رواية الغرور والحديد الفصل السادس6 بقلم فاطمة محمود
انفجر حسن في الضحك وهو مش قادر يمسك نفسه
عمار بص للفون ورجع اتكلم: حسن
حسن وهو لسه بيضحك: يعني حضرتك هتموت من القلق
عليها وشكلك بدأت تحبها وعامل فيها قدامي ابو قلب ميت
عمار: انت لسه هتتفضل تتكلم في الكلام الفاضي دا
حسن: كلام فاضي ايه يا عموره انت لسه قايل بلسانك قلقتيني عليكي هتكدب لسانك برضو
عمار: انا عارف اني مش هخلص من رخامتك ونت بترن عليا ليه دلوقتي
ضحك حسن: المفروض لازم اخد معاد قبل ما اكلمك ولا ايه وكويس اني رنيت عشان اسمع اللي بتخبي عني بس المره الجايه ركز اكتر من كدا يا عمار يعني انا عمك ستر وغطاء عليك لو كان حد ميعرفكش كنت هتكسف اوي
عمار: اقفل يا حسن انا مش ناقصك عايز انام
حسن: اتغطا كويس لتحلم بيها
عمار: اتريق براحتك ولا في دماغي
حسن: ماشي
قفل عمار وكلم نفسه: ايه دا لدرجه دي مركزتش مين بيتصل
هروح في داهيه بسببك يا سيليا
~~~~~
فتح شاهين بابا الاوضه اللي نام فيها امبارح وخرج متجه لجناحه وجرب يفتح الباب لقاه مقفول من جواه ادايق ونزل لتحت
خرجت هاله من المطبخ واحده من خدم الفيلا: صباح الخير
يا شاهين بيه
شاهين: صباح الخير
هاله: تحب حضرتك احضرلك الفطار
شاهين: لا مش عايز اعمليلي قهوة لحد ما اجهز وانزل
هاله: حاضر يا شاهين بيه تحب اجبهالك فوق
شاهين: لا خليها هنا
هاله: حاضر
مشيت هاله علي المطبخ وطلع شاهين لجناح إلياس وفتح الباب ودخل الحمام
~~~~~
في اوضه قاسم
قاعد قاسم علي الكرسي في البلكونه وعيونه علي الورشة
بتدخل هدي وبتشوفه في البلكونة بتروح عنده
هدي: صباح الخير يا قاسم
قاسم: صباح الخير يا حبيبتي.. اقعدي
قعدت هدي: في حاجه ولا ايه
قاسم: لا مفيش عايزك تقعدي معايا شويه
حطيت هدي ايديها علي خده: من اول ما رجعت من الدكتور امبارح ونت شكلك مدايق
قاسم: لا ابدا بالعكس دا انا مبسوط جدا
هدي: مبسوط
قاسم: ايوا انتي عارفه أن سيليا صحبه رنا كانت معانا انا وعمار
هدي: طيب وهي جاتلكم ازاي
قاسم: مش عارف مسالتهاش بصراحه بس فضلت تكلم معايا
ونا في جلسه العلاج عشان تشغلني يعني بجد بنت لطيفه
ابتسمت هدي: انا حبيتها من اول مره جات لرنا في البيت
هزارها وكلامها يحببوك فيها ومتواضعه رغم أن في ناس زيها
كتير مغرورين اوي
قاسم: ايوا
هدي: طيب انا هجهز الفطار
هز رأسه قاسم وقامت هدي طبطبت علي كتفه وطلعت
بعد ما طلعت من الاوضه هدي بتشوف باب اوضه عمار مفتوح بتقرب منها وبتلاقيه مش موجود
هدي: اكيد نزل
وبتخرج من الاوضه بتقفل الباب وبتروح للمطبخ
~~~~~
في منزل منصور العطار
بتخرج هاجر من الحمام وبتلاقي منصور في وشها بتبصله وبتسكت
منصور: صباح الخير
هاجر: صباح الخير
مشيت هاجر من قدامه
منصور: كان ينفع تسيبي جوزك لوحده وتروح تنامي مع ابنك
وقفت هاجر ولفت بصتله: انا غلطت يلا اضربني مش هعارضك ما انت جوزي تعمل اللي عايزة
قرب منها منصور خطوات ومسك ايديها: اكيد مش هعمل كدا مهما كان انتي مراتي ونتي عارفه اني بحبك يا هاجر ولو دايقك صوتي العالي عليكي فـ انا آسف
سحبت ايديها منه: ونا بكرهك يا منصور عمري ما حبيتك اتجبرت من ابويا علي جوازي منك ولما حاولت اني استسلم
للواقع يمكن احبك بقيت شخص مستحيل حد يطيق العيشة
معاه
اتحوليت ملامحه منصور من حنيه لبرود: مش مهم كل كلام دا بنسبالي اهم حاجه اني اخدتك وبقيتي مراتي
هاجر: ما هو دا المبدأ اللي واخده علي نفسك تاخد كل حاجه عاوزها اهم حاجه ترضي الغل اللي جواك
مسك منصور دراع هاجر بغضب: ونا عمال اقول الواد ياسر دا طالع لمين اتاريكي انتي يا هانم عماله تزني في ودنه لحد ما
بقا ضدد ابوه عشان جوز خالتك ما الزن امر من السحر فعلا بس والله ما هنويلك اللي في بالك يا هاجر
هاجر بتعب: كفايه يا منصور كفايه متعبتش ارحمني
منصور: لو شايفني عذاب بنسبالك يبقا اعرفي انك هتفضلي في سجن مئبد
هاجر: انا مش مهم والله مش مهم بس بلاش تخلي هشام
يبقا كدا الواد خلاص بيضيع مننا دا وقف قصاد أمه متخيل
يعني مش هيخاف من اي حد ولا هيحترم حد عشان خاطري يا منصور عقله ابعدو عن الطريق اللى ماشي فيه دا آخرته وحشه
بصله منصور ثواني ومشي من قدامها خرج من الشقه
هاجر فضلت واقفه شويه وطلع هشام شافها بصلها شويه: صباح الخير
هاجر بزعل: صباح الخير
ودخلت المطبخ
هشام قعد علي الكنبه وهو مش فارق معاه
~~~~~
بينزل شاهين علي السلم ومرام كانت قاعده في الريسبشن
وحاطه رجل علي رجل بتشرب قهوتها ومتجاهله وجوده
وقف شاهين قدامها ومدايق منها: ممكن افهم اللي بتعمليه دا
مرام معملتش اي رده فعل وفضلت مكمله القهوة في ايديها
شاهين بعصبية: مرام متتعامليش معايا ببرود كدا كلميني زي ما انا بكلمك
رفعت مرام عيونها علي شاهين واتكلمت ببرود اكتر: لا تنزعلي مزاجي بعصبيتك ولو بدك تفهم اللي انا عملته
هاد اللي راح يمشي من اليوم وطالع ولو مو عاجبك خلاص
بفضل مع إيلي أو سيليا بس لا تفكر مجرد تفكير اني راح عيط واجي اترجاك شاهين لا تعمل فيني هيك لا حياتي فوق
انت ما صار الك مكان بالجناح وياريت تاخد كل أغراضك اليوم
شاهين: دا كل كلامك
مرام: ما هيكون عندي غيره
شاهين: تمام
سابها شاهين وخرج من الفيلا.. عيون مرام كانت عليه
لحد ما اختفي
سيليا: هو في ايه سمعت صوت بابا عالي
مرام: ما في شي حبيبتي.. على وين
سيليا: رايحه لنيللي
مرام: تمام
سيليا: باي
مرام: باي
خرجت سيليا من الفيلا وفضلت مرام لوحدها وتفكيرها مشغول
~~~~~
في منزل جلال الحديدي
في الصالون
واقفه خديجة وبتاكل من الاكل علي السفرة بتخرج آمنة
من المطبخ: ادخلي يا خديجة لخالد شوفيه اتاخر لحد دلوقتي ليه وتعالي اقعدي كولي براحتك عشان الاكل ينزل في معدتك
خديجة: ما هو بينزل في معدتي يا ماما امال هيروح فين يعني
آمنه: لا يا حتي بينزل في رجلك
خديجة: والله العظيم دا انا اللي درست طب اول مره اسمع
الكلام دا
آمنه: انا عارفه كلامي ولا بينفع معاكي ادخلي شوفيه اخوكي يلا
خديجة: ماشي
مشيت خديجة ودخلت اوضه خالد لقيته لسه نايم
خديجة: خالد ولا يا خالد انت لسه نايم
خالد من تحت الغطا بنوم: لا مفيش بس بركن في العربية
خديجة: طيب قوم يا ابو دم تقيل
خالد: سبيني شوه كمان انا بقالي اسبوعين مطحون في الشغل
خديجة: خلاص خليك ويبقا افرح لما تكون عواطلي وقاعد في البيت
خالد: حاضر هبقا مبسوط اطلعي وسبيني اكمل نوم
كانت هتطلع خديجة بس وقفت لما شافت فون خالد منور
مسكته وشافت صوره امل اتصدمت شويه وابتسمت: قولتلي مطحون في الشغل طيب والشغل دا نظامه ايه
شال خالد الغطاء من عليه واتكلم: انتي لسه مـ
واول ما شاف الفون معاها سكت وسحبه منها: انتي بتعملي
ايه بالفون يا خديجة
ربعت ايديها خديجة قدامها: والله انت يا حبيبي اللي فاتح الفون وسايبه لو عندك خصوصيات كدا اقفل الفون كويس المره جايه
خالد: خصوصيات ايه اني كمان
قعدت خديجة ومسكت ايد خالد: هي صورة أمل بتعمل ايه عندك هاا قولي
اتوتر خالد: هتعمل ايه يعني عادي
خديجة: امم عادي كنت متوقعه ردك هيبقا كدا.. يعني مفيش اي حاجه تانيه
خالد: مفيش يا خديجة
خديجة: طيب ما تقول انك بتحبها
خالد: انتي مجنونه لا طبعا الفكرة كلها كنت بقلب في الفون امبارح قبل ما انام ونمت ونسبته
خديجة: لا والله
خالد: ايوا ويلا اطلعي عايز اغير هدومي
خديجة: ماشي يا خالد
خالد: في ايه
وقفت خديجة: مفيش
خرجت خديجة من الأوضة وقفلت الباب وراها
خالد: الله يخرب بيتك يا خالد
~~~~~
في شقة نيللي
كانت قاعده بتابع شغلها علي السوشيال ميديا وبيرن جرس الباب
بتقوم نيللي وهي فاكره أنها سيليا وعلي وشها ابتسامة وبتفتح الباب: بقالي كتير مستنياكي
ابتسامتها بتختفي اول ما بتشوف الشخص اللي قدامها
بتسيب الباب وبتفضل تبصله
كمال: ايه مش هتقوليلي ادخل
نيللي: اتفضل
دخل كمال وقفلت الباب نيللي ودخلت
عيون كمال كانت بتبص لكل ركن في الشقة وبيقعد: حلو زوقك انتي عارفه اني اول مره اجي اشوفها
نيللي: ممكن تقول اني لاول مره من تلت سنين اجي واشوف بنتي
كمال: نيللي محدش ضربك علي ايديك انك تمشي وتسيبي الفيلا وبعدين انا مشغول في الشغل مش بلاحق اشوف اي حد ونا مش جاي عشان نتكلم في الكلام دا خالص
اتوجعت نيللي أنه شايفها اي حد بنسباله وتمالكت نفسها
واتكلمت بهدوء: ايه الكلام اللي جاي عشانه
كمال: قبل ما اتكلم كنت عايز اهنيكي بنت كمال المنياوي بصحيح شغلك هايل علي السوشيال وقدرتي تنشهر بسرعة
وتجيب فلوس كويسه جدا كمان
نيللي: الموضوع مش موضوع فلوس بنسبالي انا حابه اشغتل الحاجه اللي حابها أطور نفسي منها
كمال: بس بنسبالي كل حاجه الفلوس المهم في اللي جايلك عشانه من يومين قابلني نبيل المصري اكيد تعرفيه عشان تبقي عارفه اكتر كمان انا وهو بقينا شركاء دلوقتي في الشغل
نيللي كانت بصالها وهي مش مركزه في أي كلمه بيقولها كمال من بعد ما قال بنفسه أنه جاي عشان نفسه مش عشانها ابدا
كمال: نيللي قولتي ايه
فاقت نيللي من تفكيرها: سرحت شويه كنت بتقول ايه
كمال: بقولك تيم ابنه معجب بيك وحابب يطلب ايديك مني وتجوزو بعد ما تحبوا بعض وتفهموا تفكير نفسكم الاول
ابتسمت نيللي بسخريه من كلام والدها: انت عاوز تبعني لنبيل المصري وابنه بالفلوس يا بابا
كمال: أبيعك ايه بقولك الواد معجب بيك اعقلي الكلام وافهمي كويس انتي لو وافقتي هتبقي انجح من كدا بكتير هتبقي مرات ابن نبيل المصري صاحب اكبر فنادق في أنحاء العالم لا وكمان ابنه ما شاء الله عليه ماسك الشغل مع باباه
ومكبره اكتر
نيللي بعدم اهتمام: انا ميهمنيش كل الكلام دا
كمال: ميهمكيش ازاي انتي هتبقي مراته
نيللي: ومين قالك اني هوافق اصلا
كمال: يعني ايه هتكسري كلمتي قدامه يا نيللي هتخلي باباكي قدام نبيل بيرجع في كلامه
نيللي: ميخصنيش كل دا حضرتك بترد عليه نيابتة عليا انا ليه دي حياتي ونا حره اعمل ايه ومعملش ايه مش حياتك انت عشان تختارلي كل حاجه ختي البني آدم اللي هكمل حياتي معاه
كمال: انا هديلك مهله تفكري كويس عشان في الاخر هتوافقي بس خليني اديلك وقت.. وبعدين مش هو دا اللي كنتي عايزاه أنس باخد رايك في اللي يخصك انا كان ممكن عادي مقولش ليكي علي اي حته من دا وكل اللي أقوله ليكي خطوبتك بكرا علي تيك بس انا معملتش كدا
قامت نيللي قربت من الباب فتحته : لا كتر خيرك يا كمال بيه نورت
قام كمال ووقف يبصلها قبل ما يخرج
دخلت سيليا وشافتهم واقفين
سيليا: عمو كمال عامل ايه
كمال: سيليا وحشتني يا حبيبتي
قربت سيليا من كمال وحضنته: ونت كمان يا حبيبي
كمال: قالي شاهين انك رجعتي وكنت حابب اشوفك بس مشغول في الشغل يا حبيبتي
دخلت نيللي وسابتهم وكمال وسيلسا بصورها
سيليا: ولا يهمك اهي جات الفرصة لوحدها وشوفتني يا عمو
ابتسم كمال: طيب هشوفك مره تاني يا سيليا
سيليا: اوك باي
كمال: باي
خرج كمال وقفلت الباب سيليا ودخلت تشوف نيللي
~~~~~
في فيلا شاهين الصياد
في الريسبشن قاعدين مرام زي ما هيا وماسكه الفون بتقلب فيه وبتتفرج علي احدث موديلات الموضه وبيتسحب منها الفون بصيت تشوف مين وكانت دان
دان: ممكن افهم مبترديش عليا ليه
قامت مرام سلمت عليها وحضنتها بعدت عنها وبصتلها: اقعدي دان
قعدت دان علي الكرسي القصاد مرام: مالك يا مرام قلقتيني عليكي
مرام: لا تقلقي مو صاير شي
دان: انتي بتكدبي عليا ولا علي نفسك
مرام: ليه ما بدك تصدقي
دان: انتي مدايقة عشان اللي حصل شاهين حكالي علفكرا
وقد ايه هو مدايق من اللي بتعمليه معاه
مرام: مدايق ومو مداق من اللي عمله
دان: دا سوء تفاهم انتي فهمتي غلط
مرام: انا هي الكلمه هم بسمعها من كل حد منكم
دان: عشان غلطانه ايه يخليكي تعملي كدا انا مش فاهمه
مرام: شفتهم مع بعض شو في اكتر من هيك
دان: هما كانوا بيعملوا حاجه غلط يعني دول بيهزروا ونتي عارفه شاهين مبيحبش قدك
مرام: بس جومانة بداه تاخد زوجي مني ونا متاكده
دان: طيب اقنعيني ازاي يا حبيبتي هي راحت لشاهين في الشركة لما قولتلها رايح تشوفيه ونا حصلت معايا لخبطه
وأتاحت الخروجه فـ هي قالتلي هتشوفكم في الشركة ولو
زي ما بتقولي هي هتقابله قدام الناس كدا
بصتلها مرام وسكتت
دان: شيلي الافكار دي من دماغك وبعدين انتي عارفه جومانة هي اكيد مش قصدها دايما بتعمل المشكلة وهي
مش واخده بالها ولما سلمت عليه وباسته طلعت تلقائيا
منها ونت عارفه كمان ان ليها كلام كتير مع شاهين
مرام: لا انا ما اديقت
دان: يسلام دا انا مش ناسيه وشك اللي جاب الوان واحمر من الغيره
حاولت مرام تخفي ابتسامتها
دان: متخبيهاش بقا وكفايه عناد صالحي شاهين وجومانة موضوعها سهل بتتراضي بكلمتين
مرام: طيب رح حاول
دان: لا تحاولي ايه الراجل شاف جنان كتير ونبي خفي عليه شويه
ضحكت مرام: والله جد كمان مو عاجبه جناني
دان: لا بصراحه هو عاجبه كل حاجه الراجل مشتكيش
هو زعلان علي بعدك يا مدام
هزت راسها مرام: شو تحبي تشربي
دان: اي حاجه
مرام: اوك.. هاله
~~~~~
في كافيه هادي وحلو
قاعد خالد وياسر علي ترابيزة وياسر سرحان
خالد خبط علي الترابيزة بخفه: ايه ياعم ياسر سرحان في ايه
ياسر: شويه مشاكل في البيت مش عايز اصدعك
خالد: من يومك ونت مصدعني بعيلتك اتعودت احكي
ياسر: بقا كدا طيب مش هكي حاجه
ضحك خالد: اتكلم اخلص هو انا هتحايل عليكي
ابتسم ياسر: هشام مزودها معايا خالص وكمان تتعدي حدودوه مع امي
خالد: هو ابوك فين من كل دا
ياسر: ابويا ايه هو هشام حد قادر عليه
خالد: انا عارف أن منصور واطي ومش بيعمل حساب لحد بس مهما كان انتو عياله ومراته يعني اهم حاجه عنده
ياسر: طيب حتي لو ابويا مش احسن حاجه راعي شعوري
كأبني هزعل من الكلام دا
خالد: انت عارف يا ياسر مبعرفش اخبي اللي في قلبي
ياسر: اها عارف بمناسبة حبك لـ امل اللي بقاله سنين مخبيه عنها وعن الكل
خالد: اسكت النهاردة خديجة شافت صورتها هاي الفون وقلبي وقع في رجلي
ضحك ياسر: اطمن يعني خديجة هتكلم عام نخلص من الليلة دي
خالد: اطمن اوي هي مش هتقول بس انا حاسس انها هتقول لرنا أو ماما المهم هتقول لحد مينفعش تعرف وتسكت لازم تعمل ضجه صغننه علي الاقل
ياسر: وكمان رنا اكتر منها ايه موضوع عايزه ينتشر تقولها من غير ما افكر
خالد باستغراب: ونت عرفت ازاي
اتوترت ياسر: يعني فاكر تصرفاتها زمان
خالد: والله معاك حق معقلتش ابدا اتجننتي اكتر
أبتسم ياسر: قولي اخبار شغلك ايه
خالد: كويس ونت اخبار شغلك ايه
ياسر: تمام
خالد: طيب اشرب العصير
ياسر: ماشي
~~~~~
قدام ورشة الحديدي قاعد حسن علي الكرسي بيشرب شاي
وعمار جنبه واقف بيشوف العربية
حسن: ما تيجي تقعد شويه يا عمار
عمار: عشان تستلمني في تريقتك مش كدا
ضحك حسن: فكرتني يجدع.. بس افهم من كلامك انها كلمتك قبل كدا
عمار: ايوا
حسن: لا يا عمار انت بقيت بتخبي عني كتير ونا كدا هزعل
عمار: لو بتاخد الموضوع بجدية كنت قولتلك
حسن: انت حتي الحب عايز تاخده بجدية ايه البني آدم الغريب دا يا ربي
رفع وشه عمار من العربية وبص لحسن: حب!.. انت واخد الموضوع بعيد ليه
حسن بثقه: عشان انا بفهم في العلاقات كويس وبنظرتي كدا هتجوزو وهتحبوا بعض اوي
عمار: حسن انت درست قسم نحنحه في كلية الهندسة ولا ايه
حسن: افضل خد كلامي كدا بس اوعدك كل اللي بقوله دا هيحصل
عمار وهو بياخده علي قد عقله: طيب بما أن قدرت تعرف دا
عني ونت معرفتش اي حاجه عنك
حسن: عرفت طبعا ودا اللي مخليني مش قلقان أنها في الاخر هتبقا لحسن وبس
عمار: لا والله بجد يعني انت قاعد بارد عشان متاكد
حسن: طبعا يابني اومال ايه انا ونسبة هنتجوز كمان عشان يبقوا البنات صحاب في نفس البيت والابن وعمه
عمار: عمه ايه انت مصدق نفسك
حسن: يعني انت سبت الكلام الأهم ومسكت في عمه
رجع عمار بص في العربية: عام كلام كله فاضي في الهوا يعني وبعدين كفايه رغي وقوم شوف شغلك
حسن: مفيش مره تسبني اشرب كوباية الشاي بمزاج يا اخي
عمار: انت اللي بتجيب الكلام لنفسك المره الجايه تشرب الشاي ونت ساكت
حسن: ماشي يا استاذ عمار اي أوامر تاني
عمار: تسكت خالص عشان بتصدعني
حسن: حاضر انا هقوم اهو واجبلك لحد ما اجبلك البنادول
قام حسن دخل الورشة وفضل عمار يتفقد العربية كويس من اي حاجه معطله
في نفس اللحظة وصلت عربية سيليا ونيللي كانت بتسوق وسيليا جنبها واول ما شافت عمار اتكلمت بسرعة: اقفي بسرعة يا نيللي
وقفت نيللي وبصتلها بقلق: في ايه يا سولي خضتيني
سيليا: ام سوري نيلو بس شايفه عمار واقف هناك بيصلح في العربية
بصيت نيللي تجاه عمار ورجعت بصيت لسيليا: ايوا مش فاهمه في ايه يعني
سيليا: شغلي دماغك معايا يا نيللي لازم انزل اتكلم معاه عشان أشده اكتر ليا
نيللي: هتكلمي معاه في ايه مثلا وبعدين احنا بقينا نيجي كتير يا سولي ودا مينفعش عشان لازم تبقي تقيله شويه
ويتشدلك ونخلص بقا من الحوار دا
سيليا: انتي زهقتي بسرعة كدا ليه يا نيلو.. انا لازم اجي واتكلم معاه عشان ابقا جزء اكتر من حياته وفجاه اختفي شويه كدا هيحس بنقص وممكن وقتها مشاعره تتحرك
نيللي: ماشي انزلي ونا هفضل في العربية مستنياكي
سيليا: لا انزلي عشان هنطلع نشوف رنا وباباه ومامته كمان
نيللي: ماشي
بصيت وراها سيليا قبل ما تنزل واخدت الكاميرا علي الكرسي اللي ورا ونزلت من العربية ورفعت الكاميرا
تصور عمار وهي مبتسمه
بصتلها نيللي واتمشيت وهي بتتفرح علي شغل الورشة
والمكان البسيط...
رفع وشه عمار من العربية وعيون جات علي سيليا شافها واقفه بتصور بصلها شويه ووقف بضهره ليها ورجع يكمل شغله
استغربت سيليا تصرفه وحسيت انه مش مرغوب فيها ادايقت شويه بس باينت طبيعية ومشيت تجاه لحد ما وصلتله
سيليا: عامل نفسك مش واخد بالك اني موجوده يعني
لف رقابتها وبصلها عمار: انا فعلا ما اخدتش بالي انك موجوده
مشيت سيليا خطوتين ووقفت قدام عمار اللي متحركش:
هحاول اصدقك
سكت عمار لثواني: انتي ايه جابك تاني
سيليا: لو عايز مني اكدب عليك ومقولش الحقيقة فـ هقولك انا جيت اطمن علي عمو قاسم وهدهد واشوف البسيت فريند بتاعي رينو
بصلها عمار للحظات واتكلم بصوته الرجولي: ولو قولتي الحقيقة هتكون ايه
تنهدت سيليا واتكلمت بابتسامة بسيطة: اني جيت عشان اشوفك مقدرتش اعدي يومي من غير ما تكون جزء منه
سكت عمار ولسانه عاجز عن الكلام ومش عارف يرد علي كلامها اللي بيوتره اكتر وقرر يغير مجري الكلام: انتي جيتي امتي
سيليا: مش شويه كدا
عمار: والكاميرا اللي في ايديك دي كانت بتصور ايه
بصيت سيليا علي العربية اللي كان بيصلح فيها عمار: من اول ما شفتك بتصلح في العربية قلبي دق ومحستش بنفسي غير ونا بطلع الكاميرا وبصورك...
عشان افضل اتفرج عليها لما افتكرك
رفعت سيليا عيونها علي عمار بعد ما خلصت كلامها وغمزتله
عند نيللي كانت واقفه بتتفرج وخرج حسن من جوا الورشة وهو مش مصدق أنه شايفها قدام عيني واتكلم بعدم تصديق: انت بجد هنا
اتخضيت نيللي من صوته العالي شويه ولفيت بصتله: انا
مقصدش اني أقف هنا انا همسي دلوقتي حالا
حسن: تمشي فين دا انا مستنيكي من زمان
نيللي: افندم
حسن: احم قصد يعني مفيش اي مشكله تقفي انا بس اتفاجئت أن موجوده آسف لو صوتي عملك قلق
نيللي: حصل خير
رجعت نيللي تتفرج وحسن واقف جنبها علي بعد خطوات
وعيونه عليها: انا حاسس اني شوفتك قبل كدا
بصتله نيللي: اكيد شوفتني
حسن بهمس: هي العيلة كلها مغروره ولا ايه
نيللي: نعم
حسن: انا مستغرب انك قولتي اكيد شوفتني
نيللي: انت مش بتقول شوفتني ونا باكد علي كلامك
حسن: مش فاهم
نيللي: اها فهمت انت يعني بتفتح معايا كلام مش انك تعرفني بجد
حسن: لا بتفهمي كمان
نيللي: يعني متعرفش اني انا نيللي المنياوي صاحبه اكبر بيدج اكسسوارات في السوشيال ميديا
حسن بتفاجئ: لا والله معرفش اصلا انا ماليش في السوشيال ميديا اوي بذات البنات ماليش فيهم خالص
نيللي: اوك تمام
سكتت نيللي وحسن لدقايق واتصدمت نيللي من كلمه حسن اللي مصدقتش ودنها
حسن: حاولي تتعودي علي المكان عشان احنا هنتجوز علي فكره
ركزت نيللي مع حسن اوي واتكلمت بعد ما اتاكدت من اللي سمعته: انت مجنون
حسن: انا فعلا اتجننت من اول ما شوفتك
نيللي: لا انت مجنون بجد ومحتاج تتعالج
حسن: انتي العلاج بتاعي يا نيلو
اتصدمت نيللي اكتر من دلعه ليها ومشيت من قدامه من غير اي كلمه وراحت للعربية
حسن: يعني تسيبي جوزك المستقبلي وتمشي من غير اي كلمه كدا
ابتسم حسن عليها وبصلها وهي قاعده في العربية وبتبعد عيونها من عليه وبص لعمار وشافه واقف مع سيليا: اهو
البنادول جالك بنفسه يا عمار قبل ما نطلبه
ودخل الورشة بعد ما خلص كلامه
سيليا افتكرت أنه هيبتسم أو هيتكبم عادي لاكن عمار فجائها ببرود الغير متوقع: انتي فاكره اني هبقا زي ما انتي عايزة بحركاتك دي
سيليا ببرائية: علفكرا انا مش بكدب في أي حاجه بقولها ليك
او بعملها معام ممكن اها طريقتي اول مره قابلتك فيها كانت وحشه بس انا غير كدا خالص وعمري ما بكدب في مشاعري
ابدا انا بجد مشدودة ليك يا عمار وبلاش تعاملني بطريقتك
دي بتجرحني ولو انت مدايق من وجودي انا اسفه ومش هتشوف وشي تاني
عمار حس أنه زودها فعلا: انا آسف لو زعلتك من غير قصدي بس بصراحه مش مصدق يعني اول ما تشوفيني تتشدي ليا زي ما بتقولي كدا ونتي قبلها متخانقه معايا الغرور اللي شوفته منك ميتغيرش فجاه دي حاجه في شخصيتك
سيليا: يمكن لنا تتعرف عليا اكتر تعرف شخصيتي بجد ومعاك حق تستغرب ازاي كل دا اتغير فجاه بس عمرك ما سمعت عن
الحب من اول نظره عارفه اول مره كانت مش لذيذه ما بنا بس انت استفزازي ودا هيكون اي رد بنت مكاني
عمار: انا مش عارف اقولك ايه في الحقيقة
سيليا: متقولش حاجه كل اللي عايزة منك تديني فرصه نعرف بعض اتفقنا
عمار: اتفقنا
بصيت سيليا حواليها: تعرف المكان شكله تحفه اوي
عمار: ايوا عارف
سيليا: غرور بقا
ابتسم عمار من غير ما ياخد باله: يعني قولي كدا
ابتسمت سليا علي ابتسامة: شكلنا هنبقا متفاهمين واليقين علي بعض جدا
بص عمار جنبه: طيب انا بقول تطلعي احسن دلوقتي
سيليا: اوك انا هطلع اشوفهم وهشوفك ونا ماشيه
عمار: تمام
مشيت سيليا من قدامه وبصيت لنيللي إللى قاعده في العربية شاورت ليها ونيللي نزلت وراحتلها
سيليا: قاعده في العربية ليه
نيللي: الشاب اللي كان واقف دا مجنون يا سولي
سيليا: شاب مين
نيللي: معرفش اسمه بس هو يقرب لرنا
سيليا: قصدك حسن
نيللي: شكله هو
سيليا: ماله
نيللي: انتي متخيله بيقولي ايه هنتجوز انا ونتي
ضحكت سيليا: والله
نيللي: زي ما بقولك كدا
سيليا: طيب تعالي نطلع
اخدت سيليا نيللي ودخلوا العماره
~~~~~
سيليا ونيللي كانوا طالعين علي السلم وفي نفس الوقت نازله امل والاتنين تقابلوا قدام شقة قاسم الحديدي
بصيت سيليا لامل: ازيك انا اول مره اشوفك
بصتلها امل بضيق: اهلا
سيليا حسيت انها مش طايقها واتجاهلت دا والباب اتفتح
وكانت رنا: سولي ونيلو هنا ايه المفاجأة الحلوه دي
ابتسمت سيليا: وحشتيني قولت اجي اشوفك
غمزت رنا لسيليا: انا اللي وحشتك برضو
ضحكت سيليا: اكيد انتي
رنا: انتوا اتعرفتوا علي بعض دي تبقا امل بنت عمتي
سليا: اهلا وسهلا
امل بصتلها ومتكلمتش
رنا: طيب ادخلوا يلا
دخلت سليا ونيللي وبصت رنا لامل: ادخلي يا امل
امل: لا هاجي مره تاني
رنا: تمام براحتك
طلعت امل ودخلت رنا وقفلت الباب
~~~~~
في فيلا شاهين الصياد
دخل شاهين الجناح بتاعه ودخل اوضه الدرسنج روم اخد هدوم وخرج عشان يدخل الحمام ياخد شاور شاف مرام قدامه بهدوم قصره مغريه بصلها شاهين شويه وكمل طريقه
وهو متجاهلها
مسكت مرام دراعه: شاهين
شاهين: نعم
حاوطه رقابتها مرام واتكلمت بدلع: لا تزعل مني انا عملت كل هاد كرمال بحبك والله غيرت عليكي وما فكرت باي شي تاني
شاهين كان مبعد عيونه من عليها وبصلها: لا انا مدايق منك بجد ومش هتصافا بالدلع إلى بتدلعيه قدامي دلوقتي
قربت مرام من وشه وباست خده: اسفه
وباست خده التاني: اسفه كتير
شاهين: انتي عارفه اثبتي ليا ايه يا مرام انك مش واثقه فيا واي حد ممكن يقولك جوزك بيخونك هتصدقيه علطول
مرام: اكيد لا انا بثق فيك كتير بس اللي عملته جومانة قبل ما شوفكم واللي شفته عملي سيناريو بدماغي
شاهين: دا مش مبرر كافي للي عملتيه
بعدت مرام عنه: ماشي شاهين متل ما بدك خليك هيك
لسه هتتحرك مرام مسك شاهين ايديها: زعلان منك المفروض تصالحيني هتسبيني تاني
مرام: ما انا الي ساعه عم صالح فيك ونت مكابر
شاهين: صلحيني تاني يلا
مرام: ما بدي
شدها شاهين لحضنه وحاوط وسطها بايده: بس انا بدي
بصتله مرام
شاهين: آسف
رفعت مرام أكتافها وهزت راسها بلا
شاهين: وحشتيني يا مرام
مرام مسكت وشه بين ايديها: لو تعرف اقديش انا مشتاقلك اكتر
شدها شاهين وقرب منها
~~~~~
قاسم : منورين يا بنات
سيليا ونيللي: تسلم يا عمو
الباب خبط وقامت تفتح رنا وبعد شويه دخلت ومعاها خديجة: ايه يا عالم فينكم
ضحك قاسم: موجودين يا ديجا
هدي: لازم بالصوت عالي يا خديجة
خديجة: بطمن عليكم يا هدهد
بص قاسم للبنات: خديجة دي كانت هاديه جدا منكتر قعدتها مع رنا بقيت زيها بالظبط
ضحكت سيليا: ما اهو باين ياعمو
رنا: ونتي كمان هتبقي زي
سيليا: لا انا زيك واكتر
نيللي: حصل اساليني انا
رنا: كدا فعلا احنا التلاته زي بعض ناقصك بس يا نيلو عشان قلقانه عليكي من الهدوء دا
ابتسمت نيللي
هدي: سيبي البت في حالها شكلها هاديه بلاش توظيها
رنا: بذمتك انا ببوظ يا قاسومي
قاسم: لا بالعكس دا انتي بجملي الحاجه اكتر
قربت رنا من قاسم وقعدت جنبه علي الكرسي وحضنته: بحبك اوي انا
ابتسم قاسم: ونا كمان يا حبيبتي
قعدت خديجة جنب البنات: سيليا ونيللي القمرات مش كدا
سيليا: احنا معروفين ابو هنا
خديجة: رنا مش بتبطل كلام عنكم وعلفكرا هي مش بتحكي عن اي حد غير لما تكون بتحبه
بصيت سيليا رنا: ونا بحبها اكتر والله
نيللي: دا احنا غالين لوي عند رنا
رنا بغرور متصنع: عشان تعرفوا بس
هدي: طيب انا هقوم اعمالكم حاجه تشربوها وسيبكم من البت دي
ضحكوا البنات وقامت هدي دخلت المطبخ
رنا بصوت عالي: دايما مشرفاني قدام اي حد يا هدهد
هدي من المطبخ: مش بنتي
رنا بصيت للبنات: بنتها اوي عشان كدا بتعاملني بالطريقه دي
هدي: رنا
رنا: قلبي نعم
راحت رنا ليها والبنات ضحكوا وفضلوا يتكلموا مع قاسم
~~~~~
قدام الورشة قاعد عمار وحسن
عمار: هو انت قولت ايه للبت خليت وشها كدا
حسن: انت مش كنت بتكلم مع حبيبتك ركزت معايا ازاي
عمار: اولا هي مش حبيبتي ولا حاجه ورد علي سوالي عشان لو عملت مصيبة الحق اصلحها
حسن: هي مش مشكلة يعني كل اللي قولته ليها أننا هنتجوز
عمار: ينهارك اسود انت مجنون يا حسن ولا مبقاش فيك عقل
حسن: انت متعصب ليه دلوقتي يا عمار
عمار: ولسه بتسال عارف انا لو مكانها كنت نزلت بايد علي وشك قلم مشوفتش زيه في حياتك
حط حسن ايديه علي خده: لا الحمدلله حبيبتي رقيقه مش شريسه
عمار: والله ما عارف اعمل معاك ايه
حسن: جوزهالي
عمار: طيب خفي جنان وابعد عنها خالص
حسن: والله ما يحصل انا ما صدقت لقيتها
عمار: طيب انت حر انا نصحتك
حسن: خلي نصايحك ليك وركز في اللي جاي عشان حاسه تقيل
خرجت سيليا ونيللي من العمارة ورنا وخديجة كانوا في البلكونة بيبصوا عليهم
بصت سيليا لعمار اللي قاعد مع حسن وهو رفع عيونه عليها
فضلت واقفه سيليا تبصله
شاف حين نظراتها لعمار: ما تقوم يابني تشوفها شكلها عايزة تكلمك
بصله عمار: انت تسكت خالص
قام عمار ودخل الورشة
حط حسن رجل علي رجل وبص لنيللي وعيونها جات عليه بالغلط: ياريتني مكانك يا عمار كنت جريت عندها بسرعة
بس هنعمل ايه دايما الحظ بيجي للي عامل فيها مش في
دماغه.. قمر يا ناس
قربت نيللي من سيليا: يلا نمشي بطلي تجري وراه شويه
بصتلها سيليا وركبت العربية
بصيت نيللي علي حسن بضيق وبعدين ركبت ومشيوا
رنا: شايف يا خوخا نظرات حين لنيللي
ضحكت خديجة: شكله وقع
رنا: يااه ياريت يحصل بجد اللي في دماغي
خديجة: فاهمه اللي في دماغك انا وياريت بجد هما يتحبوا
حضنت رنا خديجة: تعرفي انا بحبك اكتر يا خوخا
ابتسمت خديجة: ونا كمان يا رينو
~~~~~
جوا الورشة عمار كان بيشوف الشغل وتفكيره مع سيليا وبيحاول يلهي نفسه عشان ميفكرش فيها قرب منه مشمش
مشمش: عمار باشا
عمار: نعم يا مشمش في ايه
مشمش: عايز اقولك حاجه مهمه
عمار: قول ساكت ليه
مشمش: انا شاكك في الواد حسني
عمار: حسني شاكك فيه ليه مش فاهم
مشمش: بصراحه انا سمعته بيتكلم في الفون كام يوم ولما اخدت التليفون بتاعه لقيت كل مكالمته بالرقم دا
عمار: طيب ما ممكن يكون حد من عيلته
مشمش: بس يا باشا لما انا شوفته يومها بيتكلم اول مشافني اتوتر جامد كأنه شاف عفريت قدامه
عمار: شوفت الرقم دا مين كلمته يعني
مشمش: كلمته كتير لقيته مقفول شكله عامل الفون محدش يقدر يرن عليه بس انا حاسس في حاجه كبيره في الموضوع
عمار: طيب انا تابع تصرفاته ولو عرفت حاجه بلغني انا رايح القاهرة ويومين بالكتير وهرجع
مشمش: حاضر يا عمار باشا
مشي مشمش وفضل عمار يفكر في كلامه
~~~~~
في نص الليل حوالي الساعه 2
دخل هشام الحارة وفي ايديها سيجارة حاشيش بيشرب فيها ووصل عمارتهن ودخل وهو بيمسك في السلم بيسند عليه
وكان هيفتح باب شقتهم ويدخل رفع رايه لفوق وطلع
في شقه نصار العطار
خبط الباب وفتحت عيونها دنيا واستغربت: مين هيكون جاي في وقت زي دا
قامت من علي السرير لما سمعت صوت الباب تاني وفتحت
دنيا: هشام
رفع وشه هشام: ايوا هشام
دنيا: انت ايه جايبك دلوقتي وايه الحاله اللي انت فيها دي
هشام كان هيقع مسكته دنيا بسرعه دخلت الشقة وقعدته علي أقرب كرسي:انت كويس
هشام: انا آسف صدقيني انا هتغير يا دنيا بس سامحيني
دنيا: هتتغير انت مش شايف حالتك من الزفت اللي بتشربه
قام هشام وقرب منها: اوعدك هتغير بس انا محتاجك دلوقتي
زقته دنيا: اوعي تفكر مجرد تفكير اني هسمحلك تعمل اللي انت عايزة انا مش زي الزباله اللي تعرفهم
هشام بتحدي: طيب شوفي كلام مين هيمشي علي التاني
وشدها هشام عليه بالقوة وهو بيحاول وهو بيقرب منها...