش عياط غير مع خالتو
مالك بضحك : يا واد يمغرور انت يقمر
آيه ضحكت : مش اوي يعني
مالك : هتفضلي مع سلمي انهارده
آيه : انت عاوز ايه افضل
مالك : عاوز ارجع من الشغل الاقي مراتي حبيبتي
مستنياني بس طبعا لو حابه تفضلي معنديش مانع
اهم حاجه انتي يتوتا
آيه بحب : ونا مفيش اهم عندي غيرك مش هعرف
افضل هنا واسيبك مش هقدر
مالك : يالههوي علي كلامك اللي بيخليني معرفش ارد
آيه ضحكت
مالك : اول مخلص هاجي اخدك اتفقنا يروحي
آيه : اتفقنا يحبيبي
آيه قفلت مع مالك وخرجت من الأوضه وراحت للبنات
اللي كانوا بياكلوا وقعدت معاهم
آيه بصيت لشهد ونور اللي بياكلوا بسرعه : لا اله الا الله
هو الاكل هيطير
نور بطلت اكل وبصيت ل آيه : بقولك ايه يا آيه متبقيش انتي واخوكي اللي كل ما يشوفني باكل يفضل يوحد
آيه : ماهو عنده حق بصراحه دا انتي خلاص هتفرقعي
شهد : بتتريقي علينا ونتي خلاص فرقعتي
آيه : مين دي ياللي ما تسمي يبعيده هو انتي وهي
توصلوا لنصي بس
شهد : اتلهي بس وسبينا نكمل اكل
آيه : كملي ياختي
آيه بصيت ل زين اللي شايله سلمي : ايه يروحي يقمر
انت
سلمي : كلم خالتو توتا
شهد : عشان يبقا رخم زيها لاا يحبيبي ابعد عن خالتك
دي نهائي
زينب طلعت من المطبخ وقعدت مع البنات : ايه يسلمي
ماكلتيش ليه
سلمي : اكلت والله يماما مش قادره تاني
زينب : ونتو يبنات عجبكم الاكل
آيه : انتي لسه بتسالي يماما دا الاطباق ممسوحه مسح
شهد : عشان تشوفي بنتك المفتريه دي يزوزا بعد
مخلصت حبل الرومانسيه بتاعها قاعده انا ونور
في أمان الله ابتديت تريق علينا وسديت نفسي
عن الاكل ونا حامل يرضيكي كدا
آيه مسكت الطبق اللي قدام شهد الفاضي : سديت
نفسك امال لو متسديتش كنت عملتي ايه
شهد : اسكتي يابت ونتي يزوزا الحقيني بطبق تاني
الاكل حلو ونا باكل ل اتنين ونبي يزوزا
زينب ضحكت : يابت اهدي هجبلك
زينب راحت المطبخ و شهد بصيت ل آيه اللي بصالها
شهد : متركزيش معايا خلي اخر يومين يعدو علي خير
بلاش عيونك اللي هتجبني ورا دي
آيه قامت وفضلت تضرب في شهد بهزار وسلمي ونور
بيضحكو عليهم
.............................................
مالك خلص شغل وخرج من المستشفى وراح ل آيه
وكان مستنيها قدام العماره
آيه كانت بتلبس هدومها في أوضتها وخرجت وراحت
اوضه سلمي وكانت سلمي قاعده علي السرير وزين جمبها
وزينب قاعده معاها
آيه : انا همشي يماما
زينب : كنتي فضلتي انهارده يا آيه
آيه : لاا افضل ايه مالك مستني تحت وبعدين انا
مقدرش اسيك جوزي وبيتي
زينب : ماشي يحبيبتي
آيه سلمت علي زينب وعلي سلمي
آيه : سلام
زينب و سلمي : سلام
آيه خرجت من الاوضه ومحمد كان خارج من اوضته
آيه قربت منو وحضنته : سلام يبابا
محمد : سلام يحبيبتي طيب استني اوصلك
آيه : مالك موجود تحت يبابا
محمد : سلملي عليه وخدي بالك من نفسك
آيه : حاضر يحبيبي
آيه نزلت ومحمد دخل اوضه سلمي
محمد : قلب جدو عامل ايه
سلمي بابتسامة : لسه نايم يحبيبي
محمد : كدا يعني نمت لما انا جيت يزين
سلمي ضحكت : دا يفوقلك مخصوص يجدو
محمد باس ايد سلمي : ربنا يباركلك في يحبيبتي
سلمي باست خده : ويخليك ليا يحبيبي
زينب : لاا والله
محمد قرب من سلمي وبص ل زينب : زوزا شكلها
غيرانه
سلمي ضحكت : اوي
زينب : طيب يلاا يحبيبي قوم كدا عشان سلمي وزين
يرتاحو شويه
محمد : حاضر .. تصبحي علي خير يسلمي
سلمي : ونت من أهله يبابا
محمد خرج من الاوضه
زينب : ارتاحي شويه يحبيبتي هو وزين نايم
سلمي : حاضر يماما
زينب خرجت وقفلت الباب وبصيت ل زين وكان عامل
حركه بايدو جمب رأسه وافتكرت يوسف لما بيكون نايم
وهو عامل كدا مسكت الفون وصورته وابتسم وفضلت
تبص لزين والفون رن ومسكته وابتسمت ورديت
يوسف : وحشتيني اوي يسلمي بجد
سلمي : ونت كمان يحبيبي .. زين حاطط ايدو جمب
رأسه نفس الحركه اللي انت بتعملها لما بتكون نايم
يوسف : لاا بقا دا ورايا ورايا حتي حركاتي هيعملها
سلمي : شوفت بقا هو نسخ منك ازاي
يوسف : شوفت ياستي وشوفت كمان اني خلاص هتنسيني
سلمي : عمرك ما تتنسي انت موجود في كل حاجه فيا
يوسف : اجي اخدك دلوقتي يعني
سلمي ضحكت : تعال
يوسف : نفسي
سلمي : انت فين دلوقتي
يوسف : في اوضتي للي في شقه ماما
سلمي : مش قاعد في شقتنا ليه
يوسف : مش قادره ادخلها ونتي مش موجوده ريحتك
موجوده في كل حته بس انتي مش موجوده فيها فقولت
افضل هنا لحد مترجعي
سلمي : هرجعلك يحبيبي
يوسف : اسيبك تنامي طيب دلوقتي
سلمي : حاولت بس مش عارفه
يوسف : تصدقي ولا انا يبقا نعمل زي المره اللي فاتت
نفضل نتكلم لحد ما ننام سوا
سلمي بابتسامة : موافقه
يوسف وسلمي فضلوا يتكلموا وبعدين ناموا
.............................................
مالك كان نايم وحاضن آيه
مالك : مكنتش عارف اعمل ايه لو بجد فضلتي هناك
آيه : مش محتاج تفكر عشان انا هنا ومعاك دلوقتي
مالك : صعبان عليا يوسف اللي نايم في شقه نونا
آيه بصتله : ليه طيب
مالك : مش عارف يبقا في الشقه وشكلي هبقا زيه
كمان شهرين
آيه ابتسمت : بس انا هفضل هنا
مالك بحب : بجد
آيه : اها مش هعرف ابقا غير هنا ومعاك
مالك باس خدها وناموا
.............................................
سيف بيكون نايم علي الكنبه وبيسمع صوت
كسر بيقوم بخوف علي شهد وبيدخل المطبخ
وشهد بتكون واقفه بتبصله والأكل قدامها
سيف : انتي بتعملي ايه في الوقت دا
شهد : جعانه فكنت عاوزه اكل
سيف : ما انا قولتلك كولي معايا ونتي ركبك عنادك
ورفضتي
شهد : عشان انت رافض اني اروح عند ماما
سيف قرب منها ومسك ايديها : عشان مقدرش
يروحي ابعد عنك
شهد : تبعد ايه هما يومين بس
سيف : ولا حتي يوم واحد يابت افهمي انا بحبك
شهد : بس انا زعلانه منك ومش هتكلم معاك تاني
عشان زعقت معايا وسبتني لوحدي ونمت علي الكنبه
سيف : عشان تحسي بزعلي وتشيلي الفكره من دماغك
وتيجي تصلحيني كدا وتقوليلي حقك عليا يروح قلبي
بس لاا حضرتك جايه المطبخ ومبتفكريش غير في
كرشك
شهد : ليه هو انا باكل ليا دا ابنك السبب
سيف : انا من قبل ما ابني اعرفه ونتي الاكل حبيبك
شهد : اها حبيبي وسبني عشان اكل
شهد فضلت تاكل وسيف لم الطبق المكسور وبعدين
وقف وفضل يبص لشهد هي وبتاكل ويضحك علي
حركاتها المحببه لقلبه بعد ما خلصت شهد اكل غسلت
أيدها وخرجت هي وسيف ودخلوا اوضتهم وسيف
أخدها في حضنه ونام
.............................................
سلمي مشيت من عند مامتها وعدا اسبوع وجيه يوم
الاسبوع ل زين ابن يوسف
في شقه يوسف وسلمي
سلمي كنت شايله زين وبتدخل الاوضه وبتلبسه
وبعدين بتقعد علي السرير
سلمي : يوسف
يوسف بيخرج من الحمام : ايه يحبيبي
سلمي : البس يلاا عشان تاخد زين عشان البس انا
كمان
يوسف : حاضر
يوسف بيطلع هدوم من الدولاب وبيبدا يلبس
سلمي : ايه اللي هتلبسه دا
يوسف : مالهم
سلمي : اسود وبتسالني مالهم
يوسف : سلمي انا مش هلبس غيرهم
سلمي : ونبي اسمع كلامي انهارده عشان خاطري
وبعدين دا السبوع بتاع ابنك بلاش اسود
يوسف بصلها : طيب ماشي البس ايه
سلمي : بنطلون ابيض وقميص ازرق
يوسف : انا البس كدا اكيد مستحيل
سلمي بزعل : خلاص براحتك يا يوسف البس اللي انت
عاوزه
يوسف قعد جمبها : خلاص هلبس اللي عاوزه بس
متزعليش
سلمي بحماس : طيب يلاا بقا البس
يوسف : بس بنطلون اسود
سلمي : طيب يلاا
يوسف خلص لبس الهدوم وقعد جمب سلمي
سلمي : يلاا يا زنزون روح لبابا هلبس واجي اخدك
علطول
يوسف اخد من سلمي : بلاش تدلعيه كدا هتبوضيلي
الواد
سلمي ضحكت : لاا متقلقش مش هيبوظ ابدا حبيبي
زنزون
يوسف بصلها : امشي من وشي يسلمي
سلمي ضحكت وبعدين اخدت هدوم ودخلت الحمام
يوسف بص لزين اللي ابتسم لي : مبسوط يا استاذ
زين جيت واخدت كل حاجه حتي مراتي
زين ضحك ل شكل يوسف وهو بيكلمه
يوسف : هنتحاسب لما تكبر هاخد حقي منك ببلغك
عشان تبقا عارف
سلمي طلعت من الحمام وبصيت ليوسف اللي بيكلم
زين : شوفت بقا مقدرتش تحاول انك تمنع نفسك
ومتكلمش مع زنزون
يوسف : دا هو اللي كان بيكلمني وبرود عليه
سلمي ضحكت وقربت من المرايا تلبس الطرحه
يوسف بصلها في المرايا : مش عاوز شعرايه تبان
سلمي : حاضر
سلمي خلصت وقربت من يوسف واخدت زين :
وحشت ماما انت يزنزون
يوسف بغيره : هو في ايه بجد دا انا لسه واخده
منك
سلمي : طيب انت مدايق ليه
يوسف : لاا مش مدايق يلاا عشان ننزل
يوسف خرج من الاوضه وسلمي خرجت وراه وخرجوا
من الشقه ويوسف بص لسلمي ومسك ايدها
سلمي بصتله : بحبك علفكره
يوسف بصلها بغيظ : ليه وزين بيه راح فين
سلمي بحب : زين دا حته منك في طبيعي اني اعشقه
مش احبه بس
يوسف باس ايد سلمي ونزلوا ودخلوا شقه هناء
سيف : دايما منتظرين يوسف ودلوقتي زين باشا كمان
الكل ضحك عليه والعلتين كانوا متجمعين وعملوا السبوع
من جو ميخلاش من هزار سيف وشهد وقضوا وقت حلو
مع بعض كلهم
.............................................
ملك بتكون قاعده سرحانه ومراد قاعد جمبها
مراد بصلها : ملك .. ملك
ملك بصتله : في ايه يمراد
مراد بصوت عالي شويه : انتي اللي في ايه من اول ما رجعت من الشغل وقعدت جمبك وبكلمك ونتي ولا هنا
ملك عيونها امتليت دموع : انت بتزعق ليه طيب
مراد : مالك يحبيبتي هو انا قولت ايه عشان تعيطي
ملك بعدت ايد مراد من ايديها : لاا مقولتش
ملك قامت ودخلت الاوضه مراد كان متابعها بعيونه وبعدين
اخد نفس طويل وقعد يفكر شويه وبعدين قام ودخل الاوضه وملك كانت بتعيط اول ما شافته مسحت دموعها واديتله ضهرها مراد قرب منها وقعد قدامها ومسح دموعها وحضنها ملك فضلت تعيط بصوت عالي وماسكه في هدوم مراد كأنه خايفه أنه يمشي ويسبها
مراد : هو انا مش حبيبك مراد
ملك هزت راسها وهي بتعيط
مراد : طيب ايه مدايقك
ملك بعدت عنه وهي وشها كله دموع : نفسي ابقا ام
البنات شكلهم حلو اوي وهما حوامل ولا ابن سلمي
اللي كانت شايله وبتلاعبه وهي مبسوطه كان نفسي
ابقا مكانها واحس الاحساس دا بس للاسف مش
هقدر احسه في حياتي
مراد مسح الدموع اللي ماليه وشها : طيب ايه رايك
نروح نكشف عند الدكتور بكره
ملك هزت راسها وحضنت مراد وبعد عياط سكتت فجاه
مراد بصلها بقلق وشافها انفاسها انتظمت وأنها نامت حضنها ونام هو بعدين
.............................................
مالك و آيه كانوا في المول في محل هدوم اطفال
آيه : مالك ايه رايك في السلبوت دي
مالك : حلوه يتوتا بس مش كبيره
آيه : بس عجباني خليها لما يكبر
فون مالك رن
مالك : طيب يتوتا شوفي باقي الهدوم ونا هرد
علي الفون وارجعلك
آيه : طيب
مالك بعد شويه ورد علي الفون
عمر : فينك يمالك
مالك : ليه في حاجه
عمر : لاا بسال عشان مش موجود يعني
مالك : بنشتري هدوم هنخلص واجي علطول
عمر : تمام
مالك سمع صراخ آيه اتخض وراحلها بسرعه
مالك : مالك يتوتا في ايه
آيه : مش عارفه يمالك الحقني بسرعه شكلي بولد
مالك : لحقت عاوز تيجي دا احنا لسه بنشتري في
الهدوم ياعم انت
آيه بصريخ : هو دا وقته
مالك شال آيه وخرج من المحل والمول وركب العربيه
وساق و وصل قدام المستشفي ونزل وشال آيه ودخل
بسرعه
مالك : مراتي بتولد دكتور هنا
بيقربوا من الممرضين وبياخدو آيه اللي بتصوت
ومالك بيفضل واقف بقلق علي آيه
آيه كانت بتصرخ والممرضين حواليها
الممرضه : اهدي يمدام شويه
آيه بصراخ : انا عاوزه مالك هاتولي مالك
الممرضه : حاضر
الممرضه بتخرج : فين مالك
مالك : انا في ايه
الممرضه : حضرتك هي عاوزك معاها
يوسف : ادخل وطمنا عليها
مالك : حاضر
مالك دخل
نور كانت واقفه جنب فارس وسامته صوت صراخ
آيه وهي متوتره وفجاه بتحس بوجع وبتصرخ
فارس : في ايه ينور
هناء بتقرب منها : اكيد بتولد يفارس انده دكتور
بسرعه
نور بصراخ : ايه لاا انا مش عاوزه اولد لاا
فارس : اهدي ينور يحبيبتي
يوسف : دكتور يجماعه
نور بصراخ : كله منك انت طلقني يفارس
فارس : نشوف الموضوع دا بعدين
الممرضين اخدو نور اللي بتصرخ
شهد كانت بتبص لنور وهي مرعوبه وبتمسك ايد
سيف : ترولي بسرعه يسيف
سيف : اوعي تقولي انت كمان يشهد
شهد مسكت بطنها بصراخ : الحقني بولد
بتدخل شهد العمليات وبعد وقت بيكونوا البنات في اوضه كبيره سوا وكل واحد شايل ابنه جميعا وكل العيله متجمعه
سيف : فارس ونتي بتولدي ينور مضي علي اوراق الطلاق
وناقص امضيتك
نور بصيت لفارس
فارس : بتبصيلي كدا ليه والله كداب
يوسف : يابني ركز في ابنك شويه
سيف بص ل ابنه : دا هيبقا سيفو التاني عشان يكمل
مسيرتي من بعدي
مالك : مش كفايه علينا انت هيبقا ابنك كمان
سيف : هو انتو تقدرو تعيشو من غيري
يوسف : اها عادي
سيف : كنت عارف انك انت هترد حبيبي يا جو
يوسف بضحك : طيب ايه هتسموا ايه
فارس : هتسمي ايه ينور
سيف : هو بقا كلام نور يمشي عليك ولا ايه يفارس
شهد : سيف
سيف : هتسمي ابننا ايه يروحقلبي
شهد : فريد
فارس : ايه يا سيفو كلامها
سيف : لازم يمشي
سلمي: ونتي يتوتا هتمسي الولد ايه
آيه مسكت ايد مالك : ايان مالك عزالدين
مالك باس راسها وبصلها بحب
فارس : ونتي يحبيبتي حابه يكون اسمه ايه
نور بصيت ليوسف : حابه أنه يكون يوسف
يوسف اول ما نطقت اسمه بصلها وبعدين قرب
منها وباس أيدها بحب : حبيبه قلب يوسف
فارس : كفايه حب في مراتي يا يوسف
يوسف بضحك : بتنتقم مني انت يعني
فارس بضحك : اها
.............................................
عدا اسبوع علي ولاده البنات ويوسف طلب من فارس
أنه السبوع يبق مع الشباب في شقه مامته وفارس وافق
كانوا متجمعين الشباب مع بعض والبنات كل واحده
شايله ابنها واسما ومصطفى كانوا موجودين وأطفال
كتير كانوا بيلفوا ورا بعض وشغاله اغنيه حلاقاتك
سيف بيدخل ما بين الأطفال وبيرقص وبيلف معاهم
سيف : أنا عايزك تطلع واد مجدع وفي عز الشدة تكون
أجدع من أيها حد صيتك بيسمع ويلعلع أخلاق واد قوي
أوي ورجولة ولا زيك حد
فارس بيدخل وبيرقص : وأنا عايزك تطلع شيك صحباتك بتموت فيك تهرب من دي وتسبت دي والكل بيجروا عليك تسرح وتبيع حكايات ولا فارقة معاك رنات دي بتشكي لك
ودي تحكي لك وإنت مقضيها مسدات
مالك بيحط ايدو علي كتف سيف وفارس : إيه وإوعى تسمع كلام لدول دي عيال شقاوة وأنا مش مسؤول هيغرقوك وأنا قلبي عليك وتبقى نمرة ويلعبوا بيك
ملك كانت بتبص ل ابن شهد وشهد بصيت عليها
وقربت منها بابتسامة وملك بصتلها شهد هزت راسها
وملك أهداه شالته ومراد كان واقف جمبها وحط ايدو
علي كتفها وفضلوا يبصوا علي ابن شهد بابتسامة
فضلوا يرقصوا والبنات يضحكوا عليهم ويوسف كان
بيبصلهم بابتسامة وعلي العيله اللي كبرت أفراد وبص
لسلمي اللي بتضحك وشايله زين وابتسم علي شكلها
اللي بتنجح بأنها تخطفه