رواية عانيت لأحبك الجزء الثاني2 الفصل الثالث والاربعون43 الاخير بقلم فاطمه محمود
" رواية عانيت لاحُبك 2 "
صرت انت
" البارت الخاتمة "
" الكاتبة فاطمة محمود "
بعد مرور سنين في فرح وسعادة، إلا أن الحزن أخد في حياتهم وقت كبير من سبب موت محمد وأحمد ونجلاء وزينب وهناء...
الماميز والبنات زعلوا عليهم جدا والشباب كل واحد فيهم كان بيعامل مراته بطريقته الخاصة وهما بيحاولوا يطلعوهم من الزعل
وبعد محاولات كبيرة قدروا الشباب يطلعوا البنات من زعلهم ورجعوا لحياتهم الطبيعية إلا أن يوسف موت هناء أثر عليه جدا ودايما بيخبي دا بس سلمي بيبقا كأنه كتاب مفتوح قدامها وهي كمان جنبه وسنداه...
أما الفرح والسعادة اللي ملوا فيلا العيلة المحببة دي بجد هما حلاوة الدنيا بنسبالهم والفيلا فعلا اتملت وبقيت شايلة أحلا وأجمل 15 أطفال
" زين وحياة " ربنا رزقهم بسليم وبعد سنوات جات كارما نورت حياتهم وحياة بقيت شبه سلمي لما كانت بتغير علي يوسف من غزل بس زين قادر يراضي بنته ومراته في نفس
الوقت
" ايان وغزل " معاهم اياد اللي نسخة من ايان وليل القمر بتاع العيلة ونسخة من غزل زي ما كان ايان بيتمني
" آسر ودانية " الابن الاكبر عدي اللي مجن العيلة كلها وملاك ابنهم التاني اللي عوضهم من الهدوء شويه بعد جنان عدي
" يوسف وفيروز " ابنهم الاكبر عيسي ودايما علاقته هو ويوسف صحاب عكس فكرة الاب وابنه ودا خلي يوسف سعيد جدا
أما ايسل دي واخده من فيروز ومن نغاشة جدها فارس
" فريد وديما " بعد سيلا وسيلين ديما كانت حابة تخلف تاني لكن فريد كان رافض رفض تام وأنه اكتفي ببناته والعيلة كلهم كانت مع قراره
" فهد وداليدا " لحد دلوقتي محدش قدر يعرف آدم دا طالع لمين. سكوته ونظرته وكلامه القليل وشخصيته بيدوله سن اكبر من سنه بكتير لكن مع كل دا هو واخد حاجات كتير من رجالة العيلة...
وتين دلوعة باباها وجدها هادية وآدم طول الوقت عيونه عليها وخوفه بيبان عليه في زعيقه ليها لما تتأذي ومع رغم صغر سنها فاهمه كل حاجة وعمرها ما بتزعل منه وقريبة من مامتها داليدا
" أدهم وليلي " ليلي صممت أن مصطفى هو اللي يسمي الاولاد ومصطفي انبسط جدا من اهتمام ليلي بالموضوع دا بس هو رفض وطلب من ليلي وأدهم اللي يسموا الاولاد عشان ميتحرموش من لحظة زي دي
ومع ذلك كان حابب هو يسمي البنت وليلي وأدهم رحبوا جدا ووافقوا ومصطفي كان مبسوط بيها جدا وحب يسميها غالية ودايما لما يرجع من الشغل يفضل شايلها ولو موجود في البيت بيقضي كل وقته معاها واول ما يتكلم معاها يقولها عارفة انك انتي غالية علي قلبي...
أدهم وليلي سموا الاولاد تيام و امير وهما كانوا اقتراح من ليلي وأدهم حب الاسامي وكان مبسوط بيهم كلهم
واخيرا وليس اخيرا
" يامن ونغم " جابوا بنوته وسموها حور وواخده شقاوة مامتها ودايما عاملة حس للبيت ومعتز فرحان بيها جدا
...
صباح جديد
الساعة سبعه الصبح أشعة الشمس مالية المكان وصوت العصافير اللي بترقرق
جناح زين وحياة
زين نايم علي السرير والمنبه جنبه بيرن بتخرج حياة من الحمام وهي بتنشف شعرها وبتفصل المنبه وبتقف قدام المرايا وبتكمل تنشيف شعرها من المياه وبتسيب الفوطة علي الكنبة وبتروح لزين وبتقعد جنبه علي السرير: زين
يزين اصحي يحبيبي كدا هتتاخر
فتح زين عيونه وبصلها: صباح الخير يحياتي
حياة ابتسمت: صباح الخير يحبيبي
زين قام اتعدل قعد ومسك ايد حياة: كل سنه ونتي طيبة يحبيبتي ودايما تبقي منورة حياتي بيكي
حياة: ونت طيب يروح قلبي
بتفتح كارما باب الجناح وبتدخل واول ما بتشوف حياة بتكلم مع زين وقاعدة في حضنه بتجري بسرعة: بابي بابي
زين بصلها وابتسم: روح بابي بتجري كدا ليه هتقعي
كارما بصت لحياة ورجعت بصت لزين وبعدت حياة عنه وقعدت في حضنه: مقولتليش كل سنه ونتي طيبة يكرومتي زي ما متعوده منك
حياة بصتلها بغيظ: دا جوزي علفكرا
زين كتم ضحكته: كل سنه ونتي طيبة يكرومتي مبسوطه كدا
كارما بزعل: لاا مش مبسوطه عشان انت شكلك نسيتني
زين: معقول زين ينسي حبيبت قلبه كارما معقول
كارما: لا
زين: طيب انتي قولتيها بنفسك اهو وانا لسه صاحي ونتي اللي شكلك نسيتيني ونزلتي تحت
كارما حطت ايديها علي كتف زين: انا انساك يحوبي دا مستحيل انا بس مقدرتش اصحيك ونت نايم وشكلك قمر وقولت بعدين اقولك كل سنه ونت طيب بزينو
زين مسك خدها بايديه: دايما بتعرفي تغلبيني
كارما ضحكت: دا انا بنتك يزينو
حياة: لا كدا كتير انا قايمه احسن
حياة كانت هتقوم بس زين مسك ايديها وقعدت وهي عيونها بعيد وزين بص لكارما وشاور ليها براسه عشان تصالح حياة
كارما ببراءة: انتي زعلتي مني يمامي انا آسفة مش قصدي
حياة بصتلها: انا قولتلك يكارما بطلي حركاتك دي مع زين
كارما وهي لسه مكملة في دور براءتها: هو في ام بتغير من بنتها
حياة: اهو البراءة اللي بتكلمي بيها دي هي اللي هتجنني منك
كارما قامت من حضن زين وقربت من حياة وحضنتها: خلاص حقك عليا متزعليش
وبصت كارما لزين وغمزت ليه وزين حاول يمسك نفسه من الضحك
حياة بتأنيب الضمير من عصبيتها علي كارما: حقك عليا انا يكرومه ازاي بنسي انك بنتي بجد
كارما بعدت عنها وبصتلها: ولا يهمك يمامي
حياة ابتسمت: امال سليم فين يكارما
كارما: مع جدو
زين: طيب انزلي انتي كمان يحبيبتي عند جدو يلاا
كارما: اوك
نزلت كارما من علي السرير وخرجت من الجناح وحياة قامت من علي السرير وزين شدها ليه وقربها منه جامد
حياة بصتله بزعل متصنع وهي عارفه كويس هيصالحها ازاي وبعدت عنه وشدها ليه تاني: ونا عملت ايه يزعلك دلوقتي
حياة: المشكلة معملتش حاجة ونت باباها برضو.. انا هقوم
زين مسك ايديها: انا باباها اها بس ملكك لوحدك
وشدها زين ليه وحياة ابتسمت لأنها كانت مستنية تسمع منه أنه ملكها
...
في ريسبشن الفيلا
الشباب متجمعين وبتدخل كارما جري علي جدها يوسف
يوسف: مش قولتلك بلاش تجري يكارما
كارما: حصل يا جو
يوسف: ولما حصل مبتسمعيش كلام جو ليه
كارما: اعتبرها اخر مره
يوسف: ماشي
كارما بصت للشباب: كل سنه ونتو طيبين ودايما مزز كدا
الشباب ضحكوا علي كلامها اللي نسخة من حياة واتكلموا كلهم في صوت واحد: ونتي طيبة يكرومه
سيف: تعال بقا عندي شويه
كارما بعدت عن يوسف وقربت من سيف وحضنت رقابته بدراعتها الصغيرين واتكلمت بهمس مسموع: اتخنقت انت وشهودة وعايزني اصالح ما بينكم ولا ايه يا سيفو
سيف ضحك اوي علي كارما والشباب ضحكوا معاه لأنهم سمعوا كلامها واخدها سيف في حضنه: لا مفيش حاجه حصلت يكرومه
كارما: بس اول ما تحصل حاجه تبلغني علطول عشان الحق الدنيا اتفقنا
سيف ضحك بخفة: اتفقنا
كارما: هو عدي فين
مالك: "كان هنا من شويه واختفي فجأة
كارما: طول عمره كدا انا هروح اشوفه فين
وطلعت كارما تجري
يوسف: كارما
وقفت كارما وبصت ليوسف: سوري يا جدو
يوسف ابتسم ومشيت كارما
فارس: كارما دي عندها دماغ محصلتش في العيلة دي ابدا
مالك: وهي حفيدته مين
سيف بفخر: انا
الشباب ضحكوا علي سيف
عمر: هو محدش نازل ليه من الشباب شكلنا مش هنلحق الصلاه ولا حاجة
مصطفى: دلوقتي ينزلوا
...
في جناح آسر ودانية
كان واقف آسر قدام المرايا بيظبط شعره...
وبتخرج دانية من الحمام ولابسة دريس باللون الازرق وبتعدل شعرها
آسر اول مشافها مشلش عيونه من عليها في انعكاسها
علي المرايا وقطع نظراته دخول عدي
عدي: بابا انا بقالي كام يوم في سؤال شاغل دماغي
آسر بصله ورجع بص في المرايا: طيب قول صباح الخير
الاول يابني
عدي: خلينا في المهم دلوقتي يا آسر
آسر: معلش يا استاذ عدي قطاعتك قول اللي شاغلك
عدي: هو انا جيت ازاي وليه وامتي حصل الموضوع دا
آسر بعد عن المرايا وبص لدانية اللي بتكتم ضحكتها
ورجع بص لـ عدي بتركيز: ونت مالك بالكلام دا
عدي رفع أكتافه: مالي ازاي دا الموضوع يخصني انا بس
آسر: امم طيب بص انا هجاوبك علي سؤال ليه عشان هو
دا اللي متاكد من اجابتك
عدي: اتفضل قول
آسر: ونا في سنك كنت زيك كدا بالظبط ويمكن اكتر منك
بشوية فـ ربنا ابتلاني بيك عشان اشوف المعاناة اللي كنت
عاملها لاهلي وصلت ليك
عدي: هي وجة نظر برضو بس عاوزه اعرف ازاي وامتي
آسر مسك عدي من هدومه: بقولك ايه انت شقاوتك زايده
النهاردة حبتين اهدي علي نفسك شويه
عدي مسك ايد آسر: ليه قلة القيمة دي طيب لو حد شافني
من العيال هيقول عليا ايه
قربت منهم دانية وبعدت آسر عن عدي: سيبة يا آسر حرام
عليك
عدي: اهو هو كدا علطول اجي اتكلم معاه لازم يقلل مني
آسر: ما انت لو بتسال اساله لسنك دا مش هيحصل قلة القيمة ليك..
بس هقولك ايه لما تكبر انت هتعرف لوحدك اللي عايز
تعرفه
عدي غمز لآسر: طيب ما تقول كدا من الاول ونا هفهم
آسر فتح عيونه بصدمه: تفهم ايه ياض
آسر لسه هيمسكه تاني دانية وقفت في وشه وعدي مسك
في دانية
دانية: خلاص يا آسر طفل وبيقول اي كلام
آسر بص لدانية: دا طفل
عدي: هدي نفسك يا آسر
آسر: انا مش ههدي غير لما اجيبك في أيدي
عدي رقص لآسر: طيب انا هخرج ونت هتهدي لما تديلها
القطرة
وخرج من الجناح ودانية فضلت تضحك وحطيت ايديها
علي كتف آسر وفضل يبصلها وابتسم عليها وفجاه قرب
منها وباس خدها
دانية ضربته: هو في ايه
آسر: انتي اللي النهاردة في ايه... شكلي مش هعرف اسيطر
علي نفسي قدام حلاوة جنابك
دانية ابتسمت: لا والله
آسر شدها ليها وقرب منها: كل سنه ونتي مجنني بيكي
ومخلياني مش عارف اشوف غيرك ودايما ملهوف عليكي
دانية ابتسمت: هتقولي نفس الكلام الحلو دا كمان سنين
جايه
آسر: كل السنين لحد ما نعجز سوا
دانية ضحكت وآسر بص لشفايفها ولسه هيقرب
دانية حطيت ايديها علي بوقة: لا عشان نبقا متفقين كل بوسة بألف جنية عشان منتختلفش
آسر: ونا محفظتي كلها تحت امرك بس متمنعنيش من حاجة
وقرب باسها تاني..
...
بيخرج ايان من الحمام وبيبص لغزل اللي قاعده علي السرير وضهرها لي
بيقرب منها وبيقف جنبها بيحط ايديها علي كتفها وبيحضنها
لسه هيتكلم بترفع غزل وشها ودموعها نازله
ايان اتكلم بصوت كله قلق: مالك يحبييتي بتعيطي ليه
غزل رفعت السلسة في وش ايان: السلسة اتقطعت
ايان تنهد: كل العياط دا عشان السلسة دي
غزل نزلت وشها وهزت راسها: دي السلسة اللي جيتها ليا
ونا بحبها اوي وقعت مني بالغلط مش هعرف البسها تاني
يا ايان
قعد جنبها ومسك ايديها: فداكي الف سلسة يروح قلب ايان
غزل بصتله بزعل ورجعت بصت قدامها: بس انا زعلانه عليها بجد دي كانت أول سلسلة تجبها ليا اول حاجة تكون منك
ايان قام من جنبها وغزل بصتله باستغراب وفجاه دموعها
نزلت: حتي انت زهقت من كلامي يا ايان
ايان وقف بصدمه ومشي من قدامها وفتح جرد الكومودينو
وطلع علبة صغيره ورجع قعد جنب غزل اللي رفعت رجليها
ودافنه راسها فيها
ايان حط ايديها علي كتفها: ممكن تبطلي عياط واديني فرصة اتكلم شويه
غزل: لا متكلمش معايا تاني
ايان: غزل
رفع ايان وشها لي وغزل بصتله ومسك العلبة وفتحها
وقرب من غزل وحاوط رقابتها ولبسها سلسلة
غزل وهي مستنيه تفهم اي حاجه منه: انت بتعمل ايه
ايان بعد عنها وبص لسلسة وابتسم: شكلها حلو عليكي
غزل بصت لسلسة ومسكتها بايديها ورجعت بصتلة بفرحة
كبيره ودموعها اختفيت في ثواني: امتي جبتها
ايان: من يومين اول ما شوفتها قولت مش هتبقا لايقه
غير علي حبيبتي غزل
غزل: حلوة اوي يا ايان متحرمش منك
ايان قرب منها وحضنها وغزل حضنته بحب وباس ايان
رقابته غزل: كل سنه ونتي معايا يروحي
غزل: كل سنه وانا بحبك اكتر يا ايان
ودخل اياد الجناح واول ما حسيت غزل بعدت ايان عنها
بسرعة
ايان بنرفزة بص لاياد اللي واقف وعيونه عليهم: انت ازاي
تدخل كدا يا متخلف
اياد: انا آسف يا بابا مقصدش.. انا هخرج
ايان: تعال يا حبيبي
اياد مشي تجاه ايان وغزل وقعد وسطهم
ايان: متزعلش مني يا اياد بس يا حبيبي مينفعش تدخل
كدا فجاه ممكن نكون انا و
ايان سكت لانه مش عارف يشرحله واياد كان باصصله بتركيز
ايان: المهم تستاذن الاول تمام
اياد: تمام
بتدخل ليل وبيبصلها ايان بابتسامة وبيقوم يروحلها وبيشيلها
ايان: مزتي كانت فين
ليل: كنت تحت مع البنات
ايان: ماشي يروحي
باسخا ايان ليل من خدها وبينزلها بتحضن غزل اياد وبتروح
ليل وبتاخدها غزل في حضنها
ابتسم ايان علي بنته ومراته وابنه وبيدخل اوضه الدرسنج روم يلبس هدومه
...
نايم ادهم علي سريره بعمق وواقفه ليلي واولادها وباصين
عليه
ليلي: طيب وبعدين ايه مقررناش هنصحيه باي طريقة من
اللي قولتوها
غالية: انا قولتلك يماما نجيب مياه ونكبها عليه
امير: وليه منجبش بلونة ونفرقعها
بصت ليلي لأمير: ونت مفيش عندك فكر يا امير
امير بتفكير: انا بقول نفرقع صورايخ هتبقا جامده اوي
ليلي بحماس: هي حلوه بس حرام ادهم كدا هيقطع الخلف
غالية: انت حنيت ولا ايه يماما
تيام: طيب خلاص بلاش نعمل اي حاجه
ليلي: خد هنا رايح فين ما احنا لازم نصحيه.. هات الصواريخ
يا امير
امير: ماشي
جري امير يجيب الصواريخ
غالية: هو مش لسه من شويه صعب عليكي
ليلي: بس فكره جديده ونا لازم اجربها مع ادهم
رجع امير ومعاه صواريخ وولعه: الصواريخ اهي
ليلي اخدتهم منه: هات.. ارجعوا لورا
رجعوا وليلي ولعت تلت صواريخ ورمتهم علي السرير
جنب ادهم وفرقعوا...
ادهم من خضته قام من علي السرير وهو بيجري وليلي
وامير وتيام وغالية ماتوا علي نفسهم من الضحك
وقف ادهم لما سمع صوتهم وبصلهم وقعد علي الارض
وهو بيتنفس: حرام عليكم في حد يصحي حد كدا لا
وكمان عصابة مع بعض ما في حد حنين شويه عليا
قريت ليلي منه هي والاولاد وقعدوا حواليه
امير وتيام وغالية: كل سنه ونت طيب يبابا
ادهم: ونتو طيبين
تيام: انت زعلت مننا يا دومه
غالية: احنا بس بنهزر معاك يا حبيبي
امير: وزي ما متعودين نعمل مقالب فيك والنهارده كمان
العيد حبينا نعمل حاجه مختلفة مع اجمل بابا في الدنيا
ادهم: هي فكرة مين المره دي
تيام ضحك: انا بس ماما اللي نفذت
ادهم ابتسم: هاتوا حضن لبابا
قربوا منه وحضنوا وثواني وبعدوا عنه
امير: قوم غير هدومك يلاا
غالية: عشان عايزين ننبسط النهاردة
ادهم: حاضر
قاموا امير وتيام وغالية وخرجوا من الجناح
ادهم بص لـ ليلي اللي عيونها علية ومسك ايديها وشدها
لحضنه: ماما اللي نفذت
ليلي ضحكت: بس حلوه صح
ادهم ابتسم وهز رأسه: حلوه
ليلي مسكت وشه بين ايديها: كل سنه ونت طيب يدومي
ودايما معانا ونجرب فيك المقالب
ادهم شدد ايديه علي وسطها: ونتي طيبه يا لولي وتفضلوا
حواليا ومالين حياتي انتي والأولاد
ليلي: يارب يا حبيبي
...
في ريسبشن جناح فريد
قاعدة سيلين وحاطة ايديها على خدها وسيلا جنبها
سيلا: انتي هتفضلي قاعدة كتير مش قولتي امبارح هنزل بدري بكرا
سيلين: اعمل ايه ما انا لو طلعت هلاقيه في وشي وهيفضل يقولي اعمل ايه ومعملش ايه ومش هنخلص
سيلا: انتي بتخافي من آدم يا سيلين
سيلين بتصنع بشجاعة: لا طبعا أنا مبخافش منه انتي عارفه اني مبحبش اعمل مشاكل بس معاه
سيلا: عارفه اكيد
سيلين: مش مصدقاني ولا ايه
سيلا: لا بصراحه عشان انتي بتخافي بجد من آدم
سيلين: قولتلك ما بخافش يا سيلا وبعدين انا اختك صدقيني وبطلي تيجي مع أستاذ آدم
سيلا: انا مش باجي مع آدم انا بس بقولك الحقيقة
سيلين: هو انا هلاقيها من اللوح دا ولا منك يا فليسوفة
زمانك
سيلا: انا هسكت
سيلين: ياريت وسبيني اعرف هطلع ازاي من غير ما اشوفه
...
في نفس الجناح على ناحية اوضة النوم
واقف فريد وعيونه على ديما اللي قاعدة على السرير بزعل
فريد: ديما يلا عشان منتاخرش
ديما: انزل انت
فريد: هو ايه اللي انزل هنزل من غيرك يعني
ديما: اها انزل يا فريد عادي
غمض فريد عيونه بتعب واتكلم بهمس: استغفر الله العظيم
ديما بصتله ووقفت قصاده: مبقتش طايقني خلاص
فريد مسكها من أكتافها: ليه عايزه تعملي مشكلة ومفيش حاجة اصلا
ديما بعدت عنه وادتله ضهرها: لا انا مبعملش حاجة
فريد: كل دا عشان اتاخرت شوية امبارح
ديما: اها يا فريد لو انا فارقة معاك كنت رجعت وقضيت شوية وقت معايا بس للاسف ولا فارقة انا ولا حتي بناتك
الظاهر محتاج اني ابعد عنك عشان تحس بوجودي عن كدا
شد فريد ديما بضيق وبصلها بعصبية في عنيها: انتي مجنونه ولا مبقاش عندك عقل عشان اتاخرت عنك وانشغلت اليومين اللي فاتوا دول عايزه تعاقبيني ببعدك عني دا انا اروح فيها لو حصلت تاني
ديما كانت مركزة مع شكله اللي متعصب وفجأة اتحول لشخص مجنون لفكرة البعد عن حبيبته
حطت ايديها على رقابته وحضنته.. فريد اتنفس بضيق وحط ايديه على ضهرها وحضنها
ديما: انا آسفة مش عارفة قولت كدا ازاي مبقتش بفكر في الكلام قبل ما اقوله
فريد: ولا يهمك
بعدت ديما عنه وبصتله بابتسامة: متزعلش مني
فريد: مقدرش ازعل من دمدومتي
ديما: كل سنه واحنا مع بعض وقرفاك ومطلعه عينك ومعصباك من استفزازي وبرودي
فريد ضحك: كل دا يا مفترية
ديما: وكل سنه وانا بحبك
فريد بحب: كل سنه ونا بحبك اكتر
ديما: لا انا اكتر
فريد: لو فضلتي تقول من دلوقتي لحد بكرا هفضل انا بحبك اكتر
ديما: اهم حاجة بتحبني يفريدي
فريد: اكيد
مسكت ديما ايديه: يلا بينا ننزل
فريد: يلا
خرجوا وايديهم في ايد بعض وشافوا سيلين وسيلا قاعدين
فريد: انتو قاعدين هنا يحبايبي
سيلا: ايوا يا بابا
ديما: منزلتوش ليه ومالك يا سيلين
سيلين: مفيش يا ماما انا كويسه
فريد: طيب بيتا ننزل كلنا سوا
وخرجوا من الجناح
...
في جناح فهد وداليدا
فهد بياخد الفون بتاعه من على الترابيزة وداليدا بتقرب منه وبتعدله لايقة قميصه وحطت ايديها على كتفه وبصتله...
فهد ابتسم وقرب منها باس راسها بحب ورجع بص في عيونها: كل عيد ونتي عيدي
داليدا ابتسمت: كل عيد ونت سندي
بيتدخل وتين وبتلف بفستانها: ايه رايك يا بابا
بيبتسم فهد وبينزل لمستواها وبيمسك ايديها الصغننة: تجنني يا وتين
وتين ضحكت بطفولية وفهد شالها ووقف ومسك ايد داليدا وبصلها: معايا اتنين قمرات
داليدا ووتين باسوا فهد من خده وابتسم عليهم: ايه الدلع دا كله
وتين: انت كمان شكلك حلو النهاردة يا بابا
فهد: حبيبت بابا انتي
وخرجوا من الجناح ونزلوا لتحت
...
في المطبخ الماميز بيحضروا الاكل سوا والبنات بيدخلوا
شهد: دخلتكم مطمنش خالص
ديما: ليه بس يشهودة
نور: كنتوا فين كل دا
فيروز: مينفعش نقول طبعا
مريم: يبقا في مصيبة هتحصل
ليلي: هتبقا احلا مصيبة يمريومه
سلمي: وهتعملوا ايه المرادي يمجانين
حياة: حاجة حلوه والله يسلومه متقلقيش
آيه: بس احنا قلقانين بصراحه وحاسين كدا اليوم دا مش
هيعدي علي خير
دانية: هو هيبقا احلا يوم بنسبالكم علفكرا
ملك: ليه يعني هيحصل ايه
داليدا: اصبري يماما شويه
اسما: علي الاقل نعرف نتصرف من دلوقتي
غزل: انت رايك أننا هنعمل حاجة مش حلوه يا سوسو
اسما: انتي متعرفيش تعملي حاجة يروحي عما بس المجانين دول
ليلي: كدا يا سوسو ماشي
اسما: بس والله مهما كانت الحاجة بننبسط انتو احلا حاجة
اصلا
حياة: يروحي انتي ونتو كمان بجد احلا حاجة واحلا مننا عموما
سلمي: ربنا يديم لمتنا ونفضل كدا علطول سوا علي الحلوه
وعلي المره
البنات: امين يارب
...
خرجوا الشباب من الجامع بعد صلاة العيد وكانوا بيعيدوا علي الناس
ومن جنب تاني واقفين العيال وعدي بيبص حواليه ورجع بص للعيال: لو حد منكم قال لكارما بجد هيحصل زعل كبير
تيام: انك عمال تبص علي البنات من اول ما جينا
عدي: انا ابص ومعايا القمر كله الحكايه وما فيها يجدع اني بقيم الاوتفيتات
سليم: انت كدا اقنعتنا يعني
عدي: سليم متتحمقش اوي انا عارف انها اختك بس انا كمان ابن عمك يعني اخوك.. اوعدني مش هقول ليها حاجه
وكمل كلامه بخوف: كارما لو عرفت مش هتعديها معايا واحتمال متكلمش معايا اسبوع
سليم: صعبت عليا خلاص اوعدك
عدي: حبيبي يا سمسم ونت كمان اوعدوني مفيش حاجه هتطلع من الكلام دا
اياد: خلاص يا عدي اعتبره حصل
عدي: ارهالكم في الافراح يرجالة
ورجع يبص عدي علي البنات ويبتسم ليهم ويغمز والبنت تضحك
عدي: خلاص هتحلو
زين: هي هتحلو فعلا
عدي بص لزين: ععمو زين
زين: مالك اتوترت كدا ليه
عدي: لا مفيش حاجه
زين: بتعاكس البنات يعدي
عدي: انا يا عمو بتاع الكلام دا طيب اسال ملاك وهو يرد عليك
زين: لا بتلعب صح عايزني اسال ملاك عشان عارف أنه هيكدب عشانك
عدي: مع أن فكرتك غلط عن ملاك دا طول عمره بيقول الحقيقة دا ملاك فعلا
زين: والله ما هترتاح غير انا تبوظه وتاخد برائتة يعدي
عدي: عيب كدا يحمايا
زين: حماك اها ماشي يعريس عالعموم متلعبش بديلك كتير
عشان البت بتقفش بسرعة
عدي: ونا اقدر ازعل روح قلبي
زين: طيب اتلم ياض مش عايز اعملك حاجه النهاردة
بيقرب منهم آسر والشباب
آسر: في ايه عمل ايه تاني
زين: ياعم دا عمال يحب في بنتي قدامي
آسر: بسيطة انا افتكرته عمل حاجة تانية
زين: بسيطة هو انت عايزه يعمل ايه تاني
آسر: في ايه يزين احنا مش اتفقنا كارما لعدي
يوسف: ليه كدا هتوقف حال البنت يمكن يجيلها الاحسن
آسر: لا يا يوسف اطلع منها انت خالص وعموما مفيش احسن
من عدي صح يزين
زين: هو ايه الهبل اللي بنتكلم فيه دا ياعم انت وهو يلا بينا
احسن
ايان: معلش يزين شغل عيال ومسيرهم يكبروا يغيروا رأيهم
الاتنين
عدي: والله ما حد هيتجوزها غيري ولا هتحب من بعدي
فريد: براحه علي صدرك يلاا ليولع من العصبية
آسر: طيب والله ما مزعلك
زين: لا انا مش موافق وفر مجهودك اللي بتعمله
عدي: انا لسه معملتش مجهود ياعم بس اوعدك هيحصل
زين مسك عدي من هدومه ورفعه لي: قصدك ايه بالكلام دا
آسر مسكه منه ونزله وبص لزين وضحك: ما انت تمسك لسانك شويه كدا هو سافل لوحده
فهد: طالع لابوه
ادهم: لا الواد فاهم اكتر مني ومنك يزين انصحك يعني تبعد كارما عنه بسرعة
آسر ضحك: طيب اتلم يا ادهم ومتكترهمش
يوسف الكبير من بعيد: يلا بشباب واقفين عندكم ليه
آسر: جاين ياعم.. يلا بينا يشباب
مشيوا الشباب وركبوا العربيات واتحركوا
عد من الوقت والشباب وصلوا الفيلا ونزل عدي بسرعة
ودخل يجري
مراد بصله: ماله عدي بيجري كدا ليه
آسر ضحك: هيطمن علي المزه بتاعته
ضحك مراد عليه ودخلوا كلهم ودخلوا الفيلا
دخل المطبخ عدي وبص لمامته: دودو كارما فين
دانية: في الجنينة مع البنات
عدي: ماشي
حياة: ايه انبسطوا يا حبيبي
عدي: اوي يحياتي كان نفسي تكون معايا كارما بس طبعا أنا
مكنتش هوافق عشان بغير عليها
حياة: يسلام
آية: لا طبعا متخرجش طول ما انت مش موافق
عدي: دا اكيد يتوتا مش محتاجة كلام
ضحكوا البنات وخرج عدي ووراه البنات وفيروز غسلت ايديها وباس في تلفونها وخارجه من المطبخ وفجاه خبطت
في حاجه وكانت هتقع يوسف مسكها قبل ما تقع
فيروز بصتله وهي بتتنفس بسرعة: خضتني يا يوسف
يوسف: حضرتك اللي مركزه في الفون ومش باصه قدامك
ولو مكنتش موجود كنت هتقعي
فيروز: ما هو وجودك اللي كان هيوقعني اصلا
يوسف: امشي يعني
فيروز: لا
ابتسم يوسف وشدها ليه وسند رأسه علي راسها: كل سنه
ونتي اجمل حاجة حصلت في عمري وندمان جدا علي الفتره
اللي بعدنا فيها عن بعض عشان انا مقدرش اكمل حياتي من
غيرك
فيروز: الفترة دي علمتنا حاجات كتير يا يوسف يمكن محدش فينا كان هيعرفها الحمدلله رجعنا سوا تاني وبقا عندنا حياتنا
واولادنا كمان
يوسف: ربنا يخليكم ليا ودايما اشوفكم مبسوطين
فيروز: احنا هننبسط بالعدية انت بس روق علينا ومالكش
دعوة بحاجة تانيه
يوسف ضحك: عيوني يروز
فيروز: بهزر معاك انت العيد والعيدية يحبيبي انا
يوسف: ايه الحلاوة دي هو في زوجه قمر كدا
فيروز: مفيش غيرك روز وبس
يوسف: اكيد
فيروز: بس انا مش متنازلة عن العيدية كمان
يوسف ضحك: حاضر ياستي موافق
في جنينة الفيلا رجاله البيت والماميز والشباب والبنات
والعيال كلهم متجمعين
حياة: عشان العيد يبقا مميز زي كل سنه احنا اتفقنا انا والبنات
سيف: اوعي تكون حاجه مجنونه زي المره اللي فاتت
حياة: لا متقلقش يا سيفو لذيذه خالص وبذات انت هتحبها
دانية: طيب ايه متحمسين تعرفوا
مالك: جدا بصراحه
ديما: حابين نسمع من كل واحد في رجالة العيله القمرات دول
فيروز: توصفوا لينا حبكم ليهم في كلمتين حلوين كدا
فارس: كلمتين ازاي يا فيروز نور دي عايزه نشرة الأخبار التاسعه
نور: والله
فارس: دا غزل فيكي يا حبيبتي الكلام عنك كتير اوي
سيف: كداب دا هو بس لحق نفسه
فارس: اسلك شويه يا سيف في حياتك
سيف: دي الحاجة الوحيدة اللي مش هتحصل
شهد ضحكت: اسكت شويه طيب
سيف: حاضر يعيوني
داليدا: نرجع لموضوعنا يجماعة يلا كل واحد فيكم
يتكلم عن حبه لحبيبته وازاي حبها
مصطفى: لا انا بتكسف يا بنات مش هعرف اقول حاجة
غالية: ايه دا يا صافي ازعل منك والله
مصطفى باس خد غالية اللي قاعده علي رجله : مقدرش
علي زعلك انتي
غالية: حبيبي يا صافي
ادهم: شايفة يا ماما مش عايزه يقولك حاجة ولما طلبت منه حبيبت قلبه وافق علطول
اسما بصت لمصطفى: شايفة
مصطفى: بقا هتصدقي واد ملزق زي دا
اسما: ما هو كلامه صح
مصطفى: تمام
غزل: بابا ابدا انت
يوسف بص لسلمي وهي بصتله بتركيز وهي مستنية تسمع
هيقول ايه ويوسف سكوته طال
سلمي حسيت أنه مش عارف فـ اتكلمت: خلاص يبنات غيرو
فكرتكم
يوسف: من اول مره شوفتها كان عندي احساس اني هشوفها
تاني مش عارف ليه مع اني ولا كنت اعرفها ولا اي حاجة تأكدلي احساسي دا بس يمكن خطفت قلبي من اول لقاء بنا
وهي كانت خناقة بصراحة بس من بعدها عرفت معاها يعني ايه حب وخوف كل حاجة حسيتها معاه كانت بشكل مختلف حبيت كل تربطني بيها حتي لو وجع كنت مبسوط بيه...
سلمي كانت مش عارفه تعبر عن فرحتها من جمال كلام
يوسف
غزل ابتسمت: كل الحب دا لسلومه
يوسف وعيونه علي سلمي: مفيش في قلبي غيرها
سلمي نزلت راسها بكسوف ويوسف ابتسم عليها
زين: تستاهل ميكونش في غيرها
سلمي بصتله وابتسمت
آسر: لا ابهرتنا يا جو دورك يا مالك عزالدين
مالك ابتسم بخفة: وقعت في غرامها من غير ما اعرف كنت
ببقا اسعد واحد أما بس اشوفها من بعيد كانت سعادتها اهم
حاجة بنسبالي حتي وهي بعيده عني كنت بتمناها يمكن كان
مفيش امل أننا نبقا سوا بس انا مستسلمتش وفضلت احارب
نفسي عشانها
ايان: ردي بقا يتوتا الكلام فوق قمه الجمال
آيه اختصرت كل حاجة جواها: مندمتش اني اخترتك في
يوم من الايام
آسر: ايوا بقا يا توتا يا جمدانك
آيه ضحكت ومالك كان عيونه عليها بحب
ديما: بيسو انت اكيد عارف دا جزء من ذكرياتك الجميلة مع ماما
فارس بص لنور وضيق عيونه ونور كتمت ضحكتها ورفعت
كتافها
فارس: انتي عارفه الدلع دا مامتك طلعته عليا وآسر ماسكه عليا لحد دلوقتي
ديما ضحكت: عارفه طبعا
سيف: وهفضل ماسكه عليك يا فارس طول العمر
فارس: اتفضلي اهو
يوسف: بس اكيد دلع حلو طول ما ماما اللي قالته
نور باست يوسف في الهوا ويوسف بعتلها بوسه
فارس بغيرة : حلاوتك انت ومامتك
العيلة ضحكت علي غيره فارس اللي ظاهره
فارس: حياتي كانت عادية ما بين الشغل وعيلتي وكنت
مقرر هركز في شغلي وبس وهي ظهرت في حياتي صدفة
بس انا اللي كنت فاكر أنها صدفة وهي كانت بداية الجزء
الحلو في حياتي ما اخدتش وقت كتير وروحتلها بسرعة
واعترفت ليها بمشاعري كنت عايزها تبقا معايا في اقرب
وقت.. حصل مشاكل طبعا زي اي علاقة بس الرابط اللي
بنا كان اقوي من كل حاجة مرينا بيها
ديما: بجد ايه الحلاوة دي يا بيسو
فارس: دا أقل ما عندي تجاها هي حاجة كبيرة في حياتي
جدا
سيلين: انا ينفع لما اكبر اتحب كدا يا جدو
فارس: واكتر كمان يروح جدو انا متاكد
نور كانت بتبص لفارس وفي دموع في عينها من كلامه
عليها فارس بصلها ومسك ايديها واتكلم بهمس: امسحي
دموعك
نور هزت راسها بابتسامة
حياة: سيفو هتشرفنا ولا هنخيب
سيف: لا عيب
حياة: انا متاكده طبعا يلا بقا
سيف: انا بقا كسيف كنت خاربها بالمعني بس طبعا كنت زي اي شاب بتمني احب وتحب واعيش قصه حب جميلة...
بس ربنا كان كاتبلي حاجة اجمل من كل اللي كنت أنا عايزة
يمكن عشان كدا شوفتها متأخر عشان كبيرة عليا تستاهل كل
حاجة حلوة في الدنيا دي كانت سند وحضن وبيت واهلي
عمرها ما قصرت معايا في حاجة يمكن عشان كدا انا بعشقها
لدرجة دي وهي تتحب من كل النواحي.. بس هي حبيبتة
سيف الدسوقي وملكة
فريد بص لمامته وفرحتها كانت باينة بجد وابتسم: ربنا يخليكم لبعض
حياة بصيت لشهد: دي شوشو بتكسف
شهد بصتلها
وسيف عيونه علي شهد: اسكتي يحياة وبلاش تدايقيها
حياة: حاضر
عدي: يلا يمارو اوصف الكريمة اللي جنبك دي
مراد بص لآسر: كريمة
آسر ضحك: حفيدك واستحمله
ضحكت ملك ومراد بصلها: خطفتني ضحكتها
ملك بصتله باستغراب
مراد: زي ما بقولك كدا اول مره شوفتك وشوفتك ضحكتك
وقعت واخدتي قلبي وعقلي مني مسبتليش حاجة ابدا الدنيا
كانت عايزه تفرقنا بس محدش يعرف انك نصيبي وهاخدك يعني هاخدك مصدقتش نفسي اول ما بقيتي مراتي كانت فاكر أنها بدايات لسه وهتغير بعد الجواز زي اي راجل...
فكرتي كانت غلط لاني لحد دلوقتي كانك بنسبالي بدايات
ببقا مبسوط وملهوف اشوفك وكل حاجة كنت بحسها مكمله
معايا
وتين: من حقها تحبك يا مارو
مراد ضحك ومسك ايد وتين وباسها
ملك: بغير لو سمحت
العيلة ضحكت وآسر بص لملك: احنا هنشيل وتين خالص
يعمتو انتي بس حبي في مارو كويس
دانية بهمس: طيب اتلم شوية
آسر: يابت اسكتي انتي
وتين: ماشي ياعمو آسر
آسر: زعلتي مني يقلب عمو دا انا هاخدك للواد
فريد: هو انت ابنك دا هتاخد لي مين ولا مين
آسر: ما انا هخليه العمده واجوزه اربعه
فهد: بنتي مش هتكون منهم عشان تبقا عارف
آسر: انت تطول ياعم اصلا
فهد: لا مش عايز اطول
آسر: مالكش في الطيب نصيب
دانية: انت كدا هتوقف حال ابني
ادهم ضحك: لا متقلقيش لسه شغال
فيروز: طيب نسمع عموري
يوسف: نسمع سمعنا يحمايا
عمر ابتسم: كنت أفضل واقف بعيد اراقيبها ومركز مع كل تفاصيلها كل يوم علي الحال دا وعمري ما زهقت للاسف هي
كانت لماحة شويه واخدت بالها بس كانت مستنية مني اتكلم
ونا طبعا الكسوف كان مموتني مش عارف ليه والله بتحصل
عادي شاب بيعجب بي بنت وبيتكلم معاها يمكن انا كنت شايفها مش زي اي بنت عرفتها كلامها اسلوبها مختلفة بكل
تفاصيلها وعشان كدا قدرت تخطف قلب عمر الرواي بجلاله
قدره
مريم: كنت شايفها يا عمر
عمر: والله وليه شايفك ومش هشوف انا كفيف في حبك
اصلا
مريم ابتسمت وسكتت
فيروز: ايوا ياسيدي
عيسي: كفيف ازاي يا جدو
عمر: دي المبالغة اللي بتحبها التيتا يا حبيبي هتكبر وهتقول اكتر من كدا
ضحكت العيلة وكلهم بصوا لمصطفى
مصطفى: انا هتكلم طبعا بس متبصوليش كدا
ليلي: حاضر يصافي يلا قول
مصطفى سند رأسه علي غالية وبص لاسما: مقابلتنا كانت اغرب مقابلة ممكن تسمعوها في حياتك احنا اتقابلنا في
وسط خناقة ما يعلم بيها الا ربنا انا وقتها كنت مصطفى
واحد تاني خالص هي اصلا كانت جاية تدرب في المستشفى ومش في دماغها حاجة خالص عجبتني شخصيتها كلامها
وانها البنت الوحيد اللي اتكلمت معايا بطريقة مش حلوه
ونا حلفت أنها هتكون ليا أو مش هتبقا لحد غيري برضو
وهي كانت عايشه دور المستعبطة ومش في دماغها اي
حاجة بس انا قفشتها زي ما قافشة دلوقتي وهي مدايقة
اسما بصتله بطرف عين والعيلة ضحكت
غالية: هي زعلانه منك يصافي
مصطفى: طيب نعمل ايه دلوقتي بقا
غالية: تصالحها قدامنا
مصطفى: صعبتيها عليا كدا بس موافق.. احم حقك علي
قلبي يا ساكنة قلبي انتي عارفه يا اسما اني مبعرفش اقول
كلام زي دا
اسما: فيها ايه ما انت اتكلمت اهو
مصطفى: معاكي حق تزعلي بصراحه بس انا آسف وعارف
انك مش هتزعلي مني.. نسيت اقولكم أنها كانت احن حد
عليا وغيرتني من جوايا قبل اي حاجة بجد شكرا لأنها دخلت
حياتي وجودها فرق جدا
تيام: سامحية بقا يا تيتا دا بيقدملك اجمل اعتذار
اسما ابتسمت لتيام وبصت لمصطفى بنص عين وضحكت
دخلت العيلة كلها الفيلا والماميز والبنات حضروا الاكل سوا
والعيال قاعدين في التراس
بيدخل عدي لكارما وبيقف جنبها: كرمتي
كارما بصتله
عدي: انتي زعلانه مني ولا ايه مش بتكلمي معايا
كارما: انت عارف عملت ايه
عدي: هو حد قالك
كارما: اها يبقا اللي في دماغي صح
عدي: صح ايه وغلط ايه انتي بتفكري باية
كارما: انا محدش قالي حاجة بس كنت متأكدة انك هتعمل كدا وتمام يا عدي
خرجت كارما وعدي وقف بزعل: كارما
بص للبنات: حد يتكلم معاها
سيلين: مشكلتك وتحلها يا استاذ
ايسل: مش قد العب بتلعب بديلك ليه
عدي: انا همشي احسن
خرج عدي وراح لشباب
دخلوا الفيلا معتز ويامن ونغم وبنتهم حور عيسي ابتسم
وراح اخدها من نغم ومسك ايديها
يامن: خد بالك منها
عيسي: متقلقش ياعم
نغم: حبيبي دي هطلع عينك والله
عيسي: انا هعرف اتعامل معاها
معتز: يبقا كدا احنا مطمنين
ابتسموا الشباب وقاموا سلموا على معتز ويامن ونغم دخلت
المطبخ للبنات
يوسف: اتاخرت كل دا ليه
معتز: علي ما حور جهزت نفسها
سيف: حور دي شكلها هي اللي ممشية البيت يزوز
معتز: معنديش مانع
يامن: علي قلبة زي العسل بيموت فيها
معتز: اعز الولد ولد الولد
مصطفى: معاك حق يا معتز
فارس: طيب تعالوا نقعد
قعدوا الشباب وفضلوا يتكلموا
...
البنات كانوا بيخرجوا الاكل علي السفره ونغم معاهم
ديما: احنا مش قولنا عايزين نبقا سوا من اول اليوم يا ست
نغم
نغم: الهانم حور اللي اخرتني اتحاسبي معاها انا ماليش دعوه
فيروز: المهم متاخرتيش كتير عشان بجد كانت نقصاكي
نغم: جيت ليكم اهو وهنخربها
دانية: لسه هتعملوا اللي اتفقتوا عليه
حياة: انتي غيرتي رايك ولا ايه يدانية
دانية: لا مغيرتش بس هي الفكرة مناسبة يعني
ليلي: دا لازم يحصل انا مستنية اليوم دا من زمان
بيدخلوا الماميز وبتتكلم شهد: هتعملوا ايه تاني
داليدا: هتعملوا ايه يا بنات قولوا يلا
حياة: ولا حاجة يداليدا اسكتي
آيه: انا عارفة انكم مش هتعدواها علي خير
نور: طيب انا هطلت لشباب ابلغهم الاكل جاهز
خرجت نور ووقفوا الماميز سوا وقربت حياة من داليدا
واتكلمت بهمس سمعوا البنات: عارفه يداليدا لو نطقتي
بحاجة هولعي فيكي
داليدا: كدا ماشي طيب هقول
بيدخلوا الشباب وبيقعدوا علي السفره
آسر: اوعي يا حياة تكوني حطيتي ايديكي في الاكل
عشان عارف هحتاج غسيل معدة
حياة كشرت: لا مراتك اللي عملت في الاكل
آسر غمز لدانية: اطمن كدا
ضحكت دانية وقعدوا كلهم ياكلوا مع هزار آسر والشباب
والبنات سوا
بعد ما خلصوا خرجوا كلهم الحنينة والشباب في ركن بيتكلموا والماميز في ركن والبنات عيونهم علي بعض
وضحكوا وصوت الصواريخ فجاه ملئ المكان وكلهم
اتخضوا ما عدا البنات
ادهم بص لـ ليلي: تاني
ليلي ضحكت: هو العيد يبقا عيد من غير صواريخ يا دومي
زين: دي فكرة مين فيكم
غزل: مراتك يا زينو
حياة بصتلة من تحت لتحت وزين ابتسم
يوسف: هي فكرة مجنونة بس حلوه
دانية: عجبتك يا جو
يوسف: اها يحبييتي كفايه انكم بقالكم ايام بتجهزو فيها
ديما: انت عرفت ازاي يا عمو
سيف: عيب يا بنتي تسالي سؤال زي دا ليوسف
يوسف ابتسم: كل سنه ونتو طيبين وربنا يديم لمتنا
دي علطول
الكل: امين
عدي: دلوقتي جيه وقت العيدية صح ولا انا غلطان
زين: غلطان
عدي: ماشي ياعم انت بذات هاخد منك
السعال اخدو من رجالة العيلة والشباب عيدية وكمان البنات
والماميز اخدو عيدية
عدي وقف قدام آسر وآسر بصله: عايز ايه تاني
عدي: العيدية
آسر: انا مش ليه مديلك فلوس من شويه
عدي: لا ما اخدتش
آسر: ماشي يعدي
طلع آسر فلوس من محفظتة وعدي أحدها وجري
آسر: شايفة الواد
دانية: هيكون طالع غير مين ليك يا حبيبي
آسر ابتسم: لو فيها حبيبي أنا موافق يبقا زي
دانية ضحكت: يسلام
قعد عدي علي الارض جنب كارما ومسك ايديها: انا اسف
مش هيحصل كدا تاني
كارما سحبت ايديها منه
عدي: طيب خدي العيدية ومتكلميش معايا
كارما بصتله واخدت منه الفلوس: هات
عدي: طيب خلاص بقا يكارما ونبي انا كدا هزعل اوي
كارما: فضلت تبصله شويه خلاص: مش زعلانة
عدي ابتسم ومسك ايديها وقفها وشالها لف بيها
زين: انت بتعمل ايه ياض ابعد عنها احسنلك
عدي: لا مش هبعد
زين: مستغني عن عمرك ماشي انا هجيلك
قام زين وعدي بعد عنها وجري وزين قرب من كارما وشالها
وبصلها: بتخليه يشيلك ليه
كارما: ببرائية: انا مطلبتش منه هو عمل كدا
زين: عليا انا البرائية دي يعني انتي مش موافقة علي اللي بيعمله معاكي
كارما ضحكت وزين ابتسم وبص لعدي اللي مستخبي ورا
آسر
آسر: طيب بتعمل فيها رومانسي ليه لما انت في الاخر هتستخبي
عدي: ما انا لو وقفت قدامه طبيعي هخسر
زين: طيب بتحبي فيه ايه الجبان دا
عدي طلع من ورا آسر: انا مش جبان انا بحترمك ونت مش عايز تفهم دا
زين نزل كارما وبصلة: طيب خد هنا
عدي: لا والله ما انا جاي
وطلع يجري والعيلة كلها ضحكت عليها
تمت بحمد الله