هزت كاميليا راسها بخجل وقالت…بعد اذن حضرتك هدخل اجهز الاكل قبل ما بابا يرجع وسي كارم يدخل بظته.
امها بحنان… ربنا يسعدك يا بنتي روحي.
بعد وقت
وصل ابوها البيت نادي على ولدتها دخل قال كريمة فى حاجة عاوز اقولك عليها عشان اخلص ضميري من ربنا.
كريمة ابتسمت وقالت… قول يا بسيوني اي الموضوع.
بسيوني…الأستاذ محمد ليه خمس سنين يتقدم ويطلب الكاميليا للجواز وانا بصراحة كل مرة برفض بحجه شكل مرة صغيرة ومرة تعبك ومرة مقدرش تبعد عننا وتسافر لحد الراجل ما ساب اعارته ورجع يستقر هنا والنهاردة رجع اتقدم لها وبصراحة مش لاقي سبب ارفضه بيه شوري عليا اقول له اي.
كريمة… هو يعيبه حاجة كفالة الشر عشان تدور على سبب ترفضه بيه.
بسيوني… لا والله دا راجل محترم وكل الصفات اللي اتمناها فى ابني فيه غير اصله وعيلته واخلاقه لاغبار عليهم يكفي انه شاريها وليه خمس سنين بيتقدم على أمل اغير رأيي.
كريمة… طيب وانت رافض ليه.
بسيوني… لاكتر من سبب اولهم انتي وتعبك والبيت والولاد مين هياخد باله منهم، لو كاميليا اتجوزت غير السن اظن كاميليا صغيرة عليه.
كريمة بحده… يعني خايف تجوزها عشان خدمتها لينا، ياريتك ما قلت كدا يا بسيوني وجعتني مش كفاية حرمتها من التعليم وانها تحقق حلمها وتدخل الكلية اللي بتحبها عشان نفس السبب مع انها كانت تقدر توفق بين مذكرتها والبيت بس خوفك انها تقصر خلاك حرمتها وبعدين تعالي هنا هتفضل ترفض لامته لحد ما اخواتها يتخرجوا ويتجوزوا ويكون قطر الجواز فاتها وتعيش مرمتون لاخواتها مفكرتش فيها بعد ما نقابل وجه كريم هتعيش ازاي وهي عايشة وحيده لا جوز ولا عيل ولا تيل وكل واحد من اخواتها عايش حياته ومستقبله بلاش تضيع عمر البنت وتشيل ذنبها يا ابو كارم ولو خايف عليا البنات كبيروا كوثر ودخلت طب وكارم وصيدلة وكنزي اولي ثانوي عاوز اي تاني حرام يا بسيوني تظلم البنت اكتر من كدا، قول لمحمد يجيب اهله ويجوا يتقدموا رسمي البنت مبفتش صغيرة اللي قدها يا متخرجين وبيشتغلوا ومعهم عيل واتنين يا مستتين فى بيوتهم بيربوا عيالهم مش خدامه لاخواتها.
بسيوني… افرضي رافضت.
كريمة… كاميليا كاميليا.
كاميليا… نعم يا ماما ثواني وهغرف الاكل.
كريمة… سيبي اللي فى ايدك وتعالي بسرعة.
بصت لبسيوني وقالت… قول لبنتك وشوف رايها بس عرفها مين العريس مش تقول واحد خليها تعرف مين اللي متقدم لها مش تقول واحد وخلاص.
جات كاميليا وامها قالت… قعدي ياحبيبتي بابا هيقولك كلمتين وردي باه او لا او هتفكري.
بسيوني… عارفه الأستاذ محمد مدرس العربي فى المدرسة طالب ايدك ودي مش اول مرة يتقدم لك وانا برفض عشان اخواتك و.
قطعته كريمة وقالت
… بابا قصده اي رايك موافقة ولا لا وقبل ما تردي دي حياتك متفكريش فيا انا واخواتك انا الحمدلله بقيت كويسة واخواتك كبروا والرجال شاريكي خمس سنين بيتقدم على امل نوافق اي رايك.
كاميليا رفعت عيونها لامها اللي ابتسمت وهزت راسها وقالت… موافقة بعد موفقت حضرتك وبابا.
كريمة بفرحه حضنتها… الف مبروك يا حبيبتي الف مبروك بسيوني اتصل بالراجل وقوله يجي النهاردة يتقدم هو واهله.
بسيوني… النهاردة طيب خليها بعد كام يوم.
كريمة… خير البر عاجله اتصل خلي الفرح يدخل بيتنا.
اتصل بسيوني وقال لمحمد اللي ما صدق وجاب اهله وجم اتقدموا رسمي.
ابو محمد قال… استاذ بسيوني محمد ابني جاهز من مجاميعه وبأذن الله فرحنا بعد شهرين خير البر عاجله.
بسيوني بص لمراته وبضيق قال… شهرين مش شايف ان شهرين.
قاطعتة ام محمد… عاوزين نفرح يا حضرة الناظر وبصراحة احنا مش بنحب نطول فترة الخطوبة .
بسيوني… بس يا جماعة فى التزامات علينا وجهاز بنتنا وشوارها محتاج وقت وزي ما انتم عارفين ام كارم بعافيه ومش هتقدر تنزل تشور البنت كل يوم والتاني وانتم مجوزين بنات وعارفين.
محمد بسرعة… انا مستعد اخد المدام والعروسه كل يوم بالعربية يجيبوا كل اللي عاوزينه.
ام كامليا بتفهم… نقسم البلد نصين يا جماعة وبنفس الوقت الاجازة تكون جات والكل يفرح بعد امتحانات اخر السنة، باسبوعين يعني بعد اربع شهور بالظبط ان شاء الله منها العريس يرتاح من الدراسة ودوشه التلاميذ واحنا نكون جهزنا بنتنا برحتنا واهو الفترة دي يخدوا على بعض.
ام محمد بضيق… أربع شهور ستاشر جمعة، وزيارات ومواسم وهدايا و.
محمد بسرعة قال… نقروا الفاتحة وان شاء الله ننزل نشتري الشبكة بكرة بعد المدرسة من البندر بس بعد اذنكم يا جماعة عاوز كتب كتاب عشان ادخل واروح مع الجماعة نشتري الشوار برحتي.
بسيوني… كتب الكتاب ليلة الحنة مدام الفرح علطول.
ابو محمد… ملهوش لازمه الخطوبة نلبس الدبل عند الصايغ وعلى راي الاستاذ بسيوني الفرح علطول ملهاش لازمه التكلفه.
محمد… لا تكلفة، ولا حاجة انا حابب اكتب الكتاب ونعزم الحبايب وزميلي المدرسين في منهم من بلاد جنبنا وما بيصدقوا الاجازة تجي والامتحانات تخلص ويرجعوا بلادهم او يسافروا يصيفوا.
ام كامليا… يبقي خلاص كتب الكتاب مع الشبكة شوف حابب يكون،امته و كلم المأذون واتفق معه وشوف المطلوب احنا معندناش مانع.
نزلوا تاني يوم اشتروا الشبكة وكتبوا الكتاب بعد اسبوع وكل يوم محمد ينزل مع كاميليا يشتروا جهازها وامه معه بحجة شكل وقت اختيار الاجهزة تختار معهم اغلي حاجة ووقت الحساب تاخد محمد وتخرج بره المحل بحجه عشان الاحراج.
يوم الفرح كامليا قامت من بدري روقت الشقة، وعملت الاكل ودمعها نزله ، امها قامت من النوم لقت كامليا بتشتغل عيونها دمعت، وبحنان… ليه تتعبي نفسك ياحبيبتي وانتي مفروض تنامي وترتاحي.
كامليا مسحت دمعها واديرت لامها وقالت… مجاليش نوم يا ماما، وقلقانه قلت اقوم اروق واعمل الفطار قبل ما اروح، الكوافير.
امها بحزن… مالك يا كامليا اي قلقك ومخلي النوم مجافيكي وكل يوم تصحي من الفجر تكنسي وتنفضي الشقة انا ليا فترة حاسة بيكي وبقول اكيد متوترة قبل الفرح زي العرايس لكن دمعتك اللي علطول في عيونك.
كامليا رمت نفسها فى حضن امها… حاسة اني اسرعت بالموافقة يا ماما وحضرتك تعبانه واخواتي صغيرين غير ام محمد حاسها مش حباني، وكدا.
امها… نبداء بحماتك الست بما يرضي الله عمرنا ما سمعنا عنها حاجة تعبها ولو على نزولها معانا نشتري انا لو مكانها وابني نزل مع نسايبه هشك انه ممكن يدفع من جيبه وبصراحة محمد كريم وايده فرطه وشفتي يوم، الشبكة بعد، ما امه واهله اختاروا الشبكة معانا رجع بعد ما وصلنا لهنا وجابلك الخاتم اللي اخترتيه غير الاسورة اللي جبهالك هدية حتى يوم ما امه صممت علي شاشة اوضة النوم دفعها هو من جيبه من غير ما امه تاخد بالها غير كل يوم قبل ما ننزل نشتري حاجة يدني مبلغ صحيح برفضة مرداش اخده بس اهو بيعزم واوقات بيصمم ويخلف اخليهم معايا ويقول خليهم معاكي احتاجتيهم يبقي معاكي لاء اهم هيروحوا فين محمد بيحبك وشاريكي كفاية، انه قعد خمس سنين لحد ما وفقنا عليه.
عدي الفرح على خير ومحمد كان طاير من الفرحة وعاشوا في شقة محمد فى بيت اهله وفى يوم رجع من المدرسة فرحان ناده على كاميليا وبفرحه قال… تعالي ياوش الخير.
كاميليا ابتسمت… باين على وشك الفرحة فرحني معاك.
محمد رفع ورقه فى وشها وقال… المدرسة اللي كنت معار ليها بعتت تجديد العقد وتمديد الاعارة وكمان طالبين السفر خلال ايام شفتي وشك حلو عليا ازاي.
كاميليا اختفت ابتسامتها وقالت… هتسافر وتسبني يا محمد انا.
محمد بسرعة… لا يا حبيبتي هنسافر سوى انا اول ما الجواب وصل اتصلت بزميل ليا هناك وطلبت منه يأجرلي شقه مفروشه لحد ما اروح واستقر انا وانتي ونشوف شقه تختاريها على ذؤقك.
كاميليا بتردد…بس هسافر معاك وماما و.
محمد بضيق… ممكن تفكري فى مستقبلنا ولدتك مليون مره تقولك انها كويسه وبخير واخواتك اظن كيبروا ويقدروا يشوفوا مصالحهم، وبعدين انا مصدقت اتجوزنا يا كاميليا وبقيتي مراتي ومقدرش ابعد عنك ساعة واحدة عايزاني اسافر واقعد سنه مشفكيش دا انا كنت اتجنن..
كاميليا ابتسمت وقلبها نغزها… اللي تشوفه يا حبيبي انا معاك فيه بس نينه الحاجه هتوافق وانت شايفها بنفسك كل يوم لازم انزل مع ستات اخواتك فى البيت حتى اليومين اللي بروحهم عند ماما بتشيلني يومين زيادة فى غسيل المواعين.
محمد… اهو دا اهم سبب توافقي عشانه تسافري معايا عليه وبعدين انا فهمتك قبل كدا وقولت لك بتعمل كدا عشان الحريم ما يغرش منك ويقولوا مش عجب.
كاميليا… ما كنت اروح عند ماما وانت مسافر و.
محمد… كاميليا لو مفيش سفر معايا مفيش قاعدة عند ولدك وانا راجل محبش مراتي تعيش مرمتون لاهلها ولا لاهلي طول ما انا بعيد عنها وبعدين بدل ما تفرحي اني خايف عليكي ومش قادر ابعد عنك تقولي اسيبك واسافر.
كاميليا بلجلجه… لاء خلاص اسافر معاك اكيد انا اصلاً مقدرش اعيش يوم وانت بعيد عني.
محمد بفرحة… اهو دا الكلام اللي يفتح النفس يلا بدلي هدومك عشان نروح تصوري صور جواز السفر وبكرة نروح نعمل اجراءاته.
راح محمد وكامليا عملوا الجواز واراحوا لاهل كامليا وعرفوهم بسيوني قال… ما كنت سفرت يا محمد وخليت كامليا تعيش معانا ناخد بالها منها واهو تاخد بحس امها واخواتها الصغيرين.
كاميليا بتسرع… والله قولت كدا لمحمد بس هو.
محمد بضيق… ياعمي انا راحل محبش مراتي تبعد عني وبعدين حتى لو هي ما سفرتش ميصحش تسيب شفتها وتجي عند حضرتك وهي لسه عروسة الناس هتقول اي.
ام كامليا … كلامك عين العقل يابني خد مراتك وسافروا بالسلامه وكل شوية ابقوا كلمونا وفى الاجازات انزلوا علطول.
بعد سهرة روحوا شقتهم دخلوا قبل ما يطلعوا شقتهم على بيت حماتها قال محمد على السفر امه… محمد سافر يا ضنايا وشوف مستقبلك وسيب مراتك هنا، ولو عايزة تروح عند اهلها معنديش مانع لكن تاخدها معاك اللي تشتغل بيه تصرفه سكن واكل وشرب وما تمرش حاجه للزمن.
محمد… متقلقيش يامه عامل حسابي ودا نفس كلامي مع حمايا، لما قالي اسبها بين بيته وهنا بس انا عاوز مراتي معايا.
امه.. بس.
ابوه… بس يا ام محمد سبيه على رحته هو ادره بنفسه.
بعد ما خلصوا اجراءات السفر سافروا محمد وكاميليا وصلوا الشقة بعد تعب فى السفر واول ما وصلوا اتصلت على ولدتها تطمن عليها وعلى صحتها وطمنتها انها وصلت السكن.
محمد بضيق… طيب اصبري نريح شوية مش اول ما ندخل تتصلي.
كاميليا…اصل ماما كان باين عليها التعب وانا قلقت عليها اوي.
محمد… ولدتك ما شاء الله زي الفل واظن كنت جدع معاكي وسبتك تقعدي معها عشر تيام كاملين وجتي من عندهم يدوب سلمتي على امي واخواتي وحريمهم وجينا على هنا مش كان من باب اولي تطمنيهم هم كمان على وصولنا بدل ما تقولي لولدتك تبلغهم.
كاميليا… انا فكرتك هتتصل بيهم تطمنهم وكدا.
محمد بضيق… انا تعبان داخل اريح شويه لو حابه تجي تريحي برحتك عاوزة تكلمي ولدتك واخواتك برحتك.
كاميليا… لا ازاي دا انا حتى مرهقة اوي وعاوزه اخد شور وانام.
استقروا فى السفر محمد بينزل الشغل يرجع اخر اليوم ياكل ويربح شويه وينزل وبليل ينزل يتمشي هو كاميليا وفى يوم تعبت واغم عليها محمد رجع من الشغل لقاها وقعه اخدها محمد وكشف عليها الدكتورة قالت… مبروك المدام حامل فى الشهر التانى.
محمد الفرحة مكنتش سيعاه اخد كاميليا فى حضنه وبارك لها اتصلب اول ما قالت… هتصل على ماما افرحها،دى كانت قلقانه على تاخير الحمل.
محمد بعد عنها وقال… اتصلي برحتك ومتتسيش تبلغي امي هي كمان عشان كانت قلقانه برده على تاخير الحمل.
سابها فى الصالة ودخل الاوضه رمي نفسه على السرير بضيق دخلت كاميليا وراه وبلجلجه… محمد اي زعلك.
محمد بحده… بتسألي بجد اي زعلني ولا انتي عارفه اي سبب زعلي وجاية ليه.
كاميليا…محمد انت بتغير من حبي لاهلي وتعلقي فيهم ما اي بنت بتحب اهلها وبعدين قولت لك مية مرة ماما تعبانه وبتقلق عليا وانا كمان بقلق عليها دي امي وزي ما ولدتك بتقلق عليك وبتفضل توصيك تاخد بالك من نفسك ومن اكلك وشربك مع انها عارفه اني وخده بالي منك اوي.
محمد… كاميليا من غير كلام كتير انا سبب زعلي مش اهتمامك باهلك انا مش سطحي ولا نكدي انا زعلي انك اي حاجة خاصه بينا لازم تشركي اهلك فيها حتى مبتدنيش خبر قبلها استعد لا فى عز فرحتي،لازم تضيعها بكلامك ماما واخواتي حت الاكل بتنسي تجهزلي من كتر انشغالك باخواتك وٱبوكي اكلوا اي شربوا اي حتي لبس اخواتك بتختريه معهم، يومك معهم حتى بعد ما ارجع من الشغل تعبان وهلكان لو رسالة جاتك منهم تجري تشوفي عاوزين اي وانا اتفلق.
كاميليا… محمد انت بتقول اي يا حبيبي انا.
محمد… انا نازل ميعاد درس نواف جه هروح لو احتاجتى حاجة رني عليا او احسن رني على ولدتك.
كاميليا… مش كنت هتاجل الدرس وتديه يوم تاني.
محمد..دا على اساس هنحتفل بالحمل بس خلاص ملوش لازمه لو اتاخرت ابقي نامي.
خرج محمد بزعل و كاميليا قعدت على السرير تبكي اتصلت امها كلمتها كاميليا وحكت لها اللي حصل امها قالت…من حقه يا بنتي الراجل حابب يعيش براحه وهدوء مع مراته طول اليوم بره البيت سايبك برحتك تكلمي معنا مش لازم وقت رجوعه تنشغلي عنه باخواتك وطلباتهم، انا هنبه على اخواتك يكلموكي الوقت اللي تقولي لهم انك لوحدك مش اي وقت يرنوا عليكي الراجل برده عاوز يحس باهتمامك، عوضي جوزك واعملي حاجة حلوة واستنيه لما يرجع واحتفلوا بحملك وكمان اتصلي بحماتك عرفيها.
اتصلت كاميليا بحماتها وعرفتها وعملت كيكه وزوقتها ورتبت الشقة واستنت محمد اللي جه متأخر جريت عليه بقلق محمد خوفتني يا حبيبي كل دا تأخير.
محمد بص للشقه والزينه بستغراب وقال… اي دا.
كاميليا بفرحة…اي رايك فى المفاجأة قلت نحتفل بالحمل وعلى فكرة نينه فرحة اوي بالحمل وقالت ليه ما رنتش عليها وعرفتها انا قولت لها انك فى الشغل وانا قولت افرحها.
محمد هز راسه وقال… ياتري عملتي كدا من نفسك ولا مامتك.
كاميليا بسرعه… محمد اي اللي بتقوله دا اكيد انا.
محمد ابتسم…بجد يا كاميليا انتي عملتي كدا عشان نحتفل مع بعض.
كاميليا هزت راسها… اكيد يا حبيبي.
عدي شهور الحمل وكانت حامل بتؤام وجه وقت الولاده محمد رفض انها تنزل وصمم توضع فى البلد اللي هم فيها وفضل محمد رافض ينزل مع اصرار كاميليا تنزل عشان تزور اهلها قال… انا كمان اهلي وحشني ومتحمل بعدهم عشان ولادى ما يتبهدلوش في السفر لحد ما يقوا ويكبروا ويتحملوا السفر والطيارة وبهدله الطريق.
كاميليا…محمد ماما تعبانه اوي ودخلت العمليات تاني انا مش قادرة ابقي هنا ومعرفش حاجة عنها واخواتي مش بيردوا عليا غير كل فين وفين الله يكرمك ننزل كام يوم بس ونرجع على طول منها نطمن على ماما وانت كمان تطمن على اهلك ويشوفوا الولاد.
محمد بضيق… اهلي شافوا العيال صوت وصورة متعملهاش حجتك عشان تنزلي، عشان نخلص من الزن دا انا ححجز لك تنزلي تزوري ولدتك وتطمني عليها وتجي علطول انا مش هقدر اامن على ولادى السفر فى الاوضاع ﮂي والمرض مالي الدنيا.
كاميليا … طيب ازاي اسيب الولاد واسافر دول لسه بيرضعوا.
محمد… افطميهم الكام يوم الجاين دول على ما القي حجز وكدا كدا الدراسة اون لاين هنا وبدي الطلبه الحصص من هنا والدروس كمان يعني مش هخرج واسبهم وكل طلباتهم هنزل اجبها كلها عشان منزلش واسبهم.
كاميليا هزت راسها وقلبها بيتقطع بين ولدتها واولادها قالت… اللي انت شايفه اعمله انا معاك فى اي قرار بس اطمن على ماما.
محمد… جهزي شنطتك وانا هدور على اقرب رحله واحجز لك.
بعد يومين رجعت كاميليا لمصر وراحت المستشفى من المطار تطمن على ولدتها قابلت اخواتها وولدها بالدموع ونسيت معهم تتصل بمحمد اللي هيجنن من تاخرها فى الاتصال بعد ما اطمنت على ولدتها فى العناية اتصلت على محمد اللي كلمها بعصبية وقال… أخيراً الهانم افتكرت جوزها وعيالها اللي قاعدين على نار وهيجننوا من القلق عليها.
كاميليا… اسفه يا محمد على ما وصلت وخلصت الاجراءات واخدت تاكسي وجيت على المستشفى اطمن على ماما،ماما تعبانه اوي يا محمد والدكاترة بيقولوا ادعولها الكام ساعة الجاين على خير.
محمد اتنفس بحده وقال… ربنا يشفيها ويطمنكم عليها كاميليا بعد ما تطمني على ولدتك تروحي على شقتنا تسلمي على ولدتي واخواتي وتديهم هداياهم مش تنسي نفسك مع اخواتك وتعدي عليهم وانتي راجعه تخرجي من المستشفى عليهم ولو يعني حابتي تطلعي شقتنا تريحي فيها وتبقي تروحي منها على ولدتك وترجعي تباتي فيها يكون أحسن.
كاميليا… حاضر هروح دلوقتي مع بابا واخواتي على نينه اسلم عليها واديهم شنطة الهدايا لكن مش هقدر ابات يامحمد اعزرني بابا واخواتي وامي محتاجني واوعدك كل كام يوم هروح اقعد مع نينه شوية.
محمد بضيق… برحتك يا كاميليا.
كاميليا… الولاد عاملين اي وحشوني اوي محمد خلي بالك منهم احمد مواعيد علاجه كتبها على ورقة على التلاجة، وأميرة مش بتحب تاكل غير اكل مهروس متنساش يا حبيبي.
محمد نفخ… وابوهم ملهوش نصيب.
كاميليا… انت الكوم الكبير يا نور عيني.
محمد ابتسم وقال… البيت من ﻏيرك وحش اوي متتاخريش عليا يا كاميليا انا مش هستحمل بعدك كتير عني.
عدي اسبوع وام كاميليا اتوفت كاميليا انهارت من الصدمه وتعبت ومحمد كل ما يكلمها تقوله… تعبانه يا محمد مش قادره موت امي كسرني وزاد تعب بابا بدل ما تجي تاخد بخاطري وتواسيني وتعزي بابا تقولي تعالي هو حزني مش همك ولافارق معاكي
محمد بحده… كلنا هنموت وبعدين ولادك يا ست كامليا مش محتاجين امهم.
كامليا… انت فى اجازة يا محمد جبهم واوعدك بابا يخف ويشد حيله هنسافر علطول.
محمد… قولتلك نزول مش نازل وبعدين أحمد كمان تعبان ومحتاجك جنبه ولدتك الله يرحمها عند اللي احسن مني ومنك وولدك اخواتك معه اظن كبار بما فيه الكفاية يخدوا بالهم منه لكن ابنك.
كاميليا ببكاء… يا حبيبي يابني محمد ابوس ايدك تنزل بيهم و.
محمد بعصبية… انزل ببهم بقولك الولد تعبان عوزاني اعرض حياة ابني للخطر عشان حضرتك مش هاين عليكي تسيبي اخواتك الشحوطه لوحدهم لكن ابنك يروح فدهيه ولا فارق معاكي.
كاميليا… انت اي يا محمد فاكر قلبي حجر وابني بعيد الشر عنه دا ابني وربنا يعلم بوجعي قد اي عليه بس ازاي اسافر حط نفسك مكاني ازاي اسافر وبابا فى المستشفى واخواتي بيمتحنوا مش كفاية عليهم موت ماما وحزنهم عليها وبابا مش محتاج مراعيه وقت خروجه من المستشفى قولي ازاي اسبهم واسافر وبيني وبينهم مسافات دا واجب عليك تعمله وتقولي انا اخف ه جيب الولاد واجي أعزي بابا كي واخوكي لكن .
محمد قاطعها بعصبية وقال… قولي اللي انتي عوزاه وابوكي انا عزيته فى التليفون واخوكي كمان عزته اظن عداني العيب، نزول ونزلتك تشوفي ولدتك وتقعدي معها وحتى بعد وفاتها سبتك عاوزه اي اعمله اكتر من كدا، واحد غيري استحالة كان وافق تنزلي وتسيبي الولاد وهم لسه مكنلوش سنتين كامليا انا متجوزك انتي مش محوز امك وابوكي وتخزاتك فاهمه.
كامليا… قصدك اي بكلامك ده.
محمد… يعني قدامك اسبوع يا كاميليا تطمني على ولدك تقولي واخواتتي اظن هم مش صغيرين يمتحنوا ما يمتحنوش مليش فيه اسبوع ما جتيش فيه انسي ان لكي ولاد وانسيني معهم وخليكي مع اخواتك خليهم ينفعوكي.
كاميليا… محمد بتقول اي و.
قفل محمد التليفون فى وشها وكاميليا انهارت من البكاء ورجعت ترن على محمد مرة واتنين مردش بعتت رساله وتس مردش غير بعد وقت وقال فيها… اللي عندي قولته يا كاميليا اسبوع سبع ايام مجتيش خليكي عندك وانسي ليكي عيال.
كاميليا لسه هترد سمعت صوت صراخ في الصالة طلعت تجري بفزع لقت كوثر ماسكه تليفونها ومنهارة من البكاء وبتصرخ.
جريت عليها وقالت… فى اي يا كوثر بتصرخي ليه.
كوثر بصت لها…بابا يا كاميليا بابا مات راح لماما وسبنا.
كاميليا بصدمه بتقولي اي يا كوثر انا كنت عنده الصبح كان كويس وكلمني ووصاني عليكم مات ازاي.
صرخت ووقعت على الارض مغم عليها .
عدت ايام العزاء وهي منهارة مش بتاكل ولا بتشرب حماتها جات لها عزتها وبعد كام يوم قالت لها… مش كفاية يا كاميليا كدا يا بنتي المرحوم ليه عشر ايام متوفي وانتي دمعتك ما نشفتش ولا بتاكلي ولا بتشربي حرام عليكي دا ميرضيش ربنا حتى عشان اخواتك اللي مغيش بق مايه نزل جفهم وبعدين لازم تاكلي وتصلبي طولك عشان عيالك و محمد هيجنن من القلق عليكي .
كاميليا اديرت لها وقالت… ابوس ايدك يا نينه قولي لمحمد يجيب الولاد ويجي انا هجنن واشفهم وفى نفس الوقت حضرتك شايفه حال اخواتي والبيت مقدرش اسبهم واسافر هو اخف يجبهم ويجي.
حماتها… تفتكري ما قولتش ليه الكلام دا بس رفض وقال الولاد تعبانين وميقدرش يخاطر بيهم انتي شدي حيلك ورحلهم.
سكتت كاميليا وقالت فى نفسها… اروح ازاي بس واسيب اخواتي في حالتهم دي ربنا يهديك يا محمد وتوافق تجيب الولاد وتجي.
بعد عشر ايام من وفاة ابوها اتصلت على محمد تترجاه ينزل بولادها قال… لاء انا قولت لك مش نازل شغلي مقدرش اسيبه غير الولاد تعبانين مخطرش بيهم عاوزة تجي ليهم احجزلك وتجي.
كاميليا… اخواتي يا محمد.
محمد بعصبية… خليهم ينفعوكي واخر مرة هقولهالك عاوزه تجي هحجزلك لا يبقي تنسي عيالك وتعتبري نفسك طالق واعملي حسابك ملكيش ولاد عندي فاهمه.
كاميليا.. محمد اي.
قفل التليفون فى وشها مستناش يسمع ردها رجعت اتصلت عليه وبعتت له وتس ما ردش عدي اسبوع وهي بين نارين اخواتها وامتحانتهم وولادها بعتت لمحمد قالت له… اخواتي يخلصوا امتحانات وهاجي.
رد عليها محمد بكلمتين ورقتك هتوصلك عن طريق السفارة اللي بنا انتهي.
كامليا… محمد ارجوك استني ولادي يا محمد بلاش تحرمني منهم.
قفل محمد وهي بتصرخ… لا ارجوك يا محمد استني جري عليها كارم اخوها قال… مالك يا كامليا محمد ماله.
كامليا… محمد هيطلقني يا محمد وهيحرمني من ولادي.
كارم بهلع… انا انا هكلمه وهقوله هحجزلك وتسافري، احنا كبرنا.
كامليا… قولي يطلقني انا راضية بس بلاش ولادي ارجوك يا كارم قوله كله الا ولادي.
كارم رن على محمد كتير بعد وقت رد وقال…. قول لاختك تروح الخرجيه تستلم ورقتها ا.
كارم بتهته… محمد انا هحجز لكامليا وهتس.
قطعة محمد وقاله… اللي بيني وبين اختك خلاص.
كارم… الولاد ل.
محمد… تنسي ان ليها ولاد وبعدين هي اخترنك انت واخواتك وباعت وعلادها خليكم تنفعوها.
كارم… اخزي الشطان يا محمد قولتلك كامليا هتسافرلك.
محمد بعناد… مبقتش تلزمني الست اللي يهون عليها ولادها متلزمنيش
كارم بحده… الولاد فى الشرع والقانون فى حضانة كامليا بلاش تخلينا نلجأ للمحاكم طلقتها اكيد انت الخسران مش هي وانت عارف ان مليون واحد يتمناوها زوجة ولو قالت يا جواز هيقفوا طوابير وبدل العيل هتجيب عشرة.
محمد بعصبية وصريخ… اقسم بالله يا كارم لو حصل وكامليا بس فكرة تجوز لحرمها من الولاد عمرها كله غير اللي هعمله فيها، اديني اختك اكلمهابلاش كلام العيال اللي بتقوله
كارم بعصبية… قلتلك العيل قصادة عشرة وهعرفك العيل هيعمل اي.
محمد… اقسم يا كارم لاخليك تندم على كلامك وقول لاختك لو طولتي السماء بايدك ابقي احلمي تشوفي ولادك.
كاميليا ببكاء صرخت فى محمد.. انت اي يا اخي معندكش قلب.، طلاق وطلقت خلاص الله يسهلك بس ولادي.
محمد… عندك اخواتك اللي اخترتيهم على ولادك .
كاميليا… هخدهم يا محمد هخد ولادي وابقي احلم تشفهم